.. استشاره .. يا خواني .. لاتبخلون علينا بالنصيحه ..

[المتألق]

السلام عليكم ورحمه الله وبركاته


شلونكم ياخواني

انا مأجر تريلا على شركه ومن ضمن بنود العقد في حاله رجوع شيك اني اسحب السياره وطالب بالمبلغ كامل

واليوم رجع لي شيك وماحصلت رصيد ..

وكلمت صاحب الشركه وقال لي ماعندي فلوس .. قلت له بصبر عليك .. قال مادري ماراح اوعدك .. وقلت له ترى بحولها قضيه قال لي سوى الي يريحك


مادري شاسوي ياليت تعطوني رايكم

وشكراً

[Bro]

اسحب الموتر وشغله مكان ثاني احسن مايشتغل ببلاش

وارفع قضيه هذا حقك


قال ماعندي فلوس عجل يشتغل ببلاش للمشاريع يعني

الله يعينك اخوي

[_QTR_]

اسحب الموتر

والحمد الله انها جات على هذا الحال

واحد من الربع والله انه يستلم شيك 5 شهور قبل

يعني الحين احنا في شهر 7 .. عادي يعطونه شيك شهر 2

[بـ فيصل ـو]

القانون معاه مش معاك.. لذا كانت هذي إجابته لك وهو مطمئن ومايخاف..
وإذا إنت بالك طويل فإن القانون راح يحاول يكون معاك (يحاول حسب قوتك بالقضيه)..
وتوقع إن مثل هالقضيه تاخذ لها من سنتين إلى 5 سنوات بالمحاكم للمناقشه قبل اصدار الحكم النهائي..
فالحرامي في زماننا هو الكسبان = لذا نسمع عن السرقات والإختلاسات اللي كل مالها وتزيد.. نسأل الله السلامه من هالفوضى اللى مش عارفين لها أول ولا تالي..

واذا بغيت نصيحتي .. ركعتين في جوف الليل + دعوة خالصه من القلب لربك العادل راح تخليه يترجاك تاخذ فلوسك منه.. والراي لك طبعا..

[المتألق]

يعطيكم العافيه وبيض الله وجيهكم