@@@@ مشكلة في المؤسسة العامة للبريد @@@@

[بـن عدوان]

السلام عليكم ورحمة الله وبركاته

شخباركم ان شاءالله بخير ...


يالغاليين انا طالب من فترة غرض من ماليزيا

والحمدلله وصل لي ع البريد

وطلبت ثاني مرة غرضين من نفس المكان

الغرضين وصلوا

الأول استلمته

والثاني على قولتهم ضايع !!!

والسبب من الاهمال اللي عندهم

انا شذنبي ؟؟ :anger1:

وشنو ممكن اسوي عشان يطلعونه ؟

للعلم رحت لهم امس الصبح دوروه ومالقوه وقالوا تعال الساعه 1 لانه الشفت بيتغير

ونفس الشي رحت الساعه 1 قالوا بكرة

ورحت اليوم ونفس الحالة وقالي انه بيكتب تقرير !!

بغيت الحلول الله لا يهينكم ..

تحياتي لكم

[بوعلي 78]

العوض على الله
الله يكون في عونك الواحد لما يروح عنده شغله في دائره حكوميه يحس نفسه ذليل وانه تحت رحمة الموظفين هناك ومزاجهم
وفي الاساس ماله داعي يقولك روح وارجع لنه بعدين، لأن ياالشغله موجوده او تكون ضاعت واذا موجوده يدورونها وانت قاعد بعد ليش تروح وترجع

[The Watcher]

مافي حل

البريد العادي ممكن يضيع .. وهالشي في اي مكان في العالم

ممكن تخليهم يرسلونه بالبريد المسجل
او اكسبرس .. يعني dhl وهالشركات
بس طبعاً كل شي بسعره

[بـن عدوان]

يعني في مافي حل ؟

[ريماس الغلا]

ارفع عليهم قضيه

[وتبقى الدنيا حلوه]

http://www.imolink.net/qpost/ttchmail/parcel_wait.php

ادخل هنيه و اضغط على Ctrl و F بيطلع لك

بوكس اكتب فيه رقم صندوق البريد مالك و شيك بين فتره و فتره يمكن يوصل

و اذا لقيت الطرد انسخ الرقم الطويل و عطهم اياه عشان يجيبون الطرد

[كرستال]

انا بعد ضيعوا من عندي اغراض
الشركة تقولي طرشناها
وهم يقولون لسه ما وصل شي

ومره لقيتهم فاتحين الظرف مال الاغراض ، ما خليت حد ما رحت له بالبريد
حتى مدير صناديق المشتركين
ولا لقيت فايده
والكاميرات الي حاطينها حق مراقبه الفرز ما يفتشون فيها من الي فتح الاغراض

حسبي الله عليهم ، حسبي الله عليهم

[عذايب قطر]

انا اشتغل في البريد واللي صار امس انه غيروا المدير علي العلي كانت صدمه علينا

بالنسبة للطرد الضايع عندك الطابق الثالث الاستعلامات روحلهم عشان يرفعون التقرير ويشوفون وين الشحنة
يمكن كاتبين صندوق بريد غلط او غيره.

تحياتي لكم
عذايب قطر

[وتبقى الدنيا حلوه]

انا بعد ضيعوا من عندي اغراض
الشركة تقولي طرشناها
وهم يقولون لسه ما وصل شي

ومره لقيتهم فاتحين الظرف مال الاغراض ، ما خليت حد ما رحت له بالبريد
حتى مدير صناديق المشتركين
ولا لقيت فايده
والكاميرات الي حاطينها حق مراقبه الفرز ما يفتشون فيها من الي فتح الاغراض

حسبي الله عليهم ، حسبي الله عليهم

الجمارك يفتشون بالطرود وبطريقة الهمج

تخلي مره كنت طالبه من فكتوريا سيكرت ملابس داخلية و الاخ فتح الصندوق و جدام خلق الله و قاعد ينبش و لما شبع قال خلاص صكروا

والمشكله الاغراض دخلت في مكينة يعني ليش التفتيش بعد ؟!

[كرستال]

انا اشتغل في البريد واللي صار امس انه غيروا المدير علي العلي كانت صدمه علينا

بالنسبة للطرد الضايع عندك الطابق الثالث الاستعلامات روحلهم عشان يرفعون التقرير ويشوفون وين الشحنة
يمكن كاتبين صندوق بريد غلط او غيره.

تحياتي لكم
عذايب قطر



والله ما دلوني عدل .. حسيت ا ن رئيس القسم يبي يغطي على واحد من الموظفين
كل ما اكلمة يحمر عينه ويطالع واحد منهم ويحاول يرقع
وكل الي قالولي روح حق مدير الصناديق وهو بيشوف الموضوع

الشركة كانت تطرشلي الظروف بصورة منتظمة
ومره جاني ظرفين والاثنين مفتوحين ما اعترضت

لكن واحد فيه الغرض
والثاني العلبة موجودة والفاتورة عليه والاستكر والغرض مختفي
شلون ..
قالوا احنا استلمناه جذيه
حتى الكاميرات الي راووني اياها قالوا ما نقدر ا لا بأمر الشرطة اننا نشوف التسجيل مالها

لا الي حلو مشكلتي ولا الي خلوني اروج الشرطة



الله لا يسامحه ولا يوفقه الي سرقهم

[فلفل حار]

العوض على الله يالغالــي ...!

مافي الا تراجعهم وتطول بالك اخوي بن عـدااون ....

:)





ارفع عليهم قضيه

صج انج عنيفه ...!:eek5:


ماتوصل لهدرجه عــاد ...!

:omg:

[م. عبدالعزيز]

اطلبه من أرامكس او من dhl أحسن.. انا استخدم أرامكس ودووم اطلب منهم
صحيح انهم يتأخرون لو طلبت شي من أمريكا، بس من بريطانيا يوصل بسرعه ..

[تفوق الوصف]

البرييييييييييد القطري سسسسسسسسسسيئ جداااااااااااااااااااااااا

البريد العادي اللي بامريكا وبريطانيا من 7 لين 10 ايام يجيك قطر بعد 3 شهور

والبريد المسجل شهرين

والبريد الممتاز 3 اسابيع - شهر

والله اني طالبه اغراض وايد للحين ما وصلت صار لها شهر و 5 ايام

كل يوم اشيك ما فيه شي :(

[فلفل حار]

البرييييييييييد القطري سسسسسسسسسسيئ جداااااااااااااااااااااااا

البريد العادي اللي بامريكا وبريطانيا من 7 لين 10 ايام يجيك قطر بعد 3 شهور

والبريد المسجل شهرين

والبريد الممتاز 3 اسابيع - شهر

والله اني طالبه اغراض وايد للحين ما وصلت صار لها شهر و 5 ايام

كل يوم اشيك ما فيه شي :(


اهم شي طلبات الفيرتو لاتتأخر ....:telephone:

اختي تقدرين تشيكين على الطرود من هالرابط

http://www.imolink.net/qpost/ttchmail/checkmail_ar.htm


:)

[RE-Qatar]

والله ما دلوني عدل .. حسيت ا ن رئيس القسم يبي يغطي على واحد من الموظفين
كل ما اكلمة يحمر عينه ويطالع واحد منهم ويحاول يرقع
وكل الي قالولي روح حق مدير الصناديق وهو بيشوف الموضوع

الشركة كانت تطرشلي الظروف بصورة منتظمة
ومره جاني ظرفين والاثنين مفتوحين ما اعترضت

لكن واحد فيه الغرض
والثاني العلبة موجودة والفاتورة عليه والاستكر والغرض مختفي
شلون ..
قالوا احنا استلمناه جذيه
حتى الكاميرات الي راووني اياها قالوا ما نقدر ا لا بأمر الشرطة اننا نشوف التسجيل مالها

لا الي حلو مشكلتي ولا الي خلوني اروج الشرطة



الله لا يسامحه ولا يوفقه الي سرقهم




ليش ما سألته البريد اللي مركب الكاميرات ولا الشرطه ؟
واذا مصخوها وياك الله لا يهينك روح افتح بلاغ وانت واقف ذيك الساعه بيطلعون اغراضك ولو تموا يدورونها ليل نهار خوف من المسائله

[بـن عدوان]

المشكلة الغرض مب لي :(

وايصال الغرض موجود بس هم ضيعوه ..