شباب ممكن استفسار لاتكم خبره

[غزوله]

شباب انا شارية سياره ابي تنصحوني طبعا بحط لها مخفي بس بسال احط عازل والا لا لان فيه ناس قالوا حطي وناس قالوا لا فمادري اشريكم وش نصيحتكم :weeping:

[وليف قطر]

حطي عازل يبه .. بس لا تعدي 30 %

لآنه لين الـ30 % ما يكون مبين .. وبالتالي مايركزون عليه المرور ..

والعازل .. نسبة منعه لآشعة الشمس أقوى من المخفي بوااايد ..


أما المخفي .. ما منه فايده ..

وترى المرور جزاهم الله خير .. يراعون الحريم في موضوع العازل .. وما يدققون عليهم ..


/

[غزوله]

مشكور اخوي على النصيحه بس ممكن تعطيني عنوان محل العازل

[_بوشهاب_]

تيتانوم في الغرافه جنب مطعم الدجاج الحار وفي طريق سلوى
جونسون في محه المسيله و في طريق سلوى
في كوول في طريق سلوى
النهدي في طريق سلوى
زيبارت في طريق سلوى وفي العزيزيه على ما اظن

ان شاء الله اكون افدتج

[فلفل حار]

http://www.qatarshares.com/vb/showthread.php?t=277082

[سداوي&مدريدي]

ألف مبــروك السياره يعطيج خيرها ويكفيج شرها :nice:

اذا السياره موديل السنه 2009 حطي عازل 20 % واذا السياره قديمه

خلي العازل 10 % عشان الموتر يعدي الفحص

وانصحج في تتانيم :nice:

ومكانهم في طريق سلوى

بالتـوفيق

[>>> غــمـــوض <<<]

اكــيد العازل احســن من المخفـي
المخفي مامنــه فايده ويخترب وفوق هذي مايسوي شي

انه حاطــه v-kool بنسبــة 40 % وكان ودي احط نسبة اكثر من جذي
لاني تعودت ان المخفي يكون داكـــن ولــكن العازل حتى ولو كان نسبته اكبــر بس يكون اخفــ من المخفـي :secret:
و سعره اغلـى من باقي العوازلـــ مثل johnson ولكــن عن جربه وااايد زيــن
وعليه ضمان 5 سنيــن

والله يعطيج خيرها ويكفيج شرهــا ،،.. وتتهنين فيها ان شاء الله

تحياتي :nice:

[d.romance]

الف الف مبروك طبعا العازل افضل من المخفي بكتير لكن خليه بنسبه 10% فقط علشان الترخيص وربنا يكفيكي شرها

[اهـم001]

الشيخه في الصيف حطي مخفي عادي نسبته 30 اول ماتخف الحراره شهر 11 او 12 شليه

وكلها 150 ريال عازل بحريني في محلات الزينه ..

متى ماتمللتي من المخفي شليتيه .. لاكن العازل بيكون مدفوع فيه مبلغ وقدره يعني حرام تشلينه

انا موتري 2009 حاط عليه مخفي عادي كامل نسبته 30% فترة الصيف بس

[غزوله]

مشكورين اخواني على الرد جزاكم الله خير

[بو عيسى]

انا اقول لو تنتظرين شوي احسن لان الحين صيف والمحلات اللي تركب العازل ضاربه اسعارها نار انا ركبت عازل لسيارتي شهر واحد تقريبا طلع علي بنص السعر

الف مبروك على السياره