ايش قصة فودافون مع عرض المساهمين

[م. عبدالعزيز]

السلام عليكم ورحمه الله وبركاته،،

عندي استفسار فيما يخص فودافون لا أعلم اذا حد عنده فكره ولا لا، ايش قصتهم عن عرض المساهمين، قالوا بيخلص نهاية 5 ، بعدين مددوه لبداية 6 ، بعدين لين منتصف 6 ، بعدين لين قبل آخر 6 ، بعدين لين نهاية 6 والحين بعد مددوه لفتره محدوده.. !!!

متى بنفتك من هالعرضين اللي ملينا منهم؟؟ وعدونا من شهر انه قريب جدا بتنزل فلكس وباقات جديده ، ومرت ايام واسابيع ولا شي شفنا غير تمديد عرض المساهمين،

وسؤال أخير شالسر من تمديد العرض هل الاقبال عليه ضعيف وفاشل ويبون يوصلون لرقم معين؟؟

مجموعه استفسارات خطرت في بالي وحبيت أعرف السالفة ومافيها وبس ... وللي عنده خبر متى تشتغل فودافون للعامه يقولنا ..

[فلفل حار]

هلا ومرحبا أخــووي عبد العزيز شحالك يالغالي ... :)




------------------




اتوقع الاقبال مب مثل ماكانوا متوقعينه ...!

والدليل اتصالاتهم للمساهمين وألي مكتتبين في أسهم فودا فون وابلاغهم بصوت ناعم:telephone: انك تقدر تشتري ارقام مميزه للمساهمين واصدقائهم من غيــر مايكون مكتتب في الأسهم ...!


لا خدمات متنوعه وعدله ...!

بس ملاغه وسنداره ...!

:rolleyes2:

[ANONYMOUS]

مساكين Vodkafone

دخولهم اب هالوقت ماله داعي

كان نطروا لين تتعدل الظروف.. ولا انسحبوا بهدوء

[م. عبدالعزيز]

يعطيكم العافيه،، أخوي فلفل حار انا الحمد الله بخير ربي يسلمك بشرنا عنك انت شحالك،،

هم مشكلتهم هالعرض مافيه الا تسوي ألو ومسجات .. اما خدمات ثانيه مافيه.. لا انترنت ولا وسائط :/

[M!ss_P!nk]

شوي شوي عليهم توهم فاتحين .. الخير جدام ان شاء الله ..

و العرض انا استفدت منه وايد .. كفايه ان اللي يبقى في الرصيد يرحلونه للشهر الثاني .. ما شفنا عرض مثل هالعرض من كيوتل الصراحه .. و ما فيها شي لو مددوا العرض .. و مب شرط يكون مساهم .. لاني اتصلت فيهم و استفسرت قالوا اي قطري يقدر يروح و يختار الرقم و يختار الباقه اللي يبيها و يدفع كاش او كردت مب مشكله ..

عن نفسي اتوقع مستقبل زاهر ان شاء الله حق فودافون

[Northman]

خدمتهم احسن من كيوتل بكثير ,, ياخي مافي مجال للمقارنه ,,

بس شكلك يابوسعود شايل على فودافون ,, عسى ماشر

[م. عبدالعزيز]

^
^
^

مب سالفة شايل عليهم ولا شي .. صحيح خدماتهم راقيه..

بس ليش يحطون بالموقع شي والواقع شي ،، انا كنت ناوي اطلع رقم علشان استخدم الانترنت ، ما ابي استخدم انترنت كيوتل علشان ماتجيني فواتير محترمه .. خبرك مافيه برودباند لكروت هلا ..

[م. عبدالعزيز]

شوي شوي عليهم توهم فاتحين .. الخير جدام ان شاء الله ..

و العرض انا استفدت منه وايد .. كفايه ان اللي يبقى في الرصيد يرحلونه للشهر الثاني .. ما شفنا عرض مثل هالعرض من كيوتل الصراحه .. و ما فيها شي لو مددوا العرض .. و مب شرط يكون مساهم .. لاني اتصلت فيهم و استفسرت قالوا اي قطري يقدر يروح و يختار الرقم و يختار الباقه اللي يبيها و يدفع كاش او كردت مب مشكله ..

عن نفسي اتوقع مستقبل زاهر ان شاء الله حق فودافون
صح كلامج .. اتصلت 8007111 وقالوا لي نفس الكلام

بس متى بينزلون عروض ثانيه .. هالباقة تخلي الواحد بالغصب يصرف الرصيد

[M!ss_P!nk]

هالعرض بييتم لين اخر شهر 9 ... و بيكون فيه عرض ثاني عقبه .. هذا الكلام اللي قاله لي الموظف لما استفسرت عن الباقه .. يعني اللي فهمته من كلامه ان بين فتره و فتره بتكون هناك عروض .. و هالشي احنا مستفيدين منه

[شموخ دائم]

,

,

تسلم على الموضوع

ضروري وجود شركه ثانيه مع كيوتل

أنا مو مشترك مع فودافود ولا لي علاقه معاهم

بس مبسوط ان كيوتل شاده الحيل

وهذا مصالح الناس ان شاء الله

ننتظر منهم عرض طيب فيه القيمه

فودافون نقدر نقيم عملهم وعروضهم بعد سنه من الان

لسه الشركه تحتاج وقت حتى نحكم عليها

وبالتوفيق للجميع

,

,


اخوك


شموخ دائم

[فلفل حار]

يعطيكم العافيه،، أخوي فلفل حار انا الحمد الله بخير ربي يسلمك بشرنا عنك انت شحالك،،

هم مشكلتهم هالعرض مافيه الا تسوي ألو ومسجات .. اما خدمات ثانيه مافيه.. لا انترنت ولا وسائط :/

أخــوكـ فلفل بخيـر دامك بخير يالغالي ....:nice: تسلم على السؤال يالشيــخ .... :)









وفي انتظار عرووض فودا فوون الجديده ....:telephone:



http://b7st.com/thimages/vodafone.jpg


:)

[AL_MUTAEM]

فودافون مجرد سحب من الفيزا حتى وانت ماتستطيع استخدام الرصيد بمكالمات او رسائل ..

وعود كاذبه وتمديد لتغطية الفشل ..

اللي استفدناه من هالفودافون استبسال كيوتل لارضاء العملاء ..

كنت فيما سبق متوقع اكتساح من قبل الفودافون للسوق القطري ولكن الان وبالوقت الحاضر وبعد رؤية تعاملهم مع العملاء وعدم وجود مبنى لكي استطيع مراجعتهم بغض النظر عن موقعهم بالانترنت ارى ان نتبع المقوله ..

من فات أديمه تاااه

:)