نداء لطباخات المنتدى [الأرشيف] - منتديات شبكة الأسهم القطرية

مساهمة

03-07-2009, 12:47 AM

ندااء عاجل لكل طباخات المنتدى

بليييييز ابي مسااعدتكم .. بس لاتضحكوون علي :shy:

شريت قوالب شوكليت .. وبديهيا ان الشوكليت لازم اذوبه في حمام مائي.. صح؟

انزين شلون اسووي الحمام المائي:secret:

احس الجوكليت مايذووب وايد عشان ينحط في القوالب.. ذاب شوي وبعدين رجع جمد!!

وعلى فكرة الجوكليت الي استخدمته جالكسي وقوالب جوكليت كارفور ..تعتقدون المشكله في الجوكليت!
يعني لازم استخدم جوكليت الطبخ مثلاا؟

بيلييييييز هيلب مي :shy:

شاهيناز

03-07-2009, 12:50 AM

الحمام المائي

بالقطري:)

تجيبين """ جدر فيه ماي" وتحطينه على النار وبعدين تجيبين الشوكليت في جدر اصغر وتحطينه داخل الجدر الي فيه الماي وتبدين تذوبيين الشوكلييت

ان شاءالله الملعلومه واضحه

ماقدر اشرح اكثر من جذيه

مساهمة

03-07-2009, 01:00 AM

بالضبط ياشاهيناز هذا اللي سويته :(

بس مايسييح الجوكليت واايد.. يذووب بس مايسييح مثل اللي في قناة فتافيت:weeping:

ميرررسي خيتووو

الخير كله

03-07-2009, 01:01 AM

الحمام الماذي يعني تعطين الجوكليت شاور قبل الاستعمال

شاهيناز

03-07-2009, 01:03 AM

بالضبط ياشاهيناز هذا اللي سويته :(

بس مايسييح الجوكليت واايد.. يذووب بس مايسييح مثل اللي في قناة فتافيت:weeping:

ميرررسي خيتووو

ياخذ وقت انا مره كنت ابي اسيح الشوكلييت خذا وقت ولازم تكسريين الشوكلييت

اصبري عليه

لجين

03-07-2009, 01:04 AM

حطي معاه قيمر او قشطة او شوي حليب

نورالهدى

03-07-2009, 01:04 AM

حبوبه يظل الشوكليت في حمام المائي وخلي النار تحت الجدر اللي فيه ماي بس النار خفيفه
وإن شاء الله يضبط معاتج
ولو سمحتي تسويه وتذوقينا

شاهيناز

03-07-2009, 01:04 AM

الحمام الماذي يعني تعطين الجوكليت شاور قبل الاستعمال

مع الشور جيل ولا بدون:)

مساهمة

03-07-2009, 01:04 AM

الحمام الماذي يعني تعطين الجوكليت شاور قبل الاستعمال

استخدم شامبووو؟

:secret:

ميرسي خيتووو

مساهمة

03-07-2009, 01:06 AM

ياخذ وقت انا مره كنت ابي اسيح الشوكلييت خذا وقت ولازم تكسريين الشوكلييت

اصبري عليه

شكلي بجررب اقيين :nice:

مساهمة

03-07-2009, 01:08 AM

حطي معاه قيمر او قشطة او شوي حليب

اذا حطيت معاه قشطه يرجع يجمد لين حطيته في القوالب؟

شكراا حبيبتي

شاهيناز

03-07-2009, 01:09 AM

شكلي بجررب اقيين :nice:

بالتوفيق اختي

بس الحين تدخلين المطبخ لو اموووت اخاف من الي بالي بالك

يامامي:secret: سكنهم في مساكنهم

مساهمة

03-07-2009, 01:10 AM

حبوبه يظل الشوكليت في حمام المائي وخلي النار تحت الجدر اللي فيه ماي بس النار خفيفه
وإن شاء الله يضبط معاتج
ولو سمحتي تسويه وتذوقينا

اممم يعني شكثر ياخذ وقت؟ يمكن صج انا استعجل عليه

ابشرررري فديتج بس يضبط وبذوقج:victory:

ناصر العمادي

03-07-2009, 01:11 AM

لا حول ولا قوة الا بالله ..

مشكله بصراحه

للأسف والله ماعرف للسوالف هاذي ..البركه في خواتنا العضوات

بالتوفيق أختي .. وبالعافيه مقدما :nice:

مساهمة

03-07-2009, 01:12 AM

بالتوفيق اختي

بس الحين تدخلين المطبخ لو اموووت اخاف من الي بالي بالك

يامامي:secret: سكنهم في مساكنهم

لاتحااتين بجرب بس مب الحين

باجر ان الله احياناا :)

الخير كله

03-07-2009, 01:12 AM

مع الشور جيل ولا بدون:)

اذا حبيتي تغيرين بالطعم ممكن:)

مساهمة

03-07-2009, 01:13 AM

لا حول ولا قوة الا بالله ..

مشكله بصراحه

للأسف والله ماعرف للسوالف هاذي ..البركه في خواتنا العضوات

بالتوفيق أختي .. وبالعافيه مقدما :nice:

اي والله مشكله مؤسفه :(

الله يعافيك اخوي

بدوي

03-07-2009, 01:13 AM

عادي ، جيبي طاسة كبيرة وحطي في نصها ماي

وطاسة صغيرة تكون داخلها وكسري الكافي حقج وحطيه داخل الصغيرة

وغطي الكبيرة وبخار الماي مب مقصر هو بيقوم بالواجب

بس اقووووول

اشطاري عليج ؟؟

كوافي في هالليل !!

:rolleyes2:

الخير كله

03-07-2009, 01:14 AM

استخدم شامبووو؟

:secret:

ميرسي خيتووو

استخدميه مع اجوكليت بو كشه:nice:

الخير كله

03-07-2009, 01:16 AM

اشلون نطبخ النواعيض ههههههههههههههههههههههههههههههههههههههههههههه

بدوي

03-07-2009, 01:17 AM

لا حول ولا قوة الا بالله ..

مشكله بصراحه

للأسف والله ماعرف للسوالف هاذي ..البركه في خواتنا العضوات

بالتوفيق أختي .. وبالعافيه مقدما :nice:

هلا وغلا بالنصري

اشدعووووووووة خايف حد ينضلك

انت شاطر في تركيب ورق الجدران وماتعرف تذوب كافي

اقوووووووول ماتخبرلي محل يبيع (فانفير) صارلة كم سنة وهو ضارب في الراس

:weeping:

ناصر العمادي

03-07-2009, 01:21 AM

هلا وغلا بالنصري

اشدعووووووووة خايف حد ينضلك

انت شاطر في تركيب ورق الجدران وماتعرف تذوب كافي

اقوووووووول ماتخبرلي محل يبيع (فانفير) صارلة كم سنة وهو ضارب في الراس

:weeping:

هلا والله بالغالي

العين حق ياخوي لازم أخاف ..:secret::secret:

أنت صج قديم ياخوي ...<< فانفير ممكن تحصل في سوق واقف .. :nice::nice:

90% راح تحصل عندهم ..

بالعافيه مقدما يالغالي ..

تصبح على خير

شاهيناز

03-07-2009, 01:21 AM

اشلون نطبخ النواعيض ههههههههههههههههههههههههههههههههههههههههههههه

يعني شنو

بوعلي2

03-07-2009, 01:22 AM

حمام مائي

مش ممكن

الخير كله

03-07-2009, 01:26 AM

يعني شنو

يعني البتفور بالمارون جلاسيه<<<<تحب المارون جلاسيه:)

الخير كله

03-07-2009, 01:27 AM

شاهيناز تفضلي كاب كيك من اللي جالسه اكلهم:)

الخير كله

03-07-2009, 01:30 AM

http://www.aleppos.net/forum/attachment.php?attachmentid=155139&d=1210689025
شاهي تفضلي ناعوض ههههههههههههههههههههههههههه

pure

03-07-2009, 01:45 AM

مثل ما قالوا لج

تذوبينها وحركيها ونطري بياخذ وقت شووي

واذا تبينه ما يذوب حطي وياه دارك جوكلت

مب مايذوب مايذوب

قصدي ما يسيح وانتي تاكلينه من الحر

>> امحق شرح ههههههه

شاهيناز

03-07-2009, 01:46 AM

شاهيناز تفضلي كاب كيك من اللي جالسه اكلهم:)

مع كريمي ولا بدون

وابي يكون فانيلا ماحب الكاب كيك الشوكلييت

شاهيناز

03-07-2009, 01:47 AM

http://www.aleppos.net/forum/attachment.php?attachmentid=155139&d=1210689025
شاهي تفضلي ناعوض ههههههههههههههههههههههههههه

واااااو

هذي ضب بحري:)

هتـان قطر

03-07-2009, 01:54 AM

ما قصروا طباخات المنتدى ماشالله..

بس اختي مساهمه انتي اذا تبين نفس الكافي اللي في قناة فتافيت

اكيد ما بيكون جالكسي او اي كافي عادي...هذا الكافي مخصص لصنع الحلويات

وتزيين الكيكات لانه حتى لو برد ماراح يجمد نفس الجالكسي..

الجالكسي بيذوب مع الحرارة بس من يبرد بيرجع نفس ما كان..صبه رده لبن

وبالهنا والشفا مقدما

الخير كله

03-07-2009, 01:56 AM

مع كريمي ولا بدون

وابي يكون فانيلا ماحب الكاب كيك الشوكلييت

اكيد بكريما شوفي عدل
الفانيلا كلهم من صوبج خخخخخخ
بعيييييييييييد عن الجوكليت بليز:)

شاهيناز

03-07-2009, 02:02 AM

اكيد بكريما شوفي عدل
الفانيلا كلهم من صوبج خخخخخخ
بعيييييييييييد عن الجوكليت بليز:)

اوكي

تسلم الاياددي مبروكتنااا

مساهمة

03-07-2009, 02:33 AM

اخبر الموضوع كان عن الجوكليت..

بس جني شفت نوااعيض!!

عــ العمووم شكراا لكل الي ردوا وان شاءالله باجر بجرب وبرد لكم خبررر

ميرسيييي خالص:)

مساهمة

03-07-2009, 02:41 AM

جبتلكم الطرريقه من جاك توريس

موقع مخالف

الاداره

>>> غــمـــوض <<<

03-07-2009, 03:02 AM

الاخوات ماقصروا هذي هي الطريقـة
وامي تستخدم نـفس طريقة الاخواتـــ بس مو عارفه اي نوع من الكافي
بسألها بكره وبرد عليج

ياااااااااااااي ذكرتيني بالكافي اللي امي تسويــه اف عجــيب :shy:

فرحة الكواري

03-07-2009, 03:38 AM

ماشاءالله طلعوا عضواتنا فنانات طبخ

بالتوفيق اختي المساهمة وصحتين وعافية

فلفل حار

03-07-2009, 07:23 AM

والله حركات طباخات المنتدي ....:victory:

عاد مافي هوم دليفري ..؟! :nice:

يعطيكم العافيه ....

:)

findi

03-07-2009, 12:49 PM

طريقة الحمام المائي وضحوها الخوات ماقصرو

وبخصوص الكافي انا دايما اسوي جلكسي واذوبه مع شوي حليب مكثف

http://www.nestle-family.com/images/product/f3ee240d260e4c1192a65de75264349e.gif

خذي الجلكسي وقطعي المربعات وخليه شوي يذوب بس وعقب حطي فوقه حليب مكثف

واذا شفتيه صار شوي ثقيل حطيه عليه شوي حليب وحركيه لين مااايذوب كله

وبس عقب على طول صبيه في القوالب

ان شاء الله اكون فدتج بشي

:shy:

غزلان

03-07-2009, 02:08 PM

ممكن تحطين قطعة زبده تقريبا 10 جرام للحمام المائي حتى يعطي لمعه للجوكليت

سداوي&مدريدي

03-07-2009, 02:23 PM

أسمحولي على اللقافه

لاتنسون الشباب تراهم يطبخون أحسن من الحريم

:nice:

بوحارب

03-07-2009, 02:30 PM

من يعملني اشلون اسوي الكرك؟؟ :p:looking:

مساهمة

03-07-2009, 05:29 PM

مشكووورين فديتكم ماقصرتوووووا

انا اليوم جرب اذوبه الجوكليت في المايكرويف وضبط معااي:victory:

والطريقه : تقطعين الجوكليت قطع صغيره واذا تبشرينه احسن بعد

وتحطينه في طاسه للمايكرويف.. وتحطينه 15 ثانيه بس

وبعدين تطلعينها وتحركينه بملعقه ولا خلاط يدوي لمده دقيقتين او على حسب الكميه

وتحطينه في قمع وتحشين القوالب به .. او تزينين الاطبااق ....الخ :nice:

وميرررررسي مررره ثانيه

انا حره

03-07-2009, 05:31 PM

انا نفس الطريقه بس احط شويه زبده وشويه كريمه سايله

Um Sultan

03-07-2009, 06:34 PM

من يعملني اشلون اسوي الكرك؟؟ :p:looking:

المقادير حق دله بلتر ونص ..

خذ طاسه (او غوري)

حط فيها قوطين حليب (او 3 قواطي تموين قطر لانه خفيف مغشوش :tease:)
4 ملاعق كبيره شاي ورق
2 فنيال سكر واذا تبي اكثر احلى
حط عليهم لتر ماي (غرشه كامله او من اللولب كيفك) ..
ملعقة هيل صغيره
وانا احط شوي زعفران
واخلطهم مع بعض وحطهم عقب فوق النار لين يفووور واذا شفته بيطيش قصر عليه
وخله شوي لين تطلع روحه عقب هات الدله والمشخاله واسكب الحليب في الدله
وعليك بالعااافيه

هاي طريقتي والكل يحبه :shy:

طارق

03-07-2009, 07:37 PM

دشي يابنت الحلال اليو تيوب , وبتحصلين كل الي تبينه بالصوت والصوره
انا شخصيا اعمل كذا لما اسافر

شاهيناز

03-07-2009, 11:37 PM

alanood

03-07-2009, 11:52 PM

مريت على كل الردود لكن ردي بيختلف شوي
في نوعين من صلصة الشكولاته وبتعينينهم جاهزين1: في باسكن روبنز:واحنا مقاطعينه
او في هاغن داز وهما:هوت فدج بيكون السائل اللي مايجمد مع البرودة
الثاني: بيلجيم هوت فدج:البلجيكي وبيكون فاتح ويتجمد اذا حطيتيه عالايس كريم
شلون نقلد:
طنجره اقصد جدر كبير فيه ماي حار عالنار والثاني صغير فوقه ينحط فيه الشوكلاته الغامقة اللبنانيه بتعينينه فالجمعيات وماتكون الفاتحه
اللي يخلي تذويب الشكولاته مايجمد بعد ما نرفعه من عالنار هو الزيت
اذا خلطتي معاه زيت نباتي ومش زبده بيسيح وكل ما قطعتيه قطع صغيره صار اسهل
الاحلى انج تضيفين قشدة المراعي او الطازجه من مروش او المخازن مش معلبه قفشتين+شوكو بار واحد و ربع كوب حليب المراعي وربع كوب زيت نباتي وادعي لي
all rights reserved 2 alanood