واحد من اسباب عدم وجود الموظف في مكتبة اثناء الدوام

[الفيلسـوف]

في احد المرات كنت رايح احد الوزارات لتخليص معاملة خاصة وبما انه الدولة قاموا

بتسهيل بعض الامور

وبما انه هناك الاولوية للقطريين بدل الطابور وانتظار الى ما لانهاية

كنت واقف اسلم معاملتي وواقف جنبي اخ ثاني سمعته يتكلم مع شخص اخر ويقوله

بأنه خارج العمل لتخليص معاملة مسئولة في الادارة الي يشتغل فيها

فتخيلت حالة المراجعين في مكتب الاخ الي طالع يخلص معاملة مسئولة

اكيد كالعادة زحمة والحجة الموظف طالع في مهمة رسمية

وتاركين اعمال المراجعين

كل هذا لعيون المسئول المستغل لعملة ومستغل موظفينه في اعمالة

الخاصة

واحتمال استغلاله لاعماله المنزلية بدلاً عن راجو وبابو
ومنهم من يستخدم موظفينه في امور خاصة كتوصيل الابناء الى مدارسهم وفي السيارة الدولة

واحياناً في شراء احتياجات المنزل وتسديد فواتيرة

واعتقد هذا الشي يشمل الادارات الحكومية الاخرى كالعسكرية وماشابه

واستغلال الرتبة او المنصب في اعطاء الاوامر للموظف الي هو اقل من رتبتة او درجتة

شي يخل في دور الوزارات الباقية وتتكدس المعاملات الى ما لانهاية له على اساس


انه اعمال الاخ المسئول ماتخلص

واحياناً الموظف الضحية يكون مستانس وما يعترض لانه بالمقابل ياخذ حقه في الاجازات

والترقيات والخ الخ



سلبية من احد السلبيات .... والضحية كالعادة المواطن المتردد على بعض هذه الوزارات

بن نايفة

[نورالهدى]

الله كريم
يهدي الناس أجمعين
ويزرع في نفوسهم الخوف من الله في تعاملاتهم
وعلى فكره بعض الموظفين لازم يسمعون كلام مدرائهم مب عشان الإجازات أو غيره
لأنه لو ماسمع كلامه بيتفنش
ما أقول إلا الله يهديهم

[الفيلسـوف]

الله كريم
يهدي الناس أجمعين
ويزرع في نفوسهم الخوف من الله في تعاملاتهم
وعلى فكره بعض الموظفين لازم يسمعون كلام مدرائهم مب عشان الإجازات أو غيره
لأنه لو ماسمع كلامه بيتفنش
ما أقول إلا الله يهديهم


نطلب الهداية للجميع والتفنيش مش بيد المسئول

يعطيك العافية

[نورالهدى]

لا أخوي لو أعطاك كام مرة كتاب إنذار
وقال إنك مب كفء في العمل
سلامتك

[ريماس الغلا]

اشاطرج الراي اختي نور الهدى

والحاصل انج اذا ما سمعتي كلام مديرة مدرستج حتى لو انها غلط :

بترفع فيج كتاب للوزارة وبيفنشونج صج

[الفيلسـوف]

لا أخوي لو أعطاك كام مرة كتاب إنذار
وقال إنك مب كفء في العمل
سلامتك


في حال اذا الموظف اجنبي لكن اذا قطري مصيبة

[كرستال]

ياخي المسؤل يقولك لما تخلص له معاملاته انه يجربك في كل الامرو عشان يشوفك قدها معاه ولا لااا
وانه بيحطك تحت المجهر وبيقربك منه
وفي الاخير محلك سر


احنا ما يعطونا فرصه نطلع نخلص معاملاتنا برع الوزارة
وهذيلا حاطين لهم موظفين خاصين لتسليم شيكاتهم للبنوك
وتحصيل الايجارات وحصيلة بيع الاسهم
وتسليم بريدهم الخاص مال مكاتبهم الخاصة

[المرسى الأخير]

فعلا سمعنا عن هالاشيا .. ومثل مافي موظفين اجانب لاحول لهم ولا قوة يتم استغلالهم بهالطريقة في موظفين قطريين مساكين بعد

وصدق من قال " لا صار حاجتك عند ..... قوله يا عمي " ;)

[كلي ندم]

صح كلامك يا اخــووي ..!

تسلــم ولاهنت يــاشييخ ..!

[بنت^البحرين1]

في حال المدير كل يوم يطلب من المراسل روح اشتر لي سمبوسة كل يوم لحد مايطفش المراسل ،ويقوم يدعي على المدير ويقوله يعله سم في بطنه ومساويء صدف المراسل ان المدير يسمع ويقرر في ظرف يومين ان المراسل غير كفؤ ومايؤدي واجبه على اكمل وجه وينكتب فيه كتاب وانذار اول !!

ذي نوع من انواع الظلم بعد

مسكين المراسل والله، اكثر موظف يكسر خاطري في الوزارة،وبعض الموظفين يتعاملون مع المراسلين كانهم مطراش مافي احترام لهم

[قطري 22]

هههههههههههههههه عشان هشكل اللي مجتهد وياخذ دورات مايترقى
واللي يسوي هالسوالف وماخفى كان اعظم يترقى ويطلع اكثر واكثر وتلاقي شهادته اعدادي يمكن

الله يرحمنا برحمته

[وتبقى الدنيا حلوه]

تصدق انا اول ما اشتغلت مديري كان يخليني اسوي له شغلة الخاص

بما اني اشتغل في بنك

كان يقول لي روحي جيبي بطاقتي و مره جيبي فيزا زوجتي و مره جيبي لي طلب فتح حساب وتخيل مره قال لي المراسل مايرد على التلفون روحي نادية من المطبخ !!

[Bu Rashid]

الحمد لله على السلامه أخي النايفه ... لك وووووحشه
الله لا يحرمنا من مواضيعك القيمه

[امل الحب]

:)

الله يعطيك العاافية على هالموضوع ..

لو كل واحد عرف حدود شغله والي له والي عليه من البداية جاان ماشفنا استغلال لهدرجة ..

[صوت الضمير]

:) يخسا احد يأمرني خارج نطاق العمل

:) انا شكلي من أول يوم بتفنش

لدرجة اني تهاوشت مع دكتورتي بالجامعه :) ظلمتني ولاسكت لها

لكنها بالاخير عطتني درجه نازله :) واللي يتفدونها عطتهم اي

:) دنيا بس ماتمشيني على كيفها

العنود

[فتى الجود]

كلامك 100%

وأزيدك من الشعر بيت
أنــــــــــــا اعرف واحد
يروح يشترى لمسؤلة ربيان حق البيت
وأعرف واحد ثاني حتى جت وشعير ياخذ لعزبة المسؤل

والبلوى انه هالمناديب مواطنين
والبتان مثبيتين في الأدارات

حسبي الله ونعم الوكيل

[شيخ القبيلة]

الله يهدي الجميع

[الفيلسـوف]

ياخي المسؤل يقولك لما تخلص له معاملاته انه يجربك في كل الامرو عشان يشوفك قدها معاه ولا لااا
وانه بيحطك تحت المجهر وبيقربك منه
وفي الاخير محلك سر


احنا ما يعطونا فرصه نطلع نخلص معاملاتنا برع الوزارة
وهذيلا حاطين لهم موظفين خاصين لتسليم شيكاتهم للبنوك
وتحصيل الايجارات وحصيلة بيع الاسهم
وتسليم بريدهم الخاص مال مكاتبهم الخاصة


الله المستعان ويعطيك العافية على الاضافة

[الفيلسـوف]

فعلا سمعنا عن هالاشيا .. ومثل مافي موظفين اجانب لاحول لهم ولا قوة يتم استغلالهم بهالطريقة في موظفين قطريين مساكين بعد

وصدق من قال " لا صار حاجتك عند ..... قوله يا عمي " ;)


يعطيك العافية

[الفيلسـوف]

صح كلامك يا اخــووي ..!

تسلــم ولاهنت يــاشييخ ..!


بارك الله فيك يالغالي

[الفيلسـوف]

في حال المدير كل يوم يطلب من المراسل روح اشتر لي سمبوسة كل يوم لحد مايطفش المراسل ،ويقوم يدعي على المدير ويقوله يعله سم في بطنه ومساويء صدف المراسل ان المدير يسمع ويقرر في ظرف يومين ان المراسل غير كفؤ ومايؤدي واجبه على اكمل وجه وينكتب فيه كتاب وانذار اول !!

ذي نوع من انواع الظلم بعد

مسكين المراسل والله، اكثر موظف يكسر خاطري في الوزارة،وبعض الموظفين يتعاملون مع المراسلين كانهم مطراش مافي احترام لهم


ليومك شغالين في السمبوسة

الله يكون في عون هؤلاء وبارك الله فيك

[الفيلسـوف]

هههههههههههههههه عشان هشكل اللي مجتهد وياخذ دورات مايترقى
واللي يسوي هالسوالف وماخفى كان اعظم يترقى ويطلع اكثر واكثر وتلاقي شهادته اعدادي يمكن

الله يرحمنا برحمته


احتمالات واردة يعطيك العافية

[الفيلسـوف]

تصدق انا اول ما اشتغلت مديري كان يخليني اسوي له شغلة الخاص

بما اني اشتغل في بنك

كان يقول لي روحي جيبي بطاقتي و مره جيبي فيزا زوجتي و مره جيبي لي طلب فتح حساب وتخيل مره قال لي المراسل مايرد على التلفون روحي نادية من المطبخ !!


هذا قاصد يبرهن رجولته وشخصيته الضعيفة في العمل

يعطيك العافية

[الفيلسـوف]

الحمد لله على السلامه أخي النايفه ... لك وووووحشه
الله لا يحرمنا من مواضيعك القيمه




الله يسلمك وجودك في المنتدى هو وجودي

بارك الله فيك

[الفيلسـوف]

:)

الله يعطيك العاافية على هالموضوع ..

لو كل واحد عرف حدود شغله والي له والي عليه من البداية جاان ماشفنا استغلال لهدرجة ..


فعلا لو كل واحد فرض شخصيته على مسئولة لااُحترم

يعطيك العافية

[الفيلسـوف]

:) يخسا احد يأمرني خارج نطاق العمل

:) انا شكلي من أول يوم بتفنش

لدرجة اني تهاوشت مع دكتورتي بالجامعه :) ظلمتني ولاسكت لها

لكنها بالاخير عطتني درجه نازله :) واللي يتفدونها عطتهم اي

:) دنيا بس ماتمشيني على كيفها

العنود


المهم فرضتي رأيك عليها ومستقبلا لا للاوامر خارج نطاق العمل

[الفيلسـوف]

كلامك 100%

وأزيدك من الشعر بيت
أنــــــــــــا اعرف واحد
يروح يشترى لمسؤلة ربيان حق البيت
وأعرف واحد ثاني حتى جت وشعير ياخذ لعزبة المسؤل

والبلوى انه هالمناديب مواطنين
والبتان مثبيتين في الأدارات

حسبي الله ونعم الوكيل


لاحول ولا قوة الا بالله

يعطيك العافية

[الفيلسـوف]

الله يهدي الجميع


امين وبارك الله فيك

[كلي أمل]

خوش والله -