تكفون طلبتكم لاتردوني محتاجه لفزعتكم

[جود الحزن]

السلام عليكم

كيف الحال

انا حبيت اسئل عن عملية ربط المعده (حزام المعده) في قطر منهو احسن دكتور يسويها هل

هو عبدالعظيم في الاهلي او العمادي او هجران بمستشفى الخور

وياليت لو تكرمتوا اذا تعرفون حد سواا هالعمليه او انتوا سويتوها ونجحت معاكم والا فشلت

تقولون لي وتفيدوني وتفيدون اللي ناوي يسويها

انا سمعت عنها وايد سواء بالمدح والا بالذم وانا صليت استخاره بس لحين مو عارفه اسويها

والا لا اخاف اندم اذا سويتها واخاف اذا ما سويتها ازيد في الوزن اكثر

ولاحد يقول سوي رياضه ورجيم لاني تعبت وانااسوي واضعف بس لمااترك الرجيم ارد دبل

اتمنى انكم تردون علي باقرب فرصه لاني مسافره بعد كم يوم

والله يجزاكم الف خير ويرحم والديكم

[رجل الجزيرة]

عندي وحدة سوت ربط المعدة من 3 سنوات ففي بداية نعم والحين رجعت كأنها ما سوت شيء ومن الأسباب:
خاصة وقت إلتهاب المعدة تتعذب - وبعدين ما تقدر تأكل إلي تبي - وإذا بغيت تأكل حبوب لازم تطحنهم وآخر شيء رجع وزنها مثل ما كان.

كأنك يا بو زيد ما غزت.

فأنا أنصح إنج ما تسوت عملية الربط.

[المخفي]

عملية ربط المعدة فقط تتحكم بكمية الاكل الي تدخل البطن لو كان الاكل كثير السعرات بيتم الوزن نفسه يعني حتى بعد ربط المعدة لازم تسوين ريجيم و كنت مفكر فيها و صليت استخارة و غضيت الطرف عنها و الحمد لله

[genesis]

آحتمالات نجاحها كبيره. بس أرجاع الوزن المفقود بعد فتره ، هم أحتمال وارد. المشكله تكمن في الاثار الجانبيه طويلة المدى مثل الارتجاع المريئي المزمن وقرحات المعدة.
الحميات شيء موقت ونادر ما تعطي نتائج طويلة المدى. المعادلة هي أن تحرق أكثر مما تأكل بالتمارين الرياضية، وخفض معدل الاكل الى النصف.نقصان الوزن او زيادته يعتمد على سرعة الايض التي ممكن زيادتها بالرياضه

[أم عابد]

السلام عليكم

كيف الحال

انا حبيت اسئل عن عملية ربط المعده (حزام المعده) في قطر منهو احسن دكتور يسويها هل

هو عبدالعظيم في الاهلي او العمادي او هجران بمستشفى الخور

وياليت لو تكرمتوا اذا تعرفون حد سواا هالعمليه او انتوا سويتوها ونجحت معاكم والا فشلت

تقولون لي وتفيدوني وتفيدون اللي ناوي يسويها

انا سمعت عنها وايد سواء بالمدح والا بالذم وانا صليت استخاره بس لحين مو عارفه اسويها

والا لا اخاف اندم اذا سويتها واخاف اذا ما سويتها ازيد في الوزن اكثر

ولاحد يقول سوي رياضه ورجيم لاني تعبت وانااسوي واضعف بس لمااترك الرجيم ارد دبل

اتمنى انكم تردون علي باقرب فرصه لاني مسافره بعد كم يوم

والله يجزاكم الف خير ويرحم والديكم

نصيحة لا تسوينها الا اذا كنت واااااايد متينة بدرجة قاتلة(كما تسمى طبيا)، اي أن السمنة المفرطة ماثرة على أعضاء و وظائف ثانية بالجسم و ناتج عنها امراض أخرى مثل أمراض القلب و الضغط و السكر و غيرها، و هذي هي الحالة الطبية الوحيدة اللي ينصح بالعملية فيها و يكون عن طريق تقييم نسبة الضرر/ الفائدة و أي كفة منهم ترجح لأن للعملية أعراض جانبية و مساوئ كثيرة. و طبعا أطباء القطاع الخاص لا يمكن أن ينصحون بعدم اجرائها لأسباب تجارية بحتة.
أما اذا الشخص يعاني من السمنة و الوزن الزائد العادي، فأعتقد ان ممكن الواحد اذا اختار النظام الصحي و المدروس للتغذية و تحت اشراف طبي ، ممكن يوصل للوزن الصحي المناسب له.
يمكن اختي انتي من النوع اللي كل ما يسمع عن رجيم يجربه و يمكن هالرجيم ما يصلح لج، و بالتالي نتايجه تكون عكسية.
موفقة

[كيلو حديد]

أحد أصدقائي سواها وتعذب

وقت الأكل يآكل كم لقمه وبس
وإذا نسى والله شوي ويموت لأن الأكل ما يوصل للمعده ويتجمع ألين يوصل الحلق

كم مره بغى يختنق من سبتها ولهذا شالها

وعقب سوى عملية إستئصال لجزء من المعده

طبعا لأنه متين وضعف بصراحه بس من وايد وايد

هالعمليات مهب مفيده

اللي صج يبي يضعف ما له غير الرياضه ويقلل أكل
واصدقاء وايد أعتمدوا هالنظام وضعفوا بطريقه محد يصدق أنهم كانوا متان بيوم من الأيام

فنصيحه لا تسوين عمليات وهالسوالف وعليك بالرياضة وتقليل الأكل

غير كذا لا تعتمدي على شئ ثاني

والله يحفظك الطيبه ..

[الكايـــده]

لاتسوينها تحملي كل اللي سوها ماستفااااااااااادوا ردوا دبل الدبلاااات

[أم ريليه]

تعالي المانيا اكتشفوا طرق حديثة وايد لربط المعدة بدون مشاكل وفي مصحات هنيه وايد رخيصة وفي تشيكوسلوفاكيا بعد بس انصحتش تقابلين دكتور في البداية عشان يعرفون سبب السمنة عن طريق فحوصات اادم وفحوصات خاصة والله يوفقتش

[ســـهم]

تعالي المانيا اكتشفوا طرق حديثة وايد لربط المعدة بدون مشاكل وفي مصحات هنيه وايد رخيصة وفي تشيكوسلوفاكيا بعد بس انصحتش تقابلين دكتور في البداية عشان يعرفون سبب السمنة عن طريق فحوصات اادم وفحوصات خاصة والله يوفقتش


صحيح

فيه صديق لي سواها في المانيا وكان وزنه قبل الربط 125

وشفته بعد الربط بمده ماصدقت وكان وزنه 67 فقط !!

[قطرية مثقفة]

نصيحة مني فكري ألف مرة قبل ماتسوين العملية ،،،،، لأني أعرف وحده سوته عند العمادي ،،،، أضعفت وصار وزنه ربع وزنه القبلي ،،،، لكن جسمه وايد ترهل وهي مب متزوجة ولله الحمد صار جسمه كأن عنده عيال ،،،،،يعني بصراحه كان جسمه بالمتن أحلى من الترهل ،،،،،، وكانت اذا تأكل معانه تبتعد عن أكل الخبز والجوامد ،،،، مثلاً فول بدون خبز ،،،، واذا كلت اشوي أكثر وانتي مكرمه تدخل الحمام ترجعه ،،،، يعني بصراحه تعذيب ،،،،، إذا كنت تبين تضعفين نصيحة مني ابتعدي عن الأكلات السريعة والمقالي ،،،،، واشتركي في النادي وانصحج بالماسة ،،،، وإنشاءالله بتضعفين ،،،، والله يوفقج :)

[نورالهدى]

السلام عليكم ورحمة الله تعالى وبركاته
أختي
كام وزنك وطولك
ماطبيعة أكلك
هل تأكلين بدون وعي
أم أن أكلك غير صحي أبدا
أرجوا الإجابه ليتسنى لي مساعدتك

[MeMe MoOoON]

فديتج قبل ماتسوينها لازم تكون عندج اراده انه حلجج يتسكر عن الاكل اراده قويه ............اخوي سواها عند العمادي واللي سواها له الدكتور نفسه صاحب المستشفى وماشاءالله نجحت لان كان ارداته قويه ....والترهل اكيد بيكون موجود ...بعدها بفتره بعد ماوصل للوزن المثالي سوا عنده عملية شد واحين مااااااااااااااااااااااشاءاالله بس والله يبيله صبر من قللللللللللللللللللللللللللللللللللللللللب وتحافظين على جميع الفيتامينات تحطين لج اخصائيه ..........وترى العمليات كلفته وايد .............يعني يبيله استعداد من نواحي وايد

[جهام]

الاستخارة ثم الاستخارة ....وبالتوفيق

[مستثمره جديده]

نصيحه لاتسوينها .. الحين فيه شي اسمه إبر تذويب الشحوم تاخذينها شهريا مع استخدام اجهزة تكسير الشحوم ( ال بي جي ) وشوفي جسمج بعد 6 شهور بتلاحظين انج فقدتي نص جسمج .. واذا تسوين معاهم رياضه وتخفيف في الاكل بتكون النتيجه اسرع وماتشوفين شر ..

[جود الحزن]

الله يجزاكم الف خير كلن باسمه والله يريح بالكم وينولكم كل اللي ببالكم

كفيتوا ووفيتوا وهذ ا العشم فيكم يااهل قطر

واللي سئل عن بيناتي ترا طولي156

وزني 104

العمر 38

بس حبيت ابلغكم اني هونت عن الربط وبسوي عملية التحوير اللي سواها الجسمي وديانا كرازون

يهمني اسمع رايكم يااخواني واخواتي واذا تعرفون حد مسويها ياليت تقولون لي في وين

انا ناويه اسويها عند عبدالحميد المؤمن بالخبر

انا في انتظار رايكم

[كشافات بيجو]

سوي استخاره اكثررر من مره
وثانيا في ناس انجحت معاهم هذي الطريقه وربي ايوفقج
واتمنى لج دوام الصحه والعافيه

[بنت ابوها 19]

تحميلي
بنت خالتي سوتها

صار شكلها مقرف
وجسمها ترهل
وعقب ردت امتنت دبل
لين ماصادها مرض الفيل الله يعافينا وياج


تـــــــــــــــــــــــــــــــــحملي
ترا والله عملية الربط شي فاشل
كل البنات الي ضعفو ضعف رهيب وجسمهم طلع رهيب
كلهم رجيم عادي
مشي ورياضه
لكن غيره ماشفت حد ترقع من بعد الربط ولا من بعد الشفط

[>>> غــمـــوض <<<]

وانــه مع الاعضاء ما أايــد انج تسوينـها
كل ماكان الشي طبيعي كان افضل لج ولصحــتج

اهم شي الرياضــه ،.،. لاتيئــسين ويبيلج صبــر شوي
اشحادج على هالربطــ اللي يقولون عنه
ماتقدرين تاكليــن شي المعده اصلا بتتعــب عندج

خلج عالرياضــه وتقدرين تروحيــن لدكتوره تغذيــه اتابعج وتشجعــج
والله يعطيج الصحه والعافيــه
:)

[جود الحزن]

جزاكم الله الف خير كلن باسمه

وفي انتظار المزيد من الاراء


دمتم كما تحبون

[وحيد-الشوق]

لاتسوين ربط معدة شكثر اسمع بلاوي عنها :(

خففي اكل وامشي يوميا وصدقيني راح تضعفين بس يبيله عزم وصبر

وبعدين انتي مب متينه وايد وايد عشان تسوين العمليه

الله يحفظج

[ANONYMOUS]

ترى الموضوع مافيه قوة اراده..

بلا عمليات بلا بطيخ

وقفي من اكل المصايب.. دهون وسكريات وكربوهيدرات.. وسوي تمارين خفيفه وبس..