ممكن نزرع

[miss-qatr]

السلام عليكم ورحمة الله وبركاته...


اتمنى كلكم بخير :)


اللي باكتبه الحين هو مجرد ملاحظة ممكن تكون قيد الدراسة ( العلم عند الله) بس بعد راح أذكرها


الكل يعرف طبيعة جو قطر بالصيف وخصوصاً مع الغبار..... الوضع يكون مأساوي للي يعانون من الحساسية بأنواعها والربو


وأكيد اللي يعتبر( اليوم المغبر ) أزمه ومأساه هم اللي يعانون من هذا الشي وخصوصاً أصحاب المناطق الشمالية


اللي لاحظته من كم يوم ومروري بشارع الشمال إن بطبيعة المنطقه -----> الغبار مسوي شغله :rolleyes2:


فـــ

ليش مايتم زراعة جانب الشارع من الجهتين !!!!!


طبعاً فائده التشجير كبيره فهو يخفِّض درجة حرارة الجو فضلاً عن حماية الطرق والمباني من أخطار الانهيار الأرضية، والزحف الرملي والسيول ....


بس طبعاً ولله الحمد ماعندنا سيول بس عندنا رمل ( قاتل) :omen2:



مجرد ملاحظة بسيطه من اختكم:shy:





تحياااااتي

[~ نســـايم ~]

والله فكرة حلوه اختي حتى المنظر يفتح النفس ياليت يطبقونه والله

يعطيج العافيه اختي

[خوي الشوق]

شلون اختي تبين على جوانب الطريق زراعه والشارع يلوع الجبد يعني لاحياة لمن تنادي سنين وبنين عشان شارع واحد وبعدها الشارع بعد شهر ويمكن اقل تصيده اغزيميا وعنقز ماتدري ليش

[فرحة الكواري]

ان شاءالله يوصل هذا الاقتراح الموفق للجهات المختصة

يعطيج العافية اختي الكريمة

[وطن]

المفروض الدوحة والمدن الخارجية كلها تنزرع بالشجر الكبير
اللي يحلي منظر البلاد

مب بس حشيش وورود صغيره

المفروض يسوون حدايق كبيرة مثل اللي نشوفها في اوروبا
عشان جونا يتعدل
صحيح انها ما بتخفف الحساسيه عند الناس
لان اللي عنده حساسية من الغبار اكيد عنده من حبوب اللقاح مال الشجر بعد

بس ع الاقل منظر البلاد بيصير يفتح النفس ويبرد القلب

[حمد]

في مشكله في قطر... اكبر من مشكلة الغبار ... هي مشكلة الماي

اعتقد ان الدولة تفكر مليون مره في مشكلة الماي و 100 مره في التشجير

[miss-qatr]

والله فكرة حلوه اختي حتى المنظر يفتح النفس ياليت يطبقونه والله

يعطيج العافيه اختي

الله يعافيك :)


شلون اختي تبين على جوانب الطريق زراعه والشارع يلوع الجبد يعني لاحياة لمن تنادي سنين وبنين عشان شارع واحد وبعدها الشارع بعد شهر ويمكن اقل تصيده اغزيميا وعنقز ماتدري ليش


وليش ياخوي هالإحباط :omen2:

اوكي انا معاك الشارع يلوع الجبد .. بس انخليه !!!!


أنا القصد من هالإقتراح ان مشكلتنا دايماً نهتم بالمظهر وانخلي الجوهر

يعني لو هالشارعالمسكين يودي صوب مناطق معينه كان شفته ولا شارع بموناكو :rolleyes2:



ان شاءالله يوصل هذا الاقتراح الموفق للجهات المختصة

يعطيج العافية اختي الكريمة

الله يعافيك اختي

اسعدتني مشاركتك :)

[المزن الرياني]

سمعت عن فكره لمشروع الحزام الاخضر
حزام من الاشجار يحيط بالدوحه الكبرى
بس متى و آليه التنفيذ ... ماعندي فكره الصراحه

[miss-qatr]

المفروض الدوحة والمدن الخارجية كلها تنزرع بالشجر الكبير
اللي يحلي منظر البلاد

مب بس حشيش وورود صغيره

المفروض يسوون حدايق كبيرة مثل اللي نشوفها في اوروبا
عشان جونا يتعدل
صحيح انها ما بتخفف الحساسيه عند الناس
لان اللي عنده حساسية من الغبار اكيد عنده من حبوب اللقاح مال الشجر بعد

بس ع الاقل منظر البلاد بيصير يفتح النفس ويبرد القلب

هلا اختي وطن

لا اختي مب شرط اللي عنده حساسيه من نوع يكون عنده النوع الثاني فيه عده انواع من مهيجات الحساسية بس هذا ماهو موضوعنا

اللي اقصده اختي ان بالأيام اللي فيها غبره قارني بين المناطق الشماليه وبين الدوحة نفسها الفرق واضح


تسلمين على مشاركتك :)


في مشكله في قطر... اكبر من مشكلة الغبار ... هي مشكلة الماي

اعتقد ان الدولة تفكر مليون مره في مشكلة الماي و 100 مره في التشجير


ما اتوقع ياخوي ان هذا هو السبب .. ولله الحمد مب محتاجين :)



سمعت عن فكره لمشروع الحزام الاخضر
حزام من الاشجار يحيط بالدوحه الكبرى
بس متى و آليه التنفيذ ... ماعندي فكره الصراحه


تسلم على الإضافه ولو صحيح بينفذونها شي حلو

بس احنا مانبي بس حزام .. نبي الدوحه كلها :)

[بوحارب]

الفكرة جميلة

لكن هالغبار اللي تشوفينه هاليومين ما يقدر عليه ولا مليون شجرة!:telephone:

لأنه هذا الغبار من شي طبيعي في هالوقت على ما سمعت

وأشكرج على اقتراحج يا بش مهندسة:D

[miss-qatr]

الفكرة جميلة

لكن هالغبار اللي تشوفينه هاليومين ما يقدر عليه ولا مليون شجرة!:telephone:

لأنه هذا الغبار من شي طبيعي في هالوقت على ما سمعت

وأشكرج على اقتراحج يا بش مهندسة:D



هلا اخوي بوحارب :)


صح كلامك ان هالوقت الغبار طبيعي لكن مثل ماقلت حق اختي وطن أشوفه أخف بكثير بالدوحة

يعني شارع فاضي ....لا شجر ولا ورد ولا حتى جذر :omen2:


لا هو حلو من الناحية الجمالية ولا البيئية ولا حتى الهندسية :anger1:



شاكره لك مشاركتك :nice:

[رجل تعليم]

فكرة رائعة جدا وسترى النور على أيدي أبناء الوطن الأعزاء ...

قطر رائعة وتستحق ان تكون خضراء على مر العام

شكرا على الفكرة الخضراء وبالتوفيق يا قطر

[ANONYMOUS]

والله اذا الفكره قابله للتطبيق استراتيجيا.. ليش لا..

[نورالهدى]

أختي إقتراح جميل
أنا سمعت إن هذه المشاريع في الخطه
واللي يعيش بيشوف
قارني بين قطر قبل ربع قرن والحين بتعرفين إن حنا في تطور ونعمه والحمد لله

[صوت الضمير]

انا اشوف قطر صارت حمراء موب خضراء :)

موب قاهرني الا شارع الدفنه اللي عند اشارة الجامعه كان كله شجر روعه شكله

شلوها وحطو بداله بلاط احمر :)

خلاص قطر حمراء من زمان كل الشوارع بلاط احمر والسلام

اختي انا مقهوره واشاركك الرائي

نتمنى منهم يشجرون الشوراع الرئيسيه حتى تعطي منظر احلى
عندك خط ابوسمره اللحين مفروض يشجرونه
وخط الشحانيه دخان جديد ورعه ماناقصه الا الشجر

نتمنى احد يسمعنا :)

العنود

[المشط]

فكره حلوه يعطيج العافيه اختي .. بس اول خل يسون شارع في الشمال يصلح للاستخدام البشري

[المشط]

انا اشوف قطر صارت حمراء موب خضراء :)

موب قاهرني الا شارع الدفنه اللي عند اشارة الجامعه كان كله شجر روعه شكله

شلوها وحطو بداله بلاط احمر :)

خلاص قطر حمراء من زمان كل الشوارع بلاط احمر والسلام

اختي انا مقهوره واشاركك الرائي

نتمنى منهم يشجرون الشوراع الرئيسيه حتى تعطي منظر احلى
عندك خط ابوسمره اللحين مفروض يشجرونه
وخط الشحانيه دخان جديد ورعه ماناقصه الا الشجر

نتمنى احد يسمعنا :)

العنود

اي والله صادقه اختي كل الشوارع انترلوك ... الا على فكره من وكيل الانترلوك عندنا ؟

[مرتبش]

الموضوع للحفظ.!

الموضة انترلوك

[pure]

اذكر درست

انه احد الطرق لتخفيف الغبار و التصحر اهي بناء مصدات الرياح " اللي اهي الاشجار "

فكره حلووه وبتقلل حتى من التلوووث اللي احنا عايشيين فيه

جاان زين تطبق

عساج عل القووه مس

[وتبقى الدنيا حلوه]

انشالله يتم التنفيذ

[Arab!an]

لا ادري هل هناك فعلا دراسات جديه حول هذا الموضوع ام لا ..



ولكن فيما يخص (معضلة الماء) .. فكما اعتقد هناك نباتات لا تحتاج الكثير من الماء وبالتالي سوف تكفيها المياه المعالجه (بدال ما يصبونها في مكان واحد قد يجلب الحشرات)

وهناك شجرة ان كان ما قرأته عنها صحيح فهي ستعتبر كنز لنا في قطر والدول الصحراويه



الجاتروفا jatropha curcas

شجيرة صغيرة تتبع العائلة euphorbiaceae يصل ارتفاعها 3 - 5 أمتار .


أشجار الجاتروفا تعتبر من اشجار الذهب الأخضر لأنها تعتبر مصدر نظيفاً لإنتاج وقود البيوديزل ، حيث يستخدم في إدارة المحركات والآليات والسيارت التى تعمل بالديزل ، كما أنها تساعد على الحد من التصحر ، إذ إنها تنمو في المناطق الحارة و لا تحتاج لجهد كبير و لا تستهلك الماءإلا بنسبة ضئيلة، و جميع مخلفاتها ذات نفع كبير كما أوراقها التي تسقط على الأرض تساهم في خصوبتها كثيرا.



يعني ابي اعرف هل عجزنا عن البحث العلمي فيما يفيد في هذا الجانب ؟

ولكن اعتقد ان هذا الموضوع تماما مثل موضوع الطاقة بالالواح الشمسية .. رغم معرفه الفائدة .. الا اننا لم نستفد


في هولندا تأتيهم الطاقه عبر الطواحين .. لوجود التيارات الهوائية في بلادهم

وفي امريكا يستفيدون من المناطق التي تكثر فيها البروق والاعاصير ليخزنوا الطاقه !


ونحن في منطقه تكاد لا تغيب عنها الشمس.. ورغم وضوح وسهولة الاليه الا اننا لا نرى جديه في الموضوع


كذلك موضوع الزراعه والتصحر ..

[امل الحب]

مممم

والله يامس اقتراح ممتاز وحتى حولنا نعاني من مو بس غبار الا عواصف ترابية والتراب والغبار كله داخل البيت .. والله يعين الحساسية .. سوا الصدر او العين منه ..

والاشجار هي الحل الامثل وتكون كبيرة نفس المذكور من الاخ فوق عشان نخلص من الزحف الترابي .. والله يخلي لنا البلدية الي يخمون التراب من الشارع عقب كل عاصفة ..

[نحول]

اقتراح حلو ونشالله يلقى تفاعل من المسؤولين

ويكون في ميزان حسناتج

يا انسة قطر :)

[miss-qatr]

فكرة رائعة جدا وسترى النور على أيدي أبناء الوطن الأعزاء ...

قطر رائعة وتستحق ان تكون خضراء على مر العام

شكرا على الفكرة الخضراء وبالتوفيق يا قطر


والله اذا الفكره قابله للتطبيق استراتيجيا.. ليش لا..


أختي إقتراح جميل
أنا سمعت إن هذه المشاريع في الخطه
واللي يعيش بيشوف
قارني بين قطر قبل ربع قرن والحين بتعرفين إن حنا في تطور ونعمه والحمد لله


انا اشوف قطر صارت حمراء موب خضراء :)

موب قاهرني الا شارع الدفنه اللي عند اشارة الجامعه كان كله شجر روعه شكله

شلوها وحطو بداله بلاط احمر :)

خلاص قطر حمراء من زمان كل الشوارع بلاط احمر والسلام

اختي انا مقهوره واشاركك الرائي

نتمنى منهم يشجرون الشوراع الرئيسيه حتى تعطي منظر احلى
عندك خط ابوسمره اللحين مفروض يشجرونه
وخط الشحانيه دخان جديد ورعه ماناقصه الا الشجر

نتمنى احد يسمعنا :)

العنود


اي والله صادقه اختي كل الشوارع انترلوك ... الا على فكره من وكيل الانترلوك عندنا ؟


فكره حلوه يعطيج العافيه اختي .. بس اول خل يسون شارع في الشمال يصلح للاستخدام البشري


الموضوع للحفظ.!

الموضة انترلوك


اذكر درست

انه احد الطرق لتخفيف الغبار و التصحر اهي بناء مصدات الرياح " اللي اهي الاشجار "

فكره حلووه وبتقلل حتى من التلوووث اللي احنا عايشيين فيه

جاان زين تطبق

عساج عل القووه مس




انشالله يتم التنفيذ



شاكره لكم مشاركاتكم اللي اسعدتني :)