..:: مساعدة ياخوان اذا ممكن ::..

[ALRAYYAN]

السلام عليكم

رفرف موتري الامامي يمين فيه طعج بسيط طوله مايتعدى شبر

الصبغ طبعاً اوكي 100% بس ابي اشفط هالطعج .. مع انه مايبين لكن انا ابي اسويه لأنه مضايقني :weeping:

المساعده اللي طالبها منكم

ابي مكان يشفط لي هالطعج .. وياليت حد يفيدني عن سابق تجربه مع احد هالمحلات

غير كريستال لأنه بينهبني .. لكن إذا مافي محل أحسن منه او نفس شغله بروح له وأمري لله

للعلم موتري .. كروزر 2008

ناطر مشورتكم

:)

[y.o.y.o]

مالي خبره في هالسوالف

ان شاء الله باقي الاعضاء يفيدونك

:nice:

[ALRAYYAN]

تكفيني طلتك فديت خشمك

><

[مجنون قطر]

موفق ان شاءالله
اخوي الريان

[الجهه مجهولة]

خطاك الشر يابو ناصر

والله ياخوك انا عن نفسي ماجربت

لكن الربع يمدحون الكرستال مثل ماتفضلت انت وذكرتة في كلامك

واذا غالي وشغلة زين !!! ماعندك مشكلة

والله يوفقك ويكفيك شر عيون الحساد

[BO SAUD]

يالغالي الحمدلله على السلامه في الحديد ولا في فيك
بالنسبه لي موتري كروزر 2009 وجاته ضربه في الرفرف اليمين بس ولله الحمد انها جات في الحمايه الي على الرفرف ولا كان تقشر الصبغ المهم ياطويل العمر وديته الكريستال وسواها لي بـــ 950 ريال
وماقولك ارجعت وكاله لكن تقدر تقول 95% يعني مايبين الا للي يدقق ومن قريب
والقرار لك في الاول والاخير والله يوفقك

[ديابلو]

اللي اعرفه ان محد يسوي الشفط غير الكريستال ومايعطيك عليه ضمان

والله يعينك على خياسة نفسه ولش ماتسمكرمكان الخفس يالريان

[المحروومqtr]

الكرستال مثل ماتفضلت
غالي وعلى حسب ضني هو الوحيد الي عنده الشفط
وبالتوفيق

[على نياته]

واحد من الربع مسوي باب الجمس في الحسا ب150 وش له هذا ينصب على العالم والمحل اسمه ( دايموند )

[bo sltan]

السلام عليكم ياالريان وخطاك الشر

في واحد من فتره يحط في الجريده أعتقد أنه عربي عايش في أمريكا

عنده مكينة الشفط يجي عندك البيت ويصلح لك المكان

وهوأرخص من الكريستال وتكلموا عنه مره في المنتدى في أحد المواضيع

بس للأسف ماذكر الرقم وأن شاء الله باقي الأعضاء بيفيدونك

وبالتوفيق

[فاضي عمل]

السلام عليكم

رفرف موتري الامامي يمين فيه طعج بسيط طوله مايتعدى شبر

الصبغ طبعاً اوكي 100% بس ابي اشفط هالطعج .. مع انه مايبين لكن انا ابي اسويه لأنه مضايقني :weeping:

المساعده اللي طالبها منكم

ابي مكان يشفط لي هالطعج .. وياليت حد يفيدني عن سابق تجربه مع احد هالمحلات

غير كريستال لأنه بينهبني .. لكن إذا مافي محل أحسن منه او نفس شغله بروح له وأمري لله

للعلم موتري .. كروزر 2008

ناطر مشورتكم

:)

عليكم السلام والرحمه
اخوي انا من ثلاث ايام مودي موتري جاته ضربه في الباب طبعا تعرف القطعه اللي تجي على الباب موديل 2002 من هالقطعه وتحت انضرب الباب ووديته كاراج ينقال له الوصل العالمي قلت له مابي صبغ قالي ماراح اصبغ وهو مايشفط بس قام يضرب يضرب الباب من داخل لييين ماستوت سيييييييده وركبت الخط ولا يبين ولا اي شي اذا الضربه اللي في موترك عالخط شل الخط الله لا يهينك ووده له وعقبها بيركب لك الخط وبأذن الله مايبين وحتى لو مكان غير الخط شوف انت كلمه وان شاءالله مابيقصر معاك ولا بياخذ منك اكثر من 300 وبدون صبغ ولا شي بس خلك على راسه

للعلم وديته لكرستال قالي 900 قلت له ماعليه بس مايبين كلش قالي 70% <
والسموحه عالاطاله

[*¤ بن قطر¤*]

دام انه ما عدى الشبر ... خله على حاله أحسن لك وانا اخوك ... بلا كريستال بلا وجع راس

[الخارجية]

أخوي لوتبدل الرفرف أحسن أنا مجرب والله ماراح ترتاح والله عقب ما يصلح الموتر بالشفط راح اتضايق شغله مش اللي هو نصيح أخوي أختصر الموضوع والله يعينك على تبديله

[فتك العديد]

السلام عليكم ياالريان وخطاك الشر

في واحد من فتره يحط في الجريده أعتقد أنه عربي عايش في أمريكا

عنده مكينة الشفط يجي عندك البيت ويصلح لك المكان

وهوأرخص من الكريستال وتكلموا عنه مره في المنتدى في أحد المواضيع

بس للأسف ماذكر الرقم وأن شاء الله باقي الأعضاء بيفيدونك

وبالتوفيق

اخوي رقمه موجود عندي وبطرشه لك على الخاص يالريان

[الهاجري_قطر]

الريان شحالك ابوي انا طعج في رفرف الكزس وفي مكان وصخ يعني يالله يالله يضبط وديت الموتر الكريستال والله واختفت الطعجه حتى اثار مالها وبعدين عليك باللي معروف ومجرب حتى لوسعره غالي لان موترك جديد
وتحياتي يالريان

[فلفل حار]

واحد من الربع مسوي باب الجمس في الحسا ب150 وش له هذا ينصب على العالم والمحل اسمه ( دايموند )


:nice:

حتي انا سمعت في الاحســاء الشفط بـ 150 لي 200 ريال ومكان الكراج ورا السجن المركزي بس بالضبط وين مادري ....:secret:

وفي طريقه يدويه بنفسك تسويها للشفط مال شفاط البواليع ( الله يكرمكم ) ترش هوز الماي صوب الضربه وتشفط بنفسك

لاتستغربون ترا مجربينها في موتر قديم من زمان ههههه:tease:

بس على حسب الضربه وحجمها ونوعية الشفاط وأهم شي خفة يدكـ ....:victory:


او جرب تروح عند المسيله يسويها لك بالشفط أظني عنده طريقه يعدلها لكـ بدون سمكره ....

وفي كراج يسوي شفط في الصناعيه شارع 30 او 31 انا شايف البروشور اعلان هالكراج في شركة الخليج للتأمين يوم رحت حق حادث موتري

ويقولون ان المواتر ألي تحتاج تصليح بالشفط يطرشونه له بدل كريستال .... لأنه أرخص منه:telephone:

بس ناسي اسم الكراج وشارع كم ....:weeping:




اسمحلنا على القصور يا بوناصر :nice:

[بوسيف الهاجري]

بوناصر مثل ما قالك الرجال روح الحسا عند محل اسمه دايمون ولا اتعور راسك
واذا بتبيع الموتر تراني شراي
:)

[برشلوني قطر]

^^^^^^^


ههههههههههههههههههههههههه


اموووفق ياكتلوووني

[فتك العديد]

و محل غلاس الي في محطه التيسير الي في طريق سلوى يسوي شفط وارخص من الكرستال

[ALRAYYAN]

موفق ان شاءالله
اخوي الريان


تسلم يالغالي


خطاك الشر يابو ناصر

والله ياخوك انا عن نفسي ماجربت

لكن الربع يمدحون الكرستال مثل ماتفضلت انت وذكرتة في كلامك

واذا غالي وشغلة زين !!! ماعندك مشكلة

والله يوفقك ويكفيك شر عيون الحساد

هلا هلا يابو حمد

خطاك اللاش فديت خشمك

شكلي بمر عليه بكره الصبح اجس نبضه

لا خلى ولا عدم يابو حمد


يالغالي الحمدلله على السلامه في الحديد ولا في فيك
بالنسبه لي موتري كروزر 2009 وجاته ضربه في الرفرف اليمين بس ولله الحمد انها جات في الحمايه الي على الرفرف ولا كان تقشر الصبغ المهم ياطويل العمر وديته الكريستال وسواها لي بـــ 950 ريال
وماقولك ارجعت وكاله لكن تقدر تقول 95% يعني مايبين الا للي يدقق ومن قريب
والقرار لك في الاول والاخير والله يوفقك

تسلم يالغالي وبمر عليه بكره اشوف شبيقولي



اللي اعرفه ان محد يسوي الشفط غير الكريستال ومايعطيك عليه ضمان

والله يعينك على خياسة نفسه ولش ماتسمكرمكان الخفس يالريان

هذا هو والله .. غالي والنفسيه الله يعز من يقرا بس

تسلم اخوي


الكرستال مثل ماتفضلت
غالي وعلى حسب ضني هو الوحيد الي عنده الشفط
وبالتوفيق

تسلم اخوي ماقصرت



واحد من الربع مسوي باب الجمس في الحسا ب150 وش له هذا ينصب على العالم والمحل اسمه ( دايموند )

والله كل شي في الحسا بلاش .. لكني مافي نيتي اروح قريب اخوي

تسلم على نصيحتك الطيبه ولا هنت



السلام عليكم ياالريان وخطاك الشر

في واحد من فتره يحط في الجريده أعتقد أنه عربي عايش في أمريكا

عنده مكينة الشفط يجي عندك البيت ويصلح لك المكان

وهوأرخص من الكريستال وتكلموا عنه مره في المنتدى في أحد المواضيع

بس للأسف ماذكر الرقم وأن شاء الله باقي الأعضاء بيفيدونك

وبالتوفيق

تسلم يالغالي .. ووصلني رقمه ع الخاص من أحد الاعضاء

ماقصرت والله


عليكم السلام والرحمه
اخوي انا من ثلاث ايام مودي موتري جاته ضربه في الباب طبعا تعرف القطعه اللي تجي على الباب موديل 2002 من هالقطعه وتحت انضرب الباب ووديته كاراج ينقال له الوصل العالمي قلت له مابي صبغ قالي ماراح اصبغ وهو مايشفط بس قام يضرب يضرب الباب من داخل لييين ماستوت سيييييييده وركبت الخط ولا يبين ولا اي شي اذا الضربه اللي في موترك عالخط شل الخط الله لا يهينك ووده له وعقبها بيركب لك الخط وبأذن الله مايبين وحتى لو مكان غير الخط شوف انت كلمه وان شاءالله مابيقصر معاك ولا بياخذ منك اكثر من 300 وبدون صبغ ولا شي بس خلك على راسه

للعلم وديته لكرستال قالي 900 قلت له ماعليه بس مايبين كلش قالي 70% <
والسموحه عالاطاله

هلا اخوي

لا والله الطعج تحت الخط بوايد .. وطريقة القراج مادري ماحسها عمليه
عموماً ماقصرت وجزاك الله خير على نصيحتك وكلامك
بارك الله فيك



دام انه ما عدى الشبر ... خله على حاله أحسن لك وانا اخوك ... بلا كريستال بلا وجع راس

والله اقل من شبر بوايد بس اطول من الصبع بشوي .. يعني 4 انش
ومايبين لأن الصبغ اوكي

لكن يكفي اني اشوف وادري عنه .. عشان جذي لازم اسويه

تسلم يالغالي


أخوي لوتبدل الرفرف أحسن أنا مجرب والله ماراح ترتاح والله عقب ما يصلح الموتر بالشفط راح اتضايق شغله مش اللي هو نصيح أخوي أختصر الموضوع والله يعينك على تبديله

والله ياخوي انا عندي اخليه على حاله ولا ابدل الرفرف
وقت البيع بيبين ان الرفرف مصبوغ ومبدل وكأن الموتر مدعوم

لكن لو اخليه بقول للشراي فيه طعج بسيط وبخليه يشوفه ولا يشك ان الموتر مدعوم

لو انت الداخليه لازم نسمع كلامك :pioneer: لكن الخارجيه مو لازم :happy:

تسلم على نصيحتك يالغالي


اخوي رقمه موجود عندي وبطرشه لك على الخاص يالريان

وصلني فديت خشمك وبكره بكلمه .. جزاك الله خير يالغالي وماقصرت



الريان شحالك ابوي انا طعج في رفرف الكزس وفي مكان وصخ يعني يالله يالله يضبط وديت الموتر الكريستال والله واختفت الطعجه حتى اثار مالها وبعدين عليك باللي معروف ومجرب حتى لوسعره غالي لان موترك جديد
وتحياتي يالريان

بمره بكره ان الله اراد يالهاجري .. لاهنت يالغاللي لا هنت



بالتووووفيق

تسلم اخوي



:nice:

حتي انا سمعت في الاحســاء الشفط بـ 150 لي 200 ريال ومكان الكراج ورا السجن المركزي بس بالضبط وين مادري ....:secret:

وفي طريقه يدويه بنفسك تسويها للشفط مال شفاط البواليع ( الله يكرمكم ) ترش هوز الماي صوب الضربه وتشفط بنفسك

لاتستغربون ترا مجربينها في موتر قديم من زمان ههههه:tease:

بس على حسب الضربه وحجمها ونوعية الشفاط وأهم شي خفة يدكـ ....:victory:


او جرب تروح عند المسيله يسويها لك بالشفط أظني عنده طريقه يعدلها لكـ بدون سمكره ....

وفي كراج يسوي شفط في الصناعيه شارع 30 او 31 انا شايف البروشور اعلان هالكراج في شركة الخليج للتأمين يوم رحت حق حادث موتري

ويقولون ان المواتر ألي تحتاج تصليح بالشفط يطرشونه له بدل كريستال .... لأنه أرخص منه:telephone:

بس ناسي اسم الكراج وشارع كم ....:weeping:




اسمحلنا على القصور يا بوناصر :nice:

مامنك قصور يالغالي .. وماقصرت



بوناصر مثل ما قالك الرجال روح الحسا عند محل اسمه دايمون ولا اتعور راسك
واذا بتبيع الموتر تراني شراي
:)

ههههههههههههههههههههه

لا يابو سيف .. الموتر جديد ومالي نية البيع ابد

تسلم يالغالي


^^^^^^^


ههههههههههههههههههههههههه


اموووفق ياكتلوووني

هههههههههه تضحك ها .. شفت بو سيف مايفرط ماشاء الله عليه

تسلم ياكتلوني


و محل غلاس الي في محطه التيسير الي في طريق سلوى يسوي شفط وارخص من الكرستال

بمره ان شاء الله قبل لا اروح كريستال

لا خلى ولا عدم منك يالشيخ .. كفو والله

وهذا العشم فيكم

[بن درويش]

محل غلاس الي في محطه التيسير الي في طريق سلوى يسوي شفط وارخص من الكرستال
انا مجرب عنده نص ساعه ومخلصك (بس يبي ورقه من الشرطه ) لوووول

[ALRAYYAN]

محل غلاس الي في محطه التيسير الي في طريق سلوى يسوي شفط وارخص من الكرستال
انا مجرب عنده نص ساعه ومخلصك (بس يبي ورقه من الشرطه ) لوووول

شكلي بتوكل على الله وبسويه عنده .. وورقة المرور أمرها هين

تسلم يالغالي :)