المساعد الشخصي الرقمي

مشاهدة النسخة كاملة : استفسار عن جهاز الايفون الجديد ( iphone 3gs )



المشط
04-07-2009, 02:49 PM
اتمني احد من الاعضاء يقدر يساعدني

ابي اشتري لي واحد من قطر

سمعت ان سعره بين 4500 الى 5000

واكيد بركب عليه شريحه كيوتل الا اذا

واحد من الربع يقول لي اصبر فودافون نص شهر 7 بتفتح خدمه الايفون ؟ اتصلت فيهم وقالو ماعندهم خبر عن هذا الشي ؟ اذا احد عنده خبر عن هذا الموضوع ياريت يفيدني

اذا حد جرب الجديد ياريت ينصحني يستاهل اخذه او لا

هل فيه مشاكل ؟ .. هل عربي 100% ؟

انا استخدمت القديم وكانت فيه مشكله ماقدر استقبل رسائل من كيوتل او البنك .. هل نفس المشكله موجوده في الجديد ؟

Miss
04-07-2009, 05:40 PM
اهلين اخوي

انا من شهر ماخذه واحد لاختي بـ 3500 من محلات الشريم 18 جيجا
ما عجبني انا صراحه .. معقد كلش فيه عربي وفيه وايرلس بس بلوتوث ما فيه .. الرسايل الام ام اس اذا انا طرشتها لها توصل عقب يومين هي ما تقدر اطرش لانه ما فيه خدمة الوسائط وما تقدر تنزلها ..
اما بالنسبه لشركة فودافون قد سألتهم انا قبل ما عندهم فكره عن هالموضووع

http://www.appleiphonereview.com/images/iphone-power-on-l.jpg
نفس هالجهاز

المشط
04-07-2009, 06:25 PM
اهلين اخوي

انا من شهر ماخذه واحد لاختي بـ 3500 من محلات الشريم 18 جيجا
ما عجبني انا صراحه .. معقد كلش فيه عربي وفيه وايرلس بس بلوتوث ما فيه .. الرسايل الام ام اس اذا انا طرشتها لها توصل عقب يومين هي ما تقدر اطرش لانه ما فيه خدمة الوسائط وما تقدر تنزلها ..
اما بالنسبه لشركة فودافون قد سألتهم انا قبل ما عندهم فكره عن هالموضووع





مرحبا اختي

اختي نعم نفس الجهاز تاريخ 17/6/2009 نزل واحد جديد فيه كل المميزات وعربي من الشركه

يمكن انتي اختي تقصدين القديم

لان الجديد فيه ابلوتوث وفيه خدمه ام ام اس وموجود في شارع النصر 4500 ريال

بولينجر
04-07-2009, 07:12 PM
والله انا عندي ال3g بو 16 جيجا.... ماشي الحال معاه لو انه يضايق ماتقدر تستقبل الام ام اس.... والبلوتوث بعد محدود... حق السماعة بس..... لكن الجديد قريت عنه انه انحلت فيه هالمشاكل باستثناء البلوتوث يبيله شوي تضبيط من ناحية الارسال والاستقبال.... بشكل عام هو افضل.... نصيحتي تنتظر لاني من فترة قريت في موقع ابل انه بينزل في قطر واكيد ان فودافون هم اللي بينزلونه.....

المشط
04-07-2009, 08:29 PM
والله انا عندي ال3g بو 16 جيجا.... ماشي الحال معاه لو انه يضايق ماتقدر تستقبل الام ام اس.... والبلوتوث بعد محدود... حق السماعة بس..... لكن الجديد قريت عنه انه انحلت فيه هالمشاكل باستثناء البلوتوث يبيله شوي تضبيط من ناحية الارسال والاستقبال.... بشكل عام هو افضل.... نصيحتي تنتظر لاني من فترة قريت في موقع ابل انه بينزل في قطر واكيد ان فودافون هم اللي بينزلونه.....

اخوي ماقدر انتظر وفي نفس الوقت مابي اخذه وتحسف

كلامك صح انا قريت ان كل المشاكل انحلت فيه بس متي بينزل قطر الله اعلم لان كلمت فودافون ولا عندهم خبر

هذلان
05-07-2009, 02:09 AM
المشط

الشيخ انا ما اعرف فيهم ولا حتى في مسمياتهم .. لكن واحد من ربعي خذ الجديد الي ماكمل ١٠ ايام من نزل .. ولكن كان يتكلم عن شيء خرافي لامن سرعه ولا من تقنيات في الجهاز
وهو خذه من ايطاليا لانه ايطاليا بس هي الي تبيع الجهاز المفتوح واعتقد سعته ٣٦gp
بقولك الاشياء الي ذكرها لي

و من تفتح الجهاز هو يخيرك اي لغه تبي ومنها العربي من الشركه منيو وكتابه و كل شي
الميزه الثانيه وهي ميزه مهمه جدا.. اذا كان عندك كمبيوتر ماك تفتح مع شركه ماك حساب عندهم تكلفه الحساب في السنه اعتقد ٨٠ دولار مقابل
١- سعه ٢٠ gp للتخزين
٢- صفحه خاصه فيك
٣- ايميل
٤- واهم ميزه اي شي تسويه على كمبيوترك الماك بتحصله في جوالك الاي فون مثلا كتبت ملف وورد في الشغل و احتجته في الليل .. دق على تلفونك الايفون و بتسحبه من كمبيوترك في ثواني
٥- في حال انسرق جوالك تدخل على حسابك في ماك و تمسح كل الي في جهازك الايفون و يسكر الجهاز و الي سرقه مايقدر يستفيد منه كلش و في حال رجع لك الجوال تقدر ترجع كل الداتا الي فيه في دقائق

هذا الي اتذكره و كانت فيه مميزات ثانيه اكثر و بصراحه مدح الجهاز مدح غير عادي وخصوصا سرعه الجهاز

المشط
05-07-2009, 03:17 AM
مشكور اخوي هذلان على المعلومات

وفي اشياء اكثر اخوي منها اذا انت في البر وعندك الايفون وجهاز لاب توب ولا عندك انترنت .. تقدر تشبك عن طريق الجوال وتدخل النت وبعدها تشبك اللب توب في الايفون وتدخل النت عن طريق الاب توب وهو مشبوك في الايفون .. غير التصوير الفوري لموقع اليوتيوب .. تسجل في موقع يوتيوب واي شي تصوره في جوالك تقدر تنزله على طول في اليوتيوب


وكلامك صح ايطاليا عندهم الجهاز مفتوح .. ونفس الشي في السعوديه والامارات لكن لحد الان مانزل لا في السعوديه ولا في الامارات

هذلان
05-07-2009, 03:57 AM
العفو طويل العمر ... تذكرت ميزه يمكن الي انت تقصدها ... هي ان جهاز الايفون تحط فيه الشريحه مالت البرود باند و يصير راوتر .. يوزع الانترنت لاسلكي على الي حواليه

المشط
05-07-2009, 09:06 PM
يعطيك العافيه اخوي هذلان

فلفل حار
06-07-2009, 07:23 AM
http://www.qatarshares.com/vb/showthread.php?t=274399

:)

المشط
06-07-2009, 06:04 PM
شريت اليوم واحد بس عندي مشكله مع mms مايستقبل الصور كلمت كيووتل قالو لازم تنزل swirlymms

في حد عنده علم وين اقدر اركب البرنامج او اي محل يركب لي البرنامج

المشط
11-07-2009, 05:04 AM
الحمدلله لقيت حل لمشكله mms وهو حل بسيط بس احط بعض الاعدادات

http://apple.tech-wd.com/wp-content/uploads/2009/06/mms.PNG

الاعدادات الموجوده في الصوره لشركه غير كيوتل

اعدادات كيوتل

APN : mms.qtel

Username : mms

Password : mms

Proxy : 10.23.8.3:8080

MMSC : mmsr.qtelmms.qa

بعد ماتكتبون الاعدادات لازم تسون ري سيت للجهاز

اللى مايعرف وين يحط الاعدادات يروح على

1_ الاعدادات
2_ عام
3_ الشبكه
4_ شبكه البيانات الخلويه

بعدها بتشوفون مكتوب mms وتحتها مطلوبه الاعدادات اللى حطيتها لكم