استشارة عاجلة جدا جدا جدا مافي وقت بكرة مسافر لندن هل رخصة السواقة الدولية ضرورية؟؟؟

[بالول]

بكرة الظهر مسافر لندن .... وناوي استأجر سيارة من يوروب كار ..... استفساري هو هل هم يطلبون رخصة السواقة الدولية والا اليسن القطري يكفي ؟؟؟؟؟؟؟؟

افيدوني مافي وقت .... جزاكم الله الف خير ........:telephone:

[قطرية مثقفة]

بكرة الظهر مسافر لندن .... وناوي استأجر سيارة من يوروب كار ..... استفساري هو هل هم يطلبون رخصة السواقة الدولية والا اليسن القطري يكفي ؟؟؟؟؟؟؟؟

افيدوني مافي وقت .... جزاكم الله الف خير ........:telephone:


اليسن القطري يكفي بس أهم شي تكون البيانات الاسم وغيره بالإنجليزي ،،،،قبل ما يقبلون لأن البيانات بالعربي ،،،،

[بالول]

اليسن القطري يكفي بس أهم شي تكون البيانات الاسم وغيره بالإنجليزي ،،،،قبل ما يقبلون لأن البيانات بالعربي ،،،،

اختي قطرية مثقفة .... مشكورة على الرد السريع وجزاك الله خير ......

بس انتي شككتيني وخليتيني اطلع ليسني واشوف البيانات مكتوبة بالانجليزي والا لا :rolleyes2:

[قطرية مثقفة]

اختي قطرية مثقفة .... مشكورة على الرد السريع وجزاك الله خير ......

بس انتي شككتيني وخليتيني اطلع ليسني واشوف البيانات مكتوبة بالانجليزي والا لا :rolleyes2:


:) :) :) رحلة سعيدة بإذن الله ،،،،،،

[383 STROKER]

السلام عليكم
اخوي في وقت تطلع ليسن دولي
روح اي سفريات مثل كيلوبترا او ريجينسي اللي في السد وخذ معاك صور شخصية وعطهم 150 ريال بيخلصونك وانت واقف.

[المحتار20]

اليسن القطري يكفي بس أهم شي تكون البيانات الاسم وغيره بالإنجليزي

[جهام]

سفرة موفقة يابالول

[روح الاطلس]

موفق يارب

[الـقـاسـي]

اخوي روح الحين او بكرة الصبح سفريات ريجنسي واخذ ليسن دولي ترى لا امتحان ولا غيره ..
وترى ضروري الليسن الدولي انا في امريكا لعوزوني وماتقدر تستاجر سياره الا بالليسن الدولي ولا مايسجلها لك باسمك انا توهقت يوم رحت هناك ..
ترى شغله خمس دقايق او عشر دقايق بالكثير .. اخذ وياك صوره لك وليسنك القطري وانتهى الموضوع روح الفرع الرئيسي لين الساعه 11 شغالين .. ومكانه وانت معدي اشاراة الشورى مخلي الشورى ومستشفى حمد على يمينك رايح صوب اشارات مستشفى السد للاطفال او ماتعدي اشارات الشورى بتحصلهم على يمينك بناية عودة ..

ورحلة سعيده ..

[بالول]

مشكورين وجزاكم الله الف خير

بكرة الصبح ان شاء الله باشوف اذا في امكانية اطلع اليسن الدولي

انا كنت ناوي اطلع واحد بس للاسف الربع قالوا لي ليسنك القطري يكفي

ان شاء الله بس بكرة نصحى بكير ونحصل وقت نشوف سفريات:rolleyes2:

[قطرية مثقفة]

اخوي روح الحين او بكرة الصبح سفريات ريجنسي واخذ ليسن دولي ترى لا امتحان ولا غيره ..
وترى ضروري الليسن الدولي انا في امريكا لعوزوني وماتقدر تستاجر سياره الا بالليسن الدولي ولا مايسجلها لك باسمك انا توهقت يوم رحت هناك ..
ترى شغله خمس دقايق او عشر دقايق بالكثير .. اخذ وياك صوره لك وليسنك القطري وانتهى الموضوع روح الفرع الرئيسي لين الساعه 11 شغالين .. ومكانه وانت معدي اشاراة الشورى مخلي الشورى ومستشفى حمد على يمينك رايح صوب اشارات مستشفى السد للاطفال او ماتعدي اشارات الشورى بتحصلهم على يمينك بناية عودة ..

ورحلة سعيده ..


أخوي ليسن قطري يكفي في بريطانيا أنه اقولك عن تجربة لأن زوجي كان يدرس في لندن ،،،،، بعكس القوانين اللي في أمريكا اللي فعلاً تحتاج ليسن دولي ،،،،

[قلب شاعر]

رخصه دوليه افضل انا كنت اسوق فيها في بريطانيا ...لقطريه غير معترف فيها هناك محليه فقط