الثوب ورمضان !

[qtr-1234]

السلام عليكم

دام ان في الصيف ومافي شي نسويه قلت ابتدي اجهز عمري حق رمضان :rolleyes2:

وبما اني نزلت 25 كيلو :victory: لازم افصل ثياب جديده حق رمضان :nice:

بغيت اسال الشباب وين احسن مكان تفصلون فيه ثيابكم

وكم سعر الثوب وكم يوم ياخذ التفصيل :telephone:

وبعد شنو احسن نوع خلق وبغيت اعرف اذا حد يعرف اسماء انواع معينه من الخلق من الخان او اي محل :telephone:

انا دوم آخذ الخلق من السعوديه ..، ياخي خلقهم عجيــــــــــــب :victory:

انا افصل عند لكزس اللي في السد بس ابي اشوف رايكم يا شباب

واسمحولي طولت عليكم

[شمعة الدوحه]

ياشين اللقافه بعض المرات :rolleyes2:

ترى دشيت بالغلط هههههههههههههههههههه

معليه بس برد مدام دشيت

اولا بقولك بالمبارك انك نزلت 25 كيلو شي حلووو :victory:

وبالنسبه للثياب اتوقع ان احسن الخياييط بالسد حق ثياب الشباب

وفيه بسوق العلي على مااعتقد :omen2:

[qtr-1234]

هههه

الله يبارك فيج ومشكوره عالمرور

[pure]

ماااشاءالله 25 كيلوو

مب شووي

مبروووك النيو لوك برمضان خخ

وان شاءالله باقي الاعضاء يساعدونك

وسوري عل اللقافه انا بعد :secret:

[م. عبدالعزيز]

مايصير تعطيني ال25 كيلو .. ههههه
بالنسبة للثياب فيه وايد اماكن زينه مثل ماتفضلت بالسد ، وفيه بسوق العلي ، وفيه عند كرك النعيمي باللاند ،، وفيه بالعزيزيه عند المصرف .. ذولا اللي اسمع عنهم ويروحون لهم الشباب

[الـقـاسـي]

هههههههههه انا احسن منك انا نزلت اكثر من 45 كيلو ..

ع العموم انا من واقع تجربتي تقريبا مافي خياط يخطر على بالك الا وفصلت فيه ..

لكزس بكل فروعه , قصر لكزس , النبراس , قباء , سي لاين , توب ثوب , الماستر , خياط الخياط , الزباره , الشال , الوطن العربي , خياييط سوق العلي , تقريبا اغلب الخياييط اللي في الدوحة ..

طبعا ثياب سوق العلي راحت موضتها خلاص الحين الثياب الجديده الي بكرتون ..

قبل كان الخياط التوب فالدوحة خياط الخياط هالكلام يمكن من اربع او خمس سنين بس الحين خلاص اخترب ..

بس اللي بنصحك فيه خياط الماستر اللي فالنصر انا هالفتره صرت افصل عندهم وترى اللي ماسك الخياط الحين واحد سوري اسمه عمران هو قبل اللي كان ماسك خياط الخياط وانا كنت اتعامل وياه من ذيك الفتره ..

ثيابه ماعليها كلام الكرتون مايخترب وقياساته مضبوطه وسعر الثوب انا الواحد ب225 انشب له شوي وبيعطيك بهالسعر انا بصراحة توني محول على هالخياط وخلاص ناوي اثبت عنده ..

بالنسبة للخلق لاتاخذ خلق ثقيل هاليابس مال البلشتية .. بتحصل خلق عنده زين نسيت اسمه اذا تبي بطرش لك رقم جوالي ع الخاص وعطه الرقم وهو بيطلعه لك خله يرويك الخلق ..
او نق انت من الخلق اللي عنده ..

خياط لكزس الكرتون ماله تعبان ويفصل الثوب ب275 ..
خياط النبراس بيطلع عيونك بالقياسات لازم ترد له الثوب مره او مرتين يعدله لك وسعره من 230 الى 250 وفي اكثر بعد ..

توب ثوب يفصل لك ب230 وحوالي هالسعر تطلع شوي تنزل شوي حسب القماش ..
سي لاين هذا حرامي ونصاب لاتفصل عنده .. تخيل مفصل حق واحد عشر ثياب ب15 الف ريال كل ثوب ب1500 ريال نااصب عليه
والصروال ب 1000 ريال لان هذاك غبي دفيع وقال له الخلق مادري شنو المهم نصب عليه نصبه محترمه ..

قباء كل ثيابه ب250 بس كاسره شوي يعطيك ب 235 , 230 بس ترى قباء حزات يطلع لك الثوب ماعليه كلام واحياننا يجيك الثوب خاايس من قلب يعني ماتعتمد عليه كلش .. حسب نفسيته يظبط لك الثوب ..

خياط الخياط كان اغلى اغلى ثوب عندهم ب 180 الحين صارت توصل 300 و 350 وخياطتهم مب مثل قبل ..

خياط قصر لكزس مقبولة خياطتهم انا افصل عندهم اذا مستعجل يعني تفصل الثوب يخلصه لك ثاني يوم وسعرهم 250 ثابت ومكانهم فالنصر ..

احسن خياط للحين جربته انا هو خياط الماستر ..

ادري طولة فالكلام بس انا معاناه ويا الثياب تقريبا افصل كل شهر 10 الى 15 ثوب لان يلعوزوني الخياطين مره الخلق مب شي مره التفصيل مب شي فــ أقط الثوب واحول على خياط ثاني ..

[بوحارب]

مرحبا اخوي

اول شي قولي اشلون نزلت 25 كم لأني ناوي انزل من وزني 3.5 كم بس

وبالنسبة حق الثياب

انه داااااايما وابدا افصل في سوق العلي

عند خياط اسمه ( خياط سوق العلي )

واحلى انواع الخلق الياباني بكافه انواعه وسعر الثوب ما يتعدى ال 85

ومع المكاسر ب 80 واذا اكثر من 4 ثياب تقدر تفصل الثوب ب 75

وعلى الخلق جود زينه ومن النوع اللي ما يتغير لونه مع الغسيل

لأنه البعض يظنون ان الثياب الرخيصة تخترب من كثر الغسيل ..... الخ

وتقدر تستلم ثوبك ثاني يوم

والصراحة لكزس سعره غااالي على الفاضي بس عشانه معروف ومن هالكلام

وبالتوفيق

[qtr-1234]

مشكورين عالمعلومات

القاسي : هههه عاد انا صرت ٧٠ خلاص مبي انزل زياده

خلاص اول ما برجع قطر بروح خياط ماستر وبنجربه

كم يوم عشان يخلص الثياب ؟

[qtr-1234]

بو حارب : والله اشتركت في gym وما قمت آكل عيش وهالكلام من شهر ٢ لين ٦ وفي العشا آكل شي خفيف والغدا سمك مشوي وبس =)

مشكور عالمعلومات

[qtr-1234]

وينكم يا شباب

[الـقـاسـي]

مشكورين عالمعلومات

القاسي : هههه عاد انا صرت ٧٠ خلاص مبي انزل زياده

خلاص اول ما برجع قطر بروح خياط ماستر وبنجربه

كم يوم عشان يخلص الثياب ؟

لا 70 اوكي اثبت عليه .. الثياب يعني يبي لها ثلاث ايام او اربعه حسب الزحمه ..
وممكن اقل ..
جربه ومراح تندم ..

[y.o.y.o]

السلام عليكم

اخوي عندك خياط سليني

تقريبا يفصل الثوب على 350 او 400

بس تفصيلة عجيب

بالنسبه حق القماش في نوع اسمه الجوهرة

هاي احسن من الشكيبو

اتمنى لك التوفيق :nice:

[qtr-1234]

لا 70 اوكي اثبت عليه .. الثياب يعني يبي لها ثلاث ايام او اربعه حسب الزحمه ..
وممكن اقل ..
جربه ومراح تندم ..


اها اوكي تسلم الشيخ

[qtr-1234]

السلام عليكم

اخوي عندك خياط سليني

تقريبا يفصل الثوب على 350 او 400

بس تفصيلة عجيب

بالنسبه حق القماش في نوع اسمه الجوهرة

هاي احسن من الشكيبو

اتمنى لك التوفيق :nice:

اخوي وين مكانه ؟

[بوعلي2]

خياط سليني الثوب بـ 350 - 400 ولاتفكر تروح مكان غيره

صفة العبيدلي اول الشارع

[qtr-1234]

اخوي وين صفه العبيدلي ؟

وكم يوم ويخلص الثياب؟

[بوعلي2]

اخوي وين صفه العبيدلي ؟

وكم يوم ويخلص الثياب؟


العبيدلي مال تنجيد السيارات وتشيكها الله يسلمك ماعرف اوصف لكن بحاول افهمك لو شي بسيط :rolleyes2:

يعني تخيل ان انت طالع من دوار سوق العلي ومتجه جنوب طبعا الشارع مسكر صح ؟

عاد انت تخيله فاتح وكمل سيده مكان الجسر الجديد :nice: يكون يمين الجسر الجديد على طول :telephone:

عاد انت روح له من ورى اطلع من ورى سوق العلي وكمل سيده وعقب بيجيك دوار اخذه يسار وكمل سيييييييييده بتمر على العبيدلي وبتشوف بوجهك الجسر الجديد الي لحد الان ماخلص قط عينك يسار بتشوف مكتوب سيليني :telephone:

=> ماله حل وصفي هههههههههههههههههههههههههه

اتمنى انك فهمت لو شوي :weeping:

يتم الثوب حاله حال اي خياط اذا ماعنده زحمه سبوع واذا زحمه سبوعين لكن صدقني بتكون كاشخ حدك :nice:


واسمحلي على القصور :weeping:

[qtr-1234]

ما قصرت اخوي

وانشالله بروح وبجربه

تسلم

[أمير المحبه]

صباح الخير يالغالي

انا صراحه افصل عند لكزس

وماتعامل مع غيره

الخلق ممتاز عنده

والله يوفقك

+_+

انزين راضي عطني 5 كيلو من اللي نزلتهم

هههههه

[بنت ابوها 19]

خخخخ

دخلت الموضوع عرض


بس حبيت ابارك ع الوزن

وينهم الـــ 25 كيلو عطني ياهم ابيهم :( ..

[qtr-1234]

امير المحبه :

اي انا بعد افصل عنده بس الخلق ماله ما عجبني بس تفصيله ما عليه كلام

بنت ابوها ١٩ :

ههه الله يبارك فيج اختي

ناس تبي تضعف وناس تبي تمتن هههه =p

[qatari1]

شنو 300 و 400 ريال على الثوب؟!

وشنو 1500 ريال، ليش حرير وللا منسوج بخيوط الذهب!

وين عايشين؟!

ومن قال إنه لكزس يفصل الثوب على 275 ريال؟!

يا اخوان يا إما إنكم تزابون أو ينصبون عليكم، وانتوا ما تدرون، أو مستانسين على النصب!

أغلى ثوب فصلته كان بـ 200 ريال من النبراس، وكان قال لي أول شي 250 ريال، بس كلمته كلمتين فرنسي -لأن الأخ كان مغربي- نزل إلى 200 ريال لا و vip بعد!

لكزس حده 185 ريال بالتمام والكمال!

نصيحة مهمة: كل الخياطين يفصلون نفس الثياب، ويستعملون نفس القماش، ولحد يقص عليكم.

وبعدين أكشخ ثوب ما يعمر مع الواحد أكثر من سنة لو طول معاك، فبالتالي أي خياط يؤدي الغرض وخلاص.

[بوعلي2]

شنو 300 و 400 ريال على الثوب؟!

وشنو 1500 ريال، ليش حرير وللا منسوج بخيوط الذهب!

وين عايشين؟!

ومن قال إنه لكزس يفصل الثوب على 275 ريال؟!

يا اخوان يا إما إنكم تزابون أو ينصبون عليكم، وانتوا ما تدرون، أو مستانسين على النصب!

أغلى ثوب فصلته كان بـ 200 ريال من النبراس، وكان قال لي أول شي 250 ريال، بس كلمته كلمتين فرنسي -لأن الأخ كان مغربي- نزل إلى 200 ريال لا و vip بعد!

لكزس حده 185 ريال بالتمام والكمال!

نصيحة مهمة: كل الخياطين يفصلون نفس الثياب، ويستعملون نفس القماش، ولحد يقص عليكم.

وبعدين أكشخ ثوب ما يعمر مع الواحد أكثر من سنة لو طول معاك، فبالتالي أي خياط يؤدي الغرض وخلاص.


كلامك صحيح 100 بالميه

لكن خياط سيليني يحط لك كبس بالثوب للكلر والازره الي بالنص ويرسم الثوب رسم بالمكاين المتطوره الي عنده شغله كله من السعوديه
انا افصل سابقا بلكزس الثوب بـ 200 مثل ماقلت بعدين شفت صاحبي ثوبه غير وتمام وسئلته من وين وقال لي من سليني ورحت عنده وانا طويل شوي وخذ علي الثوب الواحد 350 والخلق من عنده المتين شوي والطافي هذا غالي شوي لكن صج خلق ومايتغير الا بعد فتره طويله خصوصا اذا انك تغسل الثوب باماكن زينه

والله يبعد عنا الزبو ويجعلنا منواضعين ومحبوبين للناس يارب

[BURBERRY]

انا جربت كذى خياط .. لكزس و بعض الخياييط الي في السد

لكن عقب جربت سيليني .. تفصيله ما عليه كلاااااااام .. اعتبره الخياط رقم 1 لكنه غالي و على حسب نوع القماش .. لكنه ممتاز و عجيب في التفصيل

[قناص الخليج]

الشباب يبون يعرفون شلون نزلت 25 كيلو اما الخياط فياكثرهم خخخخخ

[ANONYMOUS]

والله موضوعك ذو شجون..

شوف.. من خلال خبراتي المتواضعه..

ان اغلب الخياييط.. يفصلون اول مره اوكي.. وعقب التفصيل الثاني.. يتربونها..

اول واحد كان الزباره.. و عقب الخيط الابيض.. وقباء .. ولكزز .. وسيليني على ماعتقد كذا اسمه.. اللي بشارع السلام..

تقصيلهم.. غالي.. بس زي ماقلت لك.. يضبط اول مره.. وبس

مؤخرا.. رحت رامين للأقمشه.. خذت 3 طوق ثياب.. حليوه.. الطاقه على 250 ريال ( طبعا احد المدراء يقول لي انه يسوي هالحركه .. والمدير اللي راتبه قد راتبي 4 مرات.. مب احسن مني :p)

وفصلتهم في الوكره ( خياط الانفال .. توصيه من صديق )

فصلت 18 ثوب.. تقريبا من شهر - شهر ونص.... وللحين اوكي..

ماقول لك التفصيل بيرفكت.. ولكن.. حلو.. ويمشي الحال.. وشكل

على الاقل ال 18 ثوب كلفتني 1500 ريال.. احسن من ادفع هالـ 1500 على 4 ثياب :p

عموما.. ترا الجسم هو اللي يحلي الثوب.. بجد..

يعني انت صرت ضعيف.. لو تفصل اي مكان اوكي..

بس لو متين.. هنيه تتعب ونت تدور..

وسلامتكم..

[سداوي&مدريدي]

سيليني

لكزس

وبس

:nice:

[بوعلي-Qtr]

نصيحة مني لاتروح سيليني ..

لكزس ابرك منه ..
انا من زمان اتعامل معاه .. والثوب الواحد يفصلي ب 40 او 35 طبعا بدون الخلق ..

[مرتبش]

لكزس تعبان
صج اول مرة كان تمام وهذي المرة من زمان
وعقبها صار شغله اي كلام
مشكلة الكلر اليابس انه يتكسر ويصير شكله معفس

[qtr-1234]

مشكورين كلكم وانا بجرب سيليني انشالله

[qtr-1234]

سبحان الله وبحمده

[qatari1]

جربت خياط سيليني بناءً على توصياتكم، ولكن للأسف الخياط عادي جداً، ولا يوجد لديه شيء مميز أو جديد سوى الياقة حيث أن تصميمها أفضل من لكزس!

سعره مبالغ فيه جداً، ولا أرى أي مبرر لذلك، ولم تقنعني حكاية الأقمشة الحصرية التي يدعي أنه يملكها، أو المكائن المتطورة التي تزعمون أنها لا توجد عند سواه!

وقبله قمت بخياطة بضعة ثياب في لكزس بفرعيه في أم لخبا( خلف اللاند مارك) والخريطيات، ووجدت أن مستواه قد تدهور، ولم يعد كما كان في الماضي.

في المرة القادمة قد أعود إلى خياط النبراس، سعره مناسب، وتفصيله جيد.

[فلفل حار]

الخياييط المعروفين مثل لكزس وسيلين ... عاديين جداً

وقامو يبالغون في اسعارهم ...!
:rolleyes2:



شخصياً افصل عند خياط اسمه خياط سوق العلي الجديد <<< امششش يالدعايه ههههه:shy:

ويستاهلون الدعايه لأنه تفصيلهم حلوو ... والخلق عليهم لأني أفصل كذا لون عشان جذي ماشتري طاقه ...




يعطيكــم العافيــه ALL ...:victory:

[بن جلبان]

خــياط ( الرجل المميز ) شارع الســلام / الريان الجديد
نوع القماش ( شكيبو )
سعر التفصيــل حوالي 250 ريال
مدة التفصيل اليوم الثاني تاخذ ثوبــك ،،


الموضوع قديم بس توني شايفــه خخخ :omen2:

[marwa2005]

مبروك النيو لوك اخوي ادا حابة نفصل لك جلابيات مغربية نحن حاضريين

[الوجيه]

بنسبه للخياط عندك خياط سام في المرخيه بجوار مكتبة ابن القيم

اما الخلق عندك الخااان في السد

[Qtrstyle]

الصرواله اللي ب1000 ريال ماله حل ,,
هذا شكله بيلبس الصروال سنه كامله من غير مايبدله ههههههههههههههههههههههههههههههه

انا عن نفسي افصل عند خياط لكســـز اللي صوب اللاندمارك

[عـ العبيدلي]

اغلى ثوب فصلته فحياتي ب 150 ..

اسعار خياليه بصراحه .. بصراحه انصدممممممممت .. انا اعرف ناس طواااال ومتاااااااان وما يفصلون بهالاسعار
انا الثوب بالكثير ب 130 .. بس انا حجمي صغير ..

في خياييط تعبانين كلش خصوصا الي فسوق العلي ..
الي يخلصون فكم يوم .. رخاص ينفعون حق وقت الحاجه لو عندك عرس واحد وتبي ثوب ع السريع تروح هناك ..

في خياط اسمه الكلر الابيض صوب الرونق الي فالمطار ..
سعره معقول بالنسبه للاسعار الي قالوها الشباب ويخلص بسرعه ..

وشغله عدل الثوب يتم لك سنه كامله جنه يديد .. طبعا على حسب الغسلات .. وشكثر تلبسه ..

امما صروال .. بوألف .. بشترلي صراويل حق 7 سنين قدام بالف ..

[qtr-1234]

يعطيكم العافيه على التفاعل ويلا هانت سبوعين وبرجع انشالله وبجرب كذا خياط من اللي مدحتوهم

[بوخالد911]

هلا


يا زيين الخياييط بالعزيزية + سوق العلي


لا لكزس ولا سليني

ولا هم يحزنوون


مووفق

ومبرووك ع الوزن المفقود 25 ك

يبييلي اضعف والله

[2010]

شـــكــــلي تـــآآخــــرت واايــــــد صـــح :weeping:

بس أول شــي أبــارك لـ رآآعــي المــوضــوع

و هــاذي الخــســاره الــي الوآآحــــد يــقــدر يبـــارك له فيــها :nice:

** ** **

الصـــرآآحــــه أنـــاا آخـــذ القــمـــااش من

( رامــــــــــــين ) عنــده فــرع في ســوق واقــــف حذا الباب الداخلي لسوق العطور الي فيه حريم

و الـــفــرع الثـــاني ســوق الــعســـيري ع الشــاارع حذا المــاسه الزرقــاء

الصـــراحه القـــمــاش ما عليـــه كـــلام ياباني و عنـــده كـــل الانـــوااع

و أحـــلــــى شــي على طــول عنــده عـــرض ( الطـــااقـــه بـ 250 ريـــاال )

مـــو نفـــس بقـــيه المــحلااات على 500 و 1000 :secret:

مـــع أن نفـــس الخـــاام و نفــــس الجــوده و أحســـن بعــد

بس من المــصــادر الخــآآصه طلع أن راعــي المحــل ياخذ ســعر رمــزي فايده

لان يـــبي دعــوه النــاس فــي غــلاء هالــزمن ,,,:victory:

و اذا ع التــفــصيل أروح لــكزس .. أو .. الكـــلــر الابيـــض

و ســـلامتكم الف ســـلامه ..

و مبــــــــآآرك عليـــــــكم الشـــــــــــهر :tease:

[بن فرهود]

شرايكم ف البيت الابيض
؟
ومن احسن نبراس او قباء؟؟

[bo_Oof]

اخوي احسن خياط اللكزس اللي في السد واللي قريب المطار واحسن خلق سمعت عنه شكيبوا

تحياتي

[qatar2006]

السلام عليكم ,, اولا هنيئك على ارادتك وعزمك ترى 25 مب سهله وان شاء تقدر تثبت وزنك

مثل باقي الثباب سيليني خياطته حلوه وايد وبعده لكزس