المساعد الشخصي الرقمي

مشاهدة النسخة كاملة : 10 اسباب تمنعني من السفر هذا الصيف


قطري 22
05-07-2009, 03:16 AM
اكذوبة انفلونزا الخنازير- مع اني مو مصدقها
الازمه الاقتصاديه
عندي بنيان
الحر- اللي حتى لندن صارت حاره
الطيارات وحوادثها . الله يكفينا الشر
المطارات وزحمتها
القطريه واسعارها الهستيريه وقوانينها
زرت اغلب البلدان اللي في خاطري ( الله لايغير علينا )
انا صرت اوسوس في نظافة المطاعم اللي برا اذا سافرت
(( عشقي ل قطر ))

وبعدين من خلال تجربه .... اوهم عمرك انك تعودت تسافر .. خلاص لازم تسافر
لكن اوهم عمرك اان ديرتنا حلوه والبحر وسنبوك وشاليه ولمة الربع ..خلاص تنسى السفر
وبعدين اللهم لك الحمد اللهم زد وبارك ديرتنا حلوه الله يحفظها من كل شر
مكيفات في كل مكان مولات مجالس سيارات مطاعم قهاوي كل اللي تبي يكون مكيف
عكس بعض الدول الخارجيه تلاقي غرفها مافيها تكييف او مكيف خربان تكاسي لندن بدون تكيف
تخيل تصقعك الشمس وانت في نص الهايدبارك وانتوا خابرين شمسها شلون تحس انها قريبه تحس مخك بيتبخر.... مايسوى علي اقعد في الدوحه تحت المكيف وووووايد ابرك لي
وحش قطر
05-07-2009, 09:42 AM
كلامك عسل

تصدق انة احنا اكثرنا نسافر زبو وبس

انة اشوف احسن ناس يسافرون الكويتين

تحصلة بروح بلدان عمرك ماسمعت عنها

اما احنا نروح على كلام الناس


تحياتي
zeknon
05-07-2009, 09:47 AM
الله ايعينك
ولكن تغيير الجو زين
وكسر الروتين
وفلة احجاج
anood
07-07-2009, 05:34 PM
من ناحيه فله حجاج فله حجااااااااااااج
بنت ابوها 19
08-07-2009, 02:55 AM
والله حلو الواحد
يطلع ويسافر ويغير
لكن بس احس البلدان حفضناهم
يعني يصير فينا خلاص احنا بقطر ان طلعنا
لنا محور ندور حولينه

الي هو :

(( ماليزيا _ سانغفورا _ أمريكا _ اليونان _ باريس _ لندن _ تركيا _ مصر ))

أحس البلادان السياحيه عندنا محدوده
عشان جي في ناس كثيره تركت سفرات الصيف وملت منها

بس بعد هل الصيف يمكن 10 % الي مسافرين
لانه بصراحه الأجواء والأحوال كلش ماتساعد
NoooN
08-07-2009, 04:59 AM
اي والله انا يعجبوني هل الكويت لانهم يروحون اماكن ويكتشفونهااا احسن منا
مانسافر الا يافلان شوفني وووين رحت ... !!
اشكرك خيوو
ابن الذيب
08-07-2009, 06:44 AM
هلا يالقطري ..
والله في كم سبب مقنع ..
بس ياخوك السفره لو هي كم يوم , تنعنش وترد الروح ..
الصراحه أنا سفرة الصيف احبها قصيره , وفـ الشتا نطوول ..

بس أنا رأيي مايتفق مع راي وحش قطر ونوون
"بعض" الكويتين لما يسافرون ما يمتعون عمرهم ..
يدورون أبعد و أرخص شقق ويسكنون فيها ..
والأكل يسونه في الشقه , وتسوقهم في المحلات الاقتصاديه الرخيصه ..
شلون يستانسون مادري !!

وتسلم عـ الطرح :victory:
&شهد&
08-07-2009, 08:02 PM
أحلى سفرات سفرات هل قطر
الشقق الراقية والتسوق بسنع والمناطق الهادية
صراحة السفر حلو خاصة اللي عنده عايلة ومايفظى طووول السنه لهم حلو انه يطلع مع عياله وزوجته ويونسهم ..... الاماكن في الدوحة محدوده وزحممممه وحررر وعيالنا مللوا منها
مساكين حرام يكرفون في هالمدارس طول السنه ليش مانوديهم كم يوم يغيرون ..أقل شي يروحون ملاهي والعاب مثل العالم والناس!!
سهم المراقيب
08-07-2009, 09:20 PM
تخيل تصقعك الشمس وانت في نص الهايدبارك وانتوا خابرين شمسها شلون تحس انها قريبه تحس مخك بيتبخر.... مايسوى علي اقعد في الدوحه تحت المكيف وووووايد ابرك لي

ولله انك صادق ,,
بيبي حبيبي
09-07-2009, 04:27 PM
ههههههه

الله يخلي ديرتنا لنا ان شاء الله
ويعطيك العافيه اخوي
قناص الخليج
12-07-2009, 08:55 PM
والله مالومك اخوووووووووووي
ابومحمد س
14-07-2009, 12:44 AM
صحيييييييييييييييييييييييييييييييييييييييح
برق لمع
15-07-2009, 09:58 AM
والله تركيا عجيبة.......
وخاصة في السلطان احمد...نظيفة وهادية وناس طيبة جدا جدا
وجو حلو مااااااااادري احس احلى دولة لحد الان رحت لها من بعد لندن ومصر وماليزيا ولبنان وسوريا
صج انها سحر
رذاذ
16-07-2009, 09:46 AM
صدقت والله يسلم لسانك ياخوي
ارهابي قطر
16-07-2009, 09:59 AM
الموضوع جدا شيق للمشاركة فيه

الصراحه عني انا كل سفراتي في الخليج واكثر شي في
(( جنوب السعودية))

والله رحت اماكن جنة الله في ارضه غير ابها وغير فيفا اماكن خلف جازان بس بعد الامطار روح

لاني انا والحمدلله ما احب التشري في السفر احب الطبيعه والبراد والمطر ولا قطر الخير كل شي فيها حلو واصلي من ناحية الاغراض الاساسية من ملابس وغيره

اشكرك عل الموضوع الجميل
كيفـي
16-07-2009, 03:43 PM
غبار وحر ورطوبة قطر.. غالية علي..:d

أقص على عمري.. خاصة ان ماعندي اجازة..:(