هل تنصحوني بالدراسة في جامعة تاكسيس ايه اند ام في قطر ؟

[ثاني]

السلام عليكم .. ياخوان حبيت استفسر ...

اذا انا حصلت قبول ففي هالجامعة وجبت التوفل ودخلتها هل تنصحوني

وكيف مستوى الدراسه هل هوصعب وهل هو اصعب من جامعة قطر
اتمنى المساعدة واسف عل الازعاج

[وتبقى الدنيا حلوه]

أستخير

[كلي أمل]

عليكم السلام اخوي -


شد حيلك وييب التوفل وثرا الايلتز اسهل - لان جامعة قطر تبي 5.5 بس جامعة تكساس تبي 6

ثاني شي بقولك ان الهندسه دراسه مب هينه ف جامعة قطر او ف تكساس

بس جامعة قطر اسهل للحين والله يوفقك ولاتنسى تستخيير

[قطرية مثقفة]

السلام عليكم .. ياخوان حبيت استفسر ...

اذا انا حصلت قبول ففي هالجامعة وجبت التوفل ودخلتها هل تنصحوني

وكيف مستوى الدراسه هل هوصعب وهل هو اصعب من جامعة قطر
اتمنى المساعدة واسف عل الازعاج

إنشاء الله تحصل قبول لأنه جامعة قوية جداً ،،،،، وأسمع عن خليجيين من دول مجاورة يتمنون يحصلون قبول فيها ،،،،، الله يوفقك :)

[عبدالله الحميدي]

جامعه ممتازه .. ومعترف فيها .. واضمن الوظيفه اذا تخرجت على الاقل.. وهي مدعومه من الدولة ..

[وطن]

اخوي اذا عندك قبول توكل على الله وشد حيلك
والدراسة يبي لها اهتمام وكرف سواء في تكساس أو غيرها

والله يوفقك

[ثاني]

جزاكم الله خير ..

والله بخصوص الأيلز هي المشكلة الكبيرة ... لان جامعة تاكسيس تبي ايلز 6 ومحتار بينها وبين جامعة قطر وبس ودي ادرس في تكسيس بس مدري .. لان اليوم انا سجلت في الجسر الاكاديمي حتى ادرس فيه اللغة الانقليزية لين ماجيب التوفل .. فبشوف لو جبت التوفل 6 بدرس في تكسيس والله يوفق الجميع ان شاء الله

[وطن]

ان شاء الله تجيبه
شد حيلك
والله يوفقك ان شاء الله

[هدوء العاصفة]

توكل على الله جامعة زينة

[ANONYMOUS]

السلام عليكم .. ياخوان حبيت استفسر ...

اذا انا حصلت قبول ففي هالجامعة وجبت التوفل ودخلتها هل تنصحوني

وكيف مستوى الدراسه هل هوصعب وهل هو اصعب من جامعة قطر
اتمنى المساعدة واسف عل الازعاج


شوف مافي شي سهل..

كل انواع الدراسه يبي لها مجهود..

وترى الايلتز مسخره.. مادري ليش متخرعين.. اهم شي تعرف طريقة الامتحان .. وتكتب المطلوب.. وبس

وبخصوص الجامعه.. جميع جامعات المدينه التعليميه ممتازه.. لاتحاتي.. وكذلك جامعة قطر حلوه( لو تخرجت منها ).. ولو اني اكرهها..


واذا قدرت تدرس برا.. احس واحسن..

وبالتوفيق

[ثاني]

يعطيك العافيه اخوي .. ألحين ان شاء الله انا بشوف ..
لان تاريخ 27/7 عندي امتحان توفل في الجسر الاكاديمي حتى امتحن توفل عقب يحددون مستواي ويحطوني في الصفوف .. ودعواتكم لي ان اجيب التوفل في خلال هالسنة

بس حبيت استفسر لو حصلت القبول وجبت التوفل خلال هالسنة ... وانا نسبتي 80.3
هل اقدر ادرس على حساب المجلس الأعلى وهل بحصل على راتب ولا فقط اهم يتحملون تكاليف الدراسة

والله يعين والله يوفقكم...وجزاكم الله خير

[>>> غــمـــوض <<<]

توكــل على الله وقدم عليها
الجامــعه ممتازه ومن جهة نظري وافضل من جامـعة قطر بمراحــل

مافي شي صعب بالدنـيا ،... بس الدراسـه يبيلها جد واجتهاد وصـبر
وان شاء الامور سهالات

ومثل ماقال الاخ Anonymous ترى امتحان الايلتز مو صعب مثل مالكل يقول ... لاني يوم بدخل الجامعه كنت خايفه منه ولـكـن /::: قدمت هالامتحان وتره هو يعتمد عالسرعه شوي والانتباه
وكل الامور مشت سهالات ونجحت منــه ولله الحمد

العزيــمة اهم شي والتوكل على الله لانه سبب التوفيق والنجاح
وخلك شوي متفائــل وان شاء الله تبشرنا بقبولــك
:)

تحياتي

[ورقــة أمــل]

الله يوفقك اخووي

[ثاني]

جزاكم الله خير و الله ماقصرتو جعل والديكم الجنه

[ANONYMOUS]

يعطيك العافيه اخوي .. ألحين ان شاء الله انا بشوف ..
لان تاريخ 27/7 عندي امتحان توفل في الجسر الاكاديمي حتى امتحن توفل عقب يحددون مستواي ويحطوني في الصفوف .. ودعواتكم لي ان اجيب التوفل في خلال هالسنة

بس حبيت استفسر لو حصلت القبول وجبت التوفل خلال هالسنة ... وانا نسبتي 80.3
هل اقدر ادرس على حساب المجلس الأعلى وهل بحصل على راتب ولا فقط اهم يتحملون تكاليف الدراسة

والله يعين والله يوفقكم...وجزاكم الله خير


شوف.. اذا قدرت تحصل لك سبونسر .. احسن لك..

شيك مع شركات البترول.. على الاقل مع الدراسه ينزل لك راتب..

صراحه ماعرف شالطريقه.. ولا كنت بعلمك..



توكــل على الله وقدم عليها
الجامــعه ممتازه ومن جهة نظري وافضل من جامـعة قطر بمراحــل

مافي شي صعب بالدنـيا ،... بس الدراسـه يبيلها جد واجتهاد وصـبر
وان شاء الامور سهالات

ومثل ماقال الاخ Anonymous ترى امتحان الايلتز مو صعب مثل مالكل يقول ... لاني يوم بدخل الجامعه كنت خايفه منه ولـكـن /::: قدمت هالامتحان وتره هو يعتمد عالسرعه شوي والانتباه
وكل الامور مشت سهالات ونجحت منــه ولله الحمد

العزيــمة اهم شي والتوكل على الله لانه سبب التوفيق والنجاح
وخلك شوي متفائــل وان شاء الله تبشرنا بقبولــك
:)

تحياتي


بالفعل.. اهم شي العزيمه..

وين عازمتنا :p

[ثاني]

Anonymous

مرحبا ..
والله بخصوص شركات البترول وكذا .. انا حالياً ما ابغي اتربط في شركة ..في خاطري تكون شهادتي حرة حتى انا بنفسي أختار المكان الي اتشغل فيه ...
انا طموحي شيء لكن بقولة لكم بعد التخرج (إذا الله كتب لنا العمر) لاني لو قلت لكم الحين بتقولون انك غبي هههههههه ..
فعشان جي قلت ادرس على المجلس الأعلى وبعد التخرج اقدم على هذي الجهه (علماً انها حكومية تابعه كلياً للدولة)

بخصوص الأخت هي تقصد ان اهم شي بعد التخرج اسوي عزيمة لكم مب اهي عازمتكم هههههههه

يعطيك العافيه اخوي

[ANONYMOUS]

anonymous

مرحبا ..
والله بخصوص شركات البترول وكذا .. انا حالياً ما ابغي اتربط في شركة ..في خاطري تكون شهادتي حرة حتى انا بنفسي أختار المكان الي اتشغل فيه ...
انا طموحي شيء لكن بقولة لكم بعد التخرج (إذا الله كتب لنا العمر) لاني لو قلت لكم الحين بتقولون انك غبي هههههههه ..
فعشان جي قلت ادرس على المجلس الأعلى وبعد التخرج اقدم على هذي الجهه (علماً انها حكومية تابعه كلياً للدولة)

بخصوص الأخت هي تقصد ان اهم شي بعد التخرج اسوي عزيمة لكم مب اهي عازمتكم هههههههه

يعطيك العافيه اخوي


هلا ثاني..

في اي جهه سيكون عملك.. ستخدم بلدك..

وطالما انت في خاطرك مكان معين.. جيك عليه.. يمكن يعطون بعثات..

مثلا.. اللجنه الالمبيه.. مودين عالم بعثات..

ولا هيئة الطيران المدني.. مودين ناس كثير بعثات..

ولا وزارة البيئه.. برضو باعثين طلاب..

بعد مستشفى حمد.. مادري وزارة الصحه

بالاضافه لقطاعات النفط والغاز..

وكل هذيلا الجهات موفرين رواتب على ماعتقد..

وبخصوص العزيمه.. تقصد فيها الاخت.. الاراده والتصميم

ومايفل الجديد الا الحديد

وشكرا

[ثاني]

هلا اخوي .. بخصوص المكان مايبعث للأسف للخارج لكنه يرسل على كليات في قطر ..

وبخصوص وزارة البيئة والله توني داري ان عندهم بعثات يليت حد يزودنا

[امل الحب]

الله يوفقك ..

جامعة قطر او غيرها كلها يبي لها صبر وجد واجتهاد مافي شي سهل..

تاكد من جهات العمل حسب السبونسر شب .. لاني سالت حق اخوي في 3 اماكن قالوا لي يخلص سنة تخصص وبعدها نشوف ال gpa ونقبل اذا كان حسب شروطهم .. واذا لقيت لك مكان يسهل لك الطريقة توكل على الله حتى لو المجلس الاعلى ..

[ثاني]

انا بشوف المجلس الأعلى لان ابي شهادتي تكون حره
مب مثل الابتعاث عن طريق البترول بعد التخرج أجباري العمل بالبترول

[شيط ويط]

أنا انصحك بالدراسه فيها وبقووووووووه .. ووظيفتك بإذن الله جاهزه بعد التخرج .

[هدوء العاصفة]

انا بشوف المجلس الأعلى لان ابي شهادتي تكون حره
مب مثل الابتعاث عن طريق البترول بعد التخرج أجباري العمل بالبترول

يبا خذها نصيحة من واحد اشتغل وانتخل :tease: اذا لقيت اسبونسر عن طريق البترول روح ترى المؤسسة من افضل الاماكن للاسف

ايييييييي اكيد بتقولون ليش للأسف !! لاني ماشتغل هناك لكنها الحقيقة اللي يقولون مرة .. كل الوزارات في مخبا ومؤسسة البترول في مخبا ثانية ..

توكل على الله وقدم المؤسسة لمستقبلك افضللللللل

[ثاني]

اخوي المشكلة انا ماحب شغلة المصانع وخصوصاً قطاع البترول

انا اقولك صراحة افكر بنسبة بسيطة اخذ بعثه عن طريق البترول بنسبة20%
لكن النسبة الباقية ودي ادرس وتكون شهادتي حرة لين مفكر من الحين وين بروح بعد التخرج اذا الله احيانا..

[هدوء العاصفة]

اسمع شوووور اخوك الكبير ..

على فكرة المؤسسة يبعثون اي نوع من التخصصات

اهم شي تروح تدرس اللي تحبه .. اما مكان الشغل مافي مكان احبه ومكان ماحبه اللي يدفع اكثر ويطورك اكثر هذا المكان الزين .. وطبعا بيئة تكون عادلة ومريحة وهالشي موجود في المؤسسة ومفقود في الامكان الاخرى .. وش لك في الوزارات بيروقراطية

[ثاني]

داش عرض
والله قمت افكر في كلامك .. وبكرة بتصل في قطر للبترول .....
لكن انا الوزار ةالي بشتغل فيها مب مثل اي وزارة ههههه

لو اروح بعثه على حساب شركات مثل رأس غاز او قابكو احتمال اروح ...
لكن ان شاءالله وماقصرت والله اخوي على المساعدة وبالفعل انت مثل اخوي الكبير اشكرك والله

واشكر ايضاً الأخ Smart على مساعدتة لي اهو موجود معنا في هالمنتدى ماقصر معاي وانا لعوزته بالأستفسارات ...