رايكم يهمني

[جرح الأيام]

السلام عليكم ورحمه الله وبركاته

مساء الخير اخواني وخواتي

أنا محتاج لرايكم

انا خلصت الثانويه بمجموع 84,5

والتحقت بجامعه قطر سنتين والتأسيسي ذبحننا والله

ونزل معدلي لظروف خاصه وتم سحب قيدي

واشتغلت بدائره حكوميه والحمدالله بس خاطري ادرس والله خاطري اخلص دراستي الجامعيه

ورحت للمجلس الاعلى عشان يبعثوني من عندهم اما بعثه داخليه او بعثه خارجيه والمشكله مايصير لاني خلص خذت حقي في جامعه قطر

واحين مـو عارف شسوي

ودي ادرس

وش رايكم اعيد الثانويه ولاشنو الحل ؟

طلبتكم شورو علي :weeping:

[مليونيره]

الله يعينك بعد شسوي هذا تعليمنا المظلم

[بوحارب]

ادخل احد الشركات اللي تبعث دورات للكليات داخل البلاد ومنها تستفيد الدراسة والراتب

الله يوفقك

[ام نواف]

حاول ترجع جامعه قطر او اتعبت على نفسك اشوي حاول تدرس وتشتغل في نفس الوقت في احدى هل جامعات مثل الهولنديه

[عـ العبيدلي]

جوف اخوي جرب تطيح الانذار ..
فجامعة قطر ..

او تدخل من شركة البترول او كهرماء يطرشونك الاطلنطي
بس انصحك فجامعة قطر احسن لك ..

والله يكتب لك الي فيه خير لك

[The Watcher]

افضل حل .. هو انك تعيد الثانوية وتدخل جامكعة قطر مرة ثانية
او تجيب نسبة عالية .. وتروح بعثة (بكالوريوس)

اما الحلول الثانية فأغلبها "نص كم"

[nouar]

افضل حل ..

اذا تحب تخصص في مجال محدد بعد ما خللصت التأسيسي ، كمل دراستك ....

أول شي كل الشباب مثل ما صار معاك صار معاهم ...

وثاني شي لما تكون مثلاً مخصص في التسويق هذا علم بحد ذاته

وذا تريد ممكن تدرس هندسه كمبيوتر في ابتك ...:)

والله يوفقك

[المتضرعه لله]

لا تعيد الثانويه ولا تفكر

انصحك تاخذ سنوات دراستك وتدرس موازي ليلي وتكمل

[جرح الأيام]

مشكورين اخواني وخواتي الله لايحرمنا منكم

[كلي أمل]

الله يعيينك اخوي

[الرايــق]

اسال عن الهولندية

يمكن لك نصيب فيها
والله يوفقك