المساعد الشخصي الرقمي

مشاهدة النسخة كاملة : حد عنده معلومات عن شاليهات جراند حياه


Khaled Qatar
05-07-2009, 11:38 PM
السلام عليكم

بغيت منكم خدمه لو سمحتو

اللي عنده معلومات عن شاليهات جراند حياة اللي عند فندق الريتز ياليت لويقولنا

لأني ناوي اروح رحله عائلية وبغيت معلومات عن المكان والفلل واذا في شاطىء او لأ وعن الاسعار

ومشكورين مقدما
التلال
05-07-2009, 11:44 PM
المكان روعه وفي شاطي والاسعار اسبوع كامل 5000 ريال وبكون الفطور مجاني لمدةاسبوع
لوردغاليري
05-07-2009, 11:48 PM
بعد اذن صاحب الموضوع اليوم بكم في الفيلا
وكم غرفه وهل كل فيلا مستقله

ابي احجز
وطن
05-07-2009, 11:49 PM
الفيلا فيها غرفتين
واللي سمعته انهم بـ 6000 للفيلاا في اسبوع
لـبـيـه
05-07-2009, 11:51 PM
الشيخ راي انه ماينفع للعوائل اقصد الشاليهات ماتنفع للعوائل لانها مفتوحه ومافيها خصوصيه يعني تطلع من الشاليه عادي تشوف الي في الشاليه الثاني والشاليها لاصقه في بعض مجرد انك تكون في الشاليه اوكي بس تطلع ماتقدر مع هلك تروح البحر او البركه ابد كله شباب اما الغرف في الفندق حلوه وهذا رايي ويمكن يكون صح ويمكن غلط بس للشباب اكثر من روعه يعني خمس او ست شباب ياخذون شاليه لمده اسبوع ولا اروع وشكراااااااااا
قطري 22
05-07-2009, 11:58 PM
اللي سمعته انه عرض وانتهى
الله العالم
سهم قطر
06-07-2009, 12:00 AM
حد عنده صور عن الشاليهات
قـطـvipـرية
06-07-2009, 12:16 AM
وااااااااااااااو ياليت حد يفيدنااا اذا العرض ساري وله لاا
دبڵـﯚمٱωـيـﮧ
06-07-2009, 12:28 AM
العرض سـآري لين شهر 9 أعتقد ,, كانوا حاطين في الجريده ~
والفيلا غرفتين 5000 لمدة إسبوع ~
و3 غرف بـ 9000 !
مع إنترنت & فطور !

والليله 4000 @@!
اخذوا اسبوع احسن لول !

بس مافيه خصوصيه وماينفع للعآئلآت ~
لان اكثر شي شبآب والفيلآ مكشوفه يعني لما تطلعون برع تكونون وآضحين حق الشاليه اللي قدآمكم !

إحنا كنـآ حآجزين وكنسلنـآه مآرتحنا كلش !
وكنا بس رايحين نشوف المكان ~ بس وآيد حلو المكـآن كـ شكل !
والغرف كبيره نوعـآ مآ !

واللي يبي رقمهم عندي ^^!
ولد-قطر
06-07-2009, 12:37 AM
انا رحت لها وماعجبني المكان والسعر مبالغ فيه بدرجة كبيرة

لو تحجز في سيلين احسن لك بحر حلو ومكان تحس انك ساكن في شالية اما الجراند الشاليه بعيد عن البحر وماينفع للعائلات
ام يوسف
06-07-2009, 03:06 AM
العرض سـآري لين شهر 9 أعتقد ,, كانوا حاطين في الجريده ~
والفيلا غرفتين 5000 لمدة إسبوع ~
و3 غرف بـ 9000 !
مع إنترنت & فطور !

والليله 4000 @@!
اخذوا اسبوع احسن لول !

بس مافيه خصوصيه وماينفع للعآئلآت ~
لان اكثر شي شبآب والفيلآ مكشوفه يعني لما تطلعون برع تكونون وآضحين حق الشاليه اللي قدآمكم !

إحنا كنـآ حآجزين وكنسلنـآه مآرتحنا كلش !
وكنا بس رايحين نشوف المكان ~ بس وآيد حلو المكـآن كـ شكل !
والغرف كبيره نوعـآ مآ !

واللي يبي رقمهم عندي ^^!

ممكن الرقم ؟؟
قـطـvipـرية
06-07-2009, 09:29 AM
ام يوسف الله لايهينج ممكن الرقم
بشاميل
06-07-2009, 12:04 PM
والله اخوي احنا حاجزين حق هاللأسبوع باذن الله تعالى وطبعا زادوا السعر وصار 6700للشاليه بو غرفتين والمكان حلو وراقي وفي ا برج حق اليهال والبحر بعد موجود للي يبي البحر والعرض مع الفطور اخوي انصحك بالروحه للأن الشاليه يفتح النفس مب مثل شاليهات سيلين لا عروض ولا ففطور واليوم الثاني من الساعه 12 املغين عليك بهالتليفونات علشان اييطلعونك وموفقك
eXpert*
06-07-2009, 12:13 PM
عندهم عرض 7 ايام بقيمة 5 ايام .
kit kat
06-07-2009, 02:11 PM
جزاكم الله خير على هالمعلومات
راعي القالات
06-07-2009, 02:16 PM
اللي اعرفه ان الشباب قلبو الشاليهات سمردحه ما بعدها سمردحه

فالعوايل ما انصحهم الصراحه
saud580
06-07-2009, 05:42 PM
انا رحت كنت ابي احجز

ماينفع حق العائلات كللللش

ونظامهم قريب من شرق

نفس الفيلا شاليه تحت و واحد ثاني فوقك

الي بغرفتين في الاسبوع بــ6575 ريال

والبحر مب قريب تقريباً 100 متر ولا ميتين متر

بس ما أنصحك كلش لان الشباب ماخذين كل الشاليهات

والشاليه مكشوووف حده

تقدر يا الغالي تروح لهم و تروح تشوف الشاليه عاادي

انا شفت واحد اول مادخلته ريحت الشيشه مولعه داخل
ANONYMOUS
07-07-2009, 11:25 AM
الغرف روعه..

والفيلا تصلح شبابيه..

واذا عائليه.. مانصح حد يطلع من الشاليه..

الاسبوع مع الريوق.. ب 6 الاف وكسور..

الفيلا بو غرفتين في جراند حياه تسوى كل شاليهات مسيعيد . ولا في اي مقارنه اصلا..
وطن
07-07-2009, 12:40 PM
يعني الشباب خربوا علينا :(
>>> غــمـــوض <<<
07-07-2009, 12:56 PM
بس سعرهم وايـد زيــن
احنا حجزنــا بسيلين لمدة اسبوع وكلفــنا 16000 وخرده فوقهـا
خوخه وحلو
07-07-2009, 01:55 PM
الصراحه ماينفع للعائلات شباب مافي شيئ اسمع عوائل عندهم خلط ومسخره
NoooN
08-07-2009, 05:09 AM
انا سكنت فيها اسبووع مع عائلتي
بصراحه ولا أرووووع :nice:
:anger1::anger1::anger1::anger1:
بس اللي مخرررررررب الشباب كانووو فوووقنا ضحك واغانيييييييييي اللهم ياكافي :secret: ماقدرنا ننام اول ليلتين وعقب دلينا طريق السكيورتي كل ماشغلوووا اغنيه اتصلنا للسكيورتي :telephone: ويجي يسكتهمممم !!!!:)
حتى وصلت فيهم يغلون علينا جبن من البلكونه !! :anger1::anger1::anger1:
>>> غــمـــوض <<<
08-07-2009, 09:41 AM
انا سكنت فيها اسبووع مع عائلتي
بصراحه ولا أرووووع :nice:
:anger1::anger1::anger1::anger1:
بس اللي مخرررررررب الشباب كانووو فوووقنا ضحك واغانيييييييييي اللهم ياكافي :secret: ماقدرنا ننام اول ليلتين وعقب دلينا طريق السكيورتي كل ماشغلوووا اغنيه اتصلنا للسكيورتي :telephone: ويجي يسكتهمممم !!!!:)
حتى وصلت فيهم يغلون علينا جبن من البلكونه !! :anger1::anger1::anger1:

:eek5: من صجــج
حرام هذي نعـمة ومب زيــن يقطونها ولا عشان اغانــي

استغفر الله العظــيم
ناس مصرقـعه
A bin M
08-07-2009, 11:48 AM
انا سكنت فيها اسبووع مع عائلتي
بصراحه ولا أرووووع :nice:
:anger1::anger1::anger1::anger1:
بس اللي مخرررررررب الشباب كانووو فوووقنا ضحك واغانيييييييييي اللهم ياكافي :secret: ماقدرنا ننام اول ليلتين وعقب دلينا طريق السكيورتي كل ماشغلوووا اغنيه اتصلنا للسكيورتي :telephone: ويجي يسكتهمممم !!!!:)
حتى وصلت فيهم يغلون علينا جبن من البلكونه !! :anger1::anger1::anger1:

لا حول ولا قوة إلا بالله


لا بعد افكر اودي الاهــل
ضوى
08-07-2009, 11:58 AM
يعني ليش مايحددون ايام للعائلات فقط

يعني احنا وين نروح والله زهقنا ، حابسين روحنا ولا نقدر نروح ولا نجي كله شباب شباب
hady_qatar
08-07-2009, 04:35 PM
والله المكان حلو انا وديت الاهل بس شنو تقاسمت الشاليه مع عديلي يعني اهو 3ايام وانا 3ايام واستانسو اليهال وتسبحو وكنا حاجزين ذباح وجابوه لنا هناك وكانت خوش طلعه تغير جو والشباب اللي هناك طول النهار ارقاد مايقومون الا فليل لين الفجر يعني عكسنا
والرقم اتلاقونه في 180 دقيقه وحده
NoooN
08-07-2009, 06:44 PM
أي والله حسبي الله ونعم الوكيل
حتى مواقف حق السيارات كانت مشكله كبيره هناك
كنا نبي نطلع من الشاليه وهم موقفين سيايرهم قدام باب الشاليه حتى مافي مكان تطلع منه
اففف

بس كانت ايام حلوه دايما هالشباب يخربوون علينا
NoooN
08-07-2009, 06:45 PM
أمر الله
بيبي حبيبي
09-07-2009, 04:31 PM
سمعت ان نظامها نظام فلل .. يعني تروح الفله بدون ماتمر على الفندق

واحسن شي تتصل تتاكد من كل شي
شيخة الجزيرة
09-07-2009, 04:38 PM
الأسبوع لشاليه من غرفتين 6000 وشي والدفع مقدما والمبلغ غير قابل للرد لو قررتوا تطلعون قبل لاينتهي الأسبوع.
الشاليه من 3 غرف 10000 وشي.
الشاليه من 4 غرف 14 الف وشي.

والفطور امريكي مجاني.

والمكان محجوز بالكامل إلى 19 يوليو.

وتفضلوا الرقم للي حاب يستفسر زياة 4481234
ibrahem
31-07-2009, 06:25 PM
مافي اي صور؟؟؟
@الشبح@
31-07-2009, 07:36 PM
السلام عليكم

بغيت منكم خدمه لو سمحتو

اللي عنده معلومات عن شاليهات جراند حياة اللي عند فندق الريتز ياليت لويقولنا

لأني ناوي اروح رحله عائلية وبغيت معلومات عن المكان والفلل واذا في شاطىء او لأ وعن الاسعار

ومشكورين مقدما

يعني نستفيد من اراء المشاركين .. بالمختصر المفيد:

شاليهات جراند حياة ..
1. في شاليهات اب غرفتين نوم .. بسعر مناسب .. 7 الاف .. لمدة اسبوع .. وفطور مجاني ل 5 اشحاص
2. في شاليهات اب 3 غرف نوم .. بسعر 9 الاف ريال .. لمدة اسبوع .. وفطور مجاني ل 7 اشخاص..
3. في برك سباحه كثيره ... بس مافي خاصه للنساء فقط ..
4. في تادي صحي .. واحد للنساء وواحد للرجال .. مشتركين في بركة سباحة داخليه ..
5. غير مناسبه للعائلات المحافظه .. وللبنات المحجبات ..
6. البحر يعيد نسبيا .. بالعربي مافي شاطىء خاص ..
7. الموقع جيد .. في وسط الدوحة .. بالقرب مكن "الرتز"
8. مافي خصوصيه .. ولا مكان للسهره في خارج الشاليه .. للعائلات المحافظه ..

شاليهات سيلين ....

1. الاسعار نار
2. بس للعوائل .. ممتازه ..
3. الموقع بعيد نسبيا ...
4. مافي فطور مجاني ..
5. في مكان ممتاز وشاطيء خاص وجميل .. للباربيكيو والشوي والسهر مع العائله حتى الصباح
6. للي يبي يحجز حق 3 ايام .. السعر مناسب ...

وشكرا ..:nice:
:telephone:
HEART_LION
10-08-2009, 11:02 AM
انا ابي اعرف الشباب شلون يستاجرون

انا مارضوا يأجروني بس عوائل
فلفل حار
10-08-2009, 02:45 PM
ماقصروا معاكـ الاخوانـ ... ^ 0 ^
راعي الغزيل
25-08-2009, 09:03 AM
ماينفع حق العائلات كللللش

ونظامهم قريب من شرق
ام لولوه
31-08-2009, 04:42 AM
انا خاطري اروح بس قالوا لنا ماتنفع كلش حق العوايل