استفسار حول حقوق الموظف بعد الاستقاله ..!!

[M!ssy]

السلام عليكم ورحمة الله وبركاته




أخواني واخواتي

بغيت اعرف شنو مستحقات الموظف القطري الي قدم استقالته

بعد فترة عمل سنه و شهر

اقصد مثل الاجازات وماجازات او اي شي ثاني

ياليت تفيدوني

وطبعا المستحقات بعد القانون الجديد

لان يقولون مافي مستحقات للموظف بعد نزول قانون الموارد البشريه الجديد

وانا حاب اعرف

[وتبقى الدنيا حلوه]

للاسف ما اعرف نظام الموارد البشرية الجديد لأنه احنا لنا نظام مستقل

بس الموظف يستحق الاجازه بعد فترة التثبيت

[qatari1]

للاسف ما اعرف نظام الموارد البشرية الجديد لأنه احنا لنا نظام مستقل

بس الموظف يستحق الاجازه بعد فترة التثبيت

الأخت تتكلم عن استقالة وليس إجازة!

أرجو التركيز!

[Level]

القانون المتعارف عليه في كل مكان انه يبيعون الاجازة اللي المفروض تكون راتب شهر تقريباً ويعطونج عن كل سنه داومتيها راتب شهر بعد اللي يسمونه نهاية خدمة الموظف .. واتمنى اللي عنده خبره اكثر يفيدج

[moonبنتnight]

M!ssy

حقوقج 00 موظف بعد مرور سنة تحسب له مكافأة نهاية الخدمة ( بس الله يسامح هيئة التعقيد وليست التقاعد قامت بحكر المكافأة نهاية الخدمة مع المعاش التقاعد ( مخير ياياخذ معاش التقاعد ولا مكافأة نهاية الخدمة ( هذا أكبر مخالف القوانين والعرف على مستوى الدول العالم 00 أبداع وفن في أكل حقوق القطري 00 ) جميع الدول تصرف مكافأة نهاية الخدمة ولين يوصل سن المعاش ياخذ معاش مادام عنده أشتراكات ( هيئة النهبه ) )
ماعلينا مهم 00
1- تتصفى إجازات سنوية ( سنة وشهر ) ( باقي الاجازة العندج ) في ( معاملة الذاتية ) ( أكيدي من راتب شهر أساسي منحه ) 0
2- أذا أدارتج تخاف الله تعطيج سنة وشهر مكافأة نهاية الخدمة حسب قانون الموارد بشرية القديم ولا الجديد نفس شي 00 مادة رقم (169) من الجديد :-
راتب أساسي × 1 ( راتب شهر حق 5 سنوات الاولى ) × سنة وشهر = مكافأة نهاية الخدمة

هذا حقوقج شفتي ولا شي في كرف الحكومة 00

وخصم ديون لي عليج للدولة ( سلفة بانواعه و صرف بزيادة شي في راتب ) وباقي لج تاخذينه 00

[فتى الجود]

أهم شي غير الحقوق

كتابيين مهمين

الأول : كتاب الموافقة على الأستقالة

الثانية : أخــــلاء طرف وذلك للعمل عند أى جهة أخرى .

وياليت تتحفظ منهم بصور كثيرة لأنك أذا حبيت تتوظف مروة ثانية

بدون هالأوراق راح تلقى تعقيد كبير

[القلم الصريح]

حقوقج بعد (الاستقاله) ان مده الخدمه اللي عملتي فيها سنه ونص محسوبه و مدفوعه الاشتراك في الهيئه العامه للتقاعد والمعاشات ، ولمه تنتقلين الى الوظيفه الجديده تظاف للخدمه القديمه كامله فتكون سنوات خدمتج متصله ومحسوبه في كل الجهات اللي عملتي فيها ، ودام انج ماوصلتي بدايه سن التقاعد
( 15 سنه خدمه + 40 سنه عمر) تقدرين في حاله (الاسقاله) ان تسترجعين قيمه الاشتراكات اللي نخصمت منج في طوال السنوات اللي عملتي فيها اضافه الي منحج جهة العمل اللي استقلتي منها مكافئه نهايه الخدمه ، بختصار مكافئه نهاية الخدمه مربوطه مع استرجاع الاشتراكات المخصومه من الموظف والمحوله لدى الهيئه العامه للتقاعد

[moonبنتnight]

حقوقج بعد (الاستقاله) ان مده الخدمه اللي عملتي فيها سنه ونص محسوبه و مدفوعه الاشتراك في الهيئه العامه للتقاعد والمعاشات ، ولمه تنتقلين الى الوظيفه الجديده تظاف للخدمه القديمه كامله فتكون سنوات خدمتج متصله ومحسوبه في كل الجهات اللي عملتي فيها ، ودام انج ماوصلتي بدايه سن التقاعد
( 15 سنه خدمه + 40 سنه عمر) تقدرين في حاله (الاسقاله) ان تسترجعين قيمه الاشتراكات اللي نخصمت منج في طوال السنوات اللي عملتي فيها اضافه الي منحج جهة العمل اللي استقلتي منها مكافئه نهايه الخدمه ، بختصار مكافئه نهاية الخدمه مربوطه مع استرجاع الاشتراكات المخصومه من الموظف والمحوله لدى الهيئه العامه للتقاعد

هذا مربط الفرس 00 مكافأة من يستحقها جهة العمل والهيئة التقاعد وين راحت 00 الهيئة التقاعد 00 بدعت نص قانون مخالف حقوق الموظف مكافأة في قطاع شركات والمؤسسات والهيئات يأخذونها أول بأول وحكومية يراحت عليهم 00 مساكين هض حقوق 00