ممكن آخذ راي الاخوه ضروري جداً

[ارهابي قطر]

السلام عليكم ورحمة الله وبركاته

بعد البحث الطويل للحصول على منزل العمر

حصلت فيلا في الخيسة مساحته الارض 650 والبنيان تقريباً 400

وبنيان مش تجاري شي حلو من جميع النواحي

بس السؤال الصراحه ألي أبيه اسأل عن السعر هو قالي

بمليون وتسعمائه

ويقول في مجال إذا شافني جاد ما أدري راي الاخوه

أصحاب الخبرة في العقار

أتوكل على الله ولا أنتظر

[شيخ القبيلة]

موفق ان شاء الله

[ارهابي قطر]

صحيح والله ادعيلي بالتوفيق

اشكرك

[الامير]

تبي نصيحتي اشتر ارض وابنها على مزاجك على قولتك بيت العمر......في قطع والناصريه قريب عند المستشفى الغرافه 620م 700الف او800الف وتبني على كيفك في خلال سنه صدقني خالص هذا نصيحتي لك بتوفيق...

[الهاجري_قطر]

السلام عليكم ورحمة الله وبركاته

بعد البحث الطويل للحصول على منزل العمر

حصلت فيلا في الخيسة مساحته الارض 650 والبنيان تقريباً 400

وبنيان مش تجاري شي حلو من جميع النواحي

بس السؤال الصراحه ألي أبيه اسأل عن السعر هو قالي

بمليون وتسعمائه

ويقول في مجال إذا شافني جاد ما أدري راي الاخوه

أصحاب الخبرة في العقار

أتوكل على الله ولا أنتظر

ابوي ارهابي اذا عاجبك البيت توكل على الله ولو سعر البيت 3 مليون وانت بتسكنه ماعندك مشكله مب خساره وبالعكس انا اشوف ان سعره مناسب وفوق المناسب وعلى فكره ترى كله كلام ان العقار نزل وتسمع اسعار خياليه بس اذا جيت تشتري يقولك انباعت امس واذذا جيت تبيع نزل من السعر مليوون انا اشووف السعر فوووق الممتاز بصراحه اذا عاجبتك توكل على الله ومب خساره في عقار ولك انت بتسكنه والله يوفقك...وهذا مجرد رأي لااكثر ولااقل
تحياتي

[خليفـة]

انا اتفق مع اخوي الامير الي شار عليك تشتري ارض وتبنيها على مزاجك الخاص .

لو افترضنا شريت ارض بـ 700 الف ريال ( بتكون في مكان حلوا ومساحه طيبه طبعا بناء على هالسعر )
ولو افترضنا انك بتبني وتشطب بـ 900 الف واتوقع ان هذا السعر العادل للبنيان هذي الايام .

بيكون الناتج :
700 الف + 900 الف = مليون و 600 الف ريال .
وهنيه بتستفيد اكثر من شغله اخوي والاهم فيهم :
1 - بيتني بيتك بالتصميم الي انت تبيه ويرضي ذوقك
2 - بتوفر مبلغ 300 الف ريال وبهالقيمة بتقدر تفرش وتشتري احلى أثاث وتزيد لك خردة بعد .
3 - بتختار المنطقة الي انت تبيها سواء شمال او جنوب .. شرق او غرب الدولة .
4 - بيكون بالك ومزاجك مرتاح لانك اشرفت بنفسك على البنيان والتشطيب أول بأول .

ولا عليك من الي يقول لك بنياني مب تجاري .. لو فيه خير ما هده الطير وانا اخوك .

هذا رايي وربي يوفقك ان شاء الله

[راعي القالات]

من 1.700.000 إلى 1.800.000 ولا تزيد

[qatarman8008]

السلام عليكم
اخوي انا مثلك ادور بيت العمر والصراحة تعبت لان كل البيوت اللي حصلتهم بناء تجاااااااااااااااري يعني ما يسوى ذاك السعر, المهم فقررت اشتري ارض وابنيها احسن واللي اشوفه قدامي ان الاراضي في نزول. انا صبرت سنة باصبر بعد سنة ثانية واحط يدي على شي ما عليه كلام

[خليفـة]

السلام عليكم
اخوي انا مثلك ادور بيت العمر والصراحة تعبت لان كل البيوت اللي حصلتهم بناء تجاااااااااااااااري يعني ما يسوى ذاك السعر, المهم فقررت اشتري ارض وابنيها احسن واللي اشوفه قدامي ان الاراضي في نزول. انا صبرت سنة باصبر بعد سنة ثانية واحط يدي على شي ما عليه كلام

قرار ذكي يالغالي
موفق باذن الله

[ارهابي قطر]

اشكركم الصراحه على مروركم

والصراحه أنا لسه في أيجار والعقد لسه باقي له لين شهر 1/5/2010

يعني باخذ براي اخويqatarman8008 وبانتظر وباشوف

مشكلتنا احنا أصحاب الدخل المحدود في طبع الخوف تدري الواحد يجمع افلوس حلال ويتعب ويشقى

والمشكلة الثانية انه نسمع كلام يخوف

لكن القلب خلا ص قسى ولانتظر سنه

واشكركم على المرور والآراء الجميله الاخوية

موضوع انشاء هذا

[alnajjar]

ما خاب من استخار وما ندم من استشار

شوف مقاول يثمن سعر الفيلا (طبعا بناء فقط)
دور على ارض بنفس المساحة تقريبا

اذا الفرق كبير لا تستعجل

بالتوفيق يارب

[medosss]

اخوي باختصار شديد اذا البيت مساحه 650 وبنيان اوكي السعر ممتاز جدا جدا جدا

[ارهابي قطر]

اشكركم على مروروكم

وانشاء الله خير

[ام الجماجم]

الله يــــوفــــــقـــــك ويعطيك على قد نيتك وانشالله انك بترتاح لو استخرت صلي وشوف بعدها

[ارهابي قطر]

اشكرك اخوي الفاضل وانشاء الله خير

[استغفرالله]

السعر حلو توكل على الله واستعيل بالشرا

[ارهابي قطر]

استغفر الله



بس صحيح استغفر الله

اشكرك على مرورك

[الشريف]

اخوي ارهابي انا عندي لك فكره
بس روح لراعي البيت وراوه اسمك على قطر شيرس على طول بينزلك 500 الف وادعيلي
الله يوفق الجميع اخوي بس حبيت اداعب الحاضرين (((الله يهداك , على هالنك))