1 فبراير بدء التداول الالكتروني في دلاله

[كش ملك!!]

اليوم كنت اتابع قناة Cnbc العربيه وسمعت ان التداول الالكتروني راح يبدأ في الأول من فبراير عن طريق دلاله






استفسار بسيط

الحين انا اسهمي عند وسيط ( احد البنوك )

أبي احول لدلاله الأسلاميه

وش المطلوب ووين اروح :eek2:

[أحزان قطر]

رقم مساهم وبطاقتك الاصلية (( أي أثبات )) وتروح لهم الشركة فقط الدور الثالث في سوق الاوارق المالية

[كش ملك!!]

رقم مساهم وبطاقتك الاصلية (( أي أثبات )) وتروح لهم الشركة فقط الدور الثالث في سوق الاوارق المالية

تسلمين


لكن شلون بياخذون اسهمي وهي موجوده عند وسيط معين :confused:

[سهم عتيج]

تسلمين


لكن شلون بياخذون اسهمي وهي موجوده عند وسيط معين :confused:


بسيطة..
تروح حق وسيطك وتقول له ارفع أسهمي للتسجيل المركزي,, وبعدين تروح حق وسيطك الجديد وتقول له اسحب لي الأسهم من التسجيل المركزي,, وبعدها تقدر تبيعها عن طريق وسيطك الجديد..

والله أعلم..

[أحزان قطر]

تسلمين


لكن شلون بياخذون اسهمي وهي موجوده عند وسيط معين :confused:


أخوي عادي أهم شي تاخذ معاك كشف بأسهمك الموجوده في السوق (( من سوق الاوراق المالية )) يعني مو مهم اذا كانت عند أي وسيط عادي أنا عندي حساب معا المجموعة الان ودلالة بعد مابشارت عملها طبعاُ لم يطلبوا مني أغلاق حسابي معا الوسيط الاخر فقط كشف بالاسهم ورقم المساهم وبطاقتك الشخصية وراح يفتحون لك حساب معاهم وأجرائتهم جداُ ميسره ومرنه :nice:

[عبدالرحمن]

سؤال: دلالة اعلنت ان الخدمة في اول فبراير ؟؟؟ والا كلام جرايد

[أحزان قطر]

سؤال: دلالة اعلنت ان الخدمة في اول فبراير ؟؟؟ والا كلام جرايد






نعم أخوي تم الاعلان عن ذلك سيكون التداول بداية شهر فبراير وكانت أأمس لديهم دعوة عامه وأنا حضرتها وكان الحضور النســــــــــائي جداُ مميز وأعطونا بعض الشروح المفيده عن طريقة التداول عن طريق النت وأتنمى من دلالة بأن تكثف من هذه الدورات حتى يستطيع أكثر المستثمرين أستيعاب فكرة التداول لانها ستكون جديده على مستثمرينا في قطر :nice:

[كش ملك!!]

بسيطة..
تروح حق وسيطك وتقول له ارفع أسهمي للتسجيل المركزي,, وبعدين تروح حق وسيطك الجديد وتقول له اسحب لي الأسهم من التسجيل المركزي,, وبعدها تقدر تبيعها عن طريق وسيطك الجديد..

والله أعلم..

تسلم على التوضيح :app:

[كش ملك!!]

سؤال: دلالة اعلنت ان الخدمة في اول فبراير ؟؟؟ والا كلام جرايد


كلام دشوش :d

[mosahm]

هل يمكن ان يكون لي وسيطان مثل المجموعة ودلالة؟؟

[jajassim]

هل يمكن ان يكون لي وسيطان مثل المجموعة ودلالة؟؟



طبــعا

[سهم عتيج]

هل يمكن ان يكون لي وسيطان مثل المجموعة ودلالة؟؟


نعم,, ممكن تتعامل مع أكثر من وسيط.. بس الأسهم اللي تشتريها من وسيط ما تقدر تبيعها الا عن طريق نفس الوسيط ما لم ترفعها للتسجيل المركزي..

مثال..

اشتريت 1000 سهم في الناقلات من وسيطك في المجموعة مثلا,, وقمت بشراء 1000 سهم آخر في الناقلات عن طريق دلالة,, في هذه الحالة سيكون مجموع أسهمك في الناقلات 2000 سهم,,,

ولكن ما تقدر تبيع ال 2000 عن طريق أي منهما دفعة واحدة الا بعد ان تقوم برفع الأسهم لدى أي منهما للتسجيل المركزي وبعدها تقوم بسحبها للوسيط الآخر حتى تتمكن من بيعها عن طريقه..
او انك تقدر تبيع ال1000 عن طريق كل وسيط من الوسطاء الذين قاموا بشراءها لك..

والله أعلم..

[jajassim]

الله يعطيك العافية يا سهم عتيج على هذه المعلومات القيمة وشرح وافي :con2:

[سهم عتيج]

الله يعطيك العافية يا سهم عتيج على هذه المعلومات القيمة وشرح وافي :con2:


الله يعافيك,, وهذا واجبنا ان شاء الله تجاه الجميع..

[business]

طيب باقي شركات الوساطة ماراح يطورون انفسهم باستخدام الانترنت؟؟؟ والله انا مرتاح مع المجموعة بالتلفون بس الانترنت افضل لما الواحد يسافر

[mosahm]

مشكور اخوي سهم عتيج

[المخلب]

تسلم على الخبر يا كشكش والله وبنداول بالنت

[jajassim]

تسلم على الخبر يا كشكش :shy: :shy: ( دلع المخلب ) , وأخيرا بنتدوال بالنت :app: :app:

[المخلب]

تسلم على الخبر يا كشكش :shy: :shy: ( دلع المخلب ) , وأخيرا بنتدوال بالنت :app: :app:

هاااااااا قمت تقتبس :D زين انك ذكرت المصدر غيرك يقتبس وينسى :looking: :(

[jajassim]

هاااااااا قمت تقتبس :D زين انك ذكرت المصدر غيرك يقتبس وينسى :looking: :(


ومنكم نستفيد :shy: :shy:

[Al-Kuwari]

زين بدلاله انا ابيع واشتري بنفسي بالنت
ولا الفرق اني اقولهم بيعوا واشتروا بس بدال التلفون استخدم النت ؟

[راعي المواجيب]

لا تتفائلوا كثير .. دلالة إذا اشتريت عن طريقها اليوم .. ماتقدر تبيع إلا بعد ثلاثة أيام

لازال عندها عدم ترتيب وعدم تنسيق بين الموظفين .. ووعدوا بإصلاح تلك الأمور

أما النت أشك انها تعامل مباشر مع السوق .. أعتقد حركة للاستغناء عن الهاتف .. يعني تدخل الأمر و يشوفه الموظف هناك ويدخلك إياه والله أعلم ..

( عن تجربة شخصية )

[Qatari 1980]

لا تتفائلوا كثير .. دلالة إذا اشتريت عن طريقها اليوم .. ماتقدر تبيع إلا بعد ثلاثة أيام

لازال عندها عدم ترتيب وعدم تنسيق بين الموظفين .. ووعدوا بإصلاح تلك الأمور

أما النت أشك انها تعامل مباشر مع السوق .. أعتقد حركة للاستغناء عن الهاتف .. يعني تدخل الأمر و يشوفه الموظف هناك ويدخلك إياه والله أعلم ..

( عن تجربة شخصية )

أخوي التداول عن طريق الانترنت ليس مربوط بشكل مباشر مع السوق

يعني لو حطيت أي طلب شراء أو بيع راح يمر على الوسيط وتتم الموافقه عليه وبعدها يرسل للسوق
ولا تقدر تلغي الطلب قبل تنفيذه

يعني لو حطيت طلب شراء وقبل العمليه تبي تلغي الطلب ما تقدر الا عن طريق الاتصال بهم ...

[مافيا الاسهم]

أخوي التداول عن طريق الانترنت ليس مربوط بشكل مباشر مع السوق

يعني لو حطيت أي طلب شراء أو بيع راح يمر على الوسيط وتتم الموافقه عليه وبعدها يرسل للسوق
ولا تقدر تلغي الطلب قبل تنفيذه

يعني لو حطيت طلب شراء وقبل العمليه تبي تلغي الطلب ما تقدر الا عن طريق الاتصال بهم ...



اعتقد راعي المواجيب يقصد ان التعامل عن طريف النت مثل التلفون لاينفع للمضاربة ولدي تجارب سيئة مع دلالالالالة

[راعي المواجيب]

أخوي التداول عن طريق الانترنت ليس مربوط بشكل مباشر مع السوق

يعني لو حطيت أي طلب شراء أو بيع راح يمر على الوسيط وتتم الموافقه عليه وبعدها يرسل للسوق
ولا تقدر تلغي الطلب قبل تنفيذه

يعني لو حطيت طلب شراء وقبل العمليه تبي تلغي الطلب ما تقدر الا عن طريق الاتصال بهم ...


حياك الله أدري انها عن طريق الوسيط .. قلت يمكن حاطين شروط آلية في الكمبيوتر تغني عن التدخل البشري إلا في حالات محدودة وتراعي الأسبقية الكترونيا .. لكن هي الظاهر مثل نظام الإيميل .. بس بشكل شاشات متطورة .. شفت كيف الماسنجر تكتب أو تسولف :nice: مافرقت للطرفين

والله يسهل الأمور

[كش ملك!!]

شكرا لمروركم جميعا :)

[falconer69qa]

السلام عليكم
امر اخر لازم ينتبه لة العميل انة شركة دلالة تطلب منك فتح حساب لدى بنك قطر الوطنى للامور المالية يعنى يحكمك للتعامل مع بنك واحد فقط اعتقد انة هاى سوف اتسبب المشاكل مع العملاء عند بدء التعامل انا من تجربة شخصية اتكلم لانى رحت افتح حساب عندهم ومن احد الشروط كان فتح حساب لدى بنك قطر الوطنى او اعطائهم شيكات على بياض منى تخيلو الطلب شيك على بياض طلب غريب اشوفة وحاولت معاهم بنقاش طويل جدا على الموضوع هاى بس مصرين اذا ما تفتح حساب فى بنك قطر ما تقدر تتداول عن طريقهم

وجب التوضيح وعلى الله المستعان

[هناء]

:nice: السلام عليكم

بخصوص اسهمك الموجودة في شركة غير دلالة للوساطة يجب طلب رفعها اولا الى السوق ومن ثم عمل التالي :
1-
فتح حساب في دلالة الاسلامية
2- ثم الاتصال في مركز الاتصال في دلالة الاسلامية على هاتف 4258888 وسوف يقدمون جميع المساعدات اللازمة
3- متوفر لديهم كادر وظيفي يبلغ عددهم تقريبا 120 موظف في خدمة الاتصال لمساعدة العملاء

[هناء]

الرد بخصوص دلالة الاسلامية

--------------------------------------------------------------------------------

السلام عليكم

بخصوص اسهمك الموجودة في شركة غير دلالة للوساطة يجب طلب رفعها اولا الى السوق ومن ثم عمل التالي :
1-
فتح حساب في دلالة الاسلامية
2- ثم الاتصال في مركز الاتصال في دلالة الاسلامية على هاتف 4258888 وسوف يقدمون جميع المساعدات اللازمة
3- متوفر لديهم كادر وظيفي يبلغ عددهم تقريبا 120 موظف في خدمة الاتصال لمساعدة العملاء

[qatar25]

للاسف انه الانترنت سيكون فقط بديل للتلفون ,, يعني الموظف هناك يستلم الطلب ويرجع يدخله ,, الله يستر هذي فيها خوف شوي ,,
مكاتب الوساطه انت واقف على راسهم ويالله يالله يمشون موضوعك ,,
بالنت شلون بيكون؟؟؟



الشغله الثانيه لما يفتحون لك حساب في المصرف او غيره ,, يكون خاص بهم شسالفه هالحساب؟
الفلوس الي فيه ماتقدر تستعملها الا عن طريقهم؟
ولازم تحط فيه فلوس اذا تبي تشتري عن طريقهم؟
الي فاهم يفهمني

[Saad-2006]

التداول عن طريق النت بيكون حسب الدور .. والطلب راح يدش السيستم على طول ويشتري او يبيع لك ... واعتقد خدمه مثل هاذي بيكون متعوب عليها ومدفوع فيها فلوس ... والسعوديه صار لها فتره تستخدم هالتقنيه وماظن في فرق بين قطر والسعوديه .

والحساب اللي راح تفتحه لما توقع اتفاقيه المتاجرة بالاسهم (حساب الاستثمار) ما راح يكون في امكانيه انك تسحب منه فلوس الا عن طريقهم يعني تطلب منهم تحويل لحسابك العادي او تطلب المبلغ على شكل شيك بأختصار ماتقدر تاخذ فلوسك كاش .

وسلامتكم :d

[al7or]

اعتقد راعي المواجيب يقصد ان التعامل عن طريف النت مثل التلفون لاينفع للمضاربة ولدي تجارب سيئة مع دلالالالالة

مافيا الاسهم
من قال ما ينفع للمضاربه بالعكس
دامك ما تعرف لا تتفلسف بكيفك :)





السلام عليكم
امر اخر لازم ينتبه لة العميل انة شركة دلالة تطلب منك فتح حساب لدى بنك قطر الوطنى للامور المالية يعنى يحكمك للتعامل مع بنك واحد فقط اعتقد انة هاى سوف اتسبب المشاكل مع العملاء عند بدء التعامل انا من تجربة شخصية اتكلم لانى رحت افتح حساب عندهم ومن احد الشروط كان فتح حساب لدى بنك قطر الوطنى او اعطائهم شيكات على بياض منى تخيلو الطلب شيك على بياض طلب غريب اشوفة وحاولت معاهم بنقاش طويل جدا على الموضوع هاى بس مصرين اذا ما تفتح حساب فى بنك قطر ما تقدر تتداول عن طريقهم

وجب التوضيح وعلى الله المستعان


من قال لازم يكون عندك حساب في بنك قطر
عندنا حسابين تودع فيهم فلوسك
اذا كان عندك حساب في البنك قطر بيفتحون لك استثماري
واذا ما عندك راح يعطونك رقم حساب باسمك تودع فيه

وما عندنا شيكات على بياض
اشدعوه وين داخلين :con2:

[راعي المواجيب]

مافيا الاسهم
من قال ما ينفع للمضاربه بالعكس
دامك ما تعرف لا تتفلسف بكيفك :)


:con2:

شكلك ما تتعامل مع دلالة الإسلامية ... لاتستطيع البيع إلا بعد ثلاث أيام من شراء أي سهم

ومااعتقد الموضوع فيه فلسفة مثل ماتفضل فيه مافيا الأسهم .. إلا إذا غيروا النظام من يومين

في سوقنا تلقى السهم يلمت فوق وتحت في نفس اليوم .. مابالك بثلاثة أيام تتفرج على سهمك وهو يندبغ تحت ومو عارف تبيعه .. وتبي تضارب معاهم :D

[Saad-2006]

اخواني :
هذا رقم دلالة الاسلاميه 4285555 وتأكدو بنفسكم اذا في امكانيه للمضاربه او لا ... اتحداكم لو قالو مافي :court:

[falconer69qa]

[B]يا طويل العمر اخ al7or
نا اقولك انة هاى الكلام انقال لى شخصيا من على الكاونتر الخاص بدلالة من قبل الموظف فى سوق الاوراق المالية والاقتراح انقال على اساس انة انا ما ابى اى تعامل مع بنك قطر الوطنى لا اودع ولا اسحب فقال لى خلاص انة مالك شغل فى حساب بنك قطر الوطنى بس اكتب لنا شيكات على بياض من البنك الخاص بى
واخلى هاى الشيكات عندهم فى دلالة وكل ما حبيت اشترى هم يعبون الشيك ويدخلونة الحساب لدى بنك قطر ومن ينصرف يشترون لى
اخى الكريم ترانى مش متحامل على دلالة بس مستغرب اصرارهم يكونو مع بنك وطنى واحد فقط
ونفس الشيئ دلالة الاسلامية بنك وطنى واحد
هاى حاصل واى شخص يمكنة يجرب بنفسة وعلى كل اتمنى انى اكو غلطان والايام بتثبت هاى الكلام عملى
اسف لو طولت عليك
تحياتى ويوم سعيد

[al7or]

أخ falcon
صحح معلومتك معاك الاخت al7or
وانا اشتغل بدلالة وعندي كل المعلومات يعني عن تدريبي وشغلي اقولك

احتمال كبير انت فهمت غلط
عندنا حسابين تودع فيهم حساب استثماري للعملاء في بنك قطر
وعندنا حساب تداول او متاجرة بالاسهم لغير العملاء

واحنا بفرعنا بالسوق نفتح لك الحسابين

الفرق بينهم الاستثمار تقدر تسحب وتودع عادي
اما حساب التداول تودع فقط واذا تبي تسحب نحول لك على حسابك في بنك ثاني
او نصدر لك شيكات

يعني ما عندنا شيكات على بياض ;)

[Saad-2006]

كلامك صحيح بخصوص البنوك ...للتعامل مع دلالة للوساطه ضروري تفتح حساب متاجرة في بنك قطر الوطني
وللتعامل مع دلالة الاسلاميه تفتح في مصرف قطر الاسلامي ..
هاذي سياستهم من البدايه ..

واعتقد ما فيها مشكله لو تفتح حساب استثماري في احد هالبنكين وهو حل افضل من الشيك على بياض اللي طلبوه منك .
وتحياتي :o

[راعي المواجيب]

اخواني :
هذا رقم دلالة الاسلاميه 4285555 وتأكدو بنفسكم اذا في امكانيه للمضاربه او لا ... اتحداكم لو قالو مافي :court:


اتصلت فعلا عدلوا الخدمة والحمدلله

ولا أنا عندي تجارب مع دلالة .. كانت المضاربة مستحيلة :nice:

[Saad-2006]

راعي المواجيب ..
تسلم على صراحتك ..
ياليت تخبرنا كيف خدمتهم مثلا هل فعلا انتظرت فتره طويله لين ردو عليك؟ ..وشلون كانت خدمتهم واجاباتهم ؟ ... ياليت يكون بصراحه عشان الناس اللي ظالمين دلاله يغيرون وجهة نظرهم فيها .

تحياتي للجميع .

[falconer69qa]

الاخت al7orl انا قلت فى بداية الحديث انى متاكد من الى اقولة لك لانة صار معاى على الكاونتر من الشخص المعنى وهوة ذو منصب كبير فى دلالة لاكن على كل اختصار للجدال فى الموضوع انتى صح وانا غلط انا مجرد حبيت انقل تجربة عملية حاصلة لى مش ادخل فى جدال مع اى اخت او اخ فى المنتدى على مبدا انا صح او هوة غلط ولا حد يعرف الا انا لا هاى سياسة دلالة وهم احرار طبعا وعلى كل الايام القادمة انشاء الله بتكون الحكم للعملاء واتمنى التوفيق للجميع

[al7or]

اخ falcon
م احصل شي بس حبيت ابين لكم طريقتنا

ما نحملكم مسؤولية ولا احنا نتحمل مسؤولية مب قدها

وشفت ان شركتنا ظهرت في وقت بسيط وكل الموظفين

تدربوا على شي واحد ودلالة ما قصرت في تدريبنا
وان شاء الله تطيح في ايدي وانا اخدمك

شتبي اكثر من جذي

[falconer69qa]

السلام عليكم
شكرا اختى على الايضاح
ما عليكى زود وهاى من لطفك واصلك الطيب انشاء الله يوفق الجميع كل فى مركزة

[haya99]

ممكن اعرف شنهي الشركات الي بتتداولها شركه دلاله الاسلاميه

[Saad-2006]

الشركات التي سيتم التداول بها عن طريق دلالة الاسلاميه هي :
البنوك :
مصرف قطر الاسلامي
بنك قطر الدولي الاسلامي
التامين :
الاسلاميه للتأمين
الخدمات :
جميع الشركات عدا السينما و دلالة
الصناعه :
جميع الشركات

[الرشاد]

اللي يحب يعرف انه في فتح حسابات او لا . ما عليه الا ان يسأل و يجرب . ويضارب . :deal:

[shared]

شباب التعامل عن طريق الانترنت يبيله user name و password
و انه سجلة عندهم الخدمة بس المشكله للحين ما عطوني اياهم قالولي بيطرشونهم على E-mail في احد استلمهم ؟؟؟؟؟؟؟؟

[مساهم مقرود]

اخ falcon
م احصل شي بس حبيت ابين لكم طريقتنا

ما نحملكم مسؤولية ولا احنا نتحمل مسؤولية مب قدها

وشفت ان شركتنا ظهرت في وقت بسيط وكل الموظفين

تدربوا على شي واحد ودلالة ما قصرت في تدريبنا
وان شاء الله تطيح في ايدي وانا اخدمك

شتبي اكثر من جذي

اخت الحور ممكن تشرحين وتكلمين عن شروط دلاله في فتح حسابات التداول واهم النقاط اللي تم نشرها في الجرايد وكان عليها خلاف كبير واغلاط كبيره في العقود المبرمه مع العميل. :deal: :deal: :deal: خاصه انه العقود كلها ملزمه للعميل وغير ملزمه لدلاله في اي شي.