شي في قلبي ... [الأرشيف] - منتديات شبكة الأسهم القطرية

الوان

06-07-2009, 11:36 AM

قبل لا تسكر مدرسة بنتي (مدرسة (( البجامه))المستقله) .. على فكرة هي مدرسة ممتازة من الناحية العلمية بس عليهم بعض الحركات ...

المهم قبل لا يسكرون بكم يوم ... قعدت بنتي تسولف معاي...

بنتي: ماما وحدة من صديقاتي احترقت يدها!

انا: شلون احترقت؟

بنتي: حطت يدها في المدخن!

انا: ليش امها ما ترفع المدخن عن اليهال؟

بنتي: لا مب امها ! الأبله حاطه بخور في الصف !

؟؟؟؟؟؟؟؟؟؟؟

وتبقى الدنيا حلوه

06-07-2009, 01:46 PM

شدعوه شهل الاهمال ؟!

بولينجر

06-07-2009, 01:56 PM

لاحول ولاقوة الا بالله العلي العظيم.... طيب والمعلمة حد حاسبها؟! اهل البنت ما اشتكوا عليها؟

زايدي

06-07-2009, 02:04 PM

(مدرسة (( البجامه))المستقله)

خخخخخخخخخخخخخخخخخخخخخ :nice:

دبلوماسية

06-07-2009, 02:13 PM

البنت ان شاء الله ماعليها شر .. اذا من المدخن اكيد حرق سطحي ..

بصراحة انا اول ماقريت الموضوع .. ضحكت على الابلة !
حسيتها تبي اتسوي شي مفيد بس مب عارفة شلون ..

هههههههه .. تبين اتحطين بخور .. حطي ورفعي المدخن ..
ولا بخري الصف قبل لايدخلون البنات هههههههههههه ..
انزين حطي ملطف حق الجو .. لازم بخور؟ حطي عطر ..
حطي عطر ليلة خميس ههههههههههههههههههههههه !

عاد عساه بخور من النوع الزين؟؟:nice:

الألماسي

06-07-2009, 02:19 PM

يا حليلها الأبله . .

هذه « عمرها ماتبخرت تبخرت واحرقت الطلاب » :nice:

عاشق الشهادة

06-07-2009, 02:55 PM

لازم أن تحاسب الأبله والمدرسه

كلي أمل

06-07-2009, 03:21 PM

انا اخبر في جهاز انذار لما يكون في بخوور او دخاان او شيء من هذا القبيل

(((( اذا المبنى جديد )))

بس عمومآ المدرسه غلطانه

مرتبش

06-07-2009, 03:36 PM

شقصة البخور في المدارس
الابلات لازم يتبخرون حتى في المدرسة؟
يسكرون جهاز الانذار عشان البخور.. ويتم الجهاز غير مستعمل رغم اهميته وخصوصا في المدارس الجديدة اللي كانها قفص حمام.. مكان مسكر من كل جهة واذا جهاز الانذار ما اشتغل الله لايقول شنو نقدر نبرر الوضع عقبها.

قطريه ماركه

06-07-2009, 07:06 PM

مدرسة البخور المستقلة ...

حرام عليها عشان تتبخر تحرق البنات ...

مستثمره جديده

07-07-2009, 12:13 AM

ماعندها سالفه هالمدرسه يعني احبكت تبخر الصف يمكن فيه طالبات عندهم ربو وتسبب لهم ازمه

ويستحون يقولون لها انهم مختنقين وخصوصا ان المباني الجديده مافيها تهويه ..

ANONYMOUS

07-07-2009, 12:17 AM

حلوه هالبيجامه المستقله

بوحارب

07-07-2009, 12:25 AM

والبنت الذكية ليش تروح صوب المدخن!!!!

يعني ما سمعت راغب علامة مادري وائل كفوري يوم قال ( لاتلعب بالنار تحرء اصابيعك@@ )

عابر سبيل

07-07-2009, 12:27 AM

بنت سعادة السفير

07-07-2009, 12:31 AM

لاحول ولا قوة إلا بالله

بنت ابوها 19

07-07-2009, 12:35 AM

بال شنو هاي

ذكرتيني بمدرسه
كنت اروحها
كله من ادخلها مبخرينها بشكل غريب وكان حركه من قلب
عقب مره وانا جالسه اشتغل
اله السكرتيره تقولي
تدرين ازمة الربو كبيره عندنا في المدرسه
قتلها اي ادري
السبب واضح
قالت شنو السبب
قتلها من البخور الي انا مافيني ربو
حكرني
شكله جاني الربو من وراه
قالت اييييييييي والله يمكن عشانه
قتلها بالاكيد الربو مايستحملون اي دخنه بالعالم

قالت وي والله ماندري زين قلتي لنا

ع الاقل يفكرون بالطلاب الي فيهم ربو وحساسيه بالصدر

بوحارب

07-07-2009, 12:40 AM

الوان كم عمر الطالبات اللي هذي المرحلة !

المتضرعه لله

07-07-2009, 12:48 AM

اسم المدرسه ( البجامه)؟؟؟؟

صح اسمها كذا ؟

وايش معناه ؟بالعربيه ؟

البخور مب بالمدارس وبس باغلبيه مكاتب النساء العاملات حتى ا لفراشات:)

مستثمره جديده

07-07-2009, 01:08 AM

كلمة الابله....جات في محلها
في مثل هالقصة الماساوية...
ولو نها بتكون اصح لو كتبت مؤنثه...
اي بلهاء!

و لا لو فيها خير..خل حد ايقول حق
معلم او مدرس..يا ابله!.
!.

:omg::eek5::omg::secret:

عـ العبيدلي

07-07-2009, 03:19 AM

حمد لله والِشـــكر ..

المدرسه المستقله صارت مأساه ..
الشكاوي اكثر من الشكر ..

ريماس الغلا

07-07-2009, 03:54 AM

لا حول ولا قوة الا بالله

اسـكـندر

07-07-2009, 04:19 AM

بعض المدرسين والمدرسات يبي له طق

pure

07-07-2009, 04:22 AM

تبخر الصف ! هههههههههههه

زين يمكن عندهم درس عن البخور :con2:

الله يهديها

المفروض تقدر انه فيه بنات فيهم ربوو و اكيد الصف كتمه وضييق

الوان

07-07-2009, 07:51 AM

بس ملاحظه عابره...

كلمة الابله....جات في محلها
في مثل هالقصة الماساوية...
ولو نها بتكون اصح لو كتبت مؤنثه...
اي بلهاء!

عالعموم....احس ان الناس و بالذات
النساء و بالاخص المدرسات....
لا يلقون بالا لما في كلمة " الابله"
من ذم لهن...

و لا لو فيها خير..خل حد ايقول حق
معلم او مدرس..يا ابله!.

تحية او مشاركة عابرة قد يكون بها ما يفيد!.

مرحبا اخوي

صدقت في كلامك

كلمة ابله اصلها تركي و استعملوها اخوانا المصريين و نقلوها لنا

أبله تقال احتراما للأخت الكبرى و أبيه للأخ الاكبر في العائلة

بس الحين معظم اليهال يقولون تيشر بدل ابله!!!!!!!!!

الوان

07-07-2009, 07:52 AM

الوان كم عمر الطالبات اللي هذي المرحلة !

بنتي في الصف الاول و هذي المدرسة القطرية الوحيدة اللي تدرسهم ، القطريات في الدوامات يموتون اذا ما يحطون بخور و ياليته زين الا يلوع الجبد

Store

07-07-2009, 07:53 AM

لا حول ولا قوة الا بالله احنا في البيت مانخليهم يقربون من المدخن

الوان

07-07-2009, 07:54 AM

اسم المدرسه ( البجامه)؟؟؟؟

صح اسمها كذا ؟

وايش معناه ؟بالعربيه ؟

البخور مب بالمدارس وبس باغلبيه مكاتب النساء العاملات حتى ا لفراشات:)

انا سميتها مدرسة البجاما لأن كان عندهم يوم البجاما يلبسون الطالبات فيه بجامات و يروحون المدرسة و بعد احتجاج الاهل على هالموضوع تحول الى يوم الجلابية !

محسن العجي

07-07-2009, 08:11 AM

المدارس المستقله مشروع ناجح خخخخ

رهش قطر

07-07-2009, 11:33 AM

لا وازيدكم من الشعر بيت
في مدرسه اختي الصغيره
ابنيه في الصف الاول تصكر عليها اللوكر من الفرصه الين الخامسه بغت اتموت طلعوها زرقا وتكتموا على الموضوع .....
حسبي الله ونعم الوكيل
لو ماتت هالبنت من بيعوض اهلها .......ارواح اليهال لعبه .........

ذيبه مزاجيه

07-07-2009, 01:51 PM

غريبه على خبري ان مافي مدرسة قطريه تدرس الصف الاول في هالمدرسه !!
يمكن مساعدة المدرسه !!
وبعد شنو قالت بنتج عن المدرسه هههههههههه!!
واكيد الحرق اللي صار للبنت حرق بسيط لدرجة ان اهلها بنفسهم ما كبروا الموضوع ^_*
الله يرحم زمان يوم ان المدرسات كانوا وحوش و الكل يحترمهم .. ولو اي احد انطق يقولون الاهالي المدرسه او ((الابله)) معاها حق ,, والحين الباب صار مفتوح على مصراعيه للذم في المدارس المستقله ورغم ايجابيات المدرسه الواحد يدور وينبش عن سلبياتها ,,
السموحه ولكن هذي مجرد راي لا اكثر ,,
والله يحفظ اليهال من جبروت بعض المدرسين و المدرسات .. ويساعد المدرسات على افتراء بعض اليهال ^_*
:)