قمة المهازل بالمدارس المستقلة [الأرشيف] - منتديات شبكة الأسهم القطرية

مشاهدة النسخة كاملة : قمة المهازل بالمدارس المستقلة

الصيـاد

06-07-2009, 03:09 PM

بسبب قرار صاحب الترخيص
مدرسة مستقلة تمنع راسبي المادة
الواحدة من الدور الثاني وتجبرهم
على إعادة العام الدراسي
اشتكى أولياء أمور إحدى المدارس المستقلة بالخور من
قرار تعسفي بحسب وصفهم يقضي بعدم وجود "دور ثان"
بالنسبة للراسبين في المواد الدراسية، مشيرين الى أنهم
فوجئوا بهذا القرار الذي يتوجب على الطالب أن يقوم بإعادة
سنة كاملة حتى ولو كان الرسوب في مادة واحدة فقط،
لافتين الى أنهم عندما توجهوا بالسؤال عن السبب في ذلك
وجدوا أن هذا القرار يرجع إلى صاحب الترخيص الذي منع
وجود دور ثان بالمدرسة.

لحد هنا وبس والله مهزلة يمنعونهم من دور ثاني بي اي حق واي قانون استندوا عليه

ولا هي بالمزاجية صارت كنها شركات اللي يفنش المدرسين واللي يمنع الدور الثاني

واللي صكر 30-6 وبعضهم للحين فاتحين

من يوم عرفنا التعليم وفية دور ثاني علي اخر الزمن تجي حفنة تمنعة

الله يستر للحين ما خذيت شهادة الولد والمدرسة صكرت من اسبوع ليكون علية دور ثاني

وما في اعادة غير اسحب المدير بالشارع بس اعتقد انة الولد ناجح

ما في احد في هذا البلد ينقذ العملية التعليمة من الدمار

شموخ

06-07-2009, 03:17 PM

الله لايوفق هالمدارس المستقلةاللي ماجاي من وراهاالاالمشاكل وعوارالراس--حسبي الله ونعم الوكيل -

رجل تعليم

06-07-2009, 03:24 PM

حسبي الله ونعم الوكيل ....هكذا شأن التعليم في وطننا العربي في كل مكان

كوكب الشرق

06-07-2009, 03:33 PM

والله حرام ضاع مستقبل الطالب والسبب من

قطريه ماركه

06-07-2009, 07:08 PM

هاي نتيجة المستقلات و أصحاب التراخيص ..

و يااااااماااااااا بنشوف و بنسمع بلاوي ..

الله المستعااااان ..

bu 3li

06-07-2009, 07:31 PM

يعني الحين اذا الله رزقني بـ ولد ادخله مدرسه مستقله ( عشان مايفلح خير شر )
ولا ادخله مدرسه اجنبيه ( عشان ينسونه شي اسمه عادات وتقاليد ويصير لي من محبي الغرب ) !!

super jet

06-07-2009, 09:30 PM

سؤال

ولدك نجح ولا لاء ؟؟؟ واذا انت ماتدري من اللي يدري الله يهداك ؟؟؟ المفروض اول شي تسويه على الاقل تسأل بالتلفون ولا اتطرش الولد يستلم شهادته ,,, واعتقد الدور الثاني بعد خلص يعني مالك حق اتسحب المدير بداية السنه الجايه ,,, لأن خسرت وقت الدور الثاني بإرادتك

الله يوفق ولدك في دراسته
ويطلع دختور كبير أد الدنيا :nice: ويحطونه مدير سبيتار

الامانه

07-07-2009, 01:13 AM

قلنالكم رجعوا وزارة التربيه

وتبقى الدنيا حلوه

07-07-2009, 08:14 AM

الطلبة في ذمة من قرر انشاء هالمدارس

عبدالله الحميدي

07-07-2009, 09:14 AM

بس .. ابغي حد يقول لي شنو الحكمة من هالشي .. هل في صالح اولادنا وبناتنا؟؟

مادري احس انه في شي غلط..

عينـ السيــح

07-07-2009, 09:32 AM

الله يذكر وزارة التربيه والتعليم بالخير
الي خرجت رجال المجتمع كلهم من الامير لين المسئولين وكبار الشخصيات القياديه في الدوله ولين اصغر واحد ماسك منصب في قطر
مادري ايش يبون يوصلون بسالفة المدارس المستقله
ليكون حاطين في بالهم انهم بيخرجون ناس مثل نيوتن ولا ابن سينا ..!!!
الله يستر من الي جاينا بعد ..ويقولون نبي نشوف جيل واعي وفاهم ..الا بيتعقدون زياده وبينسون شي اسمه اللغه العربيه الي حاطينها تكملة عدد ..

ضوى

07-07-2009, 09:38 AM

عيل اسمعوا النكتة القوية

ولدي الله يحفظه ضعيف بالمواد الادبية ودرجاته تحت الخمسين يعني 45 او 44 او 49 من مية طبعا

طبعا انصدمت قلت راسب وبيعيد السنة قالوا لي لا مب راسب وينتقل للصف التالي ، قلت لهم اشلون درجاته نازلة قالوا لي ماله علاقة بس لو بعد جاب درجات نازلة في الصف اللي عقبه واللي عقبه مارح تقبله اي جامعة وسلم لي على اي جامعة ، قلت الحمد لله يوم انه الجامعة ماتقبله لانه تعليمه اساسا غلط وراح يكمل وهو بهالمستوى

ashhal_q

07-07-2009, 09:54 AM

الله يرحمنا برحمته....

s o s o

07-07-2009, 10:05 AM

نحن في بلد الاعتراف بالخطأفيه رذيلة ...ودائما نبدأ من النقطة التي فشل فيها الاخرون
بغية الوجاهه الاعلاميه والبهرجة الدعائية المزيفه ولكي يشير العالم الى قطر بالبنان
ولكن لايعلم القائمون انه بعد مده سيشيرون الى قطر بالبنا بقولهم هذه الدوله التي (تخرج اجيال جاهله وفاشله ..فلنسيطر عليها بكل بساطه )

قطرية مثقفة

07-07-2009, 02:35 PM

قطرطر

07-07-2009, 02:41 PM

أحمد ربك اانك عديت على خير

الله يعين عيالنـــــا ،، طايحين في بير والله ينجيهم

الدوحه%

07-07-2009, 02:59 PM

الله يرحم ايام المدارس الحكوميه والدور الثاني ولجنه الرحمه omen
ضوى بخصوص ان الطالب مايرسب هذا في ابتدائي فقط الترفيع يكون تلقائي من غير دور ثاني,,المصيبه لاراح الاعدادي والثانوي يبين الصج