!!! بنـــآت من جربت الحجـــــــآمة ؟؟ !!! تحكي تجربتهآ

[رهج السنابك]

السلام عليكم

طبعاً لا يخفى على الجميع فضل الحجامة وقد فعلها الرسول صلى الله عليه وسلم وحث عليها

وقال الحجامة شفاء من كل داء الحجامة و قال صلى الله عليه وسلم : ( نعم العبد الحجام يذهب الدم ويجفف الصلب ويجلو عن البصر ) رواه الترمذي


فأنا تحمست كثير اني اسويها وحااابه اسويها عن قناعه تامة بأنها شفاء من كل داء

وافضل الايام هو يوم 17 و 19 و 21 من الشهر الهجري لاكتمال القمر


لكني محتارة شوي ما اعرف وحده تسويها ووشلون طريقتها بالضبط لاني بحسب بحثي في الانترنت لقيت ناس تقول ان فيه حجامين مايتقيدون بالطريقة الصحيحة وهي الاحتجام في الاخدعين ( جنبي الرقبة ) وفي الكاهل اي ( بين الكتفين )

سمعت ان فيه وحده بسوق واقف زوجة الحجام اللي هناك بس حبيت اعرف هل تحجم بالطريقة اللي ذكرتها في الثلاث مواضع ام غير ؟ وكم تاخذ فلوس تقريبا ؟

اللي اعرفه ان المستشفيات في السعودية الاطباء يسوون الحجامة للمرضى ليه ماعندنا نفس الشي ! وهي معروفه فوائدها العظيمة وافضل من العلاجات الكيميائية

اتمنى اي احد عنده تجربه يشرحها لنا من ناحية موقع الحجامه والتعقيم والخ

[ريتال]

اختي احتجمت عند ام منذر اللي هي زوجة الشيخ عقل في سوق واقف

تتصلين فيها وتاخذين موعد لا تروحين بدون موعد

اما الاماكن ما ادري اختي راحتلها عشان مرض معين فكانت الحجامة في الظهر

[المزن الرياني]

والله معزم على الحجامه بالراس بس أرد من السفر
مب شي الواحد يسافر وهو أقرع :shy:

[aljar]

اختي كم عمرج ترى للحريم في نوعين الحجامه الجافه والعاديه بس على حسب العمر وهل تعانين من شي والا بس بتحتجمين هالشكل وقايه ؟

[ضوى]

[quoteاللي اعرفه ان المستشفيات في السعودية الاطباء يسوون الحجامة للمرضى ليه ماعندنا نفس الشي ! وهي معروفه فوائدها العظيمة وافضل من العلاجات الكيميائية ]/quote]

اختي الكريمة

فيه ممارس للحجامة في مستشفى حمد العام بالعيادات الخارجية ماخذها عن دراسة وشهادات طبية معتمدة ومرخص له وماشاء الله عليه مشهود له بالكفاءة وغير هذا معتمدين عليه في برنامج الحجامة عن طريق مستشفى حمد
فيه مواعيد للنساء ومواعيد للرجال اعتقد بغرفة 4 الدور الثاني بس هو حاليا باجازة لنهاية 7

[الطائي]

لاينصح للنساء بالحجامه وهي للرجال فقط بالعربي الفصيح النساء

تستطيع تصريف الدم والتخلص منه ولاكن الرجال لا

[>>> غــمـــوض <<<]

:rolleyes2: بصراحه اخاف من الحجامـــه
ولا افكر اسويهـا

وحده من صديقاتي تسويها عند وحده بيتهم بالدفنــه وتمدحها وايــد ... وحاولت فيني .. لاني انام كثــييييييييييير وقالت لي الحجامه بتشيل عنج الكسل والخمــولـــــــــــ


ولكـــن ماغامــر :secret:

[رهج السنابك]

اختي احتجمت عند ام منذر اللي هي زوجة الشيخ عقل في سوق واقف

تتصلين فيها وتاخذين موعد لا تروحين بدون موعد

اما الاماكن ما ادري اختي راحتلها عشان مرض معين فكانت الحجامة في الظهر

مشكوورة ماقصرتي والله

[رهج السنابك]

والله معزم على الحجامه بالراس بس أرد من السفر
مب شي الواحد يسافر وهو أقرع :shy:

مجربها من قبل ولا اول مره ؟؟

[رهج السنابك]

:eek5:
اختي كم عمرج ترى للحريم في نوعين الحجامه الجافه والعاديه بس على حسب العمر وهل تعانين من شي والا بس بتحتجمين هالشكل وقايه ؟


عمري في اول العشرين :eek5: مو صغيره يعني

وانا اعاني من اشياء مو شي واحد يعني لغرض الشفاء بإذن الله

والحجامة الجافه ليست هي الحجامة النبوية .. النبوية هي شرطة محجم كما ذكر عن الرسول صلى الله عليه وسلم

[رهج السنابك]

[quoteاللي اعرفه ان المستشفيات في السعودية الاطباء يسوون الحجامة للمرضى ليه ماعندنا نفس الشي ! وهي معروفه فوائدها العظيمة وافضل من العلاجات الكيميائية ]/quote]

اختي الكريمة

فيه ممارس للحجامة في مستشفى حمد العام بالعيادات الخارجية ماخذها عن دراسة وشهادات طبية معتمدة ومرخص له وماشاء الله عليه مشهود له بالكفاءة وغير هذا معتمدين عليه في برنامج الحجامة عن طريق مستشفى حمد
فيه مواعيد للنساء ومواعيد للرجال اعتقد بغرفة 4 الدور الثاني بس هو حاليا باجازة لنهاية 7


مشكووورة ماقصرتي معلومة اول مره ادري فيها بس من اللي يسويها ؟ فيه حريم يسوونها ولا رجال ؟ :secret:

[رهج السنابك]

لاينصح للنساء بالحجامه وهي للرجال فقط بالعربي الفصيح النساء

تستطيع تصريف الدم والتخلص منه ولاكن الرجال لا

انت متأكد من هالمعلومة ؟؟؟؟؟ انا اللي اعرفه ان الحجامه للجميع مو حصراً للرجال

يبي له اسوي بحث اكثر واعرف :telephone:

[رهج السنابك]

:rolleyes2: بصراحه اخاف من الحجامـــه
ولا افكر اسويهـا

وحده من صديقاتي تسويها عند وحده بيتهم بالدفنــه وتمدحها وايــد ... وحاولت فيني .. لاني انام كثــييييييييييير وقالت لي الحجامه بتشيل عنج الكسل والخمــولـــــــــــ


ولكـــن ماغامــر :secret:

عاديه والله غموض اانا كنت في البداية اخاف منها وما افكر فيها ابدا واقول لو شنو ما اسويها بس عقب ماعرفت فضلها غيرت رأيي وبعدين ماتخوف لانها في الظهر وكوب واحد بس وفيه ناس تحط لهم بنج موضعي اذا اول مره والدم اللي ينزل كله متجلط واسود << شفت له فيديو وشلون طريقته وحسيته عادي شكه صغنونه بس

[هتـان قطر]

اختي الارستقراطية..عندك المحجمة ام عمر بيتها في الدفنة

ما عليها كلام ويدها مبروكة..وعن تجربة

اذا تبين رقمها ..اعطيك اياه على الخاص

[رهج السنابك]

اختي الارستقراطية..عندك المحجمة ام عمر بيتها في الدفنة

ما عليها كلام ويدها مبروكة..وعن تجربة

اذا تبين رقمها ..اعطيك اياه على الخاص

تقدر تجيني للبيت ولا لازم انا اروح لها ؟؟ مالي خلق اقعد ادور في الدفنه بيتها والدريول الله بالخير :rolleyes2:

بس اتمنى تحكين لي تجربتك معها عشان اخذ فكرة اكثر ومشكوورة يالغلا

[هتـان قطر]

تقدر تجيني للبيت ولا لازم انا اروح لها ؟؟ مالي خلق اقعد ادور في الدفنه بيتها والدريول الله بالخير :rolleyes2:

بس اتمنى تحكين لي تجربتك معها عشان اخذ فكرة اكثر ومشكوورة يالغلا


بيتها مايضيع ..قريب من جمعية الدفنة وصالة الدوحة للاحتفالات..

وبعدين لما تكلمينها هي بتوصف لك بالضبط..

هي ما تجي للبيت لان عندها عيادة صغيرة في بيتها وماشالله معقمة

ونظيفة وكأنك في مستشفى..

التجارب كثيرة عندها..اغلب اهلي محجمين عندها وكلهم لاحظوا التحسن

بعد الحجامة..اما تجربتي الخاصة انا حجمت ولدي عن الربو ثلاث مرات

ولله الفضل والمنه تحسن بدرجة كبيرة تقريبا 90% شفى من النوبات

اللي كان يعاني منها..والحين تقريبا سنة ونص من يوم حجمته والى الان

وهو ولله الحمد احسن بكثير من قبل..

[هذلان]

قبل لحد يسوي حجامه .. فيه معلومات الواحد لازم يعرفها .


لاني سويت حجامه ولا تغير عندي شي .. قالي اخوي الاكبر ان الحجامه لها ايام معينه بالنسبه للشهر العربي...
و ايضا لها موعد معين اعتقد بعد الفجر مباشره. (يرجى التاكد من المعلومات لاني مضيع شوي)

بس شلون البنات يسوون حجامه .. السالفه فيها تحليق شعر الراس !!

[سينابون]

حجامة المراه على الاخدعين والكاهل وهي مفيدة ويحس الانسان بعدها بنشاط ويتمنى لو كل شهر يحجم وافضل الاوقات الصبح على معدة خالية وهي لجميع الامراض فضلا عن انها سنة نبوية

[المتضرعه لله]

اتعجب من اللي يقول المراه لا تتحجم؟

المراه انسان تسعى لجلب الراحه لها من امراض كما الرجل والحديث الشريف لم يقول الرجال ولم يذكر جنس عن جنس

المراه تتحجم مثل ماهو الرجل

لكن للاسف كثير من المحجمات تجهل مواضيع الحجامه وقد تحجم على الساق او البطه للساق وهذا لم يذكر باي مرجع وانما الافضل ما اشار له الرسول صلى الله عليه وسلم


والله يشفي الجميع

[وتبقى الدنيا حلوه]

وحده من اهلنا ادمان كله مطيحه عندهم

[امل الحب]

:)

جربتها مرتين للحين وسويتها بواحد من الايام الي ذكرتيها ..

كانت فالكاهل..

ماحسيت بشي والحمدلله ..

سويتها عند دكتور ..

كنت خايفة فالبداية.. بس ماحسيت بشي الا ارتحت من الالم الي كان بهالمكان..

[رهج السنابك]

:)

جربتها مرتين للحين وسويتها بواحد من الايام الي ذكرتيها ..

كانت فالكاهل..

ماحسيت بشي والحمدلله ..

سويتها عند دكتور ..

كنت خايفة فالبداية.. بس ماحسيت بشي الا ارتحت من الالم الي كان بهالمكان..

من الدكتور ووين اذا ممكن ؟

[رهج السنابك]

قبل لحد يسوي حجامه .. فيه معلومات الواحد لازم يعرفها .


لاني سويت حجامه ولا تغير عندي شي .. قالي اخوي الاكبر ان الحجامه لها ايام معينه بالنسبه للشهر العربي...
و ايضا لها موعد معين اعتقد بعد الفجر مباشره. (يرجى التاكد من المعلومات لاني مضيع شوي)

بس شلون البنات يسوون حجامه .. السالفه فيها تحليق شعر الراس !!

عند من سويت الحجامه ؟ عن مركز طيبه ولا عند شخص مو معروف ؟ لان فيه جهل كثير في موضوع الحجامه البعض يستخدم مواضع غلط

ومايحتاج تحليق شعر الرأس لان الحجامة اللي احتجم بها الرسول كانت في الاخدعين والكاهل واليافوخ وظهر القدمين وهذه مواضع الحجامة الصحيحه وليس من الضرورة ان تحتجم المرأة في الرأس فيه مواضع غيرها

[يحفظك ربي]

حد يقدر يفيدني اذا الحجامه زينه حق اللي يعانون من صداع نصفي ؟

يعني تخفف الالم ؟

لان وايد قالوا لي سوي حجامه بس مادري احس متردده ؟

ممكن اللي جرب يقول لنا اذا زينه حق اللي يعانون من الصداع النصفي وتخفف الالم ؟

[خوخه وحلو]

ممكن رقم ام عمر

[رهج السنابك]

حد يقدر يفيدني اذا الحجامه زينه حق اللي يعانون من صداع نصفي ؟

يعني تخفف الالم ؟

لان وايد قالوا لي سوي حجامه بس مادري احس متردده ؟

ممكن اللي جرب يقول لنا اذا زينه حق اللي يعانون من الصداع النصفي وتخفف الالم ؟

احسن علاج للصداع وبلا منازع والرسول عندما اشتكى من وجع برأسه احتجم

افضل من تناول المسكنات اللي تسمم الجسم والادوية اللي تضر الكبد

[يحفظك ربي]

مشكوره اختي على الرد ان شاء الله بحاول اسوي

[aljar]

اختي الارستقراطيه اول شي تعبت وانا اكتب نكج المهم الحجامه لها اسباب وللحريم غير الرجال وانا كل سنه اسوي حجامه وحتى الرجال يفضل انه يسويها بعد 21 سنه الا لحاجه مرض او ضربه او شي وتنفع ماتضر ولو كلنا كتبنا تجاربنا مع الحجامه بتطول السالفه انتي ليش ماتختصرين على عمرج واتروحين او تتصلين للشيخ عقل الي بسوق واقف وتسالينه وتقولين له حالتج وهو بيرشدج وين تروحين وشتسوين على حسب حالتج السالفه بسيطه مب محتاج لها بحث وكل السالفه جرح خفيف ماتحسين فيه وتنتهي السالفه توكلي على الله وروحي وسويها لو محتاجه للحجامه بيسونها واذا ماله داعي بيقولون لج لاتخافين هالكثر الموضوع سهل جدا

(( الحجامه من احسن العلاجات للصداع والدوالي وكل مرض يسببه تخثر بالدم وعلى فكره الرياضه بعد تساعد وااايد ولا تنسون يابنات خلوا الشمس اتصيدكم اشوي ))

[هدى ورحمه]

السلام عليكم

طبعاً لا يخفى على الجميع فضل الحجامة وقد فعلها الرسول صلى الله عليه وسلم وحث عليها

وقال الحجامة شفاء من كل داء الحجامة و قال صلى الله عليه وسلم : ( نعم العبد الحجام يذهب الدم ويجفف الصلب ويجلو عن البصر ) رواه الترمذي


فأنا تحمست كثير اني اسويها وحااابه اسويها عن قناعه تامة بأنها شفاء من كل داء

وافضل الايام هو يوم 17 و 19 و 21 من الشهر الهجري لاكتمال القمر


لكني محتارة شوي ما اعرف وحده تسويها ووشلون طريقتها بالضبط لاني بحسب بحثي في الانترنت لقيت ناس تقول ان فيه حجامين مايتقيدون بالطريقة الصحيحة وهي الاحتجام في الاخدعين ( جنبي الرقبة ) وفي الكاهل اي ( بين الكتفين )

سمعت ان فيه وحده بسوق واقف زوجة الحجام اللي هناك بس حبيت اعرف هل تحجم بالطريقة اللي ذكرتها في الثلاث مواضع ام غير ؟ وكم تاخذ فلوس تقريبا ؟

اللي اعرفه ان المستشفيات في السعودية الاطباء يسوون الحجامة للمرضى ليه ماعندنا نفس الشي ! وهي معروفه فوائدها العظيمة وافضل من العلاجات الكيميائية

اتمنى اي احد عنده تجربه يشرحها لنا من ناحية موقع الحجامه والتعقيم والخ
قلب المؤمن خبيره في الحجامه..
وهي سوت حق كل الاهل ..
انا اللي اعرفه شخصيا الحجامه تكون مره في السنه او كل ست شهور
وتكون بكاسات معقمه ساخنه توضع على الظهر بعد عمل جروح بسيطه بمشرط معقم في نقطتين على لوحتي الكتفين ويسحب الدم الفاسد او الراكد بمعنى اصح فالجسم والتي زادت شوائبه وعندما يسحب الدم خروجه وهيئته تعبر عن اشيا كثيره
فمن خرج دمه يتدفق سريعا يعني انه عرضه لميوعه في الدم..ومن خرج دمه ثقيل مثل العسل فهذا دليل على بوادر تجلط في الدم ويجب مراجعه الطبيب ومن خرج دمه مسودا فيدل على عده امور..
وبعد الحجامه يجب الابتعاد عن منتجات الالبان واكل الخضره وسيشعر الشخص بحاجه ماسه للنوم لساعات طويله لان الدم الفاسد او كثير الشوائب تم سحبه ويبدا الدم النقي يتدفق بقوه الى الاعضاء الحيويه وسيعمل الكبد والكلى والطحال بشكل افضل وسيضخ فيه الدم النقي وستتبدل حاله الانسان من الصداع والخمول والربو والحساسيه بفضل الدم النقي الى حال افضل..
هذا شئ من معلوماتي البسيطه عن الحجامه..

[العنود55]

اختي قريت انه الحجامه ماتنفع تسوينها بالصيف وافضل الايام مثل ماذكرتي بالمقدمه ولكن في يفضل انها تكون في شهر غير عن اشهر الصيف والعلم عند الله.

ماعليج شر ان شاء الله.

[القلب المؤمن]

قلب المؤمن خبيره في الحجامه..
وهي سوت حق كل الاهل ..
انا اللي اعرفه شخصيا الحجامه تكون مره في السنه او كل ست شهور
وتكون بكاسات معقمه ساخنه توضع على الظهر بعد عمل جروح بسيطه بمشرط معقم في نقطتين على لوحتي الكتفين ويسحب الدم الفاسد او الراكد بمعنى اصح فالجسم والتي زادت شوائبه وعندما يسحب الدم خروجه وهيئته تعبر عن اشيا كثيره
فمن خرج دمه يتدفق سريعا يعني انه عرضه لميوعه في الدم..ومن خرج دمه ثقيل مثل العسل فهذا دليل على بوادر تجلط في الدم ويجب مراجعه الطبيب ومن خرج دمه مسودا فيدل على عده امور..
وبعد الحجامه يجب الابتعاد عن منتجات الالبان واكل الخضره وسيشعر الشخص بحاجه ماسه للنوم لساعات طويله لان الدم الفاسد او كثير الشوائب تم سحبه ويبدا الدم النقي يتدفق بقوه الى الاعضاء الحيويه وسيعمل الكبد والكلى والطحال بشكل افضل وسيضخ فيه الدم النقي وستتبدل حاله الانسان من الصداع والخمول والربو والحساسيه بفضل الدم النقي الى حال افضل..
هذا شئ من معلوماتي البسيطه عن الحجامه..

_______________________
والله بنت الريح كفيتي و وفيتي بالمعلومات :nice:


من ناحية موقع الحجامة أفضلها في الظهر بين لوحين الكتف ويجب التعقيم جيدا قبل البدء وتعمل الجروح بمشرط قياس12 وتكون عند المحجم خبرة في ارقاء النزيف ان حدث وخياطة الجروح خياطة تجميلية !

وهي تشفي من أمراض كثيرة ويستدل من الدم الخارج على حال الجسم بدقة من مظهر الدم ولونه حيث مايخرج منه هو كريات الدم الهرمه وبذلك تنشط وظيفة الكبد في انتاج كريات الدم الشابة وتنقي جميع الاعضاء وتشفي من الكثير من الامراض ..

على حد علمي اذا لم يكن موضع الحجامة صحيحا مثلا اعلى من اسفل مابين لوحين الكتف قد تسبب أمراض لانها تقترب من منطقة النخاع الشوكي والكتله العصبية ..فيجب عملها عند اصحاب الخبرة من المحجمين .

أفضل أوقاتها في بداية ومنتصف شهر ابريل ..هذا والله اعلم .

[ملكة الأسهم]

اختي الارستقراطية..عندك المحجمة ام عمر بيتها في الدفنة

ما عليها كلام ويدها مبروكة..وعن تجربة

اذا تبين رقمها ..اعطيك اياه على الخاص

ما عليج امر اختي ممكن رقمها

[راسيه]

ام عمر اللي في الدفنه
انا نانصحج فيها
وبيتها مايضيع وتفتح لج ملف .. عندها .. وانسااانه رااااقيه .. وفنننناااانه

[راسيه]

ونسيت اقولج اسعارها على الكوب = 50 ريال

مره سوت لرفيجتي 6 اكواب .. للظهر والكتف

وسأليها عن شنو الاشياء اللي ماتكلينها .. لان قبل الحجامه بيوم فيه اشياء المفروض ماتكلينها
البهارات واللبن ..... الخ

[الكايـــده]

الحجامه رووووعه بس مشكلتها الالم يرد بعد فترررررررره