سؤال بخصوص السعر على الخاص

[Small Investor]

السلام عليكم

عندي سؤال وابي اجابة من التجار الي يعرضون منتجاتهم والسعر يبعثونه على الخاص

سؤالي انت ليش عارض البضاعه ومب حاط سعرك ؟؟ هل هو خوف من المنافسه ؟؟ هل هو خوف من العين ؟؟ هل ماتبي حد يعرف السعر غير الشراي ؟؟ الاجابة فقط انت تقدر تجاوبها

انا وبكل صراحه بعض الاحيان اكون ناوي اشتري شي وادخل الموضوع واحصل العارض عارض بضاعته وبدون سعر ,, والي يبي السعر لازم على الخاص ... اقوم انا اكنسل واطلع من الموضوع.

وانا اشوف انه الي بيعرض بضاعه ويقول التفاصيل على الخاص ولا السعر على الخاص لا يعرض احسن له

هذه وجهة نظري انا

[جاسم-99]

اي والله الصراحه انا وحده يرتفع ضغطي من هالحركه ^___^

[airbus]

الصراحه المفروض المشريفين يحطوا قانون الي مايحط السعر على العام ينحدف موضوعه

[Small Investor]

ما شاء الله يعني في ناس عندهم نفس الشعور .... الباقي على المشرفين الحين

[الاعــلامية]

/

انا مع ان يكون السعر معلن للجميع

الصراحة اختصار للوقت للبايع والزبون


/

[ABDALAZiZ]

انا بعد معـــاكم ..

[اناقه]

وانا بعد افضل السعر يكون على العام

قبل كنت احط السعر على الخاص

لكن عقب فضلت ان يكون على العام و مرئي للجميع

و منا للادارة الكريمة

[يحفظك ربي]

اي والله حتى انا يرتفع ضغطي من هالحركه

المفرووض الكل ييعرض سعره عشان نستفيد ونعرف الاسعار

والا شالخانه من عرض السعر على الخاص؟

احسه ملل :/

[ALHAJAJI]

اي والله كلامك صحيح انا نفس الشئ اطلع من الموضوع واحس ان ما لة قيمة.

حتى في الوسيط حق معارض السيارات اللي ما يحط اسعار السيارات كلش ما اعطيه اي اهتمام.

[>>> غــمـــوض <<<]

وانــه معاكم
وهالشي بيوفر الوقت عالتاجر والمشتري :)

يعني بدل مالتاجر يتعب نفسه ويرسل السعر حق كل عضو وبالاخير السعر احتمال مايعجب المشتري
فمن البدايه يكون العضو على بينــه

وامتى من الاداره ان تاخذ هالشي بعيــن الاعتبار
ويحطونـه شرط اساسي لعرض البضاعــه

[Small Investor]

في شي مهم بعد

وهو المزايده والسوم .... ياخي اذا انا باسوم باحط سومتي في العام عشان الناس كلهم يعرفون بكم الشي مسيوم

اما انه التاجر بعد عشر ايام يجي ويقول والله الغرض انسام ب مبلغ وقدره على الخاص ... زين انا شدراني يمكن يقص علي عشان افرق السومه

[قطqatarر]

اي والله جزاك الله خير على هالكلام انا اييد وجهه نظرك وتعبنا واحنا انقول ممكن السعر و وممكن الصور

[مستثمره جديده]

انا أأيدك في هالكلام اخوي .. يعني ايش فيها لين حطيت سعر البضاعه مع العرض .. بس الظاهر

بعض التجار يخافون من منافسينهم انهم يعرضون بضاعتهم بسعر ارخص من سعرهم اللي حاطينه

والله اعلم ..

[findi]

الصراحه المفروض المشريفين يحطوا قانون الي مايحط السعر على العام ينحدف موضوعه

صح والله


ياليت ينفذون هالشي

[MeMe MoOoON]

المفروض التاجر يحط السعر على العام

[$ طلال $]

السلام عليكم

عندي سؤال وابي اجابة من التجار الي يعرضون منتجاتهم والسعر يبعثونه على الخاص

سؤالي انت ليش عارض البضاعه ومب حاط سعرك ؟؟ هل هو خوف من المنافسه ؟؟ هل هو خوف من العين ؟؟ هل ماتبي حد يعرف السعر غير الشراي ؟؟ الاجابة فقط انت تقدر تجاوبها

انا وبكل صراحه بعض الاحيان اكون ناوي اشتري شي وادخل الموضوع واحصل العارض عارض بضاعته وبدون سعر ,, والي يبي السعر لازم على الخاص ... اقوم انا اكنسل واطلع من الموضوع.
وانا اشوف انه الي بيعرض بضاعه ويقول التفاصيل على الخاص ولا السعر على الخاص لا يعرض احسن له

هذه وجهة نظري انا


نفس الشي

[Qatar564]

اضم صوتي لكم..

[عـ العبيدلي]

بصراحه حركه ترفع الضغط ..

[أبوعبدالرحمن68]

يعطيك العافيه
وانا أيدك باللي ذكرته

وفي شغله بعد
ان في ناس مش مسجلين بالمنتدى
واعجبتهم الماده المعروضه عن طريق محركات البحث
رح يضطرون يسجلون بالمنتدى ويدخلون في تفاصيل
واخرتها رح ينصدمون بالسعر

[قطري كيووت]

وانا بعد

اشوف الموضوع واول ماشوف مكتوب التفاصيل ع الخاص

اكنسل

[Maha_N]

اي والله صح انا هالحركه ترفع ضغطي

واذا خاطري بشي ومالقيت سعرها ماتعب نفسي واطلب اكنسل السالفه واطلع من الموضوع


اريح للتجار واريح لنا يكون كل التفاصيل معلن عنها والخاص للطلب الجاد فقط

[خليدان]

وأنا وياكم

كل ما دخلت موضوع ما حاطين فيه الأسعار على طول اطلع وما تعب نفسي

والقهــر لين جاك واحد عارض بضاعه ويوم انك تراسله ع ـالخآص

يرد عليك بعد أسبوعيين

والله أنا ناطـــر واحد قريب الشهر تقريبا ً وللحين ما رد علي

ولا هنت يا كاتب الموضوع

[لوردغاليري]

وانا بعد افضل السعر يكون على العام

[umhend]

وانا مثلكم بلضبط ومع كل الي نقااااااااااااااال في هالموضوع وان شاءالله نشوف نتجيه طيبه

[شوق qtr]

انا معاكم خاصه وان ها الطريقه فيها احراج كبير

[العقـرب]

أنا مع حط الأسعار في العام والمنافسة في صالح المشتري

تقبل تحياتي

[دبڵـﯚمٱωـيـﮧ]

أي والله .,
يعني مآفي حكمه انها ع الخـآص !
يمكن انا ابي انافس واسوي نفسي بشتري واسئل واعرض المنتج عندي بسعر أقل !

وسآعآت تبي الشي وتسئل ع الخـآص ويطلع السعر غير منـآسب وبعض النـآس ينحرجون !
يعني ريحوآ عمركم علشآن الجاد يرآسلكم وبس !

[بومحمد911]

وانا معاكم نفس الشعور

يعني نبي الاسعار على العام

وبين البايع والمشتري يفتح الله

[شيزكيك]

وانا معاكم قلبا وقالبا

[ابو ماجد]

المشكله اخوى لو تقولهم السلام عليكم ايقولون لك شيك على الخاص..

[M!ss Vimto]

المشكله اخوى لو تقولهم السلام عليكم ايقولون لك شيك على الخاص..

هههههههههههه :victory:

انا بعد ساعات اكون خاطري ابشي بالموضوع وبعد ما اروح نهاية الموضوع القا السعر على الخاص

فـاكنسل وصك الصفحه

[شرقاويه]

ولا الي تقول تبون الصور على الخاص وشفرق العام على الخاص اذا كل احد يرسلها على الخاص ترسله الصور

[_QTR_]

والله انك صدقت في هذي يا بوتركي

نفس الشعور يوم ادش اي موضوع وفي خاطري اشتري غرض معروض ويقول لي السعر على الخاص ... على طول اهون


لان ذاك اليوم قاعد في المجلس مع الربع

وواحد من الشباب كلم واحد من اعضائنا الكرام اللي كان عارض غرض معين وقاله سعر ((مثلا 1800 ريال))

وبالصدفة انا ارسلت لنفس العضو اللي عارض الغرض انشده عن السعر

وقالي لي سعر ((مثلا 2000))

يوم قلت للربع اللي موجودين في المجلس

حد فيكم يبي الغرض الفلاني

قالوا لي بكم قلت لهم معروض 2000

رد واحد من الربع وقالي تراني لاقيه عند العضو الفلاني 1800


يعني ليش الاحراج والحركات البايخة

ومن يومها نادرا من اشتري شيء من المنتدى

اللي يكون عارض السعر على العام اكلمه على طول

[>>> غــمـــوض <<<]

المشكله اخوى لو تقولهم السلام عليكم ايقولون لك شيك على الخاص..

هههههههههههههههــ
مالك حل بهالرد

[al-sheek]

من المؤيدييييييييييييييييييييييين

المفروض ينعرض السعر ع العام

معاكم بكل قوة :)



الصراحه المفروض المشريفين يحطوا قانون الي مايحط السعر على العام ينحدف موضوعه


كلامك عين العقل :nice:

بس انا ما أشوف المشرفين يسون شي :anger1:

[Small Investor]

شكرا للتفاعل
يعطيكم العافيه على المشاركه وابداء الراي
بس وين التجااااااااااااار ؟؟؟ ليش محد يرد علينا ويقول لنا السبب ؟؟؟ وين المشرفين ؟؟؟

[яέέⓜ]

موضوع في محله

وتشكر عليه

وانا اكثر من مرة سألت هالسؤال في الموضوع نفسه بس يطنشوني=(

[Small Investor]

للرفع

بإنتظار المشرفين والتجار

[الورد]

ياللي تبي الرد

[الورد]

شـيـّـك على الخاص:victory:

[airbus]

شـيـّـك على الخاص:victory:


:funny::funny::funny::funny::funny::funny:

[Small Investor]

بعثت لك رساله اطلب منك السعر بس الخاص مليان يا ليت تمسح شوي رسايل عشان نقدر نتفاهم

[Small Investor]

عفوا شباب انا توني جديد وما عندي مشاركات كافيه عشان اطرش خاص ياليت نتفاهم على الايميل

شيك على الخاص

[BURBERRY]

انا بعد يرفعون ضغطي الي يعرضون بضاعه او سياره او سكوتر او رقم مميز و يقول السعر على الخاص ..

مادري هم يستحون يحطون السعر ولا يخافون من المنافسه ولا شنو!!!

و انا مثلك يا اخوي .. اسكر الموضوع و اطلع اذا شفت السعر على الخاص

و يعطيك العافيه و نتمنى من الاداره تشوف الحل المناسب