المساعد الشخصي الرقمي

مشاهدة النسخة كاملة : مشروع مغسلة ملابس.. وما هوالمطلوب بالبداية ؟



قدام
07-07-2009, 02:18 PM
السلام عليكم ورحمه الله و بركااته
اخواني الاعضاء الكرام استفسار او مساعده بالعربي""""""
نويت بعد الاستعاانه بالله ان افتح مشروع مغسله ملابس ( دوبي ) بس دوي ذرب شوي:)
ابي لو سمحتوا اللي عنده خبره عن المشرووع و بدايته وكيف تاسيسه من ناحيه المعدات والمكاين
يعني تجهيزه كامل
مع العلم ان المكان جااهز
شكرااااا

alfahad1
07-07-2009, 03:37 PM
انا ما عندي خبره بس قبل ما تنوي تفتح شوف الشارع كم فيه محل دوبي ويجب يكون المحل في فريج يعني ما يكون في شارع رئيسي
اما من ناحية المعدات انشاءالله الاخوان يفيدونك

شموخ دائم
07-07-2009, 04:45 PM
,

,

والنعم بالله

بالتوفيق اخوي والله يوسع عليك

نصيحتي ان تختار الشخص المناسب ( المدير ) قبل كل شي

وهو راح يخبرك عن نوع المكائن الي يفهم فيها

والي صيانتها سهله

جيب المدير اول وفكر معاه

لاتفكر لوحدك وتنفذ

هو سر ومفتاح النجاح بعد الله سبحانه وتعالى

وموفق يارب

انا خبرتي بالمقاولات والعقارات والديكور

وتعلمت ان الشخص المناسب هو حجر الاساس

وويكتمل العمل بكتمال العناصر الاخرى من محل ومعدات

نصيحتي الثانيه قدر المستطاع ان تكون مصاريفك الشهريه خفيفه

في البدايه

والنصيحه الثالثه ( ايداع مبلغ مصاريف لثلاث شهور في البنك )


والله يوفقك يارب


,

,


اخوك


شموخ دائم

قدام
07-07-2009, 09:40 PM
,

,

والنعم بالله

بالتوفيق اخوي والله يوسع عليك

نصيحتي ان تختار الشخص المناسب ( المدير ) قبل كل شي

وهو راح يخبرك عن نوع المكائن الي يفهم فيها

والي صيانتها سهله

جيب المدير اول وفكر معاه

لاتفكر لوحدك وتنفذ

هو سر ومفتاح النجاح بعد الله سبحانه وتعالى

وموفق يارب

انا خبرتي بالمقاولات والعقارات والديكور

وتعلمت ان الشخص المناسب هو حجر الاساس

وويكتمل العمل بكتمال العناصر الاخرى من محل ومعدات

نصيحتي الثانيه قدر المستطاع ان تكون مصاريفك الشهريه خفيفه

في البدايه

والنصيحه الثالثه ( ايداع مبلغ مصاريف لثلاث شهور في البنك )


والله يوفقك يارب


,

,


اخوك


شموخ دائم

قوول امييين... بس انت.... جعل ابوك و من يشوف النتدى الجنه
المشكله انا المدير يا شموخ دااايم بس ان شالله ربك بيزينهاا

قدام
10-07-2009, 02:51 PM
ارجو المزيد من الاراء و الاقترحاات
شكراا

متابع عن قرب
11-07-2009, 12:42 PM
عزيزي

انا عندي مغسلة ملابس وصار لي مشغلها من 3 اشهر تقريبا لكن خذت لي 6 اشهر اجهز المحل نصيحتي لك كالاتي

اول شي شف لك مكان على شارع رئيسي واحذر تقتل مشروعك وتحطه في فريج

الشي الثاني عليك بالديكور واقصد الديكور الخارجي الواجهة الزجاجية البنر الراقي والاضاءة المتميزة

بالنسبة للمكاين

تحتاج

مكينة غسيل - مكينة تجفيف - عصارة - كواية


انصحك اول شي تعرف النظام الكهربائي للمبنى لأني اشتريت مكينة تجفيف 23 كيلو ب 18000 الف ويوم نقلتها للمبنى تبين ان النظام غير متوافق وتورطت ورجعتها وخذيت مكينتين صغار 10 كيلو كل مكينة وشغلتها وضبطت

بالنسبة للغسالة العادية ابغيك تروح للصناعية فيه غسالات صنع محلي تتحمل 40 كيلو غسيل ويركبون فيها دينمة قوتها 3 حصان تشل الملابس دفعة وحدة وترتاح

بالنسبة للعصارة فيه عصارات ال جي تجي مكينة وفتحتها من فوق تحط فيها الملابس قبل ماتجففها لأنك لو حطيت الملابس في التجفيف من دون ماتعصرها بتخرب المجفف

والكواية بعد التجفيف ويستلم الزبون ملابسة والعملية كلها تأخذ منك نصف ساعة ( غسيل سريع )


وبالمناسبة

اذا كان راس مالك قوي

اخذ لك زيادة مكينة بخار وهذي قيمتها من ال80000 الف تقريبا وكواية بخار ضغط قيمتها 30000

اما اذا كان راس مالك بسيط يعني حول 150 الف خلك على المكاين اللي ذكرتها لك اول مرة لأن الديكور بياكل عليك واجد هو والعمال والرسوم والايجار وتكاليف المكاين

وبعد فترة طور مغسلتك وحط فيها البخار والديلفري


هذا اللي عندي الحين وباقي فيه شغلات كثيرة لكن لا تستعجل عليها


واذا كان عندك اي استفسار انا جاهز


بس ابغيك الله يسلمك تدعيلي من خاطرك بالتوفيق


وجزاك الله خير

قدام
11-07-2009, 01:14 PM
عزيزي

انا عندي مغسلة ملابس وصار لي مشغلها من 3 اشهر تقريبا لكن خذت لي 6 اشهر اجهز المحل نصيحتي لك كالاتي

اول شي شف لك مكان على شارع رئيسي واحذر تقتل مشروعك وتحطه في فريج

الشي الثاني عليك بالديكور واقصد الديكور الخارجي الواجهة الزجاجية البنر الراقي والاضاءة المتميزة

بالنسبة للمكاين

تحتاج

مكينة غسيل - مكينة تجفيف - عصارة - كواية


انصحك اول شي تعرف النظام الكهربائي للمبنى لأني اشتريت مكينة تجفيف 23 كيلو ب 18000 الف ويوم نقلتها للمبنى تبين ان النظام غير متوافق وتورطت ورجعتها وخذيت مكينتين صغار 10 كيلو كل مكينة وشغلتها وضبطت

بالنسبة للغسالة العادية ابغيك تروح للصناعية فيه غسالات صنع محلي تتحمل 40 كيلو غسيل ويركبون فيها دينمة قوتها 3 حصان تشل الملابس دفعة وحدة وترتاح

بالنسبة للعصارة فيه عصارات ال جي تجي مكينة وفتحتها من فوق تحط فيها الملابس قبل ماتجففها لأنك لو حطيت الملابس في التجفيف من دون ماتعصرها بتخرب المجفف

والكواية بعد التجفيف ويستلم الزبون ملابسة والعملية كلها تأخذ منك نصف ساعة ( غسيل سريع )


وبالمناسبة

اذا كان راس مالك قوي

اخذ لك زيادة مكينة بخار وهذي قيمتها من ال80000 الف تقريبا وكواية بخار ضغط قيمتها 30000

اما اذا كان راس مالك بسيط يعني حول 150 الف خلك على المكاين اللي ذكرتها لك اول مرة لأن الديكور بياكل عليك واجد هو والعمال والرسوم والايجار وتكاليف المكاين

وبعد فترة طور مغسلتك وحط فيها البخار والديلفري


هذا اللي عندي الحين وباقي فيه شغلات كثيرة لكن لا تستعجل عليها


واذا كان عندك اي استفسار انا جاهز


بس ابغيك الله يسلمك تدعيلي من خاطرك بالتوفيق


وجزاك الله خير

جزاك الله خير والله ان شالله يوفقك و ما قصرت

متابع عن قرب
11-07-2009, 02:48 PM
اخي سعيد

كتبت لك رد طوله مترين

وارسلته عالخاص

واخر شي

قالو ممنوع لين تكمل 50 مشاركة

وضاااااااااااااااااااع الجهد

لكن ماعليك الصبر مطلووووب

بكرة ان الله يسر بأجاوبك على كل تساؤلاتك

وحياك الله

متابع عن قرب
12-07-2009, 10:31 AM
بسم الله الرحمن الرحيم

صبحكم الله بالخير


اخي سعيد

انا في دولة مجاورة ظروفها الاقتصادية تتشابه مع ظروف قطر بشكل كبير جدا

وازور قطر عدة مرات سنويا

وشارع ال شافي مكان ممتاز لكن اعتقد بيطلع عليك غالي


شف لك منطقة من المناطق الجديدة الواقعة بجانب شارع رئيسي

واقولك جديدة لأنها عادة تفتقر الى الخدمات وحتى تكون لك قاعدة من الزبائن

لكن في كل الاحوال كل ماتكون قريب من الدوحة يكون احسن

لسبب بقول لك اياه في اخر المشاركة

اما الايجار فيختلف حسب مساحة المحل

قبل ماتوهق شوف قوانين قسم الصحة فالبلدية هل النظام عندهم لازم تكون المعدات داخل المغسلة ؟

اذا كان كذا تحتاج محل لا يقل عن 50 متر مربع

الايجار حاول مايتجاوز الثلاثة الاف شهريا ولاتغامر بأكثر من ذلك لأنك ماتعرف السوق كيف


انا عن نفسي

ما خذ لي محل 56 متر وحاط بارتشن مغلق للمعدات

وبالنسبة للمدير تحتاج لك مدير يتكون فيه حاجتين

* ثقة
* شخصية

ومب لازم يكون خبير في المغاسل لأن الادارة تحتاج حنكة ونشاط ومهب لازم يكون متواجد على طول داخل المحل لأنه بتستفيد من المدير بعدين

في تكوين العلاقات وضبط الحسابات ومواعيد العمل للعمال والخصومات والزيادات على رواتبهم يعني شغلته سيفتي للمحل

لأنك مثل ما انت عارف اخوي سعيد المغاسل فيها خطر عدم مصداقية الدخل يعني كيف ؟

الحين لو العمال يشتغلون ب8000 الاف ريال شهريا وقالو لك حن ما حصلنا غير 4000 شهريا بتصدقهم لأن مافيه مواد تحسب عليها التكلفة والربح

فضروري يكون فيه مدير ثقة يضبط الامور ماتدخل قطعة الا وهو مسجلها وماتطلع قطعة الا هو مسجلها

صحيح بيكلف عليك راتب شخص مايعمل في المغسلة لكن بيجيب لك الاف ويضمن حقك من دون ماتعب نفسك مع العمال

ويمكن بعد فترة يكون للمدير نسبة وليكن 10%

بتشوف المدير جاااد جدا ويشتغل من نفس ومايعطي اي فرصة للتلاعب او التسيب

اما مسألة الربح فهي من رب العالمين ولاتشل همها لأن الرزق مالأحد دخل فيه قال الامام الشافعي

ورزقك ليس ينقصه التأني /////////// وليس يزيد في الرزق العناء

ولكن من المؤكد ان الانسان اللي ياخذ احتياطاته من ناحية المكان والتكلفة والعمال والادارة والعلاقات لابد ان يكون فيه نتيجة مضمونه

اخي سعيد بالنسبة وجود المغسلة قريب من الدوحة هي ان هناك عندكم مطاعم كبيرة في شارع سلوى والمرخية تقدر تستفيد ذهب

والسبب ملابس الموظفين ومفارش الطاولات والمناديل المستخدمة عند الاكل

يعني اي مطعم ممكن يدخل عليك شغل ب3000 على الاقل

وبعدين اقولك نقطة مهمة اول ست اشهر لاتحاتي الدخل يعني لو انك مسافر فالصيف ولا شاري لك سيارة ولا قعدن تصرف منها هنا وهناك بتطير في شهرين

على الاقل عندك الحين مشروع وشغال حتى لو كان الشغل مايرضيك تقدر تطور نفسك اذا صار عندك راس مال تتوسع او تسوي دعاية وتدخل خدمات جديدة

والمهم انك سوي فكرة جديدة فالسوق وصدقني الافكار الجديدة تحتاج منك تقعد مع نفسك وقت وتفكر كيف اقدر اسوي شي جديد

والزبائن من طبعهم يحبون الشي المختلف والمتميز

واحذر تخلي الاسم التجاري بأسم منطقة او بأسم شخص

شف لك اسم عصري وقوي واشتغل عليه

والله يوفقك يابوعسكور

نووون
12-07-2009, 11:23 AM
شموخ دائم
متابع عن قرب

جزاكم الله خير على معلوماتكم القيمة

وسؤالي لكم

يقولون ان المشروع علشان يستمر وينجح لازم تصمل عليه 3 سنين مهما كانت خسارته

هل هذا الكلام صحيح ؟

سهم قطر
12-07-2009, 11:50 AM
جزاكم الله خير على معلوماتكم القيمة

متابع عن قرب
12-07-2009, 12:06 PM
العفو

مهما كانت خسارته ؟

لا :nono:

مهما كانت ارباحه قليلة ؟

صح:nice:


لأن الخساير معناه فيه شي غلط لازم يتصلح, ادارة , مكان , النشاط التجاري

اما الارباح قليلة فتبغي شي جديد , ابتكاري, تغيير, توسع , دعاية اكثر

Pro
12-07-2009, 12:31 PM
ما اقدر أزيد على الأخوان و لكن مثل ما قالوا

أهم حاجه الخطه
و كمية الإنتاج
و من ثم المعدات على حسب الخطه
و من ثم المدير

أول حاجه لازم تسوي لك دراسه مصغره
عن المصاريف و لا تبخس بقيمة المصاريف
لأن بتطلع لك مصاريف من تحت الأرض
و منها:
مصريف التأسيس و تحسبها على حسب المدة من ستة شهور إلى سنه:
1- المحل
2- ديكور المحل
3- إيجار المحل
4- الرسوم الحكوميه
5- الرواتب
6- سكن العمال
6- المصاريف النثريه
7- الكهرباء و الماء
8- الإعلان
و حط في بالك مدة عمل المشروع و هذا يعتمد على الرزق
يعني ممكن تبتدي على طول بطلب قوي و ممكن تبتدي ضعيف بطلب ظعيف
و لكن يجب ان تكون لك خطط بديله للحالتين

يعني إذا كان الطلب قوي تكون عندك خطه بزيادة الإنتاجيه من عمال و أجهزه
و إذا الطلب ضعيف تحاول تعرض نفسك في السوق بأسعار منافسة و إعلان جيد
و هذا كله يعتمد على كمية الإنتاج

و من ثم المعدات
و هذا أساس المغسله
حاول انك تبدي بمستوى عالي من الأجهزة
و أول شيء تجيك على الكهرباء
هل هي كافيه ولا لا
و هناك خطط بديله إذا لم يتوفر لك الكهرباء

المدير مهم
مواصفات المدير:
لازم على المدير ان يكون عارف عملية الغسيل
و ترتيبه و مصاريفه و لازم يدخل في المعمعه
من ترتيب العمل و العمال
و يجب ان يكون ذو شخصية قيادية
و الأمانه شيء أساسي
و أهم شي انه ما يكون طماع
كل ماعنده هات
لا تبخل عليه بالراتب
و إذا انت بدير المكان بنفسك هذا أفضل
لأنك انت راعي الحلال و تقدر اتضبط أمورك

و أخيرا
مثل هذه المشاريع لازم تسأل أهل الخبره
طبعا ما راح تحصل الإجابات بسهوله

و موفق إن شاء الله

technical
12-07-2009, 04:51 PM
الاخوان كفو ووفو لكن استشاره شركه محاسبه ضروري لان شركه المحاسبه راح تعملك نظام للداخل والخارج وطريقه تبين لك تكاليف الشغل . سواء كانت تكاليف ثابته او متغيره .
النظره الواضحه المرتبه تعلمك وين السرقه تحصل او فين الترشيد واجب .

نووون
12-07-2009, 07:38 PM
العفو

مهما كانت خسارته ؟

لا :nono:

مهما كانت ارباحه قليلة ؟

صح:nice:


لأن الخساير معناه فيه شي غلط لازم يتصلح, ادارة , مكان , النشاط التجاري

اما الارباح قليلة فتبغي شي جديد , ابتكاري, تغيير, توسع , دعاية اكثر


طيب لو قلنا مهما كانت أرباحه قليلة مو صافي الربح .. لأن وقتها ما عنده صافي ربح وبيكون قاعد يصرف على المغسلة من الاحتياطي
والقصد انه ممكن يكون مثل ما قلت في منطقة جديدة والدوس عليها مو ذاك الزود وخلال ال 3 سنين يكون صمل وصارت الناس تجيه أكثر ولو بيسوي دعايات هم يبيلها مصاريف ..
فهالحالة ينقل نشاطه من اول 6-12 شهر الى نشاط ثاني ويبتدي فمكان او نشاط ثاني والا يصمل على نفس المشروع ؟


الأخ technical

كم تاخذ شركة المحاسبة على اعداد هذي الدراسة ؟

ومشكورررررين

ورقــة أمــل
12-07-2009, 08:02 PM
يعطيكم العافية كلكم استفدت من الموضوع بشكل كبيرر جزاكم الله خير

دوحة الجميع
12-07-2009, 08:06 PM
لازم تحط لك برنامج كمبيوتر يسجل الملابس المستلمة وعددها وقيمتها "( برنامج محاسبي خاص بمغسلة الملابس ) أوماشابه ذلك ؟

La Bella
12-07-2009, 08:10 PM
لازم تحط لك برنامج كمبيوتر يسجل الملابس المستلمة وعددها وقيمتها "( برنامج محاسبي خاص بمغسلة الملابس ) أوماشابه ذلك ؟

فكره حلوووه أتمنى تطبقها أخووي

قدام
12-07-2009, 09:02 PM
عزيزي

انا عندي مغسلة ملابس وصار لي مشغلها من 3 اشهر تقريبا لكن خذت لي 6 اشهر اجهز المحل نصيحتي لك كالاتي

اول شي شف لك مكان على شارع رئيسي واحذر تقتل مشروعك وتحطه في فريج

الشي الثاني عليك بالديكور واقصد الديكور الخارجي الواجهة الزجاجية البنر الراقي والاضاءة المتميزة

بالنسبة للمكاين

تحتاج

مكينة غسيل - مكينة تجفيف - عصارة - كواية


انصحك اول شي تعرف النظام الكهربائي للمبنى لأني اشتريت مكينة تجفيف 23 كيلو ب 18000 الف ويوم نقلتها للمبنى تبين ان النظام غير متوافق وتورطت ورجعتها وخذيت مكينتين صغار 10 كيلو كل مكينة وشغلتها وضبطت

بالنسبة للغسالة العادية ابغيك تروح للصناعية فيه غسالات صنع محلي تتحمل 40 كيلو غسيل ويركبون فيها دينمة قوتها 3 حصان تشل الملابس دفعة وحدة وترتاح

بالنسبة للعصارة فيه عصارات ال جي تجي مكينة وفتحتها من فوق تحط فيها الملابس قبل ماتجففها لأنك لو حطيت الملابس في التجفيف من دون ماتعصرها بتخرب المجفف

والكواية بعد التجفيف ويستلم الزبون ملابسة والعملية كلها تأخذ منك نصف ساعة ( غسيل سريع )


وبالمناسبة

اذا كان راس مالك قوي

اخذ لك زيادة مكينة بخار وهذي قيمتها من ال80000 الف تقريبا وكواية بخار ضغط قيمتها 30000

اما اذا كان راس مالك بسيط يعني حول 150 الف خلك على المكاين اللي ذكرتها لك اول مرة لأن الديكور بياكل عليك واجد هو والعمال والرسوم والايجار وتكاليف المكاين

وبعد فترة طور مغسلتك وحط فيها البخار والديلفري


هذا اللي عندي الحين وباقي فيه شغلات كثيرة لكن لا تستعجل عليها


واذا كان عندك اي استفسار انا جاهز


بس ابغيك الله يسلمك تدعيلي من خاطرك بالتوفيق


وجزاك الله خير

مشكور اخوي متابع عن قرب وجزاك الله خير ع النصاايح الطيبه

قدام
12-07-2009, 09:04 PM
الشكر موصول للجميع اللي شاركوا بالموضوع
والله يكتب اللي فيه الخير ...
بس الاجارات غاليه في فطر كلهاا هذي العقبه الوحيده ؟؟؟؟؟؟

متابع عن قرب
13-07-2009, 08:42 AM
طيب لو قلنا مهما كانت أرباحه قليلة مو صافي الربح .. لأن وقتها ما عنده صافي ربح وبيكون قاعد يصرف على المغسلة من الاحتياطي
والقصد انه ممكن يكون مثل ما قلت في منطقة جديدة والدوس عليها مو ذاك الزود وخلال ال 3 سنين يكون صمل وصارت الناس تجيه أكثر ولو بيسوي دعايات هم يبيلها مصاريف ..
فهالحالة ينقل نشاطه من اول 6-12 شهر الى نشاط ثاني ويبتدي فمكان او نشاط ثاني والا يصمل على نفس المشروع ؟



اكبر خطأ التغيير السريع من نشاط الى نشاط لأن خسايرك بتكون مضاعفة والشي الثاني بتبدأ من الاول

والاهم نفسيتك بيحطمها الشعور بالفشل

لكن انتي سألتي عن ثلاث سنين والثلاث سنين كافية للتغيير اذا كان ماجنى فيها ارباح والمشروع صغير ومافيه مخاطر ائتمانية لأن المشاريع الاستهلاكية مثل المطاعم و البقالات و المغاسل بأنواعها ملابس وسيارات و المخابز هي اكثر استقرار ولا تتأثر بالازمات والسوق مثل غيرها لأن مادام فيه ناس هي تشتغل والمصاريف الخاصة بالاعلان والخدمات الجديدة لابد منها في كل حال والنجاح لايأتي الا مع الطموح

واذكر نفسي واياكم بأهم قاعدتين للنجاح في التجارة

- التسويق

- خدمة العملاء

اذا توفرت هذي النقطتين فالمشروع بأذن الله ناجح


اما اول سنة فلا يلتفت فيها الى الارباح بتاتا

وشكرا

متابع عن قرب
13-07-2009, 08:53 AM
الشكر موصول للجميع اللي شاركوا بالموضوع
والله يكتب اللي فيه الخير ...
بس الاجارات غاليه في فطر كلهاا هذي العقبه الوحيده ؟؟؟؟؟؟

العفو ياخوي

وبالنسبة للإيجارات الله يعينك فعلا غالية

لكن اذا كان راس المال مايتحمل فلا مانع ان تدخل شريك

واحذر من الديون <<<<<<< نصيحة لوجه الله

قدام
13-07-2009, 09:23 PM
العفو ياخوي

وبالنسبة للإيجارات الله يعينك فعلا غالية

لكن اذا كان راس المال مايتحمل فلا مانع ان تدخل شريك

واحذر من الديون <<<<<<< نصيحة لوجه الله

هذا اللي انا اقكر فيه ...... وانا مو مستعجل قاعد اشوف السوق
واذا لقيت شخص له خبره في المشروع بشاركه يكون اجتبي
مشكوور الغالي

نووون
14-07-2009, 01:16 PM
اكبر خطأ التغيير السريع من نشاط الى نشاط لأن خسايرك بتكون مضاعفة والشي الثاني بتبدأ من الاول

والاهم نفسيتك بيحطمها الشعور بالفشل

لكن انتي سألتي عن ثلاث سنين والثلاث سنين كافية للتغيير اذا كان ماجنى فيها ارباح والمشروع صغير ومافيه مخاطر ائتمانية لأن المشاريع الاستهلاكية مثل المطاعم و البقالات و المغاسل بأنواعها ملابس وسيارات و المخابز هي اكثر استقرار ولا تتأثر بالازمات والسوق مثل غيرها لأن مادام فيه ناس هي تشتغل والمصاريف الخاصة بالاعلان والخدمات الجديدة لابد منها في كل حال والنجاح لايأتي الا مع الطموح

واذكر نفسي واياكم بأهم قاعدتين للنجاح في التجارة

- التسويق

- خدمة العملاء

اذا توفرت هذي النقطتين فالمشروع بأذن الله ناجح


اما اول سنة فلا يلتفت فيها الى الارباح بتاتا

وشكرا


جزاك الله خير الشيخ على المعلومات القيمة

والله يوفقك