مطلوب رقم سياره ثلاثي مميز

[Qatari 1980]

السلام عليكم

اسمحوا لي اذا نزلت هالموضوع في القسم الغير مناسب

لكن شفت هذا أنسب قسم لطرح مثل هذا الموضوع :rolleyes:


أنا ودي برقم ثلاث يكون مميز أو اي رقم سياره يكون مميز :cool:

ياريت اللي عنده رقم مميز يطرح الرقم مع السعر المطلوب

مع التحيه

[السهم الازرق]

هلا فيك اخوي كتاب الذكريات و ان شاء الله ما تكون من الذكريات في هالمنتدى ..

نصيحه من اخوك حط فلوسك في شي يستاهل ابرك لك ..

ترى راحت موضة الارقام و هالسوالف ..

الحين الواحد عساه يحصل سكن يسكن فيه في ظل الاسعار الحاليه ..

و انت حر بحلالك ..

مع تحيات اخوك الصغير السهم الازرق ;)

[Qatari 1980]

والله انك صادق يا السهم الأزرق وأشكرك على هالنصيحه :)

لكن بودي في رقم ثلاثي :(

وانشاء الله ما راح نكون ذكريات وراح تستمر مشاركاتنا معكم في هالمنتدى الجميل

[ضايق الصدر]

ترى الرقام شي استثماري
انا شاري رقم بـ50 الف
جايب 100 الف

[مغروور قطر]

كم رقمك ضايق يعني مثل شنو انا عندي رقم ثلاثي والله جايب 115

[ضايق الصدر]

xyxx


هذا هو

[ضايق الصدر]

ورقمك فية شي مميز
ولا ثلاثي عادي

[Qatari 1980]

السلام عليكم

فيه أحد منكم يبي يبيع رقمه :)

مغرور قطر لك نيه تبيع رقمك وبكم

ووش هو الرقم اذا أمكن ..

يعني هل فيه رقم 1 أو 0

ثلاث مميز .. فيه رقمين متشابهين


تراني جاد :)

فمان الله

[مغروور قطر]

اخوي كتاب الذكريات انا مو بايع ارقم بس اتكلم معا اخوي ضايق الصدر

[السهم الازرق]

انا معاكم ان الرقم كان يعتبر استثمار ..

لكن في ظل زيادة السكان في قطر حاليا و بالتالي زيادة السيارات ..

اصبح الوضع يشير ان تغيير الارقام آتي لا محاله ..

لان الارقام الحاليه لا تستوعب الكم المتزايد من السيارات ..

يعني احتمال اصدار ارقام جديده تحتوي على حروف و ارقام مثلا ..

لذلك لا انصح بشراء رقم يكلفك 100 الف تقريبا و تستانس فيه سنه و يروح عليك

و بيني و بينكم الموتر هو اللي يرز نفسه بنفسه ما يحتاج رقم يرزه :rolleyes:

تحياتي لكم

[Qatari 1980]

أممممممممممممم والله خرعتني يا السهم الازرق

الصراحه كلامك فيه نوع من المنطق

بس ما أتوقع يغيرون الارقام في هالوقت

لكن التغيير لا بد منه سواء السنه الجايه أو السنين اللي بعدها

وبعدين الفلوس تروح عليك


بس بيني وبينك حتى لو كشخنا سنه بالرقم الثلاث وبعيدن غيرون

بعد الموضوع يستاهل :)






شدعوه محد عنده رقم مميز سواء ثلاث أو غيره :(




مع التحيه

[ضايق الصدر]

السهم الفضي تونا في290000
لو مثل السعودية ولا الامارات ممكن

[سهم عتيج]

بصراحة آنه أتفق مع الأخ السهم الأزرق في كل ماذكر,, والاستثمار في أرقام السيارات ممكن يكون مربح الآن,, بس ممكن يكون نكسة على صاحبه في المستقبل للأسباب التالية

أولا: ان الرقم لا يعتبر ملكا 100% لصاحبه,, يعني في حالة الوفاة لا قدر الله,, فالرقم لا يورث .. وهذه النقطة غاية في الأهمية,, يعني ممكن تحط 100 الف في رقم,, وفي اليوم الثاني تروح عليك,, وممكن تحط هالمبلغ في استثمار يدر عليك اموال طائلة لك ولعيالك في المستقبل,, وبمناسبة الرقم اللي شريته ب 50 الف والحين واصل 100 الف,, فأحب اني أقوللك ياضايق الصدر لو مثلا هال 50 الف شريت فيها 400 سهم للمصرف يوم كان يتداول ب 140 ريال قبل شهور بسيطة,, كان صارت اليوم 200 الف ريال وليست 100 الف ريال.. يعني ممكن تصير ثروتك كبيرة وفي نفس الوقت في شيء له مردود أيضا..

ثانيا: بالنسبة للقرار الاستثماري فكلما وضعنا استثماراتنا في شيء مش أي واحد قادر على تغييره,, فهذا أضمن لنا,, يعني,, قرار تغيير أرقام السيارات ممكن ادارة المرور تأثر عليه,, يعني بشخطة قلم,, ممكن فلوسك تروح بمهب الريح,, بينما الاستثمارات الاخرى مش أي واحد يقدر على تغييرها ..

وباعطيك مثال على ان من الممكن لشخطة قلم انها تأثر عليها,, فأعتقد انك تذكر يوم جاء سريع الكعبي الى ادارة المرور ومنع بيع أرقام السيارات لفترة,, فهذا أكبر دليل على ان من الممكن أي واحد يأثر على استثمارك في أرقام السيارات,, بينما الاستثمارات الاخرى كالعقار والأسهم فانها تحتاج الى أمور كثيرة جدا حتى يتم تغييرها,, وبالتالي ضمان استقرار لاستثماراتك..

وبالنسبة لتغيير الأرقام,, فأيش اللي يضمنك انها ماراح تتغير في المستقبل,, يعني حتى الواحد اللي عنده رقم مميز,, ممكن يعطونه رقمه المميز,, بس راح يصدرون 100 رقم مثله مع تغيير الحروف..

بس في نقطة يمكن تكون ايجابية حق اللي يستثمر في الأرقام,, وهي ان بعض الناس ترى ان الرقم المميز يعطيها برستيج معين في المجتمع,, ومايهمها ان دفعت 1000 ولا مليون ريال للرقم,, يعني ممكن تضرب معاك.. وهذا هو يمكن اللي يخلي الواحد يغامر في الأرقام

واسمحوا لي على الاطالة..

[مغروور قطر]

هم كلام اخوي سهم عتيج منطقي جدا جدا

[قناص قطر]

السلام عليكم


ما شاء الله الشباب مخ استثماري بحث

وهذا اللي يبحث عنه سيدي سمو الامير

مخ استثماري كيف تدرير الاموال بنفسك

وخلال مقابلة تلفزيونية للنائب الاول سعادة الشيخ / حمد بن جاسم بن جبر ال ثاني

ذكر ان انتهى عصر اني اعطي المواطن المال مباشرة

نحن نبحث عن المواطن النشط اللي يبحث ويبحث

ولا نبحث عن المواطن الكسول وينتظر المال

وهذه المقابلة قديمة نوعا ما مادري اذا حد يتذكرها

والان وقت هذا المواطن الذي يبحث عن ذاته

والكسول ماله مكان بينا

والى الامام يا شباب

هذه قطر دولة الاستثمار والمال

ويا الله يحفظ قطر امن وامان

ويالله يحفظ بومشعل راعي المكرمات على المواطنين

[ضايق الصدر]

اوكي يا سهم عتيج انت قيسها بالعقل
متى بيسون احروف

وثاني شي
الرقم جابلي السعر في يومين
وانا اصلا مش ناوي استثمر
فيها
انا شاريه لي كاستخدام

[سهم عتيج]

الله يهنيك به يا ضايق الصدر

آنه كنت اتكلم عليه من ناحية اقتصادية بحته,, بس قلت في آخر كلامي ان الرغبة ممكن تخلي الشخص يدفع مئات الآلاف لأي سلعة كمالية وليس الرقم فقط,,
والله يهنيك مرة اخرى

[إنتعاش]

اخواني حبيت اسأل سؤال

كم يجيب هالرقم ؟


2xxxxx

كم يسوى يعني ؟

[boabdullah]

اخواني حبيت اسأل سؤال

كم يجيب هالرقم ؟


2xxxxx

كم يسوى يعني ؟

أنتعاش

الصراحة رقم مغري ((( يمكن 200ألف)))

لو ملكي كان نزلته بالبورصة

بوعبدالله :) :)

[إنتعاش]

هلا فيك بوعبدالله

يجيب 200 الف ؟


والله من زمان حاط 200 الف سعره بس ما بعته

ياخي عزيز علي :)

[boabdullah]

هلا فيك بوعبدالله

يجيب 200 الف ؟


والله من زمان حاط 200 الف سعره بس ما بعته

ياخي عزيز علي :)

أنتعاش يجيبلك 200ألف وأكثر

بس أصبر عليه وتخيله بالأنجليزي (( فهمت اللي أقصده))

بوعبدالله :) :)

[Qatari 1980]

صدت لي واحد شكله يبي يبيع :D

الله يعطيكم العافيه بس كأنكم نسيتوا موضوعي :o

طيب أخوي انتعاش هل لك رغبه تبيع رقمك ؟؟

اذا لك رقمه ياريت تقولي علشان نتفق على سعر :rolleyes:

وبعدين رقمك يستاهل الصراحه لكن بعد سعره يعتمد على الارقام اللي عليها x

مثلا لو كان الرقم هو صفر يفرق عن لو كان الرقم 3 هذا على سبيل المثال :cool:


:eek: يله محد يبي يبيع

والله الناس ابطروا :confused:


مع التحيه

[إنتعاش]

لا لا اخوي

لو رقمي 0 كان لقيتني حاط سعره مليون هههههههههه

266666

وما اظن اني ابيعه دامه واصل 200 الف على كلام الشباب

زيدهم انت 50 الف وافكر خخخخخخخخ

[Qatari 1980]

:eek: بل بعد بتفكر



:(



الظاهر مالك نيه بس تبي تزهقني :D


بس دامك مشرف عام تمون :o

[السهم الازرق]

مع احترامي لوجهات نظركم ..

ودي اضيف تجربه شخصيه صارت في الكويت ..

ارقامنا كانت فرديه و زوجيه و ثلاثيه الى ان تصل الى رباعيه ..

مع تغيير الحروف فقط .. و هالكلام سنة 90 اذا تذكرون ..

و وقتها واحد من الاهل شرى له رقم زوجي كلفه تقريبا 70 الف ريال ..

طبعا 70 الف ريال سنة 90 يسوى 700 الف الحين .. يعني كان مبلغ وقتها ..

بعد كم يوم .. صار الغزو العراقي ..

و رجعت الكويت حره ولله الحمد و راحت على صاحبنا 70 الف مثل السلام عليكم ..

لحد يفهم كلامي غلط ..

الله يحفظ قطر و اهلها من كل طامع يا رب ولا تشوفون اللي شفناه ..

لكن هذا دليل ان الاشياء اللي من هالنوع مثل رقم سياره و غيره استثمار فاشل ..

و ممكن يزول بأي لحظه .. بعكس الاسهم و العقار ..

و بالنسبه للارقام في قطر انا صارلي سنتين اسمع اخبار انها بتتغير ..

و توقعاتي ان الظروف حاليا مهيئه للتغيير للاسباب اللي ذكرتها في ردي السابق ..

يعني نصيحه لله اللي عنده رقم و جايب له سعر يبيعه الحين و يخللي فلوسه للفتره الجايه ..

جايتكم شركة صناعات متوسطه و شركة المنيوم و بنك اسلامي و ما خفي كان اعظم ..

كل هالاكتتابات تتطلب سيوله و حرام تجمد هالسيوله في رقم ممكن يروح عليك في اي لحظه ..

تحياتي لكم و آسف للاطاله

[أحسينوه]

أخوي / كتاب الذكريات .. بصراحه أنا واحد ( وأمانة أقولها ) أكره شغله عندي وأعتبرها سخافه (

إسمحولي يعني ) هي مسئلة وضع مبلغ مالي ( قدره كذا وكذا ) في رقم . سواء رقم تلفون , سياره ,

إلخ .

بس ع العموم أنا عندي رقم 7×××× .. إذا لك خاطر حط السعر . بس بالمناسبه رقم اللوحه أخضر :(

يعني حق ( عراوي )

:d

[إنتعاش]

توكل على الله

250 الف ريال ومبروك عليك

[مغروور قطر]

اخوي انتعاش 250 الاف موب شينه حق يوم الاحد المصرف

[سعادة الوزير]

مع كل احترامي للشباب الموجودين .. بس اعتقد المكان للعقارات والاراضي ومب لأرقام السيارات ولامكان بيع وشراء ارقام ولوحات!!!!

[roadrunner]

xyxx


هذا هو

السلام عليكم.



اشم ريحة ارقام هنيه ... على العموم .. ضايق الصدر .. عندي رقم مشابه حق رقمك .... وجاب لي 80000 ... وناوي ابيع رقمي ... بس بسعر اكثر من كذي .... شوف .. اذا بعت رقمك وحد سألك عن رقم مشابه حق رقمك قطه صوبي ... بس مادري .. بكم تنصحني اعرضه .. يعني كم يجيب لي هالأيام.


ودمتم سالمين

[مغروور قطر]

مبرمجنا صباح الخير ضايق يقول جاب له 100 الاف

[roadrunner]

مبرمجنا صباح الخير ضايق يقول جاب له 100 الاف


لا إله الا الله عليك يا مغرور ... والله مامداني اكتب المشاركه وعى طول عدلت عليها .. عاد اصبر شوي الله يهداك .. ما انتبهت على السعر الي اكتبه ضايق. :rolleyes:

[مغروور قطر]

هاهاهاها حاضرين لك نحنو هنا

[Qatari 1980]

السلام عليكم

(( السهم الازرق ))

أخوي العزيز فعلاً صعب الواحد يستثمر في رقم
أو يحط مبلغ كبير فيه بنيه أنه يبيعه بعد فتره وأنا معاك في كل كلمه قلتها
لأن فيه كثير من الاحتمالات ممكن تصير ويروح عليه الرقم وتروح عليه الفلوس

على العموم أنا أبغي الرقم للاستخدام الشخصي وماهو حق الاستثمار
انا راضي بالمكتوب وحتى لو صار شي وراح الرقم راح أقول الحمد لله ;)


(( احسينوه ))

لو جينا للحق كلامك صحيح وما أقدر أقول غلط
لأني أنا واحد أشوف هالشي سخافه وماله معنى
لكن الناس تعودوا على هالحال وأنا واحد من الناس
والصراحه من زمان وانا معاي هالحال :eek:
على العموم بالنسبه للنمره الخضره :o

أنا بعد شفت رقم ثلاثي xyx


بس على سيارة شرطه :o


:p


مشكور على المشاركه ;)


مشرفنا العزيز انتعاش

الصراحه رقمك حلو ويستاهل
وأنا برسل لك رساله خاصه علشان أخذ رقمك ونتفاهم

بس أنا حالياً ماني في الدوحه وبرجع بعد شهر انشاء الله


(( سعادة الوزير ))

القاضي راضي أنت وش عليك :mad:

عموماً مشكور على المشاركه وآسف اذا نزلت موضوع في مكان غير مكانه ;)

(( مبرمج المنتدى ))

تعال تسوي نفسك ما تشوفني :p

تشوفني أطلب أرقام مميزه وتروح تسأل ضايق الصدر يشوف لك واحد يشتري :cool:

على العموم أخوي ياريت اذا عندك رقمك تحطه علشان نشوفه

واذا لك نيه تقول لنا كم طالب فيه :confused:

[هامور]

مرحبا بصاحب الذكريات وصاحب الارقام المميزة (( هذه بعد ماتشتري رقمي :) ))

عندي رقم ثلاثي غير مستخدم تقريبا (( من اول اسبوع نزلته هذا الكلام قبل 4 سنوات او اكثر ))

يعني يعتبر غير مستخدم

الرقم واصل قبل سنة ونصف السنة او سنتين مائة الف ريال قطري ومابعت

والحين ولاني اصلا مااستخدمه ناوي ابيعه ولكن حسب المبلغ اللي بيجيبه

والرقم هو : $ $ 8

ملاحظة باقي الارقام ارقام زوجية ( 2 , 4 , 6 )
مثال : 864 او 862 او 846 او 842 او 826 او 824

سم وفالك طيب

تحياتي

[almazam]

انا عندي رقم ثلاثي خذته 11000 في 2001
من شهر جابلي 150000
بس مب للبيع
حبيت اوضح ان الارقام في ارتفاع
وعن تغيرها لا توجد نيه في تغيرها
ولكن في تعديل شكلها
والله العالم بعد 5 او 6 سنين


تحياتي لكم

[Qatari 1980]

(( هامور ))

من زمان وأنا عندي أرقام مميزه :D

عندي رقم 1xxxx6
وعندي بعد أكثر من رقم مميز

لكن خاطري في رقم ثلاثي مميز :o

أخوي هامور الصراحه ما فهمت عليك :D

في البدايه قلت أن الرقم 8xx

وهذا معناه أن الرقمين اللي بعد رقم 8 متشابهين

وبعدين قلت أن الرقم ثلاثي وما فيه تشابه

يعني هل رقمك هو zxy يعني ما فيه أرقام متشابهه
بس اللي يميزه أن كل الارقام زوجيه ؟؟


على العموم انشاء الله راح أراسلك في الخاص ونشوف سعرك النهائي


(( almazam ))

أخوي فعلاً أسعار الارقام في ارتفاع لكن ؟؟؟

أنا شفت كثير من الناس يبالغون في أسعار أرقامهم والمشكله محد يشتري

يعني أنا شفت واحد قالي رقمي جاب لي 140 ألف وأنا ببيعه وانتظر اذا فيه سعر أعلى منه

وأكتشف بعد سنه أنه رفع السعر الى 200 ألف

والمشكله محد يشتري بهالسعر وخاصه أن الرقم ما يستاهل كل هالمبلغ

علشان هالسبب تلقى كثير من الارقام معروضه وبمبالغ خرافيه لكن شوف من يشتري :D


بس أخوي ممكن تقول لنا كم الرقم اللي عندك علشان نقدر نقيمه
يعني مثلا xyy والا xyx والا x0y والا 1xy والا xy1 والا xyz والا xy0

يعني عطنا شلون تشكيلة رقمك :rolleyes:



مع التحيه

[almazam]

كتاب الذكريات

هناك الكثير من التشكيلات التى تختلف من ذوق الى اخر
فمثلا
واحد يفضل ارقام القفل

مثل 4y4

واخر يفضل الصغيرة
مثل 12y

وناس تفصل الى فيها 0

مثل 10y

9y0

وفي من يفضل رقمين متشابهين

مثل 3xx

xx5

وناس تاخذ على 2 و 6 بالعربي وبينهم رقم

مثل 2y6 بالعربي
او بالعكس

وهذا الي املكه
والتعديل الجديد راح يحول الارقام الى الانجليزيه يعني
راح يفقد قيمتة

وانا الصراحة يوم خذته مافكرت في هذة الاشكال
اللهم اي رقم بس ثلاثي
اتمنى لك التوفيق

[السهم الازرق]

كتاب الذكريات ..

الظاهر ما بإذنك ماي :confused:

عالعموم النفس و ما تهوى و القلب و ما يريد :rolleyes:

الله يهنيك في حلالك و يوفقك في مقاصدك ..

و مبروك مقدما ;)

[ضايق الصدر]

مبرمجنا كم رقمك
يمكن اشترية

[ضايق الصدر]

يالربع باقولكم سالفه >> متفيق
رحت ادور ارقام في شارع السد
ولقيت رقمي معروض
في كذا محل
ويقولي المصري ترى الرجال محتاج ويبي افلووووس ضروري<<<<<بغيت اضربة
وقالي انه عند افلان بن افلان وقتله كلمه بس زين انه ما رد وسافرت في نفس الليله
ولا كنت باشتكي عليه

[qatarboy]

يا شبابا ترى الارقام بتتغير...و كل الارقام بتصير بالانجليزي....و الارقام اللي فيهم 0 هالايام تنباع بالملاييييييين....ناس وايد اشتروا بمليونين و اكثر و هذا كلام و عليه دليل و انا متأكد ان فيه كم واحد موجود هنيه و يعرف هالشئ.......الله يوفق الجميع....وبالمناسبه انا لا عندي ارقام ولا هم يحزنون

[ضايق الصدر]

نعم فيه رقم انباع من كم يوم باثنين مليون ونص

[هامور]

السلام عليكم

صبحك الله بالخير ذكريات

آسف

الرقم بدايته من السيار 8 صحيح بس الرقمين المتتاليه ارقام زوجية ولكنها غير متشابها

وترى بعد مايتم التعديل الى الارقام الانجليزية بيطلع خيالي

اذا لك نيه تشتري ترى اخوك ناوي يبيع لاعلى سعر

وعندي رقم بس مب للبيع وحبيت اعرف قيمته وكم يسوى وبدايتة 1 والباقي رقمين تصاعدي مثال 34 او 45 او56 او67او78 او 89 ...اوضحت الصورة

تحياتي

[الناصح القنوع]

انا ما ايد ان الواحد ياخذ هذه الارقام بهذه المبالغ لاني استغربت من رقم قال لي عنه احد الاصدقاء انه معروض للبيع بمئتين الف ريال نعم 200,000 ريال انظر الى الاصفار جيدا و إذا ماخاب ظني الرقم هو 9966 او 9955 انا غير متأكد ولاكن ممكن اتأكد بعدين

[العنان]

الارقام اللي فيها صفر تنباع بالملايين والله شي حلو وانا عندي رقمين خماسي
y1010
I ------- 80y80
كم يجيبون لي :)

[بـوصـالـح]

والله شكل السالفه تستاهل

طيب

اشرايكم

برقم


27272 واخر شي رقم بس مب 7

الرقم زوجي

يله عطونا السومه

وانشوف كم

[ضايق الصدر]

بو صالح عندك ارقام شبك
ورا بعض

[qatary1]

زين رقم للبيع xx700

كم يسوون 9xyy

[بـوصـالـح]

لا يا ضايق الصدر

[ضايق الصدر]

شكرا بو صالح
وقطري كم تبي الرقم الرباعي

[qatary1]

15 الف ياضايق الصدر

[ضايق الصدر]

15 الف وايد
مالك خاطر اتنزل

[qatary1]

راح الرقم
والرباعيه والله مولعه ياضايق

[ضايق الصدر]

مبروك عليك يا قطري 1

[بعيد الدار]

والله اخوي الرقم الثلاثي حلو وسوقه ماشي بس نصيحه اذا بتشتري اشتر رقم فيه 1 أو 0 لان السعر يفرق خاصه اذا وجدو مع بعض


ونصيحه مشكلت الرقم الثلاثي والارقام المميزه ينصادون بسرعه يعني تسوي شي ولا شي رقمك ينحفظ بسرعه هذي :eek: نصيحة راعي استعارض :D :D :D ههههههههههههههه لاني مشتري رقم مميز وكل ما اسوي شي انصدت مادري متحبلين لي ولا شلون ومن غيرت الرقم وركبت رقم غلج شوي اوه احس انهم كل ما سجلو الرقمين اللي اول شي توهقوا بالباقي ههههههههههههههه

[هتلر]

يا جماعه الخير فيكم حد يقدر ا فيدنى!!!!!!

[saud1]

zzzzz