رد من مدير علاقات العملاء في تويوتا العالمية في اليايان السيد/ شينيتشيرو ماتسوكا )

[واحد ثقة]

سبب وضعي للرد الذي وصلني في موضوع مستقل هو أن البعض لم ينتبه لوجوده في الموضوع السابق هذا :

http://www.qatarshares.com/vb/showthread.php?t=278008


والبعض لايعلم بأنه أصبحت لدينا قناة تواصل مباشرة مع تويوتا اليابان ، وبإمكاننا الآن أرسال الشكاوى مباشرة إلى الشركة الأم كي نوصل إليها مانعانيه من هذا الوكيل التعيس ،،،


هذه نسخة من رسالتي للسيد/ شينيتشيرو ماتسوكا :


Dear Sir

My name is ************, I am from Qatar and my family have been buying Toyota since the sixty and I am too.

Less than a year ago I bought a land cruiser GXR V8 from Qatar main dealer and all the services been done by the dealer , after only 30.000 km the car started to make a big noise from the engine I brought the car to the dealer , after two days I went to see my car and they told me that they can’t define the problem and the engine must be opened !

Then , I went to the Manager of the maintenance but unfortunately he forced me to agree for opening the engine and he said that this is my only choice !

Dear sir, the car still under warranty and I am asking you to change my car engine with a new one because the car is not as same as before and the problem was a manufactures fault and I’m not sure that the problem will not happen again , so could you please look at the matter very seriously and let me know your answer



وهذا الرد الذي وصلني اليوم ، أي بعد يومين من رسالتي :



Our Ref. NCR-0038888-01-M


July 7, 2009

To: Mr. ***********

cc: ABDULLAH ABDULGHANI & BROS. CO. W.L.L.

From: Shinichiro Matsuoka, Customer Relations Div., TOYOTA MOTOR CORPORATION

Dear Mr. Al ********:

Thank you for your email of July 5, 2009 concerning your Land Cruiser.

We are sorry to learn of the situation you have encountered.

In order to ensure a thorough review of the situation as described, your
message has been referred to:

ABDULLAH ABDULGHANI & BROS. CO. W.L.L.
Doha Toyota main service center
Street No 6, Industrial area. Doha,
QATAR

Phone: 4604524

They are responsible for resolving customer concerns. Please be advised
that for resolution of your matter, they are not able to repair the problem
without necessary investigation. We appreciate your kind understanding.
You will be contacted by that office in the near future.

We regret that you have had a problem and are hopeful it can be resolved in
a timely manner.

Best regards,

TOYOTA MOTOR CORPORATION

Shinichiro Matsuoka
Group Manager
Overseas Operations Department
Customer Relations Division



والترجمة من أحد المواقع وهي ليست بدقيقة :



إشارتنا. المقاومة - 0038888 - 01 - ميم
7 يوليو 2009

الى : السيد *******

ج ج : عبد الله عبد & بروس. شركة W.L.L.

من : شينيتشيرو ماتسوكا شعبة علاقات العملاء ، شركة تويوتا

عزيزي السيد ************* :

شكرا لك على البريد الإلكتروني من 5 يوليو 2009 لكم لاند كروزر.

ونحن نأسف لمعرفة الوضع الذي صادفتموه.

من أجل ضمان إجراء استعراض شامل للوضع على النحو المبين ، والخاص بك
وقد أشارت الرسالة إلى ما يلي :

عبد الله عبد & بروس. شركة W.L.L.
الدوحة الرئيسي لمركز خدمة تويوتا
شارع رقم (6) ، ومنطقة صناعية. الدوحة ،
قطر

هاتف : 4604524

وهي مسؤولة عن حل للعملاء. نرجو الإحاطة
إن القرار الخاص بك لهذه المسألة ، وأنهم غير قادرين على اصلاح هذه المشكلة
ما يلزم من دون تحقيق. ونحن نقدر التكرم التفاهم.
هل سيكون هذا المكتب الذي اتصلت به في المستقبل القريب.

ونأسف لأنه كان لديك مشكلة ونأمل ان يتم تسوية في
الوقت المناسب.

مع أطيب التحيات ،

شركة تويوتا

شينيتشيرو ماتسوكا
مدير المجموعة
قسم العمليات في الخارج
قسم علاقات العملاء

=====



ملاحظاتي على الرسالة :

1- تم إرسال نسخة كربونية ( cc ) لشركة عبدالغني.

2- وردت هاتين الجملتين وهن مهمات :

(( نحن نأسف لمعرفة الوضع الذي صادفتموه ))

(( لاينبغي على الشركة حل هذه المشكلة من دون إجراء التحقيقات اللازمة ))

وفيها بعض اللوم للشركة بطريقة غير مباشرة.

3- إرسال الرسالة لي مع نسخة للشركة سيجعل المسؤولين فيها يعلمون بأننا أصبح لدينا قناة تواصل مباشرة مع شركة التويوتا الأم وهذا أهم شي من وجهة نظري.

قد يقول البعض بأن الشركة لن تفعل شيئاً ، وأنا أقول بأن وصول أصواتنا للشركة الأم لابد أن يكون له تأثير وصدقوني بأن كثر الطق يفكّ اللحام !

[Q A T A R]

:nice:
:nice:
:nice:
:nice:
:nice:

[Q A T A R]

:nice:
:nice:
:nice:
:nice:
:nice:
:nice:
:nice:
:nice:

[وحيد-الشوق]

وصدقوني بأن كثر الطق يفكّ اللحام !

:nice:

الله يعينا على شركة تويوتا التعبانة :anger1:

[JoOoOoOoJ]

والله يا اخوي احييك من كل قلبي على اسلوبك و خصوصا انك وصلت للي اعلى من الوكيل بقطر ...

بس للأسف كان ردهم عباره عن مجامله بحت ...

و اتمنى منك لو انك تخبرنا ..هل فعلا الوكاله ردوا عليك و كلموك و سألوا عن مشكلتك ...


صدقني اني مقتنع 100% انه الموضوع عباره عن مجامله ...والوكيل بالدوحه ما راح يعمللك اشي ...

لكن المطلوب منك انك ترجع و تراسل نفس الشخص و تقوله انه ماصار شي جديد (في حالة الوكيل ما كلمك او حل المشكله)

[خيال شمر]

صح كلامك بس ياخوي ياريت لو تتاكد لو ان شاءالله وافقوا انه يبدلون المكينه تتاكد من الكراجات الي برى المعروفة بان المكينه صحيح اتبدلت ولا فقط افتحوها وتم تصليحها ... هنا راح تكون الواقعه عليهم شديده :)

[مستثمر111]

والله بيعطونك طااااااااااااااف

[الخبــره]

اتمنى مجهودك مايروح بلاش
اهم شئ لاتياس خلك متابع وياهم

[q6ri_vip]

اتمنى مجهودك مايروح بلاش
اهم شئ لاتياس خلك متابع وياهم

من البدايه مافي أي مشكله أصلا بس المشكله ان الاعضاء متفاعلين بزياده معاه او مب فاهمين موضوعه .

مثل ماذكر صاحب الموضوع ان طلع صوت في مكينته ووداها الوكالة وقامو بالواجب وضبطوها له طبعا على الضمان .

انزين وين المشكله الحين ....؟
يعني يبي مكينه جديده ؟؟؟ طبعا انسى هالشي والكل عارف .

[غير عنهم]

(زين سويت والكراج في قطر جد تعبان )
بس ياليتك تطرقت عدم سريان ضمان السيارت توبوتا الخليجيه في الكراج في قطر

[qatar005]

من البدايه مافي أي مشكله أصلا بس المشكله ان الاعضاء متفاعلين بزياده معاه او مب فاهمين موضوعه .

مثل ماذكر صاحب الموضوع ان طلع صوت في مكينته ووداها الوكالة وقامو بالواجب وضبطوها له طبعا على الضمان .

انزين وين المشكله الحين ....؟
يعني يبي مكينه جديده ؟؟؟ طبعا انسى هالشي والكل عارف .

انا مع اخوي قطري

اي شركه في العالم ممكن انها تغير لك المكينه المضروبه بمكينه جديده على قولتك اذا كانت فيها غلطه مصنعيه يعني اذا تكرر الموضوع اكثر من مرتيين

بالعربي

اول مره بيفتحون المكينه وبرتبونها وسلمونها لك واذا صادفتك نفس المشكله ودها وقولهم عندي نفس المشكله وشكلكم ماصلحتوها وراح يضبطونها للمره الثانيه ( وهاي دليل كافي على عجز الشركه على التصليح )وفي المره الثالثه الله لا يقول نفس المشكله صارت لك حزتها لا بيك تصارخ ولا اطرش ايميلات روح لهم وهم بنفسهم بغيرون لك بمكينه جديده

وهاي عن واحد مجرب مع محاكم بس على شرط تتكرر المشكله اكثر من مره حزتها تكون غلطه مصنعيه مب من اول مره

وانشالله اكون فدتك بشي ....

والله يوفقك

[وتبقى الدنيا حلوه]

الله يعينك

[واحد ثقة]

والله يا اخوي احييك من كل قلبي على اسلوبك و خصوصا انك وصلت للي اعلى من الوكيل بقطر ...

بس للأسف كان ردهم عباره عن مجامله بحت ...

و اتمنى منك لو انك تخبرنا ..هل فعلا الوكاله ردوا عليك و كلموك و سألوا عن مشكلتك ...


صدقني اني مقتنع 100% انه الموضوع عباره عن مجامله ...والوكيل بالدوحه ما راح يعمللك اشي ...

لكن المطلوب منك انك ترجع و تراسل نفس الشخص و تقوله انه ماصار شي جديد (في حالة الوكيل ما كلمك او حل المشكله)


نعم أتصلوا فيني مكتب المدير العام اليوم وقالوا بيحققون في الموضوع وبيردون علي ،،

طبعاً ماراح أسكت إذا كان الموضوع مجاملة فقط وأكيد برسل مره أخرى إلى السيد ماتسوكا ،،

لكن ترى حتى المجاملة مهمة بصراحة لأن هذا يعني بأن صوتنا وصل للشركة الأم في اليابان صح ولا لا ؟؟

[الفا برافو]

اخوي عسى الله يكون في عونك.. وزين سويت بالتواصل مع الشركه الام ...
بس ودي اعرف من الشباب الباقي اللي عندهم نفس الموتر اذا حد صارت معاه نفس المشكله !!
لانه انا عندي كروزر 2007 وماخذه جديد من معرض البريمي والحمدلله ماصادفتني اي مشاكل فيه والحين ناوي اخذ كروزر جديد 8 سلندر 2010 بس موضوعك خلاني انشغل شوي
فارجوا من الشباب راعين نفس الموتر الافاده وتحياتي

[Small Investor]

عفوا اخوي على المداخله
بس الي فهمته من رسالتك انك تشتكي انه الوكاله يبون يفتحون المكينه وانت ما تبي لانها جديده والي تطلبه هو مكينه جديده

Dear sir, the car still under warranty and I am asking you to change my car engine with a new one because the car is not as same as before and the problem was a manufactures fault and I’m not sure that the problem will not happen again , so could you please look at the matter very seriously and let me know your answer

وجاء رده انه الوكاله ما تقدر تسوي اي شي الا بعد التحقيق ... والقصد من التحقيق هو الفحص الشامل منها فتح المكينه واجراء الفحص الشامل على كل الاجزاء .. وطبعا بطريقه غير مباشره يبي يقولك انه المكينه ما بتتغير الا في حالة انه المكينه ما بتتصلح ... وهذه الي يسمونها لغة تخاطب الاعمال Business Communication ومنها يقدرون يحافضون على قوتهم حتى في حالة وجود محامي

Please be advised
that for resolution of your matter, they are not able to repair the problem
without necessary investigation.

هذا والله اعلم

والله يعينك على محنتك

[Small Investor]

اخوي عسى الله يكون في عونك.. وزين سويت بالتواصل مع الشركه الام ...
بس ودي اعرف من الشباب الباقي اللي عندهم نفس الموتر اذا حد صارت معاه نفس المشكله !!
لانه انا عندي كروزر 2007 وماخذه جديد من معرض البريمي والحمدلله ماصادفتني اي مشاكل فيه والحين ناوي اخذ كروزر جديد 8 سلندر 2010 بس موضوعك خلاني انشغل شوي
فارجوا من الشباب راعين نفس الموتر الافاده وتحياتي

الشيخ ترى والله الناس حظوظ وهذه سيارات مصنوعه من قبل مصانع واجهزه والخراب يمكن يكون كبير في سياره ويكون صغير في سياره ثانيه معنهم من نفس المصنع ونفس الدفعه
لو انت بتحدد قرارك بالناس بتتعب والله .... فلانه موتره اخترب وفلان موتر ورده ..
اذكر في ال 2000 الوالد خذا له جي اكس ار وبعدها بسنه الجير طلعت فيه عله وتبدل على الظمان وبنفس الوقت عمي عنده نفس الموتر وتقريبا نفس الدفعه ولين يومك ما شاء الله يطحن .

هذا والله اعلم

[جاسم القطري]

اهم شي وصلنا اليابان :)

[واحد ثقة]

صح كلامك بس ياخوي ياريت لو تتاكد لو ان شاءالله وافقوا انه يبدلون المكينه تتاكد من الكراجات الي برى المعروفة بان المكينه صحيح اتبدلت ولا فقط افتحوها وتم تصليحها ... هنا راح تكون الواقعه عليهم شديده :)


خل ننتظر نتائج التحقيقات ونشوف :victory:

[واحد ثقة]

والله بيعطونك طااااااااااااااف


أتصلوا فيني مكتب المدير العام اليوم وانا في انتظار تحقيقاتهم على قولتهم ،،

[هذلان]

السلام عليكم


بكتب مشاركتي وانا ماقريت الردود كلها بصراحه .


حاس ان البعض مبسوط جدا من رد الشركه . هذا شيء عادي و المفروض اي شركه تسوي هالشي
وبالنسبه لشركه عبد الغني حصلت لواحد من ربعي قصه اصعب من قصه اخوانا شفيق بشوي وانا كنت حاظرها من البدايه للنهايه (واحد من الربع دخل سيارته لكسز سليمه و لعوزوه و اخروه و كذبو عليه و يوم سلموه السياره ولا فيها عطل ماكان موجود سابقا)
ارسل للشركه الام رساله و نسخه للشركه الي في الدوحه .

بعد ارسال الايميل بدون مبالغه في اقل من ساعه جاه اتصال من الدوحه .
وبعد ايام تفنش شخص اسمه عبدالله (اردني) كان مدير الاستقبال في كراج اللكسز .

وتم تعويضه بسياره لكسز يستخدمها لين مايجهز موتره.
وعملوله تشييك على السياره كامله.
وسووله خصم ٥٠٪ على كل الشغل .

[فريج البدر]

الله يعينكم يا أهل التيوتا كرهتها و السبة الوكالة التعبانه

[واحد ثقة]

اتمنى مجهودك مايروح بلاش
اهم شئ لاتياس خلك متابع وياهم


انا متابع معهم وإذا ماردوا خلال الأسبوع القادم سأرسل رسالة أخرى أشد لهجة إلى مدير علاقات العملاء في اليابان ،،

[السندان]

انا متابع معهم وإذا ماردوا خلال الأسبوع القادم سأرسل رسالة أخرى أشد لهجة إلى مدير علاقات العملاء في اليابان ،،

كفوا والله يابوشفيق:nice:

[سهم عنابي]

تحياتي لك واستغرب من شهر شريت في اكس ار فول ابشن جلد بدون دفي دي الا بطلب مفروض موتر

فول ابشن فيه كل شي

[واحد ثقة]

من البدايه مافي أي مشكله أصلا بس المشكله ان الاعضاء متفاعلين بزياده معاه او مب فاهمين موضوعه .

مثل ماذكر صاحب الموضوع ان طلع صوت في مكينته ووداها الوكالة وقامو بالواجب وضبطوها له طبعا على الضمان .

انزين وين المشكله الحين ....؟
يعني يبي مكينه جديده ؟؟؟ طبعا انسى هالشي والكل عارف .




لا والله ياخوك شكلك انت اللي مش فاهم الموضوع :)

خل تطلع مشكلة في مكينة موترك وهو ماوصل 30 ألف ونشوف هل بترضى يفتحون المكينة ولا لا مع أنه عيب من المصنع وانت مالك ذنب !

أنا الحين أطالب بحقي لأن المكينة على الضمان وإذا كان فيه أي عيب من المصنع يبدلونها الله لايهينهم ومالهم حق يفتحونها لأنها إذا انفتحت مستحيل ترجع مثل المصنع أبد خاصة إذا كان اللي فتح المكينة وكيل تعبان مثل وكيلنا ،، ولاضمانهم على كيفهم افتح وصلّح !

خوش ضمان والله !

[q6ri_vip]

لا والله ياخوك شكلك انت اللي مش فاهم الموضوع :)

خل تطلع مشكلة في مكينة موترك وهو ماوصل 30 ألف ونشوف هل بترضى يفتحون المكينة ولا لا مع أنه عيب من المصنع وانت مالك ذنب !

أنا الحين أطالب بحقي لأن المكينة على الضمان وإذا كان فيه أي عيب من المصنع يبدلونها الله لايهينهم ومالهم حق يفتحونها لأنها إذا انفتحت مستحيل ترجع مثل المصنع أبد خاصة إذا كان اللي فتح المكينة وكيل تعبان مثل وكيلنا ،، ولاضمانهم على كيفهم افتح وصلّح !

خوش ضمان والله !

يابوالشباب ومن قالك ماطلعت لي مشكله في مكينة السياره لا وازيدك اكس5

وماكمل ال 13 الف دام انه على الضمان شالمشكله وتم عمل صيانه للمكينه.

وثاني شي انت من طرحت الموضوع لأستلامك لسياره ماخذ ألا 3 ايام

وخلال هالفتره عطوك موتر ثاني تستخدمه ... هالكلام مب من عندي كله انت اللي كاتبه

يعني ماقصرو معاك ... ناس اتم مواترهم بالاسابيع والاشهر .

والضمان اللي انت مب عارفه يتكفل بالمكينه دام انها تتصلح واذا ماتتصلح يغيرونها لك .

خلاص شالمشكله الحين ؟ تبي موضوعك يكون حدث محلي في قطر .

والله هدي يابوشفيق الموضوع مايستاهل كل هذا .

[Qt.1]

والله يا اخوي احييك من كل قلبي على اسلوبك و خصوصا انك وصلت للي اعلى من الوكيل بقطر ...

بس للأسف كان ردهم عباره عن مجامله بحت ...

و اتمنى منك لو انك تخبرنا ..هل فعلا الوكاله ردوا عليك و كلموك و سألوا عن مشكلتك ...


صدقني اني مقتنع 100% انه الموضوع عباره عن مجامله ...والوكيل بالدوحه ما راح يعمللك اشي ...

لكن المطلوب منك انك ترجع و تراسل نفس الشخص و تقوله انه ماصار شي جديد (في حالة الوكيل ما كلمك او حل المشكله)


وانا اقول بعد لان الرد اصلاا مجامله ناسف حق الي صار وان شاء الله ايحلون مشكلتك زين شستفاد الشخص الي راسلهم ولااشي..!!!

[Zekreet]

والله يابو شفيق خطوتك هذه تعتبر سباقه وتجاوزت فيها الوكيل الى الشركه الأم مباشره وهذا يعني ان الناس بدت تفتح وتعرف توصل الكلام اللي تبي مش نفس أول . وفي تعليقات بعض الأخوان انه شي عادي والكل تم مواترهم في الصيانه لعدة شهور مش ذنبك اذا الشخص ما يبي يطالب بحقوقه .

وبخصوص رد الشركه الأم اليابانيه ترا الرد فيه من الدبلوماسيه الشي الكثيير ويطالبك بالصبر شوي لين مايخلصون التحقق من المشكله التقنيه مع عدم الألتفات اذا كان هناك مشكله في التعامل مع العميل.

وفي الأخير احب اقولك dai jo bo يعني انت اوكيه بالياباني.

[halcrow]

اكمل قصتك

مكينتك بتنفتح وتتصلح وترد تتعشا في كنتاكي وترقد

موضوع تتغير مكينتك انسى دام موجود مركز صيانه ...حالها حال اي سياره فيها عطل بالجير او حتى في السيستم ...من المصنع ...

[واحد ثقة]

يابوالشباب ومن قالك ماطلعت لي مشكله في مكينة السياره لا وازيدك اكس5

وماكمل ال 13 الف دام انه على الضمان شالمشكله وتم عمل صيانه للمكينه.

وثاني شي انت من طرحت الموضوع لأستلامك لسياره ماخذ ألا 3 ايام

وخلال هالفتره عطوك موتر ثاني تستخدمه ... هالكلام مب من عندي كله انت اللي كاتبه

يعني ماقصرو معاك ... ناس اتم مواترهم بالاسابيع والاشهر .

والضمان اللي انت مب عارفه يتكفل بالمكينه دام انها تتصلح واذا ماتتصلح يغيرونها لك .

خلاص شالمشكله الحين ؟ تبي موضوعك يكون حدث محلي في قطر .
والله هدي يابوشفيق الموضوع مايستاهل كل هذا .


من هنا نستطيع أن نصل إلى فهمك للموضوع :)

طرحي للموضوع كان بسبب ماعانيته من هذا الوكيل منذ سنين وليس الآن فقط ، ولايوجد في قطر أحد لم يكن له موقف سلبي من شركة عبدالغني ، ولاتجعل من فهمك المعكوس للأمور مقياساً ، وإذا كنت ترضى بأن يصبح الضمان للتصليح فقط مع أن العيب من المصنع فهذه قناعتك ولاتستطيع أن تفرضها على غيرك ، فنحن نرى بأن عيب المصنع يستبدل وأضع تحتها خط :)

ونحن لا نرضى بأن نتحمل أخطاء مصانع أو وكلاء ، فمابالك عندما يكون وكيل مثل شركة عبدالغني الذين لايثق أحد في مايقومون به من تصليحات وأعتقد بأن أهل قطر جميعهم يجمعون بأن شركة عبدالغني لاتوجد لديهم مصداقية وممكن أن ( يرقعون السيارة ترقيع ) ويقولون لك بأنهم أصلحوها ،،

من هنا أقول لك بأن تهدي أنت قليلاً فالكل يعاني من هذه الوكالة ويعاني من خدماتها ولاتكن عكس الخط لمجرد أن تصبح أنت ( حدث محلي في قطر ) على قولتك :)

[خــطــافــ]

اخوي رد اليابانيين فيه تأييدواضح لاجراءات عبدالغني

[العضوالرسمي]

اخوي محمد رد مدير مجموعة العمليات بالخارج وعلاقات العملا واضح مثل ماقلو بعض الاخون في المنتدى
فيه مجامله بس من نوع أخر ، ومعنى الرساله يحثك على انك تروح لقسم الصيانه لحل المشكله الى في سيارتك عند الوكيل في الدوحه ،حتى لو كان هناك اهتمام من الشركه في الدوحه واليابان في النهايه راح يكتب ريبورت عن حالة السيارة وفي النهايه بيكتبون
:this:(سوء استخدام وتغير في قوة المحرك):nono:،ولا تنسى بأنه يوجد مندوب من المصنع لحل المشاكل في قسم الصيانه من اليابان موجود في الدوحه من حوالي 8شهور يتابع العمل في في كراج عبدالغني .

اتمنى لك التوفيق وانشالله تحقق نتيجة ايجابيه لحل مشكلتك :)

[حمد]

اكمل قصتك

مكينتك بتنفتح وتتصلح وترد تتعشا في كنتاكي وترقد

موضوع تتغير مكينتك انسى دام موجود مركز صيانه ...حالها حال اي سياره فيها عطل بالجير او حتى في السيستم ...من المصنع ...

تاكيدا على كلامك ... سنة 99 كان عندي جي اكس ار ... عقب 3 ايام من شرائي ... دخلت السياره الوكالة لان القير يفصل .. وكانت السياره ماشية حول 250 كيلو بس ... قالولي بيصلحون القير وخلاص .... وعلى فكره رحت لين رئيس مجلس الاداره ... ولا في فايده .

وزيدك ... على 30 الف نزلوا القير مره ثانيه .... وقعدت احافص من شخص لي شخص ... ولا سوولي شي وصلحته وانا ساكت .. وعقب مشى معاي لين 280 الف ... وبعت الموتر وكل شي اوكي والحمدلله

بس لازم نتفق ان الي سواه بوشفيق انجاز... واحسن منا صراحه ... وبهطريقة والازعاج المستمر منا لخدمة العملاء على كل مشكله تواجهنا مع الشركه ... اكيد راح يكون في تحرك في النهاية وفايده لنا من هالشركة التعيسة

[عـيـون قـطـر]

الله يكون في العون مع شركة تويوتا

[حمد]

هذي مشاركه سابقة لي

قبل سنة تقريبا بنفس المنتدى


اسمع الي صار لي

سنة 99 شريت جي اكس ار ... خذته من الوكاله ... مافي احسن منه .... موتر مريح حلو ... طبعا الشكل توه جديد ماصار له سنه .

عقب مامشا ... الموتر عندي 200 كيلو بس .... القير قام يفصل والموتر يحفص بروحه... علما انه تماتيك ....وديته الوكاله .... قلت لهم غيرو الموتر ... قالولي .... لالا مايصير... احنا نصلح مانبدل .... ودخلت على رئيس مجلس الادارة ... ولا سوالي شي .... وقالي انتوا تلعبون في السياره .... وتبون نغير لكم اياها ..... ضحكني صراحه ... بس قطعته الا شوي .. ... وين لحقت العب فيها .... السياره ماصار لها يومين .

المهم

صلحوا السياره ... وصارت اوكي ... ولا فيها شي ... عقب فتره ... صار القير يرجع في الـ n اذا ضربت بريك قوي شوي .... قبل اشارة ولا دوار ... علما ان من يوم خذت السياره لي بعتها ..سنة 2006 .... وفي صوت في البريك ... تقول حديد .... يحك في القار ... مع كل بريك ... سواء سفايف جديده او قديمه . ولا حد في الدوحه قدر يحل المشكله !!!

يوم مشى الموتر حول 30 الف ... قام القير يفصل بروحه .... ورجعت المشكلة الاولى ... ورحت الوكالة ونزلوا القير مره ثانيه .... علما اني لا مال سباق ... ولا طعوس

صلحولي القير .... وديت الموتر البيت .... ركبته ثاني يوم ... ريوست .... الا في بقعة ايل ... تحت السياره ..... وديت السيارة الوكاله .... الا قالولي انهم ماتيتواعلى برغي فلتر القير عدل !!!!!!!!!!!!

علما اني يوم دخلت السياره ... كان في ضربه بالصدام الامامي ... والخلفي .. طلبت منهم يصبغون الصدامين ..... يوم خذت السياره .... الا ملمس البدي خشن ...وصاير شوي املح .... رجعت السياره .... قالولي انهم كانوا يصبغون سياره جنب سيارتي .. وصاد سيارتي غبار الصبغ مال ذيك السياره

قالولي افا عليك ... نضربلك السياره بولش ... قلت لهم اوكي ... ضربوا السياره بس ماراح .... قالولي ... عندنا بولش خاص ... بنحطه لك .

خذت السياره .... ورحت مغسلة الصقر .... طريق سلوى .... الا راعي المغسلة ( فتحي ) يقولي ليش مسنفرين لك السياره قلت له شنو قالي حاكين لك البدي .... شي يسمونه سنفره .... يعني البدي متشمخ عندك بالكامل

ورجعت لهم كالعاده هواش وصراخ ولا في فايده .... من اكبرهم لي اصغرهم .

هذي قصتي مع الجي اكس ار .

قبل سنه خذت لي اف جي .....مرات البريك يفصل .... قبل الدوار ولا قبل الاشاره .... خاصة اذا في حفره صغيره في الشارع .... ولا الشارع مب مستوي عدل .

ال اقصده من كل هالسوالف والكلام الي صار لي .... ان الشي نصيب .... مرات تاخذ سياره الكل يمدحها ... ماتوفق فيها ... ومرات العكس

تصدق لو اولك ان عندي واحد من الربع ... عنده يوكن موديل 2002 ... ولي اليوم ... يقولي انه بس يبدل ايل وفلتر ... مكينه وقير في اوقاتهم .... ولا يصلح شي في السيار ويقول لي شلون الناس تقول الامريكي مب شي

في شي مهم جدا .... الواحد لازم يراعي لما بياخذ سياره جديده ... وهو خدمة الوكاله .... وماعتقد ان في حد يختلف معاي في ان خدمة تويوتا .... يمكن الاسوء في العالم .

المهم .... عليكم بالسياكل .... ترى الشي الوحيد الي مايحتاج صيانه ... وضمانه مدى الحياه

[ALHAJAJI]

كفو بوشفيق , ياريت توافينا بكل التطورات اولا باول

[شاي كرك]

في طريقة اسهل ؟؟

كتوقع على عريضة مثلا عشان يكون الوضع اسهل في توصيل صوتنا للشركة الام ..:)

لان مسالة ارسال شكوى عبر الايميل قد يستثقلها البعض

[تميم بن خالد]

عليك بهم والله ماكلينا قطع الغيار ضعف السعر بالنسبه للامارات والخدمه غاليه وتعبانه ...

وانا برسل لهم بشرح لهم المشاكل الاسعار المبالغ فيه بقطع الغيار ..

[بوناصر1]

يابوالشباب ومن قالك ماطلعت لي مشكله في مكينة السياره لا وازيدك اكس5

وماكمل ال 13 الف دام انه على الضمان شالمشكله وتم عمل صيانه للمكينه.

وثاني شي انت من طرحت الموضوع لأستلامك لسياره ماخذ ألا 3 ايام

وخلال هالفتره عطوك موتر ثاني تستخدمه ... هالكلام مب من عندي كله انت اللي كاتبه

يعني ماقصرو معاك ... ناس اتم مواترهم بالاسابيع والاشهر .

والضمان اللي انت مب عارفه يتكفل بالمكينه دام انها تتصلح واذا ماتتصلح يغيرونها لك .

خلاص شالمشكله الحين ؟ تبي موضوعك يكون حدث محلي في قطر .

والله هدي يابوشفيق الموضوع مايستاهل كل هذا .

اللي فهمته ان صلحو موترك وفي خلال فترة بسيطه مع توفير سياره بديله لك ولا انا غلطان

وبعدها بعثت ايميل لشركة الأم تشكي الحال

وردو شركة الام على الايميل يطيبون خاطرك

من وجهة نظري ان ماقصرو معاك والله يجزاهم خير

خلاص انتهى الموضوع ياخوي محمد الا اذا في شي ثاني حاب أتثيره .

[واحد ثقة]

اللي فهمته ان صلحو موترك وفي خلال فترة بسيطه مع توفير سياره بديله لك ولا انا غلطان

وبعدها بعثت ايميل لشركة الأم تشكي الحال

وردو شركة الام على الايميل يطيبون خاطرك

من وجهة نظري ان ماقصرو معاك والله يجزاهم خير

خلاص انتهى الموضوع ياخوي محمد الا اذا في شي ثاني حاب أتثيره .





هذا اللي انت فهمته ولكنه للأسف خطأ :)

السيارة جلست في الوكالة 10 أيام وليس 3 أيام ، ولا أعلم من أين أتى الأخ q6ri_vip بأن السيارة تصلحت خلال 3 أيام !

والسيارة البديلة لم يأت أحد بطاريها إلى بعد اليوم الرابع عندما تلاسنت مع مدير الصيانة وأخبرته بأنني سأشتكي عليهم ، عندها قاموا بالإتصال بي بعد أن خرجت وقالوا بأن السيارة البديلة جاهزة في قسم التأجير ، يعني كانوا يبون يسكتوني بس :)

وأنا بصراحة أستغرب كيف البعض يستنكر علي أني أطالب بحقي وكأن الشركة ملكهم أو كأني أطالبهم بشئ !

انا كعميل من حقي أن أعبر عن عدم رضاي بالخدمة وسأطالب بحقي غضب من غضب ورضي من رضي ، والموضوع لن ينتهي عند هذا الحد فأنا لن أرضى بالدنيّة على نفسي ،،


والأمر بيني وبين شركة التويوتا فأرجو من البعض عدم جعله أمراً شخصياً وكأن الشكوى تخصهم !

[halcrow]

هذا اللي انت فهمته ولكنه للأسف خطأ :)

السيارة جلست في الوكالة 10 أيام وليس 3 أيام ، ولا أعلم من أين أتى الأخ q6ri_vip بأن السيارة تصلحت خلال 3 أيام !

والسيارة البديلة لم يأت أحد بطاريها إلى بعد اليوم الرابع عندما تلاسنت مع مدير الصيانة وأخبرته بأنني سأشتكي عليهم ، عندها قاموا بالإتصال بي بعد أن خرجت وقالوا بأن السيارة البديلة جاهزة في قسم التأجير ، يعني كانوا يبون يسكتوني بس :)

وأنا بصراحة أستغرب كيف البعض يستنكر علي أني أطالب بحقي وكأن الشركة ملكهم أو كأني أطالبهم بشئ !

انا كعميل من حقي أن أعبر عن عدم رضاي بالخدمة وسأطالب بحقي غضب من غضب ورضي من رضي ، والموضوع لن ينتهي عند هذا الحد فأنا لن أرضى بالدنيّة على نفسي ،،


والأمر بيني وبين شركة التويوتا فأرجو من البعض عدم جعله أمراً شخصياً وكأن الشكوى تخصهم !

دام انه بينكم حله في المحاكم في محاميين الله مكثرهم شوفلك اشطرهم ورفع عليهم دعوى والله يوفقك بس لاتنسى ترفع تقرير بأن المكينه كان فيها عيب مصنعي :)

[واحد ثقة]

دام انه بينكم حله في المحاكم في محاميين الله مكثرهم شوفلك اشطرهم ورفع عليهم دعوى والله يوفقك بس لاتنسى ترفع تقرير بأن المكينه كان فيها عيب مصنعي :)


الموضوع للحين مانتهى وماحصلت الرد النهائي من الشركة ، شفيك مستعجل عالمحاكم :)

[الرايــق]

يعطيك العافية يابو شفيق ..

زين وصلت لهم وانا اقولك خلك ورا السيد ماتسوكا مادري شسمه ..

وبالنسبة للشباب المعترضين انا اشوف الي سواه بوشفيق احسن حل لان بكل بساطه هذا موتره
وكل واحد يحط نفسه مكانه ويشوف ردة فعله تجاه هالموقف

سلام عليكم

[qatarman8008]

الله يعينك اخوي وانا اتفق معاك في اللي قلته , الشركات كلها مب تويوتا بس اذا عرفوا يمشونك بيمشونك كانك محصل الموتر هدية من عندهم واذا شافوا انك تعرف تاخذ حقك بطيب والا بقوة بيعطونك اياه قبل لا تطلبه.

والسبب .. ؟؟ والله يقول لك اهل الدوحة طيبين وماشيين جنب الحيط كم كلمة طيبة توديهم وتجيبهم. وترى هذا اللي يرضى يتنازل عن حق من حقوقه وهو يدري انه مو غلطان يسمونه اي شي ثاني غير انه طيب.
لكن في معادلة بسيطة تقول اعطيك حقك عطني حقي. يعني تعطيني حقي من غير لف ولا عوار راس.

[وطن]

أخوي الرد واضح انهم ما يقدرون يبدلون لك المكينه وانهم ماراح يعرفون المشكلة الا اذا تم الفحص الدقيق لها
يعني بالعربي يفتحونها

وهذا الشي الطبيعي في معظم الشركات
اذا كل واحد سيارته طلعت صوت بعد سنة من الاستخدام وقالوا له بنفحص المكينه وطلب مكينه جديده
راح تكون خسارة كبيرة لهم وبيسكرون مصانعهم !!!

[halcrow]

أخوي الرد واضح انهم ما يقدرون يبدلون لك المكينه وانهم ماراح يعرفون المشكلة الا اذا تم الفحص الدقيق لها
يعني بالعربي يفتحونها
وهذا الشي الطبيعي في معظم الشركات
اذا كل واحد سيارته طلعت صوت بعد سنة من الاستخدام وقالوا له بنفحص المكينه وطلب مكينه جديده
راح تكون خسارة كبيرة لهم وبيسكرون مصانعهم !!!

مو هاي اللي نبي انوصله المعلومه بس مب راضي يفهم

لا وزيدج فتحو المكينه وسلموه الموتر يقول عيب مصنعي بعد مامشى موتره قريب ال 30الف

والحين يبي مكينه جديده وينتظر الرد من شركة عبدالغني بعد ماحكهم في المنتدى هههههههه

يعني اتعرفون من البدايه خدمتهم اتروحون تشترون من عنده ليش ؟

(( انا سبب نفسي بنفسي جبت صبعي صوب عيني )) :nice:

[قطري عصامي]

اخوي محمد شفيق ، لك كل الحق إن كنت ترى ذلك ، فأنت وحدك تقييم مقدار الضرر والمعاناه التى تواجهها من الوكيل بقطر ،

وأنا اتمنى ان يفيدك التواصل مع الشركة الأم في اليابان ، ولو أني اشك في هذا.

تقبل مروري

[واحد ثقة]

يعطيك العافية يابو شفيق ..

زين وصلت لهم وانا اقولك خلك ورا السيد ماتسوكا مادري شسمه ..

وبالنسبة للشباب المعترضين انا اشوف الي سواه بوشفيق احسن حل لان بكل بساطه هذا موتره
وكل واحد يحط نفسه مكانه ويشوف ردة فعله تجاه هالموقف

سلام عليكم



الله يعافيك اخوي وتسلم ،،

[واحد ثقة]

الله يعينك اخوي وانا اتفق معاك في اللي قلته , الشركات كلها مب تويوتا بس اذا عرفوا يمشونك بيمشونك كانك محصل الموتر هدية من عندهم واذا شافوا انك تعرف تاخذ حقك بطيب والا بقوة بيعطونك اياه قبل لا تطلبه.

والسبب .. ؟؟ والله يقول لك اهل الدوحة طيبين وماشيين جنب الحيط كم كلمة طيبة توديهم وتجيبهم. وترى هذا اللي يرضى يتنازل عن حق من حقوقه وهو يدري انه مو غلطان يسمونه اي شي ثاني غير انه طيب.
لكن في معادلة بسيطة تقول اعطيك حقك عطني حقي. يعني تعطيني حقي من غير لف ولا عوار راس.



صدقت يا أخي الكريم ،،

وهؤلاء الوكلاء ماينلامون لأن بعض القطريين مايطالبون بحقهم ويبون الناس ماتطالب بحقها مثل بعض الأخوة الذين يريدون مني أن أكون مثلهم وأسكت عن حقي وأرضى بالواقع الذي يفرضه الوكيل المحتكر للخدمة ،،

[واحد ثقة]

أخوي الرد واضح انهم ما يقدرون يبدلون لك المكينه وانهم ماراح يعرفون المشكلة الا اذا تم الفحص الدقيق لها
يعني بالعربي يفتحونها

وهذا الشي الطبيعي في معظم الشركات
اذا كل واحد سيارته طلعت صوت بعد سنة من الاستخدام وقالوا له بنفحص المكينه وطلب مكينه جديده
راح تكون خسارة كبيرة لهم وبيسكرون مصانعهم !!!



نعم الرد واضح :)

وهو أن الأمر سيتم التحقيق فيه ، وهذا بحد ذاته إنجاز هل تعلمين لماذا ؟

لأننا من عرفنا شركة عبدالغني واحنا تعاملنا معاهم هم فقط ويضعوننا أمام الأمر الواقع ولايكون بيدنا حيلة ، ولا مره قدرنا نوصل للشركة الأم ، ولكن هذه المرة يأتينا رد من الشركة في اليابان ونسخة للوكيل ، والموضوع مازال مفتوح !

وحتى لو لم أحصل على حقي كاملاً ، فمجرد أنني وجدت قناة تواصل مباشرة مع الشركة واستطعت أن أجعل الشركة تحسب حساب للعملاء بأنهم بأمكانهم التواصل مع الإدارة العليا للتويوتا هذا يعتبر منعطف مهم ، وأعتقد بأن الكثير سيستفيد منه :)

[واحد ثقة]

مو هاي اللي نبي انوصله المعلومه بس مب راضي يفهم

لا وزيدج فتحو المكينه وسلموه الموتر يقول عيب مصنعي بعد مامشى موتره قريب ال 30الف

والحين يبي مكينه جديده وينتظر الرد من شركة عبدالغني بعد ماحكهم في المنتدى هههههههه

يعني اتعرفون من البدايه خدمتهم اتروحون تشترون من عنده ليش ؟

(( انا سبب نفسي بنفسي جبت صبعي صوب عيني )) :nice:



طيب ليش مشتط وحالتك حالة ؟ اللي يقرأ كلامك يقول اني قاعد اكتب على طوفة بيتكم :)

ياخي بكيفي أطرح شكواي في أي منبر إعلامي ، وهذي المشكلة بيني وبين تويوتا ، وطرحتها علشان الكل يستفيد وعلشان الكل يعرف إيميل الشركة المباشر !

يا أخي انت قلت رأيك وانا حر اقتنع فيه ولا لا ، يعني لازم كل شوي ترجع وتحط تعليقات أقل مايقال عنها بأنها بدون طعم :)

خلاص عرفنا رأيك الله يحفظك وييسر أمورك :nice:

[hamoor4ever]

صدقني مابيسوون لك شي وراح يقولون لك شوف وكيلك وهم مالهم خص بس زين انك على الاقل تكلمت لان كثر الدق على قولتك يفك اللحام يمكن اليوم انت مايسوون لك شي لكن ان شاء الله بالمستقبل راح يتغير شي

[Grand T]

انا مع العضو وطن وخطاف وهالكرو وكل اللي قالوا الموضوع بسيط..........واعتقد بل اجزم ان الاخ العزيز بو شفيق ترجم الايميل غلط....مابي افتح ابواب ثانيه للنقاش في موضوع الترجمه بس...ياريت حد يطبع الرد اللي وصل من اليابان ويترجمه من محترف بدون الاشاره الا اني اشكك في قدرات بوشفيق في اللغه الانجليزيه.؟؟ وهو بيفهم كلامي....الرد ماكان الا مجامله بحته...وماكان فيه اي لوم لشركة عبدالغني كان رد بااااااااااااارد جدا وبالكاد يكون له معنى وحتى الاخ الياباني انجليزيته تعبانه جدا ...يرجى عدم اثاره الزوابع وترك الناس بحالها وعدم اشغالها ( بالخرابيط )

[وطن]

نعم الرد واضح :)

وهو أن الأمر سيتم التحقيق فيه ، وهذا بحد ذاته إنجاز هل تعلمين لماذا ؟

لأننا من عرفنا شركة عبدالغني واحنا تعاملنا معاهم هم فقط ويضعوننا أمام الأمر الواقع ولايكون بيدنا حيلة ، ولا مره قدرنا نوصل للشركة الأم ، ولكن هذه المرة يأتينا رد من الشركة في اليابان ونسخة للوكيل ، والموضوع مازال مفتوح !

وحتى لو لم أحصل على حقي كاملاً ، فمجرد أنني وجدت قناة تواصل مباشرة مع الشركة واستطعت أن أجعل الشركة تحسب حساب للعملاء بأنهم بأمكانهم التواصل مع الإدارة العليا للتويوتا هذا يعتبر منعطف مهم ، وأعتقد بأن الكثير سيستفيد منه :)

اخوي رد الشركة الأم مطابق للي قالوا لك اياه في عبدالغني

وايد سيارات تكون فيها عيوب مصنعيه من المرسيدس للبي ام للتيوتا

هذا شي طبيعي
وكل واحد وحظه
بس الشركة الأم ما توعد بتبديل المكينه بوحده جديده
هم قالوا لك لازم يصير فحص شامل يعني في الاخير بتنفتح

للعلم الايميل الكلمة اللي فيه تعني فحص وليس تحقيق "انفيستيجيشن"
بعض مواقع الترجمة تخورها :)
لانهم يترجمون الكلمة فقط وليست الجمله كامله

[بوناصر1]

انا مع العضو وطن وخطاف وهالكرو وكل اللي قالوا الموضوع بسيط..........واعتقد بل اجزم ان الاخ العزيز بو شفيق ترجم الايميل غلط....مابي افتح ابواب ثانيه للنقاش في موضوع الترجمه بس...ياريت حد يطبع الرد اللي وصل من اليابان ويترجمه من محترف بدون الاشاره الا اني اشكك في قدرات بوشفيق في اللغه الانجليزيه.؟؟ وهو بيفهم كلامي....الرد ماكان الا مجامله بحته...وماكان فيه اي لوم لشركة عبدالغني كان رد بااااااااااااارد جدا وبالكاد يكون له معنى وحتى الاخ الياباني انجليزيته تعبانه جدا ...يرجى عدم اثاره الزوابع وترك الناس بحالها وعدم اشغالها ( بالخرابيط )

انا اللي عرفته من ردوده قاعد يثير زوابع وكله في منتدى شبكة الاسهم القطريه

مثل ماانت عارف ان العضو كاتب الموضوع استلم سيارته بعد ماتم عمل الصيانه لها
بفتح المكينه واصلاحها ومن هنا انتهى كل شي .

انا اللي فهمته يبي مكينه جديده طبعا هالشي صعب والله وانسى انهم بيركبون لك مكينه جديده
ومن من من شركة عبدالغني ينيت انت :tease:

[واحد ثقة]

انا مع العضو وطن وخطاف وهالكرو وكل اللي قالوا الموضوع بسيط..........واعتقد بل اجزم ان الاخ العزيز بو شفيق ترجم الايميل غلط....مابي افتح ابواب ثانيه للنقاش في موضوع الترجمه بس...ياريت حد يطبع الرد اللي وصل من اليابان ويترجمه من محترف بدون الاشاره الا اني اشكك في قدرات بوشفيق في اللغه الانجليزيه.؟؟ وهو بيفهم كلامي....الرد ماكان الا مجامله بحته...وماكان فيه اي لوم لشركة عبدالغني كان رد بااااااااااااارد جدا وبالكاد يكون له معنى وحتى الاخ الياباني انجليزيته تعبانه جدا ...يرجى عدم اثاره الزوابع وترك الناس بحالها وعدم اشغالها ( بالخرابيط )


حياك الله ، ومادام الموضوع خرابيط على قولتك ليش تدش وتنزل مستواك للخرابيط :)

انا ماقلت إنجليزيتي ممتازة وإذا كنت قريت الموضوع عدل انا كتبت ( ترجمة من أحد المواقع وليست بدقيقة )

يعني مهوب انا اللي ترجمت الإيميل ولكن ترجمة قوقل وهي متاحة للجميع :victory:

بس شكلك مستعجل على الرد على ( الخرابيط ) :)

[واحد ثقة]

اخوي رد الشركة الأم مطابق للي قالوا لك اياه في عبدالغني

وايد سيارات تكون فيها عيوب مصنعيه من المرسيدس للبي ام للتيوتا

هذا شي طبيعي
وكل واحد وحظه
بس الشركة الأم ما توعد بتبديل المكينه بوحده جديده
هم قالوا لك لازم يصير فحص شامل يعني في الاخير بتنفتح

للعلم الايميل الكلمة اللي فيه تعني فحص وليس تحقيق "انفيستيجيشن"
بعض مواقع الترجمة تخورها :)
لانهم يترجمون الكلمة فقط وليست الجمله كامله


أختي وطن حتى لو كانت الكلمة تعني ( فحص ) فهنالك لوم للشركة وهذا بحد ذاته مهم :)

وهو يختلف عن رد الشركة لأن الشركة كان تعاملهم سئ وماقالوا شي إلا بعد ماهاوشتهم لأنهم ماكانوا يعرفون المشكلة ،،

وانا حتى لو مابدلوا المكينة راح أكبر الموضوع أكثر على الأقل ماكون منهزم نفسياً من البداية مثل البعض :victory:

عندنا مثل يقول :

( إن لقحت ولا ماضرّها الجمل ) :discuss:


وقناة التواصل موجود والإنترنت ببلاش:nice:

[وطن]

اخوي بخصوص ان خدماتهم سيئة ما نختلف معاك
ويحق لك اكيد انك تخاطبهم بخصوص هالموضوع

بس بخصوص الترجمة والمكينه وضحت لك وجهة نظري
والله يوفقك ويعينك عليهم

[واحد ثقة]

انا اللي عرفته من ردوده قاعد يثير زوابع وكله في منتدى شبكة الاسهم القطريه

مثل ماانت عارف ان العضو كاتب الموضوع استلم سيارته بعد ماتم عمل الصيانه لها
بفتح المكينه واصلاحها ومن هنا انتهى كل شي .

انا اللي فهمته يبي مكينه جديده طبعا هالشي صعب والله وانسى انهم بيركبون لك مكينه جديده
ومن من من شركة عبدالغني ينيت انت :tease:


سبحان الله ، كلٌ تفكيره على قدّه :)

[واحد ثقة]

اخوي بخصوص ان خدماتهم سيئة ما نختلف معاك
ويحق لك اكيد انك تخاطبهم بخصوص هالموضوع

بس بخصوص الترجمة والمكينه وضحت لك وجهة نظري
والله يوفقك ويعينك عليهم



شكراً اختي وطن ، وجهة نظر أحترمها ،،

[بوحارب]

الله يعطيك العافية بوجاسم

[Grand T]

( ضيعت وقت بما فيه الكفايه )...

[واحد ثقة]

( ضيعت وقت بما فيه الكفايه )...




الله يحفظك ،،

[خالد32]

ليش ماخذ تويوتا
و الله اتعجب منكم تسبون الشي و تروحون تشترونه ليش مب عارف

[واحد ثقة]

ليش ماخذ تويوتا
و الله اتعجب منكم تسبون الشي و تروحون تشترونه ليش مب عارف


تويوتا شركة ممتازة ومن أفضل شركات السيارات في العالم ولكن المشكلة في وكيلنا :)

انتقادنا كله لشركة عبدالغني وليس لمصنع تويوتا ، فنحن مضطرون لشراء سيارات التويوتا من عبدالغني وليس حباً فيهم ، فهم الوكيل الوحيد والأوحد والحصري و و و ، وإذا قمنا بشراء أي سيارة تويوتا من أي بلد آخر فأنه لايحق لنا التمتع بالضمان ،،

أتمنى أن تكون الصورة اتضحت لك الآن :)

[Northman]

حركه ,, و تخلي الوكيل يعرف ان الاوادم في الديره يفهمون و ممكن يوصلون صوتهم للي فوق الوكيل


بس تدري يابوشفيق ,, انا مره وحده قررت اغير و شريت سياره غير التويوتا , و جربت التعامل مع وكيل ثاني , ذوقني المر و كرهني في عيشتي
ترى وكيل التويوتا لو تقارنه بغيره من الوكلاء ,, بتشوفه ملاك

مكتوب علينا في قطر نتحمل هلوكلاء التعيسين

[واحد ثقة]

حركه ,, و تخلي الوكيل يعرف ان الاوادم في الديره يفهمون و ممكن يوصلون صوتهم للي فوق الوكيل


بس تدري يابوشفيق ,, انا مره وحده قررت اغير و شريت سياره غير التويوتا , و جربت التعامل مع وكيل ثاني , ذوقني المر و كرهني في عيشتي
ترى وكيل التويوتا لو تقارنه بغيره من الوكلاء ,, بتشوفه ملاك

مكتوب علينا في قطر نتحمل هلوكلاء التعيسين


كلامك صحيح ،،

ليس عبدالغني وحده ، والسبب الإحتكار مع ان قطر عضو في منظمة التجارة العالمية ،،

ولكن للأمانة هنالك وكالات ممتازة وتعاملها راقي جداً ،،

[وحيد-الشوق]

مايسوى عالرجال حاط الموضوع مايخلون الواحد يفضفض ولايقول الي في خاطره :anger1:

الله يعينك اخوي محمد

[زمن الغدر]

اي والله ياجماعه الرجال كتب رايه حسستوني انه شركه عبد الغني لكم
وتدافعون عنها
اليوم اروح اشتري كورا الريديتر الي تسكر الريديتر
مافيها الشركها بكبرها
مب عيب
ولا بافرعه
ومن متى من شهر والموظف يقول موصين عليها ويبيلها فتره
هههههههههههههههههههههه
وانا من راي الي مب عاجبه الي سواه الرجال لايعلق على موضوعه وربي في ناس تعلق تعليقات مالها داعي
والله يعين الجميع وبالتوفيق

[واحد ثقة]

مايسوى عالرجال حاط الموضوع مايخلون الواحد يفضفض ولايقول الي في خاطره :anger1:

الله يعينك اخوي محمد


شفت شلون :)

[واحد ثقة]

اي والله ياجماعه الرجال كتب رايه حسستوني انه شركه عبد الغني لكم
وتدافعون عنها
اليوم اروح اشتري كورا الريديتر الي تسكر الريديتر
مافيها الشركها بكبرها
مب عيب
ولا بافرعه
ومن متى من شهر والموظف يقول موصين عليها ويبيلها فتره
هههههههههههههههههههههه
وانا من راي الي مب عاجبه الي سواه الرجال لايعلق على موضوعه وربي في ناس تعلق تعليقات مالها داعي
والله يعين الجميع وبالتوفيق


هذا غيضٌ من فيض ،،،

ولو كان هنالك أي وكيل آخر للتويوتا في قطر لما باع عبدالغني سيارة واحدة !

[واحد ثقة]

تم إرسال رسالة أخرى للسيد ماتسوكا بيّنت فيها عدم رد الشركة وتجاهلها للموضوع إلا باتصال واحد فقط بعد رده على شكواي منذ خمسة أيام ،،

[ANONYMOUS]

تم إرسال رسالة أخرى للسيد ماتسوكا بيّنت فيها عدم رد الشركة وتجاهلها للموضوع إلا باتصال واحد فقط بعد رده على شكواي منذ خمسة أيام ،،


خلك وراهم يابو شفيق..

حلالك ... دافع فيه قروش.. والمال عديل الروح

وخلك من كلام المطبلين اصحاب الهايونداي والكيا :p

[خــطــافــ]

ماشاءالله الموضوع ذو شجون

اخوي محمد الموضوع عطاني انطباع عكسي عن الرساله اللي انت حبيت توصلها للاعضاء

اولا من خلال ارسال رساله للتويوتا في اليابان فهذا شي اعتبره ممتاز من جانبك

ثانيا الرد كان سلبي جدا من الشركه الام وهذي كارثه ++ فلاتظن ان حال التويوتا عندنا بينصلح دام ان الشركه الام تطبطب على وكيلها وهذا كان واضح من خلال ردهم على رسالتك مثل ماشرحت لك وطن اللبس اللي في الترجمه وانا اؤيدها ووضحته لك بمشاركتي السابقه

اخوي محمد انا صارت لي مشكله مع البورش من فتره السياره تعطلت بعد دخولي الدوحه من بوسمرا واتصلت بالشركه وخلوني واقف انطرهم ساعتين علشان ياخذون السياره ويوصلوني البيت++ اتصلت مباشرة بالمكتب الاقليمي في دبي اللي صار كالتالي

تصليح السياره بالمجان رغم ان الضمان منتهي على المكينه وغيروا السكان بالكامل خدمه اضافيه وركبوا تيك جديد كذلك

انا مش قاعد اسوي دعايه للبورش رغم تحفظي على خدمتهم ولكنهم في تطور

اللي احب اوضحه لك ان لو تعامل المكتب الاقليمي للبورش مثل ماتعاملت التويتا الام مع مشكلتك ايش بيصير

بتلقى البورش محد يشتريها لانها لقت العقاب من الزبون

اما التويوتا ضامن زباينه مع خدمته السيئه

تأكد اخوي اني معاك مش ضدك واتمنى لك انك تتهنى بموترك والله يعينك على هالوكاله


تحياتي

[واحد ثقة]

ماشاءالله الموضوع ذو شجون

اخوي محمد الموضوع عطاني انطباع عكسي عن الرساله اللي انت حبيت توصلها للاعضاء

اولا من خلال ارسال رساله للتويوتا في اليابان فهذا شي اعتبره ممتاز من جانبك

ثانيا الرد كان سلبي جدا من الشركه الام وهذي كارثه ++ فلاتظن ان حال التويوتا عندنا بينصلح دام ان الشركه الام تطبطب على وكيلها وهذا كان واضح من خلال ردهم على رسالتك مثل ماشرحت لك وطن اللبس اللي في الترجمه وانا اؤيدها ووضحته لك بمشاركتي السابقه

اخوي محمد انا صارت لي مشكله مع البورش من فتره السياره تعطلت بعد دخولي الدوحه من بوسمرا واتصلت بالشركه وخلوني واقف انطرهم ساعتين علشان ياخذون السياره ويوصلوني البيت++ اتصلت مباشرة بالمكتب الاقليمي في دبي اللي صار كالتالي

تصليح السياره بالمجان رغم ان الضمان منتهي على المكينه وغيروا السكان بالكامل خدمه اضافيه وركبوا تيك جديد كذلك

انا مش قاعد اسوي دعايه للبورش رغم تحفظي على خدمتهم ولكنهم في تطور

اللي احب اوضحه لك ان لو تعامل المكتب الاقليمي للبورش مثل ماتعاملت التويتا الام مع مشكلتك ايش بيصير

بتلقى البورش محد يشتريها لانها لقت العقاب من الزبون

اما التويوتا ضامن زباينه مع خدمته السيئه

تأكد اخوي اني معاك مش ضدك واتمنى لك انك تتهنى بموترك والله يعينك على هالوكاله


تحياتي



يا أخي الفاضل ،،

انا معك ومع الأخت وطن بأن الشركة الأم حنونة على وكيل مثل عبدالغني فهو من أكبر الموزعين لديها ،،


والدليل الرد الذي وصلني اليوم :

Dear Mr. ***********:

Thank you for your email of July 12, 2009.

We are sorry to say that we are still gathering information from our
distributor in Qatar, ABDULLAH ABDULGHANI & BROS. CO. W.L.L.

As we described in our previous message, our distributor is responsible for
your country to address your concern as a matter of urgency. We would
appreciate it if you could wait for their explanation.

Thank you for taking the time to write.

Best regards,

TOYOTA MOTOR CORPORATION

Shinichiro Matsuoka
Group Manager
Overseas Operations Department
Customer Relations Division


فالرد واضح بأن المدير لايريد أن يلقى باللوم الكامل على الوكيل ، ويقول بأنه مازال في انتظار التوضيحات وماشابه ، ويقول أيضاً بأن الوكيل في الدوحة هو المسؤول عن مايحصل في قطر بالنسبة للعملاء ، ويريدني أن أتحلى بالصبر حتى يصلني الرد من جهتهم ،،

ولكن ما أردت أن أوضحه بأن وصول الشكاوى مباشرة إلى مدير كبير في التويوتا سيكون له وقع إن عاجلاً أم آجلاً ، فالمدير الذي لايسمع أي شكوى لن يعرف بأن هنالك مشاكل مع هذا الوكيل أو ذاك ، أما عندما تصله شكاوى كثيرة من وكيل معين فإنه من الطبيعي سيطلب إيضاحات وسيضغط على هذا الوكيل لتحسين خدماته ،،

وقد قلتها في بداية هذا الموضوع أن الهدف الرئيسي ليس تغيير مكينة سيارتي مع أني لا أمانع لو تغيرت :) ولكن الهدف الرئيسي هو نشر هذه القناة المباشرة للتويوتا كي تصل الشكاوى وتتحرك الشركة الأم ولو بالضغط على الوكيل ، فمشكلتنا معه هي خدمة مابعد البيع السيئة ،،

[simota uae]

احب اعلق على الشباب اللي قالوا ان الموضوع عادي وما فيه اي مشكله والعطل هذا وارد في اي سياره غير التويوتا . وأن بو شفيق كبر الموضوع أكثر من اللازم.....في مثل يقول (اللي يده فالنار غير عن اللي يده فالماي) والرجال اللي سواه بالعكس كان عين الصواب لان الوكلاء الحثاله ما تهمهم لا مصلحتك انت يا العميل ولا مصلحة الشركه الام مصلحته هو وبس ...... بعدين إذا انا دافع 200.000 الف ريال بعد 30.000 كيلو من الاستعمال اواجه عطل فالمحرك وهذا المحرك هو وناقل الحركه الشي الرئيسي لسياره يعني من أساسيات المركبه والله تباني اروح الوكاله واترجاهم اصلحونها واضحك معاهم وأجاملهم عشان اصلحونها ..... أنزين وين الضمان اللي يتكلمون عنه والتصليح اذا بياخذ شهر ولا شهرين شو ذنبي أنا ...... طبعا لا شي سياره بدل ولا الله قاله.... يعني الخدمه ما بعد الشراء عندهم زيرووووووووو0 ومن حق بوشفيق يطالب بتصليح او بتبديل المحرك اذا طولت السالفه او بسياره اخرى يعني شي جديد ......... طبعا اغلب الشباب بيقولون بالغت في قولك تبديل الموتر بموتر جديد ........... ياخي اذا انت بايعني شي خربان انا كعميل شو ذنبي

الشي الغريب ان اكثر الشباب فالمنتدى يذمون الوكيل . وكأنهم 24 ساعه سيارتهم فالسيرفس ... يا جماعه والله اني من عرفت السيارات وانا مع التيوتا والله من اشتريها ما أدخلها إلا السيرفس الاول بس وبعدين انساها الوكاله ...أللين ابيع الموتر وارجع اشتري من عندهم موتر ثاني والسياره سيارة كراف واستخدام على الامد الطويل

وموضوع بو شفيق حاصل وواقعي وعسى الله يوفقه.

Good lack

[واحد ثقة]

احب اعلق على الشباب اللي قالوا ان الموضوع عادي وما فيه اي مشكله والعطل هذا وارد في اي سياره غير التويوتا . وأن بو شفيق كبر الموضوع أكثر من اللازم.....في مثل يقول (اللي يده فالنار غير عن اللي يده فالماي) والرجال اللي سواه بالعكس كان عين الصواب لان الوكلاء الحثاله ما تهمهم لا مصلحتك انت يا العميل ولا مصلحة الشركه الام مصلحته هو وبس ...... بعدين إذا انا دافع 200.000 الف ريال بعد 30.000 كيلو من الاستعمال اواجه عطل فالمحرك وهذا المحرك هو وناقل الحركه الشي الرئيسي لسياره يعني من أساسيات المركبه والله تباني اروح الوكاله واترجاهم اصلحونها واضحك معاهم وأجاملهم عشان اصلحونها ..... أنزين وين الضمان اللي يتكلمون عنه والتصليح اذا بياخذ شهر ولا شهرين شو ذنبي أنا ...... طبعا لا شي سياره بدل ولا الله قاله.... يعني الخدمه ما بعد الشراء عندهم زيرووووووووو0 ومن حق بوشفيق يطالب بتصليح او بتبديل المحرك اذا طولت السالفه او بسياره اخرى يعني شي جديد ......... طبعا اغلب الشباب بيقولون بالغت في قولك تبديل الموتر بموتر جديد ........... ياخي اذا انت بايعني شي خربان انا كعميل شو ذنبي

الشي الغريب ان اكثر الشباب فالمنتدى يذمون الوكيل . وكأنهم 24 ساعه سيارتهم فالسيرفس ... يا جماعه والله اني من عرفت السيارات وانا مع التيوتا والله من اشتريها ما أدخلها إلا السيرفس الاول بس وبعدين انساها الوكاله ...أللين ابيع الموتر وارجع اشتري من عندهم موتر ثاني والسياره سيارة كراف واستخدام على الامد الطويل

وموضوع بو شفيق حاصل وواقعي وعسى الله يوفقه.

Good lack



شكراً لك أخي الفاضل على إضافتك القيمة ،،

أسأل الله التوفيق للجميع ،،

[سعادة الوزير]

بصراحة في بعض الردود هني مب تفقع المراره ، الا المراره مع الطحال مع المصران ومع كل العفش!!

يا محمد شفيق انا اقول لك ماعليك من الناس الي يلومونك انك رحت اشتكيت ، انا اقول جزاك الله خير لانك تكلمت ورحت اشتكيت بالنيابة عن وايد "مغفلين" عندنا لاعبة عليهم الوكالة لعبة ، وراح اكون صريح ، انا كنت واحد من هلمغفلين ، لاني شريت سيارة جديدة من عندهم وكان الاريل مايطلع مادري ايش الي خربان فيه وستين مره اودي السيارة لهم ولا يصلحونه لين مابعت السيارة ، يا يبا انت الي سويته يا ريت الكل يسويه عشان الوكالة التعيسه تحس ان الناس ملت ودلت طريق الشكوى ، عيل في ذمتكم اللكزس الجيب في امريكا 65 الف دولار مع الضرايب يعني 237 الف واحنا 340 الف؟؟ .. ياريت الكل يرسل نفس الرسالة في اي مشكلة تصادفه مع الوكيل
للأسف احنا الي ذالين نفسنا لهم ، روحوا شوفوا الزبون شيسوى في شركات السيارات في امريكا ، ولا شوي ويحبون يده ، واحنا حتى الناطور الي يدخل السيارات في الصناعية نحط في يده بخشيش!!!

[واحد ثقة]

بصراحة في بعض الردود هني مب تفقع المراره ، الا المراره مع الطحال مع المصران ومع كل العفش!!

يا محمد شفيق انا اقول لك ماعليك من الناس الي يلومونك انك رحت اشتكيت ، انا اقول جزاك الله خير لانك تكلمت ورحت اشتكيت بالنيابة عن وايد "مغفلين" عندنا لاعبة عليهم الوكالة لعبة ، وراح اكون صريح ، انا كنت واحد من هلمغفلين ، لاني شريت سيارة جديدة من عندهم وكان الاريل مايطلع مادري ايش الي خربان فيه وستين مره اودي السيارة لهم ولا يصلحونه لين مابعت السيارة ، يا يبا انت الي سويته يا ريت الكل يسويه عشان الوكالة التعيسه تحس ان الناس ملت ودلت طريق الشكوى ، عيل في ذمتكم اللكزس الجيب في امريكا 65 الف دولار مع الضرايب يعني 237 الف واحنا 340 الف؟؟ .. ياريت الكل يرسل نفس الرسالة في اي مشكلة تصادفه مع الوكيل
للأسف احنا الي ذالين نفسنا لهم ، روحوا شوفوا الزبون شيسوى في شركات السيارات في امريكا ، ولا شوي ويحبون يده ، واحنا حتى الناطور الي يدخل السيارات في الصناعية نحط في يده بخشيش!!!



أخي سعادة الوزير ،،

الهدف الأساسي هو إيصال صوتنا للشركة الأم ، ومن هنا تعدمت نشر هذا الإيميل الرسمي لأنه يخص مدير علاقات العملاء في تويوتا اليابان ، وأعتقد بأن وجود إيميل لشخص ذو منصب كهذا في تويوتا له أهميته ،،

وبالنسبة للبخشيش فحدث ولاحرج :) ولانريد هنا التشهير فهنالك مشكلة وهذا الموضوع يخص هذه المشكلة فقط ،،

[واحد ثقة]

آخر التطورات ،،

وردني أمس اتصال من مدير علاقات العملاء في تويوتا قطر ( عبدالغني ) ، وأبدى الرجل اهتماماً شديداً وكان بصراحة لبقاً جداً في أسلوبه معي ، وبيّن لي مدى اهتمام الشركة بالعملاء وكيف أنهم على استعداد بأن يفعلوا أي شئ لإرضاء العميل ، لدرجة أني توقعت بأنهم سيهدونني سيارة لكزس جديدة بدلاً من سيارتي الـ gx-r :)

الإتصال دام أكثر من 45 دقيقة واسمتع الرجل إلى كلامي بإنصات تام واهتمام ووعدني بأنه سيجتمع اليوم مع الإدارة العليا في عبدلغني لأجل موضوعي ونحن في الإنتظار ،،

[jassas]

انا اللي عرفته من ردوده قاعد يثير زوابع وكله في منتدى شبكة الاسهم القطريه

مثل ماانت عارف ان العضو كاتب الموضوع استلم سيارته بعد ماتم عمل الصيانه لها
بفتح المكينه واصلاحها ومن هنا انتهى كل شي .

انا اللي فهمته يبي مكينه جديده طبعا هالشي صعب والله وانسى انهم بيركبون لك مكينه جديده
ومن من من شركة عبدالغني ينيت انت :tease:

الله يصلحنا واياك ويفرج كربتك ياصاحب الموضوع

[واحد ثقة]

الله يصلحنا واياك ويفرج كربتك ياصاحب الموضوع

جزاك الله خير ،،،

[خالد32]

يا جماعه اشترو هيونداي و كيا احسن لكم من التويوتا

[واحد ثقة]

يا جماعه اشترو هيونداي و كيا احسن لكم من التويوتا



لا ،، تويوتا أحسن :)

[واحد ثقة]

بعد انتظار أسبوع أرسلت تذكير للسيد ماتسوكا و رد على في اليوم التالي ( اليوم ) بالآتي :




To: Mr. ***********

cc: ABDULLAH ABDULGHANI & BROS. CO. W.L.L.

From: Shinichiro Matsuoka, Customer Relations Div., TOYOTA MOTOR CORPORATION

Dear Mr. Al *********:

Thank you for your email of July 20, 2009.

We are sorry that you have had to write to us again.

Although our explanation is the same as before, ABDULLAH ABDULGHANI & BROS.
CO. W.L.L. is our distributor in Qatar who take responsibility of solving
your concern. We are sorry to hear how you feel about them. We will give
them advice for improvement of their CR activities as necessary.

We will refer your message to ABDULLAH ABDULGHANI & BROS. CO. W.L.L. We
would appreciate it if you could wait for their explanation again.

Thank you for taking the time to write to us again.

Best regards,

TOYOTA MOTOR CORPORATION

Shinichiro Matsuoka
Group Manager
Overseas Operations Department
Customer Relations Division


هنالك بعض اللوم الخفيف على الشركة ولكن بطريقة حنونة ،،

ولكنني قمت بالإتصال بمدير علاقات العملاء الذي قام بالإتصال بي قبل اسبوع ، والذي وعدني في ذلك اليوم بأنه سيجتمع بالإدارة العليا :omg: وسيفعل وسيفعل !

فتفاجأت بأن لهجته تغيرت قليلاً :) وكانت المكالمة عبارة عن إعادة واجترار لنفس الكلام السابق بل وتمطيطه وتبهيره ببعض الفلسفة والمفردات وسرد جُمل إنشائية لاطائل من ورائها ، بمعنى أصح الأخ القدير يريد أن يبيعني كلام فقط :)

زبدة مافهمت منه بأن الشركة في اليابان طلبت منهم تقريراً عن هذا الموضوع وأنهم أرسلوا هذا التقرير وفي انتظار الرد من اليابان ،،

[واحد ثقة]

آخر التطورات ،،

قمت بإرسال تذكير Reminder إلى السيد ماتسوكا وأخبرته بأنه لم يبلغني أحد بآخر التطورات ، وفي اليوم التالي مباشرة أتصل بي مدير علاقات العملاء في عبدالغني :)

وأغدق علي مني الكلام المعسول وأعاد لي الكثير من الجُمل سالفة الذكر وقال بأنه الآن ينتظر الرد من تويوتا اليابان ومن السيد ماتسوكا نفسه ،،

والملفت في الأمر أنه كلما أقوم بإرسال شي إلى السيد ماتسوكا يقوم مدير علاقات العملاء في قطر بالإتصال بي بعدها مباشرة ، وهذا يدل بأن هنالك على الأقل اهتمام من الشركة الأم وليس هنالك تجاهل لشكاوى العملاء ،،

عموماً نحن وراهم والإيميلات ببلاش وسنرى ماذا سيحدث ،،

[sad-o-bas]

شالجديد يابوشفيق؟

[ANONYMOUS]

ابعث له gentle reminder

[ولد شرق]

من البدايه مافي أي مشكله أصلا بس المشكله ان الاعضاء متفاعلين بزياده معاه او مب فاهمين موضوعه .

مثل ماذكر صاحب الموضوع ان طلع صوت في مكينته ووداها الوكالة وقامو بالواجب وضبطوها له طبعا على الضمان .

انزين وين المشكله الحين ....؟
يعني يبي مكينه جديده ؟؟؟ طبعا انسى هالشي والكل عارف .

عفوا اخوي مادري انت من وين جايب الكلام ولا تعتقد ان اللي في المنتدى ليحان (وعذرا على الكلمه) مايفهمون انجليزي

من قال لك ان الرجال انحلت مشكلته؟
ومن قال لك ان الوكاله قاموا بالواجب؟

انصحك اخوي تدخل على جوجل و تطلب الترجمه قبل ماتقول ان الاعضاء مب فاهمين

وفهمنا يا الفاهم فديت خشمك...