!!!! فودافون ترفع اسعار ارقامها المميزه !!!!

[كبير المتداولين]

قامت شركه فودافون برفع اسعار بعض ارقامها المميزه في موقعها الالكتروني وذالك حين قيامها بعرض ارقام الجوال المميزه للجمهور حيث كانت بعض هذه الارقام بأسعار اقل منها في عرض اوائل المكتتبين


وانا بصراحه انصدمت كنت حاجز الرقم 722y227 كان سعره 5000 الف ريال

الحين شيكت عليه صار 30000 الف ريال

[A bin M]

:omg:

والله لعبه صارت

[>>> غــمـــوض <<<]

اف اش هالزياده فوق المعدل بوايــد
مايصير جذي والله في ارقام شفتها ماتستاهل ومب حلوه واسعارها فوق :)

[وطن]

فودا فون داخلين على طمع

[just-because]

في كل دول العالم ارقامها بلاش سواء كانت مميزه او لا !
المميزات دائما تكون في الخدمه

[بيانو]

فرق كبير جدا :eek5:

بس الرقم ماشاء الله قوى :):):victory:

[ضوى]

نار كيوتل ولا جنة فودافون

[وتبقى الدنيا حلوه]

شدعووووووووووووووووووووووووووووووه !!

وين المجلس الاعلى للاتصالات عن هالحرامية ؟!

[لاداعي]

نار كيوتل ولا جنة فودافون

:nice:

[امل الحب]

اول الغيث قطرة ..^_^

هم المستفيد الاول والاخير في ظل جنون البعض بالارقام .. والدليل واضح ..!

[المدهش]

بكل صراحه
و
بدون زعل
تستاهلون اللي صاير من فودافون
احنا اللي طمعناهم فينا ، مثل المجانين ، ارقام جوالات مزاد بالملايين؟؟؟؟:secret:
بذمتكم ، فودافون تاجر ودش السوق ،، بيشوف ها الناس اش تبي من خدمات ؟؟
بيلاقي انهم يبون ارقام مميزه بس
اتمنى ان محد يزعل من كلامي

[بيانو]

بكل صراحه
و
بدون زعل
تستاهلون اللي صاير من فودافون
احنا اللي طمعناهم فينا ، مثل المجانين ، ارقام جوالات مزاد بالملايين؟؟؟؟:secret:
بذمتكم ، فودافون تاجر ودش السوق ،، بيشوف ها الناس اش تبي من خدمات ؟؟
بيلاقي انهم يبون ارقام مميزه بس
اتمنى ان محد يزعل من كلامي




:victory::victory::victory::victory::victory:

[مبتدئة]

ما حطوا السوق الا حق [ الغبنه ]

<<< من أقوال جدي .. الله يعطيه العافية

[ابوالجازي]

بكل صراحه
و
بدون زعل
تستاهلون اللي صاير من فودافون
احنا اللي طمعناهم فينا ، مثل المجانين ، ارقام جوالات مزاد بالملايين؟؟؟؟:secret:
بذمتكم ، فودافون تاجر ودش السوق ،، بيشوف ها الناس اش تبي من خدمات ؟؟
بيلاقي انهم يبون ارقام مميزه بس
اتمنى ان محد يزعل من كلامي

والله كنت ابي اكتب نفس الكلام

ماقصرت اخوي

لو الناس يطنشون لهم شوي كان شفتو الارقام ارخص من كيوتل

شافو الناس تدفع فالارقام والاعلانات فالجرايد اكبر دليل رقم كيوتل تاخذه ب 500 وتلاقيه فالجريده ب 5000 فودافون قصرو عليكم المسافه وباعو لكم الرقم ب 5000

موفقين ان شاء الله يعني محد راح يستفيد بعدين :victory:

[bohilal191]

بل بل بل بل بل في يوم وليلة ارفعوا الاسعار في رقم كان سعره 1500 واليوم شيكت طلع 20000 صج حرامية

[شاي كرك]

دام الطلب مرتفع .. اكيد بترتفع الاسعار :)

[ALRAYYAN]

استغلاليين والله

[م. عبدالعزيز]

مستغلين الوضع ، عبالهم كلنا مجانين ونتشتري الرقم حتى لو كان ب1.000.000

[الـقـاسـي]

مب منهم ترى مننا احنا اللي خليناها يستغلونا .. ولو رفعوا الاسعار بعد في ناس بتشتري لان بعض ربعنا خبلااان اهم شيرقم مميز لو يدفع اللي وراه ودونه ..

[ANONYMOUS]

مافيها شي..

على بالكم فاتحه جمعيه خيريه

الرقم لو باعته لكم ب 500.. بتشترونه وبتبيعونه ب 5 الاف..

فاختصرت عليكم وعليها.. وحطت الرقم النهائي..

عموما..السوق مفتوح.. اللي يبي يشتري.. اهلا وسهلا.. واللي مايبي يشتري اهلا وسهلا..

على قولة بو جراهام.. الشركه يبي لها 3 سنوات عشان تقوم على رجيلها...

[الـقـاسـي]

شوف هالموضوع اللي انا منزله من فتره ويبين استغلال فودافون وضحكهم علينا ..

http://www.qatarshares.com/vb/showthread.php?t=262189

[يحفظك ربي]

بلللل شششدعوه !!!!!!!!!

25 الف زياده الله يقطع ابليسلهم ياشيخ وش هذا ! ؟ ؟؟ ؟

[نمر بن عدوان]

ياجمعة الموضوع ارقام مميزه يعني مب اجباري تشتريلك رقم مميز خذلك رقم عادي وصلى الله وبارك وخلوا الارقام المميزه للي بيدفع فيها .

[نمر بن عدوان]

استغلاليين والله

اخوي الريان كلمة استغلال تنقال لم تجبر المحتاج على شي غصب عنه لازم ياخذه وبسعرك . لكن الارقام المميزه مب اجباري تشتريها او يكون عندك رقم مميز يعني مافي استغلال . اهم شي سعر الدقيقه كم هني نقول استغلاليين او لا .

[alkuwari55]

انا اتمنى انه فودافون ترفع الاسعار اكثر واكثر واكثر عشان محد ياخذ منهم شي وطيح الارقام في جبدهم معنى فودا فون الاصليه مب التجاريه الي عندنا الي عرفته انه ماعندهم سياسة بيع الارقام تحياتي حق مدير فودافون وان شالله انه يرفع الاسعار اكثر

[امل الحب]

انا اتمنى انه فودافون ترفع الاسعار اكثر واكثر واكثر عشان محد ياخذ منهم شي وطيح الارقام في جبدهم معنى فودا فون الاصليه مب التجاريه الي عندنا الي عرفته انه ماعندهم سياسة بيع الارقام تحياتي حق مدير فودافون وان شالله انه يرفع الاسعار اكثر

ههههههههههههه

عجيب التعليق..

الاهم شسالفة شبكتهم !!

[المتألق]

افتكينا من كيوتل ونصبها

جاتنا فدفون

والله يستر

من القادم

[الصيـاد]

بصراحة اطلعت فودافون اذكي من الجميع بالحركة هذي

لانها هدفها شي ثاني

[ANONYMOUS]

عموما.. انا رقمي مال كيوتل خذته ب 500

وشيكت على فودافون اليوم.. نفس الرقم بس البدايه 7 بدال 5

ولقيته ب 500

يعني تيتي تيتي زي مارحتي جيتي

[bohilal191]

اول مافتحوا عرض المساهمين دخلت باسم واحد من الشباب وشفت رقمي اللي نفس كيوتل بدل 5 يكون 7 وسعره 1500 وبين فترة وفترة اشيك عليه ومحد خذ الرقم ولين افتحوا للجميع وطبعا جهزت بطاقتي الفيزا عشان اشتري الرقم ويوم دخلت الحرامية ارفعوا سعره وخلوه 20000 الظاهر مالي نصيب في هالرقم والله يستر من الجاي

[bu 3li]

فودا فون داخلين على طمع

فودافون يدرون انه فيه ناس الله عطاهم الفلوس وتفكيرهم محدود
الرقم اللي مايسوى .. يخلونه يسوى غصب ( عشان ينقال انه خذ الرقم بـ السعر الفلاني )
او يصرون على انهم ياخذون رقم شبيه لـ رقم ثاني عندهم ولو كان سعره مليون
فـ المشكله فـ الناس مب في الشركه .. لو قاطعوهم الناس بيخسرون اهل الشركه
وبعدين بتشوفون العروض اشلون بتهل على الناس من كل صوب

[الصيـاد]

اول مافتحوا عرض المساهمين دخلت باسم واحد من الشباب وشفت رقمي اللي نفس كيوتل بدل 5 يكون 7 وسعره 1500 وبين فترة وفترة اشيك عليه ومحد خذ الرقم ولين افتحوا للجميع وطبعا جهزت بطاقتي الفيزا عشان اشتري الرقم ويوم دخلت الحرامية ارفعوا سعره وخلوه 20000 الظاهر مالي نصيب في هالرقم والله يستر من الجاي



طلعت نفسي كل اشوي اشيك علي الرقم اللي حاط عيني علية لحد ياخذة

وخذيتة اليوم :nice:

[المشط]

مافيها شي..

على بالكم فاتحه جمعيه خيريه

الرقم لو باعته لكم ب 500.. بتشترونه وبتبيعونه ب 5 الاف..

فاختصرت عليكم وعليها.. وحطت الرقم النهائي..

عموما..السوق مفتوح.. اللي يبي يشتري.. اهلا وسهلا.. واللي مايبي يشتري اهلا وسهلا..



هذا هو الكلام

واللي ماعندهوش مايلزموش

[ابن مانع]

هذا شي مستغرب منهم انا نفس الحكايه كنت حاجز رقم79xxxx1 كان ب5000 والحين 10000
وكان نظامهم الرقم متكرر 4 مرات في النص 5000 والحين صار ب10000

[وحيد-الشوق]

فودافون قاعدة تثبت لنا انها شركة استغلالية حسبي الله عليهم

كنا نقول فودافون وطلعت فودافون اسوء من كيوتل بمراحل :anger1:

شركات قطرية ومافيها خير للقطريين عيل شنو ننتظر من اصحاب العيون الزرق :cry2:

خلونا على كيوتل واجد ابرك نشفط كل قريب :weeping:

الله يرحم حالنا

[الوجيه]

اما بنسبه لي انا اشووووووووف كيوتل احسن من فودفووون بوايد .

وبنسبه لارقام المميزه كما احنا عارفين ان الاقام المميزه الي في كيوتل افلوسها اتروح لجمعيات خيره او صندوق الزكاه او الهلال الاحمر .
اما فردفون اتروح وين طبعا في خزينة الشركه


وتقبل مرور ي اخوي العزيز

[bohilal191]

طلعت نفسي كل اشوي اشيك علي الرقم اللي حاط عيني علية لحد ياخذة

وخذيتة اليوم :nice:


يحيك خذته واكيد ماتغير سعره الله يوفقك بس انا خلاص غسلت يدي منه مافيني شده على 20000

[صوت الضمير]

فيه رفع بالاسعار واجد انا خذت رقمي من كيوتل ب500

وحصلته عندهم ب 1500

يعني زياده ألف ريال ... بس غيرت رقم البداله

وكنت حاطه العين عليه ابيه :) بس اقنعوني لاتاخذينه

العنود

[الحبتور]

والله المشكله فينا ..
المهم ارقام فودافون المميزه انطرحت ببلاش في بعض الدول .. واسعار رمزيه في دول أخرى .!!!

وش معنى عندنا وصلت اسعارها خياليه .. لدرجة ان ارقام فودافون اللي انطرحت ببلاش وباسعار رمزيه
تنباع عندنا بأسعار خياليه ..

ليش احنا بالذات ؟؟؟

والله عندي الجواب .. بس اخاف ازعلكم !!!!!

[ومن الغباء ماقتل]

وانتو شتبون فيهم وفي ارقامهم؟؟؟ .. يا جماعة خلونا ننسى موضوع التميز الي ما وراه الا طمع الناس فينا وضياع فلوسنا وعقولنا!!

[الصيـاد]

غريب كل الارقام المميزة اللي اعرفها ما تغير سعرها

اللي قاعد يصيح ان ارقام فودافون بفلوس ياليت تصيح من صوب كيوتل بعد بالمرة

هذي عروضهم اللي يبي واللي ما يبي لا يقعد يول ول

[السهم الثابت]

قامت شركه فودافون برفع اسعار بعض ارقامها المميزه في موقعها الالكتروني وذالك حين قيامها بعرض ارقام الجوال المميزه للجمهور حيث كانت بعض هذه الارقام بأسعار اقل منها في عرض اوائل المكتتبين


وانا بصراحه انصدمت كنت حاجز الرقم 722y227 كان سعره 5000 الف ريال

الحين شيكت عليه صار 30000 الف ريال

هلا اخوي عندي نفس الرقم وماستخدمتة من اخذتة 722y227 والرقم الي بنص فردي
اذا لك خاطر ابيعك باقل من الشركة

[صمتي حزن]

انا من الناس الي مكتتب باكثر من 250000 االف سهم ولا اشتريت رقم من عندهم لان ارقامهم ماتسوى

[عاشق فودافون]

الارقام المميزه شكل من اشكال التفاخر بالمظاهر..

والناس جواهر مب مظاهر..

ومحد مجبور يشتري رقم مميز دام ان هناك البديلل الا وهو ارقام مجانيه..

ففي الاول والاخير تعتبر الارقام شكل تكميلي..

وهذا بزنز الي يبي يستفيد بيشتري ويبيع..

هذي وجهة نظري

[الـخـور]

الطمع شين.. اتوقع انهم ارفعو الاسعار عشان بعدين يقولك سوينا خصم 80 بالمية ويخلون الناس تلم الارقام
يابلفيت حركات

[فهد قطر]

ياجماعه ليش زعلانيين افلوسكم عندكم محد جابركم على انكم تشترون تعالوا اشترو مني اذا زعلاننيين هههههههههههههههه عندي احلى رقمين يلا نسوي عليهم مزاد خخخخ


88*7777

*777788

[ابن الجزيرة]

فلوس المغفلين يستولي عليها النصابين