المساعد الشخصي الرقمي

مشاهدة النسخة كاملة : جـميع أسـتفسـارات وحـلول لـمشاكـل الأيـفون .. ( إن شاء الله مشـكلتك لها حل داخل )



الصفحات : 1 2 3 4 5 6 7 [8] 9

BuFaisal
28-10-2010, 06:00 PM
جربت اعادة النظام من غير مارجع اي شي من ملفاتي وبرامجي اللي كانت مسجله عليه ولكن بدون فايده للأسف ،، اليوم ان شاء الله بشوف اوديه حق محل الصيانه وبشوف وش يقولون :(

الرجوع لاستخدام النوكيا حسسني اني من العصر الحجري:shy:

اذا على الضمان رجعيه لهم

BuFaisal
28-10-2010, 06:16 PM
اذا كثرت الحلول لتفعيل الفيس تايم ..
يعني ما فيه أي مشكلة الان شراء ايفون من فودافون !!
ولا فيه احتمال امكانية تعطيل هذه الحلول من طرف الابل ؟

fhd4
28-10-2010, 06:47 PM
اذا كثرت الحلول لتفعيل الفيس تايم ..
يعني ما فيه أي مشكلة الان شراء ايفون من فودافون !!
ولا فيه احتمال امكانية تعطيل هذه الحلول من طرف الابل ؟

اولا … فودافون اعلنت انها راح تشغل الفيستايم مع الابديت الجاي …

http://mobile.twitter.com/VodafoneQatar/status/27741601467

وثانيا … دام الحل بالجيلبريك أبل ما تقدر تسوي شي …

شـــوق
29-10-2010, 07:18 PM
اذا على الضمان رجعيه لهم

اكيد ع الضمان انا ماخذته من ابل ستور UK ،، اليوم وانا احووس في الشبكه العنكبوتيه لعلي اجد ضالتي لقيت كم لابأس به من اللي صادفتهم نفس المشكله ،، بس ياحضهم الابل ستور حذاهم روح وغيره وواحد يقول هذي رابع تلفون ياخذه من عندهم نفس الشي ،، الظاهر انه عيب الهاردوير ،، يعني انا كلتها على راسي :(
بس اني اطرشه لهم الين بريطانيا هذي لحالها مأسااااه بالنسبه لي ،، اذا ماتصلح بقلبه آيبود تتش:omg:

BuFaisal
29-10-2010, 07:55 PM
ضمان بريطانيا !!!
الحقيقه ما جربت قبل هذا الضمان ولا طريقة ارجاعه واستبداله
اترك الساحه للاخوان للمساعده

ان ضاقتى عليج المشكلة وقررتي شراء جهاز جديد ....
فانصحك بشراء الايفون من قطر بالضمان لتفادي هذه المشكلة مستقبلا لا سمح الله

BuFaisal
29-10-2010, 09:03 PM
ساطرح اليوم سؤال منذ فترة وهو ببالي وما اعرف الجواب ..

الحمد لله خبرتي بالكمبيوتر من ناحية النظام والقطع الصلبة مقبولة
سؤالي الان هو :
اذا خرب نظام كمبيوتري واود ان استعيد نظامي السابق سواء بفورمات (اعوذ بالله) او استعادة صورة سابقة (امج) او استعادة نظام المصنع ...
فكيف احتفظ بملفاتي السابقة من الايفون واعني الباك اب ؟
هل هناك ملف استطيع نقله مثلا ولا اخسر شيء ؟

انا محتفظ بكمبيوتري المكتبي على سبيل المثال بنسخ احتياطية للايفون الخاص بي والايبود توش الخاص بالاولاد الله يحيمهم
واود استعادة الويندوز لكني لا اريد خسارة النسخ الاحتياطية لمنتجات الابل الموجودة بجهازي

اتمنى يكون سؤالي بسيط و واضح

مانوحسن
29-10-2010, 09:59 PM
بالتوفيق للجميع
بوفهد

بولينجر
29-10-2010, 10:39 PM
ساطرح اليوم سؤال منذ فترة وهو ببالي وما اعرف الجواب ..

الحمد لله خبرتي بالكمبيوتر من ناحية النظام والقطع الصلبة مقبولة
سؤالي الان هو :
اذا خرب نظام كمبيوتري واود ان استعيد نظامي السابق سواء بفورمات (اعوذ بالله) او استعادة صورة سابقة (امج) او استعادة نظام المصنع ...
فكيف احتفظ بملفاتي السابقة من الايفون واعني الباك اب ؟
هل هناك ملف استطيع نقله مثلا ولا اخسر شيء ؟

انا محتفظ بكمبيوتري المكتبي على سبيل المثال بنسخ احتياطية للايفون الخاص بي والايبود توش الخاص بالاولاد الله يحيمهم
واود استعادة الويندوز لكني لا اريد خسارة النسخ الاحتياطية لمنتجات الابل الموجودة بجهازي

اتمنى يكون سؤالي بسيط و واضح
الباك اب الله يسلمك اخوي بوفيصل موجود في المسار التالي

C:\Documents and Settings\USERNAME\Application Data\Apple Computer\MobileSync\Backup

تقدر تدخل هذا المسار بشرط ان تكون مفعل اظهار الملفات المخفية في الويندوز....

ما اعرف اذا كان مجرد نسخهم فقط ينفع لنقلهم ام لا صراحة.....

BuFaisal
30-10-2010, 02:21 AM
اخوي بولينجر

انت نظامك اكس بي والمسار مختلف لان عندي الويندوز 7
على العموم من شرحك وصلت الى ان مسار الملف المعني بالفيستا والويندوز7 هو
C:\Users\USERNAME\AppData\Roaming\Apple Computer\MobileSync\Backup
قريبا ان شاء الله باستعيد نظامي السابق واجرب

تسلم يا بولينجر

بولينجر
30-10-2010, 12:05 PM
اخوي بولينجر

انت نظامك اكس بي والمسار مختلف لان عندي الويندوز 7
على العموم من شرحك وصلت الى ان مسار الملف المعني بالفيستا والويندوز7 هو
c:\users\username\appdata\roaming\apple computer\mobilesync\backup
قريبا ان شاء الله باستعيد نظامي السابق واجرب

تسلم يا بولينجر
صحيح هذا هو المسار المطلوب.... ما شاء الله عليك طلعته صح....

لا انصح انك تغامر بجهازك.... جرب تنقله على جهاز اخر وتحاول تسترجع الباك اب واذا نجح تقدر تقدم على هذه الخطوة....

um.5alofy
31-10-2010, 02:42 AM
السلام عليكم
لو سمحتوو انا توني ماخذه لي ايفون من فودافون شنو لازم اسوي له ..;..

OREO
31-10-2010, 10:59 AM
السلام عليكم
لو سمحتوو انا توني ماخذه لي ايفون من فودافون شنو لازم اسوي له ..;..

حاولي تحطين الكرت و تتكلمين فيه ,,

و انصحك تشحنينه قبل ما تتكلمين لان اوقات البطاريه ما تكون مشحونه للاخير ..

BuFaisal
31-10-2010, 12:18 PM
اشحني الكرت مثل ما قال الاخ
اذا رقم االكرت يبدأ ب 30 ما يشتغل الفيس تايم .. وانصح بكرت كيوتل
نزلي الجيلبريك .. واستعملي طريقة اسلام فون لتشغلي الفيس تايم

سكر_قطر
01-11-2010, 12:07 AM
السلام عليكم

حبيت اعرف لو رقم الفودافون يبتدي ب 7 هل ممكن يشغل الفيس تايم؟
وشنهي طريقة اسلام فون؟

لكم الشكر الجزيل

um.5alofy
01-11-2010, 02:39 AM
اشحني الكرت مثل ما قال الاخ
اذا رقم االكرت يبدأ ب 30 ما يشتغل الفيس تايم .. وانصح بكرت كيوتل
نزلي .. واستعملي طريقة اسلام فون لتشغلي الفيس تايم

هلا اخوي ....

انا اصلا استخدم كرت كيوتل .... شلون انزل الجيلبريك ????

BuFaisal
01-11-2010, 10:45 AM
السلام عليكم
حبيت اعرف لو رقم الفودافون يبتدي ب 7 هل ممكن يشغل الفيس تايم؟
وشنهي طريقة اسلام فون؟
لكم الشكر الجزيل

عليكم السلام ورحمة الله وبركاته

اخوي عنده ايفون فودافون ورقم فودافون يبدا ب 7 وشغال الفيس تايم

موضوع طريقة اسلام فون تجدين شرحها بالموضوع التالي
http://www.qatarshares.com/vb/showthread.php?t=411346

العفو اختي
-------------------------------------------------------------


هلا اخوي ....
انا اصلا استخدم كرت كيوتل .... شلون انزل الجيلبريك ????

تفضلي الموضوع الرائع والشامل بالصور
http://www.qatarshares.com/vb/showthread.php?t=406496

اقري الموضوع كامل قبل التطبيق

abood_99
02-11-2010, 08:36 PM
انا عندي تلفون ايفون3gsطاح من يدي في الدوام ونكسرت الشاشة من عند السماعة وين اودي ارجو الافادة

BuFaisal
03-11-2010, 12:38 AM
انا عندي تلفون ايفون3gsطاح من يدي في الدوام ونكسرت الشاشة من عند السماعة وين اودي ارجو الافادة

http://www.qatarshares.com/vb/showthread.php?p=6471549

بوعلي-Qtr
09-11-2010, 03:53 AM
تم تشغيل الفيس تايم على ايفون 3جي اس من قبل ايفون اسلام !

QtrGate
10-11-2010, 02:25 AM
ايفوني 4 جي

اليوم طاح من يدي وصار في الشاشة شمخ بسيط


في مكان يصلحه او يشيل الشمخ ؟

airbus
10-11-2010, 08:23 AM
ايفوني 4 جي

اليوم طاح من يدي وصار في الشاشة شمخ بسيط


في مكان يصلحه او يشيل الشمخ ؟

اخوي ممكن اشوف صوره شلون الشمخ صاير

QtrGate
11-11-2010, 01:28 PM
شمخ بسيط بس يمكن مع الاستخدام يكبر

جهز الدوا قبل الفلعه

captin
12-11-2010, 06:21 AM
مب تستاهل بس يكون موضوعك مثبت

تستاهل موضوعك ينحط على واجهة المنتدى الكل يشوفه

انا الحقيقة عندي ايفون 4 وتوني شاريه لكن احس اني مو مـتأقلم معاه للحين
وقاطه صار لي شهرين ورجعت استخدم النوكيا

انا متأكد أن الجهاز امكانياته متقدمة وعالية جدا بس يحتاج وقت الواحد يبحث ويدور

استفساراتي بالنسبة للايفون

- هل يوجد برنامج يربطك مع مستخدمي البلاك بيري وتكون معاهم من ضمن الشبكة اللي لها اشتراك من خلال كيوتل يعني يكون لك رقم كود وتعطيه ربعك وتتواصل معاهم كأن عندك بالضبط جهاز بلاك بيري.

-هل توجد طريقة لتنزيل برنامج بلوتوث يشبك مع انواع الجولات الأخرى لنقل أي ملف

-عندي مشكلة ان البلوتوث ما يشبك مع بلوتوث السيارة وسويت كل طرق المزامنة
ومافي فايدة النوكيا يشبك بسهولة.

-حاولت انزل ايميل الشغل الأوتلوك ما نزل ويبدو ان السبب من مستوى الامن بالسيرفر عندنا بالشغل.

وكل التحية والتقدير

عليان قطر
12-11-2010, 03:56 PM
مساء الخير

لدي ايفون وبه مجموعه كبيرة من البرامج واريد تصنيفها

ممكن طريقة انشاء ملف
مع الصور ان امكن



مع والشكر والتقدير

عليان قطر

وحيد-الشوق
13-11-2010, 01:06 PM
يا اخوان كل ماشبكت الايفون بالكمبيوتر ولين نزلت برنامج او لعبة جديدة يسوي مزامنة ويخزن كل ملفات الايفون في الكمبيوتر هل فيه طريقة عشان ما اخزن كل المعلومات في الكمبيوترلأني تمللت ماخذ مساحه من جهازي حول ال10 جيجا علما اني حافظ الملفات والالعاب في هارد خارجي

انا صارلي لي شهرين حاول انزل ابديت الايفون ومب قادر كل شوي يفصل النت عندي ويعيد التحميل من جديد والله قهر ابديت حجمه حول ال 600 ميجا :anger1:

ان شاء الله فهمتوا علي :secret:

الواعد
13-11-2010, 01:15 PM
السلام عليكم


آخر أخبار شركة ابل للأي فون


آبل تضيف نغمات جديدة للرسائل النصية في iOS 4.2

http://www.apple-wd.com/wp-content/uploads/2010/10/iphoneSMS.jpg

أخيرًا أضافت آبل نغمات إضافية للرسائل النصية، حيث أصبح بالإمكان تغيير نغمة الرسائل في iOS 4.2 نسخة البيتا الثالثة والتي ستصدر قريبًا إن شاء الله.

لمشاهدة وسماع النغمات الـ 17 نغمة على هالرابط

http://www.************/watch?v=eePKk5_wGtg&feature=player_embedded

أخيرًا لن تضطر للتأكد في كل مرة تسمع فيها صوت نغمة الرسائل http://www.apple-wd.com/wp-content/uploads/2010/10/wlEmoticon-smile.png

المصدر/ http://www.apple-wd.com/2010/10/new-sms-tones-in-ios/

-----------------------------------------------------------------------------------

برنامج iShareFiles لنقل ومشاركة الملفات بين اجهزة الآي فون وانظمة الـ IOS

يوجد هذا البرنامج بنسخة مجانية في متجر آبل

المصدر
http://itunes.apple.com/us/app/isharefiles/id400897048?mt=8

-----------------------------------------------------------------------------------

آبل تحدث آيتونز الى إصدارة 10.1

http://www.apple-wd.com/wp-content/uploads/2010/11/Screen-shot-2010-11-12-at-10.18.32-AM-670x497.png

أطلقت آبل آيتونز 10.1 الان ,والذي عليك تنزيله في حال كنت تريد تنزيل ال iOS 4.2 مع دعم الـ AirPlay.

واهم مميزات التحديث :

•خاصية AirPlay التي تسمح ببث الأفلام والموسيقى من آيتونز إلى آبل تي في الجديد والعديد من الأجهزة التي تدعم خاصية الـ AirPlay.
•العديد من التحسينات لثبات وسرعة وأداء البرنامج .
•تحديث أجهزة iOS للنظام الجديد iOS 4.2 .
بإمكانك تحميل التحديث مباشره من محدث البرامج بالنظام تحت قائمة  او تحميل الآيتونز مباشرة من موقع آبل.

المصدر
http://www.apple-wd.com/2010/11/apple-updates-itunes-to-10-1/

------------------------------------------------------------------------------------

شائعات : iOS 4.2 في 16 نوفمبر

http://www.apple-wd.com/wp-content/uploads/2010/11/Apple_iOS4_soon.jpg

اشار موقع iPhoneHellas الذي له مصداقية كبيرة بالتوقعات بأن الـ iOS 4.2 لن يكون متاح يوم الجمعة الموافق 12 نوفمبر, بل سيكون متوفراً يوم الثلاثاء الموافق 16 نوفمبر.

ان هذا الموقع معروف بانه يتوقع اصدارات ال iOS بشكل صحيح، ولكن هناك آخرون يتوقعون كانوا يتوقعون من إصدار الـ iOS 4.2 اليوم خصوصاً بعد إصدار تحديث النظام للماك 10.6.5 ويتوقع بأن يتم بعده بإصدار تحديث للآيتونز 10.1 قبل ايام قليله من الإصدار النهائي للـ iOS 4.2

المصدر
http://www.apple-wd.com/2010/11/rumors-ios-4-2-in-16th-of-nov/

theeb_qatar
15-11-2010, 11:36 AM
هل يوجد برنامج لتنزيل افلام اليوتيوب على الايفوون ..؟

* يفضل من الابل ستور لان اللي عندي مش جلبريك

بولينجر
15-11-2010, 12:56 PM
هل يوجد برنامج لتنزيل افلام اليوتيوب على الايفوون ..؟

* يفضل من الابل ستور لان اللي عندي مش جلبريك
لازم جيلبريك....

راعي الدتسن
18-11-2010, 01:07 AM
كل عام وانتو بخير
يعطيكم العافيه ياشباب على المجهود الكبير الي مسوينه في هالموضوع
بغيت استفسر منكم عندي مشكله في حساب الايتونز اذا ادش عليه يعطيني this apple id has been disabled security reasons

روح الاطلس
18-11-2010, 10:16 PM
انا كنسلت شريحة كيوتل واخذت لي مايكرو سيم للايفون يعني نفس رقمي مال كيوتل

بس السؤال الذكي شلون انسخ الارقام اللي فيه شريحة كيوتل المكنسلة واحطهم بالمايكرو سيم :(

وحيد-الشوق
19-11-2010, 08:11 PM
وينكم محد يرد على استفسارات الاعضاء :(

اتمنى حد منكم يفيدني نزلت اللعبة وجيت اثبتها في الايفون مادري ليش تطلعلي هالرسالة ويرفض تثبيت اللعبة

http://i863.photobucket.com/albums/ab200/w7ed-qatar/Capture-1.jpg?t=1290186507

الله ياخذج ياابل كرهت الايتنونز السخيف احنا في 2010 ولين الحين نشبك اجهزتهم بالايتونز التافه

BuFaisal
19-11-2010, 11:57 PM
انا كنسلت شريحة كيوتل واخذت لي مايكرو سيم للايفون يعني نفس رقمي مال كيوتل
بس السؤال الذكي شلون انسخ الارقام اللي فيه شريحة كيوتل المكنسلة واحطهم بالمايكرو سيم :(

http://www.qatarshares.com/vb/showpost.php?p=6114082&postcount=6





... نقل الاسماء من الجوالات الثانية إلى الايفون ...


هناك طرق كثيرة لنقل الاسماء من الجوالات الثانية إلى الايفون ... وبشكل عام فكرتها واحدة لكل انواع الجوالات ...

(نقل الاسماء عن طريق السيم sim لها عيوب كثيرة ما أنصح فيها ... أولا البطاقة محدودة بعدد معين للاسماء ... ثانيا البطاقة تفصل الارقام اللي تحت اسم واحد إلى أكثر من إسم ... وثالثا البطاقة تقص الاسماء لأن طول الاسم في البطاقة محدود ...)

أفضل طريقة لنقل الاسماء هو الاتي ...

أولا وأهم شي ... هو تنزيل برنامج PC Suite الخاص بنوع الجوال ...

اختار الرسمة الخاصة بجوالك لانزال البرنامج ...

.. جوالات النوكيا ..
http://www.blogsdna.com/wp-content/uploads/2008/10/nokia-pc-suite-logo.png (http://europe.nokia.com/support/download-software/pc-suites/compatibility-and-download)

.. جوالات سوني اريكسون ..
http://aoleonthemartiangirl.com/-/avatars/avatars/Logos/Sony-Ericsson-Logo.gif (http://www.sonyericsson.com/cws/support/softwaredownloads/detailed/pcsuite)

.. جوالات البلاكبيري ..
http://na.blackberry.com/eng/legal/bblogo_gray_002.jpg (http://uk.blackberry.com/services/desktop/)



باختصار ... نقل الاسماء يتم بخطوتين... أولا نقل الاسماء للكمبيوتر عن طريق برنامج PC Suite ... ثانيا نقل الاسماء من الكمبيوتر إلى الايفون عن طريق برنامج iTunes ...

وبين هذي الخطوتين برنامج وسيط ...

البرنامج الوسيط هو إما ... Microsoft Outlook ... Outlook Express ... Windows Contacts ... على الاقل راح تحصل برنامج واحد منهم في كمبيوترك ...


الخطوة الاولى ... بعد توصيل الجوال القديم بالكمبيوتر عن طريق PC Suite انقل الاسماء (Synchronize) إلى برنامج الـ Outlook ...

هذا الموقع يشرح طريقة المزامنة للنوكيا ...

http://europe.nokia.com/support/download-software/pc-suites/how-to/synchronise



الخطوة الثانية ... بعد توصيل الايفون بالكمبيوتر عن طريق برنامج الـ iTunes ... اختار الجوال من قائمة الـ iTunes على اليسار ...


ثم اختار Info ... واختار Outlook من القائمة ... ثم قم بالمزامنة (Sync) ...


http://img31.imageshack.us/img31/1747/infotabappleiphone.png



أنا عن نفسي استخدمت طريقة ثانية معقدة شوي ... لكنها تضمن نقل الاسماء بالكامل خاصة الاسماء اللي تحتها أرقام كثيرة من نفس النوع ...


الطريقة بواسطة الـ Gmail ... ( اللي ما اضبطت معاه الطرق اللي فوق يخبرني وانا بنزل له الطريقة) ...

BuFaisal
20-11-2010, 12:02 AM
كل عام وانتو بخير
يعطيكم العافيه ياشباب على المجهود الكبير الي مسوينه في هالموضوع
بغيت استفسر منكم عندي مشكله في حساب الايتونز اذا ادش عليه يعطيني this apple id has been disabled security reasons

http://www.qatarshares.com/vb/showpost.php?p=6375085&postcount=54




هذي المشكلة تصير الله يسلمك إذا أحد دخل الباسوورد غلط أكثر من مرة ...

حلها وايد سهل ...

ادخل هذا الموقع ...

iforgot.apple.com

واتبع التعليمات ... وغير الباسوورد ... وراح يفتح الحساب مرة ثانية ...

طير شلـوى
20-11-2010, 04:49 PM
السلام عليكم

يا خبراء الايفون ...وصلني ايفون من لندن ...واخوكم غشيم على الايفون ...وين اضبطه ؟؟ واي محل تنصحوني فيه ..

الله لا يهينكم

روح الاطلس
20-11-2010, 04:51 PM
هل للايفون منبه؟؟

ولا لازم برنامج ؟؟

ابي اضبط منبه الايفون شلووون

BuFaisal
20-11-2010, 05:56 PM
السلام عليكم

يا خبراء الايفون ...وصلني ايفون من لندن ...واخوكم غشيم على الايفون ...وين اضبطه ؟؟ واي محل تنصحوني فيه ..

الله لا يهينكم

وش تضبط فيه ؟

BuFaisal
20-11-2010, 05:57 PM
هل للايفون منبه؟؟
ولا لازم برنامج ؟؟
ابي اضبط منبه الايفون شلووون

في نافذة الايفون الرئيسية تلقى ايقونة ساعة = Clock
ادخل عليها وبتلقى في النافذة الرئيسية للساعة خيار Alarm
استعمله لضبط المؤقت

طير شلـوى
20-11-2010, 06:30 PM
وش تضبط فيه ؟

مرحبا والله بوفيصل

طال عمرك يعني أركب الكرت وتوكل على الله ؟؟ بس بعد قصدي وين اقص الكرت ومادري اذا فيه عربي او لا !! يعني خبرك من هاالسوالف الشيخ

وجعلك والله تسلم

BuFaisal
20-11-2010, 06:43 PM
مرحبا والله بوفيصل

طال عمرك يعني أركب الكرت وتوكل على الله ؟؟ بس بعد قصدي وين اقص الكرت ومادري اذا فيه عربي او لا !! يعني خبرك من هاالسوالف الشيخ

وجعلك والله تسلم

اسمك يجيب العافيه :)

قص الكرت ببلاش تلقاه بمحل الهيدوس بشارع النصر انا جربته وهو فعلا ممتاز
يعني وانت جاي من السد عند اشارة النصر لف يمين وبتلقاه على يسارك
------------------------

الايفون يجي فيه عربي منه وفيه
بس تدخل الاعدادات=Settings ثم عام=General ثم دولي=International ثم لغة=Language
غيرها الى عربي ودلع حالك :)
------------------------

هناك مواضيع كاملة للايفون انصحك بمراجعتها لتوفير وقتك وعلشان تتعلم الكثير
انا كذا بديت من فترة بسيطة وجزاهم الله خير الاخوان على جهودهم الطيبة والتي منها تعملت الكثير

مهل
20-11-2010, 06:45 PM
السلام عليكم

اسمحولي ان كان استفساري خارج الموضوع .. ابحث عن اي فون ٤ حجم ١٦ جديد وين القاه ،، قالولي الربع كيوتل و فودافون مافيهم و ستار لنك مستغل الفرصه و رافع الاسعار جدا

BuFaisal
20-11-2010, 06:53 PM
السلام عليكم

اسمحولي ان كان استفساري خارج الموضوع .. ابحث عن اي فون ٤ حجم ١٦ جديد وين القاه ،، قالولي الربع كيوتل و فودافون مافيهم و ستار لنك مستغل الفرصه و رافع الاسعار جدا

عليكم السلام ورحمة الله وبركاته اخوي مهل
لا تعتمد على احد من الربع
اتصل بنفسك بكيوتل فرع الحياة بلازا واتصل في فودافون وتأكد بنفسك واسالهم عن باقي الفروع
الوضع يتغير بشكل مستمر .. يعني اليوم ما فيه .. بكره فيه

crystal22
20-11-2010, 07:46 PM
يعطيكم ألف عافيه ..
انا عندي ايفون 3gs وسويت له ابديت للاصدار الرابع والمشكلة اللي واجهتني لما ارسل صورة يتدنى الارسال وماقدر اتصل يعطيني Call Failed ولما اتصلت كيوتل قالي اسكر 3G وماصار لازم اسكر الايفون واشغله ويرجع عادي بس الصورة ماتنرسل ؟؟
فيدوني .. جزاكم الله خير ..

المتألم
21-11-2010, 12:27 AM
في مشكلة بالايباد مضايقتني مره
بعض صفحات النت تطلع ناقصه ، مقصوصة من جهة اليسار
فاللي عنده حل الله لايهينه يدلنا
لأن تكبير وتصغر الصفحة وحلول اخرى جربتها ولا نفعت

طير شلـوى
21-11-2010, 01:50 AM
اسمك يجيب العافيه :)

قص الكرت ببلاش تلقاه بمحل الهيدوس بشارع النصر انا جربته وهو فعلا ممتاز
يعني وانت جاي من السد عند اشارة النصر لف يمين وبتلقاه على يسارك
------------------------

الايفون يجي فيه عربي منه وفيه
بس تدخل الاعدادات=Settings ثم عام=General ثم دولي=International ثم لغة=Language
غيرها الى عربي ودلع حالك :)
------------------------

هناك مواضيع كاملة للايفون انصحك بمراجعتها لتوفير وقتك وعلشان تتعلم الكثير
انا كذا بديت من فترة بسيطة وجزاهم الله خير الاخوان على جهودهم الطيبة والتي منها تعملت الكثير

هههههه

لا هنت وبيض الله وجهك بوفيصل,, ولا يهونون الربع كلهم :nice:

أبشرك كني احسن الحين شوي :victory: لكن فالك طيب وانا أخوك عطني بس وقت:nice:

وبكره انا عند الهيدوس بعد أخذ علومه:rolleyes2:

لاهنت يا بوفيصل:)

جاسم911
21-11-2010, 11:03 PM
سلام شباب لو سمحتو بغيت مساعده عندس اي فون صيني
وابي اعرف شلون افتح الواي في موب عارف

خذته وتوهقت :(

فكتوريا
22-11-2010, 12:48 PM
السلام عليكم

ممكن حد يساعدني كان في موضوع في المنتدى عن موقع لبطاقات الايتونز ؟؟؟

سهم فوق تحت
22-11-2010, 02:32 PM
شنوا الجيلبريك او السيديا ؟

BuFaisal
22-11-2010, 06:06 PM
السلام عليكم

ممكن حد يساعدني كان في موضوع في المنتدى عن موقع لبطاقات الايتونز ؟؟؟

عليكم السلام

http://www.qatarshares.com/vb/showthread.php?t=409499

www.pcgamesupply.com
www.maximuscards.com

طير شلـوى
22-11-2010, 07:43 PM
السلام عليكم شباب

بغيت محل يبيع قاعدة للايفون حق السيارة؟

العنابي
22-11-2010, 09:13 PM
ياجماعة شلون اشغل الفيس تايم , توني ماخذ g4

BuFaisal
22-11-2010, 09:23 PM
ياجماعة شلون اشغل الفيس تايم , توني ماخذ g4

ماخذه من وين ؟ من أي شركة ؟
وش كرتك (سيم كارد) ... كيوتل ولا فودافون ؟ ويبتدي بأي رقم ؟

fhd4
22-11-2010, 10:12 PM
أحــــــــدث أبـــديــــــت وصـــــل ...

http://www.iphoneislam.com/wp-content/uploads/2010/11/iOS_4.2.jpg

هذا التحديث مهم جدا وخصوصا للايباد ...

أهم التعديلات :

دعم كامل للغة العربية

نظام المجلدات

خاصية الـ Multitasking

بالاضافة للتعديلات الثانية مثل ... البحث في صفحة الانترنت ... AirPrint ... AirPlay ...



أما أهم خاصية مع التحديث هي فقط للايفون 4 والايباد والايبود الجديد ... هي خدمة Find My iPhone...


هذي الخدمة تحدد لك مكان جهازك إذا ضاع أو انسرق ... وتقدر من خلالها ارسال رسالة للجهاز أو قفل الجهاز أو حتى مسح محتوياته بالكامل ...

كانت الخدمة باشتراك سنوي 99 دولار وأصبحت مجانية لهذه الاجهزة فقط مع التحديث ...



للتحديث ... اشبك جهازك مع برنامج الـ iTunes ...

BuFaisal
22-11-2010, 11:14 PM
يعطيك العافية اخوي fhd4

لكن السؤال الهام .. لو رقيت الى 4.2 اقدر استعمل جيلبريك Limera1n ولا لا ؟
لان الجيلبريك عندي أهم من أي تحديث مهما كان اللي فيه :)

شكرا

fhd4
22-11-2010, 11:26 PM
يعطيك العافية اخوي fhd4

لكن السؤال الهام .. لو رقيت الى 4.2 اقدر استعمل جيلبريك Limera1n ولا لا ؟
لان الجيلبريك عندي أهم من أي تحديث مهما كان اللي فيه :)

شكرا

الله يعافيك يا بوفيصل ...

اذا يهمك الجيلبريك لا تحدث الحين ... انتظر شوي ...

لأن الجيلبريك لـ 4.2 راح ينزل قريب جدا يعني خلال ايام على كلام Dev-team ...

BuFaisal
22-11-2010, 11:31 PM
جزاك الله خير على التوضيح اخوي fhd4

tamer1980
23-11-2010, 07:31 AM
شكرًا علي المجهود الرائع

العنابي
23-11-2010, 07:32 AM
ماخذه من وين ؟ من أي شركة ؟
وش كرتك (سيم كارد) ... كيوتل ولا فودافون ؟ ويبتدي بأي رقم ؟

ماخذة من ستارلينك
وكرت كيوتل ويبتدى ب 55

وحيد-الشوق
23-11-2010, 09:34 PM
شهالموضوع كم استفسار احطه ومحد يرد crazy

الابديت عنددي لين نزلته ويفصل يعيد من جديد مب حاله والله 3 شهور الحين وابديت جهازي 4.01 القديم crazy

حتى لما انزل التحديث من روابط خارجيه الايتونز مايتعرف عالملف crazy

والحل يا اخوان والله تعبت راسي عورني من كثر ما اطقه في الطوفه crazy

بولينجر
23-11-2010, 09:39 PM
شهالموضوع كم استفسار احطه ومحد يرد crazy

الابديت عنددي لين نزلته ويفصل يعيد من جديد مب حاله والله 3 شهور الحين وابديت جهازي 4.01 القديم crazy

حتى لما انزل التحديث من روابط خارجيه الايتونز مايتعرف عالملف crazy

والحل يا اخوان والله تعبت راسي عورني من كثر ما اطقه في الطوفه crazy
هلا اخوي وحيد الشوق..... جرب تنزل الابديت من كمبيوتر ثاني..... احيانا توجد مشكلة في الكمبيوتر نفسه تمنع ان يتركب الابديت صح......

BuFaisal
23-11-2010, 10:50 PM
ماخذة من ستارلينك
وكرت كيوتل ويبتدى ب 55

امورك طيبة ان شاء الله
روح على Settings ثم Phone وبتلقى Face Time
تأكد انه شغال=On واذا ماهو شغال شغله وانتظر لين يتفعل
لان الايفون بيرسل مسج دولي ويتفعل الفيس تيم
بعد التفعيل لا تقفل الفيس تيم لانه كل مره تقفله وتفتحه يرسل رسالة دولية

crystal22
24-11-2010, 01:09 AM
يعطيكم ألف عافيه ..
انا عندي ايفون 3gs وسويت له ابديت للاصدار الرابع والمشكلة اللي واجهتني لما ارسل صورة يتدنى الارسال وماقدر اتصل يعطيني call failed ولما اتصلت كيوتل قالي اسكر 3g وماصار لازم اسكر الايفون واشغله ويرجع عادي بس الصورة ماتنرسل ؟؟
فيدوني .. جزاكم الله خير ..


يعني رديتوا على كل اللي اكتبوا عقبي وانا مشكلتي مالها حل يعني والا ماتعرفون ؟؟؟

BuFaisal
24-11-2010, 12:14 PM
يعني رديتوا على كل اللي اكتبوا عقبي وانا مشكلتي مالها حل يعني والا ماتعرفون ؟؟؟

لو اعرف ما تأخرت عليك :)

المتألم
25-11-2010, 12:05 AM
يالربع
كنت تساءلت عن موضوع صفحات النت بسفاري وبغيره من المتصفحات
وتطلع الصفحه مقصوصه من اليسار

في حد عندكم وبلا نتحمل هالشيء اللي يقهر



وفي شئ ثاني بكيبورد الايباد مب عاجبني

حجمه مفتاح المسافه صغير ومكبرين بدون فايده مفتاح علامات الترقيم فتحه وضمه وكسره
وغيرها

حجم مفتاح المسح او الدليت صغير وكل ما احاول امسح اضغط حرف الدال

Eyeliner
28-11-2010, 09:06 AM
crystal22
حبيبتي العيب مو من الاصدار نفسه ولا من جوالج انتي صح
مشكله الايفون مايطرش MMS انا حاولت اكثر من مره وقريت اكثر من موضوع الصور ماتطرش وفي طريقه سويتها ومافاد معاي !!
اما بخصوص خطا في الاتصال والسبب الارسال وقوته عندج !!

انشاء الله فدتج وتكون هاي الي كنتي تتسالين عنه

fhd4
28-11-2010, 09:40 AM
سؤال للي عنده iPhone من فودافون ...

فودافون وعدت انها راح ترجع خدمة الفيستايم مع التحديث الاخير ...

http://www.saudimac.com/wp-content/uploads/2010/10/VodafoneQatar-facetime-tweet-450x259.jpg


هل أحد جرب التحديث الأخير (4.2) وهل الـ FaceTime شغال ؟؟!!

blackjacket
28-11-2010, 02:13 PM
يا شباب

بغيت اسئل الايفون الصيني هل من الممكن انه ينفتح رسمي من الشركة ؟

الواعد
28-11-2010, 04:04 PM
crystal22
حبيبتي العيب مو من الاصدار نفسه ولا من جوالج انتي صح
مشكله الايفون مايطرش mms انا حاولت اكثر من مره وقريت اكثر من موضوع الصور ماتطرش وفي طريقه سويتها ومافاد معاي !!
اما بخصوص خطا في الاتصال والسبب الارسال وقوته عندج !!

انشاء الله فدتج وتكون هاي الي كنتي تتسالين عنه

أنا كنت مفكر انه مايطرش بس طلع لازم تفتح الإعدادات

وبعدين > عام > وبعدين > الشبكة > وبعدين > تشغل البيانات الخلوية
وراح يرسل ويستقبل رسايل mms وأنا مجرب هالشيء

فكتوريا
29-11-2010, 08:05 AM
عليكم السلام

http://www.qatarshares.com/vb/showthread.php?t=409499

www.pcgamesupply.com
www.maximuscards.com

شكرا جزيلاً

ALJokar
04-12-2010, 01:32 PM
شباب ساعدوني الله يجزاكم خير عندي تلفووون ايفون ٤ مقفووول على شبكه برا وحاولت فيه ولا فتحت الشبكه مع الجيلبريك وعليه السوفت ويرا 4.1
ونزلت عليه من السيديا الترسنوا ولانفع شنوا الحل ابي افتح الشبكه مايتصل التلفووون

همام
04-12-2010, 03:10 PM
هل يظهر اسم شبكة كيوتل او فودافون اعلى يسار الشاشة
هل ما يتصل فقط ام يستقبل وما يتصل .. اتصل على جوالك من جوال اخر وشوف هل يستقبل ام لا
هل اعدت تشغيل الجهاز .. جرب تعيد تشغيله مرة او مرتين

بولينجر
04-12-2010, 04:00 PM
شباب ساعدوني الله يجزاكم خير عندي تلفووون ايفون ٤ مقفووول على شبكه برا وحاولت فيه ولا فتحت الشبكه مع الجيلبريك وعليه السوفت ويرا 4.1
ونزلت عليه من السيديا الترسنوا ولانفع شنوا الحل ابي افتح الشبكه مايتصل التلفووون
للاسف اخوي مانزل التراسنو للايفون 4... المسؤولين عن الجيلبريك يقولون ان يبيله وقت شوي.... وللحين شغالين فيه..... يعني اما تصبر او تبيع الايفون..... لانه ماراح يشتغل الحين....

eve ~
07-12-2010, 11:43 AM
:(:(صباح الخير

تلفوني الايفون تعرض لحادث بشع جدا وصار مشمخ من كل صوب :weeping:

الله يسامح اليهال :weeping:

وين ممكن اغير الشاشة؟؟ وبكم؟؟

والاهم بيرجع تلفوني نفس قبل والا خلاص راح علي :cry2:

وجزاكم الله خير

al.wajbah
07-12-2010, 12:03 PM
بغيت اعدادات الــ mms

والدخول للانترنت عبر كوتل


كانوا عندي سابقا وانمسحوا

fhd4
07-12-2010, 01:21 PM
بغيت اعدادات الــ mms

والدخول للانترنت عبر كوتل


كانوا عندي سابقا وانمسحوا

كل الاعدادات الله يسلمك موجودة هنا ..

http://www.qatarshares.com/vb/showthread.php?t=382217

al.wajbah
08-12-2010, 08:00 AM
كل الاعدادات الله يسلمك موجودة هنا ..

http://www.qatarshares.com/vb/showthread.php?t=382217

جــــــــزااااك الله خيـــــر أخــوي

فكتوريا
08-12-2010, 10:23 AM
برنامج Viber للمكالمات
:P برنامج ممتاز و راح يغنيك عن فواتير التلفون إن شاءالله Viber برنامج
مكالمات بدال الكاتبة و الحلو فيه إنه مايحتاج تظيف الناس و كل Viber و لكن What's app البرنامج نفس طريقة برنامج
واحد تقوله ينزل البرنامج و يسجل و و و، اهو يدخل على الأسماء و يشوف منو يستخدم البرنامج و يقولك عنه


Viber





الي بالآيفون (Phoneالبرنامج مجاني بالآب ستور و تصميمه حلو و إستخدامه سهل (نفس برنامج ال

مشموم
13-12-2010, 09:17 PM
السلام عليكم ورحمة الله وبركاته ،،،
مساء الخير،،،
مشكلتي ان واتس اب مايقبل رقم تلفوني ... شل الحل ؟

السموك
14-12-2010, 07:27 PM
السلام عليكم

مافي اخبار عن الايفون الابيض؟

السموك
15-12-2010, 06:17 PM
:whistling:

airbus
15-12-2010, 06:25 PM
:whistling:

:pic:

ربيع ٢٠١١

الدوحه 2006
16-12-2010, 12:50 AM
ياجماعه الخير انا عندي اي فون 4
اصدار 4.2.1

عندي مشكله في ال mms الاعدادات موجوده وكل شي اوكي بس ما اقدر ابعث صور بعض الاوقات اقدر استقبل صور .. هل هالمشكله يمكن تكون من السوفت وير ؟ وشنو الحل

الايفون الحين بدون جلبيرك

قلب شاعر
27-12-2010, 10:08 AM
ماتقصر الشيخ

بنتلي
29-12-2010, 01:18 PM
السلام عليكم
انا عندي اي فون وا عندي ايباد كيف اقدر ارسل صوار عن طريق بلوتوث
من اي فون الى ايباد
وا شكرااااااااا

fhd4
29-12-2010, 02:08 PM
السلام عليكم
انا عندي اي فون وا عندي ايباد كيف اقدر ارسل صوار عن طريق بلوتوث
من اي فون الى ايباد
وا شكرااااااااا

هذا برنامج يرسل الصور عن طريق الوايرلس من الايفون للايباد أوالكمبيوتر أو الى ايفون ثاني ... لكن البرنامج سعره 2$ ...

http://www.theipadfan.com/wp-content/uploads/2010/06/ptapp.jpg (http://itunes.apple.com/us/app/photo-transfer-app/id365152940?mt=8#)

فيه برنامج ثاني رايح عن بالي الحين ... اذا تذكرته بنزله ...

وفيه غيرهم برنامج اسمه Bump ...

بعد ممكن ترسل الصور عن طريقه ... لكن ما جربته وهو مجاني ...

http://itunes.apple.com/us/app/bump/id305479724?mt=8


لكن ترى أسهل طريقة انك ترسل الصور عن طريق الايميل .... لكن حدك 5 صور في كل ايميل ...

بنتلي
29-12-2010, 02:13 PM
هذا برنامج يرسل الصور عن طريق الوايرلس من الايفون للايباد أوالكمبيوتر أو الى ايفون ثاني ... لكن البرنامج سعره 2$ ...

http://www.theipadfan.com/wp-content/uploads/2010/06/ptapp.jpg (http://itunes.apple.com/us/app/photo-transfer-app/id365152940?mt=8#)

فيه برنامج ثاني رايح عن بالي الحين ... اذا تذكرته بنزله ...

وفيه غيرهم برنامج اسمه bump ...

بعد ممكن ترسل الصور عن طريقه ... لكن ما جربته وهو مجاني ...

http://itunes.apple.com/us/app/bump/id305479724?mt=8


لكن ترى أسهل طريقة انك ترسل الصور عن طريق الايميل .... لكن حدك 5 صور في كل ايميل ...

شكرا اخوي ماقصرات

BuFaisal
29-12-2010, 10:35 PM
شكرا اخي fhd4 على برنامج Bump وانا جربته الان وهو ينقل الصور بين اجهزة الابل
مشكلتنا الرئيسية هي نقل ملفاتنا لاجهزة غير اجهزة الابل وليست الصور فقط

fhd4
29-12-2010, 11:04 PM
شكرا اخي fhd4 على برنامج bump وانا جربته الان وهو ينقل الصور بين اجهزة الابل
مشكلتنا الرئيسية هي نقل ملفاتنا لاجهزة غير اجهزة الابل وليست الصور فقط

العفو يا بو فيصل ...

بس شنهي أنواع الملفات اللي ودك تنقلها ... ؟؟؟

ترى كل مشكلة ولها حل ...

BuFaisal
29-12-2010, 11:52 PM
ملفات صوتية .. ملفات ورد او اكسل .. الخ

U Welcome
30-12-2010, 08:32 AM
جزاكم الله خير
وهذي المواضيع اللي تفيد الخلق


انا عندي 3gs ايفون 32 GB
خذته اول مانزل
وكان عال العال
بس من نزل ال 4G
احس ان شركه ابل تلعب في التحديثات بحيث
ان الجيل القديم تخليه ابطى ويبدأ يشير ويزهق المستخدم
اكثر من واحد من الربع لاحظ هالشي
ان الابديتات للايفون مشكوك في امرها

بولينجر
30-12-2010, 09:49 AM
جزاكم الله خير
وهذي المواضيع اللي تفيد الخلق


انا عندي 3gs ايفون 32 gb
خذته اول مانزل
وكان عال العال
بس من نزل ال 4g
احس ان شركه ابل تلعب في التحديثات بحيث
ان الجيل القديم تخليه ابطى ويبدأ يشير ويزهق المستخدم
اكثر من واحد من الربع لاحظ هالشي
ان الابديتات للايفون مشكوك في امرها
أكيد الابديت يأثر على الايفون الاقدم.... جربته من قبل مع الثري جي..... نظريتك صح.....

airbus
30-12-2010, 11:00 AM
جزاكم الله خير
وهذي المواضيع اللي تفيد الخلق


انا عندي 3gs ايفون 32 gb
خذته اول مانزل
وكان عال العال
بس من نزل ال 4g
احس ان شركه ابل تلعب في التحديثات بحيث
ان الجيل القديم تخليه ابطى ويبدأ يشير ويزهق المستخدم
اكثر من واحد من الربع لاحظ هالشي
ان الابديتات للايفون مشكوك في امرها


كلامك صحيح عندي الحين الاربع تلفونات من 2جي ال4 استغربت شلون زمان كنت استخدمه حسيت انه يشير وايد حتى ال3 جي بعد نفس الشي

مو مهم
02-01-2011, 09:46 AM
جزاكم الله خير
وهذي المواضيع اللي تفيد الخلق


انا عندي 3gs ايفون 32 GB
خذته اول مانزل
وكان عال العال
بس من نزل ال 4G
احس ان شركه ابل تلعب في التحديثات بحيث
ان الجيل القديم تخليه ابطى ويبدأ يشير ويزهق المستخدم
اكثر من واحد من الربع لاحظ هالشي
ان الابديتات للايفون مشكوك في امرها




اخوووي العزيز انا استخدم جهاز ايفون 3gs 32 الابديت الجديد 4.2.1 الجهاز اسرع من قبل بمراحل واخوي نفس الشي ومنزل الجليبريك فيها

اممممم بس انا عندي البوت روم جديد اتوقع انها ماتفرق بشي

على العموم اتووقع ان مشكلتك في المذربورد او انك محمل برامج كثيرة

مو مهم
02-01-2011, 10:21 AM
اخوي وحيد اتوقع انا الويندوز الي بجهاز ويندوز 7 او فيستا

اذا كان صح

روح على برنامج الاي تونز في جهاز الكمبيوتر واضغط كليك يمين وادخل على
Properties
compatibility
Run this program............. الى اخرة هذا الخير حط عنده صح واختر

Windows xp(service pack3) وان شاء الله يتحدث معاك

واذا ما فاد تاكد من اعدادات جدار الحماية في الاب تب الي عندك مهما كان اصداره

مو مهم
02-01-2011, 10:27 AM
احد الاشخاص سال عن بعض المنتديات والمواقع ماتكون كامله هذي مب مشكله في الايفوون بل هذي من الموقع او المنتدى في اصدار المنتدى يكون قديم ما فيه توافق مع اصدار سفاري واي الاصدارات الثانية


اخواني اسمحوي لي اذا ما جاوبت على كل الاساله
للعلم انا قريت من صفحه 181 الي اخر شي

alawi23
02-01-2011, 01:44 PM
السلام عليكم

اخوي انا شريت تليفوني ايفون 4
من بريطانيا
وركبت عليه كرت كيوتل وكل ما احب اتصل الارسال يطيح
وديته محل تعبث فيه وسواله جل بريك وبعد مافي فايده
واخر شي رده لي قالي عندك مشكله في الهارد وير

شاسوي فيه ؟؟؟
التليفون يشتغل على المزاج والعالم اللي يتصلون لي اغلب الوقت يعطيهم جوالي مسكر

شنو الحل معاه ؟

مو مهم
02-01-2011, 05:11 PM
والله ياخوي مشكلتك غريبة اول مرة تمر علي

بس سؤال انت المشكله جتك قبل لاتسوي الجيلبريك او بعده

اذا كان قبل لاتسوي جليبريك
تاكد من قوة الارسال في منطقتك بجهاز ايفون ثاني
واذا كل امور الي ذكرتها فوق مضبوطه توقعي يكون جوالك مقفول رسمي وفيه شريحه داخليه

مو مهم
02-01-2011, 05:14 PM
انا ما انتبهت ان المحل قالك فيه مشكله في الهاردوير

فيه محل بالغرافه اسمه فوريو للاتصالات هذا افضل واحد للايفون

airbus
02-01-2011, 05:17 PM
السلام عليكم

اخوي انا شريت تليفوني ايفون 4
من بريطانيا
وركبت عليه كرت كيوتل وكل ما احب اتصل الارسال يطيح
وديته محل تعبث فيه وسواله جل بريك وبعد مافي فايده
واخر شي رده لي قالي عندك مشكله في الهارد وير

شاسوي فيه ؟؟؟
التليفون يشتغل على المزاج والعالم اللي يتصلون لي اغلب الوقت يعطيهم جوالي مسكر

شنو الحل معاه ؟

نفس مشكلتي بظبط كانت والحمد لله انحلت بسوفت وير انت سوي اخر تحديث وشوف شنوا يصير معاك

alawi23
03-01-2011, 07:56 AM
انا ما انتبهت ان المحل قالك فيه مشكله في الهاردوير

فيه محل بالغرافه اسمه فوريو للاتصالات هذا افضل واحد للايفون


تسلم يا الغالي
بجرب اروح له اليوم :)

alawi23
03-01-2011, 07:57 AM
نفس مشكلتي بظبط كانت والحمد لله انحلت بسوفت وير انت سوي اخر تحديث وشوف شنوا يصير معاك


وين سويته اخوي ؟
لان المحل اللي وديته له في شارع النصر على قولته سوالي سوفت وير جديد وما نفع
شكله المصري ما يدري وين الله قاطه وقاعد يتفلسف علي :anger1:

airbus
03-01-2011, 11:44 AM
ياخي مايبيلها شي من الايتونز تسويه المهم قبل ماتحدث الجهاز سوي باك اب وبعدها تحديث لل٤.٢.١ وان شاء الله تنحل المشكلة

مو مهم
03-01-2011, 03:26 PM
نفس ماقالك اخوي ايرباس نزل التحديث الجديد

مو مهم
03-01-2011, 03:37 PM
طريقه عمل التحديث للمبتدين
تقفل الجهاز ويكون شابك ع جهاز الكمبيوتر بالواير( لازم يكون محمل عليه برنامج الاي تونز)

بعد ما تتاكد كل شي تمام تضغط زر التشغيل لمده 3 ثواني
وحركة سريعه تضغط زر الهوم بوتن ( الزر الي تحت المدور) مع زر التشغيل لمدة 10 ثواني او لحد ما يعطيك الجهاز وميض

بعد مايعطيك الجهاز وميض تترك زر التشغيل وتتم ضاغط على الهوم بوتن لمدة 15 ثانية وتكون دخلت الجهاز وضعيه ( الكافوري) >>>> اتوقع انه تنكتب كذا

المهم بعد ما طبق الحركات الي ذكرتها تترك الايفون ويكون الشغل على جهاز الكمبيوتر
علما بعض الاجهزه يفتح الايتونز في جهاز الكمبيوتر دايركت تفتح الايتونز الي بدوره دخلك على صفحه التحديث وتختار كلمه ريستوري ( ما اعرف كيف تنكتب بالانجليزي)
وبعدها صار التحديث

اترك الجهاز لمدة ساعه تقريبا
وتحصله سويت الابديت الجديد

نصيحه

انتبهووا من اجهزة الكمبيوتر اذا مافيه وضعيه استعداد ( يقفل الكمبيوتر اذا تم تركة اكثر من دقيقة او ربع ساعه ) لانه اذا قفل لازم تعيد من جديد

airbus
03-01-2011, 04:16 PM
طريقه عمل التحديث للمبتدين
تقفل الجهاز ويكون شابك ع جهاز الكمبيوتر بالواير( لازم يكون محمل عليه برنامج الاي تونز)

بعد ما تتاكد كل شي تمام تضغط زر التشغيل لمده 3 ثواني
وحركة سريعه تضغط زر الهوم بوتن ( الزر الي تحت المدور) مع زر التشغيل لمدة 10 ثواني او لحد ما يعطيك الجهاز وميض

بعد مايعطيك الجهاز وميض تترك زر التشغيل وتتم ضاغط على الهوم بوتن لمدة 15 ثانية وتكون دخلت الجهاز وضعيه ( الكافوري) >>>> اتوقع انه تنكتب كذا

المهم بعد ما طبق الحركات الي ذكرتها تترك الايفون ويكون الشغل على جهاز الكمبيوتر
علما بعض الاجهزه يفتح الايتونز في جهاز الكمبيوتر دايركت تفتح الايتونز الي بدوره دخلك على صفحه التحديث وتختار كلمه ريستوري ( ما اعرف كيف تنكتب بالانجليزي)
وبعدها صار التحديث

اترك الجهاز لمدة ساعه تقريبا
وتحصله سويت الابديت الجديد

نصيحه

انتبهووا من اجهزة الكمبيوتر اذا مافيه وضعيه استعداد ( يقفل الكمبيوتر اذا تم تركة اكثر من دقيقة او ربع ساعه ) لانه اذا قفل لازم تعيد من جديد



الصراحه طولت السالفه وهي قصيره ياخي وصل الجهاز بالكمبيوتر وتحصل في الايتونز على الجنب الايفون اضغط عيه ويطلعلك الايفون من الصفحه الرئيسية وتحصل مكتوب اب ديت و انطر حتى ينزل السوفت وير وبعدها ركبه على الجهاز تبي معلومات اكتر روح على youtube و تحصل بالفديوا احسن

مو مهم
03-01-2011, 04:40 PM
لا يا اخوووي غلطان

ما يصير تسوي ابديت الا اذا دخلت الجهاز بوضعيه الريكفوري

airbus
03-01-2011, 04:51 PM
لا يا اخوووي غلطان

ما يصير تسوي ابديت الا اذا دخلت الجهاز بوضعيه الريكفوري

لا و طلعت غلطان بعد اوكي ممتاز شكلك ملخبط بالسالفة ادا بترجع الصفحه الاولى وترجع تقرا مرة تانيه يكون احسن ممكن تعرف كيف تسوي ابديت

مو مهم
03-01-2011, 05:10 PM
اخوي العزيز ايرباص

انا ما دخلت هذا الموضوع اني قريت كلمتين منها او من منتدى وجاي اتفلسف فيها عليكم انا واعوذ بالله من كلمت انا سويت ابديت و ارجاعرالجهاز لنسخه اقدم اكثر من ٢٠ مرة على قولتهم نظري وعملي

وانا اعلنها تحدي انك تسوي ابديت بدون ادخال الجهاز بوضعيه الريكفوري

airbus
03-01-2011, 06:38 PM
https://img.skitch.com/20110103-dxbu9qxf2msny9ta2di5rgtf11.jpg


لا ابي اتحدى ولا شي شوف ياطيب بطل الايتونز ووصل جهازك وضغط على الابديت نفس الي في الصورة ادا جهازك مب مسوي اخر تحديث يتحدث اد مسوي ماتقدر مافي الا الريستور

مو مهم
03-01-2011, 07:54 PM
اخووووي الصوووره هذي بعد ما تدخل الجهاز بوضع الريكفوري يصير كذا

مو مهم
03-01-2011, 07:58 PM
بسالك انت عندك ويندوز او ماك

ام عبداللة
03-01-2011, 09:00 PM
ياريت حد يشرح لي كيفية عمل برنامج توم توم للملاحة

airbus
03-01-2011, 10:38 PM
مو مهم انت عندك الجهاز ولا لا لانه ردودك ماتبين انه عندك قتلك امسك الجهاز و وصله بالكمبيوتر وبعها اضغط على اب ديت وخلاص ليش ريكفري وسالفه بس

مو مهم
03-01-2011, 11:06 PM
الجهااااز عندي
وسووويت نفس ما قلت ما ضبط
وركبت جهاااز اخوي بعد نفس الشي

اصلن ياخوي هذي صعب يخلونها بدون تعقيد لان الواحد مرات يكون حاط جهازه علشان واي واحد يضغط كلمه ابديت صار

شركة ابل حتى مسح الاسامي مصعبته كل واحد بروحه تبي الابديت بس حطه فيه واضغط على كلمه ابديت


اتمنى من اي واحد عنده ايفون يجرب طريقه اخوي ايرباس وهل تنفع معاااه او لا علشان الحياديه

airbus
03-01-2011, 11:16 PM
الجهااااز عندي
وسووويت نفس ما قلت ما ضبط
وركبت جهاااز اخوي بعد نفس الشي

اصلن ياخوي هذي صعب يخلونها بدون تعقيد لان الواحد مرات يكون حاط جهازه علشان واي واحد يضغط كلمه ابديت صار

شركة ابل حتى مسح الاسامي مصعبته كل واحد بروحه تبي الابديت بس حطه فيه واضغط على كلمه ابديت


اتمنى من اي واحد عنده ايفون يجرب طريقه اخوي ايرباس وهل تنفع معاااه او لا علشان الحياديه

ياخوي ماصارت معاك لان رقم الفيرجن الي عندك 4.2.1 يعني كيف تبي يسويلك وانت على اخر اب ديت

او بينزل السوفت وير و انت مالحظت الداون لود على الجنب

مو مهم
03-01-2011, 11:45 PM
حتى انت منزل التحديث الجديد وواضح ردك ع احد الاخوان

شووف انا برجع اصداري للقديم وبسوي طريقتك

واشوف تنفع او لا
واتوقع اني بس اخسر وقتي

مو مهم
03-01-2011, 11:48 PM
اختي انا برامج النفجيتر عامه ما استخدمتهم لا بسيارة والا بايفون

airbus
04-01-2011, 12:29 AM
حتى انت منزل التحديث الجديد وواضح ردك ع احد الاخوان

شووف انا برجع اصداري للقديم وبسوي طريقتك

واشوف تنفع او لا
واتوقع اني بس اخسر وقتي

ياخوي ماحترام لك ولكن ماشفت اي خبرة حتى الاشياء البسيطة ماتعرفها كيف انا مسوي اخر اصدار ومكتوب قدامك انه مركب على الجهاز4.1 !!!!!!!

مو مهم
04-01-2011, 02:38 PM
^^^^^^^
نسيت ردك يوم الجوال يفصل قلت لشخص سو التحديث الجديد لان المشكله صارت معاااااك وانا يوم قلت لك انت بعد التحديث الجديد انك ماخذ الصوره من منتدى ثاني

airbus
04-01-2011, 04:23 PM
^^^^^^^
نسيت ردك يوم الجوال يفصل قلت لشخص سو التحديث الجديد لان المشكله صارت معاااااك وانا يوم قلت لك انت بعد التحديث الجديد انك ماخذ الصوره من منتدى ثاني

شلون واخد الصورة من منتدى تاني وموجود رقم جوالي في مواصفات الجهاز في الصورة

مو مهم
04-01-2011, 04:40 PM
اخووي ايرباص اعتذر عن اي رد عليك لحد ما ارجع اصداري للقديم انتظرني ساعه وحدة واكون رجعته علشان ما اظلمك والا اظلم الناس معاااي

بس ياخوي انت ماجوبتني على سؤالي جهاز الكمبيوتر الي عندك مااااك او ويندوز

airbus
04-01-2011, 04:50 PM
اخووي ايرباص اعتذر عن اي رد عليك لحد ما ارجع اصداري للقديم انتظرني ساعه وحدة واكون رجعته علشان ما اظلمك والا اظلم الناس معاااي

بس ياخوي انت ماجوبتني على سؤالي جهاز الكمبيوتر الي عندك مااااك او ويندوز


الجهاز ماك وللعلم الايتونز نفس الشي في الماك و الويندوز!

مو مهم
05-01-2011, 12:06 PM
والله يا اخوووي رجعت جهازي للاصدار القديم وحاولت اسوي طريقتك بس للاسف


نفس ما قلت لك اخسر وقت بس


انا ما استخدمت اجهزة ماك

airbus
06-01-2011, 01:56 AM
طيب سؤال ادا عندك ايفون ٤ تقدر ترجع جهازك للفيرجن ٣.١.٣ ؟؟

مو مهم
06-01-2011, 04:51 AM
^^^^^^^

ما استخدمت ايفووون ٤ بس اتوقع لا ولا حاولت ارجعه لاي اصدار

بس على حسب خبرتي انه لا مايرجع لان البوت رووم جديد في الايفون فور

ولازم اذا تبي ترجعه لاصدار سابق يكون الجهاز ركب فيه هالاصدار

BuFaisal
06-01-2011, 12:02 PM
طيب سؤال ادا عندك ايفون ٤ تقدر ترجع جهازك للفيرجن ٣.١.٣ ؟؟

اذا ما خزنت نسخة من الفيرجن الاصلي تبعك بسرفر السيديا قبل الترقية فالجواب هو لا بكل اسف

airbus
06-01-2011, 02:58 PM
اذا ما خزنت نسخة من الفيرجن الاصلي تبعك بسرفر السيديا قبل الترقية فالجواب هو لا بكل اسف

ايه ادري معقولة ماعرف هالمعلومة :rolleyes2: كان سؤالي له مغزا بس وطبعا ماجوبت على الاخ وقلت له ترا الابديت ادا تبي تسويه تسويه على طول من الايتونز :anger1:

airbus
06-01-2011, 03:01 PM
^^^^^^^

ما استخدمت ايفووون ٤ بس اتوقع لا ولا حاولت ارجعه لاي اصدار

بس على حسب خبرتي انه لا مايرجع لان البوت رووم جديد في الايفون فور

ولازم اذا تبي ترجعه لاصدار سابق يكون الجهاز ركب فيه هالاصدار


ادا ماعندك الايفون ٤ خلاص كنسل السؤال !!!


اقولك شي قفل هل الحوار احسن لانه الطريقة معروفة من اربع سنين والطريقة وحدة وربي يوفقك

مو مهم
06-01-2011, 05:57 PM
ليش ما قلت يصير او لا خلنا نستفيد

متداول عالمي
08-01-2011, 10:06 AM
يا جماعه شنو المحلات الي تبيع الايفون 4 وكم الاسعار تقريبا ؟

بوفارس
08-01-2011, 08:17 PM
السلام عليكم
ارجو المساعده من اهل الخبره
انا شريت اي فون 4 16 gb
اشتغل اسبوع وتسكر الحين مع العلم اني اشتريته من بريطانيا وما زلت في بريطانيا
ياريت الي يعرف حل لايبخل علينا
وانا ماشريته من محل شريته من واحد
وبصراحه سالت كم واحد اهنيه كلهم يقولون مقفول من الشركه
منتظر رد يبرد ع الواحد
لان الي فهمته انه انقص علي ..
وشكرا

أنين الروح
10-01-2011, 12:30 AM
ياجماعه جزاكم الله خيراااا

اريد ان اعرف شلون اصلح مشكلتي بالاي فون ثري جي اس 16 جيجا شريته من محل بالسد استعملته لمده شهر وهو مستعمل مش جديد المهم بعد شهر علق وما يبي يفتح اخذته للمحلات وللشركه قالو لي تصليحه 900 ريال عشان تبديل بالمنذربورد حق الاي فون مع العلم انا شريته مستعمل ب 1900 ريال :( :( :( والله والله صار لي اسبوعين من غير الاي فون تعبت كثيررر شو الحل وياريت تساعدوني جزاكم الله خيرا

classic2004
10-01-2011, 12:38 AM
مرحبا اخواني
لاحظت الفترة الاخيرة لما انزل برنامج من الانستولز يعطيني ان الرابط غير صالح
مدري في حل حق المشكله ولا لا
مع العلم ان عندي ايبادين وكلهم نفس المشكله

fhd4
10-01-2011, 10:32 AM
ياجماعه جزاكم الله خيراااا

اريد ان اعرف شلون اصلح مشكلتي بالاي فون ثري جي اس 16 جيجا شريته من محل بالسد استعملته لمده شهر وهو مستعمل مش جديد المهم بعد شهر علق وما يبي يفتح اخذته للمحلات وللشركه قالو لي تصليحه 900 ريال عشان تبديل بالمنذربورد حق الاي فون مع العلم انا شريته مستعمل ب 1900 ريال :( :( :( والله والله صار لي اسبوعين من غير الاي فون تعبت كثيررر شو الحل وياريت تساعدوني جزاكم الله خيرا

جرب ... اضغط زر الهوم والباور مع بعض لمدة عشر ثواني أو أكثر ...

وان شاء الله يشتغل ...

أنين الروح
10-01-2011, 11:24 AM
جرب ... اضغط زر الهوم والباور مع بعض لمدة عشر ثواني أو أكثر ...

وان شاء الله يشتغل ...

جربت والله اخوي طال الله عمرك جربت كل شي مافي امل المذربورد محروق وضارب اكتر من محل وديتو وقال لي نفس الشي وتصليحه مكلف :( :( :( :weeping:

BuFaisal
10-01-2011, 12:04 PM
جربت والله اخوي طال الله عمرك جربت كل شي مافي امل المذربورد محروق وضارب اكتر من محل وديتو وقال لي نفس الشي وتصليحه مكلف :( :( :( :weeping:

اذا الجهاز بدون ضمان والتصليح يكلف حول ال 1000 ..
فانصحك تشتري جهاز جديد او مستعمل نظيف مع ضمان
الله يعوضك خير

fhd4
10-01-2011, 01:58 PM
جربت والله اخوي طال الله عمرك جربت كل شي مافي امل المذربورد محروق وضارب اكتر من محل وديتو وقال لي نفس الشي وتصليحه مكلف :( :( :( :weeping:

ادخل هذا الموقع وحط السيريال نمبر ... عشان تتأكد اذا الجهاز للحين تحت الضمان ...

http://www.apple.com/support/oss

كل أجهزة الايفون عليها ضمان لمدة سنة ... وهذا الموقع راح يعطيك ... تاريخ انتهاء الضمان ... واذا الجوال من أوروبا ... الضمان يمشي على كل الدول الاوروبية ...

واذا الضمان مخلص ... مثل ما قال أخوي بوفيصل ... الله يعوض عليك ..

q6r2009
11-01-2011, 12:54 AM
وين احصل كروت ايتونز ؟؟؟؟

Daisy
11-01-2011, 05:13 PM
السلام عليكم

اخواني انا عندي ايفون 4 و ابغي اعرف اذا مفتوح رسمي ولا لا
iphone4
black
32gb
mc605za/a

Daisy
11-01-2011, 05:16 PM
وين احصل كروت ايتونز ؟؟؟؟

فيديو الصقر

BuFaisal
11-01-2011, 05:35 PM
السلام عليكم

اخواني انا عندي ايفون 4 و ابغي اعرف اذا مفتوح رسمي ولا لا
iphone4
black
32gb
mc605za/a

http://www.qatarshares.com/vb/showpost.php?p=6415532&postcount=20

Singapore
MC603ZA/A – 16GB Black
MC605ZA/A – 32GB Black

مفتوح

Daisy
11-01-2011, 06:30 PM
http://www.qatarshares.com/vb/showpost.php?p=6415532&postcount=20

singapore
mc603za/a – 16gb black
mc605za/a – 32gb black

مفتوح


شكراً أخوي





طيب و شلون على السيم كارد شاسوي فيه

الواعد
11-01-2011, 06:34 PM
فيديو الصقر

الكروت اللي عند الصقر هل تنفع للشراء من المتجر الأمريكي ؟؟

ابغي كلام اكيد

BuFaisal
11-01-2011, 07:24 PM
شكراً أخوي
طيب و شلون على السيم كارد شاسوي فيه

العفو اخوي
السيم كارد يا تاخذه صغير من كيوتل او فودافون
او اذا كرتك كبير وتبي تستعمله بالايفون والنوكيا (وغيره) فاقطع الكرت بمحل الهيدوس بشارع النصر ببلاش وخل القطعة اللي بتنقطع معاك
ركب الكرت الصغير بالايفون .. واذا تبي ترجع الكرت لنوكيا ترجعه بداخل القطعة الي زادت وتركبه بالنوكيا

Daisy
11-01-2011, 11:08 PM
الكروت اللي عند الصقر هل تنفع للشراء من المتجر الأمريكي ؟؟

ابغي كلام اكيد


الكلام عن تجربة

Daisy
11-01-2011, 11:09 PM
العفو اخوي
السيم كارد يا تاخذه صغير من كيوتل او فودافون
او اذا كرتك كبير وتبي تستعمله بالايفون والنوكيا (وغيره) فاقطع الكرت بمحل الهيدوس بشارع النصر ببلاش وخل القطعة اللي بتنقطع معاك
ركب الكرت الصغير بالايفون .. واذا تبي ترجع الكرت لنوكيا ترجعه بداخل القطعة الي زادت وتركبه بالنوكيا


جزاك الله خير

الواعد
12-01-2011, 12:52 AM
الكلام عن تجربة

مافهمت ايش تقصد :(

هل الكروت اللي عند الصقر تنفع للشراء من المتجر الأمريكي ؟؟؟؟

السموك
12-01-2011, 11:09 AM
السلام عليكم

بتكلم عن الايباد بس الحل اتوقع نفس الايفون

المهم

اخر مرة شبكت الايباد فالكمبيوتر عشان انزل اغاني

اول ماشبكت شفت في الايتونز عملية فحص للبرامج اتوقع

ويوم فصلته عن الكمبيوتر انمسحت كل البرامج اللي كنت منزلها عن طريق السيديا

والحين اخاف اشبكه وتنمسح البرامج شلحل؟؟؟

BuFaisal
12-01-2011, 02:29 PM
سؤال ان سمحتم لي واعتذر مقدما ان كان السؤال طرح سابقا لاني ما اتذكر اني قريته...

لما تشبك جهازك الايفون على كمبيوتر وتسوي له تحديث من خلال الايتونز ما فيه مشكلة
لكن لما تجي تشبك مع الايتونز بكمبيوتر ثاني يقولك انه بيمسح محتويات الايفون لان الايفون تم عمل تزامن له مع ايتونز اخر ومكتبة اخرى !!
طيب والحل ؟

انا سويت لجهازي المكتبي استعادة نظام (مشابه للفورمات) من كم يوم...
وشبكت الايفون امس ونسيت اني عملت فورمات للكمبيوتر المكتبي .. ومسح الايفون بالكامل وكل برامج السيديا :weeping:
وهذا سبب سؤالي العبقري :eek5:

Khaled Qatar
12-01-2011, 05:31 PM
الايفون من سنه تقريبا ماستخدمته ولما جيت ابي انقل اغاني عن طريق الايتونز مايطلعلي اسم جهازي ف البرنامج
ايش الحل؟

مع العلم اني الايفون مافيه كرت

airbus
12-01-2011, 05:52 PM
السلام عليكم

بتكلم عن الايباد بس الحل اتوقع نفس الايفون

المهم

اخر مرة شبكت الايباد فالكمبيوتر عشان انزل اغاني

اول ماشبكت شفت في الايتونز عملية فحص للبرامج اتوقع

ويوم فصلته عن الكمبيوتر انمسحت كل البرامج اللي كنت منزلها عن طريق السيديا

والحين اخاف اشبكه وتنمسح البرامج شلحل؟؟؟


سؤال ان سمحتم لي واعتذر مقدما ان كان السؤال طرح سابقا لاني ما اتذكر اني قريته...

لما تشبك جهازك الايفون على كمبيوتر وتسوي له تحديث من خلال الايتونز ما فيه مشكلة
لكن لما تجي تشبك مع الايتونز بكمبيوتر ثاني يقولك انه بيمسح محتويات الايفون لان الايفون تم عمل تزامن له مع ايتونز اخر ومكتبة اخرى !!
طيب والحل ؟

انا سويت لجهازي المكتبي استعادة نظام (مشابه للفورمات) من كم يوم...
وشبكت الايفون امس ونسيت اني عملت فورمات للكمبيوتر المكتبي .. ومسح الايفون بالكامل وكل برامج السيديا :weeping:
وهذا سبب سؤالي العبقري :eek5:



الحل انه في برنامج الانستوليوس ادا بتلاحظوا في برنامجين بنفس الاسم ولكن يفرق الحرف ال o او رقم الصفر

الفرق فالاسم installous مستخدم حرف o
والاحمر install0usمستخدم رقم صفر 0


طيب لاحسن الي فيه حرف الo

وادا مب منزله روح السيديا وهدا اسم السورس cydia.hackulo.us/

وتحصله مكتوب اسم البرنامج installous وطبعا تنزله ادا عندك مافي مشاكل تدخل لبرنامج وتسوي كل شي on متل في الصورة

http://store1.up-00.com/Jun10/t7N74928.png

المهم المشكلة انه ماتمشي البرامج في الكمبيوتر والحل انه تسوي Authorize Computer

http://www.alamary.com/up/uploads/images/alamary-9d14c627f6.png

بعد الإنتهاء نقوم بالضغط على الايفون كلك يمين ثم نضغط على Transfer Purchases

http://www.alamary.com/up/uploads/images/alamary-06d601189e.png


وبعدها تحصل البرامج انتقلت للكمبيوتر وماتنحذف

السموك
12-01-2011, 07:13 PM
الحل انه في برنامج الانستوليوس ادا بتلاحظوا في برنامجين بنفس الاسم ولكن يفرق الحرف ال o او رقم الصفر

الفرق فالاسم installous مستخدم حرف o
والاحمر install0usمستخدم رقم صفر 0


طيب لاحسن الي فيه حرف الo

وادا مب منزله روح السيديا وهدا اسم السورس cydia.hackulo.us/

وتحصله مكتوب اسم البرنامج installous وطبعا تنزله ادا عندك مافي مشاكل تدخل لبرنامج وتسوي كل شي on متل في الصورة

http://store1.up-00.com/jun10/t7n74928.png

المهم المشكلة انه ماتمشي البرامج في الكمبيوتر والحل انه تسوي authorize computer

http://www.alamary.com/up/uploads/images/alamary-9d14c627f6.png

بعد الإنتهاء نقوم بالضغط على الايفون كلك يمين ثم نضغط على transfer purchases

http://www.alamary.com/up/uploads/images/alamary-06d601189e.png


وبعدها تحصل البرامج انتقلت للكمبيوتر وماتنحذف

يعطيك العافية اخوي

airbus
12-01-2011, 07:59 PM
يعطيك العافية اخوي

الله يعافيك وان شاء الله نجحت بدون مشاكل؟

السموك
12-01-2011, 08:05 PM
الله يعافيك وان شاء الله نجحت بدون مشاكل؟

بطبق الليلة وبخبرك انشالله

Daisy
13-01-2011, 01:31 AM
مافهمت ايش تقصد :(

هل الكروت اللي عند الصقر تنفع للشراء من المتجر الأمريكي ؟؟؟؟

اي تنفع
وانا مجربتها

Abu Mahmoud
16-01-2011, 09:23 AM
السلام عليكم ورحمة الله وبركاته

مطلوب مساعدة لي من الاخوة الكرام

عندي جوال elago - S3

شريته من واحد صديق بس ضايع رقمه السري

كيف افتحه والغي الرقم السري السابق.


ارجووو المساعدة . لكم جزيل الشكر

Hassan111
16-01-2011, 05:45 PM
طفا و يوم ما اشتغل طلب مني اوصله على الايتونز و يوم وصلته سوى له ريستور من الباكب القديم بس ضاعة معضم البرامج و الملفات او ما قدرت ارجعها.

alhajri-100
21-01-2011, 04:15 AM
السلام عليكم
عندي استفسار ؟؟؟

ابي برنامج بلوتوث لاني ابي ارسل من بلاك بيري للايفون والعكس
وابي اطرش له رنات اغاني مثلا شلون

وبث :)

شوق قلبي
22-01-2011, 10:10 PM
من أخذ كروت ايتونز

السموك
24-01-2011, 03:09 AM
احب اشكر اخوي ايرباص على مساعدته له من خلال الهاتف

وابشرك الطريقة نجحت وجزاك الله كل خير

المهم

سمعت ان الايباد 2 نزل في امريكا

وسمعت انه متوفر ايضا في بريطانيا وواحد قال لي اذا تبيه بجيبه لك خلال هالاسبوعين

مع اني شفت مواقع ابل كلها ومافي اي شي

شنو تعليقكم على الموضوع؟؟

airbus
24-01-2011, 03:16 AM
احب اشكر اخوي ايرباص على مساعدته له من خلال الهاتف

وابشرك الطريقة نجحت وجزاك الله كل خير

المهم

سمعت ان الايباد 2 نزل في امريكا

وسمعت انه متوفر ايضا في بريطانيا وواحد قال لي اذا تبيه بجيبه لك خلال هالاسبوعين

مع اني شفت مواقع ابل كلها ومافي اي شي

شنو تعليقكم على الموضوع؟؟

لا شكر على واجب :shy:

بخصوص الايباد ٢ للحين مافي اخبار عليه ممكن يكون في اخبار يوم ١٢ فبراير :victory:

السموك
24-01-2011, 03:31 AM
لا شكر على واجب :shy:

بخصوص الايباد ٢ للحين مافي اخبار عليه ممكن يكون في اخبار يوم ١٢ فبراير :victory:

يعني مستحيل يكون نزل؟

airbus
24-01-2011, 03:48 AM
مستحيل ياخوي اول شي بيكون الاعلان بعده التوزيع وللحين الاعلان ماعرفنها متى بيصير بظبط

السموك
24-01-2011, 04:00 AM
مستحيل ياخوي اول شي بيكون الاعلان بعده التوزيع وللحين الاعلان ماعرفنها متى بيصير بظبط

يعطيك العافية يالغالي

السكين
24-01-2011, 06:45 PM
السلام عليكم

اخواني عندي ايبود تتش حالته حالة .. حاولت انزل السيديا أمس بعد ما نزلت الأيتونز وبرنامج فريم مدري اذا اصح ..وبعدين نزلت الاسبريت .. وما عرفت شي ..بس عقب لقيت أيكون السيديا والايتونز طالع عندي ..حلو ؟
انزين اليوم مع التعبث حذفته وصار الجهاز كنه جديد وراحت معه كل الأمور الطيبة ..

رجعت احاول يمين يسار مافي فايدة ..رجعت نزلت برنامج limera1n وكل مرة يقول لي الجيل بريك اومي وانتظر ما يطلع لي شي عالشاشة ..
الرجاء مساعدتي لانه الجهاز مو لي لطفل ومسكين طيرت له كل الألعاب لول:victory: .. ووين احسن محل يقدر يسوي لي اياه؟ وبكم حتى ما يقصوا عليّ ؟
اتمنى الأخوة الطيبين يردوا علينا ولو يشوف الأخ airbus استفساري :)
جزاكم الله خير ..

ايه نسيت شي الاصدار كان 313 او العكس المهم صار 4.2.1

airbus
24-01-2011, 09:10 PM
السلام عليكم

اخواني عندي ايبود تتش حالته حالة .. حاولت انزل السيديا أمس بعد ما نزلت الأيتونز وبرنامج فريم مدري اذا اصح ..وبعدين نزلت الاسبريت .. وما عرفت شي ..بس عقب لقيت أيكون السيديا والايتونز طالع عندي ..حلو ؟
انزين اليوم مع التعبث حذفته وصار الجهاز كنه جديد وراحت معه كل الأمور الطيبة ..

رجعت احاول يمين يسار مافي فايدة ..رجعت نزلت برنامج limera1n وكل مرة يقول لي الجيل بريك اومي وانتظر ما يطلع لي شي عالشاشة ..
الرجاء مساعدتي لانه الجهاز مو لي لطفل ومسكين طيرت له كل الألعاب لول:victory: .. ووين احسن محل يقدر يسوي لي اياه؟ وبكم حتى ما يقصوا عليّ ؟
اتمنى الأخوة الطيبين يردوا علينا ولو يشوف الأخ airbus استفساري :)
جزاكم الله خير ..

ايه نسيت شي الاصدار كان 313 او العكس المهم صار 4.2.1



هلا بك ياخوي

طيب الحين فيه السيديا او لا ادا مافيه

الحل انه تسويله جيلبريك لل٤.٢.١ ولكن خد في الحسبان انه ادا بتقفل الجهاز نهائي ماتقدر تبطله الا بجيلبريك


الجيلبريك للكل الاجهاز من الايباد والايفون ٤ و الايبود الحل :


من هنا (http://www.ce4arab.com/vb7/showthread.php?t=273787)



جميع ملفات السوفت وير للايفون والايباد والايبود اضغط هنا (http://www.felixbruns.de/iPod/firmware/)

رهيباوي
24-01-2011, 11:14 PM
السلام عليكم ورحمة الله وبركاته

مشكلتي اني كنت شابك الايفون بالكمبيوتر بالايتونز عشان انقل الصور وبعد ما فصلت الايفون شبكت الايفون حق زوجتي بالكومبيوتر ومادري ضغطت شي بالغلط ي الايتونز وفجأة تسكر تلفون زوجتي وفتح من نفسه بس البرامح الموجود ة في تلفونها هي برامجي حتى الخلفية والصور والرسايل وارقامي جهات الاتصال الخاصة فيني صارت في جهازها فشلون احل المشكله اخوي مع العلم ان رسايلها وجهات الاتصال الخاصة فيها غير موجودة في جهازها اختفت,,,, ابي الحل بسرعة


ومشكوووووور

airbus
24-01-2011, 11:23 PM
السلام عليكم ورحمة الله وبركاته
مشكلتي اني كنت شابك الايفون بالكمبيوتر بالايتونز عشان انقل الصور وبعد ما فصلت الايفون شبكت الايفون حق زوجتي بالكومبيوتر ومادري ضغطت شي بالغلط ي الايتونز وفجأة تسكر تلفون زوجتي وفتح من نفسه بس البرامح الموجود ة في تلفونها هي برامجي حتى الخلفية والصور والرسايل وارقامي جهات الاتصال الخاصة فيني صارت في جهازها فشلون احل المشكله اخوي مع العلم ان رسايلها وجهات الاتصال الخاصة فيها غير موجودة في جهازها اختفت,,,, ابي الحل بسرعة


ومشكوووووور


ادا مسوي باك اب لجهاز زوجتك بتنحل المشكلة وصل جهاز زوجتك بالايتونز وبعدها سوي رايت كلك على التلفون نفس الي في الصورة

http://www.alamary.com/up/uploads/images/alamary-06d601189e.png

وبعدها اضغط على restore from backup

وبعدها اضغط على اقدم من تاريخ اليوم

وبعدها بيرجع كل شي

السكين
24-01-2011, 11:37 PM
هلا بك ياخوي

طيب الحين فيه السيديا او لا ادا مافيه

الحل انه تسويله جيلبريك لل٤.٢.١ ولكن خد في الحسبان انه ادا بتقفل الجهاز نهائي ماتقدر تبطله الا بجيلبريك


الجيلبريك للكل الاجهاز من الايباد والايفون ٤ و الايبود الحل :


من هنا (http://www.ce4arab.com/vb7/showthread.php?t=273787)



جميع ملفات السوفت وير للايفون والايباد والايبود اضغط هنا (http://www.felixbruns.de/ipod/firmware/)

لا ما فيه السيديا .. ومثل ما قلت لك حاولت الجيلبريك للاصدار وما ضبط معاي للأسف ..

بجرب اللنك اللي عطيتني اياه واشوفه بالشغل لاني بالبيت وما يفتح عندي اي برنامج له علاقة بالابل حتى براوزر سفاري يعلق وما يفتح !!

تسلم لي الشيخ :)

airbus
24-01-2011, 11:40 PM
لا ما فيه السيديا .. ومثل ما قلت لك حاولت الجيلبريك للاصدار وما ضبط معاي للأسف ..

بجرب اللنك اللي عطيتني اياه واشوفه بالشغل لاني بالبيت وما يفتح عندي اي برنامج له علاقة بالابل حتى براوزر سفاري يعلق وما يفتح !!

تسلم لي الشيخ :)

ادا ماظبط معاك كلمني واتقابل وياك واركبه لك ماعندي مشاكل ورقمي في التوقيع

شوق قلبي
25-01-2011, 02:04 PM
من أخذ كروت ايتونز

السكين
26-01-2011, 01:19 AM
ادا ماظبط معاك كلمني واتقابل وياك واركبه لك ماعندي مشاكل ورقمي في التوقيع

ضبط ونص بس طلعت عيوني أنا وزميل لي بالشغل .. تسلم لي يا خوي وما ننحرم منك ..

airbus
26-01-2011, 02:35 AM
ضبط ونص بس طلعت عيوني أنا وزميل لي بالشغل .. تسلم لي يا خوي وما ننحرم منك ..

الله يسلم عيونك وتستاهل :victory:

N7eEeS
27-01-2011, 10:07 AM
السلام عليكم
هل في برنامج للايفون من خلاله اقدر اتواصل مع الاشخاص اللي عندهم بي بي في البلاك بيري

eXpert*
27-01-2011, 10:17 AM
السلام عليكم
هل في برنامج للايفون من خلاله اقدر اتواصل مع الاشخاص اللي عندهم بي بي في البلاك بيري

تقدر تتواصل مع اللي عندهم بلاك بيري عن طريق برنامج WhatsAPP وهو برنامج يعتمد على رقم الجوال مش على البن كود وهو من أنجح البرامج تقدر تتواصل مع الايفون البلاك بيري والنوكيا واعتقد السامسونغ اعتقد .

أي استفسار انا حاضر

شوق قلبي
28-01-2011, 03:46 PM
بغيت استفسر عن الشراء من المتجر الامريكي
سجلت فيه وشريت الواتس اب بكرت ايتونز من فيديوصقر ..

احس سويت شي مو قانوني
مادري ليش
هل عادي نشتري من المتجر الامريكي

الواعد
29-01-2011, 11:47 PM
بغيت استفسر عن الشراء من المتجر الامريكي
سجلت فيه وشريت الواتس اب بكرت ايتونز من فيديوصقر ..

احس سويت شي مو قانوني
مادري ليش
هل عادي نشتري من المتجر الامريكي

الا عاااااااااادي ونص وقانوني

واصلا هالبطاقات ماانعملت إلا للشراء من المتاجر سواء امريكي او غيره

..er..
31-01-2011, 12:40 AM
صبحكم الله بالخير جميع


صرت ايفوني من امس هههههه

وسبب لي عقده نفسيه التسجيل في الاي تونز :(

كل ماسجلت وكتبت لي باسوورد طلع لي غلط حط لك حرف واذا حطيت حرف قال خل الباس 8 خانات
واذا خليته 8 قال دور ربعك

شالحل ؟

او بالاصح كيف التسجيل مع العلم اني تابعت شرح اخوي بولنجر :(

airbus
31-01-2011, 12:46 AM
صبحكم الله بالخير جميع


صرت ايفوني من امس هههههه

وسبب لي عقده نفسيه التسجيل في الاي تونز :(

كل ماسجلت وكتبت لي باسوورد طلع لي غلط حط لك حرف واذا حطيت حرف قال خل الباس 8 خانات
واذا خليته 8 قال دور ربعك

شالحل ؟

او بالاصح كيف التسجيل مع العلم اني تابعت شرح اخوي بولنجر :(


لازم اول حرف يكون انجليزي وكبير كابيتل A مب الحرف الصغير a

ويكون حروف وارقام ومبروك :victory:

..er..
31-01-2011, 12:58 AM
ماصار وسبب لي عقده نفسيه صراحه :(

شكلي عفت الاي فون وبرجع اطقطق على البلاك بيري

الا اقول ايربص ترى اتصلت لك وشكلك رقدت :(

ام غالية
31-01-2011, 07:20 AM
صباح الخير
عندي ايبود .. ونسيت الرقم السري
وسويت ريستور من ايتونز ..بس المشكله للحين موجوده

ايش الحل

الواعد
31-01-2011, 07:50 AM
ماصار وسبب لي عقده نفسيه صراحه :(

شكلي عفت الاي فون وبرجع اطقطق على البلاك بيري

الا اقول ايربص ترى اتصلت لك وشكلك رقدت :(

تأكد أخوي من ان الإيميل ماسبق وسجلت به وان كلمة السر اكثر من 8 خانات

اولها حرف كبير وهذا مثال بسيط ممكن تبني عليه كلمة سر

Alqatari78

Alislam88

Alarabi34

يغار الحلى
31-01-2011, 08:41 AM
كم صار سعر الـ iphone ؟

واي احسن واحد فيهم ؟

airbus
31-01-2011, 08:43 PM
ماصار وسبب لي عقده نفسيه صراحه :(

شكلي عفت الاي فون وبرجع اطقطق على البلاك بيري

الا اقول ايربص ترى اتصلت لك وشكلك رقدت :(

تم الرد وحل المشكلة :victory:

..er..
31-01-2011, 09:18 PM
كم صار سعر الـ iphone ؟

واي احسن واحد فيهم ؟

الآي فون 4 خذت الـ 16 جيجآ بـ 3300 :weeping:

مع ضمان فودافون .. فـ اشوف حاليا 16 يصلح :nice:


تم الرد وحل المشكلة :victory:

تسلم يالغالي وماقصرت :victory:

*¤ بن قطر¤*
01-02-2011, 08:19 AM
عندي مشكلة في الاي فون 4 ...

ما أقدر ارسل MMS بس أستقبل

وكل ما حاولت يعطيني Sending Failed !!! s

ارجو الافادة

ام غالية
01-02-2011, 09:38 AM
عندي مشكلة في الاي فون 4 ...

ما أقدر ارسل MMS بس أستقبل

وكل ما حاولت يعطيني Sending Failed !!! s

ارجو الافادة

روح الاعدادت
APN mms.qtel
Username mms
Password mms
MMSC mmsr.qtelmms.qa
MMS Proxy 10.23.8.3:8080

*¤ بن قطر¤*
01-02-2011, 10:02 AM
روح الاعدادت
APN mms.qtel
Username mms
Password mms
MMSC mmsr.qtelmms.qa
MMS Proxy 10.23.8.3:8080


أشكرج جزيل الشكر الشكر يا أم غالية

تمت العملية بنجاح 100% :nice:

alhajri-100
02-02-2011, 04:30 AM
السلام عليكم
أستفسار بسيط
في طريقة اني ارسل من الايفون ملاحظات وصور للبلاك بيري؟؟
ولا لا ؟؟
ياليت احد يفيدي مع الشرح
واكون له شاكر وانا حاولت ولا قدرت
وقلت مافي الا انتوا

شكـــراً

alrheeb2020
02-02-2011, 04:09 PM
يعطيكم العافيييه عالموضوع الحلو والمميز ^_^

وهاذي اول مشاركه لي تقريبا في هالموضوع بعد مادخلت عالم الايفون :victory:


بس حبيت اعرف متوفر ( الجيليبريك ) ل ايفون 4 - 32 جي بي .. اخر اصدار ( 4.2.1 )

والله يجزاكم خير

airbus
02-02-2011, 06:33 PM
يعطيكم العافيييه عالموضوع الحلو والمميز ^_^

وهاذي اول مشاركه لي تقريبا في هالموضوع بعد مادخلت عالم الايفون :victory:


بس حبيت اعرف متوفر ( الجيليبريك ) ل ايفون 4 - 32 جي بي .. اخر اصدار ( 4.2.1 )

والله يجزاكم خير


ايه متوفر للاجهزة الماك ادا كان عندك ماك تقدر تسوي جيلبريك للايفون ٤.٢.١

الواعد
02-02-2011, 11:04 PM
ايه متوفر للاجهزة الماك ادا كان عندك ماك تقدر تسوي جيلبريك للايفون ٤.٢.١

ممكن افهم ايش المقصود بالماك ؟؟؟

هل تقصد كمبيوتر ديسك توب بنظام ماكنتوش بدلا من ويندوز ؟؟؟؟

طيب ايش دخل هذا في الأيفون ؟ ممكن يسوي جيلبريك في الأيفون فقط

وليس الكمبيوتر ؟؟؟؟؟

airbus
02-02-2011, 11:17 PM
ممكن افهم ايش المقصود بالماك ؟؟؟

هل تقصد كمبيوتر ديسك توب بنظام ماكنتوش بدلا من ويندوز ؟؟؟؟

طيب ايش دخل هذا في الأيفون ؟ ممكن يسوي جيلبريك في الأيفون فقط

وليس الكمبيوتر ؟؟؟؟؟

الماكنتوش نظام والوندوز نظام

اما شنوا دخل هدا النظام في الايفون ..... الماك هو جد الايفون يعني من شركة ابل وبرنامج الريد سنو الي يسوي الجيلبريك نزل على نظام الماك ما نزل على الوندوز

alrheeb2020
03-02-2011, 01:02 AM
ايه متوفر للاجهزة الماك ادا كان عندك ماك تقدر تسوي جيلبريك للايفون ٤.٢.١

واذا ماعندي مااك :(

airbus
03-02-2011, 04:31 AM
واذا ماعندي مااك :(

اصبر حتى ينزل الريد سنو للوندوز

alrheeb2020
03-02-2011, 12:20 PM
اصبر حتى ينزل الريد سنو للوندوز

:(


الله يعطيك العافيه

Miss
03-02-2011, 01:02 PM
مرحبا ..

جـنـنـي الايتونز ..:weeping:

كل ما افتحه عشان انزل نغمات وفيديو .. يكتب لي نفس اللي في المرفقات :(

حذفته ونزلت الايتونز الجديد نفس الشي ..

جربت على لاب توب ثاني بعد نفس المشكله ..

يعني البلا في تلفوني :(

ممكن help

airbus
03-02-2011, 01:45 PM
مرحبا ..

جـنـنـي الايتونز ..:weeping:

كل ما افتحه عشان انزل نغمات وفيديو .. يكتب لي نفس اللي في المرفقات :(

حذفته ونزلت الايتونز الجديد نفس الشي ..

جربت على لاب توب ثاني بعد نفس المشكله ..

يعني البلا في تلفوني :(

ممكن help



والله الصراحة من زمان ماشفتها شنوا نوع البروسيسور الكمبيوتر والرام ؟؟

alrheeb2020
03-02-2011, 02:47 PM
اخوي اير باص ..

سمعت انه فيه جيليبريك حق الاصدار اليديد ( 4.2.1 )

اخوي يقولي لحين فيه عيوب ..

عندك خلفيه عنه ؟

airbus
03-02-2011, 03:41 PM
اخوي اير باص ..

سمعت انه فيه جيليبريك حق الاصدار اليديد ( 4.2.1 )

اخوي يقولي لحين فيه عيوب ..

عندك خلفيه عنه ؟

الي موجود على الوندوز فيه مشكلة انه ادا بتقفل الجهاز يعني turn off
وبتشغله مرة تانية بيعلق على التفاحة ولازم تسويله جيلبريك حتى يفتح الجهاز

alrheeb2020
03-02-2011, 04:40 PM
الي موجود على الوندوز فيه مشكلة انه ادا بتقفل الجهاز يعني turn off
وبتشغله مرة تانية بيعلق على التفاحة ولازم تسويله جيلبريك حتى يفتح الجهاز

اووبس .. !!



متى تتوقع بينزل له جيليبريك <<< السموحه عالاساله توني مبتدأ :shy:

airbus
03-02-2011, 04:41 PM
اووبس .. !!



متى تتوقع بينزل له جيليبريك <<< السموحه عالاساله توني مبتدأ :shy:

والله مادري الصراحة لان ماعندهم موعد محدد

Aigner
03-02-2011, 10:00 PM
اول شي يعطيك العافيه ع هالموضوع المفيد

ويجعلها في ميزان حسناتك

اخوي انا ابي اسجل لي حساب في الايتوتز ( المتجر ) ما يطلع لي خيار none

غيرت اكثر من بلد ومافي فايده

الواعد
03-02-2011, 10:17 PM
اول شي يعطيك العافيه ع هالموضوع المفيد

ويجعلها في ميزان حسناتك

اخوي انا ابي اسجل لي حساب في الايتوتز ( المتجر ) ما يطلع لي خيار none

غيرت اكثر من بلد ومافي فايده

كلامك صحيح أخوي بس الحل سهل جدا وهو

انك في البداية ماتحاول تسجل لا

اول شيء تحاول تختار اي برنامج وتضغط على التحميل وبعدين بيطلع لك مستطيل للتسجيل

كمل معه وسجل وراح يطلع لك خيار none

airbus
04-02-2011, 12:43 AM
اول شي يعطيك العافيه ع هالموضوع المفيد

ويجعلها في ميزان حسناتك

اخوي انا ابي اسجل لي حساب في الايتوتز ( المتجر ) ما يطلع لي خيار none

غيرت اكثر من بلد ومافي فايده

اختار الدولة امريكا وبعدها ادخل للبرامج المجانية واختارة واحدة منها وبعدين كمل التسجيل وبعدين بتحصل none ومبروك مقدما

3zo000oz
05-02-2011, 04:59 AM
وصل الجيلبريك GreenPois0n

software: 4.2.1

الجلبريك للماك فقط

للويندوز قريبا

http://www.redmondpie.com/wp-content/uploads/2010/09/gp_web1.png

للأجهزة :

iPhone 4, 3GS, iPod touch 2G/3G/4G, iPad and Apple TV 2G

داونلود : للماك

greenpois0n-osx_rc5.zip (http://www.mediafire.com/?1kdf96u59b12zte)



عرض الفيديو :

http://www.************/watch?v=mpBh94nGBps&feature=player_embedded

شاعر القبيله
06-02-2011, 08:12 AM
شباب انا خذت لي اي فون 4 من فودافون والفيرجن 4.2.1
كيف اقدر اخلي الفيس تايم ينزل ويشتغل عليه؟

عزتي سمو ذاتي
06-02-2011, 09:38 AM
شباب انا خذت لي اي فون 4 من فودافون والفيرجن 4.2.1
كيف اقدر اخلي الفيس تايم ينزل ويشتغل عليه؟


اعتقد مايصير تنزل عليه الفيس تايم

لأن انا خذت نفسك ايفون ضمان فودافون وفيرجن 4.2.1 وقالي صاحب المحل فيه فيس تايم

يوم فتحت الجهاز طلع مافيه فيس تايم كلمت المحل وقالي وده فودافون ياينزلون لك البرنامج او يبدلون لك الجهاز



بس اللي اعرفه ان آخر الأجهزة اللي انزلت في فودافون مافيها فيس تايم :weeping:

شاعر القبيله
06-02-2011, 09:41 AM
اعتقد مايصير تنزل عليه الفيس تايم

لأن انا خذت نفسك ايفون ضمان فودافون وفيرجن 4.2.1 وقالي صاحب المحل فيه فيس تايم

يوم فتحت الجهاز طلع مافيه فيس تايم كلمت المحل وقالي وده فودافون ياينزلون لك البرنامج او يبدلون لك الجهاز



بس اللي اعرفه ان آخر الأجهزة اللي انزلت في فودافون مافيها فيس تايم :weeping:

اي اعرف هذا

بس واحد من الربع يقول سمع ان في فيرجن جديد اذا نزلت يشغل الفيس تايم

airbus
06-02-2011, 12:00 PM
اي اعرف هذا

بس واحد من الربع يقول سمع ان في فيرجن جديد اذا نزلت يشغل الفيس تايم

الفيرجن الجديد ماينزل الفيس تايم الحل الوحيد للفيس تايم الجيلبريك بس

BuFaisal
06-02-2011, 12:19 PM
الفيرجن الجديد ماينزل الفيس تايم الحل الوحيد للفيس تايم الجيلبريك بس

وهذا يعني ان الفودافون كذبوا على الناس بكل اسف يوم قالوا ان نسخة 4.2.1 بيفتح الفيس تايم

airbus
06-02-2011, 12:21 PM
وهذا يعني ان الفودافون كذبوا على الناس بكل اسف يوم قالوا ان نسخة 4.2.1 بيفتح الفيس تايم

للاسف ايه :anger1:

3zo000oz
06-02-2011, 03:22 PM
الجلبريك الجديد للسوفتوير 4.2.1 نسخه الوندوز

http://claytonbraasch.com/greenpois0n/

fhd4
06-02-2011, 03:36 PM
وهذا يعني ان الفودافون كذبوا على الناس بكل اسف يوم قالوا ان نسخة 4.2.1 بيفتح الفيس تايم


للاسف ايه :anger1:


ننتظر التحديث الجديد الجاي 4.3 ... خلال اسبوعين :tease: ... عل وعسى ...

بس أهم ميزة في التحديث الجديد هو الـ Hot Spot ...

أخيرا راح تقدر تستخدم الآيفون كـراوتر ... وتقدر تشبك عليه خمس أجهزة أو كمبيوترات ...

وتستخدم النت فيهم عن طريق اشتراكك في الايفون ...

المتألم
07-02-2011, 01:26 PM
شخباركم الطيبين



مالقيتوا لنا طريقه لفتح شبكة الفريمواير 4.1

جهاز 3gs

:eek5:

لان ما لقيت طرق تنفع للحين :shy:

فرح
08-02-2011, 10:47 AM
الجلبريك الجديد للسوفتوير 4.2.1 نسخه الوندوز

http://claytonbraasch.com/greenpois0n/

الطريقة ما عليك أمر :shy:

مو مهم
08-02-2011, 03:49 PM
http://www.bramjnet.com/vb3/showpost.php?p=13669783&postcount=1

هذا رابط الشرح بالصور للعلم ما جربت الطريقه للحين

HmSaT QaTaR
09-02-2011, 02:44 PM
سلام عليكم
يعطيك العافيه على المجهود اخوي
ابي لعبة الورق الجوكر ولعبة الورق الهند
اذا ممكن

miss cute
10-02-2011, 05:30 PM
مسااااء الخير

عندي ايفون 4 نسخه 4.2.1
وابي اعرف اذا مفتوح او مغلق عشان انزل عليه الجيلبريك

وووابي برنامج الواتس اب شلون انزله ؟؟


ووالجيلبريك صج هو يأثر على برنامج الواتس اب وموقع اليوتيوب والبلوتوث ؟؟؟

3zo000oz
11-02-2011, 01:26 PM
مسااااء الخير

عندي ايفون 4 نسخه 4.2.1
وابي اعرف اذا مفتوح او مغلق عشان انزل عليه الجيلبريك

وووابي برنامج الواتس اب شلون انزله ؟؟


ووالجيلبريك صج هو يأثر على برنامج الواتس اب وموقع اليوتيوب والبلوتوث ؟؟؟

الجلبريك الي حطيته انا مافيه مشاكل ويشغل كل شي حلو كل المشاكل بالنسخ السابقه

ودام انتي اصلا عندج النسخه 421 نزلي الجلبريك عادي لانه ماراح يمسح شي بس بينزل برنامج السيديا

3zo000oz
11-02-2011, 01:27 PM
سلام عليكم
يعطيك العافيه على المجهود اخوي
ابي لعبة الورق الجوكر ولعبة الورق الهند
اذا ممكن

اذا مسوي جلبريك ادخل هالموقع وبتلقى اللعبه الي تبيها
http://apptrackr.org/index.php

Miss
12-02-2011, 01:22 PM
والله الصراحة من زمان ماشفتها شنوا نوع البروسيسور الكمبيوتر والرام ؟؟

تقصد هذااا

airbus
12-02-2011, 04:41 PM
تقصد هذااا

طيب الرام ٤ قيقا طيب شنوا نوع البروسيسور وسرعته

Miss
12-02-2011, 07:08 PM
تعبت لين طلعته :(

airbus
12-02-2011, 07:14 PM
تعبت لين طلعته :(

المفروض يشتغل البرنامج عادي بدون بطء

طيب امسحي البرنامج من جدوره وبعدها نزليه مرة تانية

miss cute
12-02-2011, 08:55 PM
مح رد علي شلون ابي برنامج الواتس اب للايفون 4 نسخه 4.2.1

مع العلم للحين مانزلت الجيلبريك لاني مااعرف الطريقه

miss cute
12-02-2011, 08:57 PM
الجلبريك الي حطيته انا مافيه مشاكل ويشغل كل شي حلو كل المشاكل بالنسخ السابقه

ودام انتي اصلا عندج النسخه 421 نزلي الجلبريك عادي لانه ماراح يمسح شي بس بينزل برنامج السيديا



مشكووور اخووي على التوضييييييح

Miss
12-02-2011, 10:16 PM
المفروض يشتغل البرنامج عادي بدون بطء

طيب امسحي البرنامج من جدوره وبعدها نزليه مرة تانية

بجررب وبشووف :(

msk
14-02-2011, 09:25 AM
طريقه نقل الاسماء من نوكيا e75 الى الايفون 4g ارجو المساعده

Daisy
14-02-2011, 05:47 PM
انا عندي ايفون 4 بس فيه مشكلة و هي اني لما أكلم أي حد صوته يكون ضعيف

airbus
14-02-2011, 07:25 PM
انا عندي ايفون 4 بس فيه مشكلة و هي اني لما أكلم أي حد صوته يكون ضعيف

اوكي الحل انه تعلي الصوت لما تتكلمي من عند زر الصوت وتنحل المشكلة

BuFaisal
14-02-2011, 07:26 PM
انا عندي ايفون 4 بس فيه مشكلة و هي اني لما أكلم أي حد صوته يكون ضعيف

- لما تكلم احد ارفع الصوت من الازرار الجانبية

- تأكد انك شلت اللاصق (الغطاء البلاستيكي) الي يجي فوق الايفون وهو جديد
اعرف ان هذا تعليق غريب بس ناس تنسى تشيل اللاصق هذا والصوت يكون ضعيف

airbus
14-02-2011, 11:12 PM
طريقه نقل الاسماء من نوكيا e75 الى الايفون 4g ارجو المساعده



هده الطريقة :

البرامج التي نحتاجها:

Nokia Ovi suite
وهذا رابط مباشر للبرنامج:
http://nds1.nokia.com/files/support/global/phones/software/Nokia_Ovi_Suite_webinstaller_ALL.exe
الحجم: 90.24 م.ب

iTunes 9

Microsoft Outlook



وهذا الشرح على ملف بوربوينت
http://www.mediafire.com/?zidygt3jr2z

Daisy
15-02-2011, 02:19 AM
اوكي الحل انه تعلي الصوت لما تتكلمي من عند زر الصوت وتنحل المشكلة



- لما تكلم احد ارفع الصوت من الازرار الجانبية

- تأكد انك شلت اللاصق (الغطاء البلاستيكي) الي يجي فوق الايفون وهو جديد
اعرف ان هذا تعليق غريب بس ناس تنسى تشيل اللاصق هذا والصوت يكون ضعيف


يعطيكم العافية أخواني
بس المشكلة مش في مستوى الصوت و لكن في الجهاز واعرف وحدة عندها نفس المشكلة

أخوي بوفيصل , اللزقة موجودة ماشلتها مادريت ان ممكن تكون سبب !

airbus
15-02-2011, 02:58 AM
يعطيكم العافية أخواني
بس المشكلة مش في مستوى الصوت و لكن في الجهاز واعرف وحدة عندها نفس المشكلة

أخوي بوفيصل , اللزقة موجودة ماشلتها مادريت ان ممكن تكون سبب !



:eek5::eek5::eek5: كيف كنتي تسمعي الصوت وكانت السماعة مقفولة بالاستيكر


ولكن ماعندي ولا مشكلة في الصوت انا مرات انقص فيه لان ماشاء الله ادا سويت اعلى شي الي يكون معاك يسمع كل المحادثة

Daisy
16-02-2011, 01:17 AM
شلت اللزقة و كل شي تمام , شكراً
Airbus
كنت اسمع بس الصوت بعيد

airbus
16-02-2011, 01:49 AM
شلت اللزقة و كل شي تمام , شكراً
airbus
كنت اسمع بس الصوت بعيد

لا شكر على واجب وربي يوفقك

BuFaisal
16-02-2011, 12:02 PM
شلت اللزقة و كل شي تمام , شكراً
airbus
كنت اسمع بس الصوت بعيد


- تأكد انك شلت اللاصق (الغطاء البلاستيكي) الي يجي فوق الايفون وهو جديد
اعرف ان هذا تعليق غريب بس ناس تنسى تشيل اللاصق هذا والصوت يكون ضعيف

لاني شفت موقف لواحد بفودافون وكان هذا السبب
الحمد لله على حل مشكلتك

لينا
16-02-2011, 11:06 PM
السلام عليكم

عندي مشكله في الايفون 4 كل ماوصله بالكمبيوتر وحمل صور تروح الصور القديمه

مشكورين

DR.Hamad
17-02-2011, 09:03 AM
السلام عليكم

عندي مشكله في الايفون 4 كل ماوصله بالكمبيوتر وحمل صور تروح الصور القديمه

مشكورين



تفضلي اختي شرح من اليوتيوب
http://www.************/watch?v=ctSA3JeAKT8&feature=player_embedded

airbus
17-02-2011, 04:13 PM
السلام عليكم

عندي مشكله في الايفون 4 كل ماوصله بالكمبيوتر وحمل صور تروح الصور القديمه

مشكورين

الحل انه تسوي Authorize Computer

http://www.alamary.com/up/uploads/images/alamary-9d14c627f6.png



بعد الإنتهاء نقوم بالضغط على اسقونة الايفون كلك يمين ثم نضغط على Transfer Purchases


http://www.alamary.com/up/uploads/images/alamary-06d601189e.png

وبعد مايخلص بتحصل كل الصور وماينمسح شي :victory:

فارس قطر333
19-02-2011, 04:12 PM
شلون اقدر انقل النغمات لجهاز الاي فون4

الراقيه سبشل
20-02-2011, 01:01 PM
ساعدوني بخصوص الاسماء

بعد مانقلت السيم من جوالي النوكيا للايفون اختفت كل الاسماء .. مافيه بالايفون ولا اسم :(

:(

بو خليفه 123
21-02-2011, 09:49 AM
ساعدوني بخصوص الاسماء

بعد مانقلت السيم من جوالي النوكيا للايفون اختفت كل الاسماء .. مافيه بالايفون ولا اسم :(

:(

لأنك مخزنه الارقام على ذاكرة الهاتف و ليس السيم كارد

بسيطه أختي وديه الى محل التلفونات و اطلبي منه نقل الاسماء من النوكيا الى الآي فون ..

الراقيه سبشل
21-02-2011, 09:55 AM
لأنك مخزنه الارقام على ذاكرة الهاتف و ليس السيم كارد

بسيطه أختي وديه الى محل التلفونات و اطلبي منه نقل الاسماء من النوكيا الى الآي فون ..

تم حل المشكلة ومشكوووورين :victory:

QtrGate
21-02-2011, 10:25 AM
اخواني اتعرفون محل يغير الزجاج الي ورى الايفون

امس طاح من ايدي وتشلخ

@north_star@
21-02-2011, 12:18 PM
السلام عليكم ورحمة الله
يا اخوان محتاج مساعده بتنزل الالعاب
لما اشبك التلفون من الاي تونز واروح apps ولما اسوي سينثيتيك عشان انزل الاالعاب يقولي انه الالعاب الجديدة رح تحل محل كل القديم فايش الحل؟
وشكرا مقدما

مسمس12
24-02-2011, 12:39 AM
عندي برنامج الواتس شلون اضيف ناس عندهم البرنامج بس في بلاك بيري

عزتي سمو ذاتي
24-02-2011, 08:38 AM
عندي برنامج الواتس شلون اضيف ناس عندهم البرنامج بس في بلاك بيري


إضافة الأعضاء في برنامج الواتس أب عن طريق رقم الجوال

يعني اي شخص منزل الواتس اب ورقمه مخزن عندك راح يطلع في اللسته

لأن لازم يكون الطرفين منزلين برنامج الواتس أب ومخزنين الأرقام عشان تقدرون تتواصلون

الاوركيدا
24-02-2011, 10:34 AM
الايفون طفى فجأة

شاللي صار :(

مو مهم
24-02-2011, 11:51 AM
الايفون طفى فجأة

شاللي صار :(

اخوي انت شصار معاك بالضبط طاح الجوال او شي واي شي صار معاك قبل لا يبند قوله لانه يمكن ينفعنا

......
انت اول شي تاكد من الجرج يمكن طافي شحن والجرج عندك مخترب
جرب جرج ثاني

واذا ما نفع وصل الجهاز بالكمبيوتر هل تظهر علامه الشحن

واذا حاولت تشغله تطلع علامه التفاحه