المساعد الشخصي الرقمي

مشاهدة النسخة كاملة : شل الحل مع الدراسة في الدول العربية ؟؟؟؟؟


QTR34
10-07-2009, 01:58 AM
اليوم اشوف اعلان في جريدة الراية 9/7 لجامعة العلوم التطبيقية في البحرين وحاطين اعلان يهنون الخريجين القطريين الذين حصلوا على شهادة الباكالوريوس ....
تتم عملية التسجيل في فندق الانتركونتيننتال لكن المشكلة اني اعرف ناس خلصوا منها ولم تصدق شهاداتهم فلا يوجد اي حل حتى اني كلمت الوزارة بعد قرائتي للاعلان للاستفسار هل هذي الجامعة معترف بها ام لا فالاجابة كانت لا فالسؤال هو ( لمذا يتم التصريح للجامعة بالمجيء واستلام الاوراق المطلوبة للتسجيل اذا لا يتم الاعتراف بها في دولة قطر ام يتم فتح باب التسجيل لغير القطريين فقط كما حصل مع الجامعة المصرية في منطقة المطار فالجامعة ليست للقطريين على قول احد موظفينهم ولا يتم الاعتراف بها لهم ؟؟؟ ) فمذا الحل اذا انا ناوي اكمل الدراسة الجامعية وليس هناك مجموع لدخولي الجامعات الموجودة حاليا

http://www.raya.com/mritems/streams/2009/7/9/2_456416_1_212.pdf
همسه
10-07-2009, 02:47 AM
عندي نفس السؤال

اتمنى حد يفيدنا

:)
الـقـاسـي
10-07-2009, 02:58 AM
سبحان الله اذا غير قطري درس فالجامعه يعترفون فيها عاادي واذا قطري لا تصير فاشله ومب زينه ..
يبي لنا جمعيه للرفق بالقطري ..
صوت الضمير
10-07-2009, 03:09 AM
اللحين ربعنا رايحين مصر يبون يدرسون هناك انتساب

ليكون بعد موب معترف فيها مصيبه والله

العنود
القناص
10-07-2009, 12:15 PM
ايه صحيح هي مو معترف فيها بس للقطريين !

لاتنسى ان قطر فيها فئة كبيرة من الاجانب عرب وغيرهم هؤلاء يتم الاعتراف بشهادتهم من أي مكان كانت :) ابتسم عزيزي
ANONYMOUS
10-07-2009, 12:53 PM
ك نظره مستقبليه

انا اشوف هالمنع من صالح قطر..

تخيل عقب 20 ولا 30 سنه..

كل اهل قطر بيكونون متعلمين تعليم راقي..


فهاذي خطوه تحسب لقطر.. فلا تتذمروا..

وبعدين مافيها شي.. شدوا حيلكم شوي.. سحابه وبتنقشع
بـــ ح ـــر
10-07-2009, 12:56 PM
يفتحون مجال للجامعات للتسجيل في قطر وينشرون لهم في الصحف الرسميه

ولا حد سجل وتخسر ما اعترفو في شهادته

والاجانب وخاصه من الدول العربيه شهادات مضرووبه ومن جامعات غير معترف فيها في بلادهم ويعترفون فيها في الدوحه
مليونيره
10-07-2009, 01:34 PM
الحل؟؟؟
حط يدك على خدك وعندك كاس ماي وحبوب زنتك للمعده
QTR34
10-07-2009, 02:24 PM
اللحين ربعنا رايحين مصر يبون يدرسون هناك انتساب

ليكون بعد موب معترف فيها مصيبه والله

العنود

انا كنت من طلاب مصر وقفت دراستي لاني لما رحت الوزارة قالوا معترفين فيها والمجلس الاعلى يقول لا ولما طلبت اوراق من الوزارة تثبت ان مصر معترفين فيها قالوا ما نعطي قالو لي روح ادرس وانشاء الله لين رجعت راح اتصدق
بويوسف
10-07-2009, 02:35 PM
ك نظره مستقبليه

انا اشوف هالمنع من صالح قطر..

تخيل عقب 20 ولا 30 سنه..

كل اهل قطر بيكونون متعلمين تعليم راقي..


فهاذي خطوه تحسب لقطر.. فلا تتذمروا..

وبعدين مافيها شي.. شدوا حيلكم شوي.. سحابه وبتنقشع

هذا احتمال من عدة احتمالات .. الاحتمال الاكبر انه يرضخون للامر الواقع ويشتغلون وبعدها مايكونون مؤهلين لمسك الكثير من الاعمال ويقولون لهم انتوا ثانوية وهذا الشغل ماتقدرون عليه ..

في حين (وهذا اللي حاصل) الاخوة العرب عليهم بالعافية اللي عنده شهادة من اوكرانيا واللي من السودان واللي من مصر واللي من روسيا واللي من بولندا .. وسداح مداح رواتبهم اكثر من رواتبنا ..

يصيدني الحزن ليما اشوف شباب مجموعهم في الثمانينات وقاعدين يشتغلون بسبب عدم قدرتهم على الحصول على التوفل وعدم قدرتهم على السفر للخارج في الغرب.
روح الاطلس
10-07-2009, 02:49 PM
ك نظره مستقبليه

انا اشوف هالمنع من صالح قطر..

تخيل عقب 20 ولا 30 سنه..

كل اهل قطر بيكونون متعلمين تعليم راقي..


فهاذي خطوه تحسب لقطر.. فلا تتذمروا..

وبعدين مافيها شي.. شدوا حيلكم شوي.. سحابه وبتنقشع

وهل تعتقد ان عقب 20 سنة ولا 30 سنة قطر بتستغني عن الاجانب ؟؟ وبيصير عندها الكفاءات القطرية ؟؟!! ارجوك لا تضحكني لو تدري شنو قاعدة تسوي جامعه قطر في طلابها ولو تلتفت يمينك ويسارك راح تلقى ان عدد الطلبة حاملين شهادة الثانوية قاعد يزيد والجامعات اللي عندنا ماتستقبلهم وتطردهم .. انت تدري كم عدد خريجين هالسنة مقارنه بالسنوات اللي قبلها ؟؟ ولا خلني ساكته
اذا الدولة مستمرة بهالطريقة تضيق على طلابها لا جامعتهم الوطنية قابله فيهم ولا بعثات عدلة يعطونهم ولا انتساب مسموح لهم ولا حتى دراسة على حسابهم في الدول العربية معترف فيها فأي شي تتوقعه بعد 20 سنة ؟؟
بويوسف
10-07-2009, 03:03 PM
وهل تعتقد ان عقب 20 سنة ولا 30 سنة قطر بتستغني عن الاجانب ؟؟ وبيصير عندها الكفاءات القطرية ؟؟!! ارجوك لا تضحكني لو تدري شنو قاعدة تسوي جامعه قطر في طلابها ولو تلتفت يمينك ويسارك راح تلقى ان عدد الطلبة حاملين شهادة الثانوية قاعد يزيد والجامعات اللي عندنا ماتستقبلهم وتطردهم .. انت تدري كم عدد خريجين هالسنة مقارنه بالسنوات اللي قبلها ؟؟ ولا خلني ساكته
اذا الدولة مستمرة بهالطريقة تضيق على طلابها لا جامعتهم الوطنية قابله فيهم ولا بعثات عدلة يعطونهم ولا انتساب مسموح لهم ولا حتى دراسة على حسابهم في الدول العربية معترف فيها فأي شي تتوقعه بعد 20 سنة ؟؟

صدقتي والله .. مأساة في كلية الهندسة في جامعة قطر .. مافي خريجين في السنوات الاخيرة من القطريين ..

يعني يا عالم ياناس هذا حل يا تجيب توفل والا اطلع برع .. ياخي شوفوا لكم حل لازم تشوفون حل حق الطلاب القطريين لازم يكون في قطريين مهندسين واطباء ومتخصصين في شتى المجالات .. لاتمسكون الاجانب كل شي ..

الله يعين ان شالله.
روح الاطلس
10-07-2009, 04:07 PM
تدري يابو يوسف مافيه الا نجتمع ونسوي انتفاضه طلابية شعبيه ونروح نمسك لافتات ومظاهرات ونوقف عند حقوق الانسان يمكن يحسون جماعتنا هاي مايسمعون الا كلام المجتمع الدولي اي شي يطلبونه يقولون لهم تم تم
وياكثر خبراء التعليم اللي تكلموا في المووضوع ويا كثر الدكاترة اللي نشروا مقالات ومافي فايده مقتنعين بالسياسة اللي هم ماشيين عليها لان صوت الشعب غير واصل لولاة الامر
تحداني
10-07-2009, 06:55 PM
سبحان الله اذا غير قطري درس فالجامعه يعترفون فيها عاادي واذا قطري لا تصير فاشله ومب زينه ..
يبي لنا جمعيه للرفق بالقطري ..



... مساء الخير ..
.
.
انا راح اقول لك ليه ...
شوف يا سيدي الفاضل ..
هناك الكثير من الجامعات غير معترف بها خارج البلد نفسه بمعنى ..
جامعه العلوم التطبيقيه معترف بها في البحرين ..غير معترف بها خارج البحرين ..
نفترض القاسي فكر الدراسه بها ..بعد الرجوع الى بلده الا وهو قطر ..
جهه عملك تطلب منك تصديق الشهاده ومعادلتها ..هنا سوف يخضع القاسي لقوانين دوله قطر ..
.
.
اما ..
الامر سيكون مختلف تماما مع ممدوح او مصطفى او راجو ...
لان قوانين دوله قطر لا تطبق على غير قطري ...
هذا ما قرأته وفهمته من الاخ ربيعه الكعبي ..
وتنص عليه كل المواد والقوانين التعليميه في كل الدول ..
.
.
اذا قوانين دوله قطر تنطبق فقط على القطري ..
اما الغير قطري لا ..
.
.
الله يسعك يارب
تحداني
10-07-2009, 07:01 PM
... مساء الخير على الجميع ...
.
.
جامعه العلوم التطبيقيه ..غير معترف بها ...
وهي ليست فرع من الجامعه الاساسيه في الاردن ...
ولقد تم نشر اعلان بذلك ..ولو كنتوا غير مصدقين ..
اتصلوا بجامعه العلوم التطبيقيه في الاردن واستفسروا وسيقولون لكم غير معترف بها ولا نعرفها ...
.
.
.
اما عن الاعلان الذي نشر في الجرائد عن التسجيل في جامعه العلوم التطبيقيه ..
هو اعلان هدفه الاول والاخير ربحي ..وجذب الناس للدراسه بها ..
اذا التحق بها غير القطري فلا مانع ..
اما القطريين لا ..
.
.
ولعل الجميع يعرف قصه الطلاب 16 القطريين ..
اتصلوا بوطني الحبيب صباح الخير واشتكوا ..
ان الوزاره لم تصدق الشهاده ..
.
.
وهذا الكلام صحيح الى يومنا هذا ..
.
.
اخواني الافاضل الجامعه لكي تقال عنها جامعه لابد ان تتوافر بها شروط معينه ..
وهناك الكثير من الجامعات غير مطبقه لذلك ...
.
.
الانتساب ممنووووووووووووووووووع ..
ممنوووووووووووووووع فلا تخطو هذه الخطوه فستندمون ...
.
.
والله على ما اقول شهيد ..
بويوسف
10-07-2009, 09:44 PM
الله يهديهم ياتحداني الزمن وينتبهون حق عيال قطر .. اذا اردت ان تطاع فأطلب مايستطاع .. اما سالفة غير القطري ماتنبطق عليه القوانين القطرية فهذي شي يضحك مثل وايد اشيا صارت ..
تحداني
11-07-2009, 01:14 AM
الله يهديهم ياتحداني الزمن وينتبهون حق عيال قطر .. اذا اردت ان تطاع فأطلب مايستطاع .. اما سالفة غير القطري ماتنبطق عليه القوانين القطرية فهذي شي يضحك مثل وايد اشيا صارت ..

.

.
هناك امور يا اخي الفاضل خارج ارادتنا ..
خارج عن سيطرتنا ...
ولعل التعليم من بين اكثر الامور وضوحا لدى اولي الامر ..
.
.
فما الحل بالله عليك ..
غير الصبر ..والصبر ..
وتخطي كل تلك العقبات بحلول مجديه ..
وليس فقط الصراخ ..
واللوم والعتاب ..
دون ان نتحرك خطوه واحده للامام ..
.
.
هذا ما اتمناه من كل شاب ..ومن كل فتاه ..
احلامنا ان لم تجد الحل بما هو موجود ..
فسنطرق ابواب اخرى الى ان يفرجها الله ..
.
.
.
ياااااااااااااااارب وف كل طالب علم ..
ومن تمنى العلم والشهاده عسى الله ينور طريقه ..
ويناوله ما يتمناه ..
.
.
nouar
11-07-2009, 01:22 AM
أخوي ادرس وتوكل على الله

انت تريد العلم والشهادة ولا مشاكله الناطور...
وأنا أمس شوفت الجامعة ،،، نظامها نفس نظام جامعة قطر الأولي ...

خليها في القلب ....

إذا جامعتنا العزيزه .,,,بعض كلياتها ميشان الوظيفه لازم يعملك اختبار بمواد الجامعة
لانك ما بتسحق السينير ...

حسبى الله ونعم الوكيل ..
سوووووووير
11-07-2009, 03:17 AM
ياجماعه انا جربت ادرس في جامعه امريكية في قطر وجامعه عربية في احدى دول الخليج
صدقوني مافي فرق ! المنهج قوي والالتزام والضبط مطلوب في ثنيهم
لحد يقولي مب راقي
الظاهر كونها عربيه يعني مب قد المقام !
ANONYMOUS
11-07-2009, 11:56 AM
هذا احتمال من عدة احتمالات .. الاحتمال الاكبر انه يرضخون للامر الواقع ويشتغلون وبعدها مايكونون مؤهلين لمسك الكثير من الاعمال ويقولون لهم انتوا ثانوية وهذا الشغل ماتقدرون عليه ..

في حين (وهذا اللي حاصل) الاخوة العرب عليهم بالعافية اللي عنده شهادة من اوكرانيا واللي من السودان واللي من مصر واللي من روسيا واللي من بولندا .. وسداح مداح رواتبهم اكثر من رواتبنا ..

يصيدني الحزن ليما اشوف شباب مجموعهم في الثمانينات وقاعدين يشتغلون بسبب عدم قدرتهم على الحصول على التوفل وعدم قدرتهم على السفر للخارج في الغرب.


انا ماقصدت خلكم ع الثانويه..

اقول للشباب القطري.. شدو الحيل وجيبوا التوفل والسات ودشوا الجامعات اللي هنا وتخرجوا منها

بعدين ..

الموضوع عن الانتساب للقطريين..

شدخل الاجانب في الموضوع..

هل الاجانب اللي منعوا الانتساب بقطر !!
قناص الخليج
11-07-2009, 02:31 PM
اذا كنت موظف يسمح بدراسة ثلاث تخصصات بالجامعات العربيه ( عربي - شريعه - حقوق ) طبعا الماجستير

اذا اردت غير هذة التخصصات عليك بالجامعات الاجنبيه

اوكي الجامعات الاجنبيه تبي التوفل

وانا لغتي حدها اطلب بمطعم او احجز بفندق اذا سافرت

يقولون لك خذ دورات يبه انا مب متاسس من البدايه بالانجليزي عدل

يقولون دش عربي او شرعيه

قلت لهم شستفيد ولا الوزارة شتسفيد من هل التخصص

اصحح لهم كتب باللغة العربيه ولا افتي لهم هل المعامله تجوز او لا تجوز

قالوا شتبي اي تخصص قلت ادارة قالوا عندك توفل<<----- رجعنا لنفس الموضوع

قالوا دش قانون قلت لهم اتصلت بالجامعة وقالوا لي لازم تكون مخلص بكالريوس بالقانون


اسمحوا لي ياشباب اكلم نفسي والسبب المجلس الاعلى وشروطه
تحداني
11-07-2009, 02:44 PM
اذا كنت موظف يسمح بدراسة ثلاث تخصصات بالجامعات العربيه ( عربي - شريعه - حقوق ) طبعا الماجستير

اذا اردت غير هذة التخصصات عليك بالجامعات الاجنبيه

اوكي الجامعات الاجنبيه تبي التوفل

وانا لغتي حدها اطلب بمطعم او احجز بفندق اذا سافرت

يقولون لك خذ دورات يبه انا مب متاسس من البدايه بالانجليزي عدل

يقولون دش عربي او شرعيه

قلت لهم شستفيد ولا الوزارة شتسفيد من هل التخصص

اصحح لهم كتب باللغة العربيه ولا افتي لهم هل المعامله تجوز او لا تجوز

قالوا شتبي اي تخصص قلت ادارة قالوا عندك توفل<<----- رجعنا لنفس الموضوع

قالوا دش قانون قلت لهم اتصلت بالجامعة وقالوا لي لازم تكون مخلص بكالريوس بالقانون


اسمحوا لي ياشباب اكلم نفسي والسبب المجلس الاعلى وشروطه


.
.
.
اخي الفاضل قناص الخليج ..
كا ما ذكرته صحيح ولا غبار عليه ..
اما عن التخصص وليس رغبتك به ..
.
.
ان كانت لغتك الانجليزيه ضعيفه ..
التحق باحد معاهد اللغه في اي دوله اجنبيه ..
راح تتقوى اللغه صدقني ..
والله عندما تمارسها مع اهلها راح تتغير نسبه 90% ..
شوف العماله الوافده تأتي قطر وتتعلم عربي ..
شوف الهنود يتعلمون عربي ..
.
.
اذا كنت تريد عل حساب الدوله لابد ان يكون لديك قبول من احد الجامعات الاجنبيه ..
والامر كله متوقف عل اللغه ..
يا اخي الفاضل حاول باي طريقه ..
.
.
الجامعات العربيه اليوم لا تغني من جوع ..
كل الشركات العالميه تحتاج الى لغه ..
شاب ومعاه ماجستير ولا يعرف انجليزي والله مو حلوه ..
وبكره اكيد راح تكملها بالدكتوراه باذن الله ..
.
.
اخي الفاضل الابتعاث للجامعات الاجنبيه حل رائع ..
ولكن للاسف الكثير لا يفهم ولا يريد استيعاب ابعاد الموضوع ..
.
.
هل سوف تظل طول عمرك في وزاره ..
هناك شركات خاصه مثل ديار وبروه وعقاريه وشل وبترول ودولفين ..
رواتبهم خياليه ..
ليه تكون طموحاتك عل الوزاره فقط ..
.
.
هذه الشركات محتاجه لغه ..
.
.
واللغه الانجليزيه ضروره من ضروريات الحياه ..
.
.
لا حول ولا قوه الا بالله ..
تعبت وانا اردد عباره ..اللغه الانجليزيه ليست بقنبله نوويه ..
صدقني والله ثم والله راح تتعلمها ..
.
.
افترض تخرجت من جامعه عربيه لا تحتاج لغه انجليزيه ..
بكره ترجع لوظيفتك وراح تاخذ دورات لكي تقوي نفسك ..
شخص معاه ماجستير وانتهي ويقوي نفسه في معاهد في اللغه الانجليزيه ...
.
.
ليه ما تاخذها من الاول
.
.
الله يوفقك يااااااااااااااارب وتفهمني
qtr-2
11-07-2009, 03:10 PM
يصيدني الحزن ليما اشوف شباب مجموعهم في الثمانينات وقاعدين يشتغلون بسبب عدم قدرتهم على الحصول على التوفل وعدم قدرتهم على السفر للخارج في الغرب.

كل الي صاير يابويوسف .. بأوامر من مؤسسة راند الامريكية الصهيونية .. الله ياخذهم
المتضرعه لله
12-07-2009, 12:33 AM
والله تعبنا نبي نحسن من مستوانا التعليمي ونبي الوظيفه

ايش العمل

طيب افتحوا لنا هنا بقطر جامعة انتساب معترف بها ياناس سووا تصويت على جامعه انتساب للقطريين فقط بقطر

نبي نكمل تعليم وظروفنا الوظيفيه قاهرتنا ايش نسوي نركن للعلم ونترك العمل وحاجتنا الماديه او ايش نسوي

بالله عليكم نبي حل
عبودي قطر
12-07-2009, 02:54 AM
الله يوفق الجميع انشا الله وربعنا اللي ف جامعه العلوم التطبيقيه ..
التاجرالصغير
12-07-2009, 01:32 PM
للرفع
وتبقى الدنيا حلوه
12-07-2009, 01:57 PM
شي محزن للاسف
دولة قطر
12-07-2009, 03:12 PM
^
^
^
^
^
شوفوا توقيع الاخت اللي فوقي اول ..


و باختصار مايبونكم تدرسوون وتصيرون احسن من الاجانب ..


صدقت العنود يوم قالت حط لك كوب ماي وحبتين زنتك بدل الوحده من الحسره ..

والله قهر كل يوم قانون على راس هالقطري ..
طموحي عالي
12-07-2009, 09:53 PM
انا دوامي معترف بجامعه القاهره المفتوحه وهالسنه بقدم وماعندي فكره عن جامعه البحرين
شويهينــه
12-07-2009, 10:05 PM
:weeping::weeping::weeping:

هذا الموضوع مارقني من زمان

انزين انتوا شباب يمكن تستحملون الغربه

انا البنت مابي اتغرب

ماقدر اعيش في بلادهم جربت اسبوعين وماقدرت استحمل:weeping:

ابي اعرف شالحكمه من ان الجامعات العربيه مب معترف بها:anger1:

والله مو كل اللي تخرجوا من جامعات برع فلته

معانا في الشغل بنات متخرجين من جامعات بريطانيا وفي اللي متخرجين من جامعة قطر وفيه اللي من جامعات الاردن

والله ان مستوانا احنا اللي من الجامعات العربيه احسن ميه مره من اللي متخرجين من برع

عطوني سبب واحد مقنع بمنع الابتعاث للجامعات العربيه:secret:
سداوي الدوحة
13-07-2009, 01:18 AM
لا انصح بالدراسة في جامعات مصر --- فبعد دفع الف الريالات و الاكراميات و رشاوي اعضاء هيئة التدريس تجد الشهادات غير معترف بها و كذلك لا توجد اي جامعة مصرية في تصنيف ال500 جامعة الافضل علي مستوي العالم للعامين 2007 و 2008
تحداني
13-07-2009, 09:22 AM
لا انصح بالدراسة في جامعات مصر --- فبعد دفع الف الريالات و الاكراميات و رشاوي اعضاء هيئة التدريس تجد الشهادات غير معترف بها و كذلك لا توجد اي جامعة مصرية في تصنيف ال500 جامعة الافضل علي مستوي العالم للعامين 2007 و 2008


:victory: :nice:
بويوسف
13-07-2009, 04:57 PM
الله يهداج تحداني اللغة واللغة وكأنة مافي شي في الدنيا الا هاللغة ..

ترى العلم مش اللغة وبس .. ولو قريتي الجرايد هالايام ماليزيا الغت الدراسة باللغة الانكليزية للعلوم والرياضيات لانهم لاحظوا تدهور مستوى الطلاب في العلم ..

احنا نتفهم ان اللغة صارت متطلب من جهات عليا .. بس انه احنا نقتنع انه اللغة هي اللي ترفعنا لا بالله كلامج مجافي للصحة ..

وبعدين شفيها الجامعات العربية .. اكثر من حديث واكثر من رد لاحظت انج تحطين من قدر الجامعات العربية .. اذا مجلسكم مايبعث لهالجامعات مش معناها ان مستواها مب زين ..

العلم ماله علاقة باللغة وياما علماء وخبراء ابدعوا بلغاتهم .. ومعظم دول العالم جامعاتها تدرس بلغتها الام .. الصين - اليابان - فرنسا - المانيا وغيرهم وغيرهم وغيرهم ..

صحيح المقارنة ظالمة ولكن على الاقل اشوي كرامة للغتنا .. نترك المجال للي يبغي يدرس بالعربي او اللي يبغي يدرس بالانكليزي مش نتعامل مع لغتنا العربية بدونية ..

وبعدين ترى لايكون الشركات اللي تكلمين عنها جنات الفردوس ديار وبروة وطختها ترى معظم اللي فيها محصلين شغل بالواسطة وقليل منهم اللي بمؤهلاتهم .. ترى عارفين الجدر وغطاه يا تحداني ..

وترى اللغة اللي يبغي يطور نفسه يقدر سواء كبير او صغير .. مادري ماسمعتي عن اللي دخل الجامعة وعمره تسعين .. ماهو عيب ادخل جامعة عربية وفي نفس الوقت ادخل معهد اقوي لغتي .. هذا للي يحب لكن اللي مايبغي مانجبره ..

على فكرة دخلت على الجامعات اللي تعترفون فيها .. ولقيت كثير منها يعطون دراسات بارت تايم وانتساب .. والتعليم عن بعد .. ومعترف فيها في كل مكان بالعالم .. ماعدا عندنا .. الدراسة عن بعد ابدا ماكانت سهلة او مستواها تعبان خصوصا انها من جامعات عريقة .. وفي حالة الدراسات العليا ..

للاسف احنا نبغي نتطور ومب عارفين شلون ..

والله المستعان ..
ثاني
13-07-2009, 05:11 PM
الا على طاري ماليزيا ؟ يالربع هل الجامعات الماليزية معترف بها في قطر على لستت هيئة التعليم " ؟ لاني دورت في اللستة عن جامعات ماليزية وماحصلت للأسف يليت حد يساعدنا .؟؟
روح الاطلس
13-07-2009, 07:54 PM
الا على طاري ماليزيا ؟ يالربع هل الجامعات الماليزية معترف بها في قطر على لستت هيئة التعليم " ؟ لاني دورت في اللستة عن جامعات ماليزية وماحصلت للأسف يليت حد يساعدنا .؟؟

للاسف لا !! رغم ان فيها جامعات على مستوى عالي ومصنفه من الدرجة الخامسة ( اللستة اللي عندنا تضم كل الجامعات ذات التصنيف خمس نجوم )
دول الخليج كلها تبعث لماليزيا ولجامعاتها :)

قطر الابتعاث فقط لبريطانيا وكندا وامريكا واستراليا والارجنتين والبرازيل ومدري كم دولة ثانية .. بس كلها دول غير اسلامية :)
شاعر المليون
13-07-2009, 08:02 PM
للاسف لا !! رغم ان فيها جامعات على مستوى عالي ومصنفه من الدرجة الخامسة ( اللستة اللي عندنا تضم كل الجامعات ذات التصنيف خمس نجوم )
دول الخليج كلها تبعث لماليزيا ولجامعاتها :)

قطر الابتعاث فقط لبريطانيا وكندا وامريكا واستراليا والارجنتين والبرازيل ومدري كم دولة ثانية .. بس كلها دول غير اسلامية :)

كني شفت ماليزيا في اللستة :con2::con2::con2
متأكد أخوي روح الاطلس ماليزيا مب في اللستة:
روح الاطلس
13-07-2009, 08:02 PM
الله يهداج تحداني اللغة واللغة وكأنة مافي شي في الدنيا الا هاللغة ..

ترى العلم مش اللغة وبس .. ولو قريتي الجرايد هالايام ماليزيا الغت الدراسة باللغة الانكليزية للعلوم والرياضيات لانهم لاحظوا تدهور مستوى الطلاب في العلم ..

احنا نتفهم ان اللغة صارت متطلب من جهات عليا .. بس انه احنا نقتنع انه اللغة هي اللي ترفعنا لا بالله كلامج مجافي للصحة ..

وبعدين شفيها الجامعات العربية .. اكثر من حديث واكثر من رد لاحظت انج تحطين من قدر الجامعات العربية .. اذا مجلسكم مايبعث لهالجامعات مش معناها ان مستواها مب زين ..

العلم ماله علاقة باللغة وياما علماء وخبراء ابدعوا بلغاتهم .. ومعظم دول العالم جامعاتها تدرس بلغتها الام .. الصين - اليابان - فرنسا - المانيا وغيرهم وغيرهم وغيرهم ..

صحيح المقارنة ظالمة ولكن على الاقل اشوي كرامة للغتنا .. نترك المجال للي يبغي يدرس بالعربي او اللي يبغي يدرس بالانكليزي مش نتعامل مع لغتنا العربية بدونية ..

وبعدين ترى لايكون الشركات اللي تكلمين عنها جنات الفردوس ديار وبروة وطختها ترى معظم اللي فيها محصلين شغل بالواسطة وقليل منهم اللي بمؤهلاتهم .. ترى عارفين الجدر وغطاه يا تحداني ..

وترى اللغة اللي يبغي يطور نفسه يقدر سواء كبير او صغير .. مادري ماسمعتي عن اللي دخل الجامعة وعمره تسعين .. ماهو عيب ادخل جامعة عربية وفي نفس الوقت ادخل معهد اقوي لغتي .. هذا للي يحب لكن اللي مايبغي مانجبره ..

على فكرة دخلت على الجامعات اللي تعترفون فيها .. ولقيت كثير منها يعطون دراسات بارت تايم وانتساب .. والتعليم عن بعد .. ومعترف فيها في كل مكان بالعالم .. ماعدا عندنا .. الدراسة عن بعد ابدا ماكانت سهلة او مستواها تعبان خصوصا انها من جامعات عريقة .. وفي حالة الدراسات العليا ..

للاسف احنا نبغي نتطور ومب عارفين شلون ..

والله المستعان ..

صحيح كلامك اخوي بويوسف ومعاك حق بكل كلمة قلتها .. اللغه ماحد ينكر انها ضرورية لكن ان تكون هي الشرط الاول والاخير لتحديد مصير طالب انه يحصل على شهادة جامعية او لا هنا نقول ستوب ! اللغه مو ذاك الشي البعبع الصعب اللي يتحدد فيه مصير طالب حاصل على 98 % في الثانوية ويحرم من مواصلة الدراسة بسبب درجة معينه لازم لازم يجيبها قبل لا يدش الجامعه .. اللغه ممكن الواحد يطورها خلال الدراسة وممكن يطورها لو اشتغل .. يا كثر اللي اعرفهم ومخلصين دراسة بالعربي ولغتهم بالانجليزي احسن من لغتي مليون مره وانا مخلصة دراستي بالانجليزي !! وجايبه توفل قريب من 600 !!! لكن لما اقارن نفسي فيهم اكتشف الفرق الكبير ! لانهم في الشغل ومع احتكاكهم بالموظفين والعملاء تدريجياً تطورت اللغه عندهم بدون تعقيدات توفل وخرابيط .. وانا حتى لما درست بالجامعه كانت دراستي لكل المواد بالانجليزي ( في الوقت اللي التوفل ماكان اجباري ) صحيح وجدت صعوبة في اول سنة لان لغتي ضعيفه في الثانوية لكن مع المحاضرات والدراسة والقراءة في الكتب لاربع سنوات تخرجت وبتفوق بعد لا وقدمت التوفل اشوف نفسي جبت من اول مرة 600 !! لكن اللي جاوا بعدي حطموهم مع انهم متفوقين في الثانوية لكن لغتهم شوي ضعيفه بحكم عدم التاهيل الكافي لهم في الثانوية وقالوا لهم روحو بنجمد قيدكم لين تجيبون التوفل وعقب تعالوا !! فرق بين وضعي ووضعهم
ومثل ماقالت تحداني الزمن اللغه مو ذاك الشي الصعب عشان يحطون حجر عثرة امام الطلاب .. لغتهم اذا خايفين عليها راح تتطور مع الدراسة وبتطور اكثر مع الشغل ( لو كان الشغل يتطلب لغه قوية ) ويا كثر الناس اللي مامعها غير ثانوي او اعدادي ولغتهم قوية بسبب الدورات والاحتكاك بالناس والاجانب في الشغل وغيره .. فليش نخليها عقبة تحدد مصير طلاب ديرتنا ؟؟ وحتى الابتعاث مايبعثون للغه طيب ليه ؟؟ كل الدول المجاورة تبعث طلابها سنة كاملة لغه قبل التخصص واللي مايعدي سنة اللغه يرجع بلاده .. ليه قطر تقصر مع عيالها والدول الثانية ماتقصر ؟؟ هنا السؤال اللي اتمنى من المسؤلين ينتبهون له وماتاخذهم العنجهيه اكثر من كذا
روح الاطلس
13-07-2009, 08:07 PM
كني شفت ماليزيا في اللستة :con2::con2::con2
متأكد أخوي روح الاطلس ماليزيا مب في اللستة:

ايه مليون في المية ماليزيا مو موجوده .. فيه الهند وكوريا وتايوان :secret:
بـــ ح ـــر
13-07-2009, 08:08 PM
الاكاديميه العربيه للعلوم و للتكنلوجا والنقل البحري في جمهوريه مصر

معترف فيها
شاعر المليون
13-07-2009, 08:40 PM
ايه مليون في المية ماليزيا مو موجوده .. فيه الهند وكوريا وتايوان :secret:

زين في جامعة في شفيلد في ( انجلترا مادري بريطانيا) أبي أسجل فيها بس مادري هي في القائمة المعترف فيها ولا في البلاك لست؟؟؟؟؟؟؟؟؟؟؟؟؟؟؟؟؟؟؟؟؟؟؟؟

//: ممكن حد يفيدني..............
براتزية برازيلية
14-07-2009, 10:49 AM
يعطيك العافية عالموضوع
شويهينــه
14-07-2009, 02:55 PM
ليش حذفتوا الردود؟؟؟:anger1::anger1:
روح الاطلس
14-07-2009, 02:57 PM
ليش حذفتوا الردود؟؟؟:anger1::anger1:

نفس السؤال !!

بس الظاهر واسطه عوده تدخلت في الموضوع رغم اننا لم نذكر اي شي مخالف !!
شويهينــه
14-07-2009, 03:11 PM
نفس السؤال !!

بس الظاهر واسطه عوده تدخلت في الموضوع رغم اننا لم نذكر اي شي مخالف !!

:rolleyes2::rolleyes2: حتى هني واسطات