المساعد الشخصي الرقمي

مشاهدة النسخة كاملة : مواقف سوق واقف بفلوس؟؟؟؟


tnt789
10-07-2009, 08:21 AM
:
جريدة الراية
:
:
كتب - مجدي صالح:

أكد محمد السالم مدير سوق واقف أن إدارة السوق تقوم الان بأعمال لتطوير المواقف حتي يمكنها استيعاب أعداد أكثر من السيارات للتخفيف من حدة التزاحم علي المواقف التي تزداد خلال فترة نهاية الأسبوع.
وأشار إلي أن العمل يجري لإقامة 4 بوابات الكترونية وأن الرسوم التي سوف يتم تحصيلها ستكون رمزية ولا تهدف للربح وتأتي في إطار أعمال التطوير التي تتم في سوق واقف.

حتى المواقف سووها بفلوس؟؟
شبقى بعد................... اللهم لا حول ولا قوة:weeping:
ذيبه مزاجيه
10-07-2009, 08:45 AM
من زين المواقف الجديده الحين !!
المشكله ان المكان صار ضيق اكثر بوااااااايد .. والمواقف اقل من قبل .. مه انهم يدرون شكثر الناس اللي يروحون هناك مع ذلك سووا نظام المواقف الفاشل هذي ,,
الواحد من الضيق ,,اذا دخل سيارته خاف يطلعها يدعم اللي واقف في الموقف اللي وراه !!
وبعد يبون فلوس عليها !!
امحق ,,
nyzk
10-07-2009, 09:50 AM
احسن قرار لو تم تطبيقه يكفي ان الزوار يشغلون المواقف لساعات طويله وغيرهم يجي السوق لشغله ماتاخذ وقت ومايلقا مكان يوقف فيه سيارته ويصرف نظر عن دخول السوق
اذكر
في منطقة النجاده كانت في ازمة مواقف لكن لما سوو المواقف بمقابل مادي في مركز النجاده التجاري اختفت الازمه
والدعوه كلها ريال على الساعه
_بوشهاب_
10-07-2009, 10:03 AM
امس شفت البوابات واصلا من زين المواقف ضيقه وايد وارضيه الواقف تعبانه بصراحه كسرت المواتر
لاجئ عاطفي
10-07-2009, 10:22 AM
بالعكس قرار سليم وفي محله عالاقل اتخف الزحمه واتحد من وقوف البعض هناك بالساعات
استغفرالله
10-07-2009, 10:30 AM
قرار حلو
hemoud123
10-07-2009, 10:52 AM
قرار سليم وفي وقته
على الاقل راح تلقى مكان تصف سيارتك
moonبنتnight
10-07-2009, 11:13 AM
بصراحة قمة الاستغلال 00

ليش أن شاء الله 00 كفاية الاسعار النار في السوق ساير سياحي درجة أولى00

وكفاية علينا الغرامات لما توقف في أي مكان 00 تقولهم رصيف مكسر ولا يوجد موقف يقول تعليمات 00 لي ضحكني أن سياح في باص 00 مواطن بسيارته ودفع 00 وبكرة 5 و10 ورفع عادي سياحه 00
*نجمة الليل*
10-07-2009, 11:51 AM
قرار سليم وفي وقته
على الاقل راح تلقى مكان تصف سيارتك
رأس بروق
10-07-2009, 12:04 PM
قرار سليـــــــــــــــم مـــــــــــــــن ادارة الســـــــــــــوق لانـــــــــــــــه نسبـــــــــــت البطـــــــــــاله مـــــــن بعض الشبــــــــــــاب والبنــــــــــــات وايـــــــــــــد فــــــــي الســـــــوق راح يخفف منهم خاصه عند القهاوي :victory:

بس المواقف وايـــــــــد ضيقه ماتقدر تفتح بابـــــــــك الا ضارب الباب اللي جنبكـ ولا فيه تنظيم بالمواقف الكــــــــــل داش لك عرض :rolleyes2: .

ياليـــــــــت يحطـــــــــــون ليتات إنـــــــــــاره بالمواقف لانه الظلام يسوده:eek5: والرصيف غيـــــــر مدهون مايبين بالليل خاصه الدوار اللي بالمواقف داخل اللي ماله داعــــــــــي :anger1:.
الكايـــده
10-07-2009, 12:32 PM
قرااااار حلووووووو ياليت المجمعات بعد يحطونها بفلووووس لاعت كبدنا من الزحمه ع الاقل مب محصلين الفصفص شاغلين لنا الباركنات بال5 ساعات والا اكثر بعد
ANONYMOUS
10-07-2009, 12:36 PM
حلو.. على اساس الناس الجحلّط تخفف من القعده في السوق
وطن
10-07-2009, 12:39 PM
مب من زين المواقف عشان يسوونها بفلوس
مادري منو اللي مخططها لهم
ضيقه ووايد تضيع الواحد مالها اتجاهات محدده وواضحه
Bu Rashid
10-07-2009, 12:44 PM
كل المواقف بدولة قطر المفرووووض يسونها بفلوووس ...
علشان نرتاح من المخالفات ... ونحصل مواقف
tnt789
10-07-2009, 01:12 PM
عيل اصحاب المحلات وين يوقفون مواترهم
والشياب الي صار لهم سنين وهم يجون السوق
ويمكن بعد سنة ولا نتين يقولك رفعنا القيمة الى 5 وبعدين عشر مثل ماقال اخوي
الله يستر ان شاء الله
nyzk
10-07-2009, 01:26 PM
عيل اصحاب المحلات وين يوقفون مواترهم
والشياب الي صار لهم سنين وهم يجون السوق
ويمكن بعد سنة ولا نتين يقولك رفعنا القيمة الى 5 وبعدين عشر مثل ماقال اخوي
الله يستر ان شاء الله

اصحاب المحلات مستئجرين المحلات باسعار رمزيه لا تذكر ورغم ذلك رافعين اسعار سلعهم بشكل مبالغ فيه

وشيبون بينهبون كفايه عليهم المحلات ماخذينها برخيص بعد يبون مواقف ببلاش ويزاحمون خلق الله على المواقف

والشياب اللي تقول عنهم عندهم دريوليه ينزلونهم ويروحون عنهم والسبب عدم عدم توفر مواقف فاضيه
alyahri
10-07-2009, 01:27 PM
فكره رائعه
خــطــافــ
10-07-2009, 01:29 PM
قرار ممتاز ++لتنظيم الاوقات ++ السيارات تتم بالساعات ولاهامها شي
بوعلي-Qtr
10-07-2009, 01:31 PM
واصحاب المحلات وين يوقفون ؟؟
شدعوه كل يوم بيدفعون ؟؟ من الساعه 8 الصبح لم 1 الظهر ..
ومن الساعه 3 لم الساعه 9 فليل

كم بيطلع عليهم كل يوم ..

الله يكون بالعون
Um Sultan
10-07-2009, 01:52 PM
اتوقع اصحاب المحلات بيكون لهم كروت او مواقف خاصه

احسن سوها بفلوس لان نروح نتوهق لين نحصل لنا موقف اتم ادور نص ساعه لين حد يتكرم ويطلع
لاجئ عاطفي
10-07-2009, 01:54 PM
ماتلاحظون ان اغلب الي قالوا المواقف ضيقه هم الجنس الناعم؟ لان السواقه عندهم الله بالخير وخصوصا فالباركن عندهم حساسيه منه
نورالهدى
10-07-2009, 01:56 PM
الله المعين
غير البشر
10-07-2009, 02:07 PM
بالعكس احسن والله
بعظهم يوقفون سياراتهم فترات طويله ويروحون يتمشون
مع ربعهم الكورنيش
بس اتمنى يسوون طابقن او ثلاثه لزياده عدد المواقف
ويكون المبنى على الطراز القديم :nice:
QTR34
10-07-2009, 02:30 PM
من زين المواقف الجديده الحين !!
المشكله ان المكان صار ضيق اكثر بوااااااايد .. والمواقف اقل من قبل .. مه انهم يدرون شكثر الناس اللي يروحون هناك مع ذلك سووا نظام المواقف الفاشل هذي ,,
الواحد من الضيق ,,اذا دخل سيارته خاف يطلعها يدعم اللي واقف في الموقف اللي وراه !!
وبعد يبون فلوس عليها !!
امحق ,,

والله انك صادقة وما اقول الا الله يعينا
طارق
10-07-2009, 02:34 PM
احسن انها بتصير بفلوس

عشان يخفون الملاقيف في السوق من الجنسين
لأن بعض الناس يحب او تحب التطمش في الأسواق
غزلان
10-07-2009, 02:35 PM
باقي الهوا يصير بفلوس :(
السامـي
10-07-2009, 02:44 PM
مواقف سوق واقف بفلوس؟؟؟؟

أحسن...علشان تخف الزحمة على المواقف.
الشقيان
10-07-2009, 03:14 PM
قراار سليم والله :nice::nice:

ويعطيهم العاافيه :victory:


هههههههههههههه والله شي يضحك :funny::funny:

اشووف البنات معصبين على القراااار :tease::app2::tease::dance
وطن
10-07-2009, 03:19 PM
ماتلاحظون ان اغلب الي قالوا المواقف ضيقه هم الجنس الناعم؟ لان السواقه عندهم الله بالخير وخصوصا فالباركن عندهم حساسيه منه

على الأقل نسبة الحوادث عند البنات أقل من عند الشباب

الحمدلله رب العالمين
أمة الله
10-07-2009, 03:20 PM
قرار ممتاز وان شاء الله تخفف من زحمة الناس اللي ماعندهم لا شغله ولا مشغله
tnt789
10-07-2009, 04:06 PM
اصحاب المحلات مستئجرين المحلات باسعار رمزيه لا تذكر ورغم ذلك رافعين اسعار سلعهم بشكل مبالغ فيه

وشيبون بينهبون كفايه عليهم المحلات ماخذينها برخيص بعد يبون مواقف ببلاش ويزاحمون خلق الله على المواقف

والشياب اللي تقول عنهم عندهم دريوليه ينزلونهم ويروحون عنهم والسبب عدم عدم توفر مواقف فاضيه

انا جدي وعمامي كلهم يروحون بمواترهم من العصر لين الليل وعندهم بعد ربع يجون بمواترهم الي عمره 70 و65 عقب ماتعودوا انهم يتجمعون هناك الحين صارت جمعتهم بفلوس
الوسط
10-07-2009, 04:09 PM
قرار ممتاااز
شيزكيك
10-07-2009, 10:52 PM
:ok::app::nice::nice::victory:

الصراحه خوش قرار على الاقل بنضمن نحصل مواقف وياليت بعد يطبقونه على مواقف

الستي الصراحه معاناة لين نروح مافي مواقف كلش وياليت يتشرون بس يدرون على

المكان البارد ويبلطون من الصبح لين الليل
صوت الضمير
10-07-2009, 11:02 PM
مافرقت عندي :) حالاته بالربيع سوق واقف

والا اللحين ماله حلا ...

وبعدين الا يوم بالاسبوع بندفع 5 ريال والا 10 ريال موب مفلسه بنا

سهالات بس المواقف ارضيتها طحت منها اكثر من مره وغيري طاحوا تحسون انها موب مستويه

بس لو يعدلونها يكون احسن ..

العنود
♣شيبةالنخرة♣
10-07-2009, 11:04 PM
ما تم شي ما خلوه بفلوس !!


انا اقترح نظام احسن من كذا كان موجود باللاند مارك بوقت معين ان في مواقف ببلاش وفي قسم من المواقف بفلوس يعني الواحد لا عجز يلقى له موقف ببلاش يلجأ لللي بفلوس افضل كذا عشان ما يصير الظلم اما كلها بفلوس لا بالله ما عندهم سالفه والمواقف وارضيتها تعبانه جدا ما تستاهل تكون بفلوس وحتى لو بريال :rolleyes2:



خل يفكرون بمواقف المجمعات يكون ابرك لان الزحمه مميته هناك :rolleyes2:
الألماسي
10-07-2009, 11:06 PM
عقبـال باقـي الأسواق + المجمعات

القصـد من أمنيتي (( رسـوم رمزيّه )) :)
مجنون قطر
10-07-2009, 11:07 PM
الصراحة احسن قرار سوووووه على الأقل لارحنا السوق نحصل موقف موب نلف ساعة وما نحصل ومرات ننزل الأهل ونلف لين يخلصون
nasser 519
10-07-2009, 11:17 PM
خووووش قراار
:victory:
متسبب
11-07-2009, 12:41 AM
اللي سمعته
ان سوق واقف ومواقف الستي بتصير بفلوس
والله ع الاقل ابرك من اني اعطي اي هندي قاعد فالسياره 10 ولا 20 عشان يحرك من موقفه
المتضرعه لله
11-07-2009, 01:02 AM
بالعكس قرار سليم وفي محله عالاقل اتخف الزحمه واتحد من وقوف البعض هناك بالساعات

نفس الرد
سوق واقف
11-07-2009, 03:01 AM
قرار سليم الصراحة

ناس تروح تشيش بالساعات ولا نقدر نحصل باركن

قرار سليم مئة بالمئة
مضارب دوسري
11-07-2009, 07:59 AM
بصراحه ودي اعرف من اللي طبق هالفكره

عشان اروح اشكره بصراحه

افضل قرار سيتم تطبيقه
عالاقل هالاجانب اللي ماخذين ثلاث ارباع المواقف والدريوليه

بيروحون يوقفون بعيد

واصحاب المحلات اللي يخلي سيارته من الصبح ولا ياخذها الا عقب الساعه 10 فليل
بعد بيفكونا


عشان هالسبب احب اشكر ادارة سوق واقف على هذه النقطه
مضارب دوسري
11-07-2009, 08:02 AM
حلو.. على اساس الناس الجحلّط تخفف من القعده في السوق

ههههههههههههههههههههههههههههههههههههههههههههه:taun t::taunt::taunt::taunt:

شكلك مكثر من مسلسل اخواني واخواتي:tease:
QatarLady
11-07-2009, 11:02 AM
قرار في محله
ذيبه مزاجيه
11-07-2009, 01:25 PM
المواقف ضيقه هذي حقيقه سواء على البنات او على الشباب
ترا مالها خص سالفة السواقه .. اللي ما يعرف يسوق شلون نجحوه في اختبار السواقه يا حظي !!
وانا ما قلت هالكلام الا من اللي اشوفه من معاناه يحسونها الناس و هم يدرولون يبون يطلعون سياراتهم من الموقف هههههه
ولله الحمد انا ما اسوق لين بروح السوق ^_*
ثرية
11-07-2009, 01:30 PM
اوافق بشده على نظام لفلوس للمواقف احسن وابرك وكل دول العالم يتبعون هالنظام
امل الحب
11-07-2009, 01:34 PM
:victory:

قرار ممتاز بس لو ينورون المواقف زيادة يكون ابرك ..


وان شاء الله الدور على منطقة الاسواق كلها ..

والمجمعاات كلها ..

لان المواقف مأساة يبي لها عالاقل نص ساعة ومع الزحمة تصير ساعة وضاع الوقت والواحد يدور موقف ..
لاجئ عاطفي
11-07-2009, 01:45 PM
المواقف ضيقه هذي حقيقه سواء على البنات او على الشباب
ترا مالها خص سالفة السواقه .. اللي ما يعرف يسوق شلون نجحوه في اختبار السواقه يا حظي !!
وانا ما قلت هالكلام الا من اللي اشوفه من معاناه يحسونها الناس و هم يدرولون يبون يطلعون سياراتهم من الموقف هههههه
ولله الحمد انا ما اسوق لين بروح السوق ^_*


الحصول على الرخصه مب معناتها ان صاحبها نجح في اختبار السواقه لان لو رسبتي في الباركن او الال او الاس ورحتي للضابط راح يطلعج شارع وراح تنجحين يعني المسألة واسطات مب كل من حصل رخصة يعرف يسوق وانتوا الحريم اكبر دليل على كلامي .. شوفي سيارات البنات تالقينها امشمخه من كل صوب :secret: