وبعدين مع هالارقام المزعجه

[احلام الدوحة]

وصلني هالمسج:هل تعبتي من الخصام،الغيرة،العناد..اشتركي الآن في خدمة اسرار وتعلمي اسرار الحياة الزوجية الناجحة وانعمي بالسعادة مع زوجك وكوني الحبيبة في عينه دائما ارسلي لـ **29 كلمة اسرار،،اشتراك شهري 20 ريال

سؤال شلون اعرفوا رقم جوالي وشلون اعرف من هالناس المسؤولة وشكرا

[فارس الكلمة]

لقد وصلني نفس المسج .. إرسال على أرقام عشوائية .. للتجارة بآهات و مشاكل

السيدات المتزوجات .. قال .. كوني حبيبة في عينيه .. :)

[شمعة الدوحه]

هالمسج وصلني ووصل اختي

يعني مافيه حد ماطرشوه له :nice:

اتوقع انه هالخدمه من كيوتل وهدفها اكييييد علشان الربح

حتى دزولي مسج من نفس الرقم من فتره ارسل كلمة اسلام

واستقبل معلومات عن ديننا الحنيف

عسى ماشر لهالدرجه صرنا جهله ومانعرف عن ديننا شي :telephone:

يعني موب انتي وبس اللي متأذيه

وعادي طنش تعش تنتعش :tease:

[احلام الدوحة]

ماظن من كيوتل،،الظاهر يبون يغطون على مراكز الاستشارات اللي عندنا ويمكن هالرقم خاص بأحدى هالمراكز اذا ماخاب ظني

[QatarLady]

وصلني هالمسج !!

[غير البشر]

عادي طرشو حق الكل ورسايل وايد غيرها بعد
وكيوتل المفروض اتوقفهم مب كيفهم يطرشون للناس ويزعجونهم
لوجات الرساله حق طفل صغيراو اكثر واشترك فيها
يعني يقع اللوم على من وبعدين يقولون حق ابوه تعال ادفع
والله حاله

[bohilal191]

عادي طرشو حق الكل ورسايل وايد غيرها بعد
وكيوتل المفروض اتوقفهم مب كيفهم يطرشون للناس ويزعجونهم
لوجات الرساله حق طفل صغيراو اكثر واشترك فيها
يعني يقع اللوم على من وبعدين يقولون حق ابوه تعال ادفع
والله حاله

وصلني بعد هالمسج،،،وتخيل هالطفل ولا اللي اكبر بشوي عنده كرت هلا واشترك بل مب شي

[دكتور قطر]

طيب انتوا حريم ودزوا لكم المسج انا رجال ليه دازين لي المسج وانا برع البلاد ......... هههههههههههههههههههههههههههههه والله حاله :eek5::eek5:

[مساهم متوهق]

السلام عليكم

بدش عرض بالموضوع انا عندي اكثر من رقم وتخيلو المسج هذاجاء في وقت واحد لكل التيلفونات اللي عندي والله اني تدودهت من صوت المسجات ومادريت شالسالفه قلت يمكن الجولات اللي عندي جاء لها مشكله شي مايتصور .......

[عينـ السيــح]

وصلني هالمسج:هل تعبتي من الخصام،الغيرة،العناد..اشتركي الآن في خدمة اسرار وتعلمي اسرار الحياة الزوجية الناجحة وانعمي بالسعادة مع زوجك وكوني الحبيبة في عينه دائما ارسلي لـ **29 كلمة اسرار،،اشتراك شهري 20 ريال

سؤال شلون اعرفوا رقم جوالي وشلون اعرف من هالناس المسؤولة وشكرا

الشيخه ترى انا جايني المسج على رقمي .. والرقم باسمي وجايني على صيغه بنت
يعني خليهم يولوون وماعليج منهم

[بنت سعادة السفير]

الله المستعاان .

[bohilal191]

الظاهر هالحركة مقصوده كل اللي معاي في الدوام وصلهم هالمسج يعني بالراحة 10 اشخاص

[بوحارب]

الصراحة مسج مزعج من قلب

وصلني على ارقامي ال 3

ناس مزعجين وما منهم الا الخساير

[نورالهدى]

كل يوم مسجات شكل
أنا أمسحهم بكل هدوء
أنا البنك التجاري امسندرني
وماعندي حساب فيه
حسابي في الإسلامي
ما أدري إشلون وصارلي يمكن سنتين لاعت جبدي

[moon_night]

وين المشكله

شي ماتبينه لاتشتركين فيه

مسج ماعجبج امسحيه

مايسوى عليكم حد طرشلكم مسج فتحتوا موضوع

زين وبعدين اشسويتي

حليتي المشكله

[بنت ابوها 19]

خخخخخخخخخخخخ


احلى شي انه كيوتل ناسيني
والله أنه ولا رساله تجيني من كيوتل
لا انفلونزا ولا هل السوالف
ولا أتصالات سحر ولا ماهو يحزنون

رقمي شكلهم ناسينه خخخخ
مب معطيني ويه
المسجات تجي للي في البيت كلهم اله انا
والمسج جاهم ولا جاني خخخخخخ


:nice:

[الـقـاسـي]

خخخخخخخخخخخخ


احلى شي انه كيوتل ناسيني
والله أنه ولا رساله تجيني من كيوتل
لا انفلونزا ولا هل السوالف
ولا أتصالات سحر ولا ماهو يحزنون

رقمي شكلهم ناسينه خخخخ
مب معطيني ويه
المسجات تجي للي في البيت كلهم اله انا
والمسج جاهم ولا جاني خخخخخخ


:nice:

هههههههههه احسن لج يابنت الحلال شتبين فيهم .. انا عن نفسي مسحته اول ماجاني .. بس ماله داعي اصلا المسج كيوتل بتصير دكتوره فوزيه على غفله ..
بس ترى صدق مصخوها كيوتل .. الحسن مشاكل زوجيه وقبل هناك انسان يحبك ويبي يدردش ياك ومن هالمسجات البايخه شدعوه محد يحاسبهم ينشرون الفساد والرذيلة فالمجتمع ..

[وتبقى الدنيا حلوه]

جاني هالمسج

تخيلوا لو مراهق اشترك بهل الخدمة

ياترا شنو تقدم هالخدمة

[تحداني]

.. صباح الخير على الجميع ..
.. جاني المسج ..
ومسحته ..
وبعدها بخمستعشر دقيقه ..جاني مسج ثاني ..ومستحته
...وبعدها بعشرين دقيقه جاني اتصال من افغانستان الحبيبه ..:)
.
.
ولو كانت هذه المسجات لا تعود عليهم بالنفع والفائده ..
لما اصروا على ارسالها ..
هناك مهابيل كثر في الحياه تغرهم هذه الامور ..

سبحان الله

[شيط ويط]

جاني هالمسج على ارقامي الـ 6 اللي عندي :shy: <--- شوفوني عندي 6 جوالات


لحد يصدق ماجاني شي :secret:

[هام السحاب]

وصلني المسج بس كالعاده دليت :omen2:

[كاشخ في قطر]

عاد انا مو متزووووووج ليش يطرشووووووون هههههههههههههههههههههه اي مسج من كيوتل وغيره حذف ع طووووووووووووول ولا اعور رااااااااسي وياهم

[QatarLady]

طيب ايش رايكم توضحون للي مايدرون بهالسالفة

شلون يلغون اشتراكهم

[عـيـون قـطـر]

وصلني هالمسج !!


حتى خدامتنا وصلها نفس المسج

[بولينجر]

وصلني نفس المسج المزعج....
المزعج في الموضوع هو انهم "يفرضون" هالمسجات عليك فرض.... "غصب" عنك تستقبلها وتقراها... وكيوتل مب معطتنا طريقة نسوي بها "بلوك" او "بلاك ليست" لهذه الارقام.... والمشكلة الاكبر في الموضوع ان هذه الشركات تاخذ رقمك من محل او خدمة سبق وانك - وقعت في الفخ - واشتركت بها..... يبيعون ارقامنا على بعضهم البعض هالشركات.... كان الموضوع سابقا على عناوين البريد... تطور الحين لارقام الجوالات والايميلات..... والله المستعان....

[شمعة الدوحه]

كل يوم مسجات شكل
أنا أمسحهم بكل هدوء
أنا البنك التجاري امسندرني
وماعندي حساب فيه
حسابي في الإسلامي
ما أدري إشلون وصارلي يمكن سنتين لاعت جبدي


مدام من سنتين السالفه .. يمكن رقمج كان حق شخص له حساب بالتجاري :nice:

والمفرروض انه اتصل فيهم ويبلغهم انه غير رقمه

[امل الحب]

...

ماوصلني ..

ولا مسجات الدعاية ..

احتمال يكون تسكير خاصية الاعلانات مفيد من خلال اعدادات التلفون واتوقع انه الحل .. بس مو متاكدة ..

[ولد النواخذه]

اي والله انه وصلني وأزعجني مضمونه التافه لان المسج جاي من جهه غير معلومه تزعجنا في غفلتنا ولكن لمن الشكوى...

[كروة]

يا جماعة الخير جميع خدمات الرقم 2922
تملكها شركة امريكية في الدوحة
وعندها تصريح من كيوتل
واللي ما يصدق يسأل عنها على خدمة 111 الجوال وبيعطونة رقم الشركة الأرضي

[براتزية برازيلية]

ههههههههههه كوني الحبيبة في عين زوجك .. لا تعليق