أبحث عن أفضل استشاري ، وأفضل مقاول لبناء فله العمر .. نصائحكم [الأرشيف]

مشاهدة النسخة كاملة : أبحث عن أفضل استشاري ، وأفضل مقاول لبناء فله العمر .. نصائحكم

Chambray

11-07-2009, 05:56 PM

البحث عن شخص أمين وشركة محترمة وملتزمه صعب جداً .
لكني اطلب منكم مد يد العون لي .. وتوجيهي إلى الافضل خصوصاً الاستشاري ، والمقاول .
أهم شئ يكون المقاول امين ، وراعي ذمه .. واسعاره معقوله ..

بوحارب

11-07-2009, 07:32 PM

السلام عليكم

اخوي ممكن سؤال بسيط

الفيلا على حسابك الخاص ولا على حساب الأسكان؟؟

بالنسبة للأستشاري انه ارشح لك مكتب شعاع للأستشارات الهندسية

والمقاول انطر الرد منك وعقب يصير خير :)

الله يوفقك ويسهل عليك ترى البنيان

ترى البنيان تعب ووناسة في نفس الوقت

بوحارب

11-07-2009, 07:35 PM

http://qatarshares.com/vb/showthread.php?t=193442

هالموضوع ممكن يفيدك بالنسبة للأستشاري

Chambray

11-07-2009, 09:16 PM

بوحارب ، البنيان بحساب الاسكان طبعاً .. بس هل تعتقد ان الاسكان راح يكفي هههههههههه طبعاً انا راح ازيد من مخباي .. وشكراً لك في انتظار الآراء ..

الوفي

11-07-2009, 09:33 PM

انا عن نفسي ابني مع شركة بالدوحة بناهم زوين بس مب ذاك الزود......واكثر شغلهم كله اخطاء وبطيئ اما الأستشاري مع شعاع كل يوم مشاكل معه لايحسب لي البيبان ولا الدرايش ولايحظر له شهرين والله مايحظر الا مرة وبعض الصبات مايحظرها لا ومكتشف مع اهل الخبرة بلاوي بالبيت ولايشيك...الخريطة الفيلا شكل والموقع شكل ثاني.......والله طلع لي الشيب مع هالمقاول والاستشاري كله هواش....والاستشاري كل ماقلتله ليش راح عليك هذا الشي مب انت مسؤؤل قالي مب عاجبك افسخ العقد والقهر مافيه احد يكمل المشروع من المكاتب....
أخوي عند لك نصيحة بمقاول يبنيلك بدون صياح ولا دق رماح.....عندك شركة المناعي الي يم ملك الكباب الي بدوحه بالعمارة فوق اردني خبير وفهمان....هذا ثنين اعرفهم بنوا عنده... وبناه عجيب اسئل عنه وشوف وجرب وبتدعيلي.....
الاستشاري عليك بالقطري عندهم واحد مطوع مصري عليك به.....او شعاع اذا بيتك بالجنوب بس لان فيه استشاري سوداني مسؤؤل عن بيوت جنوب الدوحه مثل الوكرة...عجيب وامين ونشيط.....
غيره اعرف بس ماضمنهم لك
تحياتي لك

قدام

11-07-2009, 10:38 PM

اشرايكم بشركه المعمار للمقاولات بكستاني مديرهاا اسمه بوعيسى مكانهاا جنب الحصباء للاستشارات
عماره جنب سوق الذهب
احد بعرفهاا زين ولا اطق منه ارجو الافاده عن الشركه للي يعرفهاا

hamoor4ever

11-07-2009, 10:45 PM

فيه شركه شفت شغلهم اشوفه زين بس الله عالم لان احيانا بعض الاشخاص تلاقي شغلهم زين لبعض الناس وبعض الناس تلاقي شغلهم كجره ، الله يعين الجميع جان تبون بذكر اسم الشركه بس انا غير مسؤول عن النتايج

Chambray

11-07-2009, 10:47 PM

الاستشاري كم ياخذ تقريباً؟؟؟؟؟؟؟

الوفي

11-07-2009, 10:50 PM

الاستشاري كم ياخذ تقريباً؟؟؟؟؟؟؟
انا عن نفسي 1500 ريال شهريا والاقلب 2000 ريال

Some-One

13-07-2009, 10:19 AM

اخواني الاعزاء

الي يبي شركة ممتازة وسعرها ممتاز وفلتي للحين ما خلصت
ممكن يمر ويشوف شغلهم .

والله العظيم بشهادة الاستشاري ان شغلهم ممتاز
واعلم انه يوجد ايضا غيرهم من هم فيهم الخير
لكن هذة الشركة تعاملت معها ولازلت شغال معهم .

لذلك من حب يعرف عنوان الشركة او يحب يشوف فلتي يتفضل
يراسلني على الخاص .

والله يوفق الجميع .

دهــن العود

13-07-2009, 10:36 AM

8
8
8

اخوي ممكن رقم الشركة ماعليك امر :)

مستجدة

13-07-2009, 10:51 AM

RAHA

13-07-2009, 11:13 AM

نحن شركة متخصصة في أعمال البناء
للإستفسار ممكن زيارة موقع شركتنا

Moe.Z

13-07-2009, 12:04 PM

عندك المركز العالمي للتصميم في السد .. من احسن الاستشاريين في قطر

Some-One

13-07-2009, 07:41 PM

الاستشاري اللي ياخذ راتب شهري 1500 قصدكم يراقب لكم شغل المقاول اذا زين ولا لا اذا فيه غش او مخالافات لقوانيين البناء ....؟

ياريت الرد اخوي محتاس ماله في سوالف البناء ولا عندة وقت يوقف على راس المقاول

نعم صحيح وهذا جدا جدا مهم .

الي جنب فلتي بنى بيته بدون استشاري فقط يدفع فلوس للاستشاري علشان يوقع ورقة
صرف الدفعة له والله انه تشوف بيته تقول حرام ضحكوا عليه لدرجة انه غير المقاول مرتين .

لكن بدون فايدة لانه صعب يهدم البيت ويبنيه من جديد .

technical

13-07-2009, 09:29 PM

بقولك طريقه , روح عند المقاول الي تبي وقوله ابيك تعلمني عن اخر خمس مشاريع انجزته . بيقولك عنهم , قوله لو سمحت عطني ارقامهم عشان اتصل فيهم . وهو يقولك الارقام بين له اهتمامك بكتابه الاسماء بطريقه معينه لانك صحيح ناوي تتصل فيهم . اذا انه ما ارتاح للمسأله هذه بيعتذر من مشروعك لسبب الله اعلم به . واذا انه مرتاح لسؤالك هذا بيرتاح راحه كامله انه يعطيك المعلومه هذه .

السيل

13-07-2009, 09:53 PM

فيه مقاول والله شكله امين
تحس من كلامه انه ثقة
واعتقد سعره شوي ارخص

اللي يبيه يراسلني .. ويبشر

قدام

13-07-2009, 10:21 PM

ممكن رقمه ع الخاص او عنوان الشركه
شكرااااااا

همر

14-07-2009, 02:13 PM

المقاول: مؤسسة منصور العطيه
المكان: الخريطيات
السعر: سعر السوق
الجوده: ممتاز جدا

الدفعه الاولى: 18-4-2009

المقاول اسمه عبدالمنان بنغالي ومعروف من اكثر من 20 سنه يشتغل في البنيان ومريحني من الاستشاري اللي مادري عنه... سمعت ان "سكتش" افضل استشاري بس غالي...

الوهم

17-07-2009, 01:37 AM

الللي يبي مقاول ممتاز يراسلني عالخاص
بس مجمعات وعماير

الوفي

26-07-2009, 01:29 AM

اشرايكم بشركه المعمار للمقاولات بكستاني مديرهاا اسمه بوعيسى مكانهاا جنب الحصباء للاستشارات
عماره جنب سوق الذهب
احد بعرفهاا زين ولا اطق منه ارجو الافاده عن الشركه للي يعرفهاا
1- جاري يبني معاه.......صراحة بناه جيد......وسئلته بس يقولي مايرد على مكالماتي...وميزته سريع نوعا ما طبعا يعتمد على مدة العقد....
2- واحد من الجماعة فسخ عقده مع مقاول عقب المحاكم ووقف بنيانه فترة ......واستلمه المعمار وطير بيته ويمدحه بعد...ويقول انه خذه عن طريق السمعه...
بس الخوف لايطمع ويلعوز اهل المشاريع ....... لان اكثر الي يبنون بالسمعه تحصله قبل اوكيه وبعده يتغير.....يعني وصل للي يبيه وبعده الله يعين المستهلك

الوفي

26-07-2009, 01:35 AM

الاستشاري اللي ياخذ راتب شهري 1500 قصدكم يراقب لكم شغل المقاول اذا زين ولا لا اذا فيه غش او مخالافات لقوانيين البناء ....؟

ياريت الرد اخوي محتاس ماله في سوالف البناء ولا عندة وقت يوقف على راس المقاول
اكثرهم يجون تقريبا بالشهر وبالشهرين مرة....بس اسم استشاري يعني المكتب يعطيه 100 مشروع واذا ماخذ عمارة انساه......بس يجي قبل صب الخرسانه علشان يوقع ويقول صبوا والتشييك سريع.......الاستشاري الي عندي من مكتب شعاع وياما وقع على الخرسانه وصارت اخطاء وكسروا الخرسانه غير الاخطاء الي ماتتصلح........
الله يعينا على الاستشاريين اكثرهم بس ديكور يخوف المقاول.....واذا ضبط مع المقاول بال شوف السرق والنهب الي يصير.......

سما الوطن

26-07-2009, 01:51 AM

السلام عليكم ورحمه الله وبركاته

شخصياً جربت شركه الأتحاد للبناء والتطوير
وبصراحه جداً أرتحت معهم
محترمين جدا
ومواعيدهم مضبوطه
وشغلهم متميز
المهندس المسؤول اسمه مهندس جوس

تحياتي

r07

26-07-2009, 12:44 PM

انصحك بشركة الرائد في الوكره مديرها قطري ورجال معروف ومشهود له بالأمانه...