المساعد الشخصي الرقمي

مشاهدة النسخة كاملة : حد يمدحلي شركة مقاولات في الخور


الـخـور
13-07-2009, 11:08 AM
السلام عليكم ورحمة الله

اهل الخور بغينا خبرتكم بشركة مقاولات شغلها نظيف

واشتغلت من قبل على نظام الاسكان خصوصا في منطقة الخور

حتى لو في شركات بالدوحة ولكن اشتغلت بالخور
لان بعض الاحيان تجيك شركة ممتازه ولكن شغلها يتاخر كثير بالخور

اتمنى القى منكم الجواب

وجزاكم الله خير
الـخـور
13-07-2009, 01:12 PM
للرفع
بن درويش
13-07-2009, 01:14 PM
بالتوفيق ان شاء الله
SmartMan
13-07-2009, 02:22 PM
والله شوف الشركات معظمها تجيك في البداية ..."فزة عراوي" يعني تبلش معاك أعمال الحفر و تحط لك الحديد والكونكريت ...بعدين تبتدي الأعذار ...مافي أسمنت ..الطابوق ماوصل ...الحديد يوصل بعد أسبوع !
وعلى هالحال !
ونصيحة أخو ...لا تصدق أي أستشاري يمدح لك شركة مقاولات لأنهم يسوون دعاية للشركة وراح ياخذون
عمولتهم من قيمة العقد اللي راح توقعه مع شركة المقاولات يعني راح ياخذ منك حق اشرافه على البيت وياخذ منك عمولة بنسبة % يتفق فيها مع المقاول ...من إجمالي مبلغ العقد. وأحنا على بالنا أنه يخدمنا خدمه أنسانية ! ! !
أتمنى لو يطرحون هالموضوع ويتم تثبيته لأنه ياجماعة الخير العمولة مب مبلغ بسيط يعني لو 2% من المبلغ الإجمالي لو قنا الفيلا تكلف مليون و200 ألف راح تطلع عمولته = 24000 أرجو الإهتمام بالموضوع
الـخـور
14-07-2009, 09:06 AM
جزاكم الله خير

اخوي سمارت مان .. لهذا اختيار الشركة صار صعب هذي الايام
ودك بشركه تلتزم معاك من البداية حتى النهاية .. والاهم من ذلك ودك بشركة شغلها نظيف مب ترقيع
QTR WOMAN
14-07-2009, 10:01 AM
اخوي انا اعرف شركه
اذا تبي راسلني وبارد عليك على الخاص
وانت بعد اسأل عنها عشان تتأكد من شغلها
وصاحب الشركه عنده ضمير
ومووووفق ان شاء الله
تدلل قطر
14-07-2009, 10:18 AM
ممكن تشيك على الخاص:victory:
الـخـور
15-07-2009, 09:21 AM
مشكورين لكل من راسلني بالخاص
وبارك الله فيكم
السرمد
15-07-2009, 10:28 AM
والله ياليت واذا يسمح لي راعي الموضوع ان الشباب يحطون لنا شركات فالدوحه بعد مب بس فالخور..لاني ناوي ابني صارلي شهر ومتخوف ..وفوق الخوف التفاوت فالاسعار الكبير بين الشركات..

مثلا انا ابغي ابني بيت صغير 255 متر

شركه عطتني 760 الف تسليم مفتاح
وشركه ثانيه عطتني 670 الف تسليم مفتاح
وشركه ثالثه قالت لا 620 الف تسليم مفتاح مع العلم اني محدد لهم نفس المواصفات

الصراحه متخوف وايد من هالموضوع خصوصا بعد الاخبار الي نسمعها هاليومين
مثل الشخص الي في جريدة اليوم .. 8 سنوات وبيته وماخلص..وشباب اعرفهم وايد محاكم وبلاوي..

الله يكفيكم شرها

ياليت يعني نخلي هالموضوع مفتوح للناس ترشدنا للشركات الي عندها ذمه وضمير..

والسموحه من راعي الموضوع على الاطاله.
طواش
15-07-2009, 10:06 PM
عن تجربة قديمة شركة بن عربيد في الخور شغلها زين

جربناهم من زمان وارتحنا من شغلهم

وفي الدوحة شركة المدار وشركة الحرمين وشركة بوكشيشة كلهم شغلهم ممتاز
الـخـور
16-07-2009, 07:26 AM
السرمد .. صراحة فعلا شركات المقاولات تلعب بالسعر .. ماتعرف من منهم صادق
بعضهم يرفع السعر بسبب معين والبعض الاخر بس تقليد لاسعار السوق..
تحتار وماتعرف من تختار ... ياريال اذا بروة نفسها تعثرت مع الشركة الي اختارتها مع انها شركة عالمية
الله يكون بالعون


اخوي الطواش .. تسلم على مشاركتك القيمة .. صراحة يبيلي اشيك اسعارهم
SmartMan
16-07-2009, 09:32 AM
بالنسبة للأسعار ترى تعتمد على ثلاث نقاط :
1- مساحة الفيلا أو مساحة البناء.
2- الديكور الخارجي للفيلا يعني إذا كان الديكور يحتوي على خرسانة وحديد إضافي هذا يترتب عليه اهدار خشب وهذا يكلفك واايد.
3- موقع الفيلا .
وبالنسبة للفيلا الحكومية نسبة الأمان والسلامة فيها 200% يعني راح تكلفك أكثر لأن فيها حديد إضافي وخرسانة دبل.
وبالنسبة لتقييم الشركات الأسعار ..تعتمد على المدة ...لأنه يحسب الأرباح من كل دفعة يعني الدفعه الأولى مثلاً أعمال الحفر ..تقريباً تكلف 20000 و الخرسانه الأساسية مع الخشب تكلف 15000 و تحسب المصاريف الادارية وأجور العمال والباقي هامش ربح من الدفعة .
ولازم تقيم أسعار الشركات لأن بعضها يعطيك مبلغ خيالي يسمون هالشركات خذ وخل ! ! ! وغيرهم يعطيك مبلغ متوسط وأنا دائماً أرشح لك هالنوعية من الشركات وفيه شركات أنتبه منهم ..يعطونك سعر ماتحلم فيه رخيص من قلب ...وغالباً ماتكون هالشركات عليهم ديوون وقضايا ومحاكم
ومستعدين يوقعون أي عقد في سبيل أنهم يحصلون منك الدفعات الأولى علشان يسددون ديونهم وتحصلهم يبلشون معاك في المرحلة الأولى لأنها ماتكلفهم إلا شي بسيط ..وبعدين يعطونك بووو لباااس ! ! !
الـخـور
16-07-2009, 09:43 PM
smartman

جزاك الله خير على النصائح القيمة

مادري هل تمدح لي شركة معينه بحكم خبرتك
المقاول 1
16-07-2009, 09:52 PM
احم احم
vip-30003
17-07-2009, 08:48 PM
السلام عليكم
وشهد شاهدا من اهلها
اكثر المقاولين ماديين وفيهم جشع
المفروض المتر مايتعدى ١٨٠٠ اذا التشطيب وسط اذا تشطيب ديلوكس مايتعدى ٢٠٠٠ والمشكله في العقد ناس اتوقع وتجهل خفايا الامور
SmartMan
18-07-2009, 04:00 AM
عزيزي بصراحة ...أنا شفت شركة تبني في مناطق الدوحة وشغلها أوكي ..وعندهم سرعة إنجاز للأمانة أنا شفت اللي يشتغلون وشفت شغلهم بصفة عامة أوكي ...بس مادري إذا بنوا في الخور وهل راح يكونون بنفس المستوى ولا لأ.
بسئلك وبرد لك خبر ...لأنهم يبنون فيلا لرفيجي ...وأنا كنت أتابع شغلهم .
أنت لين الحين ماحصلت شركة ؟؟ إذا ماحصلت طرش لي على الخاص
إذا تقدر مساحة البناء أو صورة للمخطط ويكون أفضل لو صورة عن المخطط بالكامل علشان أعطيك السعر المتوسط اللي تقدر تتفاوض عليه مع المقاولين.