المساعد الشخصي الرقمي

مشاهدة النسخة كاملة : افضل دكتور لحصى الكليه؟


متسبب
14-07-2009, 12:53 AM
السلام عليكم
الله لا يهينكم ممكن حد يفيدني عندي واحد من الربع يعاني من مشكله في الكليه الله يجيركم ويجير جميع المسلمين من الشر وراح مستشفى حمد وعياده خاصه قالوا له عندك حصى فالكليه وراح مستشفى العمادي على اساس يسوي العمليه وقالوا له مافيك حصاه
والمشكله انه يعاني من الم شديد في الكليه
وياليت اللي يعرف عياده زينه او دكتور زين متخصص لهالامور واكون شاكر له وجزاكم الله خير
السديم
14-07-2009, 01:36 AM
سلامات اخوي متسبب وماتشوفون شر ان شاءالله ..

الدكتور النعيمي في مستشفى حمد من اشطر الاطباء في هذا المجال ..

او عيسى أمين في البحرين :nice:
هاجن داز
14-07-2009, 01:48 AM
عيسى أمين في البحرين
الطيبة كلها
14-07-2009, 01:57 AM
اخوي تبي خلطه شعير يريح مريضكم
متسبب
14-07-2009, 05:20 PM
مشكورين و الله يعطيكم العافيه ماقصرتوا
واما بخصوص الخلطه اختي الطيبه كلها فالحصاه قالوا له انها كبيره تقريبا 5 سم ولازم عمليه ماراح تطيح بهالطريقه
وعلى كل ماقصرتي وبيض الله ويهج :)
شاهين
14-07-2009, 05:46 PM
الله يشفيه
نصيحتي لك ومن واحد عانى هالشي
خله يروووح عند الدكتور عبدالله الأنصاري في مستشفى حمد
استشاري أمراض كلى
واللي دلني عليه الدكتور البحريني عيسى أمين
قالي عندكم أفضل دكتور كلى وأنت جايني أهني
لعملك كان مقررين لي عمليه
وبعد ماكشف على الدكتور عبدالله قال لي ماتحتاج عمليه
كلها ساعه ونزل الحصوه مني عن طريق تفتيتها بالموجات الصوتيه
يعني يرقد المريض على سرير ويوجه جهاز مكان الحصوه
وبالصوت الرنيني تتفتت الحصوى
ويقوم المريض ويلبس ثوبه ويتوكل البيت
والتفتيت يطلع مع البول أعزكم الله
بس الجهاز يستخدم على حسب حجم الحصى
أذا كانت أصغر من 5 سم أوكى واذا أكبر
يستخدم منظار
والحمدلله على كل حال والله الشافي
والله يشفي رفيجك
روح الاطلس
14-07-2009, 06:44 PM
عبدالله الانصاري في اجازة الحين لين شهر 8 :(
متسبب
14-07-2009, 09:36 PM
شاهين
الله يرحم والديك وتستاهل السلامه
روح اطلس
شكرا على المعلومه وبيض الله ويهك
فلفل حار
14-07-2009, 09:39 PM
ماقصر شاهين بيض الله ويها

وماتشوفون شر اخووي :)