وين الشباب عن صلاة الفجر؟

[بوحارب]

وين الشباب عن صلاة الفجر؟

اللي اعمارهم بين ال 15 وال 25 سنه ( خاصه ) مانشوفهم في المسيد ليش؟


عجبي : يتواجدون في المجمعات وفي السينمات وفي ارض المعارض :omg: ولكن في صلاة الفجر لا حياة لمن تنادي!

من السبب !

ألأهل.؟ المدرسة ؟ الصحبة ؟ من بالظبط؟ الزوجة ؟ ولا التربية الحلوة

كل يوم نفس المصلين الشيبة الفلاني والدريولية وبعض نواطير الفلل اللي تنبني وبس:telephone: !

لدرجة انه الهنود في المسجد اكثر من عدد شبابنا ,, واكيد الناس المصليين في المساجد يافقوني هالراي


خاطري يوم واحد اشوف 2 او 3 من ربعنا الشباب حزة الفجر

قبل يمكن الواحد يتعذر بسبب الشغل وهو عذر اقبح من ذنب

ولكن هالأيام الناس كلها اجازة

طلاب المدارس والجامعات والكليات وبعض الموظفين ايضاً

وما زال عدد المصلين هو هو ما زاد ولا مسلم !

شوفوا لنا حل لزيادة عدد المصلين في الفجر بارك الله فيكم :)

وهذي بعض فضائل صلاة الفجر لمن لا يعرفها !

قال صلى الله عليه وسلم : ( من صلى البردين دخل الجنة ) والبردين هما الفجر والعصر

وقال صلى الله عليه وسلم ( لن يلج النار أحد صلى قبل طلوع الشمس وقبل غروبها )

قال صلى الله عليه وسلم ( من صلى العشاء في جماعة فكأنما قام نصف الليل ومن صلى الصبح في جماعة فكأنما قام الليل كله ). اخرجه مسلم

وهنا موضوع كامل عن فضل صلاة الفجر للفائدة
http://www.ismailyonline.com/invision2/index.php?showtopic=7539..

والله من وراء القصد

[صمت القلوب]

جزاك الله خير عالتنبيه والتذكير ..وجعله في ميزان حسناتكـ

تحياتي لك اخوي بوحارب

[سداوي&مدريدي]

مثل ماقلت في المجمعات أول الناس

لاكن الصلاه لا

الله يهدينا ويهديهم ان شاء الله

جزاك الله خير بوحارب وفي ميزان حسناتك ان شاء الله

[الدوحي7]

جزاك الله خير يابوحارب واكيد التربيه،

[بوحارب]

صمت ,,, سداوي ,, الدوحي

مشكورين على المرور والله يجزاكم كل خير

[مناحي السادس عشر]

صدقني يا بوحارب
اذا الاب يروح للمسجد شي اكيد العيال يروحون المسجد
واذا الام تقوم لصلاة الفجر اكيد العيال والبنات بيقومون لصلاة الفجر
اما اذا الاب والام شخري فكلامك واستغرابك في مكانهم
عموما
جزيت خيرا وزوجت بكرا اخي في الله :)

[moon-99]

جزااااااااك الله الف خير يا بووحااارب
والله يجعله في ميزان حسناتك
يااارب

[بوحارب]

صدقني يا بوحارب
اذا الاب يروح للمسجد شي اكيد العيال يروحون المسجد
واذا الام تقوم لصلاة الفجر اكيد العيال والبنات بيقومون لصلاة الفجر
اما اذا الاب والام شخري فكلامك واستغرابك في مكانهم
عموما
جزيت خيرا وزوجت بكرا اخي في الله :)

كلامك في محله

تسلم على المرور الروعة ويجزاك ربي بمثله:)

[بوحارب]

جزااااااااك الله الف خير يا بووحااارب
والله يجعله في ميزان حسناتك
يااارب

ويجزاج بمثله موون99

تسلمين على المرور:)

[" روح قطر "]

لا وبعد أزيدك خبر

الحين أجازة والشباب ماينامون الا الساعه 7 أو 8 الصبح حزة طلعة الناس لأشغالها

يعنى قاعدين بس مطنشين للصلاة الله يهديهم

[بوحارب]

لا وبعد أزيدك خبر

الحين أجازة والشباب ماينامون الا الساعه 7 أو 8 الصبح حزة طلعة الناس لأشغالها

يعنى قاعدين بس مطنشين للصلاة الله يهديهم

اعرف ناس كذا!

الله يصلح الحال قولي امين

[KHALiDiSH]

الله يخلي الشباب عندنا في الفريج ويزيدهم ثبات في الدين

ما شاء الله عليهم يا مكثرهم

مالين المسجد صرت ما اعرف افرق اذا احنا في صلاة الفجر ولا صلاة المغرب ( بدون مبالغة )

في واحد ملعوزني كله ما ابي اوقف خلف الامام الاقيه قبلي قاعد يصلي ركعتين لله ويقرأ القرأن :anger2::anger2:

عمره تقريباً 6-8 سنيين ( الله يخليه ذرية صالحة لوالدية )

بس ان شاء الله الجايات اسبقة escape

[بوحارب]

الله يخلي الشباب عندنا في الفريج ويزيدهم ثبات في الدين

ما شاء الله عليهم يا مكثرهم

مالين المسجد صرت ما اعرف افرق اذا احنا في صلاة الفجر ولا صلاة المغرب ( بدون مبالغة )

في واحد ملعوزني كله ما ابي اوقف خلف الامام الاقيه قبلي قاعد يصلي ركعتين لله ويقرأ القرأن :anger2::anger2:

عمره تقريباً 6-8 سنيين ( الله يخليه ذرية صالحة لوالدية )

بس ان شاء الله الجايات اسبقة escape



ما شاء الله تبارك الله

عقبال مسجدنا :)

وبعدين لاتخلي بو 8 سنين يسبقك مرة ثانية :victory:

تسلم على الرد اللي يشرح الصدر

[anood]

ماعتقد العيال في سن 15 وال25

يحتاجون ابوهم او امهم يعلمونهم الصلاه

اتوقع صارو بالغين ويعرفون ان الصلاه عماد الدين ومن تركها فقد كفر

واذا امي وابوي مايصلون يعني انا مافكر ؟

صحيح الاب والام لهم دور في التربيه بس بعد هالعمر هو الي يحكم افعاله


الدنيا للحين بخير والبركه ف الشباب ان شاء الله والله يهدي بنات وشباب المسلمين جميعا

[بوحارب]

ماعتقد العيال في سن 15 وال25

يحتاجون ابوهم او امهم يعلمونهم الصلاه

اتوقع صارو بالغين ويعرفون ان الصلاه عماد الدين ومن تركها فقد كفر

واذا امي وابوي مايصلون يعني انا مافكر ؟

صحيح الاب والام لهم دور بس بعد ماعتقد ان في هالسن محتاجين حد ايوجههم اكثر

كلام سليم ولكن النصيحة الكل محتاج لها سواء كبير ولا صغير

والذكرى تنفع المؤمنين :)

مشكورة على المرور

[شمعة الدوحه]

الله يخلي الشباب عندنا في الفريج ويزيدهم ثبات في الدين

ما شاء الله عليهم يا مكثرهم

مالين المسجد صرت ما اعرف افرق اذا احنا في صلاة الفجر ولا صلاة المغرب ( بدون مبالغة )

في واحد ملعوزني كله ما ابي اوقف خلف الامام الاقيه قبلي قاعد يصلي ركعتين لله ويقرأ القرأن :anger2::anger2:

عمره تقريباً 6-8 سنيين ( الله يخليه ذرية صالحة لوالدية )

بس ان شاء الله الجايات اسبقة escape




ماشاء الله عليه

والله يحفظه لوالدينه .. ويثبته على دينه

وان شاء الله تسبقه المرات الجايه ههههههههههههه :victory:

----------------------------

بوحارب

اذا فيه مباراه الساعه 8 من الليل .. متى تلقى الشباب بالملعب؟؟

من العصر يتواجدووون .. وعلشان شنو .. علشان كوووره

بس خل وقت الصلاه يجي .. ولا واحد فيهم يروح المسجد حتى لو كان قاعد

مااقول الا الله يهديهم

وفيه شباب فيهم خير ويصلوون بالمساجد والله يزيدهم ان شاء الله

يعطيك الف عافيه على هالموضوع :nice:

[قطريه ماركه]

اكيد هالشي ع التربية ..

الله يهداهم ..

[عـيـون قـطـر]

جزاك الله خير

[راعي القالات]

جزاك الله خير يابوحارب
عاد من قدك الظاهر اجازة دراسية وصايد السالفه سهر للفجر

[امل الحب]

الله يهديهم ان شاء الله ..

[بوخالد85]

جزاك الله خير يالغالي ..

الي في قلبه الصلاه ماتفوته حتى لو عنده دوام ولا غيره ..

بيض الله ويهك

[الرميله]

والله وبالله وتالله
لو يعلمون الخير في صلاة الفجر
لاتوها حبوا

[3beed]

اللهم ارحمنا برحمته .. الناس في غفله والله المستعان

وصف النبي صلى الله عليه وسلم الذي يفرّط في صلاتي الفجر والعشاء في الجماعة بأنه منافق معلوم النفاق ! فكيف بمن لا يصليها أصلا .. لا في جماعة ولا غيرها ... فقد قال النبي ‏ ‏صلى الله عليه وسلم ‏:

‏ليس صلاة ‏‏ أثقل على المنافقين من الفجر والعشاء ولو يعلمون ما فيهما يعني من ثواب لأتوهما ولو حبوا أي زحفا على الأقدام

رواه الإمام البخاري في باب الآذان.

وجزاك الله خير يابوحارب على الموضوع

[يحفظك ربي]

فيك الخير اخوي بوحارب ويعطيك العافيه على التنبيه

وووان شاءالله يسمعون الكلام شبابنا ويرحون يصلون الفجر في المسجد

الله يوفقك ويوفق الكل ياااارب

[عـ العبيدلي]

لا ويجونك شباب الفريج
وانت نازل المسيد يدق لك هرن يسـلم عليـك .. عيب ياخي اجوفني نازل المسيد وانت تتمشى ..
وهو متمــلل حـده طبـعا ..

قسـم بالله اني اعرف شبـاب يوم اكون طالـع ويـاهم ينزلوني المسيد ويقولولي لمه اتخلص اتصلنا بنيـيك
وله يوقفون بعيـد الي يجوفني يقول هاي وياه حريـم ..

وهي ما يات على صـلاة الفيـر بس .. كل الصـلوات ..

رحمـا الله والديــك الشيـخ

[سوق واقف]

المسجد الي أصلي فيه 9 مصلين فقط أن زادو كلش 11 فقط

[تحداني]

.. مساء الخير ..
.
.
نفس السؤال اسأل نفسي دائما ..وين الشباب عن صلاه الفجر ..؟؟
مع العلم لا جامعه حاليا ولا مدارس والكثير بلا دوام ..
ليش ما يروحون الصلاه ما ادري ..
.
.
وتلقاهم يا بوحارب بعد الساعه 6 الصبح ..
ولما اتنور الدنيا يعورون في الشوارع ..
يأما اتشوفهم يتريقون في المطاعم يعلهم الغص ..( اسملى عليهم ) :)
او جايبين ريوقهم البيت ..
.
.
ولما تسألهم ليش ما رحتوا المسجد ..
يقولون الامام يقيم ابسرعه وما يمدينه نتوضأ ونروح للصلاه ..
.
.
اكبر ( عيارين هالاصبيان ) ..
.
.
الله يصلحهم ويهديهم يارب
وجزاك الله الف خير ..
.
.
الله يسعدك :) وينور طريقك

[العثماني]

هي نقطتين
الدين والتربية

[بوحارب]

ماشاء الله عليه

والله يحفظه لوالدينه .. ويثبته على دينه

وان شاء الله تسبقه المرات الجايه ههههههههههههه :victory:

----------------------------

بوحارب

اذا فيه مباراه الساعه 8 من الليل .. متى تلقى الشباب بالملعب؟؟

من العصر يتواجدووون .. وعلشان شنو .. علشان كوووره

بس خل وقت الصلاه يجي .. ولا واحد فيهم يروح المسجد حتى لو كان قاعد

مااقول الا الله يهديهم

وفيه شباب فيهم خير ويصلوون بالمساجد والله يزيدهم ان شاء الله

يعطيك الف عافيه على هالموضوع :nice:

وهذا هو المحزن في الأمر اختي شمعه

يعافيج ومشكورة على المرور


اكيد هالشي ع التربية ..

الله يهداهم ..
امين

عاد ربي العيال على الصلاة مب على السينما :(


جزاك الله خير

ويجزاك بمثله

جزاك الله خير يابوحارب
عاد من قدك الظاهر اجازة دراسية وصايد السالفه سهر للفجر

ههههههههههههههههههههههههه خلنا نسهر ياخي على الأقل انعوض ايام الرقدة بالغصب :(

ويجزاك بمثله ولاهنت على المرور الخفيف :)

الله يهديهم ان شاء الله ..

اميييين

مشكورة على المرور مهندسة امل

[بوحارب]

جزاك الله خير يالغالي ..

الي في قلبه الصلاه ماتفوته حتى لو عنده دوام ولا غيره ..

بيض الله ويهك
ووجهم ابيض بوخالد

للأسف محد راح يعرف قيمة الصلاة الا بعد خروج الروح

عاد عقب ما ينفع يا ليت وياليت :(


والله وبالله وتالله
لو يعلمون الخير في صلاة الفجر
لاتوها حبوا

صدقت والله


اللهم ارحمنا برحمته .. الناس في غفله والله المستعان

وصف النبي صلى الله عليه وسلم الذي يفرّط في صلاتي الفجر والعشاء في الجماعة بأنه منافق معلوم النفاق ! فكيف بمن لا يصليها أصلا .. لا في جماعة ولا غيرها ... فقد قال النبي ‏ ‏صلى الله عليه وسلم ‏:

‏ليس صلاة ‏‏ أثقل على المنافقين من الفجر والعشاء ولو يعلمون ما فيهما يعني من ثواب لأتوهما ولو حبوا أي زحفا على الأقدام

رواه الإمام البخاري في باب الآذان.

وجزاك الله خير يابوحارب على الموضوع

الله يرزقنا صلاة الفجر في جماعة حتى مانكون من هالفئة :)

ويجزاك بمثله ولاهنت على المرور

[بوحارب]

فيك الخير اخوي بوحارب ويعطيك العافيه على التنبيه

وووان شاءالله يسمعون الكلام شبابنا ويرحون يصلون الفجر في المسجد

الله يوفقك ويوفق الكل ياااارب
ويوفقك لطاعته اخوي

احنا علينا النصيحة والهداية على ربك :)


لا ويجونك شباب الفريج
وانت نازل المسيد يدق لك هرن يسـلم عليـك .. عيب ياخي اجوفني نازل المسيد وانت تتمشى ..
وهو متمــلل حـده طبـعا ..

قسـم بالله اني اعرف شبـاب يوم اكون طالـع ويـاهم ينزلوني المسيد ويقولولي لمه اتخلص اتصلنا بنيـيك
وله يوقفون بعيـد الي يجوفني يقول هاي وياه حريـم ..

وهي ما يات على صـلاة الفيـر بس .. كل الصـلوات ..

رحمـا الله والديــك الشيـخ

عاد في هذي المواقف حدث ولا حرج

انه اذكر مرة كنت في عزى وقمنا انصلي العشا وكان ولد المتوفية قاعد ولا كان له في الأمر شي:omg:

يعني حتى في عزا امه ما قام يصلي عيل لو في عزى جيرانهم وش بيسوي

يمكن .......:secret:

وبالنسبة لصلاة الفجر اذكر مرة كنت رايح اصلي ولقيت نيسان واقف برع المسيد

وفيه واحد راقد ورى وراعي الموتر والعبري نازلين يصلون

يعني اللي راقد ما حلت له الرقدة الا وقت الصلاة ما شاء الله عليه :)

تسلم على المرور يالعبيدلي وذكرتني في ايام المراقهة القوية :shy:


المسجد الي أصلي فيه 9 مصلين فقط أن زادو كلش 11 فقط

الله يزيد ويبارك يابواقف :(

[بوحارب]

.. مساء الخير ..
.
.
نفس السؤال اسأل نفسي دائما ..وين الشباب عن صلاه الفجر ..؟؟
مع العلم لا جامعه حاليا ولا مدارس والكثير بلا دوام ..
ليش ما يروحون الصلاه ما ادري ..
.
.
وتلقاهم يا بوحارب بعد الساعه 6 الصبح ..
ولما اتنور الدنيا يعورون في الشوارع ..
يأما اتشوفهم يتريقون في المطاعم يعلهم الغص ..( اسملى عليهم ) :)
او جايبين ريوقهم البيت ..
.
.
ولما تسألهم ليش ما رحتوا المسجد ..
يقولون الامام يقيم ابسرعه وما يمدينه نتوضأ ونروح للصلاه ..
.
.
اكبر ( عيارين هالاصبيان ) ..
.
.
الله يصلحهم ويهديهم يارب
وجزاك الله الف خير ..
.
.
الله يسعدك :) وينور طريقك


يعلهم الغص وعقب تسمين عليهم هاه ههههههههههههههههههههه

الأعذار تكون جاهزة عند البعض وقت الصلاة مثل ما ذكرتي

وهذا كله من الشيطان

تصدقين تحداني الزمن بعض المرات اكون واقف اكرك عند المطعم وفيه شباب غيري بعد واقفين

جى وقت الصلاة ورحت اصلي وعقب ارد لنفس المكان حتى اخذ اخر كأس من الكرك:(

والشباب للحين موجودين يسولفون ويتقهوون ولا كان هناك فيه صلاة او غيره !! :omg: ولا حول ولا قوة إلا بالله

كيف تشوفين صلاة البنات هالأيام ؟؟؟

في وقتها ولا ؟

محافظات على صلاتهم ولا ؟

واشكرج على المرور البنفسجي الفاتح^ ــ ^


هي نقطتين
الدين والتربية

وهذي اهم نقطتين وزيد فوقهم الصحبة:)

[تحداني]

.. مساء الخير سيدي الفاضل / بوحارب..
.
.
انت ما شاء الله بالرغم انك ساعات تخورها ..
وتخربط في الكلام كثير ..
وعليك حركات اكشن ..الا انك اشوي عاقل ..
والله هاديك ( والحمد لله ) ..:)
وعسى الله ينور طريقك دائما قول ان شاء الله
.
.
اما عن البنات وما ادراك سوالف البنات :omen2:..

ا
الصلاه عند بعض البنات على حسب ..
وضعيه المكان ..
وضروف المكان ..
ومدى استعدادها ...

( يا حبك لسوالف البنات ) :)

بمعنى

.
.
اذا كان المكياج ( تعرف المكياج ؟ )
اذا كان خفيف وسهل المسح والوضع يمكن تفكر تصلي ..
.
.
اما اذا كان ( المكياج اوفر يعني ابدا مو اكيوت ) لالالالالالالا طبعا يؤجل ..
اذا كانت في الدوام او في السوق طبعا يؤجل ..
اما اذا كانت بتروح العرس فيلغى او قد يقضى ..
.

.
يعني على حسب المزاج مثل ما قلت لك ...
.
.
طبعا البعض :) عشان الحلوات ما يزعلون ..
واكيد مافي في هالبلد من هالبنات ..
الحمد لله كلهم يصلون جماعه وامواضبين ..

بس لازم نقول البعض ..
.
.
الله يسعدك يارب :)

[بوحارب]

.. مساء الخير سيدي الفاضل / بوحارب..
.الناس يقولون صباح الخير مب مساء الخير
.
انت ما شاء الله بالرغم انك ساعات تخورها ..
وتخربط في الكلام كثير ..
وعليك حركات اكشن ..الا انك اشوي عاقل ..
والله هاديك ( والحمد لله ) ..:)
وعسى الله ينور طريقك دائما قول ان شاء الله
شكراً:d.
ولج بمثل ما دعيتي لي

.
اما عن البنات وما ادراك سوالف البنات :omen2:..
ادري بدون ما تتكلمين :whistling:
ا
الصلاه عند بعض البنات على حسب ..
وضعيه المكان ..
وضروف المكان ..
ومدى استعدادها ...

( يا حبك لسوالف البنات ) :)
:unsure::waiting:

بمعنى

.
.
اذا كان المكياج ( تعرف المكياج ؟ )
اي اعرفه

ومنه انواع اسبشل وعادي ومائي وجلوس ومسكره وروج ووووووو :app:

اذا كان خفيف وسهل المسح والوضع يمكن تفكر تصلي ..
.
.
اما اذا كان ( المكياج اوفر يعني ابدا مو اكيوت ) لالالالالالالا طبعا يؤجل ..
اذا كانت في الدوام او في السوق طبعا يؤجل ..
اما اذا كانت بتروح العرس فيلغى او قد يقضى ..
.

.
يعني على حسب المزاج مثل ما قلت لك ...
.
.
طبعا البعض :) عشان الحلوات ما يزعلون ..
واكيد مافي في هالبلد من هالبنات ..
الحمد لله كلهم يصلون جماعه وامواضبين ..

بس لازم نقول البعض ..
.
.
الله يسعدك يارب :)

صحيح هذا حال البعض والله يصلح حالهم

شكراً على التوضيح تحداني الزمن العزيزة:)

[بنت ابوها 19]

لو كل واحد منا

يصحي ابوه واخوانه ع المسيد بالغصب :weeping:
راح نشووووف المساجد مزدحمه

في مسيد بالريان
الكل يمدحه لي والله
انه من ياذن الفجر
يقولون كانه قامت القيامه تشوف الناس بس تركض ركيض على المسيد
ماشاااء الله عليهم


اا استغرب من الناس الي تنام عن صلاة الفجر
اول شي ماتصح الصلاه لو طلع النور
وثاني شي
الشيطان يبول باذن العبد النايم عن الصلاه (( الله يعز القاري )) :secret:

الله يهديهم ويصلحهم
والله شي يقهر

[سيزن]

الله يهدينا وياهم

الله يجزيك كل خير يا بو حارب على الموضوع الطيب .

ويزيدك غيره وحب على الاسلام و المسلمين .

[بوعلي 78]

التربيه هي الاساس
اذا الولد يشوف ابوه شخري حزة الصلاة واذا قام صلى في البيت
وين يتعلم يروح يصلي في السجد

[ضوى]

الله يرحم ابوي كان يسوي قلق بالبيت كله قبل صلاة الفجر بنات وصبيان ماشاء الله البيت خاصة احنا جيران المسجد واخوي كان يحصل زف اذا فرط بصلاة من ابوي الله يرحمه

حاليا اتبع نفس الشئ مع عيالي وابوهم بس للاسف مو دايما اقدر احن واطحن الفجر يعني يقومون يصلون بس بالبيت مو بالمسجد دايما بس نقدر نوق ل70% صلاة الفجر في المسجد وان شاء الله تستوي 100% قريب خاصصة مو من النوع اللي يسهر لحد الصبح بالاجازات

بالنسبة للبنات والصلاة الله يهداهم اللي يحطون كيلو ماكياج وين يفكرون بالوضوء والصلاة في وقتها ؟؟ بالنسبة للمجتمع المحيط بي الحمد لله والمنة لله الصلاة بوقتها دون تاخير والبنيات الصغار مشااء الله عليهم احيانا يقومون للصلاة من غير لا نتكلم واحيانا لازم نذكرهم اذا لاهين

الله يجعلنا من المصلين دائما وابدا يارب ويهدي شبابنا وبناتنا لما يحب ويرضى ويارب تتعمر مساجد الله باهل الصلاح والفلاح من ابناء وبنات امة محمد عليه صلوات ربي وسلامه

اميييييييييييييييييييييييييييين

[جليســــة القــــرآن]

سبحان الله في عيال صغار الله هاديهم ومداومين على الصلاة في المسجد وتلقى الأبو ما يصلي إلا في البيت ..
تحضرني قصة الولد الصغير اللي كل يوم الفجر يصلي في المسجد ودايما يكون خلف الأمام ولما يقول الأمام :
ولا الضالين .. قال الولد وبالصوت العالي : آميـــــــــــــــــــــــــــــــــــــــــــــــ ـــن لدرجة إنه يزعج المصلين
يوميا .. فانزعج منه الامام وسأله قال : ليش تصارخ .. قال : عشان يسمعني أبوي ويقوم يصلي !!

فـ سبحان الله .. الهداية تكون من الله أولاً ثم من تربية الوالدين مع تأثر الأبناء بالصحبة إن كانت صالحة ..

" ربي إجعلني مقيم الصلاة ومن ذريتي ربنا وتقبل دعاء " .... اللهم آمين يا رب العالمين ....

[نورالهدى]

الله يهديهم

[مستجدة]

اللي اعمارهم بين ال 15 وال 25 سنه ( خاصه ) مانشوفهم في المسيد ليش؟


عجبي : يتواجدون في المجمعات وفي السينمات وفي ارض المعارض ولكن في صلاة الفجر لا حياة لمن تنادي!




اي والله يابو حارب متواجدين بكل مكان وبكل حزه الا بصلاة الفجر وبالمساجد
مانقول الا الله يهديهم جيل عسا الله يهديه لنفسه

[فلفل حار]

شكلك مطوع بو حرووب ..؟!:secret:



هالصغاريه يبون سوني3 وشو تايم

وينهم عن المسيد حزتها في سابع نوومه:rolleyes2:

[راعي ال VXR]

اخوي بوحارب .....شكرا ع النصائح والتنبيه الرائع جعل له الله في ميزان حسناتك

[stocker]

السلام عليكم ورحمة الله وبركاته

الله يجزاكم الخير جميعا والله يبارك فيكم وفي اهاليكم وذرياتكم

الصراحه استانس لين اشوف واحد صغير وخاصة في صلاة الفجر اشهد انه خاطري ينشرح ومن ناحية الام والاب اشوف هم اللي يزرعون هذا الشيء الطيب في اعيالهم ويفهمونهم اساس هذه الصلاه ومافيها من خير على شان الاعيال يتشجعون ولا ننسى فضل المدرسين والمربين الفاضلين

واخبر كان شايب كل مامرينا نسلم عليه ينشدك عن اخبارك وعقب يسالك حافظ القران وعقب ينشد صليت الفجر في المسجد وعقب يجي حق الاشياء الدنيويه

وللي الله ارزقه الاعيال يشجعهم يسوي لهم نظام معين مثل اللي يصلي هالاسبوع كامل يعطيه هديه
او انه يجيله يوم من الايام يعطيه هديه ويقوله على شان صليت الصلاه الفلانيه في المسجد وان شاء الله تحصله على طول يصلي

[بوحارب]

اشكركم على المرور والله يجزاكم كل خير

وياريت كل واحد منا يبدا يشتغل في بيته على صلاة الفجر
فهذي الأيام فرصة انعود فيهم العيال على الصلاة خصوصا انها ايام اجازة :)

[مستجدة]

انا خواني واحد 14 والثاني 16 يصلون بالمسجد غصب عليهم ولا لو مب الشايب الله يطول بعمره
ماسك لهم العصا يمكن يصلون في البيت متعاجزين يروحون للمسجد اذا سمعوا صوته يصارخ بالممر الصلاة ياعيال يداعمون عند باب البيت هههههههههه
سهره حتى يقرب موعد الصلاة وسبحان الله فأجه تجي لهم النعسه او الجوع ههههههههه مدري شنو سالفة الجوع مايطري عليهم الاكل الا حزة الصلاة واقصد الشباب الصغار اللي 13 او12


بصراحة البيت اللي مافيه شايب يعلم عياله على الخوف من الله واداء وجابات ربه بيت الله يعين الام عليه
اذا الاب متوفي او منفصل


لكن اللي يثلج الصدر مسابقة صلاتي اللي اتصير كل فترة منطقه فعلا اتحفز الشباب الصغار على التواجد بالمساجد كل الصلاوات مب فقط صلاة الفجر


شكرا يا بو حارب وان شاءالله مساجد قطر اتظل عامرة بالشباب اللي يخافون ربهم

[بوحارب]

انا خواني واحد 14 والثاني 16 يصلون بالمسجد غصب عليهم ولا لو مب الشايب الله يطول بعمره
ماسك لهم العصا يمكن يصلون في البيت متعاجزين يروحون للمسجد اذا سمعوا صوته يصارخ بالممر الصلاة ياعيال يداعمون عند باب البيت هههههههههه
سهره حتى يقرب موعد الصلاة وسبحان الله فأجه تجي لهم النعسه او الجوع ههههههههه مدري شنو سالفة الجوع مايطري عليهم الاكل الا حزة الصلاة واقصد الشباب الصغار اللي 13 او12


بصراحة البيت اللي مافيه شايب يعلم عياله على الخوف من الله واداء وجابات ربه بيت الله يعين الام عليه
اذا الاب متوفي او منفصل


لكن اللي يثلج الصدر مسابقة صلاتي اللي اتصير كل فترة منطقه فعلا اتحفز الشباب الصغار على التواجد بالمساجد كل الصلاوات مب فقط صلاة الفجر


شكرا يا بو حارب وان شاءالله مساجد قطر اتظل عامرة بالشباب اللي يخافون ربهم

الله يخلي لكم هالشايب المبروووك ويطول في عمرهـ :)

[الجوكر90]

السلام عليكم
هههههههههههههههههههههههه
انت مال اول تقول ليش مانشوفهم يصلون الفير
الحين الله يسلمك اذا بتروح المسيد وماعندك موتر تخلي واحد من ربعك يوصلك وهو ينطرك فالموتر
بس صج انا استانس ع واحد دوووم يجيب ولده المسيد الفير والعصر واي متى الابو يكون موجود ولده معاه
بس تقدر تقول مب منهم من تربيتهم يعني في ابهات مايصلون اشلون تبي الولد يصلي
وفي ابهات يصلون بس ماعرفوا يربون عيالهم او ماقدرا يمكن تعبوا
انا الحمدلله ابوي ماقصر معاي فشي حتى يوم كنت اقوله حر وماقدر اروح المسيد الظهر كان يقولي اذا بتروح خذ السيااره بس ماتروح مكان ثاني بس من البيت لين المسيد ومن المسيد لين البيت
وين فرمضان قمنا نشوف بدال صف صاروا 4 فالمسايد وقت صلاه الفير
وتسلم وماتقصر وجزاك الله خير

[بنQATARت]

الصاحب ساحب :victory:
لازم انتو يالشباب تنصحون بعض انا اشوف تأثيركم على بعض اكثر من تأثير الامهات والاباء:telephone:
اطلب منك ومن شرواك القيام بحمله سموها صلاة الفجر في المسجد :nice:
كل واحد ياخذ ربعه وعملو استيكرات حطوها على سيايركم الكشخه ولوحات الاعلانات...الخ:omen2:

وجزاك الله خير على الموضوع الطيب:nice:

[ASJT]

السلام عليكم ...
السموحه يا مسلمين عندي مداخله ...
بالنسبه لصلاة الفجر في الايام العاديه ( غير رمضان ) الصراحه اروح
المسجد ما في حد إلا المؤذن وعياله والامام و حضرتي... ساعات اروح ادور
بياعين الجرايد المصريين اخذهم معاي ... الصراحه الوضع محزن ...
بس في رمضان اشوي احسن ..
والسلام ختام .. وكل عام وانتم الى الله اقرب .

[ضوى]

الصراحة شئ محزن زوجي يقول المسج مالنا محط رجل فيه من كثر الاوادم لصلاة الفجر هالأيام ، وبالايام العادية ان كملوا صف واحد الحمد لله والمنة لله

الله يهديهم ويهدينا اجمعين

[هتـان قطر]

الدنيا مازالت بخير يا بوحارب تطمن

الفريج اللي حنا فيه ماشالله تبارك الرحمن

عيالنا وعيال جيرانا وخدمنا وعلى راسهم ابوانهم

جزاهم الله كل خير يتسابقون على كل فرض

سواء في رمضان والا في الايام العادية


التربيه التربيه التربيه ..والهداية من الله

يعطيك العافية بوحارب

الله يرزقك بالذرية الصالحة

:)

[яέέⓜ]

الله يجزاك خير اخوي بوحارب
شوف انا اعتقد ان الولد لاشاف ابوه مداوم ع صلاه الفجر حاضر بالمسجد
بيحضر

لكن المشكله الاباء خبر خير فلازم العيال خبر خير
الا من رحم الله

مبارك عليك الشهر اخوي

[تـاجر الـذهب]

مافيه من يدعي لهم يابوحارب


مافيه من يدعيهم :(

والله يستر علينا وعلى عيالنا والله يحفظهم واياك من كل شي

[rami25canada]

جزاك الله خير

[صمتي حزن]

جزاك الله خير بس عندي تعليق ماشاء الله في رمضان المسجد عندنا مليان مالك مكان والايام العاديه حتى صف كامل ماتحصل الله المستعان العباده في رمضان وفي غير رمضان وناس عندهم بس رمضان

[بوحارب]

ما شاء الله عليك من وين طلعت الموضوع :)



السلام عليكم
هههههههههههههههههههههههه
انت مال اول تقول ليش مانشوفهم يصلون الفير
الحين الله يسلمك اذا بتروح المسيد وماعندك موتر تخلي واحد من ربعك يوصلك وهو ينطرك فالموتر
بس صج انا استانس ع واحد دوووم يجيب ولده المسيد الفير والعصر واي متى الابو يكون موجود ولده معاه
بس تقدر تقول مب منهم من تربيتهم يعني في ابهات مايصلون اشلون تبي الولد يصلي
وفي ابهات يصلون بس ماعرفوا يربون عيالهم او ماقدرا يمكن تعبوا
انا الحمدلله ابوي ماقصر معاي فشي حتى يوم كنت اقوله حر وماقدر اروح المسيد الظهر كان يقولي اذا بتروح خذ السيااره بس ماتروح مكان ثاني بس من البيت لين المسيد ومن المسيد لين البيت
وين فرمضان قمنا نشوف بدال صف صاروا 4 فالمسايد وقت صلاه الفير
وتسلم وماتقصر وجزاك الله خير

وعليكم السلام والرحمه

مانقول الا الله المستعان

والله يثبتك اخوي الجوكر

ونتمنى تكون المساجد بعد رمضان مثل رمضان واحسن

اسعدني مرورك المتأخر يالجوكر :)

[بوحارب]

الصاحب ساحب :victory:
لازم انتو يالشباب تنصحون بعض انا اشوف تأثيركم على بعض اكثر من تأثير الامهات والاباء:telephone:
اطلب منك ومن شرواك القيام بحمله سموها صلاة الفجر في المسجد :nice:
كل واحد ياخذ ربعه وعملو استيكرات حطوها على سيايركم الكشخه ولوحات الاعلانات...الخ:omen2:

وجزاك الله خير على الموضوع الطيب:nice:
صدقتي تأثير الشباب بينهم البين اكبر واقوى من اي شخص ثاني :)
والله يقدرنا لفعل الخير يارب

تسلمين على المرور الجميل




السلام عليكم ...
السموحه يا مسلمين عندي مداخله ...
بالنسبه لصلاة الفجر في الايام العاديه ( غير رمضان ) الصراحه اروح
المسجد ما في حد إلا المؤذن وعياله والامام و حضرتي... ساعات اروح ادور
بياعين الجرايد المصريين اخذهم معاي ... الصراحه الوضع محزن ...
بس في رمضان اشوي احسن ..
والسلام ختام .. وكل عام وانتم الى الله اقرب .
وعليكم السلام والرحمه

الله يثبتك على اداء الصلاة في الجماعة واحنا وياك
والله يرحم امك يارب:)


الصراحة شئ محزن زوجي يقول المسج مالنا محط رجل فيه من كثر الاوادم لصلاة الفجر هالأيام ، وبالايام العادية ان كملوا صف واحد الحمد لله والمنة لله

الله يهديهم ويهدينا اجمعين
امين والله يخلي لج ابوالعيال ويثبته

اشكرج على المرور


الدنيا مازالت بخير يا بوحارب تطمن

الفريج اللي حنا فيه ماشالله تبارك الرحمن

عيالنا وعيال جيرانا وخدمنا وعلى راسهم ابوانهم

جزاهم الله كل خير يتسابقون على كل فرض

سواء في رمضان والا في الايام العادية


التربيه التربيه التربيه ..والهداية من الله

يعطيك العافية بوحارب

الله يرزقك بالذرية الصالحة

:)
امين ونفس ما قلتي الدنيا للحين بخير ولنى في حديث الرسول ( صلى الله عليه وسلم ) اسوة حسنه ...الخير في وفي امتي الى قيام الساعة ... او كما قال

اشكرج هتان على المرور الطيب ولاهنتي :)

الله يجزاك خير اخوي بوحارب
شوف انا اعتقد ان الولد لاشاف ابوه مداوم ع صلاه الفجر حاضر بالمسجد
بيحضر

لكن المشكله الاباء خبر خير فلازم العيال خبر خير
الا من رحم الله

مبارك عليك الشهر اخوي
والمشكلة بعض الابناء تشوفينهم في المسجد والأباء محد :)
الله المستعان

ومبارك عليج الشهر2U:victory:


مافيه من يدعي لهم يابوحارب


مافيه من يدعيهم :(

والله يستر علينا وعلى عيالنا والله يحفظهم واياك من كل شي
هنا مربط الفرس او كما يقولون ( الدعوة )

الله المستعان

اهم شي انتبه على الذهب ترى الأيام الجاية يمكن تكون فيه طفرة قوية :secret:
جزاك الله خير
ويجزاك بمثله:)


جزاك الله خير بس عندي تعليق ماشاء الله في رمضان المسجد عندنا مليان مالك مكان والايام العاديه حتى صف كامل ماتحصل الله المستعان العباده في رمضان وفي غير رمضان وناس عندهم بس رمضان

حتى مساجدنا نفس الحاله:)

الله يهدي الجميع

[_بوشهاب_]

والله ياخوي بوحارب شباب فريجنا اول مااشوفهم في المسجد اعرف ان ياسهرانين او عندهم امتحانات
بقولك اول يوم في رمضان شفت الشباب كلهم في صلاه الفجر قلت الحمدلله وثاني يوم ردينا مثل ماكنا كم واحد بس
الله يهديهم ويصلحهم

[أسد الجزيرة]

مشكور على الموضوع حجي بو حارب :D

قال رسول الله صلى الله عليه و سلم : من صلى الفجر فى جماعة فهو فى ذمه الله فلا تخسروا ذمه الله و من خسر ذمه الله طرده فكبه فى النار


سبحان الله صلاة الفجر تعطيك سكينة و طمأنينة و تحس انه هم كبير انزاح عن صدرك و انت راجع البيت من المسجد


تصدق احلى صلاة عندي صلاة الفجر :)

و اذا صار و فاتتني اكون متضايق :(

قبل ما كنت مداوم على صلاة الفجر :sorry:

و كانت تفوتني بعض الصلوات :weeping:

و كان اليوم الي تفوتني صلاة الفجر دايماً نتزاعل انا و مرتي :anger1:

و قعدت يوم افكر ايش السبب :con2: و اقارن لين ما اكتشفت السبب :dance

و جزاها الله خير مرتي الي عودتني على المداومة على صلاة الفجر omen

و كانت تصحيني و الحين انا الي صرت اصحيها :D



-

[راسي براسك]

شباب هاليومين الله يهديهم مادري لـ أي دين منتسبين
بالكوفيات والمقاهي والشوارع والمجالس اللي مامنها فايدة تلاقيهم بكثرة
لكن بالمساجد نادر ماتلقاهم مع أنهم قاعدين مب نايمين ولا مشغولين وخصوصاًُ الفترة هذي
لكن قلة الأيمان وخوفهم من ربهم أتوقع هو السبب
حرام عليهم والله بكرة وراهم حساب وعقاب
ولاهم غافلين عن هالشي

[بوحارب]

والله ياخوي بوحارب شباب فريجنا اول مااشوفهم في المسجد اعرف ان ياسهرانين او عندهم امتحانات
بقولك اول يوم في رمضان شفت الشباب كلهم في صلاه الفجر قلت الحمدلله وثاني يوم ردينا مثل ماكنا كم واحد بس
الله يهديهم ويصلحهم

احسن الظن ههههههههههههههههههههه لكن معاك حق :(

الله يهدي الجميع لطريق الهداية قول امييين :)

[بوحارب]

مشكور على الموضوع حجي بو حارب :d

قال رسول الله صلى الله عليه و سلم : من صلى الفجر فى جماعة فهو فى ذمه الله فلا تخسروا ذمه الله و من خسر ذمه الله طرده فكبه فى النار


سبحان الله صلاة الفجر تعطيك سكينة و طمأنينة و تحس انه هم كبير انزاح عن صدرك و انت راجع البيت من المسجد


تصدق احلى صلاة عندي صلاة الفجر :)

و اذا صار و فاتتني اكون متضايق :(

قبل ما كنت مداوم على صلاة الفجر :sorry:

و كانت تفوتني بعض الصلوات :weeping:

و كان اليوم الي تفوتني صلاة الفجر دايماً نتزاعل انا و مرتي :anger1:

و قعدت يوم افكر ايش السبب :con2: و اقارن لين ما اكتشفت السبب :dance

و جزاها الله خير مرتي الي عودتني على المداومة على صلاة الفجر omen

و كانت تصحيني و الحين انا الي صرت اصحيها :d



-



مرحبا اسد الجزيرة اسعدني مرورك وردك الطيب والله يثبتك على طاعته يارب

[بوحارب]

شباب هاليومين الله يهديهم مادري لـ أي دين منتسبين
بالكوفيات والمقاهي والشوارع والمجالس اللي مامنها فايدة تلاقيهم بكثرة
لكن بالمساجد نادر ماتلقاهم مع أنهم قاعدين مب نايمين ولا مشغولين وخصوصاًُ الفترة هذي
لكن قلة الأيمان وخوفهم من ربهم أتوقع هو السبب
حرام عليهم والله بكرة وراهم حساب وعقاب
ولاهم غافلين عن هالشي

الشباب فيهم الخير أن شاء الله لكن هناك البعض منهم يشوه صورة الأخرين للأسف

الله يهديهم ويصلحهم ولاهنتي على المرور:)

[BURBERRY]

جزاك الله خير اخوي بو حارب

و نفس الحاله في مسجدنا

الله يهدي شباب المسلمين