الملابس اللي مانحتاجها وين نوديها ؟؟ .... [الأرشيف]

مستثمره جديده

14-07-2009, 07:49 PM

السلام عليكم ..

بغيت أسأل وين اقدر اودي الملابس وأغراض البيت اللي مانحتاج لها .. لاني كنت اعطي وحده الاغراض وهي تتصرف فيهم بس مسكينه سافرت بلادها ومب راجعه فقلت اسئلكم .. اللي يعرف اي عائله محتاجه او جمعيه خيريه تاخذ الثياب الزايده وتوزعها مب تقطها في الإستورات ياريت يفيدني برقمهم وعنوانهم وجزاكم الله كل خير

شيط ويط

14-07-2009, 07:50 PM

مؤسسة الشيخ عيد الخيرية في اللقطة ..

jassas

14-07-2009, 07:53 PM

مؤسسة الشيخ عيد الخيرية قبل دوار سوق العلي

محمد11

14-07-2009, 07:55 PM

عندك في فيلاجيو عند اخر بوابه عند برج الشعله

في صندوق كبير لتبراعت الملابس تابع حق جمعية قطر الخيريه

وعندك عيد الخيريه

شويهينــه

14-07-2009, 07:57 PM

عندك في فيلاجيو عند اخر بوابه عند برج الشعله

في صندوق كبير لتبراعت الملابس تابع حق جمعية قطر الخيريه

وعندك عيد الخيريه

هذا اللي كنت بقوله

صندوق عند مدخل المطاعم اللي بفيلاجيو

ابوعلي

14-07-2009, 07:59 PM

إختي عندج ::

اللجنة الإجتماعية بمؤسسة عيد الخيرية ت: 4873445 أو البدالة : 4355555

الدوحه%

14-07-2009, 08:00 PM

حبيبتي كل الجمعيات الخيريه سواء عيد ولا قطر تاخذ ثياب ...هذا شي ثاني شي اذا عندج خدامات ترى فيهم اجر ياخذون يودونه بلادهم ..
وكل فريج فيه بيوت فقارى اسالي راح تحصلينهم وياخذون ثياب ...
وجزاج الله خير

anood

14-07-2009, 08:01 PM

يزاكم الله خير
ماقصرتو

PoBox

14-07-2009, 08:01 PM

*
*
*

جمعية قطر الخيرية ( فرع سوق الخميس والجمعة )
يستقبلون جميع انواع التبرعات الغير مالية

( ملابس ، مكيفات ، غرف نوم ، كراسي ، و و و و )

رقم قطر الخيرية
4667711

بنت ابوها 19

14-07-2009, 08:03 PM

محطة ابو هامور

ورا عند الصيدليه
في صندوق كبير
للتبرع بالملابس

والله يعطيج الف خير اختي
ع الفعل الطيب
ويجزاج الجنه ..

مستثمره جديده

14-07-2009, 08:07 PM

اول مره ادري ان فيه صناديق للتبرعات العينيه ..

ماقصرتوا جميعا والله يعل ربي يسلمكم ويعينا وياكم على فعل الخير وكل عمل

يقربنا لله سبحانه .. الله يجزاكم كل خير

5ial al3lya

14-07-2009, 08:08 PM

في جمعيه الميره فرع الدفنه الي قريبه من صاله الافراح في صندوق كبير عند باب الجمعيه تبع عيد الخيريه

ح فهد

14-07-2009, 08:10 PM

في عندج صندوق حق التبرعات جدام باب جمعية الميرة الى في زغوى

وفي ميزان حسناتج ان شالله

anything99

14-07-2009, 10:02 PM

اعتقد الصندوق الموجود امام الجمعيات ليس للتبرع ولكن لتدوير واعادة تصنيع الملابس recycle واتمنى الرجوع والتأكد من هذه المعلومة من قرأءة المعلومات على هذه الحاويات هذا ما اعتقد قرأءته عليها ..

اما بالنسبة للجمعيات التي تستقبل التبرعات العينية .. مؤسسة الشيخ عيد القسم النسائي في الدفنة مقابل مدرسة جوعان المستقلة ..

ورقــة أمــل

14-07-2009, 10:21 PM

عندج جمعيتنا فيه صندوووق

رجل تعليم

14-07-2009, 10:22 PM

المتضرعه لله

15-07-2009, 12:56 AM

جمعية عيد ال خيريه

دار الانماء الاجتماعي مشروع رداء الخير

جمعية قطر

يوجد صندوق لجمع الملابس امام جمعية الدفنه

هناك مكان بجانب جمعية المنتزه يجمعون فيه الملابس والاثاث وفيه سيده قطريه

وجزاك الله خير

فلفل حار

15-07-2009, 06:25 AM

جمعية ازغوى ( الميره )

صندوق شكبره عند باب الجمعيه ^-^

والله يجزاج خير اختي

قطريه فديتني

15-07-2009, 07:23 AM

أختي انا اعرف عائله ايرانيه والله مره فقيرررررررررره تكسر الخاطر وعندها بنتين قاعده في سكن مع عمال لانه مسكينه زوجها سافر مع اعياله الثنين راح ايران يبي يتعالج ومات هناك مسكين والحكومه مسكت اعياله تجنيد اجباري والمره ماعندها احد يوفر لها حتى خبز وربي تكسر الخاطرانا كنت بنزل موضوع اذا حد يبي يتبرع لها بس انشغلت والله

اذا حبيتي هي قالت لنا انها محتاجه ملابس واكل ماعندها شي وهي كبيره في السن وبناتها في سن مراهقه والله انا خايفه عليهم من سكن العمال اللي هي قاعده فيه

اذا حابه تعطيها الثياب يزاج الله خير لانه تقول انها تروح بيت الزكاه والجمعيات الخيريه يقولون ماعندنا شي الحين

اللي حاب يساعدها بشي بحاول اجيب رقمها وتكلمونها بعد مادري اذا عندها تلفون بس اخت ريلي تدل بيتها لانه لقتها بالشارع تمشي في عز الشمس وكسرت خاطرها وقالت لها اخت زوجي تعالي يمه اوصلج ووصلتها لين المكان وعورت قلبي يوم قالت لي عنها

عالعموم اختي اذا حابه تساعدينها قولي لي وانا بجيب تلفونها او عنوانها

منفعل

15-07-2009, 07:58 AM

بارك الله في صاحبه الموضوع.. لأنها استفادت وفادتنا

وجزاكم الله خير جميعا ً

دلوعه امها

15-07-2009, 08:51 AM

الفا برافو

15-07-2009, 08:55 AM

جمعية عيد الخيريه
بس اهم شي تكون اغراض يقدرون يستفيدون منهم
والملابس تكون في حاله جيده
وجزاج الله الف خير وعساه في ميزان حسناتج

عابر سبيل

15-07-2009, 10:50 AM

في الفرع الرئيسي لجمعية قطر الخيرية ( قرب المول)
هنالك مكان مخصص بشكل منظم لموضع الملابس...
ياتي الواحد بسيارته من المدخل الرئيسي
و على طول ياخذ يمين لين اخر السور...
فيه صندوق اخضر (عليه صورة ملابس)
يقوم المتبرع بوضعه فيها بنفسه دون الحاجة
للتداخل مع اي احد من الجمعية....
و الكان متاح في اي وقت( حسب ظني) ...

و بارك الله في راعية الموضوع على موضوعها...
وفي كل القايمين على الاعمال الخيرية
من جمعيات رسمية او افراد!

و نتمنى...لو تقوم الجمعيات بشيء من التذكير
حول السبل التي تقدمها لهذا العمل الخيري...
لان الخير في هالبلد ( بحمد الله)
كثير و الكثير عندهم ملابس (شبه جديدة) يريدون التخلص منها...
فلنتعاون على الاستفادة منها بدلا من رميها في مكبات النفاية!.

اتمنى على المشرفين التفكير في امكانية تثبيت هالموضوع
ولو لعدة ايام...لربما تكون فيه فائدة اكبر لرواد
و متابعي المنتدى!

جليســــة القــــرآن

15-07-2009, 11:52 AM

اشكر صاحبه الموضوع كل الشكر على هذا المجهود جعله الله في ميزان حسناتها وانا بعد ابي اعرف اماكن ناس لانه خاطري اذا عطيت اعطي حد محتاج صج وياليت الكل يفيدنا بناس يعرفهم او يدل اماكنهم واختي قطريه ياليت رقم وعنوان العائله اللي ذكرتيهم عالخاص

أختي راح يكون في سوق خيري بعد أسبوعين تقريباً وحاليا قاعدين نجمع من الناس أي شي ممكن التبرع به .. ملابس .. نعالات " كرمكم الله " .. أثاث .. أدوات .. فرش .. مكيفات .. أي شي .. والعائدات راح ترجع للأسر المتعففة في الدوحة ماراح ترسل لبرا ..

وراح يحاضر أحد المشايخ ربما يكون الشيخ محمد العريفي ..

فاللي حابة تتبرع تراسلني .. والله يتقبل من الجميع الدعاء وصالح الأعمال ..

اللهم آمين يا رب العالمين ..

وجزاك الله خير أختي صاحبة الموضوع ..

غناتي1

15-07-2009, 12:36 PM

فيه امرأة كبيرة في السن وعراقية تعيش في الوكير وما عندها اي شئ

اذا عندج مكيفات او سجاد او اي تبرعات ومستعدة تودينها لها راسليني ع الخاص

باعطيجرقمها وكلميها

عابر سبيل

16-07-2009, 01:05 AM

لمن فاته...
لعله يحتاجه او ينتفع به!.

سلمى76

16-07-2009, 03:52 PM

أختي راح يكون في سوق خيري بعد أسبوعين تقريباً وحاليا قاعدين نجمع من الناس أي شي ممكن التبرع به .. ملابس .. نعالات " كرمكم الله " .. أثاث .. أدوات .. فرش .. مكيفات .. أي شي .. والعائدات راح ترجع للأسر المتعففة في الدوحة ماراح ترسل لبرا ..

وراح يحاضر أحد المشايخ ربما يكون الشيخ محمد العريفي ..

فاللي حابة تتبرع تراسلني .. والله يتقبل من الجميع الدعاء وصالح الأعمال ..

اللهم آمين يا رب العالمين ..

وجزاك الله خير أختي صاحبة الموضوع ..

وين هذا المعرض

وكيف نسلم التبرعات

وجزاك الله خير

فويرط

16-07-2009, 04:48 PM

عندج جمعيتنا فيه صندوووق

الصندوق اللي عند جمعيتكم هذي للإشياء اللي يمكن اعادة تدوريها مب مال التبرعات

شبربوش

16-07-2009, 10:38 PM

وعندج بعد جمعية الهلال الاحمر

دكتور قطر

16-07-2009, 11:05 PM

مؤسسة الشيخ عيد الخيرية في اللقطة ..

احسنت في لهم مكتب خاص

جليســــة القــــرآن

16-07-2009, 11:13 PM

وين هذا المعرض

وكيف نسلم التبرعات

وجزاك الله خير

عزيزتي السوق الخيري راح يكون في تاريخ 8/8 في الخريطيات :
خلف مسجد ابن قدامي ومقابل مسجد ابن سريع في الساحة الشرقية ..

أية أستفسار أتصلي أختي العزيزة بالسيدة الفاضلة أم فضــــل
هي اللي راح تستقبل التبرعات ..
أرسلت لج رقم تليفونها ..

جزاك الله خير

بنت سعادة السفير

16-07-2009, 11:18 PM

بالنسبه لي اعطــي وحده محتااجــه من طرف خالتي

جزاكم الله خير

QatarLady

16-07-2009, 11:23 PM

يعطيج العافية اختي ع الموضوع اللي استفاد منه الكل في نظري

عن نفسي أرتبهم وأجمعهم في شنط بلاستيكية خفيفة مثل اللي تنباع بالحراج

وطوالي جمعية قطر الخيرية اللي وراء المول

وياليت ياليت الجمعيات تسوي خدمة للمنازل

يطرشون حد يستلمها عشان محد يتكيسل في تجميعها

بواردي

17-07-2009, 12:02 AM

قطر الخيرية او عيد الخيرية

فتك العديد

17-07-2009, 02:03 AM

اختي في صندوق في الريان في شارع ال شافي وفي في الوكره عند الدونات تابعين لجمعيه قطر الخيريه لون الصندوق اخضر ومرسوم عليه صوره ثياب بس بشرط انها تكون بحاله جيده وعلى فكره الصندوق للثياب فقط

عبير وردة

17-07-2009, 02:50 AM

بالنسبة للملابس المستعملة إذا كانت في حالة جيدة جدا ... أفضل توصيلها للأشخاص المحتاجين مباشرة .. وليس عن طريق الجمعيات ( برأي الشخصي)

أختي الفاضلة إسئلي صديقاتك وقريباتك وزميلاتك بالعمل عن عائلات فقيرة أو عائلة راتبها بسيط يعني على قدهم ما بيقدروا يشتريوا ملابس جديدة ... وصليها لهم مباشرة أحسن..

وحتى ممكن تطلعي عن نطاق قطر .. وتشوفي إذا في عائلات فقيرة في بلاد أخرى محتاجة حد من صديقاتك بيعرفهم .. ارسليها لهم مع أي حد ... وشوفي الدعاوي اللي حتسمعيها ... والثواب اللي حتكسبيه إن شاء الله ... الله يوفقك ويرضى عليك.

مضاد

17-07-2009, 02:51 AM

’

الحمد لله بلاد خير واهالها فيهم خير ’

والفضل والمنه لله .

أوراق

17-07-2009, 05:31 AM

العوائل الفقيرة كثيرة في قطر

اللهم لك الحمد على نعمك

اذا تحبين بعطيجج رقم اخت الله يجزاها خير احسبها على خير
دايما تكون مع الاخت الفاضلة فاطمة العلي في التوزيع
اذا تحبين بتوصلها لج او بتتركب معاج او بتلحقينها
بتوديج البيوت بيت بيت وتشوفين حالتهم

قطريه فديتني

17-07-2009, 02:11 PM

اللي يبي رقمها يكلمني والله انها محتاجه حتى ماعندها تاكل

الله يجزيكم خير

مستثمره جديده

18-07-2009, 03:26 AM

الله يجزاكم كل خير جميعا على تفاعلكم مع الاستفسار وكثر الله من امثالكم

وجعله في ميزان حسناتكم ..

وشكر خاص للأخ الفاضل عابر سبيل على اقتراحه بتثبيت هالموضوع .. مب علشانه

موضوعي لا والله بس لان فعلا فيه ناس وايد وانا اولهم عنده ثياب واغراض منزليه زايده

ويبي يعطيها احد يستفيد منها مب يوديها لجهات تقطها في الاستورات من كثر اللي

عندهم ومحد يستفيد منها ..

وشكر خاص للاخوات اللي عرضوا علينا مساعدة بعض العوائل الفقيره وعساه في

ميزان حسناتهم ..

وياريت اي واحد منكم يعرف عائله محتاجه انه يطرح رد فيه شرح لحالتهم واللي يبي

يساعدهم يعطيه رقمهم وبذلك نكون ساهمنا ولو بشي بسيط في مساعدة اخوانا

المحتاجين في قطر .. وجزاكم الله كل خير

نبـــــراس

18-07-2009, 03:53 AM

جزاكم الله الجنه .

فلفل حار

01-08-2009, 03:42 AM

للرفـــع ... :)

الخزامىqtr

01-08-2009, 02:25 PM

مؤسسة الشيخ عيد بن محمد الخيرية

fff

01-08-2009, 02:39 PM

عند الداعية فاطمة العلي بعد تستقبل مثل هذي الأشياء
والله يجزيج الفردوس الاعلى

طرفه

01-08-2009, 03:19 PM

جزاكم الله خير جميعاٌ

ورقــة أمــل

01-08-2009, 03:28 PM

مشكوورين
عندي ملابس وايد كرتونين مكويين ومرتبين
بس اشوف اعضاء يقولون ان عيد الخيرية تيمع الاغراض في الستورات
انزين حد يعرف ناس فقارى او محتاجين واعطيهم؟؟
الملابس تنفع حق بنات كبار او حريم

شموخ العز

01-08-2009, 03:36 PM

ما يحتاج جمعية في ناااس حولك حواليك محتاجين بدون جمعيات ( بنحصل ناس تحاتي المدارس اشلون تشتري لعيالها ملاابس اسال مني منك بتحصل

اجرك على الله مستثمر وجزااك الله خير

هتـان قطر

01-08-2009, 03:57 PM

اول مرة ادري عن الصناديق اللي عند الجمعيات

اختي مستثمرة جزاك الله كل خير على هالموضوع

استفدنا اكيد من كل الاعضاء اللي عقبوا على الموضوع

جزاهم الله خير

دموع الخاطر

01-08-2009, 04:25 PM

بالتووووووووووووووفيق

مستثمره جديده

01-08-2009, 04:25 PM

السلام عليكم ..

يوجد في مبنى جمعية الميره فرع المنتزه محل على الطرف اسمه رداء الخير يستقبل الملابس

الزائده عن الحاجه ويتولى القائمين عليه مهمة توزيعها على الفقراء والمحتاجين ..

HIGHNESS

01-08-2009, 05:40 PM

جزاكم الله كل خير كلكم .... ياريت اي احد يعرف عائلة محتاااجة يقولنا عنها ( في الخاص ) ماله داعي نذكرها هني .... عشان الكل يسوي خير وياخذ أجر .....
الله يجعله في ميزاان حسناتج اختي مستثمره جديدة :)

غروب الشمس

01-08-2009, 10:48 PM

اختي عندي ناس يطرشون الملابس المستعمله الجيده من اغراضي لخارج البلد في اليمن ومصر والحريم اللي اتعامل معاهم زوجات ائمه مساجد وحده مصريه ووحده يمنيه وكذلك داخل الدوحه ام زوجي يجونها البيت يطلبون منها فالمسكينه تطلب مني ملابس مابيها سواء للصغار او الكبار وبعد اعرف عوايل فقاراء بالدوحه اذا تبين طرشي لي رقمك ع الخاص اخذ منك الامانه واوصلها لمستحقينها للعلم لين الحين يطلبون مني وللي عندي نفذ

خوي الشوق

02-08-2009, 01:57 PM

في ناس وايد يفكرون انه الدوحه مافيها صدقوني فيها ناس مب لاقيه حتى اللبس واتمنى الي يفكر يرسل للخارج يفكر بالي عندنا في قطر لانه اولى وفي امس الحاجه

راعي ال VXR

02-08-2009, 02:17 PM

قال الرسول صلى اللع عليه وسلم ...... من فرج عن مسلم كربة فرج الله عنه كربة من كرب يوم القيامه ..او كما قال عليه الصلاة والسلام

يزاج الله الف خير اختي الفاضله على هالمبادره الطيبه