المساعد الشخصي الرقمي

مشاهدة النسخة كاملة : ارسلت \ي رسالة smsبالغلط 000000وش صار موقفك


الجووري
15-07-2009, 09:30 AM
كل انسا ن يتعرض لمواقف في حياته ومن ضمنها ارسلت\ ي رسالة sms بالغلط وش كانت ردة الفعل....

اللي يحضرني حاليا وحده من ربعي رسبت في الجامعه

وخالتي ولدت وارسلت لها مبروك ماجاكم

وشوي جاتني رساله


يجي منك اكثر ماتوقعتك كذا >>> طلعت اني ارسلتها لرفيجتي اللي كانت راسبها

فشيييييله واتصلت لها وتاسفت ... وسلامتكم :)


تفاعلكم لاهنتوا
صاحب صديق
15-07-2009, 09:36 AM
هههههههههههههههه موقف محرج فعلا

االلي صارلي كنت متعود انا وواحد من الشباب انتبادل نكت الصبح كل يومفي الدوام وانا مب مسجل رقمه عندي

وفي يوم تميت ارسل وارسل وهو ما يطرش لي شئ ؟ اتصلت له وقلت له ليش ما اطرش قالي انت ما طرشت لي شئ

شيكت على الرقم طلع رقم غلط وعقبها بس ساعه تقريبا جاني مسج من نفس الرقم اللي كنت اطرش عليه

ويقولي طرش بعد بعد والله مالك حل :( احرجني يقولي والله انك فللللله وهو ما يعرفني

وبس والحين اشيك على الرقم مليون مره قبل ما ارسل
الجووري
15-07-2009, 10:28 AM
مالك حل في هالمسجات ههههههههههه

لاهنت ع المشاركه
فلفل حار
15-07-2009, 10:37 AM
متأكده بالغلط ولا في شي بالقلب يالشريره ..@@



صادني موقف جاني مسج من رقم غريب مكتوب فيه ( والله انك نذل ) وانصدمت من المسج

بس اكتشفت انه المسج صج جايني بالغلط من ناس ماعرفهم واانا حسبت انه من ربعي لاني كنت مصرفهم أمس قايلهم شبعان مابي عشى ورحت اتعشى بروحي عند معصرة بو سالم هههههه

كنت متضايق يومها وابي اتم بروحي



يعطيج العافيه الجووري ^-^
::.Silent.::
15-07-2009, 10:45 AM
مرة طرشت حق رفيجي: اجهز بعد شوي بامر عليك و بنروح نتعشى

و بس ..

ربع ساعه و كنت عند بيتهم .. اتصلت له: ويييينك .. قال: انا في السينما مع الاهل .. انا صرت جذيه @@

قلت له و المسج؟ قال: ما جاني شي

يوم شيكت الا انا مطرش حق اخوي الصغير

عاد اتصلت في اخوي .. على طول رد علي و قال: هاااااا . انت عند الباب؟؟

قلت له: لا في الطرييييييج :( .. ووديته المطعم بعد شاسوي

..
الجووري
15-07-2009, 11:08 AM
متأكده بالغلط ولا في شي بالقلب يالشريره ..@@



صادني موقف جاني مسج من رقم غريب مكتوب فيه ( والله انك نذل ) وانصدمت من المسج

بس اكتشفت انه المسج صج جايني بالغلط من ناس ماعرفهم واانا حسبت انه من ربعي لاني كنت مصرفهم أمس قايلهم شبعان مابي عشى ورحت اتعشى بروحي عند معصرة بو سالم هههههه

كنت متضايق يومها وابي اتم بروحي



يعطيج العافيه الجووري ^-^

هلا اخوي فلفل بارد اقصد حار شريره مره وحده الله يسامحك لاهنت ع المشاركه
لاتنسى الموضوع ارسلت رساله بالخطا مو استلمت ركز مره ثانيه>>>ههههههه
الجووري
15-07-2009, 11:11 AM
مرة طرشت حق رفيجي: اجهز بعد شوي بامر عليك و بنروح نتعشى

و بس ..

ربع ساعه و كنت عند بيتهم .. اتصلت له: ويييينك .. قال: انا في السينما مع الاهل .. انا صرت جذيه @@

قلت له و المسج؟ قال: ما جاني شي

يوم شيكت الا انا مطرش حق اخوي الصغير

عاد اتصلت في اخوي .. على طول رد علي و قال: هاااااا . انت عند الباب؟؟

قلت له: لا في الطرييييييج :( .. ووديته المطعم بعد شاسوي

..

هههههههههههههه

اخوانك اولى بطلعه

لاهنت ع المشاركه
بوخالد85
15-07-2009, 11:14 AM
مرة طرشت حق رفيجي: اجهز بعد شوي بامر عليك و بنروح نتعشى

و بس ..

ربع ساعه و كنت عند بيتهم .. اتصلت له: ويييينك .. قال: انا في السينما مع الاهل .. انا صرت جذيه @@

قلت له و المسج؟ قال: ما جاني شي

يوم شيكت الا انا مطرش حق اخوي الصغير

عاد اتصلت في اخوي .. على طول رد علي و قال: هاااااا . انت عند الباب؟؟

قلت له: لا في الطرييييييج :( .. ووديته المطعم بعد شاسوي

..

هههههههههههههههههههههه

مسكين اخوك مايدري عن السالفه :tease:
غيمة مطر
15-07-2009, 11:20 AM
ويه على هالطاري مأسااااااااه

اذكر مره تهاوشت مع زوجي .. وزعلت ...

رحت كتبت مسج مااااااتم شي في قلبي الا وكتبته زعل وعتب وحب وهواش وكل شي تتخيلونه

بعدها جاني رقم متصل اقول ليش رقم ريلي مب مسجل

>> من زود الزعل ماشوف هههههههههه
رديت قلت ها >> يعني زعلانه
قال شفيج شالمسج من انتي
جان اسكر في ويهه التلفون

وصحت صياح قلت فضحت نفسي بنفسي ياااااااافشييلتي

بعدها بفتره بعد ارسلت لنفس الرقم طلبات الجمعيه هههههههههههههههههه

ورد علي بمسج (( والله العظيم انا مب ريلج))

ومرت الايام وارسلت له مسج بعد

>>> ماتوب هههههههههههههههه

بس اشوه ماوصله يمكن كان مسكر او مفصول عن الخدمه

لوعت جبده مسكين الله يعينه هههههههههههههه
pure
15-07-2009, 11:26 AM
ويه على هالطاري مأسااااااااه

اذكر مره تهاوشت مع زوجي .. وزعلت ...

رحت كتبت مسج مااااااتم شي في قلبي الا وكتبته زعل وعتب وحب وهواش وكل شي تتخيلونه

بعدها جاني رقم متصل اقول ليش رقم ريلي مب مسجل

>> من زود الزعل ماشوف هههههههههه
رديت قلت ها >> يعني زعلانه
قال شفيج شالمسج من انتي
جان اسكر في ويهه التلفون

وصحت صياح قلت فضحت نفسي بنفسي ياااااااافشييلتي

بعدها بفتره بعد ارسلت لنفس الرقم طلبات الجمعيه هههههههههههههههههه

ورد علي بمسج (( والله العظيم انا مب ريلج))

ومرت الايام وارسلت له مسج بعد

>>> ماتوب هههههههههههههههه

بس اشوه ماوصله يمكن كان مسكر او مفصول عن الخدمه

لوعت جبده مسكين الله يعينه هههههههههههههه



واخزياااااه هههههههههههههههههههههههههه





انا عن نفسي ما مريت بمثل هالمواقف

يعطييج العافييه عل الموضووع الحلوو
alwahesh
15-07-2009, 11:29 AM
عادي جدا

ولكن الموقف الي يفشل صج اني ارسلت رساله لشخص والرساله كلها حش وعقار وكلام خطير
وبالنهايه اكتشف اني ارسلت الرساله للشخص نفسه انا انا تكلمت عنه مب للشخص الي كنت ناوس ارسل له الرساله

ولكن لين فات الفوت ...............

ولكن الحمد لله القلوب صافيه والنيه طيبه والروح رياضيه
وتقبلها بكل صدر رحب ...
غيمة مطر
15-07-2009, 11:31 AM
عادي جدا

ولكن الموقف الي يفشل صج اني ارسلت رساله لشخص والرساله كلها حش وعقار وكلام خطير
وبالنهايه اكتشف اني ارسلت الرساله للشخص نفسه انا انا تكلمت عنه مب للشخص الي كنت ناوس ارسل له الرساله

ولكن لين فات الفوت ...............

ولكن الحمد لله القلوب صافيه والنيه طيبه والروح رياضيه
وتقبلها بكل صدر رحب ...

:eek5:

بال على الاقل انا ارسل لشخص لااعرفه ولايعرفني

بس تستاهل :anger1: هاي نهاية العقاااار

هههههههههههههه
ANONYMOUS
15-07-2009, 12:11 PM
وايد بس ماذكر المواقف

بس معصرة بوسالم مالها حل
عـيـون قـطـر
15-07-2009, 12:20 PM
ههههههههههه
انا كثير يصيدني نفس هاي المواقف
مره اتصل حق واحد ما يرد طرشت له مسج لو ماتطلع لي برع انا بحرك ولا انا مطرش حق واحد ثاني وانا مدري ولا متصل لي يقول لي وش تبي فيني اطلع لك برع
( قلت له اسمحلي بالغلط يقول لي عادي اغلط بس مو اخر الليل )
غزلان
15-07-2009, 01:02 PM
الحمد لله ولا مره لني اتأكد قبل ما ارسل
هذلان
15-07-2009, 01:08 PM
السلام عليكم

مواقف حلوه بصراحه .. خصوصا مواقف البنات .

انا صار لي موقف ولكنه سيء .. في رمضان قريب صلاه الفجر جاني مسج بالغلط من بنت لشاب كلام ماينفع لا برمضان ولا غير رمضان :anger1:

عاد قلت هاه ارد عليها برساله احراج ؟؟ كتبت الرساله انه هذا مايجوز و حرام (كلام مؤثر يعني) و انا متردد اطرش ولا لاء ... ماطرشت ، خفت انفهم غلط.

لاتسئلوني شصار .. ثاني يوم ولا متصلي واحد ملغ شري لسانه زفر ماعنده اسلوب كل شي شين فين . يقولي شعندك مطرش رساله على الرقم الفلاني :eek5: قلت له اي رقم غلطان انت واساسا مش حافظ الرقم (اعتقد اني حطيت جوالي في مخباي بدون لا اقفله و تطرشت الرساله )

قالي لا انت مطرش ولا تعودها مره ثانيه ؟؟ هههههههه قلت له ان شالله و انا اسف

يومين ولا داق علي يقولي شعندك تزعج الناس ... لحوول والله ماطرشت شي ، وشبيبك اصلا

الظاهر يقصون عليه :secret:

وصار كل اسبوع اسبوعين يدق علي

لين اخر مره طلعني من طوري بصراحه .. لانه كله هو يبي يظرب و انا مكبر مخي ،، عموما المكالمه وياه ماتستمر اكثر من دقيقه و اسكر في وجهه

قلت له شوف .. انت اهبل ويقصون عليك يالخروف و كانك صادق انا في سيلين حاليا و انتظرك وبعد ساعه اذا مادقيت علي انا بدق عليك :anger1:

من يومها ارتحت و توبه
!الشايمه!
15-07-2009, 03:47 PM
لين اخر مره طلعني من طوري بصراحه .. لانه كله هو يبي يظرب و انا مكبر مخي ،،


ههههههههههههههههههههههههههه
شكلهم العيلة كلها رايحه فيها....
.......

المشكلة اذا نصايف الليل....ما ينفع الترقيع:secret:

مره وصلني مسج.....وبصراحة كان فيه كلام حزين واااااااايد
شئ يعور القلب :( .....طرشت مسج
من معاي؟ ......محد رد علي....وارسلوا مرتين بعد كلام حزين...
قمت ارسلت....دعاء تفريج الهم....وبعدها ماعادوا يرسلون

مسويني الوسادة الخاليه :anger1:

.....

الموقف اللي بجد ما انساه...بس يختص بالجوالات...
مره صديقتي انسرق جوالها......وهي مسجلة كل ارقامنا
بالاسامي... ما اوعى بعد فترة الا اتصال يجيني

ولا على تلفون الغرفة :omg:
هو: الو
انا: الو
هو: مساء الخير
انا: مرحبا
هو: كيف الحال
انا: الحمدلله, من معاي؟
هو: الشايمه<< ذكر اسمي الحقيقي:eek5:
انا: نعم؟:eek5: من معاي؟
هو: والله شريت جوال من فترة ولقيت اسمج فيه وقلت نتعرف..!!
انا: شنووووووووووو؟ :anger1: يا....يا....يا.....يا.....!!!؟؟<< كلام ممنوع
من الرقابة
وبس ماشفت الا غبره....ناس عاوز أئطم رقبة :anger1:

تحية
Qtr.Girl
15-07-2009, 04:40 PM
انا صار معاي مووووقف محررررررج



من فترة كانت عندنا حفلة تخرج وحده من هلي


وانا قاعده الا يجيني مسج وللعلم انا اعرف بنتين بنفس الاسم وحده رفيجة اللي تقرب لي << نفسها اللي سوت حفلة تخرجهاا ..

والثانيه تعرفهامن بعييد


عاد يوم اجوف المسج ماركزت عالبنت صاحبة المسج .. وجان ادز لها وينج فلانه ماجفناج بالحفلة وانا سالت خواتج عنج ومكانج مبيين و.... الخ ..

الا ادز لي مسج اي اخت فيهم !! وانا مكملة معاها وذكرت لها اسم اختها !!

الا ادز لي يا فلانه انتي متاااكده ؟ جان تشكككنني بعمري واسال اللي تقرب لي

طلعت مب رفيجتها هههههههههههههههههههههههههه وهي اصلا ماعازمتها لان تعرفها من بعيييد ..

ومن يومها البنت مادزت لي شي :secret:
البحار00
15-07-2009, 07:51 PM
صارلي موقف من شهرين تقريبا

وحده مطرشه لي مسج بالغلط كاتبه فيه

هلا فاطمة انا مريم مبروك ماجاك ويتربى في عزج وعز ابوة

والله يخليه لكم وتبلغون فية معرس.

هههههههه رديت عليها الله يبارك فيج بس الولد اشسموه؟

ومن ولدة اهو؟
نحول
15-07-2009, 08:00 PM
انه اخبر نزلت موضوع من فترة فالمنتدى

ثاني يوم جاني مسج مشكور هامور كويتي عالموضوع وجزاك الله خير

اتصلت محد رد طرشت مسج هم محد رد

ودي اعرف من وين يابت الرقم !!!!!!!!!
فلفل حار
16-07-2009, 01:46 AM
هلا اخوي فلفل بارد اقصد حار شريره مره وحده الله يسامحك لاهنت ع المشاركه
لاتنسى الموضوع ارسلت رساله بالخطا مو استلمت ركز مره ثانيه>>>ههههههه

http://www.alqal3aa.com/e5/images/64.gif http://www.alqal3aa.com/e5/images/60.gif


وايد بس ماذكر المواقف

بس معصرة بوسالم مالها حل

ومع غرشه كولا باردهـ من ثلاجتهم

عليهم فريزر يبرد الجبد ياشيخ ...:nice:


افا والله عليكـ

name the time and the Place ^-*
moon-99
16-07-2009, 01:47 AM
ما اذكر غلطت الا مرتين :victory:

" المره الاولى "
كنت مطرشه لامي مسج برمضان ابي اغراض من الجمعيه
طبااااااخه الاخت :D
كتبت كل الاغراض اللي ابيها
وطرشته لرقم مشابهه لرقمها
:shy:



" المره الثانيه "
كنت مطرشه مسج لاختي ابي منها اغراض
وكنت مهددتها اذا ما جابت الاغراض معاها شبسوي فيها
وكنت كاتبه اسمها :nop: واسم اخوي وخالي (العايله الكريمه):happy:
المهم - من العجله طرشته لرقم غيير بالغللط
بعدها بيوم الا جايني الرقم من برى - فتح خط
ما رديت عليه - بس دزيت له مسج استسمح ان المسج جا بالغلط :shy:
الا مطرش لي مسج
بس حبيت اتطمن الاغراض اوصلت ولا لا :shy:
فلفل حار
22-07-2009, 04:58 AM
:pilot:
Miss
22-07-2009, 03:32 PM
من فتره زعلت مع رفيجتي .. وما اتصلت تراضيني <<< متعوده .. المهم طرشت لها مسج اني زعلانه عليها والشرهه علي اني اكلمها ولا عاد تكلميني وما عاد ابي اشوف ويهج .. وتحمدين ربج اني اكلمج ومن هالكلام <<<< كان الكلام مو من قلبي بس كنت ابيها تراضيني .:telephone:. ومن الحره طرشت المسج لموجهتي :rolleyes2: طرشت لي مسج حبيبتي بكره بايي المدرسه وبنتفاهم :eek5: يالله ما قدرت انام من الروووع :secret: وكلمت رفيجتي اقولها لا تقولين لي شفيج ترى بصيح :weeping:
جات الموجهه واعتذرت منها وخذيت بخاطرها ..
بس كان يووم
أم عبدالرحمن
22-07-2009, 03:49 PM
هههههههههههههههه


مواقفكم تضحك وآآآيــــــد

مره صادني موقف ابي اتصل حق خالتي ضغطت رقم غلط قلت الووو على بالي ريلها قلت له فلان موجوده فلانه قال لي سندرتوني والله انا مب فلانه كل يوووم تجيني اقام تطلب فلانه وحط حرة كل المتصلين فيه بالغلط فيني تم يصارخ علي:anger1: ... وانا صج صج منحرجه قلت له انا اسفه وسكرت على طووول ... شكله الريال متسندر من اللي يتصلون ويطلبون خالتي ....
بدوي
22-07-2009, 04:23 PM
انا كنت في السيارة مع واحد من الربع

المهم ان زوجتي طرشتلي مسج تسأل عني ومتى برجع

واكتب لها :

انا مع فلان .............. وكلام غزل ........... الخ

واطرش :victory:

شووووووووووي الا خويي جاه مسج .. :eek5: حسيت بالخطر

واشوف الا جوالي ( تم التسليم لفلان ) :rolleyes2:

التفت صوب خويي الا مييييييييييييييت من الضحك :happy:

قلت : لاحوووووووووول جبت العيد :omen2: قلتله : يافلان انت منت بغريب

لكن استر على ماواجهت :secret:

:shy: