الموت حق وكلنا للزوالي............ [الأرشيف] - منتديات شبكة الأسهم القطرية

مشاهدة النسخة كاملة : الموت حق وكلنا للزوالي............

قطريه ماركه

16-07-2009, 12:42 AM

مرحبـــــــا ..

حبيت أنقل لكم رائعة من روائع .. مزعل فرحان .. كح كح مااااال اوووووووووول :shy:

مرثية.........

جاني خبر في غربتي ، قيل بركود
صوب الرياض اسرع و شد الرحالي

قلت السبب قالو مريض و بــه زود
على فراشه طايح من ليـــــــالي

يبي يشوفك دامه اليوم موجود
علك تشوفه لي وصلته سالي

حاولت اعرفه قالوا الوقت محدود
لا لا تضيع وقتك اليوم غالي

رجعت فكري تايهٍ شبه مفقود
متخدرٍ جسمي وفكري وبالي

ساعة دخلت وشفت اناالبيت محشود
بالناس كلٍ يزعج الصوت عالي

حتى الصغير اللي من ايام مولود
يبكي ودمعه فوق الاوجان سالي

نشدتهم وش صار بايامي السود
منهو توفى..من فقدناه غالي

قالوا ترى امك يابن الاجواد بالعود
بالعود مدفونه من اربع ليالي

جاها قضاها ويومها اليوم موعود
والموت حق وكلنا للزوالي

من هرجهم حبل الحزن صار معقود
في خافقي والموت وقته طرالي

بغيت اجامل كل من كان موجود
لكن حزنـي ترجم احوال بالي

وانهل دمعي وانتثر فوق الاخدود
ساعة نظرت فراشها والعيالي

ياليتني في قبرها اليوم موجود
وهي على الخد الوسيعه بدالي

لا شك حكم الرب ماعنه مردود
امنت به ربي عليه اتكالي

أتمنى انها نالت على اعجابكم ...:(

رجل تعليم

16-07-2009, 03:14 AM

جميلة جدا واستمتعت بها وبخيال الكاتب الواسع

شكرا لك ومزيدا من التألق والنجاح

بوعلي2

16-07-2009, 06:26 AM

الله على ذيك الايام

شكرا على الاختيار المميز قطريه

لاتحرمينا من جديدج الراقي

بوعلي

قطريه ماركه

17-07-2009, 12:36 AM

جميلة جدا واستمتعت بها وبخيال الكاتب الواسع

شكرا لك ومزيدا من التألق والنجاح
العفو .. تسلم ع المروور :victory:

الله على ذيك الايام

شكرا على الاختيار المميز قطريه

لاتحرمينا من جديدج الراقي
بوعلي
تسلم بو علي .. يعطيكـ العافية :)

أم عبدالرحمن

17-07-2009, 01:32 AM

والله مادري شقول لج قمه فالروووعه رووعه رووووعه روووعه وكلمات اروع

اعجبتني وااايد :)

صح لسانج حبيبتي

والله لا يحرمنا من هالكلام الحلو يالذوق

وعساج ع القووه اختي // قـطريه ماركه //

^ ـــ ^

..{فمــان للــــه}..

قطريه ماركه

17-07-2009, 01:53 AM

دعوووث

17-07-2009, 03:23 AM

:)

خووووش قصيده