معلومات عن تركيا

[السنافي rq]

السلام عليكم ورحمة اللة
اخواني اخواتي
ممكن احد يفيدني عن استنطبول
مثلا السكن الجو الاسعار
ولكم جزيل الشكر

[A l i]

الموضوع مب في مكانه الصحيح !!

ان شاء الله الاعضاء يفيدونك اخوي في قسم السفر

[كيفـي]

تركيـــــــــا..

جوهااااااا حلو وبارد ولكن حار في شهر 8 فقط..!!
بس بالليل باااارد ووايد حلووو..

السكن افضل شي تسكن في فندق لانه أأمن.. ومافي شقق فندقية على ماظن..

أسعارها في العام الماضي كانت غالية نوعاً ما..

واتمنى ان شاء الله انمزلت بالوقت الحالي..

لان كانت الليرة تساوي 3.13 ريال

وافضل منطقة للسكن هي تقسيم..

وفيها مجمعات وحدائق حلوووه...

لكن سواقين التاكسي اغلبهم حرامية.. يعني يبيلها حد مصحصح..
والافضل تتقاصص على الاسعار قبل لاتركب..

حتى لو قالك عداد ارفض..
خاصة بحكم عدم خبرتنا.. يعني بيلف بك الكرة الارضية عشان العداد يزيد..

وشعبها لايجيد اللغة الانقليزية الا فيما ندر.. وهذي مشكلة..

لكن تعلم اهم الكلمات وبتفيدك ان شاء الله..

وعندي اسامي وارقام ناس طيبة وفادونا..

اذا لك نية صح بتروح.. ان شاء الله ابشر بالخير..

و أي سؤال أنا حاضر ..!!

[رجل الجزيرة]

في الثمانينات كانت الليرة ب 10 درهم.

[5ial al3lya]

جوها حااااااااار بس ترا حلووه وطبيعه خلابه


بـــــــــــس تحمل من الاكل اكلهم كله يسمم ووصخ

[HAYA]

انصحك بمنتدى العرب المسافرون .

[فرحة الكواري]

اخي الكريم تركيا بلد جميل وخصوصا اذا كنت مخطط لأكثر من منطقة

اسطنبول - بورصة - ابانت - اوزنجول - انطاليا

بالنسبة للسكن تحصل 5 نجوم بـ 1200 وتحصل 5 نجوم ب700 و 600 .. حسب مكان اللي تحجز منه

منطقة تقسيم حشرة وازعاج ..

اما منطقة السلطان احمد واخص فندق لاجيسي عثمان سكن ممتاز جدا ومناظر رائعه

.
.

الجو عندهم معتدل مب بارد ولا حار .. بالليل يميل الى البرودة

الاسعار .. الليرة تطلع 3 ريال وخردة .. تقريبا مثل الدولار اقل بشي بسيط

انا انصحك بالحجز عن طريق شركة الحران السياحية في اسطنبول عن تجربة شخصية فرق الاسعار فرق كبير

اذا بغيت العنوان انا حاضرة

[saranay1]

جوها حااااااااار بس ترا حلووه وطبيعه خلابه


بـــــــــــس تحمل من الاكل اكلهم كله يسمم ووصخ

انا اكثر شي عجبني في تركيا الاكل
ماشالله عليهم كلشي يضبطونه
جامعين بين المطبخ الايراني والسوري .. اضافة الى الفواكه والاجبان والمكسرات الطازجة .. روعة
ناهيك عن الشوارما ورز باللبن والكنافة اضافة طبعا للمشاوي
اما الشاي والقهوة التركيه فماتتفوت في اليوم عشرين كوب تشرب ..وماتمل
ولا تنسى حلوة البلعوم ولحيه الشايب المربعة اومثلثة كذلك المكسرات للصوغة

عني انا
تركيا من الدول القليلة اللي اود ان ارجع لها مرة ثانية


اما عن السكن فسكنا في فندق مو على شارع الاستقلال بالضبط .. بس ينراحله مشي 5 دقايق

اما السواق فخنا سائق بسيارة كبيرة 100 دولار يوميا .. يتكلم عربي ومرشد سياحي في نفس الوقت

[بنت ابوها 19]

اسطنبول


منطقه حاره بالصيف
ومافي اماكن وايد
كل الي فيها مجمعات تجاريه
ولا فيها العاب
لكنها منطقه مانصح فيها اكثر من 4 تيام
لانه مافيها شي
لوتبي فندق في اسطنبول
في هوليدي ان 2
في واحد جديد في واحد قديم
حلو ومرتب وفخم
واسعاره مقبوله وهو 5 نجوم


انجي لمنطقة بورصه
احلى منطقه للترفيه
تسكن في فندق الميره هوتيل

افخم فندق في المدينه بكبرها
وفندق كله شخصيات راقيه ويسمونه فندق الملوك التركين لانه كله يسكنونه الملوك
انا بصراحه شفته احلى فندق وافخم فندق مر علي بتركيا بكبرها
هو يقولن لك خمس نجوم لكن والله تعطيه 7 نجوم وزود
ومنطقته رهيبه
قريبه من الملاهي والاسواق الي في بورصه

الجو احلى من اسطنبول معتدل مب حار ولا بارد وسط


وبعدها
بولو ابانت
واحلى منطقه طبيعيه زرتها بحياتي
جوها بارد ومنطقه مافيها اسواق
كل الي فيها كان تشتريه منه اغراضك
لكن مافي حواليك اله جبال ومناظر خلابه
وبحيرات
وبط وكل شي
والفندق ابانت بلاس




واي استفسار ثاني ياخوي اسال مايردك اله لسانك