اين انتم ياجيراني

[عروة]

انتقل بومحمد من فريجه القديم والذي كان فيه الجميع يعرفون بعضهم البعض وكل شخص قلبه على قلب الثاني وكان الجميع يعرف ويقدر ظروف جيرانه وعدد عياله واين يشتغل وكانوا يتبادلون اطراف الحديث بالمسجد بعد الانتهاء من صلواتهم او في مجالسهم وقت المساء او في مناسباتهم الاجتماعية انتقل بومحمد الى الفريج الجديد من اجل بداية حياته الزوجية الجديدة واول مافعله هو محاولة ان يتعرف على جيرانه فذهب يطرق الابواب لكي يعرفهم بنفسه ويتعرف عليهم ولكن للاسف لم يجد احدا منهم ولم يجد الا السائقين او الخادمات واكثرهم اعتذر بان رب المنزل غير موجود او انه نائم فقرر ان ينتظر حتى موعد الصلاة لكي يتعرف بجيرانه هناك وبعد نهاية الصلاة وجد قلة من الناس فعرفهم بنفسهم وانه نازل جديد على الفريج وعرفهم بمكان عمله وانه سعيد بالانتقال الى هذا الفريج الجديد ولكنه تفاجىء بان البعض منهم تجنبه بسرعه والبعض منهم ابتسم وراح حتى ماكلف نفسه يرد التعارف ولدرجه ان واحد منهم رد عليه قائلا الله يعطيك وكأنه يشحت منه واستمر بومحمد محاولا ان يتعرف على جيرانه لمدة 15 يوم قبل ان يقرر ان يبحث عن مكان اخر للسكن وهو يردد قائلا : الجار قبل الدار الجار قبل الدار الجار قبل الدار

فهل صحيح ان الجار قبل الدار ؟
وهل تعرف جيرانك عدل والا لا تعرفهم ؟
وهل هناك علاقات اجتماعية مابينك وبين جيرانك وماطبيعتها ؟

[بوحارب]

للأسف بعض جيران هالأيام نفوسهم متغيرة شوي وكل واحد منطوي على نفسة :(
فهل صحيح ان الجار قبل الدار ؟
اي صحيح ومافيه احسن من الجار الطيب والمصلي

وهل تعرف جيرانك عدل والا لا تعرفهم ؟

اعرفهم ولكن مب الكل والعلاقة بينا طيبة :)

وهل هناك علاقات اجتماعية مابينك وبين جيرانك وماطبيعتها ؟

العلاقة بينا وبينهم السلام وعليكم السلام وبعض السوالف الخفيفة:)


مشكور اخوي عروة على الموضوع الجميل :)

[تحداني]

.. مساء الخير ..


فهل صحيح ان الجار قبل الدار ؟


هذه المقوله صحيحه ..
ولكن ليس الجميع يعمل بها ..فهناك جيران ..تود الهرب منهم ..


وهل تعرف جيرانك عدل والا لا تعرفهم ؟


انا عن نفسي لا اعرف جيراننا وان سألتني عن السبب .
.لان كل جيرانه اعيالهم شباب ..
او شيبان ..او نساء فاضلات كبار ..
فلا توجد فتاه في عمري لكي التقي بها واتعرف عليها ..


وهل هناك علاقات اجتماعية مابينك وبين جيرانك وماطبيعتها ؟

جيراننا من كل الجنسيات ..خطوط جويه ..+ شركات البترول والغاز ..+ فنادق +
بالاظافه الى عوائل قطريه ..

توجد هناك علاقه اجتماعيه فقط مع العوائل القطريه ..
في المناسبات الخاصه جدا جدا كالزواج ..
او في العزاء ( لا سمح الله )
غير ذلك لا والله ..
السلام عليكم وعليكم السلام ..
ولكن الجميع يحترمون الوالد احتراما شديدا ويعزونه ..
.
.
الا جار واحد ..ومن الشخصيات الجدا جدا معروفه ..
تقول يمكن في وادي آخر ..
لا افراح ولا مسرات ..




.. الله يسعدك يارب : )
..وسلمت الايادي
على هذا الموضوع الجميل ..

[بوحارب]

[color="darkorchid"]
جيراننا من كل الجنسيات ..خطوط جويه ..+ شركات البترول والغاز ..+ فنادق +



color]

حلو يعني لو بغيتي تحجزين تذكرة او تشتغلين في البترول ما يحتاي تروحين مشاوير طويلة وكل شي من قريب :D:happy::funny:

[تحداني]

حلو يعني لو بغيتي تحجزين تذكرة او تشتغلين في البترول ما يحتاي تروحين مشاوير طويلة وكل شي من قريب :d:happy::funny:


.. انا اقول هالولد شطور ..طالع على من ..
للاسف يا بوحارب .. ما عندنا علاقات معاهم ..
وما اعتقد يعطونه وجهه .. اليوم بروح واسير عليهم ..
.
.
وين تبغى تسافر عشان احجز لك ..؟؟ وفي اي شركه تبي تشتغل ؟؟ ..
وخاطرك في اي فندق ؟؟
.
.
جهز الاوردر ...
الله يسعدك :)

[بوحارب]

.. انا اقول هالولد شطور ..طالع على من ..
للاسف يا بوحارب .. ما عندنا علاقات معاهم ..
وما اعتقد يعطونه وجهه .. اليوم بروح واسير عليهم ..
.
.
وين تبغى تسافر عشان احجز لك ..؟؟ وفي اي شركه تبي تشتغل ؟؟ ..
وخاطرك في اي فندق ؟؟
.
.
جهز الاوردر ...
الله يسعدك :)

احجزيلي سوريا ولبنان وابي فندق الأنتر :(

بالنسبة للشغل ماودي اغير شغلي خليني مكاني ابرك لي

وهذا الاوردر يا مديرة هههههههههه :(

[تحداني]

احجزيلي سوريا ولبنان وابي فندق الأنتر :(

بالنسبة للشغل ماودي اغير شغلي خليني مكاني ابرك لي

وهذا الاوردر يا مديرة هههههههههه :(



... حاضر ..
.
.
واذا شفتني ما فتحت الموضوع معاك مره ثانيه ..
اعتبر ان الموضوع منتهي ... ( اكبر جذابه ) :)
.
.

آسفه يا صاحب الموضوع على هالمداخلات ..
والسموحه منك :(

[عروة]

للأسف بعض جيران هالأيام نفوسهم متغيرة شوي وكل واحد منطوي على نفسة :(
فهل صحيح ان الجار قبل الدار ؟
اي صحيح ومافيه احسن من الجار الطيب والمصلي

وهل تعرف جيرانك عدل والا لا تعرفهم ؟

اعرفهم ولكن مب الكل والعلاقة بينا طيبة :)

وهل هناك علاقات اجتماعية مابينك وبين جيرانك وماطبيعتها ؟

العلاقة بينا وبينهم السلام وعليكم السلام وبعض السوالف الخفيفة:)


مشكور اخوي عروة على الموضوع الجميل :)

وشاكر لك المشاركة الجميلة اخوي بوحارب والله يديم العلاقة الطيبة على طول

[غناتي1]

ايه والله انك صادق وان الجار قبل الدار

انتقلنا لمنطقة جديدة كل اللي فيها من اهل البرستيج

الله يرحم ايام ما كانوا يدخلون علي جيراني بدون استئذان بالتلفونات ولا هم يحزنون

الله يعوضنا يا رب

[عروة]

.. مساء الخير ..


فهل صحيح ان الجار قبل الدار ؟


هذه المقوله صحيحه ..
ولكن ليس الجميع يعمل بها ..فهناك جيران ..تود الهرب منهم ..


وهل تعرف جيرانك عدل والا لا تعرفهم ؟


انا عن نفسي لا اعرف جيراننا وان سألتني عن السبب .
.لان كل جيرانه اعيالهم شباب ..
او شيبان ..او نساء فاضلات كبار ..
فلا توجد فتاه في عمري لكي التقي بها واتعرف عليها ..


وهل هناك علاقات اجتماعية مابينك وبين جيرانك وماطبيعتها ؟

جيراننا من كل الجنسيات ..خطوط جويه ..+ شركات البترول والغاز ..+ فنادق +
بالاظافه الى عوائل قطريه ..

توجد هناك علاقه اجتماعيه فقط مع العوائل القطريه ..
في المناسبات الخاصه جدا جدا كالزواج ..
او في العزاء ( لا سمح الله )
غير ذلك لا والله ..
السلام عليكم وعليكم السلام ..
ولكن الجميع يحترمون الوالد احتراما شديدا ويعزونه ..
.
.
الا جار واحد ..ومن الشخصيات الجدا جدا معروفه ..
تقول يمكن في وادي آخر ..
لا افراح ولا مسرات ..




.. الله يسعدك يارب : )
..وسلمت الايادي
على هذا الموضوع الجميل ..

تذكرت مسلسل عربي قديم كان المثل المتكرر فيه دوم هو صباح الخير ياجاري انته في حالك وانا في حالي بس يمكن الانفتاح الكبير وتنوع جنسيات الجيران وخلفياتهم الاجتماعية والثقافية اثرت بشكل او باخر على الروابط الاجتماعية فيما بينهم وخلت الجميع يطبقون هذا المثل وعموما زين انه للحين في مشاركة في الافراح والاتراح وشاكر لك المشاركة الجميلة

[نورالهدى]

والمشكلة اللي كانت في المنتدى ما كان سببها الجيران
ترى فعلا الجار قبل الدار

[عروة]

حلو يعني لو بغيتي تحجزين تذكرة او تشتغلين في البترول ما يحتاي تروحين مشاوير طويلة وكل شي من قريب :d:happy::funny:



.. انا اقول هالولد شطور ..طالع على من ..
للاسف يا بوحارب .. ما عندنا علاقات معاهم ..
وما اعتقد يعطونه وجهه .. اليوم بروح واسير عليهم ..
.
.
وين تبغى تسافر عشان احجز لك ..؟؟ وفي اي شركه تبي تشتغل ؟؟ ..
وخاطرك في اي فندق ؟؟
.
.
جهز الاوردر ...
الله يسعدك :)


احجزيلي سوريا ولبنان وابي فندق الأنتر :(

بالنسبة للشغل ماودي اغير شغلي خليني مكاني ابرك لي

وهذا الاوردر يا مديرة هههههههههه :(



... حاضر ..
.
.
واذا شفتني ما فتحت الموضوع معاك مره ثانيه ..
اعتبر ان الموضوع منتهي ... ( اكبر جذابه ) :)
.
.

آسفه يا صاحب الموضوع على هالمداخلات ..
والسموحه منك :(


مسموحين وشاكر لكم المشاركة مرة ثانية

[عروة]

ايه والله انك صادق وان الجار قبل الدار

انتقلنا لمنطقة جديدة كل اللي فيها من اهل البرستيج

الله يرحم ايام ما كانوا يدخلون علي جيراني بدون استئذان بالتلفونات ولا هم يحزنون

الله يعوضنا يا رب

ماضيع القيم والترابط والاخلاقيات الا البرستيج المبالغ فيه والا كلنا من تراب والى التراب بنرجع والله يعين الجميع ان شاء الله ونرجع احسن من اول

[عروة]

والمشكلة اللي كانت في المنتدى ما كان سببها الجيران
ترى فعلا الجار قبل الدار

شاكر لك المشاركة والله يحل كل مشاكلكم

[وحيد المشاعر]

مشكور اخوي عروة على الموضوع الجميل

[الامانه]

الجار قبل الدار
احيانا حتى الجار يبيك للمصلحه
واذا خذ اللي بيه منك راح ولارجع واذا شافك حتى السلام ما يسلم عليك كنك ذابح احد
اسال مجرب

[عروة]

مشكور اخوي عروة على الموضوع الجميل

وشاكر لك المشاركة اخوي وحيد المشاعر

[عروة]

الجار قبل الدار
احيانا حتى الجار يبيك للمصلحه
واذا خذ اللي بيه منك راح ولارجع واذا شافك حتى السلام ما يسلم عليك كنك ذابح احد
اسال مجرب

شكله يبيلنا موضوع خاص عن المصلحة والله يعينا عليها وشاكر لك المشاركة اخوي الامانة

[qrt_trading]

أنا صارلي ألحين 4 سنوات تقريباً من سكنت البيت ولين الحين محد من جيراني طق باب البيت ودخل علي ولا زارني.

أخبر أيام أول لما شخص يسكن بيت جديد كل جيرانه يتجمعون ويزورونه لكن هذي الأيام لا وألف لا ما يعرفونك ولا حتى يحاولون.

حتى زوجي قالي مره وبعد فترة من سكنى البيت روحي زوري جارتنا لأن هو إتعرف على زوجها وكان وااااااااااااايد ذوق معاه صراحه حلفت إني ما أروح الحين معقوله أنا أسكن جديد وأنا إللي أروح أزاور الناس ليش مالي كرامه صراحة ما دام ما يبون يزورون حد لا يتوقعون إن حد يزورهم، وقلت لزوجي يعني لله ما دام زوجها يعرف رقمنا لله تتصل لا تجي إذا ما تبي بس يعني كذوق كان لازم تتصل على الأقل.

ولين يومكم لا رحت لهم ولا شفتهم ولا عرفتهم ولا حتى أبي أعرفهم.

[صوت الضمير]

مرحبا بك اخوي الكريم على هذا الموضوع

نعم والحمدلله الفريق كله يعرفنا ونعرفه

وحنا من اطباعنا اذا نزل احد جنبنا ،، يعني توه ساكن البيت

يحلفون عليه الاهل ويعشونه والا يغدونه .. قدر له وحتي نتعارف

الرجال يعزمون الرجال والحريم يعزمون الحريم

والحمدلله متواصلين مع جيرانا كانا اهل والحمدلله

في العزايم اول من يعزم جيرانا وفي المناسبات

نوقف معهم ويوقفون معنا..

في رمضان نتواصل بالاطباق :) وحتى بالايام العاديه

انتقلنا من بيتنا إلى بيت جديد,,, لكن مازلنا نتواصل مع جيرانا اللي عند البيت القديم


العنود

[عروة]

أنا صارلي ألحين 4 سنوات تقريباً من سكنت البيت ولين الحين محد من جيراني طق باب البيت ودخل علي ولا زارني.

أخبر أيام أول لما شخص يسكن بيت جديد كل جيرانه يتجمعون ويزورونه لكن هذي الأيام لا وألف لا ما يعرفونك ولا حتى يحاولون.

حتى زوجي قالي مره وبعد فترة من سكنى البيت روحي زوري جارتنا لأن هو إتعرف على زوجها وكان وااااااااااااايد ذوق معاه صراحه حلفت إني ما أروح الحين معقوله أنا أسكن جديد وأنا إللي أروح أزاور الناس ليش مالي كرامه صراحة ما دام ما يبون يزورون حد لا يتوقعون إن حد يزورهم، وقلت لزوجي يعني لله ما دام زوجها يعرف رقمنا لله تتصل لا تجي إذا ما تبي بس يعني كذوق كان لازم تتصل على الأقل.

ولين يومكم لا رحت لهم ولا شفتهم ولا عرفتهم ولا حتى أبي أعرفهم.

راحت ايام زمان يوم كانوا الناس يعرفون الواجب ويقدرون الجيرة بس لو صرتي احسن منها وبادرتي تروحين لها دام الموضوع صار له اربع سنين كان بيكون احسن على الاقل بعدها تكونين سويتي المطلوب منك يعني شوي الواحد يضغط على نفسه ويتنازل وبعدها الامور ان شاء الله بتمشي مثل مايشتهي والله يعين الجميع وشاكر لك المشاركة

[عروة]

مرحبا بك اخوي الكريم على هذا الموضوع

نعم والحمدلله الفريق كله يعرفنا ونعرفه

وحنا من اطباعنا اذا نزل احد جنبنا ،، يعني توه ساكن البيت

يحلفون عليه الاهل ويعشونه والا يغدونه .. قدر له وحتي نتعارف

الرجال يعزمون الرجال والحريم يعزمون الحريم

والحمدلله متواصلين مع جيرانا كانا اهل والحمدلله

في العزايم اول من يعزم جيرانا وفي المناسبات

نوقف معهم ويوقفون معنا..

في رمضان نتواصل بالاطباق :) وحتى بالايام العاديه

انتقلنا من بيتنا إلى بيت جديد,,, لكن مازلنا نتواصل مع جيرانا اللي عند البيت القديم


العنود

ماشاء الله شكله من الفرجان القديمة والعادات القديمة الله لا يغير عليكم ان شاء الله وهذا المطلوب الى يصير بينا وبين جيرانا لانه محد يقدر يعيش لوحده حتى لو كان في قصر وشاكر لك المشاركة الطيبة

[السهم الكلاسيكي]

انا ساكن ورا لامسي من عشرين سنة

جاري الباب مقابل الباب والله مااعرف ايش اسمة بس الااهل يزورون بعض في المناسبات

احسن مافية انة في حالة وانا في حالى

مب مثل بعض الجيران الله يكرمكم يتهاوشون على وضع الازبالة.

[الفا برافو]

الجار قبل الدار كان في الفرجان الاوليه
الحين هباب جارك يرد السلام.. خاصه اذا المنطقه اللي تسكنها مافيها لك حد من جماعتك

[بنت ابوها 19]

ذكرتني في جارنا محق جار والله


فاتحله شركة لموزين في بيته
وكل يوم احنا مشاكل معاهم اووووف سنداره والله
مايمدينا نطلع نركب سياره اله احنا مارين على سبع سيارير للدريوليه مالته

عنده 7 بنات وكل بنت لها دريول لحالها
مسوي لنا زحمه والفريج كله متضايق منه
صج انه مايعرف قيمة الجار ولا يحترم الجار

[ابن الجزيره]

انتقل بومحمد من فريجه القديم والذي كان فيه الجميع يعرفون بعضهم البعض وكل شخص قلبه على قلب الثاني وكان الجميع يعرف ويقدر ظروف جيرانه وعدد عياله واين يشتغل وكانوا يتبادلون اطراف الحديث بالمسجد بعد الانتهاء من صلواتهم او في مجالسهم وقت المساء او في مناسباتهم الاجتماعية انتقل بومحمد الى الفريج الجديد من اجل بداية حياته الزوجية الجديدة واول مافعله هو محاولة ان يتعرف على جيرانه فذهب يطرق الابواب لكي يعرفهم بنفسه ويتعرف عليهم ولكن للاسف لم يجد احدا منهم ولم يجد الا السائقين او الخادمات واكثرهم اعتذر بان رب المنزل غير موجود او انه نائم فقرر ان ينتظر حتى موعد الصلاة لكي يتعرف بجيرانه هناك وبعد نهاية الصلاة وجد قلة من الناس فعرفهم بنفسهم وانه نازل جديد على الفريج وعرفهم بمكان عمله وانه سعيد بالانتقال الى هذا الفريج الجديد ولكنه تفاجىء بان البعض منهم تجنبه بسرعه والبعض منهم ابتسم وراح حتى ماكلف نفسه يرد التعارف ولدرجه ان واحد منهم رد عليه قائلا الله يعطيك وكأنه يشحت منه واستمر بومحمد محاولا ان يتعرف على جيرانه لمدة 15 يوم قبل ان يقرر ان يبحث عن مكان اخر للسكن وهو يردد قائلا : الجار قبل الدار الجار قبل الدار الجار قبل الدار

فهل صحيح ان الجار قبل الدار ؟
وهل تعرف جيرانك عدل والا لا تعرفهم ؟
وهل هناك علاقات اجتماعية مابينك وبين جيرانك وماطبيعتها ؟


إخترت في الدنيا ثلاث
الستر وإنصاف وصلاح
وكرهت في الدنيا ثلاث
لا و لا يمكن و لن
وحبيت في الدنيا ثلاث
الشعر وأمي والصباح
وحلفت ما أخون الثلاث
إنتي و جاري والوطن
(مساعد الشمراني) ...

[ابن الجزيره]

انتقل بومحمد من فريجه القديم والذي كان فيه الجميع يعرفون بعضهم البعض وكل شخص قلبه على قلب الثاني وكان الجميع يعرف ويقدر ظروف جيرانه وعدد عياله واين يشتغل وكانوا يتبادلون اطراف الحديث بالمسجد بعد الانتهاء من صلواتهم او في مجالسهم وقت المساء او في مناسباتهم الاجتماعية انتقل بومحمد الى الفريج الجديد من اجل بداية حياته الزوجية الجديدة واول مافعله هو محاولة ان يتعرف على جيرانه فذهب يطرق الابواب لكي يعرفهم بنفسه ويتعرف عليهم ولكن للاسف لم يجد احدا منهم ولم يجد الا السائقين او الخادمات واكثرهم اعتذر بان رب المنزل غير موجود او انه نائم فقرر ان ينتظر حتى موعد الصلاة لكي يتعرف بجيرانه هناك وبعد نهاية الصلاة وجد قلة من الناس فعرفهم بنفسهم وانه نازل جديد على الفريج وعرفهم بمكان عمله وانه سعيد بالانتقال الى هذا الفريج الجديد ولكنه تفاجىء بان البعض منهم تجنبه بسرعه والبعض منهم ابتسم وراح حتى ماكلف نفسه يرد التعارف ولدرجه ان واحد منهم رد عليه قائلا الله يعطيك وكأنه يشحت منه واستمر بومحمد محاولا ان يتعرف على جيرانه لمدة 15 يوم قبل ان يقرر ان يبحث عن مكان اخر للسكن وهو يردد قائلا : الجار قبل الدار الجار قبل الدار الجار قبل الدار

فهل صحيح ان الجار قبل الدار ؟
وهل تعرف جيرانك عدل والا لا تعرفهم ؟
وهل هناك علاقات اجتماعية مابينك وبين جيرانك وماطبيعتها ؟



الجار قبل الدار الجار قبل الدار الجار قبل الدار

[عروة]

انا ساكن ورا لامسي من عشرين سنة

جاري الباب مقابل الباب والله مااعرف ايش اسمة بس الااهل يزورون بعض في المناسبات

احسن مافية انة في حالة وانا في حالى

مب مثل بعض الجيران الله يكرمكم يتهاوشون على وضع الازبالة.

وصلنا لحال صار البعد عن الجار علشان نبتعد عن شره هو القاعدة الله المستعان وشاكر لك المشاركة

[عروة]

الجار قبل الدار كان في الفرجان الاوليه
الحين هباب جارك يرد السلام.. خاصه اذا المنطقه اللي تسكنها مافيها لك حد من جماعتك

الله المستعان اذا هذا الحال الى حاصل وشكلنا كل ماتقدم الزمن يبتعد كل جار عن جاره وشاكر لك المشاركة

[عروة]

ذكرتني في جارنا محق جار والله


فاتحله شركة لموزين في بيته
وكل يوم احنا مشاكل معاهم اووووف سنداره والله
مايمدينا نطلع نركب سياره اله احنا مارين على سبع سيارير للدريوليه مالته

عنده 7 بنات وكل بنت لها دريول لحالها
مسوي لنا زحمه والفريج كله متضايق منه
صج انه مايعرف قيمة الجار ولا يحترم الجار

شدعوه راحوا الجيران الطيبين خلاص ؟ الله يعينكم على هالوضع الى الجار مايقدر جاره وشاكر لك المشاركة

[عروة]

إخترت في الدنيا ثلاث
الستر وإنصاف وصلاح
وكرهت في الدنيا ثلاث
لا و لا يمكن و لن
وحبيت في الدنيا ثلاث
الشعر وأمي والصباح
وحلفت ما أخون الثلاث
إنتي و جاري والوطن
(مساعد الشمراني) ...

صح لسانه وتسلم على هالابيات وشاكر لك المشاركة




الجار قبل الدار الجار قبل الدار الجار قبل الدار

شاكر لك المشاركة مرة ثانية اخوي