الزوجة

[كلي أمل]

:omg:
السلام عليكم اعضاء وعضووات المنتدى


طبعآ هالموضوع كتبته من الواقع اللي اعيشه واسمع فيه


كل ماروح مع الوالده الله يحفظها مكان ولا زياره اسمع النسوان يشتكون على ازواجهم :eek5:

والله

احيانآ يقولون اشياء والله استغرب >>>> ( حتى لو انه مب زين هاذي ابو عيالج شلون تتكلميين عنه جذي ) :omg:

واحيانآ ( شر البلية مايضحك ) اضحك انا وخواااتي ههههه استغفر الله :discuss:


الحمدلله انا امي عمري ماسمعتها تتشكى :nice::nice:

وحتى لما نقعد مع النسوان وجذي امي تقولهم صبروا

--------------------------------------

شي ثاني انا لاحظته ان اللي توها متزوجه من شهريين تتشكى \

:eek5::eek5: واللي متزوجه من 20 سنه تتشكى بعد اكثر منها

يعني مانقدر نقول هاذي بس بداية الزواج او عقب بتعقل المره :omen2::omen2:


-----------------------

طبعآ اليوم كنا ف زياره

عاد فلانه الله يهديها

ماخلت شي ماقالته عن ريلها <<< وان هي اللي تصرف وتربي العيال وتوديهم وتجيبهم وهو بس اسمه رجال ف البيت :eek5::eek5::eek5:


واختهااااا >>>> بعد الله يهديها

----------------------------------------



انزين

جانب ثاني اخواني واخواتي

انا اعرف وحده من هلي شاريه حق زوجها بورش وشاريه له طقم الماس وماركه ساعه وزرار وقلم , <<< عشان انه يهتم فيها ويحس انها موجوده ف حياته بس تقول

انه مافاد فيييه شي >>> وقاااااامت تسبه

هههههههههه استغفر الله

الله يعينهم

--------------------------------

شرايكم انتوا - ملاحظييين هالسالفه او بالاحرى الظاهره

وشرايكم فيها

[ناصر العمادي]

وعليكم السلام ورحمة الله وبركاته

شوفي أختي بقولج شي .. مب كل النسوان مثل اللي تشوفينهم ولا كل الرياييل ينزلون من نفسهم ويرضون أن زوجاتهم يشترون لهم سيارات وووو ..

لكن أغلبية ( وليس كل ) النسوان فيهم طبع أنهم يطلعون أسرار بيوتهم ويسوون نفسهم مظلومات وأنهم يصرفون ويعملون ويتعبون وووو وأزواجهم ظالمينهم ومن هذا الكلام الفاضي لأنهم تعودوا على الهذره الفاضيه ..<< واللي تتكلم عن زوجها جدام الناس فماتستحق أنها تكون زوجه وأمينه على بيت ..لأنها لما تتكلم عن زوجها كأنها تتكلم عن نفسها وعيالها .. البيوت أسرار والله سبحانه وتعالى نهى النساء عن أفشاء أسرار الزوجيه .. هذا من ناحيه ..

من ناحيه ثانيه مانشوف الرياييل يتشكون جدام ربعهم من زوجاتهم أو يطلعون أسرار زوجاتهم جدام أصدقائهم لأنهم عاقلين ومستحيل يرضون على زوجاتهم حتى لو كانوا سيئات لأخر درجه ..

وأعتقد أغلب اللي يتشكون من أزواجهم مب صادقات وهم سبب تعاسة أزواجهم ...والله أعلم

موضوع جدا رائع وواقعي ويحتاج لعلاج ومناقشه هادفه ..

تسلم أيدك وعساك على القوه

والف مبرووووووك النجاح

الله يوفقك وينور دربك وييسر أمرك دنيا وأخره يارب

كل الشكر والتحيه والتقدير والأحترام مني لك

[Miss]

شوفي حبيبتي .. فيه نسوان وااااااااااااااااايد .. شوفي شكبر كلمة واااايد ما تمدح ريلها قدام الغير عشان الحسد .. وهذا مب كلام انا شفت نسوااان ريايلهم مو مقصرين عليهم بشي بس عند الناس ما تمدحه ودايما تذمه واطلع عذاريب الدنيا كلها فيه لانها تخاف من العين .. اختي بعد تتبع هالطريقه احيانا مع انها ولله الحمد ما تحصل بينهم مشاكل كبيييره
يعني معقوله اللي صار لها متزوجه 20 سنه ما عرفت لريلها وطبعه ؟!!
مب كل شي ينقال ينصدق اختي :victory:

[Bin Hood]

موضوع جميل اختي كلي امل

[كلي أمل]

وعليكم السلام ورحمة الله وبركاته

شوفي أختي بقولج شي .. مب كل النسوان مثل اللي تشوفينهم ولا كل الرياييل ينزلون من نفسهم ويرضون أن زوجاتهم يشترون لهم سيارات وووو ..

لكن أغلبية ( وليس كل ) النسوان فيهم طبع أنهم يطلعون أسرار بيوتهم ويسوون نفسهم مظلومات وأنهم يصرفون ويعملون ويتعبون وووو وأزواجهم ظالمينهم ومن هذا الكلام الفاضي لأنهم تعودوا على الهذره الفاضيه ..<< واللي تتكلم عن زوجها جدام الناس فماتستحق أنها تكون زوجه وأمينه على بيت ..لأنها لما تتكلم عن زوجها كأنها تتكلم عن نفسها وعيالها .. البيوت أسرار والله سبحانه وتعالى نهى النساء عن أفشاء أسرار الزوجيه .. هذا من ناحيه ..

من ناحيه ثانيه مانشوف الرياييل يتشكون جدام ربعهم من زوجاتهم أو يطلعون أسرار زوجاتهم جدام أصدقائهم لأنهم عاقلين ومستحيل يرضون على زوجاتهم حتى لو كانوا سيئات لأخر درجه ..

وأعتقد أغلب اللي يتشكون من أزواجهم مب صادقات وهم سبب تعاسة أزواجهم ...والله أعلم

موضوع جدا رائع وواقعي ويحتاج لعلاج ومناقشه هادفه ..

تسلم أيدك وعساك على القوه

والف مبرووووووك النجاح

الله يوفقك وينور دربك وييسر أمرك دنيا وأخره يارب

كل الشكر والتحيه والتقدير والأحترام مني لك






كلامك منطقي اخوي - بس صراحه انا للحيييين ماعرف الاسباب اللي تخلي المره جذي --- يمكن قلة خبره في هذه الناحييه ويمكن لاني اسمع فقط طرف واحد واللي هم مجتمع الحريم


اوافقك الرأي انه حرام المره تتكلم عن اسرار بيتها - يعني شنو بتستفيد ؟؟؟؟ غير انه تنشر حق الناس سوالفها - والناس ماراح اتفيدها

تصبر وتحتسب لو كانت مظلومه

بالنسبه للزوج مادري صراحه خالتي تقول ان رفيج زوجها يشتكي من مرته - ادري انه عيب عليييه بس ف النهاااايه

نقدر نقوووول ان مب على حسب النوع اذا المره تشتكي---- واذا الرجال مايشتكي
وان المره مب عاقله والزوج عاقل لااااا طبعآ
هذا يعتمد على التربيه والاخلاق :)

عمومآ المشكله كبيره و الله لان الحريم يتكلمون حتى جدام عيالهم مما يؤدي الى تشويه صورة الاب عند الابناء

--------------------------------------

ووووو ههههههه الله يبارك فيك بس للحين باقي ماادة تطلع الله يستر منها :weeping::weeping:


اخوي مشكور على المشاركه الفعاله :)

[moon-99]

مرحبا اختي - كلي امل


والله انا اشوف الزوجه السنعه و العدله ما تتكلم عن زوجها و بيتها ابـــــــــــداً
حتى عند اهلها - تستر عليه و تحفظه و تصونه وووووين ما كان
لان اهو جزء منها
ولو شيطلع منه اهو زوجها وأبو عيالها
والمفروض انها تحترمه و تصونه و تعزه ما تنزل من قيمته و قدره


وأنا اساساً ما أداااااااني سواااالف النسواان كلش


ومشكووره اختي عالموضوع
ويعطيج الف عاافيه
:victory:

[خــطــافــ]

وتلومينهم اذا حطوا لهم نك نيم في جوالاتهم ههههههههههههههه

يسلمووو ع الموضوع الشيق

[هتـان قطر]

كلي أمل ..موضوع رائع

يكفي انك تقرين حديث الرسول صلى الله عليه وسلم

وبتعرفين ليش النسوان يتذمرون من ازواجهم..طبعا مهب كلهم

((عن أبو سعيد عن النبي صلى الله عليه وسلم حدثنا عبد الله بن مسلمة عن مالك عن زيد بن أسلم عن عطاء بن يسار عن ابن عباس قال : قال النبي صلى الله عليه وسلم أريت النار فإذا أكثر أهلها النساء يكفرن . قيل أيكفرن بالله ؟ .قال يكفرن العشير ويكفرن الإحسان لو أحسنت إلى احداهن الدهر ثم رأت منك شيئاً قالت ما رأيت منك خيراً ......))

[كلي أمل]

شوفي حبيبتي .. فيه نسوان وااااااااااااااااايد .. شوفي شكبر كلمة واااايد ما تمدح ريلها قدام الغير عشان الحسد .. وهذا مب كلام انا شفت نسوااان ريايلهم مو مقصرين عليهم بشي بس عند الناس ما تمدحه ودايما تذمه واطلع عذاريب الدنيا كلها فيه لانها تخاف من العين .. اختي بعد تتبع هالطريقه احيانا مع انها ولله الحمد ما تحصل بينهم مشاكل كبيييره
يعني معقوله اللي صار لها متزوجه 20 سنه ما عرفت لريلها وطبعه ؟!!
مب كل شي ينقال ينصدق اختي :victory:



اختي الغاليه انا يمكن قبل اللي جفته اليوم اقتنع ف كلامج

لكن لدرجة انها تسبه >>> شدعوووه اللي تبي تمنع العين تقول كلام عادي مب سب اصلن حتى مايهون عليها تسبه

لكن اللي تسبه وتصيح شدعوووه تبي تمنع العين :omg:

كلامج فيه من الصحه بس لفئه من الحريم مب للكل
اختي

وتسلمين على المشاركه وطرح رأيج البناء

[كلي أمل]

موضوع جميل اختي كلي امل

ميرسي بس ماسمعنا رايك

[كلي أمل]

مرحبا اختي - كلي امل


والله انا اشوف الزوجه السنعه و العدله ما تتكلم عن زوجها و بيتها ابـــــــــــداً
حتى عند اهلها - تستر عليه و تحفظه و تصونه وووووين ما كان
لان اهو جزء منها
ولو شيطلع منه اهو زوجها وأبو عيالها
والمفروض انها تحترمه و تصونه و تعزه ما تنزل من قيمته و قدره


وأنا اساساً ما أداااااااني سواااالف النسواان كلش


ومشكووره اختي عالموضوع
ويعطيج الف عاافيه
:victory:




انا معاج 100% مووون - والله انا نفسج ماداني هالسوالف بس مجبوره اروح بيوت اهلنا واسمعها :weeping::weeping::weeping:- وشفت انها مشكله تحتاج لعلاج

موووون تسلمين على رأيج الجميل :)

[كلي أمل]

وتلومينهم اذا حطوا لهم نك نيم في جوالاتهم ههههههههههههههه

يسلمووو ع الموضوع الشيق



العفو هههههههه :)

[كلي أمل]

كلي أمل ..موضوع رائع

يكفي انك تقرين حديث الرسول صلى الله عليه وسلم

وبتعرفين ليش النسوان يتذمرون من ازواجهم..طبعا مهب كلهم

((عن أبو سعيد عن النبي صلى الله عليه وسلم حدثنا عبد الله بن مسلمة عن مالك عن زيد بن أسلم عن عطاء بن يسار عن ابن عباس قال : قال النبي صلى الله عليه وسلم أريت النار فإذا أكثر أهلها النساء يكفرن . قيل أيكفرن بالله ؟ .قال يكفرن العشير ويكفرن الإحسان لو أحسنت إلى احداهن الدهر ثم رأت منك شيئاً قالت ما رأيت منك خيراً ......))



صدق رسول الله صلى الله عليه وسلم

---------------

صراحه اشكرج على وضع هذا الحديث اختي

تسلمين

[moon-99]

انا معاج 100% مووون - والله انا نفسج ماداني هالسوالف بس مجبوره اروح بيوت اهلنا واسمعها :weeping::weeping::weeping:- وشفت انها مشكله تحتاج لعلاج

موووون تسلمين على رأيج الجميل :)



هههههههههههههههههههه ههههههههههه

الله يعينــــــــــج

بس نصيحه لاتتأثرييين منهم ويعقدوونج
ترى أنا مثلج مو متزوجه
بس ما اسمع لحد أبــداً
:victory:

[كلي أمل]

هههههههههههههههههههه ههههههههههه

الله يعينــــــــــج

بس نصيحه لاتتأثرييين منهم ويعقدوونج
ترى أنا مثلج مو متزوجه
بس ما اسمع لحد أبــداً
:victory:


هههههههه لاتخافين علي الوالده ماتقصر نصايحها ذهب :victory::victory:

[PoBox]

((عن أبو سعيد عن النبي صلى الله عليه وسلم حدثنا عبد الله بن مسلمة عن مالك عن زيد بن أسلم عن عطاء بن يسار عن ابن عباس قال : قال النبي صلى الله عليه وسلم أريت النار فإذا أكثر أهلها النساء يكفرن . قيل أيكفرن بالله ؟ .قال يكفرن العشير ويكفرن الإحسان لو أحسنت إلى احداهن الدهر ثم رأت منك شيئاً قالت ما رأيت منك خيراً ......))



*

اختصار بليغ
وكلام الحريم مايخلص
ولو ماحصلوا حد يتشكون منه
يتشكون من انفسهم
- مش الكل طبعا -

[سداوي&مدريدي]

الحياه الزوجيه لازم اتكون فيها مشاكل

والله الي تتكلم وتعقر في ريلها عند اهلها او ربعها او ناس غرب مافيها خير الصرحه

هاذي اسرار ومشاكل بين الزوجين المفروض ماتطلع برى البيت

[كلي أمل]

*

اختصار بليغ
وكلام الحريم مايخلص
ولو ماحصلوا حد يتشكون منه
يتشكون من انفسهم
- مش الكل طبعا -












شدعوووه اخوووي هههههه - ماعتقد لين هالدرجه

بس انا قلت هو على حسب التربيه والاخلاق والخوف من الله

[كلي أمل]

الحياه الزوجيه لازم اتكون فيها مشاكل

والله الي تتكلم وتعقر في ريلها عند اهلها او ربعها او ناس غرب مافيها خير الصرحه

هاذي اسرار ومشاكل بين الزوجين المفروض ماتطلع برى البيت



اخووووي هاذي الشي اللي اغلب الناس متفقه عليييه بس الواقع شي ثاني

[غير البشر]

يعيطج العافيه اختي كلي امل على الموضوع الجميل
انا بقولج وجهت نظري مع ردين في بالي للاعضاء
انا مع اخوي ناصر العمادي في ان غلط الوحده اطلع اسرار البيت برع
ورد اختي miss بخصوص الخوف من الحسد وبعظهم يخافون على
ازواجهم من السرقه هههههههههههههههههه
واظيف عليهم وبصراحه ان معظم الحريم مايعجبهم شي
يعني اذا سويت شي طلبو الاكثر واذا سويت الاكثر بعد يحسسونج
انه في تقصير وهذي حال الدنيا :victory:

[شويهينــه]

والله هالنوعيه من الحريم تتشكى من كل شي مب بس من زوجها

يعني حتى لو جاب لها لبن العصفور بعد بدور على شي تشتكي منه بتلف على العيال والشغل والخدامه وغيره

في ناس هذا طبعهم يتشكون وبس

والا المره السنعه ما اطلع سوالفها مع ريلها برع البيت المفروض حتى اهلها مايعرفون شي

[كلي أمل]

يعيطج العافيه اختي كلي امل على الموضوع الجميل
انا بقولج وجهت نظري مع ردين في بالي للاعضاء
انا مع اخوي ناصر العمادي في ان غلط الوحده اطلع اسرار البيت برع
ورد اختي miss بخصوص الخوف من الحسد وبعظهم يخافون على
ازواجهم من السرقه هههههههههههههههههه
واظيف عليهم وبصراحه ان معظم الحريم مايعجبهم شي
يعني اذا سويت شي طلبو الاكثر واذا سويت الاكثر بعد يحسسونج
انه في تقصير وهذي حال الدنيا :victory:




ههههههه شدعوووه سرقه اماااا >>> ( يمكن ) بس مب لدرجة اتسبه :eek5:

امممم والله اخر كلمتيين عجبوني وااايد ( هاذي حال الدنيا )

مشكور اخوي على ابداء رأيك المتوازن

[كلي أمل]

والله هالنوعيه من الحريم تتشكى من كل شي مب بس من زوجها

يعني حتى لو جاب لها لبن العصفور بعد بدور على شي تشتكي منه بتلف على العيال والشغل والخدامه وغيره

في ناس هذا طبعهم يتشكون وبس

والا المره السنعه ما اطلع سوالفها مع ريلها برع البيت المفروض حتى اهلها مايعرفون شي




المفروض اختي - بس تعتقديين شنو الحل ؟؟؟

مشكوووره المستثمره :):):)

[شويهينــه]

المفروض اختي - بس تعتقديين شنو الحل ؟؟؟

مشكوووره المستثمره :):):)

مافي حل

يقولج بو طبيع ماييوز عن طبعه:tease:

حريم:rolleyes2:

[moon-99]

هههههههه لاتخافين علي الوالده ماتقصر نصايحها ذهب :victory::victory:



( الله يخليها لج يـااااااارب )

بس تعرفين إن - الأم - هي الاساس
واغلبية الناس فالزواج - يشوفون الأم السنعه قبل البنت
فاذا كانت الأم صالحه وفيها خير وتعرف السنع
فالبنت تربية أمها
تشوف أمها واللي تسويه الأم تسوية البنت
وهالشي معروف

وعسى الله يووفقج يسر دربج
آمين يــااارب

[كلي أمل]

( الله يخليها لج يـااااااارب )

بس تعرفين إن - الأم - هي الاساس
واغلبية الناس فالزواج - يشوفون الأم السنعه قبل البنت
فاذا كانت الأم صالحه وفيها خير وتعرف السنع
فالبنت تربية أمها
تشوف أمها واللي تسويه الأم تسوية البنت
وهالشي معروف

وعسى الله يووفقج يسر دربج
آمين يــااارب



والله يحفظ لج الوالده ويوفقج ويسلمج :)

[moon-99]

والله يحفظ لج الوالده ويوفقج ويسلمج :)




آمــيييييييييين يـــــــــــــــــــااااااااااارب

تسلمين فديتج
:victory:

[بوحارب]

انه ببدأ الموضوع من الكنكلوجن ترى الحريم هم اللي يكبرون الموضوع على الفاضي
ويحبون يتحلطمون على كل شي حتى لو كان تافهة!

وصباحج خير

[نحول]

كلي أمل ..موضوع رائع

يكفي انك تقرين حديث الرسول صلى الله عليه وسلم

وبتعرفين ليش النسوان يتذمرون من ازواجهم..طبعا مهب كلهم

((عن أبو سعيد عن النبي صلى الله عليه وسلم حدثنا عبد الله بن مسلمة عن مالك عن زيد بن أسلم عن عطاء بن يسار عن ابن عباس قال : قال النبي صلى الله عليه وسلم أريت النار فإذا أكثر أهلها النساء يكفرن . قيل أيكفرن بالله ؟ .قال يكفرن العشير ويكفرن الإحسان لو أحسنت إلى احداهن الدهر ثم رأت منك شيئاً قالت ما رأيت منك خيراً ......))

احييج على هالرد

[بومحمد911]

فعلا الكل صار يتشكى في هاالزمن

الزوج والزوجة - الموظف - الاب - الام- الابن - الخ الخ

الله المستعان

[كلي أمل]

انه ببدأ الموضوع من الكنكلوجن ترى الحريم هم اللي يكبرون الموضوع على الفاضي
ويحبون يتحلطمون على كل شي حتى لو كان تافهة!

وصباحج خير




مسائك خيـــــــــــــــــر اخوي الكريم :)

ههههههه هاذي رأيك يعني - بس ثرا مب كلهم اخوي :)

وان كنكلوجن مشكوووور :)

[كلي أمل]

فعلا الكل صار يتشكى في هاالزمن

الزوج والزوجة - الموظف - الاب - الام- الابن - الخ الخ

الله المستعان

والنعم بالله - :)

[ورقــة أمــل]

ايه والله صاجة كلللللللللله حش في ريايلهم
انا راسي يعورني من هالسوالف اتم ساكتة احسسهم اني لايعة جبدي وابي اقوم هههههههههههههه
وماصدق متى اروح البيت
ماعتقد فيه حل حق هالمشكلة نهائيااا
طبع النسوان جي
بس انا مانصح وحده تمدح ريلها جدام رفيجتها او تذمه
او اساسا ماله داعي تييب طاري ريلها جدامهم بالخير او الشر
يلا عقبال ماتعرسين ونفرح فيج وتعقرين في ريلج واضحك عليج خخخ

[نفسي عزيزه]

وعليكم السلام ورحمة الله وبركاته

شوفي أختي بقولج شي .. مب كل النسوان مثل اللي تشوفينهم ولا كل الرياييل ينزلون من نفسهم ويرضون أن زوجاتهم يشترون لهم سيارات وووو ..

لكن أغلبية ( وليس كل ) النسوان فيهم طبع أنهم يطلعون أسرار بيوتهم ويسوون نفسهم مظلومات وأنهم يصرفون ويعملون ويتعبون وووو وأزواجهم ظالمينهم ومن هذا الكلام الفاضي لأنهم تعودوا على الهذره الفاضيه ..<< واللي تتكلم عن زوجها جدام الناس فماتستحق أنها تكون زوجه وأمينه على بيت ..لأنها لما تتكلم عن زوجها كأنها تتكلم عن نفسها وعيالها .. البيوت أسرار والله سبحانه وتعالى نهى النساء عن أفشاء أسرار الزوجيه .. هذا من ناحيه ..

من ناحيه ثانيه مانشوف الرياييل يتشكون جدام ربعهم من زوجاتهم أو يطلعون أسرار زوجاتهم جدام أصدقائهم لأنهم عاقلين ومستحيل يرضون على زوجاتهم حتى لو كانوا سيئات لأخر درجه ..

وأعتقد أغلب اللي يتشكون من أزواجهم مب صادقات وهم سبب تعاسة أزواجهم ...والله أعلم

موضوع جدا رائع وواقعي ويحتاج لعلاج ومناقشه هادفه ..

تسلم أيدك وعساك على القوه

والف مبرووووووك النجاح

الله يوفقك وينور دربك وييسر أمرك دنيا وأخره يارب

كل الشكر والتحيه والتقدير والأحترام مني لك



هذا الرد ولا بلاش :nice:

[نفسي عزيزه]

((عن أبو سعيد عن النبي صلى الله عليه وسلم حدثنا عبد الله بن مسلمة عن مالك عن زيد بن أسلم عن عطاء بن يسار عن ابن عباس قال : قال النبي صلى الله عليه وسلم أريت النار فإذا أكثر أهلها النساء يكفرن . قيل أيكفرن بالله ؟ .قال يكفرن العشير ويكفرن الإحسان لو أحسنت إلى احداهن الدهر ثم رأت منك شيئاً قالت ما رأيت منك خيراً ......))






:telephone:

[كلي أمل]

ايه والله صاجة كلللللللللله حش في ريايلهم
انا راسي يعورني من هالسوالف اتم ساكتة احسسهم اني لايعة جبدي وابي اقوم هههههههههههههه
وماصدق متى اروح البيت
ماعتقد فيه حل حق هالمشكلة نهائيااا
طبع النسوان جي
بس انا مانصح وحده تمدح ريلها جدام رفيجتها او تذمه
او اساسا ماله داعي تييب طاري ريلها جدامهم بالخير او الشر
يلا عقبال ماتعرسين ونفرح فيج وتعقرين في ريلج واضحك عليج خخخ



اي والله صادقه - انا والله لو مب بيت قربانا جااان مارحت :weeping:

والله ناااس ماعندها سالفه وجاهله - :omen2:

هههههههههههه اماااااا لا ان شاء الله

[صمت القلوب]

اختي العزيزه (كلي امل )...والله اعرف حريم يالله شكثر يسبوووون ازواجهم...الا ابي الطلاق...وانا اصرف عالبيت واهتم باليهال واصرف عليهم واوديهم المستشفى ..وهو سمنديقه قاعد لا شغله ولاعمله ...وووووو واذا قعدت معانا تحلف انها بتطلب الطلاق وبترميه رميه الكلاب ....والله العظيم في حريم يقولون كلام كبير وماينقال لدرجه ان الوالده تطلعنا من المجلس !!!! وفي الاخير لااا في طلاق ولاهم يحزنون ...الااسمع انهم رايحين بانكوك ومصر وووو....
الحين وين الشكاوي راحت ...(الحمدالله والشكر )

انا معاج واشوفها حركه منتشره نوعا ما ....وهم بعد ممكن بعض الحريم يسوون هالحركات
علشان الناس ماتركز عليهم ...او تصكهم عين او يحسدونهم ...!!!

الله يهديهم ياااارب ويصلح حالهم

اشكرج على طرح الموضوع ...

تحياتي ومحبتي ...

اختج..
صمت القلوب

[كلي أمل]

اختي العزيزه (كلي امل )...والله اعرف حريم يالله شكثر يسبوووون ازواجهم...الا ابي الطلاق...وانا اصرف عالبيت واهتم باليهال واصرف عليهم واوديهم المستشفى ..وهو سمنديقه قاعد لا شغله ولاعمله ...وووووو واذا قعدت معانا تحلف انها بتطلب الطلاق وبترميه رميه الكلاب ....والله العظيم في حريم يقولون كلام كبير وماينقال لدرجه ان الوالده تطلعنا من المجلس !!!! وفي الاخير لااا في طلاق ولاهم يحزنون ...الااسمع انهم رايحين بانكوك ومصر وووو....
الحين وين الشكاوي راحت ...(الحمدالله والشكر )

انا معاج واشوفها حركه منتشره نوعا ما ....وهم بعد ممكن بعض الحريم يسوون هالحركات
علشان الناس ماتركز عليهم ...او تصكهم عين او يحسدونهم ...!!!

الله يهديهم ياااارب ويصلح حالهم

اشكرج على طرح الموضوع ...

تحياتي ومحبتي ...

اختج..
صمت القلوب



آمييين يارب - الله يصلحهم ويهديهم

مشكوره اختي صمت :)

[ساره2007]

مب كلهم

وان شاء الله بعد احنا مانصير مثلهم خخخخخخخ

استغفر الله بس

انا مخطوبه من واحد الحمدلله وايد زين و البنات بالدوام يسألون عن الحوى واعروقها

اقولهم يوووه باااااارد و ما اييب لي هدايا ..

حق الحسد جاهزين لان كلهم اكبر مني و مب متزوجات

[كلي أمل]

مب كلهم

وان شاء الله بعد احنا مانصير مثلهم خخخخخخخ

استغفر الله بس

انا مخطوبه من واحد الحمدلله وايد زين و البنات بالدوام يسألون عن الحوى واعروقها

اقولهم يوووه باااااارد و ما اييب لي هدايا ..

حق الحسد جاهزين لان كلهم اكبر مني و مب متزوجات

ههههههه الله يخليه لج وتتوفقين معااه --- آمييين

والله يرزقهم ويهديهم - اشدخلهم فيه ؟؟؟؟ لقااافه استغفر الله

[مرتبش]

على قولة واحد من الربع
ليش الله عطانا اذنين؟

عشان نسمع مني ونطلع مني... ولا تعورين راسج بكلامهم واغلبهم يتشكون لان متعودين على الهذرة والغيبة

[كلي أمل]

على قولة واحد من الربع
ليش الله عطانا اذنين؟

عشان نسمع مني ونطلع مني... ولا تعورين راسج بكلامهم واغلبهم يتشكون لان متعودين على الهذرة والغيبة



ههههههههه اي والله - الله يهديهم - بس صج مشكله كبيره

[أمير المحبه]

اتغشمر في كل شي الا هالموضوع وايد حساس

الله يوفقهم ويسعد قلب كل المتزوجين

واللي مابتحافض على اسرار ريلها

مابتقدر اتحافض عليه ولا على بيتها

بكره ريلها حتى الكحه مابيكحها جدامها

بس انا دوم اللي اسمعه انه وايد حريم يحافضون على اسرار البيت

ومايطلعون الاسرار برع

[كلي أمل]

اتغشمر في كل شي الا هالموضوع وايد حساس

الله يوفقهم ويسعد قلب كل المتزوجين

واللي مابتحافض على اسرار ريلها

مابتقدر اتحافض عليه ولا على بيتها

بكره ريلها حتى الكحه مابيكحها جدامها

بس انا دوم اللي اسمعه انه وايد حريم يحافضون على اسرار البيت

ومايطلعون الاسرار برع



ههههههههه شدعوووه الكحه :omg::omg:

ماشاء الله عيل اللي حولك واايد اوكي :nice:

الله يهدي الجميع

[كلي أمل]

^^^ توقيعك يخرع ^^^

[فلفل حار]

وأعتقد أغلب اللي يتشكون من أزواجهم مب صادقات وهم سبب تعاسة أزواجهم ...والله أعلم


تعليق جميــل منكـ اخووي ناصــر ...




وعندي تعليق بسيط يخص الطرفين مقتنع فيه 100%

ألي مب قد الزواج لايتزوج ويوهق نفسه ويوهق الطرف الثاني معاه ...:discuss:

يعطيج العافيه اختي كلي أمل ...:)




وان شاء الله دوومـ كلج أمل طيب ولاتتأثرين بكلام غيرج ... ^-^

[Miss.qtr]

مشكلتنا مسلمين ولا نطبق ديانتنا

لو كل امرأه ورجل مؤمن وملتزم بدينه كان عرف انه نشر اسرار البيت يرفضه الاسلام

لكن للاسف نحن شعب مسلم بدون التزام بالشريعه الاسلاميه (( طبعا اقصد البعض وليس الكل ))

ان مايكب الناس في النار على وجوههم الا حصائد السنتهم فاللسان شاهد على العبد يوم القيامه الله لا يشغل

السنتنا الابطاعته وعباده


ألي مب قد الزواج لايتزوج ويوهق نفسه ويوهق الطرف الثاني معاه ...

خلاصه جميله واتفق معك اخي

[كلي أمل]

تعليق جميــل منكـ اخووي ناصــر ...




وعندي تعليق بسيط يخص الطرفين مقتنع فيه 100%

ألي مب قد الزواج لايتزوج ويوهق نفسه ويوهق الطرف الثاني معاه ...:discuss:

يعطيج العافيه اختي كلي أمل ...:)




وان شاء الله دوومـ كلج أمل طيب ولاتتأثرين بكلام غيرج ... ^-^



هههه اي والله وانا شنو مصبرني غير الامل بالله والنعم فيييه

ومشكووور على المرور الجميل اخوي :)

[كلي أمل]

مشكلتنا مسلمين ولا نطبق ديانتنا

لو كل امرأه ورجل مؤمن وملتزم بدينه كان عرف انه نشر اسرار البيت يرفضه الاسلام

لكن للاسف نحن شعب مسلم بدون التزام بالشريعه الاسلاميه (( طبعا اقصد البعض وليس الكل ))

ان مايكب الناس في النار على وجوههم الا حصائد السنتهم فاللسان شاهد على العبد يوم القيامه الله لا يشغل

السنتنا الابطاعته وعباده


خلاصه جميله واتفق معك اخي




كلامج صح 100% - لو الكل يعرف واجبه اتجاه دينه كان ماوصلنا الى ما نحن عليه من مشاكل وبلاوي والله يهدي الجميع

[أمير المحبه]

^^^ توقيعك يخرع ^^^

عيل لما اتمرين عالتوقيع غمضي عينج :tease:

[كلي أمل]

ولايهمك

[غناتي1]

باختصاار ما عليج منهم

تراهم ايطفون العيون ويخاقون على ازواجهم لما يمدحونهم انه حد ياخذه منها

وتلقينها عايشة ملكة زمانها ومدللة لآخر حد

والا شاللي يجبرها تعيش معاه هالسنين كلها وكله مسبة ؟؟