المساعد الشخصي الرقمي

مشاهدة النسخة كاملة : مت وانا ادور بلاك بيري ! وين القى !!


ساره2007
18-07-2009, 10:08 AM
السلام عليكم

ياخي وين القى بلاك بيري !!!

حست الدوحه كلها

شسالفه متى بيجيبون !!!


:eek5::eek5:
مساهم متوهق
18-07-2009, 10:12 AM
الغاليه روحي محل في اللاند مارك اسمه ديجتل هاوس بتحصلينه
ريماس الغلا
18-07-2009, 10:59 AM
بسم الله عليج
عضو قديم
18-07-2009, 11:06 AM
على كثر حنتج على الجهاز بتملين منه بسرعة وقولي عضو قديم قال
يحفظك ربي
18-07-2009, 11:49 AM
خخخخخخخخخ مبين عليج صج معصبه

ان شاءالله بتلاقينه بس هدي اللعب :p
ساره2007
18-07-2009, 12:21 PM
جزاكم الله خير ..

نشوف الاند مارك مع ان ماتوقع

(يبين علي معصبه ) ؟ خخخخخ
خريج اعلام
18-07-2009, 12:32 PM
الله الموفق
Amigo
18-07-2009, 12:58 PM
بالتوفيق
LeaDer
18-07-2009, 01:02 PM
روحي ستار لنك الي في الصالون الأزرق هناك وكيل البلاك بيري
MiSsY
18-07-2009, 01:18 PM
ترى انا خذته واشوفه عااادي
و ع فكره مافيه خاصية الانتظار :(
ساره2007
18-07-2009, 01:24 PM
ترى انا خذته واشوفه عااادي
و ع فكره مافيه خاصية الانتظار :(

:omg:

صج ؟

عيل ماخذه ؟؟؟:omen2:
LeaDer
18-07-2009, 01:29 PM
هو تكنكل مو حق الأتصالات هو للأستخادم بشبكة النت وخدمة للأتصال الشخصي ولا هو مش تلفون يعتبر والي عنده بلاك بيري لازم يكون عنده جهاز ثاني لأستخدامه الشخصي بالأتصالات الخلويه والبلاك بري للأنترنت فقط
ساره2007
18-07-2009, 01:33 PM
انزين كم سعر الجديـــد ؟ بولد :)؟
biz-qtr
18-07-2009, 01:50 PM
انزين كم سعر الجديـــد ؟ بولد :)؟


بدون ضمان 2500 بضمان 2999

شوفي عالم الاتصالات وذبذبه للاتصالات والفخامه

بس بدون ضمان اللي عندهم بعد انتي شيكي يمكن تلقين لج
زمن الغدر
18-07-2009, 01:55 PM
عالم الاتصال الي بشارع النصر قبل الخيام كوفي
وسعره 2400من شهر ماخذينه
والله انا خذته برساله اكتبها قعدت فيه نصف ساعه
ملل وكل عمرنا متعودين على الكيبورد الصغير
بس مفوشر العالم وانه انا الجنتل عندي بلاك بري
خذته يوم وحسيت نفسي مالي هدف فيه بعته بنفس اليوم
انا منج خذي الاي فون والله ابركلج
حجمه ابرك وتتش ونف الابشن ولا اذا بتكتبين مسج اما تتش او يصير نفس كيبورد الجوالات
أمير الود
18-07-2009, 02:09 PM
عندي واحد خذته من اسبوعين تقريبآ

وابي ابيعه مع ضمان ستارلنك

باوراقه ومحفظته وكل شي يعني

اذا تبينه قولي لي
شبيــه الريح
18-07-2009, 02:29 PM
الواحد يشتريه بس علشان مسنجر البلاك بيري وبصراحه مافيه زود يوم قارنته مع الايفون الايفون احسن

بواجد وبتملين منه صدقيني وبتبيعينه لانه مافيه زود بس اخذ شهره
BURBERRY
18-07-2009, 03:15 PM
مرحبا ..

اختي البلاك بيري موووجود عند ستار لنك و كل الانواع بس البولد و الكيرف 8900 كيبوردهم انجليزي و سعر البولد 2500 مع الضمان و سعر الكيرف 2040 ريال مع الضمان .. و امس رحت الفخامه و ذبذبه في شارع السلام .. عندهم بولد مع كيبورد عربي بس بدون ضمان على 2350 ريال .. بس الكيبورد ماعجبني .. بعض الحروف مب مطبوعه عدل .. قلت بنطر ستارلنك ..يقول بينزل بولد مع كيبورد عربي .. و اشوف الاعضاء يقولون ان البلاك بيري عااادي .. و صرت متردد اخذه ولا اقعد على نوكيا اي 90 ابرك لي ... :)
qataria80
19-07-2009, 12:10 AM
ما اخبر في اللاند محل اسمه ديجيتل هاوس ؟؟؟؟؟؟؟؟


هو جنب أي محل ؟؟؟؟؟؟؟؟؟
صافيه
19-07-2009, 12:13 AM
فيه بالجوال بالسد شوفيه
ahn
19-07-2009, 12:23 AM
خذيه من ستارلنك البولد 2400 والكيرف 2300 وبالضمان وكيبور عربي اصلي واذا بغيتي تش سكرين الاستورم بس بدون عربي تقدرين تنزلينه عليه
dhl
19-07-2009, 12:57 AM
ما اخبر في اللاند محل اسمه ديجيتل هاوس ؟؟؟؟؟؟؟؟


هو جنب أي محل ؟؟؟؟؟؟؟؟؟

الله يسلمك هو ماجبل فيديو الصقر

وجنب محل مال الاعاب السوني والسيديات
رومانسيات1
19-07-2009, 01:47 AM
اختي في شارع النصر وحصلت واحد في فيلاجيو في الكبينه مالت كيوتل موجود عندهم
ديجافو
19-07-2009, 03:43 AM
ما اخبر في اللاند محل اسمه ديجيتل هاوس ؟؟؟؟؟؟؟؟


هو جنب أي محل ؟؟؟؟؟؟؟؟؟


هلا قطريه مبلا فيه ديجيتل هاوس جنب مجوهرات مكي والرعاية التقنيه انا بصراحه زبونه عندهم ووووايد عاجبني شغلهم
بطران متملل
19-07-2009, 04:49 AM
الصراحه انا عجبني البلاك بري والخدمات اللي فيه ومن كثر ماعجبني خذت 2 البولد والكيرف لكن اللي ماله بسوالف النت والبرامج والايميلات والمسن مايصلح له والسالفه مب سالفة ان الجوال مافي احسن منه لكن خدمة البلاك بري ماراح تشتغل غير عليه والخدمه عالميه يعني لو في جوال ثاني بنفس الخدمه بكون في مقارنه او منافس واستعماله سهل مايبيله شي لكن اغلب الناس متعودين على النوكيا وتلفونات معينه وكل واحد له وجهة نظر :)
فلفل حار
19-07-2009, 06:29 AM
ههههههههه تفاولين على نفسج عشان جوال ...!



http://www.qatarshares.com/vb/showthread.php?t=282118

:secret:
جاسم القطري
19-07-2009, 10:17 AM
شسالفه البلاك بيري يا الربع

مشكله هالاجهزه شكلها حلووو وكشخه

بس كم يوم والواحد يمل منها
فلفل حار
19-07-2009, 12:32 PM
جاسم

انا خذته وبعته في أقل من اسبوعين ....

فاااااااااشل وعاااااااادي من قلب .... يزهق عيشتكـ ...!:rolleyes2:

وفوق جذيه ماخذه عقب لفه وحوسه ماكان ستوك وللحين الناس تدوره ...!


خلكـ على مينونكـ <-- يازين النوكيا المينون... :tease:
هند
19-07-2009, 03:15 PM
هلا اخواني عندي استفسار
انا ابي اشترية لقيته في محلات وايد بس بدون ضمان
وستار لينك ماعندهم بالعربي
مادري الضمان بيفيدني بشي ؟؟ ولا اخذة بدون ضمان واتوكل على الله ؟؟؟
Qatar564
20-07-2009, 01:25 AM
السلام عليكم..
ارشح _ صيانة للاتصالات في شارع النصر بين التموين والاشارات. عندهم بضمان وبدون. من اسبوعين خذته حق الاهل بضمان 2800 كيبورد عربي. انا اتعامل معاهم من زمـــــان مع تلفونات الimate والحين HTC. ومن ناحية التصليح عندهم افضل ورشه وضمان حتى لو انتهى يصلحونه بلاش!.
عالعموم انا مب مع الBB من ناحية استخدامه كتليفون كلششش بس اللي يبيه حق ايميلات ومسنجر اوكي. والمفوشر مب بهالتلفون لان الشكل والسعر مب ذاك الزود!
اسمحولي عالإطالة وبالتوفيق للجميع انشالله..