"الرجاء عدم اصطحاب الأطفال"

[غزلان]

"الرجاء عدم اصطحاب الأطفال" او" نوما هنيئا لأطفالكم "عبارة أصبحت سائدة في كروت الدعوات لمناسبات الأفراح والزواج بالرغم من فرحة الأطفال لمشاهدة العروس وفستانها الأبيض لايضاهيها فرحه.
إذ يعتقد البعض أنها مفروضة وواجبة ومهمه لضمان استمرار النظام والترتيب في الحفله حتى نهاية الزواج والراحه من شقاوتهم وازعاجهم دخل صالة العرس مما يسبب ربكه للمدعوين واصحاب الدعوه، ونوع من أنواع المفاخرة والإستايل في تحديد الحضور. الأمر الذي جعل الطفل يعتقد أنه ضمن قائمة الممنوعات.







‘‘

‘

ماتعليقكم على ظاهرة طلب عدم أصطحاب الأطفال لحفلات الزواج؟

[pure]

بالعكس احلى وارتب العرس بدون ازعاج اليهال :secret:

يعني تخيلي عل الستيج والناس ترقص والا ياهل ينط ما يبين

شوي ويدوسونه ولا كل ماترقص اتم تتلفت :looking:

تحسبا لأي يااهل

ولا لما تدش العروس يتيمعون اليهال :(

ولا يدوسون فستانها

بعد يهال ما تقدرين تقولين لهم شي


اناا من مؤيديين هالجمله :nice:

[شويهينــه]

موضوع حلو اختي غزلان :nice:

انا بقولج سالفه صارت قبل اسبوعين حضرت عرس في الامارات من اهلنا

وكل المعازيم جايبين عيالهم معاهم من ياهل بو عمر شهرين لين اكبر المعازيم العجايز:rolleyes2:

طبعا العروس مابينت لان كل اليهال عالكوشه:secret:

وحتى في زفه العروس بعد هم يمشون مع العروس ومابينت:secret:

غير انهم محتللين نص كراسي القاعه :anger1:

وغير انج تمشين وتلاقين ياهل تحتج وياهل من جنب :anger1:

يعني حاله فوضى عااااااااارمه:tease:

انا اشوف ان نوما هنيئا لاطفالكم وايد احلى:shy: كفايه على العرس عيال اهل العرس وبس

[عينـ السيــح]

انا اشووف ان يسوون لهم لعبه الكراسي في زاوية القااعه محد بيدري عنهم
بس خلوهم يستانسون ..من كثر الملاهيات الي في قطر
مساكين كاسرين خاطري اليهال مايستانسون الا لي سافروا برع
وماتطلع وناستهم الا في تراكاديرو هههههه
يعطيج العافيه اختي ع المووضوع
ننتظر جديدج ..

[بوعلي2]

هم يقلون عدم اصطحاب الاطفال والخدم

ولكن الي حاصل ان اهل العروس والمعرس يصطحبون الاطفال .......!! شحقه يسون جذي عيل


بس انا ماشوف ان الاطفال ازعاج حلاتها اطفال بالعرس على شان تكمل الفرحه

ليش يحرمونهم من الافرااااح وعليه عليهم :weeping:


وجهة نظري مافي مشكله من الاطفال ولاربكه ولا شي جات الربكه على العرس اكا هم بالبيت عندهم صياح ونياح ماقالوا شي :omg:


:nice:


موضوع 9 ستار

شكرا للطرح الرائع وبأنتظار كل ماهو جديد منج

بوعلي

[nouar]

بصراحة مالهم حق ،، الأطفال لازم يكونوا الشهود الصغار على الحفل ...

احس الحفل بدون اطفال ، كأنه مراسيم دفنه ... المصوره بس تصور العروس وكل لاهي بحاله

بس الاطفال غير يعطوا حياه للعرس

[بوعلي2]

انا اشووف ان يسوون لهم لعبه الكراسي في زاوية القااعه محد بيدري عنهمبس خلوهم يستانسون ..من كثر الملاهيات الي في قطر
مساكين كاسرين خاطري اليهال مايستانسون الا لي سافروا برع
وماتطلع وناستهم الا في تراكاديرو هههههه
يعطيج العافيه اختي ع المووضوع
ننتظر جديدج ..


هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه ههه

[ناصر العمادي]

أنا أشوف عدم أصطحاب الأطفال أفضل لضمان نجاح العرس .. والله أعلم

يعطيك الصحه والعافيه غزلان

الله يوفقك ويسعدك ويرضى عليك يارب

كل الشكر والتحيه والتقدير والأحترام مني لك

[غزلان]

بالعكس احلى وارتب العرس بدون ازعاج اليهال :secret:

يعني تخيلي عل الستيج والناس ترقص والا ياهل ينط ما يبين

شوي ويدوسونه ولا كل ماترقص اتم تتلفت :looking:

تحسبا لأي يااهل

ولا لما تدش العروس يتيمعون اليهال :(

ولا يدوسون فستانها

بعد يهال ما تقدرين تقولين لهم شي


اناا من مؤيديين هالجمله :nice:


--
كلامج عدل بس اليهال فرحتهم تزيد العرس بهجه يعني يحلون العرس تحسين العرس جامد بدونهم..

شكرا ياعسل

[غزلان]

موضوع حلو اختي غزلان :nice:

انا بقولج سالفه صارت قبل اسبوعين حضرت عرس في الامارات من اهلنا

وكل المعازيم جايبين عيالهم معاهم من ياهل بو عمر شهرين لين اكبر المعازيم العجايز:rolleyes2:

طبعا العروس مابينت لان كل اليهال عالكوشه:secret:

وحتى في زفه العروس بعد هم يمشون مع العروس ومابينت:secret:

غير انهم محتللين نص كراسي القاعه :anger1:

وغير انج تمشين وتلاقين ياهل تحتج وياهل من جنب :anger1:

يعني حاله فوضى عااااااااارمه:tease:

انا اشوف ان نوما هنيئا لاطفالكم وايد احلى:shy: كفايه على العرس عيال اهل العرس وبس



--
هذي المشكله ان اليهال مب هاديين وانا بعد حضرت عرس شوي لستيج بيننكسر من كثر ماينطون عليه اليهال غير اصراخهم وهم يركضون عليه..الحين حتى هل العرس مايعطون يهالهم بطاقات الا المقربين جدا جدا

تسلمين

[غزلان]

انا اشووف ان يسوون لهم لعبه الكراسي في زاوية القااعه محد بيدري عنهم
بس خلوهم يستانسون ..من كثر الملاهيات الي في قطر
مساكين كاسرين خاطري اليهال مايستانسون الا لي سافروا برع
وماتطلع وناستهم الا في تراكاديرو هههههه
يعطيج العافيه اختي ع المووضوع
ننتظر جديدج ..



لعبة الكراسي ..مايحتاج اخوي اليهال بالعرس مب مقصرين مسوين كل الألعاب بالمتوفر في القاعه..

لكن بعضهم امهاتهم مسيطرين عليهم فتلاقيهم مجتمعين على اخر طاوله يشوفون وهم محترمين نفسهم ههه

[غزلان]

هم يقلون عدم اصطحاب الاطفال والخدم

ولكن الي حاصل ان اهل العروس والمعرس يصطحبون الاطفال .......!! شحقه يسون جذي عيل


بس انا ماشوف ان الاطفال ازعاج حلاتها اطفال بالعرس على شان تكمل الفرحه

ليش يحرمونهم من الافرااااح وعليه عليهم :weeping:


وجهة نظري مافي مشكله من الاطفال ولاربكه ولا شي جات الربكه على العرس اكا هم بالبيت عندهم صياح ونياح ماقالوا شي :omg:


:nice:


موضوع 9 ستار

شكرا للطرح الرائع وبأنتظار كل ماهو جديد منج

بوعلي



--
احيانا اخوي تصير مشاكل بين اهل العريس والعروس والسبب ان اليهال خربوا العرس تعرف الكل متوتر وزعيج اليهال وركيضهم من اول القاعه الى اخرها يوتر كثر وهنيه تبدأ المشاكل كم وحده طلعت مع يهالها وماكملت العرس والسبب اليهال..

[عاشق الشهادة]

الصراحه في بعض الاطفال مشكله ويفضل عدم اصحابهم وبالاخير هذا عرس مش روضه اطفال وكل خدامه ماسكه طفل وصياح :(
نسيت بعض السلبيات اختي غزلان واذا تذكرت شي عنهم باقولج

[غزلان]

بصراحة مالهم حق ،، الأطفال لازم يكونوا الشهود الصغار على الحفل ...

احس الحفل بدون اطفال ، كأنه مراسيم دفنه ... المصوره بس تصور العروس وكل لاهي بحاله

بس الاطفال غير يعطوا حياه للعرس


يمكن اختي البرستيج والتنظيم والمبالغ الى تندفع وشقاوة اليهال تخرب التنظيم وتزعج الكل لأن اليهال هالسنين مايعرفون الهدوء كلش تلاحظين ان منظر الأم وهي تركض وراهم على الكوشه قمة الأحراج

[غزلان]

أنا أشوف عدم أصطحاب الأطفال أفضل لضمان نجاح العرس .. والله أعلم

يعطيك الصحه والعافيه غزلان

الله يوفقك ويسعدك ويرضى عليك يارب

كل الشكر والتحيه والتقدير والأحترام مني لك


وانا اشوف على حسب شطانة الطفل بعضهم هادين خاصه البنات حلو يشاركون في العرس

جزاك الله خير

[غزلان]

الصراحه في بعض الاطفال مشكله ويفضل عدم اصحابهم وبالاخير هذا عرس مش روضه اطفال وكل خدامه ماسكه طفل وصياح :(
نسيت بعض السلبيات اختي غزلان واذا تذكرت شي عنهم باقولج


معاك حق اخوي بعض الأطفال يشوه العرس بصراخه وازعاجه غير الخدامات يركضون بطوله القاعه

ماقصرت

[نبـــــراس]

حلو موضوعج .. :)
البنوتات حلو يكونون موجودين في العرس بس لازم الام تراقبهم وتوصيهم في حال اذا كانوا كثيرات الحركه ..
بس الصبيان الشياطين يقعدون عند ابوهم او في البيت :rolleyes2:.. في بعض الامهات الله يهداهم كل حفله ودوا عيالهم الصبيان معاهم ... << يا كرهي لهم .. :secret: لان عندنا نفس هالنموذج وما تعجبني@@

ودامت دياركم عامرة بالافراح والمسرات :nice:

[أمير المحبه]

لاااااااااااااااااااااااااااااااااااااااااا للاطفال في الاعرااااااس تدرون ليش

عرس الرضيعه الاطفال يناقزون ووحده انقزة على فستانها والله

لدرجة انها دمعة اشوي من الفشيله

لااااااااااااااااااااااااا للاطفال حق التلعووز مافي احسن منهم

حلاتها عرس ولا خطوبه اشويه الا اليهال ناقزين امخلصين كيك المعرس والعروس

هههههههههههههههههههههههههههههههههههههههههههههههههه هههههه

انا اقول يجيبونلهم ميكي ماوس وهدايه في القاعه اخر شي

والامور بتكون طيبه

هههههههههههههههههههههههههههههههههههههههههه

+_+

[شيزكيك]

مرحبا الصراحه انا مع هالمقوله سنداره اليهال انا لين عطوني حق بناتي الحمدلله

هاديات الصغيره تلزق على الكرسي

واعرف ياهل ما يحلى لها اللعب الا على الكوشه او المسرح

وبعد اليهال يلقطون الفلوس والطبالات يطنقرون حضرت عرس صارت هوشه الا شي

بين الطبالات والامهات على هالسالفه

[بوحارب]

انه مع عدم اصطحاب الأطفال للأعراس

مشكورة غزلان على التوبيك النايس

مادري من هالمشرف الفاضي اللي قاعد يمسح ردودي

[♣شيبةالنخرة♣]

انه مع عدم اصطحاب الأطفال للأعراس

مشكورة غزلان على التوبيك النايس

مادري من هالمشرف الفاضي اللي قاعد يمسح ردودي



ترى الاحترام واجب هذول مشرفين يا ولدي :)

[بوحارب]

ترى الاحترام واجب هذول مشرفين يا ولدي :)

ادري يا يبه بس بعض المشرفيين عنصريين ولا تقولي لا :)

[♣شيبةالنخرة♣]

ادري يا يبه بس بعض المشرفيين عنصريين ولا تقولي لا :)

عاد تدري يا ولدي ماقدر اكذب بس بصراحه كم مره تجاوزت حدودي ولكن محد فيهم كلمني بارك الله فيهم وعاملوني معاملة طيبه وهذي تنحسب لهم والاكيد ان الاداره اغلب قراراتها صائبه وحكيمه ولهم نظره الله يهدينا جميع

[لامار]

\
/

مــرحــبــا

بـالنسبهـ لـي أقـبـل بـ الأطــفال إن كـانــوا من أبـنـاء أصـحــاب الــحــفل . . :p
[ لأن عـدم وجـــودهـم يــسبب حــسـاسية بين الأقـــارب ]


أخــتي غــزلان

شــكراً لـ موضــوعكـ



لامـــار



\
/

[Miss.qtr]

فعلا جنه الاطفال منازلهم

العرس يطول والاطفال يتمللون غصب بيسون ازعاج ويناططون على الستيج غير لو كانوا اولاد

شفتهم بعرس ينتفون الورد ع الكوشه :(

من جد منظر تعيسس ويفشلوووون

القهر مو هنا

القهر مكتوب ممنوع اصطحاب الاطفال وتجيب عيالها معها وتحرجك بالعرس وتقول لك خليهم يدخلون؟؟

وش الحل بالله

بالنسبه لي الاطفال راحتهم في البيت ع الاقل بياكل في وقت مناسب وبينام مرتاح ولا يزعجني

ولا ازعجه...

ولو كانوا بنوتات يفضل من عمر 6 سنوات ع الاقل الواحد يقدر يحكمهم وطبعا يكونوون من اهل العروس والمعرس

والاختلاف بالرأي لايفسد للود قضيه

وتسلمين على طرحك المميز

[فلفل حار]

بصراحة مالهم حق ،، الأطفال لازم يكونوا الشهود الصغار على الحفل ...

احس الحفل بدون اطفال ، كأنه مراسيم دفنه ... المصوره بس تصور العروس وكل لاهي بحاله

بس الاطفال غير يعطوا حياه للعرس

مؤيد ....:nice:

[h a m a d]

انا مع الاطفال

ويعطيج العافية

[غزلان]

حلو موضوعج .. :)
البنوتات حلو يكونون موجودين في العرس بس لازم الام تراقبهم وتوصيهم في حال اذا كانوا كثيرات الحركه ..
بس الصبيان الشياطين يقعدون عند ابوهم او في البيت :rolleyes2:.. في بعض الامهات الله يهداهم كل حفله ودوا عيالهم الصبيان معاهم ... << يا كرهي لهم .. :secret: لان عندنا نفس هالنموذج وما تعجبني@@

ودامت دياركم عامرة بالافراح والمسرات :nice:



الصبيان حلاتهم محبوسين يوم العرس او مثل ماقلتي مع ابوهم لأنهم الله يحفظهم يتحركون ويشجعون على الشطانه والبنات يقلدونهم..ولازم الأم تنتبه لبناتها وتوصيهم على الهدوء..

تسلمين والله يدوم الفرح على قطر كلها

[غزلان]

لاااااااااااااااااااااااااااااااااااااااااا للاطفال في الاعرااااااس تدرون ليش

عرس الرضيعه الاطفال يناقزون ووحده انقزة على فستانها والله

لدرجة انها دمعة اشوي من الفشيله

لااااااااااااااااااااااااا للاطفال حق التلعووز مافي احسن منهم

حلاتها عرس ولا خطوبه اشويه الا اليهال ناقزين امخلصين كيك المعرس والعروس

هههههههههههههههههههههههههههههههههههههههههههههههههه هههههه

انا اقول يجيبونلهم ميكي ماوس وهدايه في القاعه اخر شي

والامور بتكون طيبه

هههههههههههههههههههههههههههههههههههههههههه

+_+



بس كم بنت مب مشكله لأنهم يفرحون اكثر ويحبون يشوفون العروس امنيية عمرهم

هدايا وميكي ماوس ليش جايين من السفر هم:rolleyes2:

[غزلان]

مرحبا الصراحه انا مع هالمقوله سنداره اليهال انا لين عطوني حق بناتي الحمدلله

هاديات الصغيره تلزق على الكرسي

واعرف ياهل ما يحلى لها اللعب الا على الكوشه او المسرح

وبعد اليهال يلقطون الفلوس والطبالات يطنقرون حضرت عرس صارت هوشه الا شي

بين الطبالات والامهات على هالسالفه


--

هاها اما يلقطون لفلوس مره شفتهم شوي الطباله بتذبح البنت بعيونها

تسلمين

[غزلان]

انه مع عدم اصطحاب الأطفال للأعراس

مشكورة غزلان على التوبيك النايس

مادري من هالمشرف الفاضي اللي قاعد يمسح ردودي


مرحبا بوحارب

بوحارب كم بنت مب مشكله منظرهم وفرحتهم تحلي العرس

العفو وشكرا لردك النايس:nice:

[لاداعي]

اليهال يخربون برستيج العرس.. واحتمال يجرون شعر العروس وهي مسويته بلستشوار ثلاث ايام.. شكرآ غزلان على الموضوع..:)

[غزلان]

\
/

مــرحــبــا

بـالنسبهـ لـي أقـبـل بـ الأطــفال إن كـانــوا من أبـنـاء أصـحــاب الــحــفل . . :p
[ لأن عـدم وجـــودهـم يــسبب حــسـاسية بين الأقـــارب ]


أخــتي غــزلان

شــكراً لـ موضــوعكـ



لامـــار



\
/


وانا معاج عزيزتي لامار لازم يحضرون زفاف اهلهم ويكون لهم طاوله خاصه مب منثرين على طول القاعه..

عفوا ياحلوه:nice:

[بوعلي2]

اليهال يخربون برستيج العرس.. واحتمال يجرون شعر العروس وهي مسويته بلستشوار ثلاث ايام.. شكرآ غزلان على الموضوع..:)


:con2: اهااا

[fff]

بصراحة العرس مب حلو باليهال لأنهم مصدر ازعاج للجميع وبعدين شنهي الفرحة اللي بتجيهم في العرس لا في العاب ولا شي انا اشوف البيت أبرك لهم وكفاية حضورهم في الخطوبة.

[غزلان]

فعلا جنه الاطفال منازلهم

العرس يطول والاطفال يتمللون غصب بيسون ازعاج ويناططون على الستيج غير لو كانوا اولاد

شفتهم بعرس ينتفون الورد ع الكوشه :(

من جد منظر تعيسس ويفشلوووون

القهر مو هنا

القهر مكتوب ممنوع اصطحاب الاطفال وتجيب عيالها معها وتحرجك بالعرس وتقول لك خليهم يدخلون؟؟

وش الحل بالله

بالنسبه لي الاطفال راحتهم في البيت ع الاقل بياكل في وقت مناسب وبينام مرتاح ولا يزعجني

ولا ازعجه...

ولو كانوا بنوتات يفضل من عمر 6 سنوات ع الاقل الواحد يقدر يحكمهم وطبعا يكونوون من اهل العروس والمعرس

والاختلاف بالرأي لايفسد للود قضيه

وتسلمين على طرحك المميز


اتفق معاج بعض اليهال يفسدون كل شي بالعرس ويزعجون المعازيم بصراخهم خاصه لصغار يخربون الترتيب ويشوشون على المنظمين بحركاتهم


الله يسلمك

[غزلان]

مؤيد ....:nice:


ثانكس

[لاداعي]

:con2: اهااا


متى بتاخذ الثالثه.. عشان اجيب عيالي العرس..:telephone:

[بوعلي2]

متى بتاخذ الثالثه.. عشان اجيب عيالي العرس..:telephone:

على بالك مثلك متزوج ثنيين :telephone:

انا متزوج وحده بس مافكر بالثانيه :shy:



اروييييك :weeping:

[عـ العبيدلي]

والله ما ادري انـا ..
بس الي اعرفـه في اعـراس الناس الي ما نعرفهم يوم نودي الاهل ما يودون اليهـال ..
اما اعراس اخواني واهلي كل اليهال يودونهم عادي .. >> هاي من خبراتي يوم اوصل اهلي الاعراس ..

بس يعني انا اجوف اليـهال الي اعمارهم اقل من سنتين المفروض ما يودونهم .. اما الباقي عادي ..
هاي رايي يعني وانا ما ادري عن الموضوع من اساسه :)

[عـ العبيدلي]

وصح في بعض اليهـال مزعجيـن بصراحه المفروض ما يودونهم .. خارج التغطيه لانهم سندااااره فالبيت
فما بالك فالعرس شلون ..
بس في بعضهم تحت السيـطره ..

بس البـنات لازم يودونهم اجوف ..

[بومحمد911]

اذا كانت العائله جميعها مدعوه للزواج فأين تضع الام اطفالها ؟؟؟

[صمت القلوب]

بصراحه والله انتي اخذتي موضوع كنت ناويه احطه .... لاني قبل فتره حضرت عرس ...وماشالله تبارك الرحمن اليهال تارسين القاعه ...ويوم ينقطوون العروس والله ان العروس مابينت وبغت تطيييييح ويلا الحقوو عليها ...

بصراحه اليهال في الاعراس بهدله ...يقعدوون يراكضوون ويلعوزون المعازيم ويخربوون الكوشه ...انا بغيت ادووس ياهل وانا ماشيه .... تخيلو شي مو طبيعي ....شفت مواليد في العرس !!!!!

اللي عندها يهااال ومعزومه تحطهم مع الخدامه ...او عند الجيران ...والا ماترووح ابرك لها ...

رايي الشخصي...مااؤيد حضور اطفالهم <<< والله من اللي شفته ...

تسلمين غزلان عالطرح ...

[بوخالد911]

ماله داعي حضوورهم كللش

[أمير المحبه]

بس كم بنت مب مشكله لأنهم يفرحون اكثر ويحبون يشوفون العروس امنيية عمرهم

هدايا وميكي ماوس ليش جايين من السفر هم:rolleyes2:


لا ماجايين من السفر بس يلهونهم عن العروس شوي مسكينه :tease:

[غناتي1]

صدق احسن وأأمن لهم --واهدأ للعرس

والطبالات يفتكون من اليهال اللي ياخذون النقوط ويشردون

ههههههه

[яέέⓜ]

السهر مضر للاطفال

بيتهم احسن يتعشون ويشوفون الرسوم

ويناموون 9
ههههههههههههه

معاهم معاهم

ممنوع اصطحاب الاطفال

[skyjacker]

انا حضرت عرس في الريااااض وبصراحه افكارهم عجيبه يعني قاعة عرس دورين الدور العلوي فيه اللعاب اطفال من نقازيات وغيرها وفي سيكيورتي طبعن نساء ... اعتقد انه خووووش حل ليش مايسوونه عندنا

[كشافات بيجو]

بدون يهال ابرك واحسن
ثانيا اليهال ايجون شيسوون خصوصا الاولاد غير انهم يتنططون يمين ويسار