يا اخوان طلب مساعده (حصوة الكليه)

[alfahad1]

صديقي بيسوي عملية تفتيت حصوة الكليه بالليزر
هل عندكم دواء معين او عشبه لطرد الحصوه من الكليه
لان العمليه قريب وابي اخدمه باي طريقه بان ادله
على دواء يغنيه عن عملية الليزر...............
وتراه جرب اكثر من عشبه الكتان الزعتر الزنجبيل الشمر ...... ولا استفاد منهم
واذا عندكم عشبه مفعولها قوي ممكن تدلوني عليها وشكرا
وعافاكم الله من مرض الحصوه

[سوق واقف]

روح البحرين المستشفى العسكري وراح يدلونك على الطريق الصحيح نصيحه وانت حر

[رأس بروق]

اللي اعرفه عليـــــــــك بالبيـــــرا الشعيريه بدون كحول الله يـشفـــــــــــــي مريضـــــــكم .

[بوعلي2]

انا مجرب 6 مرات يمكن تتكون عندي حصوة الكلى تلتهت معاها

لكن اخر شي عرفت لها

والله لو اقول لك الالم ماتصور الله لايجيبه حق حد وتكرم حتى ماتقدر تقضي حاجتك بسبب الحصوه تسد المكان

الي سويته اني كلت ((المره)) معروفه المره عند العطارين قفشه كل يوم واشرب ماي وايد

دايما خله يشرب ماي لين يحس بطنه مافي مكان لشي ويروح الصيدليه وياخذ مفتت الحصوات

يجمع مابين المره والحلبه وعلاج تفتيت الحصوات ويشرب ماي وايد وخله دوم يتحرك بأذن الله بتنزل مفتته على مراحل

طبعا مب يستخدم العلاج يومين ويوقف لالالا

خله دوم يستعمله وراح تنزل باذن الله

عليه بالمااااااااااي والمره والحلبه

والله يشفي مريضكم

وشكرا

[الطيبة كلها]

اذا الحصوة اقل من 5 سم ممكن تطيح وانا باجيب لك خلطة شعير شعبي

[شيط ويط]

صديقي بيسوي عملية تفتيت حصوة الكليه بالليزر
هل عندكم دواء معين او عشبه لطرد الحصوه من الكليه
لان العمليه قريب وابي اخدمه باي طريقه بان ادله
على دواء يغنيه عن عملية الليزر...............
وتراه جرب اكثر من عشبه الكتان الزعتر الزنجبيل الشمر ...... ولا استفاد منهم
واذا عندكم عشبه مفعولها قوي ممكن تدلوني عليها وشكرا
وعافاكم الله من مرض الحصوه

اخوي عملية التفتيت ما تخوف .. وللعلم التفتيت يكون عن طريق (الموجات الصوتية) بس الناس يعتقدون انها بالليزر .. وانا سويت العملية مرتين :shy: .. والحمدلله الحين بخير وصحة وعافية

العملية ما تاخذ وقت تقريبا ربع ساعه او 20 دقيقة بالكثير .. وتكون صاحي اللهم يعطونك مهدي ومضاد للألم لحظة العملية ..

اما سالفة الاعشاب وغيره .. بقولك معلومة .. هناك حجم معين للحصوه اذا كانت اقل منه .. يمكن تفيد معها هالاعشاب .. لكن اذا وصلت حجم معين فمستحيل هالاعشاب تنفع ويا الحصوه .. او بالاحرى ممكن تنفع وياها لكن راح (تشير) الحصوه في الحالب نظرا لكبر حجمها وبالتالي تعرض المصاب لمزيد من الألام .. وللجراحه لان الحصى اذا انزلت في الحالب يبيلها جراحه بالمنظار اذا ماخاب ظني :rolleyes2:

ومادام الدكتور قالكم تفتيت معناته حجم الحصوة كبير .. لان ما يلجأون للتفتيت الا اذا الحجم كبير نوع ما .. ويستحيل معاه نزولها بالطرق الطبيعيه ..

طبعا الحل الامثل والأقوى .. تناول كميات كبيره من الماء .. متوسط ( 2.5 لتر يوميا ) :rolleyes2:

من الاعشاب المستخدمه .. ماي البقدونس يوميا ع الريق :rolleyes2: .. أو عصير قشر البطيخ :rolleyes2: .. أو الشعير :rolleyes2:

في عشبه موجوده في سوق واقف عند العطار اسمها (حجر اسرائيل) :rolleyes2: .. تشربها يوميا لمدة شهر كامل .

وصراحة انا ما استخدمت شي منها .. ولكن قمت اركز على شرب الماي بكميات كبيره خصوصا بعد العملية . والحمدلله الحين صار لي حول 4 سنين من سويت العملية .

لذلك مافي داعي للخوف .. ومايشوف شر صديقك :nice:

[شيط ويط]

روح البحرين المستشفى العسكري وراح يدلونك على الطريق الصحيح نصيحه وانت حر

ليش بعد البحرين .. مستشفى حمد .. شزينه .. وحده تفتيت الحصى وانتهى الموضوع .. كل يوم يسووون 6 عمليات تفتيت ومالك مكان

[شيط ويط]

انا مجرب 6 مرات يمكن تتكون عندي حصوة الكلى تلتهت معاها

لكن اخر شي عرفت لها

والله لو اقول لك الالم ماتصور الله لايجيبه حق حد وتكرم حتى ماتقدر تقضي حاجتك بسبب الحصوه تسد المكان

الي سويته اني كلت ((المره)) معروفه المره عند العطارين قفشه كل يوم واشرب ماي وايد

دايما خله يشرب ماي لين يحس بطنه مافي مكان لشي ويروح الصيدليه وياخذ مفتت الحصوات

يجمع مابين المره والحلبه وعلاج تفتيت الحصوات ويشرب ماي وايد وخله دوم يتحرك بأذن الله بتنزل مفتته على مراحل

طبعا مب يستخدم العلاج يومين ويوقف لالالا

خله دوم يستعمله وراح تنزل باذن الله

عليه بالمااااااااااي والمره والحلبه

والله يشفي مريضكم

وشكرا

عاد كله ولا الم الحصوه :weeping: .. خصوصا لين تضرب عندك .. ولا تردك الا (إبرة الفولترين) في طوارىء حمد .. عقب اتحس نفسك في عالم ثاني :nice: .. الله لا يروي حد الم الحصى :shy:

[alfahad1]

اخواني اشكركم على التفاعل اخوي (سوق واقف) هناك اعتقد بيقولونله يبيلك عمليه مثل المستشفيات الاخري
اخي (راس بروق) كل ما طلعت وياه احصل بموتره غرش موسي ومافي فايده .........

بوعلي جزاك الله كل خير بس بغيت اعرف وشهو اسم الدوى الي يقوم بتفتيت الحصوه يمكن تقصد دوا يقوم
بتوسيع الحالب على العموم باخبره ........مشكوريييييييييييييييين

[alfahad1]

مشكوررررررررر يا شيط ويط والله انك كفو ريحتنا بهالنصايح

[بوعلي2]

عاد كله ولا الم الحصوه :weeping: .. خصوصا لين تضرب عندك .. ولا تردك الا (إبرة الفولترين) في طوارىء حمد .. عقب اتحس نفسك في عالم ثاني :nice: .. الله لا يروي حد الم الحصى :shy:

صدقت ههههههههههه

[بوعلي2]

اخواني اشكركم على التفاعل اخوي (سوق واقف) هناك اعتقد بيقولونله يبيلك عمليه مثل المستشفيات الاخري
اخي (راس بروق) كل ما طلعت وياه احصل بموتره غرش موسي ومافي فايده .........

بوعلي جزاك الله كل خير بس بغيت اعرف وشهو اسم الدوى الي يقوم بتفتيت الحصوه يمكن تقصد دوا يقوم
بتوسيع الحالب على العموم باخبره ........مشكوريييييييييييييييين

علاج شعبي المره والحلبه

لايملك الضر من ملك المر :nice:

[شيط ويط]

مشكوررررررررر يا شيط ويط والله انك كفو ريحتنا بهالنصايح

حاضرين لك اخوي .. وقوله يتوكل على الله ويسوي العمليه .. وماعليه شر ان شاء الله .. الجماعة في وحدة تفتيت الحصى في مستشفى حمد يوميا يسووون 6 عمليات .. وعلى مدار السنه .. هالكلام قاله لي الدكتور اللي سوى لي العمليه .. والجهاز المستخدم في تفتيت الحصى الاول من نوعه في العالم وقطر من اوائل الدول اللي استخدمت هالجهاز .

[شيط ويط]

علاج شعبي المره والحلبه

لايملك الضر من ملك المر :nice:

لكن عيب الحلبه اخوي بوعلي ريحتها .. خصوصا لا (عرقت) .. فاحت ريحتها من جسمك وتأذوا العالم من حولك :rolleyes2:

[شيط ويط]

صدقت ههههههههههه

ما قامت تنغزك كليته الحين وانت تقرأ الموضوع :eek5:

[alfahad1]

اخوي شيط ويط طيب الولد بيسوي في عيادة الدوحه عند الدكتور اشرف كراره وشرايك فيه

[شيط ويط]

اخوي شيط ويط طيب الولد بيسوي في عيادة الدوحه عند الدكتور اشرف كراره وشرايك فيه

ماعرفه صراحه .. بس انا افضل يسويها في مستشفى حمد .. ومثل ماقلت لك يسوون يوميا 6 عمليات والاجهزة من احدث الاجهزة في العالم .. ومايشوف شر مريضكم .

[hemoud123]

خطاك الشر يا شيط ويط وبيض الله وجهك على هالمعلومات الطيبه

[شيط ويط]

خطاك الشر يا شيط ويط وبيض الله وجهك على هالمعلومات الطيبه

الشر ما يجيك اخوي حمود .. ووجهك أبيض .. وماسوينا شي :nice:

[براتزية برازيلية]

الله يشفي مريضكم

[راعي ال VXR]

الله يشافيه ويقوم بسلامه