المساعد الشخصي الرقمي

مشاهدة النسخة كاملة : ينـــــــــــاس أنا ما اتقبل النصيحــــــــــه كلش ؟؟


حلا
19-07-2009, 04:11 PM
مرحبا
حابه احطلكم موضوع مسببلي عقده من كنت صغيرررررررره:anger1:

مــــــــــــــــــــــــــــــــــــــــــــاحب حد ينصــــــــــــــحني :secret::shy:

ما اتقبل النصيحه ماعرف ليش وصارلتي مواقف مب حلوه بحجه ((نصيحه)):shy:

ويمكن لأن اللي انصحوني ماكانت قلوبهم نظيفه:weeping::weeping:

مثل اللي يقصد يحرجني قدام الناس ويكون شوي كارهني

مثلا في عشا وقدام الكل اتقولي وحده بصوت عالي حبيبتي لاتصبين القهوه بهالطريقه صبيها بهالطريقه لأن في ناس مايحبونها بطريقتج نصيحه وتضحك وتغمزلي
ااااااخ ياليت اقدر ارد
وانا ادري انها ماتنصحني بس لعانه فيني وان رديت بيقولون حرام كانت تنصحج:eek5:

ومثل
وحده تمدحني قدام الكل ((الله ملابسج حلوه)) بس ترا حرام تلبسين هالاشيا و...........الخ
اقولها يفلانه انا ماطلع بهالشكل بس كاشختلكم ومافيها شي ملابسي؟
......والله ولاكني اكلمها:eek5::eek5:
واتكمل كلامها.. لا هالايام البنات نسو عاداتنا وماعاد يهتمون ...الخ
اوووووووووووف خلاص شوهت المنظر والكشخه ولاتقصدها فيني قدام ناس كبار
يعني اخذو فكره غصب:weeping:
والمشكله بناتها ربعي ونلبس مثل بعض ونشتري مثل بعض :secret::secret:
الله يستر علي وعليهم انشالله
والله يهدي امهم:shy:



ومثل ومثل ومثل
وياكثرها مواقف تصير مابي اطولها عليكم:)

مشكلتنــــــــــــــــــــــــــا وين النصيحه اللي من القلب؟؟؟؟؟؟؟؟؟؟؟؟؟؟؟

وين القلوب النظيفه؟؟

واللي ينصح هو يطبق اللي يقوله قبل ماينصح فيه؟؟

واللي ينصح هو اصلا يعرف شمعناة ((نصييييييييييييحه؟؟؟))

المايك لكم..
بوعلى 1
19-07-2009, 04:16 PM
النصيحة بعض الاوقات تسبب الاحراج خاصة اذا في لمة حريم جلسة حريم والعكس ولكن انا اعتقد ان هذة ليست نصيحة يمكن يكون الطرف الناصح اشوية عندة نقص فيبدا باضهار عيوب الاخرين انا اقول لا تهتمين 0
بوعلي2
19-07-2009, 04:17 PM
الي بينصح..ينصح بينه وبين الطرف الاخر مب قدام الملا والعالم :)

تأكدي اختي الي بينصحج قدام العالم يا قصده احراجج او انه يطلعج مب فاهمه ويبين للناس انه هو قصده النصيحه ويخاف عليج ولكن نواياه تختلف

والله أعلم
ناصر العمادي
19-07-2009, 04:19 PM
كلامج صحيح لابد أن الأنسان يتضايق من النصيحه أذا كانت أمام الجميع ..

اللي يبي ينصح من صج ينصح بأسلوب حلو وتكون النصيحه بينه وبين اللي بينصحه ويحاول أن يكون خفيف ولبق في كلامه عشان الطرف الأخر يتقبل النصيحه بصدر رحب ..
أما اللي ينصح جدام الناس وبصوت عالي فهذا لابد بأنه لايريد النصيحه ولكن له هدف أخر ..

موضوع قيم وهام ومفيد ونتمنى الكل يستفيد منه

تسلم أيدك ويعطيك الف عافيه

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك
بنت^البحرين1
19-07-2009, 04:21 PM
اختي حلا

في حريم وايد يحبون التفلسف، وتبي تطلع فيها جدام الحريم ترى انا ملتزمة مثل وحده تعرف وسامعتني اني لابسه هالعباه بس حق القعدات في البيوت ماطلع بها حق سوق او طلعه برع، تعمدت تقولي جدام الكل فلاااااانه شلون تقدرين تطلعين بهالعباه جدام الناس، مايجوز وحرام انتي محاسبة واثمج كبير وطاحت فيني بس عشان تراويهم انا ملتزمة.

هالنوعية اختي ماينفع معاهم الا حل واحد وانا استخدمه ، هو التجعم ! اي والله من تتحجى بهالاسلوب ردي عليها واحرجيها , انا مب طبعي بس من القهر اضطر اسوي جذي، ورديت وقلت لها تسوين روحج مطوعه على شنو؟ انا لابستها وسط حريم ماطلع فيها حق سوق، ماتشوفين بناتج طاقين المكياج والقذل في المجمعات؟؟ انصفق ويههها ومن يومها ماتكلمني

ساعات انتي تبين تسكتين بس في نوعية من الحريم يجبرونج تردين وتطولين لسانج عشان يسكتون والا مابتسكت عنج وبتقعد لج قعدة !
صمت القلوب
19-07-2009, 08:49 PM
النصيحه امام الناس فضيحه ...وهذيلا اللي نصحوج يااما غرضهم احراجج ...يااما هم دفشين بطبعهم ....
بس عن تجربتي انا مع صديقاتي ...احلى شي تنصحين واحده بينج وبينها ... وتكون النصيحه من غير تجريح لان بعدين الغرض من النصيحه مايتحقق وتلاقين الواحده تعاند وماتسمع
الكلام لانها انقهرت من طريقه توصيل النصيحه ...اما النصيحه اللي تبدا بكلمات حلووه ...وكلام ديني ... وهم بعد اهم عنصر مو اي شخص تاخذين منه النصيحه ....لازم انسان
مقرب ويعزج ....

حبيبتي في الاخير المشكله مو فيج ...المشكله بالناس وبيئتهم وتربيتهم اللي ماتعلمهم اشلون يتكلموون مع الناس ...

ولاتشيلين في خاطرج ....وايد شفت بنات من هاالصنف .... تجاهليهم وبس ... :)

مسائج ورد يالغلاااا ...

اختج

صمت القلوب
أمير المحبه
19-07-2009, 09:34 PM
ياااااااااااااا هلا ويااااااااااامسهلا وين الغيبه يالغاليه حلااااااا :(

بعدين اقولج ولا تفتكرين يالغاليه اصلا لو مثلا اي وحده اتحبج

بتاخذج على جنب وتقولج لاتسوين جذي وسوي جذي

لاكن الحاقده اهي اللي جدام العالم بتقولج هاي غلط هاي صح

عيب لاتسوين جذي شفيج ماتعرفين اتصبين القهوه جذي:eek5:

هاي حاقده وعادي من الحقد والحسد اتلاقينها وخرة بناتها عنج بعد

او تعطيهم معلومات ثانيه عنج وتشوشهم عليج بعد حاسبي يالغاليه :weeping:

وبعدين بخصوص لبسج اكيد تقصدين الربطه اللي في اليد ولا الريل صح :victory:

ويقولون لج انه هاي البنات المب زينات اهم اللي يسوون جذي

ونتي عاقله شلج في هالخرابيط او لبسج جافوه اشوي حلو

من القهر قالولج تعالي حلا ليش لبسج جذي وليش هالفتحه :eek5:

هااااااااااااي كله من الحقد والحسد وماعليج من اي حد

وخلج يالغاليه مثل ماعرفج واثقه من نفسج وببتوفقين انشالله:discuss:

بس :shy:
غير البشر
19-07-2009, 10:18 PM
حلا انا نفسج بقول ليش
بالنسبه لي انا مب اني ماحب النصيحه لا
المشكله اذا جات النصيحه معاها عتب
ماحب العتب كلش خاصه اذا شي صار وانتهى :anger1::anger1:
للأسف مع الي ينصحون يدزون لج معاها اشويه عتب
والكلمات الي ماحبها في العتب
لو سامع الكلام :anger1:
وانا قلت لك قبل :anger1:
تستاهل كله منك :anger1:
محد انفعك :anger1:

بس المكابر يمدحونه :shy:
يعطيج العافيه على الموضوع اختي لاهنتي :victory:
ورقــة أمــل
19-07-2009, 11:06 PM
انزين عادي انصيحها بنفس الطريقة

واذا ماعرفتي عادي فشليها قوليلها اكو بناتج لابسين نفسي ليش ما تقولين لهم

وعن القهوة قوليلها تصدقين ماعرف اصب القهوة شرايج تصبين عني خخخخ خل تنحنح وتصب القهوة
fff
20-07-2009, 01:43 AM
يا جماعة الخير اللي بينصح لازم يكون عنده أسلوب وفن وذوق ليش؟
لانه إذا ماعنده أسلوب وفشل الطرف الثاني خاصة الأطفال والمراهقين تسبب لهم عقدة وعدم الثقة بالنفس.
وجزا أختنا الفردوس الأعلى على الطرح الجميل.
سداوي&مدريدي
20-07-2009, 01:55 AM
مثلا في عشا وقدام الكل اتقولي وحده بصوت عالي حبيبتي لاتصبين القهوه بهالطريقه صبيها بهالطريقه لأن في ناس مايحبونها بطريقتج نصيحه وتضحك وتغمزلي


ههههههههههههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههه اذا اغمزت لج اغمزيلها أوكي
ههههههههههههههههههههههههههههههههههههههههه :secret:

نصيحه :eek5:

<<<< :secret: أسكت لاتنصح

خلاص لاتعتبرينها نصيحه

بقولج شي (( اي هاذي أحلا )) :telephone:

دخلي الكلام من اذنج اليمين وطلعيه من اذنج اليسار

والي يحبج ويعزج بيقدم لج النصيحه بينه وبينج وممكن يقدم لج النصيحه

قادام الناس لاكن بأسلوب أرقى مافيه عتب
ســـهم
20-07-2009, 02:51 AM
انا كنت في السابق وتقريبا مازلت

لكن كله يقولون لي بعد ماينصحوني ومارد عليهم

اضرب راسك في الطوفه حتى لو كنا في بر !!

عيب شرعي :(
هذلان
20-07-2009, 04:04 AM
اذا كانت كل النصايح الي توصلج ولا تقبلينها مثل هالموقفين الي ذكرتي .. هالشي يعني انج طبيعيه

لكن اهم مافي النصيحه انها تكون من شخص صافط لك خير

ياما لله الحمد انزقرنا من ربعنا و انصحنا و الامور عاديه

لكن انتو يالنسوان تستاهلون الرضخ بصراحه

علاقات النسوان مع بعظ علاقات غريبه

ترى امزح في الجزء الاول ولكن بالفعل علاقات النسوان مع بعظ علاقه استغرب منها

عموما كلمه جزاج الله خير و بيض الله ويهج .. وكلمه انتي حسبه والدتي

هذي كلمات عامه و مفيده و تفيد في جميع الاحتمالات سواء كان الي ينصح يكون ناصح من قلبه ولا يقصد شي

اهم شي ماتحسسين من هالسالفه و موقف مثل سالفه القهوه .. قوليلها يزاج الله خير يمه انتو امهاتنا الكبار و اذا ماتعلمنا منكم بنتعلم من من ،،، و بس

بعدين الدله تمسكينها باليسار و الفنجال باليمين و اول ماتصبين يكون الفنجال على بوز الدله و مع اول ماتنزل القهوه تبعدين الفنجال عن الدله لين تصير المسافيه بين الفنجال و الدله شبر مع مراعات رفع الرجل اليمنا و الاكتفاء بملامسه الابهام للارض (حق الميزانيه) :tease:


فهمتي :anger1:








موفقه :nice:
فلفل حار
20-07-2009, 08:03 AM
يالله تربعي للانشاء ألي بكتبه وهاتي لج ورقه وقلم وتعلمي شووي ... <--- من أولها تتفلسف يا فلفل ...:p



السالفه بسيطه ومايبيلها شي ...

لا تخلينها تسبب لج عقده ولا شي ...:waiting:

اخوج فلفل نفسج ماحب اتقبل النصيحه لو كانت من انسان فاسد وما يطبق النصايح على نفسه وقاعد يتفلسف على غيره ...!

مثل هذوول لازم تكونين ناشفه وياهم شوي وتجاملينهم بالبدايه واذا قعد يتفلسف عاد خلج دفشه شوي وقوليله انت روح طبق على نفسك عقب تعال تكلم ...


لأنه البعض وياكثررهم ...! أحس فيهم نقص وينصحون ويهذرون ولا يدرون شيقولون ...!

هذوول احلى شي تسوينه تقاطعين كلامهم وتدخلين بموضوع ثاني عرض هههه <--- حق التنرفز مافي أحسن منه:shy:


اهم شي توصله معلومه أنه كلامه هوى وخرطي ولا يقعد يتفلسف عليج وهو مب قادر يشيل نفسه بنصايحه الغاليه ...!:rolleyes2:

وفي ناس بعيوبهم لكن بعد ينصحون ويفيدونا ...:)

كنت أعرف واحد مبتلى بشرب الخمور ( الله يهديه ) بس محافظ على صلاته ...!

ودوم ينصحنا ما نأجل الصلاهـ ونقوم بفروضنا وواجبنا اتجاه ربنا ...! وكنت فعلاً احترمه على كلامه ...:nice:


لأنه ألي يسويه شي وألي ينصح به شي ثاني ... وان شاء الله ربي يهديه للصواب ويتركـ خرابيطه ...!



عموماً ... <--- جني أنا ألي قاعد أتفلسف اليوم هههههه:nop:

خلج مع الناس Flexible بشكل عام ...:thumbup1:









سمعتي نصيحتي يا بنتي ...:funny:
وتبقى الدنيا حلوه
20-07-2009, 10:02 AM
صدي ولا كأنك تسمعينها
حلا
20-07-2009, 10:14 AM
النصيحة بعض الاوقات تسبب الاحراج خاصة اذا في لمة حريم جلسة حريم والعكس ولكن انا اعتقد ان هذة ليست نصيحة يمكن يكون الطرف الناصح اشوية عندة نقص فيبدا باضهار عيوب الاخرين انا اقول لا تهتمين 0


صباحك خير بوعلي
شرفني انك اول من رد ع موضوعي :)
شكرا ع كلامك الذوق نورتلي الموضوع ..:)
حلا
20-07-2009, 10:19 AM
الي بينصح..ينصح بينه وبين الطرف الاخر مب قدام الملا والعالم :)

تأكدي اختي الي بينصحج قدام العالم يا قصده احراجج او انه يطلعج مب فاهمه ويبين للناس انه هو قصده النصيحه ويخاف عليج ولكن نواياه تختلف

والله أعلم



شكرا ع ردك ومرورك اللي زاد الموضوع حلا ..:)
كلامك صحيح وهذي هي المشكله ان قدام الناس والملا ومشكلتي والله العظيم اسسسسسسسكت ومارد وابتسم ماعرف ارد كلش :) اذا صادف حد موجود يرد يدافع عني اوكي ولو ماصادف خلاص ابلعها باحراج:shy:
ربي لا يحرمني تواصلك الحلو ..:)
حلا
20-07-2009, 10:23 AM
كلامج صحيح لابد أن الأنسان يتضايق من النصيحه أذا كانت أمام الجميع ..

اللي يبي ينصح من صج ينصح بأسلوب حلو وتكون النصيحه بينه وبين اللي بينصحه ويحاول أن يكون خفيف ولبق في كلامه عشان الطرف الأخر يتقبل النصيحه بصدر رحب ..
أما اللي ينصح جدام الناس وبصوت عالي فهذا لابد بأنه لايريد النصيحه ولكن له هدف أخر ..

موضوع قيم وهام ومفيد ونتمنى الكل يستفيد منه

تسلم أيدك ويعطيك الف عافيه

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك



شكرا اخوي ناصر ع مرورك الحلووووووووو ع الموضوع وع كلامك الاحلى
وخاصه لما قلت اللي ينصح يكون خفيف ولبق فكلامه وهالصنف مالقيته ؟؟:omg:
المشكله دايم نتعلم كيف ننصح بس ياليت نتعلم بعد كيف نتقبل النصيحه:)خصوصا فمواقف مثل هذي وانشالله من ردودكم نستفيد..
اضافتك ومرورك نورلي الموضوع والله ...شكرا..:)
حلا
20-07-2009, 10:29 AM
اختي حلا

في حريم وايد يحبون التفلسف، وتبي تطلع فيها جدام الحريم ترى انا ملتزمة مثل وحده تعرف وسامعتني اني لابسه هالعباه بس حق القعدات في البيوت ماطلع بها حق سوق او طلعه برع، تعمدت تقولي جدام الكل فلاااااانه شلون تقدرين تطلعين بهالعباه جدام الناس، مايجوز وحرام انتي محاسبة واثمج كبير وطاحت فيني بس عشان تراويهم انا ملتزمة.

هالنوعية اختي ماينفع معاهم الا حل واحد وانا استخدمه ، هو التجعم ! اي والله من تتحجى بهالاسلوب ردي عليها واحرجيها , انا مب طبعي بس من القهر اضطر اسوي جذي، ورديت وقلت لها تسوين روحج مطوعه على شنو؟ انا لابستها وسط حريم ماطلع فيها حق سوق، ماتشوفين بناتج طاقين المكياج والقذل في المجمعات؟؟ انصفق ويههها ومن يومها ماتكلمني

ساعات انتي تبين تسكتين بس في نوعية من الحريم يجبرونج تردين وتطولين لسانج عشان يسكتون والا مابتسكت عنج وبتقعد لج قعدة !

مشكوره ع ردج حبيبتي وكيف صحيح حسيت انج حسيتي فيني:)
بعدين المشكله هذي بالذات مابي ارد عليها مب عشانها عشان ماخسر بناتها لأني اموت فيهم:weeping:
اما فمواقف ثانيه والله والله اخطط بيني وبين نفسي اني برد ومب ساكته بس شوفني لحزت الحزه
شنو انكتم شنو يحمر ويهي واسكت وابلع لساني احاول بس شسوي غصبن عني اصلا ما الاقي كلام اقوله
بس ابتسم وامشي الموضوع ((الله يهديهم))
انشالله يمكن مع الوقت اتعلم اكثر واقدر ارد ..:):)
مرورج يالغاليه اســــــــــــــــــــــــــــــــــــــــــــــــ ــــــــــعدني وربي لايحرمني تواصلج الحلو:)
حلا
20-07-2009, 10:37 AM
النصيحه امام الناس فضيحه ...وهذيلا اللي نصحوج يااما غرضهم احراجج ...يااما هم دفشين بطبعهم ....

بس عن تجربتي انا مع صديقاتي ...احلى شي تنصحين واحده بينج وبينها ... وتكون النصيحه من غير تجريح لان بعدين الغرض من النصيحه مايتحقق وتلاقين الواحده تعاند وماتسمع
الكلام لانها انقهرت من طريقه توصيل النصيحه
...اما النصيحه اللي تبدا بكلمات حلووه ...وكلام ديني ... وهم بعد اهم عنصر مو اي شخص تاخذين منه النصيحه ....لازم انسان
مقرب ويعزج ....

حبيبتي في الاخير المشكله مو فيج ...المشكله بالناس وبيئتهم وتربيتهم اللي ماتعلمهم اشلون يتكلموون مع الناس ...

ولاتشيلين في خاطرج ....وايد شفت بنات من هاالصنف .... تجاهليهم وبس ... :)

مسائج ورد يالغلاااا ...

اختج

صمت القلوب


نورتي وعطرتي موضوعي بمرورج وكلامج الحلو وفعلا النصيحه اللي تبدا بكلام حلو وبهدوء هي اللي تدخل القلب وبعد اجمل واجمل لو من انسان قريب صحيح اتمنى ان المشكله مب فيني لأن من هالمواقف الواحد ماعاد يصدق ان الكل غرضه نصيحه؟؟

ما انحرم يرب من تواصلج الطيب..:)
فهد الخاطر
20-07-2009, 10:44 AM
حلا
ترى النصيحة ممكن تقبلينها ولكن على حسب
فعلى سبيل المثال بالنسبة لي اذا توجهت لي نصيحة امام الناس وبشكل علني لا اقبلها وممكن يكون ردي قاسي على الناصح
وهذه صارت معاي في احد المساجد لما جاني مطوع كان يصلي وراي وقالي يا اخوي قصر ثوبك شوي مع انه ثوبي ما كان طويل ويوم شفته قاعد يتكلم قدام الناس قلت له واحرجته يا اخي انتوا اشلون ترضون على نفسكم تلبسون ثياب لين فوق الركبه اتقوا الله في نفسكم
الي حاب اوضحه بانه النصيحة لازم تكون من شخص يكون صحيح يعزني ويحبني ومب من شخص بس يبي الشماته ومن قدامي يتظاهر بالنصيحة الخبيثه
فهد الخاطر
20-07-2009, 10:46 AM
عمري ما انسى النصيحة الي قالتها لي احد الاقارب وبعد اسبوع انعكست
لمصلحة شخصية
دوحة حمد
20-07-2009, 10:52 AM
اولا احب اشكرج اختي حلا على طرحج لهالموضوع .

ثانيا بصراحة انا مثلج انا من النوع اللي ماحب احد ينصحني ، ياخي اللحين الواحد منا صار عمره فوق العشرين ولين اللحين ينصحون ، خلاص الواحد كبر وصار فاهم يعني هو اللي ينصح نفسة .

وانا واحد ماحب احد ينصحني سواء كان بروحنا ولا قدام الناس ، لانه بصراحة احسة تدخل مب نصح .
ووايد مرّت علي مواقف وايد بس اسمعهم ولا اهتم .

هاي كل اللي عندي ، ومشكورة مره ثانية اختي عالموضوع

تقبـــلي تحياتي
حلا
20-07-2009, 10:53 AM
ياااااااااااااا هلا ويااااااااااامسهلا وين الغيبه يالغاليه حلااااااا :(

بعدين اقولج ولا تفتكرين يالغاليه اصلا لو مثلا اي وحده اتحبج

بتاخذج على جنب وتقولج لاتسوين جذي وسوي جذي

لاكن الحاقده اهي اللي جدام العالم بتقولج هاي غلط هاي صح

عيب لاتسوين جذي شفيج ماتعرفين اتصبين القهوه جذي:eek5:

هاي حاقده وعادي من الحقد والحسد اتلاقينها وخرة بناتها عنج بعد

او تعطيهم معلومات ثانيه عنج وتشوشهم عليج بعد حاسبي يالغاليه :weeping:

وبعدين بخصوص لبسج اكيد تقصدين الربطه اللي في اليد ولا الريل صح :victory:

ويقولون لج انه هاي البنات المب زينات اهم اللي يسوون جذي

ونتي عاقله شلج في هالخرابيط او لبسج جافوه اشوي حلو

من القهر قالولج تعالي حلا ليش لبسج جذي وليش هالفتحه :eek5:

هااااااااااااي كله من الحقد والحسد وماعليج من اي حد

وخلج يالغاليه مثل ماعرفج واثقه من نفسج وببتوفقين انشالله:discuss:

بس :shy:

ياهلااااااااااااااااااااااااااااااااااا:)
ومسهلاااااااااااااااااااااااااااااااااااااااا:) فيك يبسمة المنتدى

اغيب بس اكيد برد مالي غنى عنكم:)

شفت يأمير شلون الاحراجات لا والمشكله احب بناتها واموت فيهم بس شنقول الشكوى لله:weeping::weeping::weeping:
يبيلي دوره اتعلم فيها فن الردوووووووووووووود بس ادور لي حد يدربني:victory:

وبعديييييييييين بخصوص الربطه :) شدرااااااااااااك :) ههههههههههههههههههههههه عنده خبره بعد يمه يمه ينخاف منك خخخخخ

شكرا على مرورك الرووووووووووووووووووووووووعه وكل اللي قلته صحيح مليون بالميه بعد ومايسوي هالتصرفات الا شخص حاقد اكيد
تسلملي يالغالي ومانحرم انشالله من مرورك اللي والله العظيم يسعدني:):)
حلا
20-07-2009, 11:00 AM
حلا انا نفسج بقول ليش
بالنسبه لي انا مب اني ماحب النصيحه لا
المشكله اذا جات النصيحه معاها عتب
ماحب العتب كلش خاصه اذا شي صار وانتهى :anger1::anger1:
للأسف مع الي ينصحون يدزون لج معاها اشويه عتب
والكلمات الي ماحبها في العتب
لو سامع الكلام :anger1:
وانا قلت لك قبل :anger1:
تستاهل كله منك :anger1:
محد انفعك :anger1:

بس المكابر يمدحونه :shy:
يعطيج العافيه على الموضوع اختي لاهنتي :victory:


اسعدني مرورك الرائع وتعقيبك المميز :):)
اما عن العتب ماجربتها للحين ويمكن ماتحملها لوجربتها :shy:
الا اكيد ماراح اتحملها خخخخخ
واتمنى لوبجرب العتب يكون من قريب وغالي احس العتب فالهالحاله شوي ينبلع :victory:
شكرا على مرورك مره ثانيه وانشالله ماننحرم من تواصلك الطيب ..:)
حلا
20-07-2009, 11:04 AM
انزين عادي انصيحها بنفس الطريقة

واذا ماعرفتي عادي فشليها قوليلها اكو بناتج لابسين نفسي ليش ما تقولين لهم

وعن القهوة قوليلها تصدقين ماعرف اصب القهوة شرايج تصبين عني خخخخ خل تنحنح وتصب القهوة



قلت هالكلام ههههههههههههههههههههههههههههههه ههههههههههههههههههههههههههههههههههههههههههههه بس مب جدامها
قلته بروحي عند امي ههههههههههههههههههههههه
ما اتجرأ والله اقوله حدييييييييييييييييييييييي لستحيت وتفشلت اسككككككت:secret:


اسعدني مرورك الحلوووووووووووو ع موضوعي والله نورتلي الصفحات ..
حلا
20-07-2009, 11:06 AM
يا جماعة الخير اللي بينصح لازم يكون عنده أسلوب وفن وذوق ليش؟
لانه إذا ماعنده أسلوب وفشل الطرف الثاني خاصة الأطفال والمراهقين تسبب لهم عقدة وعدم الثقة بالنفس.
وجزا أختنا الفردوس الأعلى على الطرح الجميل.

صحيح كلامك ..
وشكرا على ر دك الذووق واسلوبك الاجمل :)
حلا
20-07-2009, 11:11 AM
مثلا في عشا وقدام الكل اتقولي وحده بصوت عالي حبيبتي لاتصبين القهوه بهالطريقه صبيها بهالطريقه لأن في ناس مايحبونها بطريقتج نصيحه وتضحك وتغمزلي


ههههههههههههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههه اذا اغمزت لج اغمزيلها أوكي
ههههههههههههههههههههههههههههههههههههههههه :secret:

نصيحه :eek5:

<<<< :secret: أسكت لاتنصح

خلاص لاتعتبرينها نصيحه

بقولج شي (( اي هاذي أحلا )) :telephone:

دخلي الكلام من اذنج اليمين وطلعيه من اذنج اليسار

والي يحبج ويعزج بيقدم لج النصيحه بينه وبينج وممكن يقدم لج النصيحه

قادام الناس لاكن بأسلوب أرقى مافيه عتب



ااااااااااااخ ياليت اقدر واغمز لها بس شاطره ابرد الحره بعدين في امي الله يخليها لي
اقولكم فخاطري ارد بس لصارت المواقف تضيييييييييييع كل الردود لوتسبني بسكت هاي المشـــــــــــــــــــــكله صوتي ينبلع يروح مادري وينه :shy:
اصلا القريبين مني يدرون اي حد بيقول كلام بيحرجني بطالعه وبسكت وبس هذا عيبــــــــــــــــــــــــــــــــبي الكبير :weeping:
شكرا على كلامك الحلووووووووووووووووووووووو ودوم ضحكتك يرب وما انحرم من تواجدك فمواضيعي انشالله ..
حلا
20-07-2009, 11:14 AM
انا كنت في السابق وتقريبا مازلت

لكن كله يقولون لي بعد ماينصحوني ومارد عليهم

اضرب راسك في الطوفه حتى لو كنا في بر !!

عيب شرعي :(


الحمدلله اني مب بروحي ههههههههههههههههههههههههههههههههههه
شكرا على مرورك الخفيف والحلو
تواجدك اسعدني ومانحرم انشالله :)
حلا
20-07-2009, 11:22 AM
اذا كانت كل النصايح الي توصلج ولا تقبلينها مثل هالموقفين الي ذكرتي .. هالشي يعني انج طبيعيه

لكن اهم مافي النصيحه انها تكون من شخص صافط لك خير

ياما لله الحمد انزقرنا من ربعنا و انصحنا و الامور عاديه

لكن انتو يالنسوان تستاهلون الرضخ بصراحه

علاقات النسوان مع بعظ علاقات غريبه

ترى امزح في الجزء الاول ولكن بالفعل علاقات النسوان مع بعظ علاقه استغرب منها

عموما كلمه جزاج الله خير و بيض الله ويهج .. وكلمه انتي حسبه والدتي

هذي كلمات عامه و مفيده و تفيد في جميع الاحتمالات سواء كان الي ينصح يكون ناصح من قلبه ولا يقصد شي

اهم شي ماتحسسين من هالسالفه و موقف مثل سالفه القهوه .. قوليلها يزاج الله خير يمه انتو امهاتنا الكبار و اذا ماتعلمنا منكم بنتعلم من من ،،، و بس

بعدين الدله تمسكينها باليسار و الفنجال باليمين و اول ماتصبين يكون الفنجال على بوز الدله و مع اول ماتنزل القهوه تبعدين الفنجال عن الدله لين تصير المسافيه بين الفنجال و الدله شبر مع مراعات رفع الرجل اليمنا و الاكتفاء بملامسه الابهام للارض (حق الميزانيه) :tease:


فهمتي :anger1:








موفقه :nice:



شوف بقولك
من الكبار فالسن مازعل كلش كلش بالعكس اخذها بضحك والله
اما بخصوص اني اقول جزاج الله خير هاي شي حلو
وبحاول اتعلمه مع الوقت وانشالله اقدر .. انا ماعندي غير كلمه وحده اطالعها مبتسمه واقول ((اوكي)) :shy::shy:
واعتمد ان حد بيرد عني او بيخفف الموقف ولو مانوجد حد خلاص ابلعها بروحي

وبخصو طريقة القهوه
ههههههههههههههههههههههههههههههه
هههههههههههههههههههههههههههههههههههههههه
ههههههههههههههههههههههههههههههههههههههههههههههه
كلها اوكي بس اخر شي ماقدر علييييييييييييييييييييييييييييييييييييييييييييييه انشالله بقدر لو انت سويته جدام عيوني :victory::victory:

هذلان اسعدني مرورك الاروع من كلمة روعه ع موضوعي
وانشالله ما انحرمك من تواجدك ومن هالردود الحلوه اشكرك ..
حلا
20-07-2009, 11:30 AM
يالله تربعي للانشاء ألي بكتبه وهاتي لج ورقه وقلم وتعلمي شووي ... <--- من أولها تتفلسف يا فلفل ...:p



السالفه بسيطه ومايبيلها شي ...

لا تخلينها تسبب لج عقده ولا شي ...:waiting:

اخوج فلفل نفسج ماحب اتقبل النصيحه لو كانت من انسان فاسد وما يطبق النصايح على نفسه وقاعد يتفلسف على غيره ...!

مثل هذوول لازم تكونين ناشفه وياهم شوي وتجاملينهم بالبدايه واذا قعد يتفلسف عاد خلج دفشه شوي وقوليله انت روح طبق على نفسك عقب تعال تكلم ...


لأنه البعض وياكثررهم ...! أحس فيهم نقص وينصحون ويهذرون ولا يدرون شيقولون ...!

هذوول احلى شي تسوينه تقاطعين كلامهم وتدخلين بموضوع ثاني عرض هههه <--- حق التنرفز مافي أحسن منه:shy:


اهم شي توصله معلومه أنه كلامه هوى وخرطي ولا يقعد يتفلسف عليج وهو مب قادر يشيل نفسه بنصايحه الغاليه ...!:rolleyes2:

وفي ناس بعيوبهم لكن بعد ينصحون ويفيدونا ...:)

كنت أعرف واحد مبتلى بشرب الخمور ( الله يهديه ) بس محافظ على صلاته ...!

ودوم ينصحنا ما نأجل الصلاهـ ونقوم بفروضنا وواجبنا اتجاه ربنا ...! وكنت فعلاً احترمه على كلامه ...:nice:


لأنه ألي يسويه شي وألي ينصح به شي ثاني ... وان شاء الله ربي يهديه للصواب ويتركـ خرابيطه ...!



عموماً ... <--- جني أنا ألي قاعد أتفلسف اليوم هههههه:nop:

خلج مع الناس Flexible بشكل عام ...:thumbup1:









سمعتي نصيحتي يا بنتي ...:funny:



تربعت والله العظيم تربعت :nice:
واهم شي ان فلفل نفسي مايتقبل النصيحه :) شي يفرح عشان ماحس اني بروحي خخخخخ
شوف فلفل
انا اقرر والله اقرر اكون ناشفه وجامده مع هالنوعيه بس لحزت الحزه وصار الموقف تعال شوفني
خلاااااااااص احمر الويه وانبلع الساني اي قرارات واي خرابيط:weeping:
واما اني اقاطع كلامهم
بحاول لأنه احسن شوي من اني ارد عالاقل احس اني بقدر وثاااااااااااااااانكس عالمعلومه اللي ماطرت ببالي :victory:
وبخصوص اللي مبتلي بالخمر
في ناس يوجهون النصيحه للكل يعني يشملون وهذي عندي احسن واتقبلها اسرع واستفيد منها
لأن اكون عارفه ان الكل مقصود والموقف مافيه احراج لأن الاحراج ياخذنا بعيد عن جو النصيحه نفسها

عموما ((تفلسفك)) حلا على قلبي يفلفل
ومرورك رووووووووووووعه واسعدني والله
واهم شي اني طعتك على طول وتربعت:victory: وعساني مانحرم م تواصلك ..
حلا
20-07-2009, 11:34 AM
صدي ولا كأنك تسمعينها



من عيووووووووووووووووووني :nice:
حلا
20-07-2009, 11:42 AM
حلا
ترى النصيحة ممكن تقبلينها ولكن على حسب
فعلى سبيل المثال بالنسبة لي اذا توجهت لي نصيحة امام الناس وبشكل علني لا اقبلها وممكن يكون ردي قاسي على الناصح
وهذه صارت معاي في احد المساجد لما جاني مطوع كان يصلي وراي وقالي يا اخوي قصر ثوبك شوي مع انه ثوبي ما كان طويل ويوم شفته قاعد يتكلم قدام الناس قلت له واحرجته يا اخي انتوا اشلون ترضون على نفسكم تلبسون ثياب لين فوق الركبه اتقوا الله في نفسكم
الي حاب اوضحه بانه النصيحة لازم تكون من شخص يكون صحيح يعزني ويحبني ومب من شخص بس يبي الشماته ومن قدامي يتظاهر بالنصيحة الخبيثه


وانا مثلك واللي يصير اني ماقبلها وحتى يتحول الموقف من نصيحه لشي ثاني وما اتذكر النصيحه نفسها
وردك فموقفك احسدك عليه تصورني امر بنفس المواقف بس ماقول حرف واحد للي يحرجني خصوصا للكبار شنو اسكت وماقول كلمه
ومرات الموجودين يكونون لصالحي والحمدلله هالشي يساعدني :):)

شكرا على كلامك الحلووووووووو ردك ومرورك اسعدني والله ونورتلي موضوعي يفهد
اشكرك ..:)ومانحرم من تواصلك معاي..
حلا
20-07-2009, 11:49 AM
اولا احب اشكرج اختي حلا على طرحج لهالموضوع .

ثانيا بصراحة انا مثلج انا من النوع اللي ماحب احد ينصحني ، ياخي اللحين الواحد منا صار عمره فوق العشرين ولين اللحين ينصحون ، خلاص الواحد كبر وصار فاهم يعني هو اللي ينصح نفسة .

وانا واحد ماحب احد ينصحني سواء كان بروحنا ولا قدام الناس ، لانه بصراحة احسة تدخل مب نصح .
ووايد مرّت علي مواقف وايد بس اسمعهم ولا اهتم .

هاي كل اللي عندي ، ومشكورة مره ثانية اختي عالموضوع

تقبـــلي تحياتي


اشكرك ع ردك عالموضوع ومرورك يشرفني
الواحد من هالمواقف يكره النصيحه وعن نفسي صرت بعد ماتقبلها لوكنت بروحي
وبعد ماحب واتجنب انصح الا القريبين مني عشان ماضايق حد مثل ماضايقوني قبل:)


مرورك مره ثانيه يشرفني ويسعدني .. يعطيك العافيه ..
فلفل حار
20-07-2009, 12:13 PM
تربعت والله العظيم تربعت :nice:
واهم شي ان فلفل نفسي مايتقبل النصيحه :) شي يفرح عشان ماحس اني بروحي خخخخخ
شوف فلفل
انا اقرر والله اقرر اكون ناشفه وجامده مع هالنوعيه بس لحزت الحزه وصار الموقف تعال شوفني
خلاااااااااص احمر الويه وانبلع الساني اي قرارات واي خرابيط:weeping:
واما اني اقاطع كلامهم
بحاول لأنه احسن شوي من اني ارد عالاقل احس اني بقدر وثاااااااااااااااانكس عالمعلومه اللي ماطرت ببالي :victory:
وبخصوص اللي مبتلي بالخمر
في ناس يوجهون النصيحه للكل يعني يشملون وهذي عندي احسن واتقبلها اسرع واستفيد منها
لأن اكون عارفه ان الكل مقصود والموقف مافيه احراج لأن الاحراج ياخذنا بعيد عن جو النصيحه نفسها

عموما ((تفلسفك)) حلا على قلبي يفلفل
ومرورك رووووووووووووعه واسعدني والله
واهم شي اني طعتك على طول وتربعت:victory: وعساني مانحرم م تواصلك ..

اهم شي أنج تربعتي ...:thumbup1:



والشخصيه الناجحه والواثقه مابتطلع من مجرد قراية ردودنا ومشاركاتنا ...:)

انتي طلبتي النصيحه وواجب علينا نهديج أياها

والباقي بتتعلمينه مع الايام والوقت من تجاربج واحتكاكج بالناس ...

واخذيها قاعده مثل الترجيه في أذن هالكيووته ...:deal:

http://www.unique-baby-gear-ideas.com/images/baby-earrings.jpg

محد في هالدنيا فاهم وعارف كل شي ... كل يوم نتعلم شي جديد ونتأثر بكل شي حوالينا ....:nice:


ووووبس ... :p




كان هذا درس سريع من فلفسة فلفل بن فلافل بن فلفول المفلفل ... :tooth:


Wish u 2 get sweet life ... ^^
غناتي1
20-07-2009, 12:54 PM
لا تاخذين الموضوع بهاالحساسية عزيزتي حلاااا

بتكبرين وبتمرين بتجارب وااااجد وبيصيدج نفس الموقف
حلا
21-07-2009, 12:17 PM
اهم شي أنج تربعتي ...:thumbup1:



والشخصيه الناجحه والواثقه مابتطلع من مجرد قراية ردودنا ومشاركاتنا ...:)

انتي طلبتي النصيحه وواجب علينا نهديج أياها

والباقي بتتعلمينه مع الايام والوقت من تجاربج واحتكاكج بالناس ...

واخذيها قاعده مثل الترجيه في أذن هالكيووته ...:deal:

http://www.unique-baby-gear-ideas.com/images/baby-earrings.jpg

محد في هالدنيا فاهم وعارف كل شي ... كل يوم نتعلم شي جديد ونتأثر بكل شي حوالينا ....:nice:


ووووبس ... :p




كان هذا درس سريع من فلفسة فلفل بن فلافل بن فلفول المفلفل ... :tooth:


Wish u 2 get sweet life ... ^^



فلفل بن فلافل بن فلفول المفلفل شكرا ع كلامك ((الحلووووو)) وانشالله مع الوقت نتعلم من ردودكم ومن مواقفنا فهالحياه :p:p
وحطيت الملعومه فاذوني مثل الكيوته الحلوه بالضبط خخخخخخخخخخخ

Wish u (2) 2 get sweet life

فلفولنا
http://up4.m5zn.com/9bjndthcm6y53q1w0kvpz47xgs82rf/2009/7/21/02/u9njpkeqy.jpg (http://www.m5zn.com)
special 4 u:p
حلا
21-07-2009, 12:18 PM
لا تاخذين الموضوع بهاالحساسية عزيزتي حلاااا

بتكبرين وبتمرين بتجارب وااااجد وبيصيدج نفس الموقف



ثااااااااااااااانكس ع مرورك الجميل وانشالله نتعلم مع الوقت :)
لاننحرم انشالله من تواصلك ..:):)
ahmed essam
21-07-2009, 12:20 PM
الله يستر طريقنا
حلا
21-07-2009, 12:21 PM
الله يستر طريقنا

شاكرتلك مرورك:)
البيت بيتك
21-07-2009, 12:23 PM
الي بينصح..ينصح بينه وبين الطرف الاخر مب قدام الملا والعالم فقط علشان يكون القلب نظيف
والله يوفقكم
حلا
21-07-2009, 12:54 PM
الي بينصح..ينصح بينه وبين الطرف الاخر مب قدام الملا والعالم فقط علشان يكون القلب نظيف
والله يوفقكم


فعلا كلامك صحيح وعين العقل
مرورك يشرفني ..:)
الكايـــده
23-07-2009, 01:11 AM
شلون تقولين انج ماتقبلين النصييحه .. بالعكس حلو الواحد يتقبل النصيحه اذا كانت بأسلوب حلو ومافيه شي من النقزات ..

صراحه هذي اللي تنصحج قدام خلق الله ماعتبرها نصيحه الا اعتبرها وقااحه حلات النصيحه بينج وبين اللي تنصح هذي ادري انها تحبج وتبي تنصحج اما اللي قدام اللي يسوى ومايسوى سوري هذي وووقحه وتبين تبين انها وووين الحمد لله والشكر

ولو اني منج والله لاعطيها كلمه تسكتها علشان ماعاد تكررها !

ويالله تكبرين وتنسين هههههه الله يعينج بس حلو الواحد يرد بأسلوب عدل وكلمه تسكت اللي يتكلم علشان يحسبون حسابج مب كل من هب ودب يتكلم

وبعدين ماحد ينتقد اللبس او الكلام االا وشوفي بناتها او هي تسوي نفس اللي انتقدته والعن بعد ..

الله لايبتلينا يارب
J & N
23-07-2009, 01:14 AM
لا تعليق
حلا
23-07-2009, 06:35 AM
شلون تقولين انج ماتقبلين النصييحه .. بالعكس حلو الواحد يتقبل النصيحه اذا كانت بأسلوب حلو ومافيه شي من النقزات ..

صراحه هذي اللي تنصحج قدام خلق الله ماعتبرها نصيحه الا اعتبرها وقااحه حلات النصيحه بينج وبين اللي تنصح هذي ادري انها تحبج وتبي تنصحج اما اللي قدام اللي يسوى ومايسوى سوري هذي وووقحه وتبين تبين انها وووين الحمد لله والشكر

ولو اني منج والله لاعطيها كلمه تسكتها علشان ماعاد تكررها !

ويالله تكبرين وتنسين هههههه الله يعينج بس حلو الواحد يرد بأسلوب عدل وكلمه تسكت اللي يتكلم علشان يحسبون حسابج مب كل من هب ودب يتكلم

وبعدين ماحد ينتقد اللبس او الكلام االا وشوفي بناتها او هي تسوي نفس اللي انتقدته والعن بعد ..

الله لايبتلينا يارب

فعلا قلتيها الواحد يتقبلها لوكانت باسلوب حلو :)
اما بخصوص اني ارد هذي لج عليها شوي هههههههههههه :) بس بنحاول ومع المواقف بتعلم
شكرا حبيبتي ع مرورج الحلو نورتي الموضوع باضافتج عسانا ماننحرم:victory:
حلا
23-07-2009, 06:38 AM
لا تعليق


شكرا ع مرورك:)
أمير المحبه
01-08-2009, 04:31 AM
ياهلااااااااااااااااااااااااااااااااااا:)
ومسهلاااااااااااااااااااااااااااااااااااااااا:) فيك يبسمة المنتدى

اغيب بس اكيد برد مالي غنى عنكم:)

شفت يأمير شلون الاحراجات لا والمشكله احب بناتها واموت فيهم بس شنقول الشكوى لله:weeping::weeping::weeping:
يبيلي دوره اتعلم فيها فن الردوووووووووووووود بس ادور لي حد يدربني:victory:

وبعديييييييييين بخصوص الربطه :) شدرااااااااااااك :) ههههههههههههههههههههههه عنده خبره بعد يمه يمه ينخاف منك خخخخخ

شكرا على مرورك الرووووووووووووووووووووووووعه وكل اللي قلته صحيح مليون بالميه بعد ومايسوي هالتصرفات الا شخص حاقد اكيد
تسلملي يالغالي ومانحرم انشالله من مرورك اللي والله العظيم يسعدني:):)

والله انا اللي اسعد :victory:
لاينخاف مني ولاشي انا مسكين :weeping:
ههههههههههههه
يالله يالغاليه ماعليج من اي احد
ونبي دوم انجوفج بالمنتده منوره:victory: