اوامر من البورصة لوسطاء التداول بعدم تسجيل اي سعر شراء لفودافون اقل من 10 ريال؟ليششش؟ [الأرشيف]

اسعاف

19-07-2009, 11:41 PM

اوامر من البورصة لوسطاء التداول

بعدم تسجيل اي سعر شراء لفودافون اقل من 10 ريال؟ليشششش؟؟؟؟؟؟؟؟؟؟؟؟؟؟؟؟

يعني الّي حاب يقتنص السهم بأقل من سعر الأكتتاب

عليه ان يصبر كم يوم لحين نزول السهم الى مستقره الأخير دون العشرة

لكن الي مب فاهمه ان نسبة التذبذب مفتوحة في يوم الأدراج صعودا ونزولا

فلماذا ترفض شركات الوساطة بناء على اوامر البورصة بعدم تسجيل اي سعر شراء دون

العشر ريال ؟ يعني لازم اشتريه فوق العشر بالغصب ؟

لكن هل يفهم بالجمع بين قرار البورصة بفتح النسبة وقرارها بعدم تسجيل اي سعر شراء دون

العشر ريال

هل يفهم ذلك ان هذا فقط للطلبات التي تسجل قبل افتتاح السوق وقبل التداول

وقد يتقبل النظام قبول اي سعر بعد الأفتتاح لما ينزل دون العشر ريالات؟

هل يفهم منه ذلك ؟؟؟؟؟؟؟؟؟؟؟؟؟؟؟؟؟؟؟؟؟؟

=========================

لكن على العموم ارى ان قرار البورصة بعدم قبول تسجيل اي سعر اقل من عشرة قبل التداول

ارى ان هذا اقرار سيساعد نفسيات البائعين على الربح الوفير للبيع في اول لحظة فوق العشر

ريالات وعدم ياخير البيع

لكن ما يتخوف منه المساهمين ان تحجم المحافظ والأفراد عن الشراء في اول يوم والأنتظار

على السهم على يستقر بهدوء دون العشر ريالات ومن ثم ضغط السهم نحو الأسعار

المناسبة لهم لألتقاط السهم من انخفاض كبير خاصة اذا عرضت الأسهم في اليوم الأول بكميات

مهولة دون ان ترى مشترين مما سوف يتسبب في احداث قلق كبير لملاك السهم

ويعيد الى الأذهان صورة سهم الريان اول ما نزل في البورصة انخفض وباعه كثير من ملاكه

بعد ما زهقوا منه بفعل ضغوطات البيع التي تمارس من قبل المحافظ وبعد فترة طار الى الثلاثين

ولم يعد الى ذلك السعر الى يومنا هذا

خليفـة

20-07-2009, 12:03 AM

اول يوم ممنوع اقل من سعر الاكتتاب
اما ثاني يوم ورايح .. مالهم أمل يمنعون احد ان يعرض بسعر اقل من 10 ريال
:victory:

الصيـاد

20-07-2009, 01:05 AM

ضربة موجعة من ادارة السوق:nice:

نمر بن عدوان

20-07-2009, 01:19 AM

ضربة موجعة من ادارة السوق:nice:

ضربه لمن اخوي الصياد ؟

الي يبي يشتري بأقل من 10 بينطر ثاني يوم اما الي يبي يبيع بعشر ممكن بسبة هالقرار مايحصل حد يشتري منه وبتتكدس العروض بكميات كبيره بدون مشتري على 10 وهالقرار بسيبب كارثه للسهم لان العروض ثاني يوم بتكون اكبر من اليوم الاول .

لو تركوا السعر مقفتوح كان صار لم اول يوم على 10 او 9 ريالات وبعدها ممكن يبداء السهم بالصعود لكن مع هالقرار راح يكون العكس .

الصيـاد

20-07-2009, 01:49 AM

ضربه لمن اخوي الصياد ؟

الي يبي يشتري بأقل من 10 بينطر ثاني يوم اما الي يبي يبيع بعشر ممكن بسبة هالقرار مايحصل حد يشتري منه وبتتكدس العروض بكميات كبيره بدون مشتري على 10 وهالقرار بسيبب كارثه للسهم لان العروض ثاني يوم بتكون اكبر من اليوم الاول .

لو تركوا السعر مقفتوح كان صار لم اول يوم على 10 او 9 ريالات وبعدها ممكن يبداء السهم بالصعود لكن مع هالقرار راح يكون العكس .

منو اللي بيبعكم بخسارة انتوا عايشين باحلام اصحوا انسوا سالفة تحت 10

محد بيشتري ليش ما في احد بالبلد في الالاف الطماعين بربح سريع وهائل سهم حر الحركة

مقيم

20-07-2009, 01:53 AM

منو اللي بيبعكم بخسارة انتوا عايشين باحلام اصحوا انسوا سالفة تحت 10

محد بيشتري ليش ما في احد بالبلد في الالاف الطماعين بربح سريع وهائل سهم حر الحركة
اخوي الصياد اتمنى لك الربح مع فودافون
انا عن نفسي ... ساكون متفرج في يوم الاربعاء

الصيـاد

20-07-2009, 02:00 AM

اخوي الصياد اتمنى لك الربح مع فودافون
انا عن نفسي ... ساكون متفرج في يوم الاربعاء

وياك اخوي مقيم

شارك لعل وعسا

راعي القالات

20-07-2009, 02:29 AM

اخوي اسعاف انت متأكد 100% من هالخبر ؟

او مجرد اقاويل وكلام ؟

لأنه لو صحيح مدري بس ظاهرة هي الاول من نوعها في قطر هالحركه

واعتقد ان السهم بيتم مضغوط ما بين 11 و 15 ريال

ولن يتحرك لفترة طويلة من التداول حتى تجفف اسهم المكتتبين بشكل كامل

يعني مش اقل من شهرين إلى 3

BuFaisal

20-07-2009, 02:50 AM

للعلم اخواني فحتى يوم ادراج الريان كانت التعليمات ان لا يقبل أي طلب بيع بسعر اقل من الاكتتاب
وتم حذف كل طلبات البيع التي كانت باقل من سعر الاكتتاب
فهذا هذا يعني ان الريان لا يستاهل سعره ؟ وهل منعه من الوصول الى 31.4 ؟

سبب التعليمات هذه هي لمنع البعض للبيع باسعار سفلية حتى يرهب الملاك ومن ثم يقوم بجمع كمية كبيرة منه قبل رفعه

الخلاصه ان منع تداول السهم باقل من سعره اول يوم متوقع وحدث مع اسهم سابقة

بوخليفة3

20-07-2009, 02:55 AM

سبحان الله بعض الاعضاء شوي وبيحلف ان السهم بينزل تحت الاكتتاب
اتقول يعلم الغيب

وزعلان ليش مايبون يعطونه باقل من سعر الاكتتاب !!!!

مع ان اللي ما اكتتبوا نوعين

النوع الاول
قال حرااام

والثاني
قال هذي شركة مامنها فايده استثمر في غيرها

انزين شتبون ابها الحين انزلت تحت الاكتتاب ولا فوق الاكتتاب

والسهم فوق الاكتتاب ومابينزل واول مره اسمع ان في ناس اتحط طلبات تحت سعر الاكتتاب
متى صار هالكلام من قبل؟؟

بوخليفة3

20-07-2009, 02:58 AM

اوامر من البورصة لوسطاء التداول

بعدم تسجيل اي سعر شراء لفودافون اقل من 10 ريال؟ليشششش؟؟؟؟؟؟؟؟؟؟؟؟؟؟؟؟

يعني الّي حاب يقتنص السهم بأقل من سعر الأكتتاب

عليه ان يصبر كم يوم لحين نزول السهم الى مستقره الأخير دون العشرة
لكن الي مب فاهمه ان نسبة التذبذب مفتوحة في يوم الأدراج صعودا ونزولا

فلماذا ترفض شركات الوساطة بناء على اوامر البورصة بعدم تسجيل اي سعر شراء دون

العشر ريال ؟ يعني لازم اشتريه فوق العشر بالغصب ؟

لكن هل يفهم بالجمع بين قرار البورصة بفتح النسبة وقرارها بعدم تسجيل اي سعر شراء دون

العشر ريال

هل يفهم ذلك ان هذا فقط للطلبات التي تسجل قبل افتتاح السوق وقبل التداول

وقد يتقبل النظام قبول اي سعر بعد الأفتتاح لما ينزل دون العشر ريالات؟

هل يفهم منه ذلك ؟؟؟؟؟؟؟؟؟؟؟؟؟؟؟؟؟؟؟؟؟؟

=========================

لكن على العموم ارى ان قرار البورصة بعدم قبول تسجيل اي سعر اقل من عشرة قبل التداول

ارى ان هذا اقرار سيساعد نفسيات البائعين على الربح الوفير للبيع في اول لحظة فوق العشر

ريالات وعدم ياخير البيع

لكن ما يتخوف منه المساهمين ان تحجم المحافظ والأفراد عن الشراء في اول يوم والأنتظار

على السهم على يستقر بهدوء دون العشر ريالات ومن ثم ضغط السهم نحو الأسعار

المناسبة لهم لألتقاط السهم من انخفاض كبير خاصة اذا عرضت الأسهم في اليوم الأول بكميات

مهولة دون ان ترى مشترين مما سوف يتسبب في احداث قلق كبير لملاك السهم

ويعيد الى الأذهان صورة سهم الريان اول ما نزل في البورصة انخفض وباعه كثير من ملاكه

بعد ما زهقوا منه بفعل ضغوطات البيع التي تمارس من قبل المحافظ وبعد فترة طار الى الثلاثين

ولم يعد الى ذلك السعر الى يومنا هذا

وانت اخوي على اي اساس بنيت كلامك ان السهم مثواه الاخير دون ال 10 ريالات

الشمال-1

20-07-2009, 08:33 AM

صبحكم الله بالخير
يالربع الصبر زين وان شاء الله يوم الاربعاء والخميس ببين كل شي. والله يستر. وبالنسبه الي اشتري سهم فودافون الله يوفقه يوم ببيعه والي يبي يشتريه الله يوفقه.

حب عابر

20-07-2009, 09:05 AM

اخوي القرار مب عاجبك ؟؟؟شلون
ترضى انك مكتتب بعدد كبير من الاسهم وتتفاجى بأن الطلب اقل من سعر الاكتتاب ؟؟؟

اخوي قرار مناسب ويحمي المكتتبين ويؤكد ان المستثمر الصغير لديه حمايه ولو كانت بسيطه ولكن الاهم انها موجوده

من المضاربين فاللي حابب يشتري فوق العشره حياه ماعجبه يروح لسهم ثاني اقل من عشره
الموضوع عرض وطلب

حب عابر

20-07-2009, 09:25 AM

بوخليفة شكراً لك
وماشاء الله من بعد ماصار السوق عالمي قمنا نشوف علماء بالسوق وليس محللين فقط

تقول وتخطط وتعطيك حركة السهم قبل ماينزل السوق بفتره كافيه كأنهم مؤسسين شركة فودا فون لكن نسوا لا يحطون اساميهم :taunt:

Aisha

20-07-2009, 09:27 AM

فوق فوق فوق فوق فوق فوق فوق فوق فوق فوق فوق

خل الي يبون تحت سعر الأكتتاب ينطرون ثاني يوم على امل تحت سعر الأكتتاب

لاإاله الأالله سبحانك اني كنت من الظالمين
هناك بعض الناس يوجد فيهم طمع غير طبيعي ايحبون الخير حق انفوسهم ومايحبون الخير حق غيرهم

حب عابر

20-07-2009, 09:49 AM

اختي عايشه كلامج اقدمه في طبق للطماعين

والله يوفق جميع ملاكه وان شاء الله يحصل معى السهم كما حصل معى الخليج الدوليه

almaf1a

20-07-2009, 09:55 AM

جاري عرض جميع الاسهم ب 10 ريال
على امل الشراء على ال 7 ريال

الصيـاد

20-07-2009, 11:05 AM

جاري عرض جميع الاسهم ب 10 ريال
على امل الشراء على ال 7 ريال

ويقولون اكتتب

ومسوي نفسك مكتتب ههههههههههه

شكلك ميت علي السهم

مضارب جديد

20-07-2009, 11:09 AM

وهج

20-07-2009, 11:45 AM

كل ادراج لة روح مختلفة و مفاجآت يوم التداول الاول

سبحان الله كل الناس متوقعين السهم ينزل ! لذلك ممكن نشوف مفاجئة ما احد توقها ويحقق السهم ارتفاع شاهق .

هذا ليس تحليل للسهم و لكن تذكير بمفآجآت السوق

المفاجآت ما تجي من السوق اخوي والقرار ممكن يكون سلاح ذو حدين ،لكن أتصور بشكل شخصي أن السهم رح يبدا من " 13 ريال " وإرتفاعه بيكون لسعر الـ " 28 ريال " هذا و العلم عند الله بس المهم مقدرة بعض شركات الوساطة بسرعة الإستجابة لوضعية البيع والشراء وعدم تأخير الاوامر وبعدين يتوه المستثمر ما بين البورصة وكيوتل ومكتب الوســــــــــاطة :anger1:

GreenShare

20-07-2009, 12:03 PM

ياجماعه السهم يحكم سعره العرض والطلب
وخلوا احلامكم وتحليلاتكم لما بعد الادراج
مايعرف الغيب الا رب العباد

Espied

20-07-2009, 12:08 PM

اتوقع سعر السهم بيكون انشاء الله بين 17-23 ريال

فلاح 1970

20-07-2009, 12:15 PM

يا اخوان اذكروا الله الكل صار يحسد الثاني ؟؟ اللي يبي مكتتب لصالحه القرار ومن حقه يفرح ع الاقل يربح وضامن راس ماله اول تداول ............ واللي مو مكتتب يبي رخيص ويبيع غالي ... بالنهاية الهدف واحد الكل يبي يربح ..... والله يوفق الجميع ويرزقهم ... وانا عن نفسي ع اول سعر ادراج راح اقرر اذا اضارب فيه او لأ

m_taha123

20-07-2009, 02:05 PM

لايغرك الحرام فهو ممحوق الرزق وهذا ابتلا من رب العالمين
هناك اسهم كثيره وفيها خير
ولاخير في مال ..عقباه النارُ
اخي تامل قول الله تعالى {يمحق الله الربا ويربي الصدقات والله لا يحب كل كفار أثيم} سورة البقرة آية رقم 276

:nice::nice::nice::nice::nice::nice::nice:

بوجبر

20-07-2009, 02:21 PM

شكرا لادارة السوق

alqalei

20-07-2009, 03:36 PM

اتمنى من الله ان يوفق الجميع بس مادري ليش هالتشاؤم تفاءلو بالخير تجدوه.

almaf1a

20-07-2009, 04:48 PM

ومسوي نفسك مكتتب ههههههههههه

شكلك ميت علي السهم

انا قلت ويقولون اكتتب ماقلت ما اكتتبت
كنت ناوي ابيع ب 11 لكن راح اعرض بعشره وان شاء الله اشيل ب7 ريال
مضايقك الموضوع؟
على العموم هاك اقتباس لي يأكد اني اكتتبت يا شارلكهومز
في موضوع توقعات سعر فودافون من 8 ايام

كلام الاخ نمر صحيح
من راح يشتريه من السوق فوق ال10 اكيد من يملكه اصلا ويفكر يبيعه فوق في المستقبل
اوكي من الي عنده صبر او بيدخل على المخاطره انه يمسك سهم مدة 4 او 5 سنين لين ماتبتدي الارباح
طبعا السهم من وجهة نظري كأستثمار مايصلح هذا الريان اشتريه ب 10 ابرك من فودافون على الاقل حلال والحلال مرغوب غير انه سهم افضل بمراحل من فودافون.
على العموم بالتوفيق للجميع وانا عن نفسي من يشم ال11 صاقله صاقله مايقعد في ذمتي يوم

وارد واقول ويقولون اكتتب
هاردلك

شاعر المليون

20-07-2009, 04:51 PM

انا قلت ويقولون اكتتب ماقلت ما اكتتبت
كنت ناوي ابيع ب 11 لكن راح اعرض بعشره وان شاء الله اشيل ب7 ريال
مضايقك الموضوع؟
على العموم هاك اقتباس لي يأكد اني اكتتبت يا شارلكهومز
في موضوع توقعات سعر فودافون من 8 ايام

وارد واقول ويقولون اكتتب
هاردلك

هل الاكتتاب كان 5.25 ريال للسهم أم 10.25 ريال

almaf1a

20-07-2009, 04:54 PM

هل الاكتتاب كان 5.25 ريال للسهم أم 10.25 ريال

كان ب 10.25 ريال
هل كان الجميع يقدر يكتتب بهذا السعر؟

راعي القالات

20-07-2009, 04:57 PM

الله يهديكم ياشباب هدو انفوسكم وتعوذو من ابليس الله يبارج فيكم ما يصير جذيه مع كل اسهم جديدة تصير هالملاسنات تعوذو من ابليس والله يوفق من اكتتب والله يوفق من ما اكتتب ويربحه ويربح الجميع

شاعر المليون

20-07-2009, 06:08 PM

جميع الاكتتابات السابقة كان يمنع وضع أمر شراء تحت سعر الاكتتاب

بس بعد الافتتاح تقدر تحط أمر بالسعر الي تبغيه 9 ريال أو 8 ريال أو أي سعر

المصدر : دلالة الاسلامية

limited

20-07-2009, 09:21 PM

منو اللي بيبعكم بخسارة انتوا عايشين باحلام اصحوا انسوا سالفة تحت 10

محد بيشتري ليش ما في احد بالبلد في الالاف الطماعين بربح سريع وهائل سهم حر الحركة
اللي باعو قطر وعمان بسعر 5 ريال وسعر اكتتابه 10 ريالات بيبعون فودفون بسعر 9و8 و7 ريالات

وتقبل تحياتي

بوجبر

20-07-2009, 09:26 PM

اللي باعو قطر وعمان بسعر 5 ريال وسعر اكتتابه 10 ريالات بيبعون فودفون بسعر 9و8 و7 ريالات

وتقبل تحياتي

للمعلومية عند ادراج سهم شركة قطر وعمان كان سعر السهم 30ريال

الصيـاد

20-07-2009, 09:32 PM

اللي باعو قطر وعمان بسعر 5 ريال وسعر اكتتابه 10 ريالات بيبعون فودفون بسعر 9و8 و7 ريالات

وتقبل تحياتي

اعيد واكرر ما نزل قطر وعمان الا بعد ان تم اعلان عن ارباح ربعية

ظل 10 اشهر فوق سعر الاكتتاب يتذبذب

اذا لن ينزل فودافون عن 10 ريال ما دام ما اعلنوا عن ارباح ربعية

وفودافون فيها مؤسسة قطر وانت تدري من فيها من قوتهم قالوا
وداعا كيوتل مرحبا بفودافون شوف فروع فودافون شوف الاقبال الكبير

BuFaisal

20-07-2009, 10:21 PM

اللي باعو قطر وعمان بسعر 5 ريال وسعر اكتتابه 10 ريالات بيبعون فودفون بسعر 9و8 و7 ريالات

وتقبل تحياتي

وكثير منهم كان اشترى هذه الاسهم مضاربة بسعر 5 وربع او 5 ونص .. يعني ما فرقت معاه كثير :)
والسهم لم يتم تداوله بشكل كثيف او طويل على هذا السعر ليكون مثالا يضرب به
اعرف لاني كنت اتابع تداول قطر وعمان بشكل يومي
والله اعلم

بوخليفة3

21-07-2009, 12:17 AM

سبحان الله

الله خلق وفرق ...

والناس عقليات

لما اتقولون لي لسهم الفلاني انباع باقل من سعر اكتتابه
بقولك ان الوضع مختلف في ذاك الوقت لان كان وقت ازمه
واللي باع بهالسعر كان يخاف ينزل اكثر واكثر لان السوق كان في حاله دمار
اما اللحين السوق مستقر
وماعتقد الي اكتتبوا وتعنوا وراحوا البنك علشان من اول يوم فالادراج يبيعون باقل من سعر الاكتتاب .... ليش ليكون يكدون على فودافون..

ع العموم انا اللي باط جبدي ان البعض متأكد ومستعد يحلف ان السهم بينزل تحت الاكتتاب

هالشي محد يعرفه لا انا ولا اي حد .. فا اتمنى لحد يألف وينطر لي عقب الادراج

والموضوع كله ماله داعي اصلا مع احترامي لصاحب الموضوع

وفي مشاركه في الموضوع بخصوص الاوامر
وتاكد كلامي اللي قلته من قبل ان ولا شركه من قبل حطوا اوامر شراء لها اقل من سعر الاكتتاب

اسعاف

21-07-2009, 10:12 PM

جميع الاكتتابات السابقة كان يمنع وضع أمر شراء تحت سعر الاكتتاب

بس بعد الافتتاح تقدر تحط أمر بالسعر الي تبغيه 9 ريال أو 8 ريال أو أي سعر

المصدر : دلالة الاسلامية

انت متأكد ؟؟؟؟؟؟؟؟؟؟؟؟؟؟؟؟؟؟؟؟؟؟

مساهم عادي

21-07-2009, 10:18 PM

اللي باعو قطر وعمان بسعر 5 ريال وسعر اكتتابه 10 ريالات بيبعون فودفون بسعر 9و8 و7 ريالات

وتقبل تحياتي

تقارن شركة متواضعة وهامشية مثل قطر وعمان..... بشركة اتصالات!!!

مقارنة ظالمة

BuFaisal

21-07-2009, 11:09 PM

جميع الاكتتابات السابقة كان يمنع وضع أمر شراء تحت سعر الاكتتاب
بس بعد الافتتاح تقدر تحط أمر بالسعر الي تبغيه 9 ريال أو 8 ريال أو أي سعر
المصدر : دلالة الاسلامية

غير صحيح
اول يوم يمنع تداول السهم باقل من قيمة الاكتتاب
ثاني يوم الله يسهل عليك وتبيع زي ما تحب

Aisha

21-07-2009, 11:16 PM

جلمود

21-07-2009, 11:25 PM

اتمنى التوفيق لملاك السهم والله يرزقكم بأذن الله وان شاء الله بربح بتبيعون السهم .....أمين يارب

واقول حق الي ماكتتب ويبي يصيد السهم باقل الأسعار ويدعي ويألف ان السهم أقل من سعر الأكتتاب

اقوله خاف الله في ناس ماخذين تمويل ويدهم على قلوبهم وعليهم التزامات ......الله يعينهم ويوفقهم ان شاء الله

واقوله خلك انت مكانهم وشوف ويش بتسوي ................... الله كريم ،،الله كريم ،، الله كريم

صدقت ياخوي الله يعينهم بربح يطيب خاطرهم ويف كربهم

أنا عن نفسي ماكتتبت وكنت افكر أشتري أقل من سعر الاكتتاب بالسوق

ولكن أشوف ناس وايد ماخذين تمويل وقول عسي الله يوفقهم :discuss:

مايمدح السوق

21-07-2009, 11:29 PM

ليش التدمير النفسي اقل من عشرة هذي شركة اتصالات مب دكان:(

رجل الجزيرة

22-07-2009, 09:25 AM

علشان الأسهم أصلا نازلة، فمن المعقول إن السعر يكون ب 10 ريال بس إصبر شوي مثل كيوتل فوق 100 الريال.

اسعاف

24-07-2009, 12:12 AM

غريب الحال

24-07-2009, 12:16 AM

الأن قرب سعر فوفو من سعر الأكتتاب

فهل صانع اسهم سوف يوقف الهبوط ام يتركه للمضاربين المحترفين

السيناريوا الي ذكره بعض الأخوان نفسه آتوقع سيحدث

وهو استمرار الهبوط ثم التشبع بالشراء لدى المحافظ

ثم انطلاق السهم مرة واحدة ومن ثم يهوى مة اخرى الى سابق عهده

يعطيك العافيه اخوي اسعاف

بصراحه اخوي اختلف معاك

بعد تداول اليوم

عندي احساس بان المضاربين صبروا كثير على سهم فودا فون

واعتبارا من الاحد او الاثنين بالكثير

سيبدء الاحتراف من المضاربين في فودا فون

مجرد رائي يقبل الخطا والصواب

والله اعلم

موفق اخوي من الله والجميع

مستثمر 999

24-07-2009, 12:28 AM

جزاك الله الف خير اخوي اسعاف
انا مثلك قهرني هالتصرف

وقلت اكيد هذي مكيده من دلاله فقط او تصرف شخصي معاي انا فقط

وحاولت اوصل المعلومه لاكثر من شخص ولكن للأسف الكل استنكر وعلى لسانه

تبينا نصدقك ونكذب الواقع ........مستحيل

ولكن اخوي اسعاف للاسف المكان غلط اقصد المنتدى

من يسمع

==©==

24-07-2009, 12:49 AM

ارجو من الادارة ان تغلق الموضوع بسبب

انه يوجد نظام داخلي يحكم الادراج

وارى ان هذا الموضوع لا يفيد بشي

وارجو قبل ان نثير يا موضوع اخر نتقراء القوانين

لادعي للتشكيك في كل شي

miss-qatr

24-07-2009, 08:59 AM

صبحت على قراءه توقعاتكم عن فودافون وانهيتها بتساؤلات

يعني الحين الواحد يستغل الفرصه ويبيع ولا ينتظر !!!

ما أقدر على الكلام الكثير أصدع

إذا أمكن ...

× الجــوري ×

24-07-2009, 11:18 AM

انه من الناس الي ما اكتتبت فيه لكثرة الاقاويل
وبعد الاكتتاب صار الامر عادي وحللوه فشريت فيه على اسعار متفاوته
واخرها 10.70 :( فهل في مجال ينزل تحت العشر :omen2:

محمد بن حمد

24-07-2009, 05:30 PM

شاعر المليون

24-07-2009, 05:41 PM

غير صحيح
اول يوم يمنع تداول السهم باقل من قيمة الاكتتاب
ثاني يوم الله يسهل عليك وتبيع زي ما تحب

ايش الغير صحيح

أنا أقصد أو يوم ادراج بعد الافتتاح ب ثواني تقدر تحط طلب شراء تحت 10 ريال وأنت تقول ثاني يوم أكيد تقدر تشتري اذا انعرض بأقل من 10.

المفترض قبل ماتكذب أحد تقرى الموضوع بالأول

BuFaisal

24-07-2009, 05:57 PM

ايش الغير صحيح
أنا أقصد أو يوم ادراج بعد الافتتاح ب ثواني تقدر تحط طلب شراء تحت 10 ريال وأنت تقول ثاني يوم أكيد تقدر تشتري اذا انعرض بأقل من 10.
المفترض قبل ماتكذب أحد تقرى الموضوع بالأول

قول لا اله الا الله خلنا نمسي على خير :)
من قال انك كذاب هدانا الله وهداك !!
انا وضعت حقيقة وهو ان كلامك السابق غير صحيح ولا علاقة له بكذب او غيره لانك تكتب بناء على معلومه من شخص اخر
وجوابي ما زال قائم وهو انه باليوم الاول لا يمكنك وضع اي امر تحت 10 ريال سواء بعد افتتاح التداول بثواني او قبل اغلاق السوق بثواني
ولو دخلت للمجموعه لوجدت ان الداون لمت كان 10 ريال لفودا فون لاول يوم تداول ولا يمكن وضع اقل من ذلك

اتمنى ان يكون ردي واضحا اخي ولا يوجد من نكذبه لا سمح الله

شاعر المليون

24-07-2009, 07:54 PM

قول لا اله الا الله خلنا نمسي على خير :)
من قال انك كذاب هدانا الله وهداك !!
انا وضعت حقيقة وهو ان كلامك السابق غير صحيح ولا علاقة له بكذب او غيره لانك تكتب بناء على معلومه من شخص اخر
وجوابي ما زال قائم وهو انه باليوم الاول لا يمكنك وضع اي امر تحت 10 ريال سواء بعد افتتاح التداول بثواني او قبل اغلاق السوق بثواني
ولو دخلت للمجموعه لوجدت ان الداون لمت كان 10 ريال لفودا فون لاول يوم تداول ولا يمكن وضع اقل من ذلك

اتمنى ان يكون ردي واضحا اخي ولا يوجد من نكذبه لا سمح الله

كلامك صحيح يالشيخ..........
واسمح لي طال عمرك

BuFaisal

24-07-2009, 08:07 PM

كلامك صحيح يالشيخ..........
واسمح لي طال عمرك

مسموح يا الشيخ والعذر ان تسببنا بأي سوء فهم :)

رويس

25-07-2009, 03:32 AM

ومن طقك على يدك وقال لازم تشتري ؟؟ ياخي اذا نزل اقل من عشر في ناس بيروحون فيها وبالذات اللي شروا بالتمويل 000 ياجماعه فكروا في الاخرين ولاتفكرون بنفسكم بس صج طمع والله يهديكم بس 0

ســـهم

25-07-2009, 03:49 AM

باختصار

اذا انزلت تحت سعر الاكتتاب ... فلن يكتتب احد في اي شركه قادمه

والحين الناس تتكلم عن شركة الصناعات المتوسطه

فالمسأله مهمه للجهات المهتمه في طرح شركات جديده في الايام القادمه .. الا اذا كانو مب ناويين يطرحون شركات مره ثانيه

هناك شركات نزلت تحت سعر الاكتتاب قبل الاكتتاب في فودافون

فهل الجهات الرسميه كانت متحمسه لنجاح اكتتاب فودافون ؟

مادامت السيوله بهذا القدر فتوقع كل شي ...