حبيت اسأل عن الاختلافات بين الكيرف 8900 و البولد 9000

[صاحب صديق]

حبيت اسأل عن الاختلافات بين الكيرف 8900 و البولد 9000

يعني ها في اختلاف من ناحيه البرامج؟ هل كل واحد منهم له برامج غير عن الثانيه

او نفس البرنامج يركب على الجهازين والخلفيات؟

واتمنى الرد ومشكووورين مقدما

[honey_uk]

بالنسبه للبرامج نعم نفسها تركب على الاثنين ... بس فيه عيب شرعي " على الاقل بالنسبه لي انا "

انه مافيه ٣جي اقصد الكيرف ... البولد فيه

وانت اخبر انه سرعه النت الــ ٢ جي بطيئه مقارنة بالـ ٣ جي :) لكن لو بتستعمل الوايرلس ماعتقد تفرق معاك :)

بالنسبه للحجم الكيرف احلى وارتب احسه وملموم اكثر وبطاريته تطول اكثر من البولد

البولد فيه كل شي لكن البطاريه تعبانه يعني على استعمالي انا مسنجر و النت و الايميلات اجرجه مرتين فاليوم بالليل اول ماأنام و طول ما انا جالس بالدوام احطه على الستاند ماله علشان يشحن :)

انشالله اكون فدتك

[صاحب صديق]

^^^

تسلم عل ىالمرور الطيب وعلى ولين الحين انا محتاااار جدا جدا :(

[honey_uk]

انت شكلك مايهمك الــ ثري جي انا اقولك توكل على الله وخذ الكيرف ... يكفي بطاريته تقعد اكثر من البولد :)

شاشتهم الاثنين نفس الشي ترى ... ممم وباقي المواصفات نفس بعض ... " البولد شاشته اكبر بس مواصفاتهم الاثنين نفس الشي كـ جوده الصوره إلخ "

[BURBERRY]

و الله انا مثلك محتار بين البولد و الكيرف :(

و منكم نسفيد

[Um Sultan]

انا بعد بس احلى حق البنات الكيرف ملموم اكثر

[صاحب صديق]

مشكووورين بس بعد لين الحييين محتاااااااااااااااااااار

:(

[The Master]

هنا كم رد في موضوع البلاك بيري وماضن انك بتحتاج اكثر غير انك تزهب فلوسك وتنق احم




عليكم السلام

الشيخ البلاك بيري ستورم touch screen

والبولد كيبورد :)

البلاك بيري ستورم مافيه وايرلس

والبولد فيه وايرلس

كيمرا الستورم احسن من البولد ... الستورم 3.15 MP والبولد 2 MP

البولد اخف شوي من الستورم والكيرف اخف منهم

الاحسن : اخوي ع حسب استخدامك وانت شتفضل اذا تحب touch screen وكيمرا افضل بدون واير لس اخذ الستورم
والعكس اخذ البولد وشوف الكيرف بعد

والفرق بين الكيرف والبولد ال 3G وكيمرا الكيرف احسن من البولد


وكيلهم ستار لينك فيه فرع فالستي سنتر وفيه فالصالون الازرق وفيه في رويال بلازا وفيلاجيو

واي خدمه ثانيه انا حاضره :)

على ما قالوا يعتمد على المستخدم نفسه
وانا باعطيك مواصفات البولد بما انه عندي

-الشاشه كبيره وعجيبه مقارنه ب الكيرف لعرض الفيديو خاصة انها عرضيه يعني مايحتاج تفر التلفون عشان اتشوفه عرض الشاشه كامله
-عندك صوته ماشاء الله عالي وواضح جدا وفيه مخرج سماعه عاديه للمشغلات ال ام بي ثري وفور وغيره
-الكيبورد اعرض من الكيرف والحروف انا في نظري انها اوضح
-خاصية ال 3g موجوده بس في البولد وهو تنفعك في التنزيل من النت لانه يسرع النت

امممم هذي من ناحية مقارنات بين الاثنين
بس في عندي شي لازم تعرفه وودي اقوله للكل اللي يبغون ياخذون البلاك بيري

ترى التلفون ميزته في استقبال الايميل كأنه مسج عادي وترد على المرسلين عن طريق الجوال
وهذي الخدمه لازم تفعلها عن طريق كيوتل وراح تكلفك 150 ريال رسوم تفعيل و125 ريال شهريا ولك 10 ميقابايت في الشهر تنزيل واذا تعديتها يحسبون عليك فلوس
وهم لازم تعرف ان سعر التلفون حول 3000 ريال يعني مش شي هين
وبدون الاشتراك يعتبر تلفون عادي حاله حال اي تلفون مايوصل سعره نص سعره الحين

اممممم هذا رايي وانا قلته لاني مستغرب من العالم اللي تاخذه وتدفع 3000 ريال بس لانه غريب وشكله حلو ولا كيوت(ياعيني على كيوت احم) اما اللي بياخذه عشان مواصفاته وفوايده كا حالتي مثلا(ياروحي علي احم) اي على حله ويستاهله
وفي النهايه مجرد راي يخالفني فيه ناس ويوافقني ناس

واي شي انا حاضر للجميع
واللي بياخذه انا انصحه ياخذه مستعمل لانه ارخص بنص السعر نفس ماسويت(صدق ضرس احم)

طبعا راح اقول لك مزاياه وعيوبه بكل محايده وانا جربت النوكيا والحين استخدم البلاك بيري بولد وراح اقول لك رايي وفي النهايه مجرد رأي

مزايا البلاك بيري بولد

خدمة الايميل وانك تقدر تضيف 10 ايميلات وتجيك على شكل رسائل نصيه وترد عليهم بنفس الطريقه وتفعيلها عن طريق كيوتل ب 125 ريال شهريا
طبعا هالطريقه او هالخاصيه مش موجوده الا في البلاك بيري لكن في المقابل نوكيا عندهم خاصيه استقبال الايميل لكن بنظام ثاني وعن طريق كيوتل وتدفع 30 ريال شهريا
وهي على اللي اعرفه موجوده في e75 وكم نوع غيره
لكن عيبها ان الايميل مايجيك كا رساله وانما لازم تشبك النت وتسوي له تنزيل يعني كل شوي تشيك عشان تعرف اذا جاك ايميل

هذي بالنسبه للمقارنه بين افضل خدمه يتميز فيها البلاك بيري

عندك وضوح الشاشه ماشاء الله ماعليها اي غبار ونسبه السطوع ممتازه
غير النوكيا اللي ماعمرهم نزلوا تلفون تكون شاشته واضحه والسطوع يكون جيد وتقدر تحكم بين النوكيا والسوني اريكسون!

الكيبورد كامل والعربي ممتاز لدرجه ماتتصورها واقول لك ميزه في الجهاز انه فيه خاصيه التنبؤ يعني يتوقع الكلمه اللي بتكتبها حتى ولو بالعربي ولما تكتب كلمه عربيه بس من لهجتنا مره ومرتين راح تلاحظ ان لما تكتب اول حرف او حرفين يتوقعها ويحطها لك
وخاصيه الspelling check اذا تبغي تطرش ايميل يصحح لك الكلمات اول باول
ومش في الايميل وبس حتى لما تطرش مسج عادي يصحح لك طبعا بس بالانجليزي ومايندرى مستقبلا بيكون بالعربي عاد الله يعينهم على لهجتنا احم
اما النوكيا فيه نظام التنبؤ لكن بنظام عادي جدا واغلب الاحيان غلط وصعب الاستخدام
وتقدر تحكم بالتجربه في جوالك النوكيا

عندك النظام طبعا واللي محد يقدر يجادل فيه ان النوكيا اسهل الانظمه مش لانه سهل وانما الناس متعوده عليه فا السالفه كلها تعتمد على التعود
لكن لازم تعرف ان نظام البلاك بيري من اسرع الانظمه وسهل ومثل ماقلت هو نظام جديد فا يبغي لك تتعبث فيه عشان تكون متعود عليه
واهم نصيحه لك لما تستخدم البلاك بيري لا تقارن طريقه الاستخدام مع النوكيا لان هذا شي وذاك شي ثاني وهذي المشكله اللي خلت الناس تذم البلاك بيري وهو سرعه الحكم بسوء الاستخدام(ياعيني على الحكمه)احم

الميديا بلاير لعرض الفيديو والصور والصوتيات
في البلاك بيري طبعا الشاشه كبيره وعريضه وتعجبك لعرض الفيديو وبوضوح وعندك لعرض الصوتيات ماشا ءالله الصوت عالي وواضح جدا وماراح تندم من ناحيه الصوت ولا العرض
والصور جيد ماقول لك ممتاز لكن جيد
في النوكيا طبعا ماشاء الله من افضل التلفونات لعرض الفيديو والصوت لكن اشوف البلاك بيري ينافسه

والبطاريه ماشاء الله ممتازه مقارنه بنوكيا اللي عمرهم ماصنعوا بطاريه عدله

وسالفه انه يهنق انسى اما النوكيا فا حدث ولا حرج


الحين عيوب البلاك بيري
وهنا اتوقع اللي يهم الكل

خاصيه البلوتوث في البلاك بيري غير
اذا تبغي ترسل لحد لازم تكون ضايفه عندك في اللسته
واذا بتستقبل لازم تشغل خاصيه استقبال وهذي تكون يدويه يعني اذا بتستقبل لازم تشغل الخاصيه وتطفى بعد فتره يعني اذا حد بيطرش لك لازم يقول لك اني باطرش لك عشان تشغل الخاصيه وانوقع انها حركه حمايه
لكن اذا مثلا شبكت الجوال مع السبيكر في السياره فا هنا مافي مشكله هو لحاله يشبك مع السبيكر فا هذي شي طيب

في البولد خاصيه ال 3G
لكن المشكله لما انت مثل حالتي وساكن في شمال قطر بعيد عن الدوحه ومايوصلك ال 3G عدل فا اي واحد بيتصل فيك اول ماتكلمه راح يقطع معاك او بيكون مغلق
والحل انك تحول الجوال الى 2G من الضبط في الجوال فا هنا انحلت المشكله وراح يكون طبيعي الى ما توصلك الخدمه عاد الله يعينك مع كيوتل وعقبها تقدر تشبك بال 3G

بخصوص يكون آمن ما آمن والله ماعندي فكره ونصيحه استخدم الهيدفون
وعن الكواليتي ومايخترب يعتمد على استخدامك

امممممم هذا اللي في بالي الحين واتمنى اني افدتك
واتمنى لاينقلب الموضوع لتعصب وغيره ويكون بموضوعيه وانحياد

وحاضرين لك اذا بغيت شي ثاني


have fun reading it

[صاحب صديق]

^^^^

مشكور يا غالي وانا لين الحين محتار عشان سالفت ال 3 جي :( هل بتفرق وبالنسبه لسرعه الجهاز داخل

الكيرف او البولد معليييه تعبتكم وياي لكن محتاار والبرامج والخلفيات والثيمات والاكسسوارات كل شئ :(

[AbdullA-Qtr]

انت شكلك مايهمك الــ ثري جي انا اقولك توكل على الله وخذ الكيرف ... يكفي بطاريته تقعد اكثر من البولد :)

شاشتهم الاثنين نفس الشي ترى ... ممم وباقي المواصفات نفس بعض ... " البولد شاشته اكبر بس مواصفاتهم الاثنين نفس الشي كـ جوده الصوره إلخ "


عفوا اخوي شاشه الكيرف اوضح من البولد وادق ..

[AbdullA-Qtr]

^^^^

مشكور يا غالي وانا لين الحين محتار عشان سالفت ال 3 جي :( هل بتفرق وبالنسبه لسرعه الجهاز داخل

الكيرف او البولد معليييه تعبتكم وياي لكن محتاار والبرامج والخلفيات والثيمات والاكسسوارات كل شئ :(


اخوي اذا البولد اسرع من الكيرف في تصفح النت لانه 3جي عكس الكيرف الـ 2 جي

عيب البولد انه يفضي بسرعه فقط


وشيك في موقعهم ان البولد بطاريته اتم 13 ساعه تقريبااا والكيرف 15 ساعه تقريبااا




وشوف شنو الي يصلح لك