يــا مدير ادارة المرور يــا امن الشمال اتقوا الله فينا

[هذلان]

السلام عليكم ورحمه الله و بركاته


الي العميد : محمد بن سعد الخرجي ،، مدير ادارة المرور

الى : مدير مركز شرطه الشمال ،، المحترم

الى : كل من هو مسؤول عن سلامه اهل البلد

اتقوا الله فينا .. مرتادي طريق الشمال كل يوم نشهد اشكال و انواع الموت على هذا الخط

اقل مستويات الامان موجوده حاليا على طريق الشمال مع وجود التحويلات و مع وجود كم الشاحنات وما ادراك ما الشاحنات .

للاسف لو قارنت كيفيه قياده اصحاب الشاحنات و تصرفاتهم في انحاء البلاد لكتشفت بان الشاحنات عند وصولها خط الشمال
تعتبر بان المهرجان قد بداء فتشاهد جميع انواع المخالفات من السرعه الزائده ،، و من التجاوز الشاحنات بعضها البعض ،، بدون انوار خلفيه

اغالب الشاحنات (النشال) وهو يمشي يشخل عليك في الشارع انواع التراب و الكنكري والحصا

التناكر تشوفها تسقي الازفلت من الماء المنهدر من التنكر و الاخوان ساكني المناطق الشماليه انا على يقين بانهم يعلمون عن ماذا اتكلم.

و احقاقا للحق الخويا بشكل دوري متواجدين في اوقات متاكره من الليل كنقاط ثبوت. ولكن لايكفي.

اما بالنسبه لشرطه الشمال ان شاءالله اني ما اظلمهم اذا قلت نايمين في العسل .









اليكم نبذه عن الخطر الذي تسببه الشاحنات على خط الشمال

كم يبلغ وزن باب هذا النشال .. لو وقع في الشارع ماهو مصير السياره في الخلف ؟

لماذا لم يوقف الشاحنه على جانب الخط و يطلب المساعده ؟؟ لماذا لا يقوم بفك الباب بالكامل ثم يواصل طريقه ؟؟ مالذي يجعله يواصل طريقه وهو يعلم بان الباب في اي لحضه سيسقط ؟

الجواب : من امن العقوبه اساء الادب

http://u1.imgupload.co.uk/1248130800/8fe4____________.jpg


اما هنا فهو الخطر الحقيقي .. هذه القطعه من الفولاذ الصلب يبلغ طولها متر او اكثر بقليل يستخدمها اصحاب التريلات (السطحه) لتسند الحموله و توضع على اطراف الشاحنه حول الحموله، بعد ان يفرغ صاحب الشاحنه حمولته من المفترض ان يقوم بازاله هذه الاعمده و وضعها في مكان امن في الشاحنه كي لاتسقط ولكن بعض السائقين يتركها معلقه و مع المطبات تسقط في الشارع . والله في الليل اذا سقطت بانها تحدث شرار في الشارع . شيء شاهدته اكثر من مره.
الخطر في هذه الحديده بانه في حال قام بدهسها شخص مباشرتا ينفجر الاطار .. (ابن جارنا vxr انفجر عنده ٣ تواير من حديده وحده مثل الي في الصوره ولكن الله ستر) كم حادث حصل و السبب هذه الحديده و الناس تضن بانه انفجار للاطار بشكل عرضي !!

http://u1.imgupload.co.uk/1248130800/44fd_____.jpg


وهنا بشكل اقرب



http://u1.imgupload.co.uk/1248130800/53e7____________.jpg


للاسف صار هذا المنظر شبه يومي على خط الشمال .. اسئل الله له السلامه


http://u1.imgupload.co.uk/1248130800/a74b_______.jpg


في الختام وضعت هذا الموضوع لغرض واحد الا وهو محاوله لفت انتباه المسؤلين عن سلامه السائقين في الشوارع لا لغرض النقد

فاتمنى من الله و من اخوانا رجال المرور و خصوصا مركز شرطه الشمال بان يبذلو مايستطيعون لردع التجاوزات و ابعاد كل ماهو خطر يهدد سلامه السائقين


فيكاد لا يخلو منزل من قصه اليمه او وفاه على خط الشمال


اسئل الله العلي القدير ان يكتب السلامه لكل من يسير على تراب هذا البلد الامن

[حقيقه]

الله يحفظ الجميع

[هام السحاب]

بارك الله فيك
يرفع للأخ جاجاسم

[فاضي عمل]

من اسبوع تريلا مقلوبه الله يكافينا الشر والله الواحد يستغرب شلون منقلبه

في باثفندر مدعوم من اسبوع بعد تقريبا

اليوم الصبح باص مادري شداعم على الساعه 11 تقريبا والله كل يوم امر والقى العجب

الله يكافينا الشر

[لولوتي]

ان شاء الله المسؤولين، يقدرون مدى خطورة هذا الشارع، والتي إزدادت بعد اغلاق جزء كبير من الشارع، والبديل شارع لا يمت للمدنية بصلة :eek5: شارع في منتهى الخطورة، وكأن المقصود (( تعالوا موتوا )) عسى الله يحفظ الجميع، ألم يكن بالإمكان انشاء طريق بديل افضل من هذا ؟؟؟ هل تنقص الجهات المسؤولة معدات لأنشاء طريق بديل أقل خطورة ؟ وإن كان مؤقتاً !!! فالمؤقت الى متى الله أعلم :rolleyes2:

لست من سكان تلك المنطقة بل أختي، وقد زرتها من مدة وتفاجأت بذلك الطريق ذو المئة انحناءة، مساءاً، ورأيت ما يمنعني من استخدام ذلك الطريق بشكل نهائي (( انتحااااار )):weeping:

اما الشاحنات :rolleyes2::weeping:

[رجل تعليم]

شكرا على النداء الواجب



السياقة أخلاق قبل أن تكون مهنة أو ضرورة حياتية


من لا يتحلى بثقافة التسامح والأخلاق على الطريق يستحق ألا يستعملها كمرفق عام له أدبياته

دعوة إذن لنتحلى بالسلوك الحسن


الحياة أمانة ........... لنحافظ عليها

[Qa10]

اليوم الساعة 10 فالليل بين الإشارات اللي بعد إشارة الجامعة والدوار فالخليج الغربي قطعة لوح كبر الأرصفة اللي يحطونها أشغال فنص الطريق وشكلها صبية لو دعمتها تنعدم

وهذي منطقة حيوية

شاطرين يخالفون العالم فالمواقف <<<< توه راكب السيارة يقول سبحان الذي سخر لنا هذا <<<< مخالفة ربط حزام ! ( حدث وفي مواقف اللاند مارك الأرضية )

[طريق سلوى]

طريق الشمال هو الجزء الثاني
طبعا الكل يعرف الجزء الاول وهو طريق سلوى الي راح فيه اسر قطرية وشباب في عمر الزهور
والسبب النووووووووووووووووم العميق للجهات الرقابية على المشروع

[وليف قطر]

اللي يصير في خط الشمال .. مب واحد في الميه من اللي على خط بوسمره

لازم قانون صارم لمثل هالأمور .. مثل ما كل يوم فيه قوانين جديده حق الشباب ومشاكلهم

يعطونا اسبوع من وقتهم حق الشاحنات ..



لاهنت ياخوي وجزاك الله خير ع الطرح القيم



/

[_بوشهاب_]

مره وانا راد من االخريطيات الساعه الساعه 12:30 المسا في دراجه الا اشوف قدامي شاحنتين يستابقون بغيت ازرق من بينهم وخفت لا انفعص من بينهم غير ان الشارع رايح فيها مسابق بين الشاحنات الله ستر

[المستحيله]

خط الشمال وماادراك ماخط الشمال انا كرهه الطلعه للدوام والسبب خط الشمال بما ان احنا من سكان الخريطيات ونطلع على خط الشمال اعوذ بالله من التريلات الله ياخذهم الليله الساعه 10 فليل هادينهم هد وعلى خط الشمال من محطه طيبه حتي الجسر مب سباق لا مارثون الجري من كثر رشاقة التريلات كل وحده تتجاوز اختها وادق لها هرن ولا تماشيها ودق سوالف واللي من قهرها منهم تحاول تصف جنبهم من كبر الخط ثلاث تريلات جنب بعض !!!! والمشكله الثالث يحاول بكل الطرق من قبل المحطه بفترة لين خط الشمال والتريلات وراء بعض وسباق وين الشرطه مافي سيارات تتابعهم ولا الرعب كل يوم الصبح معناه بكل ماتحمل الكلمه ماتقدر تطلع ماتجي الساعه 8 كانك قايل لهم حي على الجهاد الموت ولا غير الموت في سبيل الله يركضون ركض يالواحد يطلع من الساعه 7 ولا يجلس بيته لين 8 ونص ولا 9 ويطلع لدوام معقوله هالامر



في داخلي قهر غير طبيعي من الشاحنات على خط الشمال وبذات المعارض اللي معروضه في الهواء الطلق مب محصلين لهم معارض بلاش ارض فضاء على كيف كيفهم وكل واحد صاف وجالس متي بنشوف الخط فاضي مافيه تريلات مب مشكلتنا كل واحد قال لازم عندي تريله ويوم طاحوا بكبده راح وصفهم لنا على خط الشمال وبذات المساحه اللي قبل وبعد محطه طيبه




يامرور واللي يرحم والديكم شوفوا لنا حل ياعالم شوفوا لنا حل صرنا نخاف على عيالنا وهم يطلعون للمدارس الصباح مع الدريوليه ارحمو من في الارض يرحمكم من في السماء

[كيفـي]

جزاك الله خير..

ووين قانون المرور عنهم.. والا شاطر يجمع فلوس المخالفات..!!

الشاحنات ماخذه راحتها.. لارادع ولا شيء..

في ابوظبي يمشون بجنب الحيط على قولتهم .. طبعاً من الخوف..

وبقطر يمشي كالملك واثق الخطوة.. والمصيبة الا معتدي على حرمة الطريق..

والله يحفظكم ويحفظنا ويحفظ جميع المسلمين يارب..

[bu 3li]

لا حياة لمن تنادي .. لو خط الشمال هو الشارع اللي يداومون عليه المسؤولين
جان شفتوه متروس ورد ونخل على اطرافه .. بس للأسف دام مايضرهم شي
بيكون اخر اهتماماتهم خط الشمال .. يعني حتى التحويلات نشوفها خشنه
منحنيات قويه والشوارع نازله ومرتفعه وغير القار اللي مشلخ ومحفر ويكسر السياره
بالله عليكم الواحد شيسوي على شارع مثل ذي ؟؟
واذا كان فيه شاحنات شايله كباين فوقها .. الشرطي يصك الشارع بكبره ومانوصل بيوتنا الا عالمغرب

[وتبقى الدنيا حلوه]

مره وانا راد من االخريطيات الساعه الساعه 12:30 المسا في دراجه الا اشوف قدامي شاحنتين يستابقون بغيت ازرق من بينهم وخفت لا انفعص من بينهم غير ان الشارع رايح فيها مسابق بين الشاحنات الله ستر

بل صج ملاعيين

[براتزية برازيلية]

اسئل الله السلامه

[لاميزون]

شكرا لك على الموضوع الجميل ، الله يحفظنا جميعا

[الحوت-141]

الله يستر "خط الموت"

[Miss]

و الاخوان ساكني المناطق الشماليه انا على يقين بانهم يعلمون عن ماذا اتكلم.


[SIZE="5"]اسئل الله العلي القدير ان يكتب السلامه لكل من يسير على تراب هذا البلد الامن


اسألني عن هالشاارع :weeping: اخوانا راحوا على هالشارع ولا حد همه .. تيتموا عيال وامهات انفجعوا بعيالهم وخوات ضاعوا بموتت ابهاتهم واخوانهم وخبر خير عند المسؤلين يقولون كله من السرعه :eek5: شايب في الستين تتوقعون يسوق 140 مثلا ؟!!كله واحد عندهم
اتوقع انك ما تعمقت في الشارع ووصلت للمناطق الشماليه اللي داخل ولا كان شفت العجب العجاب :weeping:
لو انه واحد من المسؤلين ساكن في الشمال كان عدلوا الشارع وضبطوه
اما شرطة الشمال حدث ولا حرج :secret: الظهر خايفين تصقعهم الشمس :rolleyes2:
لكن لنا الله :(

[الفا برافو]

كل ما اروح ام عبيريه اقول عسى الله يوصلنا ويردنا بالسلامه.. وهذي بس الى ام عبيريه وهي حذفة حصاة من الدوحه ومع ذلك احاسب حق هالشاحنات الف حساب... لانه مايعوق الواحد منهم يتجاوز الثاني ولهو معبر باللي في الشارع .. والملاحظه انه كل اللي يخالفون هم تقريبا من جنسيه وحده وكلكم تعرفونهم ناس همج ... من يوم ماستلموا الشاحنات والفوضى صايره.. لا حسيب ولا رقيب..

[skyjacker]

بلد ماشاء الله غني بالبترول والغاز الله لايغير علينا

ماعندنا خط هاااااي ويه على قولتهم مثل الناس

والله قويه .. وخط سلوى شغالين فيه سنتين واعتقد يبيله سنتين بعد

وخط دخاان الله العالم متى بيخلصونه لا وكلما خلصوا مشروع طرق ردوا يحفروونه مره ثانيه ههههههههههه

لاحول ولاقوه الا بالله

[h a m a d]

الله يحفظ الجميع يارب

[الدوحه%]

خط الشمال ... الامان معدوم

تحصل حفر عميقه اذا طاحت السياره فيها ماتبين وحاطين دار ماداره خيط:eek5: يعني

الخيط بيمنع سقوط السيارات فيها ...:confused:

انتو تتكلمون عن الخريطيات تعالو شوفو قبل الخريطيات...!!! لاكن الله يصبرنا عليهم انا اقول

راح الكثير ومابقى الا القليل ان شالله...وبخصوص الحوادث حدث بلا حرج ...وكل من

الشاحنات الكبيره ...الله يرحم الي في بالي ان شالله ويسكنهم فسيح جناته :weeping:

ويشفي الباقي يارب ..

انا مقاطعه الطلعه لي فتره بسبب الشوارع :( (اول مدلعه نفسي قهوه الضحى عند الوالده

والعصر مسيره بيت اخوي عقب المغرب عند اليده ...:discuss:الحين منثبره في البيت

من الي شفته :secret:

في الاخر اتمنى بس حد يقول لي متى بيخلص خط الشمال :confused:لان طولو وايد

والمكان عفيسه:rolleyes2:

[فويرط]

جزاك الله خير على الموضوع

والى من يهمه الامر في هذا الموضوع

[راعي ال VXR]

الجمعه اللي طافت قلت اطلع الغاريه مع الاهل ....والله وصلت الخور ما كملت قلت السيلين ابرك ....

[غناتي1]

اسئل الله العلي القدير ان يكتب السلامه لكل من يسير على تراب هذا البلد الامن

[راعي ال VXR]

اللهم امين يارب العالمين ............

[ولد الشحانية]

99%الحوداث عندنا عدم الانتباه والسرعه

يعني التحويلات مالها دخل

[كذا]

اتمنى يوصل النداء

وصدقني بعد لازم علينا نستحمل شوي عشان يصلحون الطريق ويكون من أفضل الطرق في قطر

ولكن انا معك واضم صوتي لصوتك يجب ان تكون هناك رقابة وأمن وأمان على هذا الطريق الشنيع الذي تسبب في وفاة الكثير من الشباب والأسر

والله يوفق الجميع لعمل الخير

[المتضرعه لله]

ولا ينسوووون المتشابقين بالجيات اي والله

طيارات مب سيارات

ياناس كثروا من الرادارات المتحركه قبل فوات الاوان

نطلع وارواحنا بيدنا

[راعي البيرق]

والله العظيم خوفي انا بس على اهل البيت اللي الشارع ملاصق لسور بيتهم في فريج النعيم وانت رايح للخيسة
شدعوه مابينهم غير اقل من 3 متر حاطين فيها صبيات بلفيت انها بترد الشاحنات لا قدر الله وراحت صوبهم فلت
بسبب ارهاق ما اوخلل فني والله اني كل ما امر هناك ادعي ربي انه ينجيهم من كل سوء وشر

[هذلان]

اشكر كل من شارك في الموضوع بلا استثناء..




ان شاء الله المسؤولين، يقدرون مدى خطورة هذا الشارع، والتي إزدادت بعد اغلاق جزء كبير من الشارع، والبديل شارع لا يمت للمدنية بصلة :eek5: شارع في منتهى الخطورة، وكأن المقصود (( تعالوا موتوا )) عسى الله يحفظ الجميع، ألم يكن بالإمكان انشاء طريق بديل افضل من هذا ؟؟؟ هل تنقص الجهات المسؤولة معدات لأنشاء طريق بديل أقل خطورة ؟ وإن كان مؤقتاً !!! فالمؤقت الى متى الله أعلم :rolleyes2:
لست من سكان تلك المنطقة بل أختي، وقد زرتها من مدة وتفاجأت بذلك الطريق ذو المئة انحناءة، مساءاً، ورأيت ما يمنعني من استخدام ذلك الطريق بشكل نهائي (( انتحااااار )):weeping:
اما الشاحنات :rolleyes2::weeping:

اكيد فيه مجال يسوون شارع بديل افضل .. ولكن راح يكون مؤقت وهذا يعني جوده اقل .. نتقبل هذا الامو و نحن على اتم استعداد للتعاون و مسانده النهضه في البلد ولكن قله الرقابه من الشرطه و رجال المرور و التهاون الذي سبب هذه الفوضى و تمادي اصحاب الشاحنات .. ما الحل هنا ؟



شكرا على النداء الواجب
السياقة أخلاق قبل أن تكون مهنة أو ضرورة حياتية
من لا يتحلى بثقافة التسامح والأخلاق على الطريق يستحق ألا يستعملها كمرفق عام له أدبياته
دعوة إذن لنتحلى بالسلوك الحسن
الحياة أمانة ........... لنحافظ عليها

التريلات خلو فيها اخلاق ؟


اليوم الساعة 10 فالليل بين الإشارات اللي بعد إشارة الجامعة والدوار فالخليج الغربي قطعة لوح كبر الأرصفة اللي يحطونها أشغال فنص الطريق وشكلها صبية لو دعمتها تنعدم
وهذي منطقة حيوية
شاطرين يخالفون العالم فالمواقف <<<< توه راكب السيارة يقول سبحان الذي سخر لنا هذا <<<< مخالفة ربط حزام ! ( حدث وفي مواقف اللاند مارك الأرضية )

في هذه الحاله لازت تحاول تشيل الي في الشارع (اماطه الاذى عن الطريق من شعب الايمان) ولكن الحذر الحذر والله شفت الموت يوم جيت اشيل الحديده الي في الصوره الثانيه .. ركنت سيارتي على جنب الخد و اخترت الوقت المناسب الي يكون فيه فرصه بين السيارات عشان ارفع الحديده .. الي صار التريلات شافوني داش الشاره و ابي اشيل شي من الشارع قامو يمسكون بريكات و صارت فوضى و لولا ستر رب العالمين كان بيصير حادث كبير و السبب انهم خافو من الي في الشارع مع ان التريلات الي قبل كانت تدوسه

اذا ماقدرت اتصل اقرب مركز شرطه و بلغهم


خط الشمال وماادراك ماخط الشمال انا كرهه الطلعه للدوام والسبب خط الشمال بما ان احنا من سكان الخريطيات ونطلع على خط الشمال اعوذ بالله من التريلات الله ياخذهم الليله الساعه 10 فليل هادينهم هد وعلى خط الشمال من محطه طيبه حتي الجسر مب سباق لا مارثون الجري من كثر رشاقة التريلات كل وحده تتجاوز اختها وادق لها هرن ولا تماشيها ودق سوالف واللي من قهرها منهم تحاول تصف جنبهم من كبر الخط ثلاث تريلات جنب بعض !!!! والمشكله الثالث يحاول بكل الطرق من قبل المحطه بفترة لين خط الشمال والتريلات وراء بعض وسباق وين الشرطه مافي سيارات تتابعهم ولا الرعب كل يوم الصبح معناه بكل ماتحمل الكلمه ماتقدر تطلع ماتجي الساعه 8 كانك قايل لهم حي على الجهاد الموت ولا غير الموت في سبيل الله يركضون ركض يالواحد يطلع من الساعه 7 ولا يجلس بيته لين 8 ونص ولا 9 ويطلع لدوام معقوله هالامر
في داخلي قهر غير طبيعي من الشاحنات على خط الشمال وبذات المعارض اللي معروضه في الهواء الطلق مب محصلين لهم معارض بلاش ارض فضاء على كيف كيفهم وكل واحد صاف وجالس متي بنشوف الخط فاضي مافيه تريلات مب مشكلتنا كل واحد قال لازم عندي تريله ويوم طاحوا بكبده راح وصفهم لنا على خط الشمال وبذات المساحه اللي قبل وبعد محطه طيبه
يامرور واللي يرحم والديكم شوفوا لنا حل ياعالم شوفوا لنا حل صرنا نخاف على عيالنا وهم يطلعون للمدارس الصباح مع الدريوليه ارحمو من في الارض يرحمكم من في السماء

كل ماذكرتيه اختي صحيح و شي نعيشه بشكل شبه يومي .. قلتها قبل من امن العقوبه اساء الادب


جزاك الله خير..
ووين قانون المرور عنهم.. والا شاطر يجمع فلوس المخالفات..!!
الشاحنات ماخذه راحتها.. لارادع ولا شيء..
في ابوظبي يمشون بجنب الحيط على قولتهم .. طبعاً من الخوف..
وبقطر يمشي كالملك واثق الخطوة.. والمصيبة الا معتدي على حرمة الطريق..
والله يحفظكم ويحفظنا ويحفظ جميع المسلمين يارب..

القانون موجود و ربعا الشرطه يخالفون اشوفهم دايما يخالفون ولكن محتاجين اضعاف اضعاف التشديد الحالي .
بالنسبه لابوظبي انا توني راد من الامارات الاسبوع الي طاف يكفي اني قعدت اسبوع ولا سمعت او شفت اسعاف الا مره وحده . يستحقون الاحترام على طريقتهم في التعامل مع كل من يمشي على الشارع

ولكن هم برافو عليهم و ربعنا فيهم خير ولا يقصرهم اي شي غير التوجيهات و الضوء الاخضر و هذا الي ننتظره منهم.


لا حياة لمن تنادي .. لو خط الشمال هو الشارع اللي يداومون عليه المسؤولين
جان شفتوه متروس ورد ونخل على اطرافه .. بس للأسف دام مايضرهم شي
بيكون اخر اهتماماتهم خط الشمال .. يعني حتى التحويلات نشوفها خشنه
منحنيات قويه والشوارع نازله ومرتفعه وغير القار اللي مشلخ ومحفر ويكسر السياره
بالله عليكم الواحد شيسوي على شارع مثل ذي ؟؟
واذا كان فيه شاحنات شايله كباين فوقها .. الشرطي يصك الشارع بكبره ومانوصل بيوتنا الا عالمغرب

يكفي انا ساكن في الشمال :nice:

فيه عدد كبير من المسؤولين في البلد ساكنين في الشمال و اساسا خط الشمال ما اعتقد فيه قطري مايروح عليه


بلد ماشاء الله غني بالبترول والغاز الله لايغير علينا
ماعندنا خط هاااااي ويه على قولتهم مثل الناس
والله قويه .. وخط سلوى شغالين فيه سنتين واعتقد يبيله سنتين بعد
وخط دخاان الله العالم متى بيخلصونه لا وكلما خلصوا مشروع طرق ردوا يحفروونه مره ثانيه ههههههههههه
لاحول ولاقوه الا بالله

خط سلوى خلصوه من زمان.. اما بخصوص الحفريات امس في الليل ضحكت والله .. احنا بروحنا نمشي على تحويله ههههه لقيتهم مسكرين التحويله و مخلينا نمشي على الحصا لانهم يحفرون شي في التحويله .
هههههههههههههههههه هذي تمارين يخافون اللياقه تروح :nice:


99%الحوداث عندنا عدم الانتباه والسرعه

يعني التحويلات مالها دخل


يمكن في الشحانيه .. عندنا غير :secret:


اتمنى يوصل النداء
وصدقني بعد لازم علينا نستحمل شوي عشان يصلحون الطريق ويكون من أفضل الطرق في قطر
ولكن انا معك واضم صوتي لصوتك يجب ان تكون هناك رقابة وأمن وأمان على هذا الطريق الشنيع الذي تسبب في وفاة الكثير من الشباب والأسر
والله يوفق الجميع لعمل الخير

يوم حطيت الموضوع كنت خايف اني ما اوصل الفكره عدل ولكن لله الحمد بجهودكم وصلت صحيحه .
مافتحت الموضوع عشان اتذمر ابد والله انا و انت و غيرنا كثير عسل على قلوبنا اذا استحملنا عشان تطور البلد مستعدين .. فيه مواقف مايشوفها الا الي ساكن في الشمال ياما شفت ناس تمشي السيد وياما شفت ناس تعابل مع تواير محذفه في الشارع و كثير مواقف ،، ولكن الموت ربعنا الشرطه تاركين الحبل على الغارب هذا الي يقهر . والي ينتج عنه انه صاحب التريله اذا كان ماخذ اللفه العكسيه و يشوفك جاي يطله عادي حتى لو انت مسرع شبيصير .. اكيد انت يالي جاي بتمسك بريك ولا بتنزل حصا ... شبتسوي يعني بتكلم الشرطه قليل من يسويها و ياخر نفسه على سبب مثل هذا ،، بتعصب و بتظرب هرن . بيضحك عليك .... هالشي مايقهر ؟

[هذلان]

والله العظيم خوفي انا بس على اهل البيت اللي الشارع ملاصق لسور بيتهم في فريج النعيم وانت رايح للخيسة
شدعوه مابينهم غير اقل من 3 متر حاطين فيها صبيات بلفيت انها بترد الشاحنات لا قدر الله وراحت صوبهم فلت
بسبب ارهاق ما اوخلل فني والله اني كل ما امر هناك ادعي ربي انه ينجيهم من كل سوء وشر

الله انك صادق .. لاحظت هالشي والله

و على فكره صارت الله يسلمك في الخط الموازي لخط الشمال الي يطلع من محطه طيبه يوم كان فيه تصليحات في الشارع .. سياره دخلت في البيت .. تخيل انت و انت تسوق في الشاره تشوف غرفه نوم صاحب البيت :rolleyes2:

[الوووووعد]

الله يحفظنا ويحفظ المسلمين جميعاً الصراح كل هذي الكلام صحيحا بالنسبة للشاحنات
وبعدين سوائقين الشاحنات يسقون بسرعه غير طبيعيه تقول كنهم في سياره صالون وهذا حصل جدام عيني وكان ودي عند صلاحيات واكتب ارقامهم علشان يتم ابلاغ المرور عليهم

[الوووووعد]

اخوي الله يعطيك العافيه على هذي الموضوع المهم

[بواردي]

ولا تنسى موضوع الاستدارة الخرافية اللي مسوينها في مدخل الخريطيات وام صلال
يعني كانهم مسوين التحويلة ويقولون لك ادعم وخلنا نفتك منك
والله المرور نايميين بالعسل
واشغال بالعسل
وامن الشمال بالعسل
وكلهم الله بالخير

لو واحد من عيال المسؤولين صار له لا سمح الله حادث على هالاستدارات
بيحاسبون الغبي اللي مصمم هالاستدارة اللي مالها داااااااااااااااااااااااااااااااااااعي
نطالب اشغال والمرور بايجاد حل فعلي للمسخرة اللي صايرة في خط الشمال

[بواردي]

الله انك صادق .. لاحظت هالشي والله

و على فكره صارت الله يسلمك في الخط الموازي لخط الشمال الي يطلع من محطه طيبه يوم كان فيه تصليحات في الشارع .. سياره دخلت في البيت .. تخيل انت و انت تسوق في الشاره تشوف غرفه نوم صاحب البيت :rolleyes2:

ويمكن العكس
تكون راقد في غرفة نومك
وشوي تلاقي موتر صافط على يمين التسريحة

[Store]

لا حول ولا قوة الا بالله

[A bin M]

الله يحفظ الجميع

[وحيد المشاعر]

اي والله مشكله انشاء الله يلقون الحل

[فلفل حار]

الله يكافينا الشر ... :(

والله يحفظكم ويحفظنا ويحفظ جميع المسلمين يارب ...