لما وصلت لمنصب المدير قدمت استقالتي وريحت راسي

[عروة]

دخلت مكتبي الصبح رن تلفوني وكان المتكلم ولد عمي وبعد السلام واخذ العلوم قال لي : بيجيك اليوم نسيبي بخصوص الوظيفة الى معلنين عنها اليوم بالجريدة والله الله فيه رديت عليه ان شاء الله خلني اقابله واشوف مؤهلاته واذا له نصيب فيها يصير خير رد علي يصير خير اشلون اقولك نسيبي تقول لي يصير خير ومقابله ومؤهلات افاااا شكلهم الاجانب الى درست عندهم غيروك علينا وسكر التلفون.

بعدها بدقائق رن تلفوني مرة ثانية وهالمرة كان عمي وبدون مقدمات قال لي اشلون توقف قدام نسيب ولدي وترفض توظفه حاولت اشرح له اني للحين مارفضته ولكن الموضوع اني بشوف مؤهلاته وهل هو يصلح للوظيفة او لا لكن للاسف ماعطاني اي فرصة ارد عليه ويوم حاولت اتكلم قال لي : ااااااايه والله وجاء الزمن الى قمتوا ترفعون اصواتكم علينا وسكر التلفون.

بعدها بفترة رن التلفون مرة ثالثة وكان المتصل ابوي وبعد السلام قالها بحسرة يقولون انك مب راضي توظف نسيب ولد عمك فحاولت اشرح له النظام الى عندنا وطريقة التوظيف لكنه ماتقبل الموضوع نهائيا وقال لي شوف الولد يتوظف يعني يتوظف لا تحرجني قدام الجماعة وش يقولون عني وعنك ولا ترويني وجهك بالبيت قبل ماتوظفه وسكر التلفون.

مسكت ورقة وكتبت عنوانها استقالة ووقعتها وطرشتها للسكرتارية علشان يطرشونها للمدير العام وافتك من وجع الراس

ليش الكل يتوقع ان تمشي اموره بالواسطة ؟
وهل الواسطة منتشرة بيننا لدرجة انها ممكن تزعل اقرب الناس لنا؟
واشلون نتصرف لو كنت بين خيارين علاقاتك الاجتماعية ضد مبادئك الى تؤمن فيها ؟

وسلامتكم

[وطن]

الله يكون بعونك اخوي
بعض الناس متوقعين ان اذا حد من اهلهم وصل لمنصب عالي يقدرون يستغلونه ويوظفون كل اللي يبونهم

ع الأقل كنت قلت لهم ان شاء الله خير انا بحاول وبسوي اللي بقدر عليه

يعني كون دبلوماسي معاهم

[خنور]

تصرف غير منطقي المفروض ماتقدم استغالتك تحول الموضوع للمدير العام وهو يتصرف ولا واسطه

ولهم يحزنون لو انا مكانه اتصرف بعين العقل اوافق مبدئيا بقول الطلب واعرض المؤهلات لكى

تأخذ مجراها بالموارد البشريه واللي في القدر يطلعه الملاس .:omg:

[سوق واقف]

بيض الله وجهك يالغالي خير ما فعلت ....ولكن المفروض ما تقدم إستقالتك

نعم أخي الواسطة سبب تأخير الأمة الإسلامية في كل شيء سواء العلمية أو العملية .
مثال بسيط
الأراضي مثلا
واحد يقدم في 2009 ياخذ وواحد مسكين ما عنده واسطه مقدم 2006 للحين ينتظر دوره
هذا هو الفرق ..

أتمنى يكون في تظام الكتروني تابع للدولة وليس المدير أو سكرتير ..
مجرد ما يدخل اسم طالب الأرض خلاص الكمبيوتر أهو الي يختار الأقدمية وبالترتيب ...وباالأرقام..

[لاداعي]

الله يكون في عونك.. :weeping:

[فـــــواز]

والله ما أدري اذا السالفه صدق علي
العموم اذا كانت صدق صدقني انت الخسران كان قابلت الرجال وشفت موهلاته يمكن موهلاته أحسن وافضل من غيره
واذا ماعنده موهلات للوظيفه قوله بشكل دبلوماسي او شف له اي وظيفه تناسبه أذا متوفره

[وتبقى الدنيا حلوه]

الله يعوضك بوظيفه اخير منها

[عروة]

توضيح وشكلي لازم اوضحه في كل موضوع اكتبه المواقف الى اكتبها مب شرط اني اكون تعرضت لها ولكنها قد تكون مواقف سمعتها او شاهدتها او مرت على في اي مكان وتم التنويه بهذا الشيء في التوقيع يعني ركزوا على المواضيع الى في اطارها القصة وشاكر لكم المرور

[الكواري]

الحمدلله انه قدمت استقالته
لأنه غير كفؤ
ولاعنده قوة شخصية
وغير محنك
............ يستقيل احسن

[الزيبق]

شوف اللي سويته غلط في حقك وحق الاداره اللي انت سرت مديرها بقولها لك بكل صراحه انت انسان انهزامي وتخليك عن منصبك يدل على هروبك من اول مطب في الوظيفه يعني انت والله مب قادر اقولها لك بس كان فكرت في طريقه ثانيه الله ايهدك هاي مب اسلوب والله ايكون في عونك الحياه لازم اتكون فيه دبلوماسي واعتقد انك مش متزوج واذا كنت متزوج اكيد مب من زمان

[بنت سيف]

الأخ الفاضل عروة ..

اتفق في أن الواسطة أمر غير مرغوب ..
ولكن ترك الوظيفة .. بسبب ضغوط الأهل .. أمر غير موفق ..

كنت أعمل في وظيفة .. وتوسطت لدي سيدة قريبة لي من الدرجة الأولى في أمر ما يخص توظيف شخص بمؤهلات غير كافية .. فرفضت بحزم .. فغضبت مني وخاصمتني .. وحزنت لموقفها .. ولكن عادت الأمور إلى مجاريها فيما بعد .. وتفهمت هذه السيدة .. أن أمور الواسطة قد تضر أكثر مما تفيد .. الطرفين أنا والمتقدم للوظيفة ..

لو كنت مكانك .. لوضعت حداً .. ولم أتنازل عن مبادئي .. ستكون هناك معاناة مع الأهل .. ولكن سيكون هناك تقبل ..فيما بعد ..

التمسك بما هو صحيح .. هو الحل وليس الهروب من المواجهة .. مع احترامي لتصرفك

تحياتي

بنت سيف

[بدوي]

اعتقد الاستقالة ماتستاهل ولكن بقول لولد عمي وابوه وابوي

ابشروا وفالكم طيب وبقابل الرجال وبشوف مؤهلاته وبستشير اللي معاي في الشغل

اذا كان زين وقبلوه ، بطلع إبياض وجه واذا ماقبلوه اعتقد بيقولون بيض الله وجهك انك حاولت

وببين لهم ان الموافقة من فوق وليست من عندي وانما اللي علي اني أوصي وكل شي بيد الله

واذا انكروا دوري وعذربوا فيني القوي الله ، مالي الا رضا أبوي

وعمي وولده بترضيهم الايام

:)


لكن تأكد :

رضا الناس غاية لاتدرك

[النائب]

أفا عليك نسيب ولد عمك ولا توظفه
يعني وين يروح ولد عمك لو ماتوظف عندك وانت عارف إن الوظائف اللي عند غيرك محجوزه لربعهم و طوائفهم وانت يوم الله جابك لربعك تسير بلعوم بحلقهم . افا عليك اتحدى إنك تحصل على وظيفة مدير او صاحب القصة يحصل على وظيفه نفس وظيفته بدون واسطه .

راجع نفسك ياأخي ولا تسبح عكس التيار .

[usa_market]

و اللة ماينصلح حالنا الا اذا امسكت هالنوعية المناصب المهمة . كيف تصلح امورنا و حنا انحط واحد في مسؤولية مش مؤهل لها ؟

لكن موضوع الاستقالة مرفوض تمامأ , وشجاعة الموقف يجب ان تستمر حتى لو زعل الاقربون لانهم بعد مدة راح يرجعون لصوابهم .

[usa_market]

الأخ الفاضل عروة ..

اتفق في أن الواسطة أمر غير مرغوب ..
ولكن ترك الوظيفة .. بسبب ضغوط الأهل .. أمر غير موفق ..

كنت أعمل في وظيفة .. وتوسطت لدي سيدة قريبة لي من الدرجة الأولى في أمر ما يخص توظيف شخص بمؤهلات غير كافية .. فرفضت بحزم .. فغضبت مني وخاصمتني .. وحزنت لموقفها .. ولكن عادت الأمور إلى مجاريها فيما بعد .. وتفهمت هذه السيدة .. أن أمور الواسطة قد تضر أكثر مما تفيد .. الطرفين أنا والمتقدم للوظيفة ..

لو كنت مكانك .. لوضعت حداً .. ولم أتنازل عن مبادئي .. ستكون هناك معاناة مع الأهل .. ولكن سيكون هناك تقبل ..فيما بعد ..

التمسك بما هو صحيح .. هو الحل وليس الهروب من المواجهة .. مع احترامي لتصرفك

تحياتي

بنت سيف

هذا الصح

[الفا برافو]

انا اشهد انه كلامك في محله
لانه حتى لو انت مهب مدير بيجيك من يبي تتوسط له ولا حق قريب له وكان الامر شي عادي وبياخذ في خاطره عليك انك ماساعدته !!
من تجربتي اقولك وظف الانسان الانسب واللي بيزعل مرده بيرضى..

[usa_market]

اعتقد الاستقالة ماتستاهل ولكن بقول لولد عمي وابوه وابوي

ابشروا وفالكم طيب وبقابل الرجال وبشوف مؤهلاته وبستشير اللي معاي في الشغل

اذا كان زين وقبلوه ، بطلع إبياض وجه واذا ماقبلوه اعتقد بيقولون بيض الله وجهك انك حاولت

وببين لهم ان الموافقة من فوق وليست من عندي وانما اللي علي اني أوصي وكل شي بيد الله

واذا انكروا دوري وعذربوا فيني القوي الله ، مالي الا رضا أبوي

وعمي وولده بترضيهم الايام

:)


لكن تأكد :

رضا الناس غاية لاتدرك

هم بعد صح و دائمأ فية اكثر من حل بس اهم شيء مانسوي شيء يحاسبنا اللة علية و بندفع ثمنة كمجتمع اجلأ او عاجلأ .

[حلا]

حركة ان يستقيل هاي اكبر غلط
لأنه ماشوف 3 اتصالات سبب مقنع للاستقالة؟؟؟؟
اما بخصوص انه يساعد فتوظيف نسيب ولد عمه حلو وشي زين ..!!

[لله الحمد]

والله شأقولك ؟

انا الشخص اللي ما يساعد قرايبه .. ماعتبرة منهم كلش

كل هالمدراء الموجودين .. يساعدون ربعهم

شمعنى انت ؟؟

اخوي خلك اجتماعي وساعد الكل .. اذا كان

عندك استطاعه ..

اما تتمسك لي في المبادئ تراها تعزلك عن

قرايبك وحتى ربعك ..

[المقاول 1]

المسؤوليه امانه وخيانه الامانه جزائها يوم القيامه الندامه

[usa_market]

والله شأقولك ؟

انا الشخص اللي ما يساعد قرايبه .. ماعتبرة منهم كلش

كل هالمدراء الموجودين .. يساعدون ربعهم

شمعنى انت ؟؟

اخوي خلك اجتماعي وساعد الكل .. اذا كان

عندك استطاعه ..

اما تتمسك لي في المبادئ تراها تعزلك عن

قرايبك وحتى ربعك ..

محد قال انة مايساعدة لكن حسب امكانياتة و مؤهلة

[Qa6ar]

رضاء الناس غايه لاتدرك

حاول باللي تقدر عليه واللي يريح ضميرك ولاتخون الامانه اللي وكلت اليك

[الخير كله]

حركات.........
اخاف صج بس

[غناتي1]

يا اخوي الواسطة يتمشي غصبن علينا

سواء رضينا او انرضينا

هذا واقع ما منه مهرب

[عروة]

الله يكون بعونك اخوي
بعض الناس متوقعين ان اذا حد من اهلهم وصل لمنصب عالي يقدرون يستغلونه ويوظفون كل اللي يبونهم

ع الأقل كنت قلت لهم ان شاء الله خير انا بحاول وبسوي اللي بقدر عليه

يعني كون دبلوماسي معاهم

احيانا الدبلوماسية ماتنفع والكل متوقع الكثير من اي شخص يقرب له في منصب والرد جاهز العالم كله ماشي كذا شاكر لك المشاركة


تصرف غير منطقي المفروض ماتقدم استغالتك تحول الموضوع للمدير العام وهو يتصرف ولا واسطه

ولهم يحزنون لو انا مكانه اتصرف بعين العقل اوافق مبدئيا بقول الطلب واعرض المؤهلات لكى

تأخذ مجراها بالموارد البشريه واللي في القدر يطلعه الملاس .:omg:

احيانا رد الفعل مايكون متوقع اخوي خنور والواحد ممكن يضحى بالكثير من الاشياء علشان علاقاته الاجتماعية مع الناس الى حوله فلا تستغرب تصرفات الناس وشاكر لك المشاركة


بيض الله وجهك يالغالي خير ما فعلت ....ولكن المفروض ما تقدم إستقالتك

نعم أخي الواسطة سبب تأخير الأمة الإسلامية في كل شيء سواء العلمية أو العملية .
مثال بسيط
الأراضي مثلا
واحد يقدم في 2009 ياخذ وواحد مسكين ما عنده واسطه مقدم 2006 للحين ينتظر دوره
هذا هو الفرق ..

أتمنى يكون في تظام الكتروني تابع للدولة وليس المدير أو سكرتير ..
مجرد ما يدخل اسم طالب الأرض خلاص الكمبيوتر أهو الي يختار الأقدمية وبالترتيب ...وباالأرقام..

صدقت الواسطة تدش ضمن نطاق الفساد الاداري والله يعين الجميع شاكر لك المشاركة


الله يكون في عونك.. :weeping:

الله يكون في عون جميع الى ينحط بهالموقف بين المطرقة والسندان وشاكر لك المشاركة


والله ما أدري اذا السالفه صدق علي
العموم اذا كانت صدق صدقني انت الخسران كان قابلت الرجال وشفت موهلاته يمكن موهلاته أحسن وافضل من غيره
واذا ماعنده موهلات للوظيفه قوله بشكل دبلوماسي او شف له اي وظيفه تناسبه أذا متوفره

احيانا بعض الناس عندهم المبادىء فوق كل شيء ومن ضمن مبادئهم علاقاتهم مع اهلهم فيكون الحل صعب وقاسي مثل الحل اعلاه شاكر لك المشاركة


الله يعوضك بوظيفه اخير منها

الله يعوض الجميع وشاكر لك المشاركة

[براتزية برازيلية]

الله يعوضك

[Store]

لا تستقيل ولا شي اذا يصلح اوكى بس من بدايتها هالشكل هاي واحد يبي راتب ويروح يقعد في البيت

[بشرى]

استقيل احسنلك تدري ليش؟؟؟
لانك مب قد المكان الي انت فيه ولاتزعل من كلامي لان الانسان لين وصل منصب كبير المسؤولية تكبر والمشاكل تكثر والانسان الي ينحط بهاي المكان لازم يكون له قوه بمواجهة المواقف والصعوبات وبديهة بمعالجة الامور وانت على موقف انحيطت فيه فكرت بالاستقاله والتخلي عن منصبك
خلك موظف عادي احسنلك اذا انت مب قادر اتواجهه الامور واتحلها بدبلوماسيه

[الرميله]

استقيل احسنلك تدري ليش؟؟؟
لانك مب قد المكان الي انت فيه ولاتزعل من كلامي لان الانسان لين وصل منصب كبير المسؤولية تكبر والمشاكل تكثر والانسان الي ينحط بهاي المكان لازم يكون له قوه بمواجهة المواقف والصعوبات وبديهة بمعالجة الامور وانت على موقف انحيطت فيه فكرت بالاستقاله والتخلي عن منصبك
خلك موظف عادي احسنلك اذا انت مب قادر اتواجهه الامور واتحلها بدبلوماسيه

ممتاز
بعد الشخص القيادي يجب ان يواجه
التحديات

[الوووووعد]

الله يكون في العون بس صدقني استعجلت في تقديم الاستقاله
ليش على الاقل حاول في تعينه بطريقها ثانيه لانه اخوي صدقني الكل راح يفهمك
غلط وحرام تخسر وظيفتك والله يكون في عون الجميع

[eXpert*]

دخلت مكتبي الصبح رن تلفوني وكان المتكلم ولد عمي وبعد السلام واخذ العلوم قال لي : بيجيك اليوم نسيبي بخصوص الوظيفة الى معلنين عنها اليوم بالجريدة والله الله فيه رديت عليه ان شاء الله خلني اقابله واشوف مؤهلاته واذا له نصيب فيها يصير خير رد علي يصير خير اشلون اقولك نسيبي تقول لي يصير خير ومقابله ومؤهلات افاااا شكلهم الاجانب الى درست عندهم غيروك علينا وسكر التلفون.

بعدها بدقائق رن تلفوني مرة ثانية وهالمرة كان عمي وبدون مقدمات قال لي اشلون توقف قدام نسيب ولدي وترفض توظفه حاولت اشرح له اني للحين مارفضته ولكن الموضوع اني بشوف مؤهلاته وهل هو يصلح للوظيفة او لا لكن للاسف ماعطاني اي فرصة ارد عليه ويوم حاولت اتكلم قال لي : ااااااايه والله وجاء الزمن الى قمتوا ترفعون اصواتكم علينا وسكر التلفون.

بعدها بفترة رن التلفون مرة ثالثة وكان المتصل ابوي وبعد السلام قالها بحسرة يقولون انك مب راضي توظف نسيب ولد عمك فحاولت اشرح له النظام الى عندنا وطريقة التوظيف لكنه ماتقبل الموضوع نهائيا وقال لي شوف الولد يتوظف يعني يتوظف لا تحرجني قدام الجماعة وش يقولون عني وعنك ولا ترويني وجهك بالبيت قبل ماتوظفه وسكر التلفون.

مسكت ورقة وكتبت عنوانها استقالة ووقعتها وطرشتها للسكرتارية علشان يطرشونها للمدير العام وافتك من وجع الراس

ليش الكل يتوقع ان تمشي اموره بالواسطة ؟
وهل الواسطة منتشرة بيننا لدرجة انها ممكن تزعل اقرب الناس لنا؟
واشلون نتصرف لو كنت بين خيارين علاقاتك الاجتماعية ضد مبادئك الى تؤمن فيها ؟

وسلامتكم


مع الاسف هالكلام صحيح.
وانا كنت اعرف واحد مع الاسف كان في موقف لا يحسد من كثر الناس اللي في المجلس.

شيبان وكبار في السن ،، لا تلومون الواحد اذا توسط لانه ما تعرفون شلون ياكلون وجهه في المجلس.

بس الشره على الناس اللي ما يصدقون على الله يعرفون فلان ولا علان صار مدير لا و ارتزوا عنده .

[كرستال]

توضيح وشكلي لازم اوضحه في كل موضوع اكتبه المواقف الى اكتبها مب شرط اني اكون تعرضت لها ولكنها قد تكون مواقف سمعتها او شاهدتها او مرت على في اي مكان وتم التنويه بهذا الشيء في التوقيع يعني ركزوا على المواضيع الى في اطارها القصة وشاكر لكم المرور


الله يهدينا ويهديك

كان كتبت ان الموضوع من عندك وموانت صاحب الموضوع في البداية

عشان الواحد على الاقل لا يحسدك
ويدور مكانك ويقدم على وظيفتك الي انت مستقيل منها

:)

[بنـ الدحيل ـت]

انني استغرب من البعض

عندما أطالب بحقي في السكن

قالوا : عندج واسطة ..؟

هل هذا حل ..؟

واين تذهب لتطالب بحقها ..؟؟

لا حول ولا قوة إلا بالله

[لله الحمد]

محد قال انة مايساعدة لكن حسب امكانياتة و مؤهلة



اي طيب .. اوكي ساعده على حسب امكانياته

مب مشكلة ..

وتوسط له ..

وبيض الويه .. ياخوي

[السعدي999]

دخلت مكتبي الصبح رن تلفوني وكان المتكلم ولد عمي وبعد السلام واخذ العلوم قال لي : بيجيك اليوم نسيبي بخصوص الوظيفة الى معلنين عنها اليوم بالجريدة والله الله فيه رديت عليه ان شاء الله خلني اقابله واشوف مؤهلاته واذا له نصيب فيها يصير خير رد علي يصير خير اشلون اقولك نسيبي تقول لي يصير خير ومقابله ومؤهلات افاااا شكلهم الاجانب الى درست عندهم غيروك علينا وسكر التلفون.

بعدها بدقائق رن تلفوني مرة ثانية وهالمرة كان عمي وبدون مقدمات قال لي اشلون توقف قدام نسيب ولدي وترفض توظفه حاولت اشرح له اني للحين مارفضته ولكن الموضوع اني بشوف مؤهلاته وهل هو يصلح للوظيفة او لا لكن للاسف ماعطاني اي فرصة ارد عليه ويوم حاولت اتكلم قال لي : ااااااايه والله وجاء الزمن الى قمتوا ترفعون اصواتكم علينا وسكر التلفون.

بعدها بفترة رن التلفون مرة ثالثة وكان المتصل ابوي وبعد السلام قالها بحسرة يقولون انك مب راضي توظف نسيب ولد عمك فحاولت اشرح له النظام الى عندنا وطريقة التوظيف لكنه ماتقبل الموضوع نهائيا وقال لي شوف الولد يتوظف يعني يتوظف لا تحرجني قدام الجماعة وش يقولون عني وعنك ولا ترويني وجهك بالبيت قبل ماتوظفه وسكر التلفون.

مسكت ورقة وكتبت عنوانها استقالة ووقعتها وطرشتها للسكرتارية علشان يطرشونها للمدير العام وافتك من وجع الراس

ليش الكل يتوقع ان تمشي اموره بالواسطة ؟
وهل الواسطة منتشرة بيننا لدرجة انها ممكن تزعل اقرب الناس لنا؟
واشلون نتصرف لو كنت بين خيارين علاقاتك الاجتماعية ضد مبادئك الى تؤمن فيها ؟

وسلامتكم
السلام عليكم ورحمة الله

اخي بارك الله فيك

الاولى تعمل المستطاع والمطلوب منك توظيفه حسب مؤهلاته وليس توظفه مدير اداره او رئيس قسم

فهل يفهم من كلامك ان الذي ليس لديه مؤهلات يروح يطر بالشارع اليس توظيفهم اولى لهم وتأهيلهم

الواسطه المذمومه هو ان تمنحه منصب غير كفؤ له او وظيفه لا يستحقها

ومن المعلوم ان كل الادارات فيها التسلسل الوظيفي فالذي ليس له مؤهلات يتم في المراتب الدنيا

ولكن قد يكون لي ملاحظه اسف مقدما لذكرها (( هل تتحرج بكونك مدير اداره وغريبك موظف بسيط ))

[عروة]

الحمدلله انه قدمت استقالته
لأنه غير كفؤ
ولاعنده قوة شخصية
وغير محنك
............ يستقيل احسن

مايصير نناقش اشياء شخصية واحنا مب عارفين الخلفية عنها الموقف يعبر عن قضية والمفروض نهتم فيها بدل ان نقفز على الشخصية الممثلة وشاكر لك المرور


شوف اللي سويته غلط في حقك وحق الاداره اللي انت سرت مديرها بقولها لك بكل صراحه انت انسان انهزامي وتخليك عن منصبك يدل على هروبك من اول مطب في الوظيفه يعني انت والله مب قادر اقولها لك بس كان فكرت في طريقه ثانيه الله ايهدك هاي مب اسلوب والله ايكون في عونك الحياه لازم اتكون فيه دبلوماسي واعتقد انك مش متزوج واذا كنت متزوج اكيد مب من زمان

بقتبس رد كتبته في نفس الموضوع


توضيح وشكلي لازم اوضحه في كل موضوع اكتبه المواقف الى اكتبها مب شرط اني اكون تعرضت لها ولكنها قد تكون مواقف سمعتها او شاهدتها او مرت على في اي مكان وتم التنويه بهذا الشيء في التوقيع يعني ركزوا على المواضيع الى في اطارها القصة وشاكر لكم المرور

ومثل ماقلت في الموضوع احيانا الدبلوماسية ماتفيد علشان تقدر تحافظ على علاقاتك الاجتماعية وفي نفس الوقت ما تخسر مبادئك الى انت مؤمن فيها وشاكر لك المشاركة

[عروة]

الأخ الفاضل عروة ..

اتفق في أن الواسطة أمر غير مرغوب ..
ولكن ترك الوظيفة .. بسبب ضغوط الأهل .. أمر غير موفق ..

كنت أعمل في وظيفة .. وتوسطت لدي سيدة قريبة لي من الدرجة الأولى في أمر ما يخص توظيف شخص بمؤهلات غير كافية .. فرفضت بحزم .. فغضبت مني وخاصمتني .. وحزنت لموقفها .. ولكن عادت الأمور إلى مجاريها فيما بعد .. وتفهمت هذه السيدة .. أن أمور الواسطة قد تضر أكثر مما تفيد .. الطرفين أنا والمتقدم للوظيفة ..

لو كنت مكانك .. لوضعت حداً .. ولم أتنازل عن مبادئي .. ستكون هناك معاناة مع الأهل .. ولكن سيكون هناك تقبل ..فيما بعد ..

التمسك بما هو صحيح .. هو الحل وليس الهروب من المواجهة .. مع احترامي لتصرفك

تحياتي

بنت سيف

احيانا الهروب يكون هو الحل الوحيد علشان ننقذ مبادئنا من الضياع وفي نفس الوقت نحافظ على علاقتنا طيبة مع الى نحبهم وكثرة الضغوطات تولد الانفجار في النهاية فالهروب احيانا افضل الحلول وشاكر لك المشاركة


اعتقد الاستقالة ماتستاهل ولكن بقول لولد عمي وابوه وابوي

ابشروا وفالكم طيب وبقابل الرجال وبشوف مؤهلاته وبستشير اللي معاي في الشغل

اذا كان زين وقبلوه ، بطلع إبياض وجه واذا ماقبلوه اعتقد بيقولون بيض الله وجهك انك حاولت

وببين لهم ان الموافقة من فوق وليست من عندي وانما اللي علي اني أوصي وكل شي بيد الله

واذا انكروا دوري وعذربوا فيني القوي الله ، مالي الا رضا أبوي

وعمي وولده بترضيهم الايام

:)


لكن تأكد :

رضا الناس غاية لاتدرك

شاكر لك المشاركة اخوي بدوي وان كان البعض لا يريد ان يخسر اي انسان حتى ولو لفترة بسيطة ولي موضوع قريب عن رضا الناس الغاية التي لا تدرك

[عروة]

أفا عليك نسيب ولد عمك ولا توظفه
يعني وين يروح ولد عمك لو ماتوظف عندك وانت عارف إن الوظائف اللي عند غيرك محجوزه لربعهم و طوائفهم وانت يوم الله جابك لربعك تسير بلعوم بحلقهم . افا عليك اتحدى إنك تحصل على وظيفة مدير او صاحب القصة يحصل على وظيفه نفس وظيفته بدون واسطه .

راجع نفسك ياأخي ولا تسبح عكس التيار .

تصدق يالنائب اني ضحكت من كل قلبي يوم قريت ردك يمكن لانه كلامك هو السائد بس للحين ترا في ناس عندهم المبادىء غالية ولما تصطدم بعلاقتهم باهلهم يضطرون ان يضحوا بشيء مقابل ان يحتفظوا بالاثنين شاكر لك المشاركة الجميلة اخوي


و اللة ماينصلح حالنا الا اذا امسكت هالنوعية المناصب المهمة . كيف تصلح امورنا و حنا انحط واحد في مسؤولية مش مؤهل لها ؟

لكن موضوع الاستقالة مرفوض تمامأ , وشجاعة الموقف يجب ان تستمر حتى لو زعل الاقربون لانهم بعد مدة راح يرجعون لصوابهم .

احيانا شجاعة الموقف تخسرنا اقرب الناس لنا وحتى لو رضوا بتظل الرواسب موجودة تاكد من هذا الشيء والله يعين وشاكر لك المشاركة


انا اشهد انه كلامك في محله
لانه حتى لو انت مهب مدير بيجيك من يبي تتوسط له ولا حق قريب له وكان الامر شي عادي وبياخذ في خاطره عليك انك ماساعدته !!
من تجربتي اقولك وظف الانسان الانسب واللي بيزعل مرده بيرضى..

معاك يالفا برافو البعض يرضى مع الزمن والبعض بيظل ماد بوزه والبعض بيضحك لك لكن في الاخير بيظل شايل عليك فليش تحط نفسك في هذي الاختبارات الصعبة وشاكر لك المشاركة


حركة ان يستقيل هاي اكبر غلط
لأنه ماشوف 3 اتصالات سبب مقنع للاستقالة؟؟؟؟
اما بخصوص انه يساعد فتوظيف نسيب ولد عمه حلو وشي زين ..!!

ما تعتبرينه شي زين يمكن البعض يعتبره افضلية لشخص على حساب شخص اخر ممكن يكون مؤهل اكثر من الشخص المقصود يعني مسئلة مبادىء واخلاقيات مهنة احيانا ننساها في زحمة المشاعر شاكر لك المشاركة

[عروة]

والله شأقولك ؟

انا الشخص اللي ما يساعد قرايبه .. ماعتبرة منهم كلش

كل هالمدراء الموجودين .. يساعدون ربعهم

شمعنى انت ؟؟

اخوي خلك اجتماعي وساعد الكل .. اذا كان

عندك استطاعه ..

اما تتمسك لي في المبادئ تراها تعزلك عن

قرايبك وحتى ربعك ..

الله يعين ومحد يعرف وين مكتوب له الخير ومن الى بيكون له سند المبادىء والا الناس القراب منه شاكر لك المشاركة اخوي


المسؤوليه امانه وخيانه الامانه جزائها يوم القيامه الندامه

في ناس ماعاد عندها شيء اسمه اخلاقيات وامانه وكل شيء بالواسطة وشاكر لك المشاركة


رضاء الناس غايه لاتدرك

حاول باللي تقدر عليه واللي يريح ضميرك ولاتخون الامانه اللي وكلت اليك

اهم شيء الضمير يكون مرتاح وبنفس الوقت ترضى جميع الاطراف بس المشكلة بيكون على حسابك وشاكر لك المشاركة


حركات.........
اخاف صج بس

شاكر لك المشاركة

[!الشايمه!]

المكالمة الاولى...او اول موقف من هذا النوع..هو الفيصل
في مثل هذه الامور.....

تحدد لهم موقفك....انك توظف المؤهل للوظيفة....وليس تقديم
واسطات..واذعان لحب الخشوم....!

الموقف الاول...ٍيبين لهم انك شخص..ستريت..حقاني

يمكن كثيرين من الناس....يكرهون الشخص الحقاني...لكن الاكيد
انهم يحترمون موقفه.....

اذا تنازلت من اول مره...وبينت لهم انك قابل للميل...
ماراح تتوقف الطلبات...واليوم ارسلوا لك شخص..مؤهل..
بكره بيرسلون لك..الغير مؤهل....وبدل ان تكون
هذه مجرد خدمات ومجاملة للاهل.......والمعارف

ستصبح...واجب...وشي مفروض عليك.....ولا لك الا الاذعان
والا سينعتونك بكل الصفات......السيئة...وووقتها استحمل
انواع الاهواء الشخصية...والتنازلات التي

سترغم على تقديمها...

الاهم ارضاء الضمير...

<< المخاطبة هنا....لكل صاحب منصب...مستغل..

تحية

[عروة]

يا اخوي الواسطة يتمشي غصبن علينا

سواء رضينا او انرضينا

هذا واقع ما منه مهرب

صعب الواقع يتغير بس بعد صعب المبادىء تتغير وكل واحد يتصرف من هذا الباب ويحاول يطلع له مهرب وشاكر لك المشاركة



الله يعوضك

الله يعوضنا الجميع ان شاء الله وشاكر لك المشاركة


لا تستقيل ولا شي اذا يصلح اوكى بس من بدايتها هالشكل هاي واحد يبي راتب ويروح يقعد في البيت

ناس وايد ياخذون رواتب وقاعدين في بيوتهم والله المستعان وشاكر لك المشاركة


استقيل احسنلك تدري ليش؟؟؟
لانك مب قد المكان الي انت فيه ولاتزعل من كلامي لان الانسان لين وصل منصب كبير المسؤولية تكبر والمشاكل تكثر والانسان الي ينحط بهاي المكان لازم يكون له قوه بمواجهة المواقف والصعوبات وبديهة بمعالجة الامور وانت على موقف انحيطت فيه فكرت بالاستقاله والتخلي عن منصبك
خلك موظف عادي احسنلك اذا انت مب قادر اتواجهه الامور واتحلها بدبلوماسيه

واذا كانت التحديات بتخسرك الناس الى حولك او تبعدك عن اقرب الناس لك وقتها ماتوقع رايك بيكون نفسه وشاكر لك المشاركة


الله يكون في العون بس صدقني استعجلت في تقديم الاستقاله
ليش على الاقل حاول في تعينه بطريقها ثانيه لانه اخوي صدقني الكل راح يفهمك
غلط وحرام تخسر وظيفتك والله يكون في عون الجميع

الله يعين الجميع يالوعد وشاكر لك المشاركة

[عروة]

مع الاسف هالكلام صحيح.
وانا كنت اعرف واحد مع الاسف كان في موقف لا يحسد من كثر الناس اللي في المجلس.

شيبان وكبار في السن ،، لا تلومون الواحد اذا توسط لانه ما تعرفون شلون ياكلون وجهه في المجلس.

بس الشره على الناس اللي ما يصدقون على الله يعرفون فلان ولا علان صار مدير لا و ارتزوا عنده .


وهذي المشكلة شلون ترضي ضميرك وترضي الناس الى يعرفونك ما اتوقع في حل يرضي جميع الاطراف الا انها تشتغل في وظيفة عادية ويكفيك الله شر الضغوطات وشاكر لك المشاركة

[عروة]

الله يهدينا ويهديك

كان كتبت ان الموضوع من عندك وموانت صاحب الموضوع في البداية

عشان الواحد على الاقل لا يحسدك
ويدور مكانك ويقدم على وظيفتك الي انت مستقيل منها

:)

وانا اشوف ليش اموري متغيره من يوم الموضوع وين ماطقها مسكره اذكروا الله ياجماعة الخير وشاكر لك المشاركة الجميلة اخوي

[عروة]

انني استغرب من البعض

عندما أطالب بحقي في السكن

قالوا : عندج واسطة ..؟

هل هذا حل ..؟

واين تذهب لتطالب بحقها ..؟؟

لا حول ولا قوة إلا بالله

لازم نعترف انه الواسطة مرض وللاسف صرنا نقول احنا راضين بالواسطة بس اهم شيء تمشون باقي الناس بالعدل والله يعينك يابنت الدحيل وييسر دربك وشاكر لك المشاركة

[عروة]

السلام عليكم ورحمة الله

اخي بارك الله فيك

الاولى تعمل المستطاع والمطلوب منك توظيفه حسب مؤهلاته وليس توظفه مدير اداره او رئيس قسم

فهل يفهم من كلامك ان الذي ليس لديه مؤهلات يروح يطر بالشارع اليس توظيفهم اولى لهم وتأهيلهم

الواسطه المذمومه هو ان تمنحه منصب غير كفؤ له او وظيفه لا يستحقها

ومن المعلوم ان كل الادارات فيها التسلسل الوظيفي فالذي ليس له مؤهلات يتم في المراتب الدنيا

ولكن قد يكون لي ملاحظه اسف مقدما لذكرها (( هل تتحرج بكونك مدير اداره وغريبك موظف بسيط ))


الموضوع ومافيه اخوي هو الضغوطات الغير طبيعية يعني لو بديت هالموضوع مابتخلص اليوم فلان قريبك وبكرة فلان رفيج قريبك وبعدها فلان رفيج رفيج قريبك يعني لو فتحت الباب مابتقدر تسكره وصدقني الموضوع ابعد من الاحراج الى ذكرته وشاكر لك المشاركة الطيبة اخوي

[عروة]

المكالمة الاولى...او اول موقف من هذا النوع..هو الفيصل
في مثل هذه الامور.....

تحدد لهم موقفك....انك توظف المؤهل للوظيفة....وليس تقديم
واسطات..واذعان لحب الخشوم....!

الموقف الاول...ٍيبين لهم انك شخص..ستريت..حقاني

يمكن كثيرين من الناس....يكرهون الشخص الحقاني...لكن الاكيد
انهم يحترمون موقفه.....

اذا تنازلت من اول مره...وبينت لهم انك قابل للميل...
ماراح تتوقف الطلبات...واليوم ارسلوا لك شخص..مؤهل..
بكره بيرسلون لك..الغير مؤهل....وبدل ان تكون
هذه مجرد خدمات ومجاملة للاهل.......والمعارف

ستصبح...واجب...وشي مفروض عليك.....ولا لك الا الاذعان
والا سينعتونك بكل الصفات......السيئة...وووقتها استحمل
انواع الاهواء الشخصية...والتنازلات التي

سترغم على تقديمها...

الاهم ارضاء الضمير...

<< المخاطبة هنا....لكل صاحب منصب...مستغل..

تحية

وهذا الكلام السليم وماقدر ازيد عليه اي شيء وشاكر لك المشاركة الطيبة

[صمتي حزن]

اي والله الوساطه لها دور ،،،،،لومافي واسطه كان وين لكن تدخل مان اتعين المدير هو وجمعاته ونسباه وعيال عمه في المنصب حتى المندوب والفراش يصيرونله ومايفهون حق الشغل بس سوالف وشاي وقهوه وغيرهم يشتغل ويطلع الشي بساميهم ،،،،والي يشتقلون على الله ،،،ان الله لايضع اجر المحسنين،،

[قطري عصامي]

الله يعينك ، لكن كان من الافضل أنك تتملص من الموضوع بأن تخبرهم ان التوظيف ليس عن طريقك وتبين لهم إنه ليس لك أي كلمه على التوظيف.

صدقني عانيت من نفس قصتك ، إلى أن بينت للجميع أن ليس لي يد في التوظيف ولذا لا يكلمني أحد عن الموضوع لأني لست معني به.


الله يعينك ويعين من سيعيش هذه القصه.

[hxamad]

أنتب بالأول شوفة وعينه على حسب مؤهلاتة وريح نفسك

[عروة]

اي والله الوساطه لها دور ،،،،،لومافي واسطه كان وين لكن تدخل مان اتعين المدير هو وجمعاته ونسباه وعيال عمه في المنصب حتى المندوب والفراش يصيرونله ومايفهون حق الشغل بس سوالف وشاي وقهوه وغيرهم يشتغل ويطلع الشي بساميهم ،،،،والي يشتقلون على الله ،،،ان الله لايضع اجر المحسنين،،

الله يعين شكلها الواسطة بتصير هي القاعدة والكفاة هي الاستثناء شاكر لك المشاركة الطيبة

[عروة]

الله يعينك ، لكن كان من الافضل أنك تتملص من الموضوع بأن تخبرهم ان التوظيف ليس عن طريقك وتبين لهم إنه ليس لك أي كلمه على التوظيف.

صدقني عانيت من نفس قصتك ، إلى أن بينت للجميع أن ليس لي يد في التوظيف ولذا لا يكلمني أحد عن الموضوع لأني لست معني به.


الله يعينك ويعين من سيعيش هذه القصه.

الله يعين الجميع بس هي قدرة الشخص على التملص في ناس يقدرون وفي ناس ينحشرون في زاوية الاحراجات والمجاملات في الاخير كل انسان له قدره على الاستحمال وبعدها لازم ياخذ موقف وشاكر لك المشاركة

[عروة]

أنتب بالأول شوفة وعينه على حسب مؤهلاتة وريح نفسك

شاكر لك المشاركة الطيبة

[واقعي وصريح]

ما عليك من الوسطات وشغل عقلك اذا المتقدم مؤهلاته تناسب الوظيفة لا تقصر معاه

غير جذيه قوله الصراحة ولا تجامل لانك مسؤؤل امام الله وهاي واجبك يا خوي والله يعينك

[ابوسعود]

الاستقاله ..........................غلط واكبر غلط

اما الواسطه شر لابد منه

[برشلوني قطر]

كثر الله من امثالك اخوي...والله يعوضك خير ان شاءالله..

بس انت استعيلت اشوي..كان قابلته وشفت ايش عنده وماعنده...وبعدين تحكم عليه..

مع اني ادري ماقلت شي وطبوو فيك..

الله يعينك ويوفقك

[فابريغاس]

بيض الله وجهه

لاهو اللي خان الأمانه
ولاهو اللي عصى والده

وفي هالموقف اشوف أن الأستقاله افضل حل
ولااوظف واحد مايستاهل هالوظيفه على حساب من يستاهلها

[فلفل حار]

الواسطه شر لا بد منها ...:secret:




الله يكون بعونكـ ...

معوض خيــر يالغالي ... :)

[عروة]

ما عليك من الوسطات وشغل عقلك اذا المتقدم مؤهلاته تناسب الوظيفة لا تقصر معاه

غير جذيه قوله الصراحة ولا تجامل لانك مسؤؤل امام الله وهاي واجبك يا خوي والله يعينك

في ناس ماتحب الصراحة وصعب انك توافق كل مرة ومرة على مرة بتضيع مبادئك وشاكر لك المشاركة

[عروة]

الاستقاله ..........................غلط واكبر غلط

اما الواسطه شر لابد منه

ياكثر الشرور الى لا بد منها يابوسعود واحيانا ناخذ اخر العلاج وهو الكي او الاستقالة وشاكر لك المشاركة

[عروة]

كثر الله من امثالك اخوي...والله يعوضك خير ان شاءالله..

بس انت استعيلت اشوي..كان قابلته وشفت ايش عنده وماعنده...وبعدين تحكم عليه..

مع اني ادري ماقلت شي وطبوو فيك..

الله يعينك ويوفقك

الله يعوض الجميع ان شاء الله وشاكر لك المشاركة اخوي

[عروة]

بيض الله وجهه

لاهو اللي خان الأمانه
ولاهو اللي عصى والده

وفي هالموقف اشوف أن الأستقاله افضل حل
ولااوظف واحد مايستاهل هالوظيفه على حساب من يستاهلها

احيانا تكون هي الحل الوسط وترضى كل الاطراف لا انت كسرت مبادئك ولا انت زعلت حد من جماعتك وشاكر لك المشاركة اخوي

[عروة]

الواسطه شر لا بد منها ...:secret:




الله يكون بعونكـ ...

معوض خيــر يالغالي ... :)

الله يعين الجميع وخصوصا على الشر الى لا بد منه وشاكر لك المشاركة

[مهاجر]

هالمواقف اللي الواحد يتمنى مايطيح فيها

الله يكون في عونك وبيض الله وجهك

[وهم قطر]

مرحبا اخوي عروه الصراحه موضوعك رفع ضغطي شوي
عمي كلمني شوي ولا يبي يعطيني فرصه افهمه السالفه ويسكر في وجهي وابوي مثله والبلا من ولد عمي الي كانه يعطيني امر مش طبيعيين ونت لله يهديك على طول استقلت كان صبرت ورديت البيت وتفاهمت وجها لوجه وبعدين سالفه الاستقاله وانا الي اشوفه من موضوعك انك مارفضت الشخص وش له كل هدوشه وعلى فكره انا رافض استقالتك وفيك البركه ومن عينها عشا ربعه الكرسي مايدوووووم لله لله في اهل البلد وعسى لله يوفقنا وياكِِ

[عروة]

هالمواقف اللي الواحد يتمنى مايطيح فيها

الله يكون في عونك وبيض الله وجهك

ووجهك ابيض وشاكر لك المشاركة


مرحبا اخوي عروه الصراحه موضوعك رفع ضغطي شوي
عمي كلمني شوي ولا يبي يعطيني فرصه افهمه السالفه ويسكر في وجهي وابوي مثله والبلا من ولد عمي الي كانه يعطيني امر مش طبيعيين ونت لله يهديك على طول استقلت كان صبرت ورديت البيت وتفاهمت وجها لوجه وبعدين سالفه الاستقاله وانا الي اشوفه من موضوعك انك مارفضت الشخص وش له كل هدوشه وعلى فكره انا رافض استقالتك وفيك البركه ومن عينها عشا ربعه الكرسي مايدوووووم لله لله في اهل البلد وعسى لله يوفقنا وياكِِ

في الاخير اهل البلد هم الاساس الى يستاهلون ياوهم قطر وشاكر لك المشاركة

[أريج]

اي والله يااخوي الله يكون في عونك

انت في موقف حرج

بس بعد تقديمك الاستقالة قطع لرزق عيالك واسرتك