المساعد الشخصي الرقمي

مشاهدة النسخة كاملة : تظليل الليتات الخلفية


المولع22
22-07-2009, 12:47 AM
السلام عليكم والرحمة

يالربع شحالكم عساكم طيبين

بخصوص الشباب اللي يسوون الليتات الخلفية للمواتر باللون ( الاسود )

طبعا في الدوحة ماعرف احد يسوي الا ( النهدي ) وطبعا شغلة رااااايح فيها من قللللب

ركبت على الرنج وطبعا ليتات الرنج الخلفية بارزة على برى والله ان الجلاد الاسود

خليته يومين وكله قام من مكانه وقال لي معليه مع الشمس بيتعدل وخليته 10 ايام ونفس الشي

وبالنهاية رحت له وقلت له رد الفلوس وشل الجلاد مالك اللي مامنه فايدة

بس انا اشوف في شباب يحطون مادة نفس الصبغ , بس ماتروح بالماي تروح بمادة خاصة

هذي وين يسوونها بالضبط في الدوحة وين يسوونها , أو في البحرين وين ؟؟

لان والله محتاجها ضروري يالربع

بس اهم شي انها ماتغطي الليتات يعني مع البريك او الاشارة تبين مب يختفي بالكامل مثل صبغ البيوت هههههه

والله يعطيكم العافية
مناحي السادس عشر
22-07-2009, 01:07 AM
رنج وتسوي له هالحركات هذي!!!


يازينه شد بلاده



موفق خير يالمولع22
زمن الغدر
22-07-2009, 01:18 AM
اخوي عندك المحل الي جمب الاند مارك الي فيه كرك النعيمي
حق السجلات الاماراتي
فلفل حار
22-07-2009, 03:45 AM
في الدوحه ماشفت الأ محل النهدي ...

هد شغل الدوحه التعبان ...:rolleyes2:

عندكـ بالبحرين يفصلون كفـر بلاستيكـ بالحراره على حجم الأصطاب مهما كان شكله وحجمه ...

في اغلب محلات الزينه عندهم وشكلهم حليوو ويأدون الغرض لو كنت بتركبهم حق طربة شهرين وخلاص ...

ويتركبون وينفكون بسهوله ...وشايف كذا محل زينه يسوي جذي في شارع جد علي التجاري ...



وأذا تبي تغيـر وتتميـز عندهم كراج يفتح لكـ الليت من دخل ويصبغ الخلفيه سوده ومايأثر على البريكـ وليتات الريوس كلشـ ... هالحركه روووعه ...!

ولد خالي كان مسويها على بي أم كوبيـه ... وطالع شــي ما شاء الله عليه ...:nice:

وأي استفسار حاضرين أخـووي ... ^-^
المولع22
22-07-2009, 11:04 AM
ماقصرتو يالربع جزاكم الله خير ,,

اخوي مناحي ,, حلااات الرنج بالليتات السوود , يطلع لك رهيييب

زمن الغدر اشكرك اخوي بجرب واشوف

فلفل حار . اخوي شسم المحل اللي يسوي البلاستك , وبعد شنو المحل اللي يصبغ الليت من داخل

ياريت تعطيني العنوان + الاسم او عالاقل رقم تلفونهم

شكرا لكم

وننتظر باقي الشباب اذا حد يفيدنا بشي
فهد24
22-07-2009, 11:56 AM
لو رنقاتك غامجين بعد ومخفي 30%
بيطلع صج عجيب
يعطيك خيره ويكفيك شره يالغالي
jassas
22-07-2009, 12:21 PM
الكريستال يصبغ لك الليت شايفه مسوي بي ام رش خفيف واضح
المولع22
22-07-2009, 12:49 PM
فهد 24 : نفس ماقلت يالغالي :nice: والله يوفق الجميع ان شاءا لله

كساب : اشكرك اخوي على مرورك

جساس : اشكرك عالمعلومة اخوي

بس كرستال عادي جداً يقول لي الليت الواحد بألف ريال هههههه اذا قيمة الليت الجديد من الوكالة 700 لووول :eek5:

شكرا على مساعدتكم يالربع

ننتظر الشباب اللي مجربين :omen2:
Qtr Denver
22-07-2009, 01:53 PM
عليكم السلام ورحمة الله وبركاته

مرحبا يالغالي

انا دووم اطلب من هذا الموقع
http://www.headlightarmor.com

شغله مرتب .. يطرش لك الجلاد مقصوص على شكل الموتر بالضبط ..وماعليك الا التركيب ..

انا طلبت للأودي وطلع شكله كذا
http://www.headlightarmor.com/08-09-audi-tt-lighting-kits.aspx

تقدر تختار نوع سيارتك من على اليسار وبعدها تحدد موديل سيارتك بعد من على اليسار .. وراح يطلع لك ..

بس تره هذا مو بس جلاد .. هذا حماية وجلاد .. وفي لليتات الأمامية ويكون شفاف على لون الليت ..

اتمنى اني افدتك .. تقبل مروري ..

فمان الله
QaTaR_OnE
22-07-2009, 02:00 PM
عليكم السلام ورحمة الله وبركاته

مرحبا يالغالي

انا دووم اطلب من هذا الموقع
http://www.headlightarmor.com

شغله مرتب .. يطرش لك الجلاد مقصوص على شكل الموتر بالضبط ..وماعليك الا التركيب ..

انا طلبت للأودي وطلع شكله كذا
http://www.headlightarmor.com/08-09-audi-tt-lighting-kits.aspx

تقدر تختار نوع سيارتك من على اليسار وبعدها تحدد موديل سيارتك بعد من على اليسار .. وراح يطلع لك ..

بس تره هذا مو بس جلاد .. هذا حماية وجلاد .. وفي لليتات الأمامية ويكون شفاف على لون الليت ..

اتمنى اني افدتك .. تقبل مروري ..

فمان الله


يعطيك العافيه

بالنسبه للتركيب .. هل هو سهل ؟ ولا لازم اوديه محل ؟

وفي مواد تحتاجها للتركيب
المولع22
22-07-2009, 02:41 PM
تسلم اخوي Qtr Denver

بس للأسف حصلت للرنج بس ماحصلت حق الليتات الخلفية بس للاماميه !!

شكرا لك
Qtr Denver
23-07-2009, 12:42 AM
يعطيك العافيه

بالنسبه للتركيب .. هل هو سهل ؟ ولا لازم اوديه محل ؟

وفي مواد تحتاجها للتركيب

الله يعافيك يالغالي

التركيب الله يسلمك .. انا ركبته بالبيت وكنت احتاج لـ جهاز حرارة لكن استخدم استشوار وضبط معاي ..

اذا ماعرفت له روح حق 3m على خط سلوى وراح يركبه لك :) ..

مواد التركيب تجي معاه .. اللي هو قطعة قماش .. وقطعة بلاستيك لإخراج الهواء


تسلم اخوي Qtr Denver

بس للأسف حصلت للرنج بس ماحصلت حق الليتات الخلفية بس للاماميه !!

شكرا لك

افاا حاولت افيدك بس ماقدرت يالغالي .. لكن انصحك اذا تبغي حق اي سيارة ثانيه لاتاخذ غير هذا ..

عندي لكزس 2007 من يوم ماشريته راكب عليه وللحين ماتحرك من مكانه .. وكذلك الاودي ..